The Phnom Penh Post - KHMER: “ប្រកាសអាសន្នដល់ពលរដ្ឋរស់តាមដងទន្លេងមេគង្គលើ” plus 9 more |
- ប្រកាសអាសន្នដល់ពលរដ្ឋរស់តាមដងទន្លេងមេគង្គលើ
- ដាក់ទោសអ្នករត់ម៉ូតូឌុបម្នាក់ព្រោះរួមភេទជាមួយអនីតិជន
- តុលាការប្រកាសទោសជនល្មើសគ្រឿងញៀន១១នាក់
- ធ្លាក់យន្តហោះដឹកជញ្ជូននៅភាគខាងកើតរុស្ស៊ីស្លាប់១១នាក់
- ធនាគារពិភពលោកបញ្ឈប់ផ្តល់កម្ចីដល់កម្ពុជាព្រោះតែការបណ្តេញពលរដ្ឋចេញទាំងបង្ខំ
- វៀតណាមអនុញ្ញាតឲ្យនាំចូលមាសបន្ថែម ខណៈតម្លៃហក់ឡើងកប់ពពក
- ណូដាផ្អាកប្រកាសបេក្ខភាពសម្រាប់ប្រជែងយកតំណែងមេបក្ស
- សមាជិករ៉កប៊យម្នាក់ថតរឿងឲ្យផលិតកម្មបរទេស
- យីងឡាក់៖ ប្រមុខការទូតមិនមែនជាអតីតឯកអគ្គរាជទូត
- អាជ្ញាធររាជធានីគ្រោងបើកការដ្ឋានសង់ស្តូបកោះពេជ្រនៅថ្ងៃខានស្អែក
| ប្រកាសអាសន្នដល់ពលរដ្ឋរស់តាមដងទន្លេងមេគង្គលើ Posted: 09 Aug 2011 03:43 AM PDT ក្រចេះ, ស្ទឹងត្រែងៈ ជំនន់ទឹកទន្លេមេគង្គក្នុងខេត្តស្ទឹងត្រែង និងខេត្តក្រចេះ នឹងឡើងដល់កំរិតប្រកាសអាសន្ននៅក្នុងរង្វង់បីទៅបួនថ្ងៃខាងមុខ។ នេះបើយោងតាមការព្យាករណ៍របស់ក្រសួងធនធានទឹក និងឧតុនិយមនៅថ្ងៃអង្គារនេះ។ |
| ដាក់ទោសអ្នករត់ម៉ូតូឌុបម្នាក់ព្រោះរួមភេទជាមួយអនីតិជន Posted: 09 Aug 2011 03:38 AM PDT ភ្នំពេញៈ តុលាការរាជធានីភ្នំពេញ នៅថ្ងៃអង្គារនេះ បានកាត់ទោសបុរសម្នាក់ ឲ្យជាប់ពន្ធនាគារ ៥ឆ្នាំ និងពិន័យជាប្រាក់ ៥លានរៀន ក្រោមការចោទប្រកាន់ពីបទរួមភេទជាមួយអនីតិជនកាលពីឆ្នាំ២០០៩ នៅរាជធានីភ្នំពេញ។ |
| តុលាការប្រកាសទោសជនល្មើសគ្រឿងញៀន១១នាក់ Posted: 09 Aug 2011 03:27 AM PDT ភ្នំពេញៈ សាលាដំបូងរាជធានីភ្នំពេញ នៅថ្ងៃអង្គារនេះ បានកាត់ទោសមនុស្ស ១១នាក់ឲ្យជាប់ពន្ធនាគារពី ១ឆ្នាំ ដល់ ៧ឆ្នាំ និងពិន័យជាប្រាក់ម្នាក់ចន្លោះ ១លានរៀល ទៅ ១៣លានរៀល ក្រោមការចោទប្រកាន់ពីបទជួញដូរ ចែកចាយ និងប្រើប្រាស់គ្រឿងញៀននៅភ្នំពេញ។ |
| ធ្លាក់យន្តហោះដឹកជញ្ជូននៅភាគខាងកើតរុស្ស៊ីស្លាប់១១នាក់ Posted: 09 Aug 2011 03:16 AM PDT មូស្គូៈ យន្តហោះដឹកជញ្ជូនមួយគ្រឿង បានធ្លាក់នៅតំបន់កូលីម៉ា ស្ថិតនៅចុងភាគខាងកើតប្រទេសរុស្ស៊ី នៅថ្ងៃអង្គារនេះ ដោយបានផ្តាច់ជីវិតមនុស្ស ១១នាក់ បន្ទាប់ពីវាបានបាត់ខ្លួនចេះពីផ្ទាំងរ៉ាដា។ នេះដោយយោងតាមទីភ្នាក់ងារព័ត៌មានរដ្ឋរុស្ស៊ី RIA Nonosti ដែលបានដកស្រង់សម្តីរបស់មន្ត្រីដឹកជញ្ជូនម្នាក់។ |
| ធនាគារពិភពលោកបញ្ឈប់ផ្តល់កម្ចីដល់កម្ពុជាព្រោះតែការបណ្តេញពលរដ្ឋចេញទាំងបង្ខំ Posted: 09 Aug 2011 02:49 AM PDT  ភ្នំពេញៈ ធនាគារពិភពលោក បាននិយាយនៅថ្ងៃអង្គារនេះថា ខ្លួនបានបញ្ឈប់ផ្តល់ប្រាក់កម្ចីទៅឲ្យប្រទេសកម្ពុជាហើយ ហើយនឹងមិនចាប់ផ្តើមផ្តល់ប្រាក់កម្ចីឡើងវិញទេ លុះត្រាតែរដ្ឋាភិបាលប្រទេសនេះ ធ្វើអ្វីៗគ្រប់យ៉ាងដើម្បីជួយដល់មនុស្សរាប់រយគ្រួសារ ដែលកំពុងប្រឈមមុខនឹងការបណ្តេញចេញពីដីធ្លីនៅជុំវិញបឹងមួយនៅ កណ្តាលរាជធានីភ្នំពេញ។ |
