VOA News: ព័ត៌មាន: “ព័ត៌មានអន្តរជាតិវីអូអេ ៧ មករា យប់” plus 2 more |
- ព័ត៌មានអន្តរជាតិវីអូអេ ៧ មករា យប់
- ព័ត៌មានអន្តរជាតិវីអូអេ ៧ មករា ព្រឹក
- អ្នកវិភាគ៖ ជម្លោះនយោបាយខ្មែរគួរចប់ក្នុងឆ្នាំថ្មី
| ព័ត៌មានអន្តរជាតិវីអូអេ ៧ មករា យប់ Posted: 07 Jan 2012 07:13 AM PST ស.រ.អ.៖ ប៉ុន្មានថ្ងៃក្រោយពីប្រទេសអ៊ីរ៉ង់បានព្រមានកងនាវា ស.រ.អ. កុំឱ្យវិលត្រទ្បប់ទៅកាន់ឈូងសមុទ្រពឺស (Perse) វិញ នាវាមួយគ្រឿងនៃកងទ័ពជើងទឹក ស.រ.អ. បានជួយសង្គ្រោះជនជាតិអ៊ីរ៉ង់១៣នាក់់ ដែលត្រូវបានចាប់ជាចំណាប់ខ្មាំងដោយពួកចោរសមុទ្រនៅក្នុងសមុទ្រអារ៉ាប់ ។ ស៊ីរី៖ ការបំផ្ទុះគ្រាប់បែកអត្តឃាតមួយបានកើតមានទ្បើងនៅកន្លែងផ្លូវប្រសព្វគ្នាដ៏មមាញឹកមួយក្នុងរដ្ឋធានីនៃប្រទេសស៊ីរីកាលពីថ្ងៃសុក្រ បណ្តាលឱ្យមនុស្ស២៥នាក់ស្លាប់ និងមានមនុស្សយ៉ាងតិចណាស់៤៦នាក់ទៀតត្រូវរបួស។ ស.រ.អ.៖ ចៅក្រម ស.រ.អ. ម្នាក់បានពន្យាពេលការកាត់ទោសបុរសជនជាតិនីហ្សេរីយ៉ា (Nigeria) ម្នាក់ដែលគេស្គាល់ថាជា «អ្នកដាក់គ្រឿងផ្ទុះក្នុងខោទ្រនាប់» ក្នុងគោលដំណងធ្វើឱ្យផ្ទុះយន្តហោះមួយគ្រឿងដែលបានធ្វើដំណើរមកកាន់ ស.រ.អ.។ ស.រ.អ.៖ រដ្ឋបាលលោកអូបាម៉ាបានពង្រីកនិយមន័យនៃការរំលោភសេពសន្ធវៈ ដោយមានរួមបញ្ចូលពួកបុរស និងប្រភេទជាច្រើនទៀតនៃសកម្មភាពសេពសន្ធវៈ ដើម្បីខិតខំប្រឹងប្រែងប្រមូលទិន្នន័យត្រឹមត្រូវឱ្យបានច្រើនជាងមុន។ This posting includes an audio/video/photo media file: Download Now |
| ព័ត៌មានអន្តរជាតិវីអូអេ ៧ មករា ព្រឹក Posted: 07 Jan 2012 08:00 AM PST អ៊ឺរ៉ុប៖ ដោយមានការបន្តការភ័យខ្លាចអំពីវិបត្តិបំណុលអឺរ៉ុប អង្គការមូលនិធិរូបីយវត្ថុអន្តរជាតិប្រាប់ឲ្យដឹងថាខ្លួននឹងបញ្ចុះការព្យាករណ៍នៃការរីកលូតលាស់សេដ្ឋកិច្ចសកលលោកសម្រាប់ឆ្នាំ២០១២។ ស៊ីរី៖ ការផ្ទុះគ្រាប់បែកអត្តឃាតុនៅតំបន់ពាណិជ្ជកម្មដ៏មមាញឹកមួយក្នុងរដ្ឋធានីដាម៉ាសនៃប្រទេសស៊ីរីកាលពីថ្ងៃសុក្របានសម្លាប់មនុស្ស២៥នាក់ ហើយនិងធ្វើឲ្យមនុស្សយ៉ាងតិចណាស់៤៦នាក់ផ្សេងទៀតរងរបួស។ នីហ្សេរីយ៉ា៖ មានមនុស្សយ៉ាងហោចណាស់ក៏១៧នាក់ត្រូវបានគេបាញ់សម្លាប់ដោយពួកប្រដាប់អាវុធមិនស្គាល់អត្តសញ្ញាណនៅក្នុងស្រុក មូប៊ី នៃរដ្ឋ អាដាម៉ាវ៉ា នៅជិតព្រំដែនជាមួយកាមេរូន។ ហ្វាំងឡុង៖ បានអនុញ្ញាតិឲ្យនាវាអង់គ្លេស ថូរ ឡីប៊ឺធី ដែលផ្ទុកទៅដោយកាំជ្រួចផ្លោងមីស៊ីលផាទ្រីយ៉ូត៦៩ដើមចាកចេញពីកំពង់ផែបន្តដំណើររបស់ខ្លួនតាមការគ្រោងទុកពីប្រទេសអាល្លឺម៉ង់ទៅកាន់ប្រទេសកូរ៉េខាងត្បូងបន្ទាប់ពីសម្រេចថាគ្មានអ្វីខុសដែលពាក់ព័ន្ធនឹងការដឹកជញ្ជូននេះទេ។ តួកគី៖ លោក អ៊ីលគឺ បាសបឹក អតីតប្រធានយោធារបស់ប្រទេសតួកបានត្រូវចាប់ខ្លួនកាលពីថ្ងៃសុក្រលើបទចោទប្រកាន់ពីការរៀបចំផែនការផ្តួលរំលំលោកនាយករដ្ឋមន្រ្តី រីស្សេប តៃយីផ អ៊ឺដូកាន(Recep Tayyip Erdogan) រដ្ឋាភិបាលនៃប្រទេសតួគី។ សហរដ្ឋអាមេរិក៖ អត្រាអត់ការងារធ្វើ បានធ្លាក់ដល់ត្រឹម8,5ភាគរយកម្រិតទាបបំផុតចាប់តាំងពីឆ្នាំ២០០៩មក នៅខណៈពេលដែលសេដ្ឋកិច្ចសហរដ្ឋអាមេរិក បានបង្កើនការងារចំនួន២សែននៅក្នុងខែធ្នូ។ សហរដ្ឋអាមេរិក៖ការស្ទង់មត្តិការបោះឆ្នោតថ្មីមួយបង្ហាញថាលោក មីត រ៉ូមនី អតីតអភិបាលរដ្ឋម៉ាស្សាជូសេត្តស៍ ដែលទទួលបានការគាំទ្រ៤០ភាគរយ កំពុងរក្សាការនាំមុខក្នុងចំណោមបេក្ខជនប្រធានាធិបតីខាងគណបក្សសាធារណរដ្ឋដែលប្រកួតប្រជែងគ្នានៅក្នុងរដ្ឋ ញូវ ហេមសៀ។ ស៊ូដង់៖ បានចាប់ផ្តើមកិច្ចប្រតិបត្តិការណ៍ជំនួយមនុស្សធម៌ដ៏ធំមួយក្នុងរដ្ឋចងឡេ នៃប្រទេសស៊ូដង់ខាងត្បូង ដែលជាទីកន្លែងការប្រយុទ្ធរបស់កុលសម្ព័ន្ធបានសម្លាប់មនុស្សមួយចំនួនហើយនឹងធ្វើឲ្យមនុស្សរាប់ម៉ឺននាក់គ្មានកន្លែងរស់នៅ។ សហរដ្ឋអាមេរិក៖ នាវាចំបាំងសហរដ្ឋអាមេរិកមួយគ្រឿង បានជួយសង្គ្រោះជនជាតិអ៊ីរ៉ង់១៣នាក់ដែលត្រូវពួកចោរសមុទ្រចាប់ធ្វើជាចំណាប់ខ្មាំងនៅក្នុងសមុទ្រអារ៉ាប់។ ជប៉ុន៖ អ្នកមានជិវិត៣នាក់ពីទូកនេសាទដែលជួបគ្រោះថ្នាក