| វៀតណាមអនុញ្ញាតឲ្យនាំចូលមាសបន្ថែម ខណៈតម្លៃហក់ឡើងកប់ពពក Posted: 09 Aug 2011 02:12 AM PDT  ហាណូយៈ ធនាគារកណ្តាលវៀតណាម បាននិយាយនៅថ្ងៃអង្គារនេះថា ខ្លួនបានអនុញ្ញាតឲ្យបណ្តាក្រុមហ៊ុនក្នុងស្រុកនាំចូលមាសចំនួន ៥តោន ដើម្បីជួយរក្សាស្ថិរភាពទីផ្សារក្នុងស្រុក និងផ្គត់ផ្គង់តម្រូវការរូបិយវត្ថុមានតម្លៃក្នុងប្រទេស ខណៈតម្លៃមាសបានហក់ឡើងដល់តម្លៃខ្ពស់បំផុតនៅក្នុងរយៈពេល ប៉ុន្មានថ្ងៃចុងក្រោយនេះ។ |
| ណូដាផ្អាកប្រកាសបេក្ខភាពសម្រាប់ប្រជែងយកតំណែងមេបក្ស Posted: 09 Aug 2011 01:56 AM PDT  តូក្យូៈ រដ្ឋមន្ត្រីហិរញ្ញវត្ថុជប៉ុន លោក យ៉ូហ្ស៊ីហ៊ីកូ ណូដា បានផ្អាកផែនការប្រកាសនៅថ្ងៃអង្គារនេះ នូវការឈរឈ្មោះប្រកួតប្រជែងតំណែងជំនួសលោកនាយករដ្ឋមន្ត្រីធ្លាក់ ប្រជាប្រិយភាព ណាអូតូ កាន់ ដោយលោកលើកឡើងថា លោកនឹងផ្តោតអារម្មណ៍សំខាន់ទៅលើការប្រយុទ្ធប្រឆាំងនឹងចលាចល ទីផ្សារហិរញ្ញវត្ថុសកលលោក។ |
| សមាជិករ៉កប៊យម្នាក់ថតរឿងឲ្យផលិតកម្មបរទេស Posted: 09 Aug 2011 01:35 AM PDT  ភ្នំពេញៈ សមាជិកចម្រៀងមួយរូបនៅក្នុងក្រុម រ៉ក់ប៊យ ( Rock Boy) របស់ផលិតកម្មរ៉ក់ ដែលកំពុងច្បាមយកប្រជាប្រិយភាពតាមរយៈបទ «ស្នេហ៍អមតៈ» លោក លំ សុក្រិត បានធ្វើឲ្យមានភ្ញាក់ផ្អើលយ៉ាងខ្លាំង នៅពេលដែលស្ងាត់ៗលោកត្រូវបានក្រុមហ៊ុនផលិតខ្សែភាពយន្តខ្នាត អន្តរជាតិរបស់បរទេស ជ្រើសរើសឲ្យលោកដើរតួនៅក្នុងរឿង The Big Mistake ជាមួយនឹងតួឯកស្រីជាជនជាតិចិនម៉ាឡេស៊ី។ |
| យីងឡាក់៖ ប្រមុខការទូតមិនមែនជាអតីតឯកអគ្គរាជទូត Posted: 09 Aug 2011 01:09 AM PDT  បាងកកៈ នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា នៅថ្ងៃអង្គារនេះ បានទាត់ចោលនូវសេចក្តីរាយការណ៍នានាថា លោកស្រីបានជ្រើសរើសអតីតអគ្គរាជទូតថៃម្នាក់ ឲ្យកាន់តំណែងជាប្រមុខការទូតរបស់ប្រទេសនេះ។ |
| អាជ្ញាធររាជធានីគ្រោងបើកការដ្ឋានសង់ស្តូបកោះពេជ្រនៅថ្ងៃខានស្អែក Posted: 09 Aug 2011 12:39 AM PDT  ភ្នំពេញៈ សាលារាជធានីភ្នំពេញ គ្រោងនឹងបើកការដ្ឋាននាថ្ងៃព្រហស្បតិ៍ ទី១១ ខែសីហានេះ ដើម្បីសាងសង់ស្តូបរំលឹកវិញ្ញាណក្ខន្ធ ដល់ជនរងគ្រោះកោះពេជ្រ ជិត១ឆ្នាំក្រោយពីមនុស្សយ៉ាងតិច ៣៥២នាក់ បានស្លាប់បង់ជីវិតនៅក្នុងឧបទ្ទវហេតុនៅលើស្ពានពេជ្រ កាលពីរាត្រីថ្ងៃទី២២ ខែវិច្ឆិកា ឆ្នាំ២០១០។ |
| You are subscribed to email updates from ដំណឹងថ្មីបំផុត To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
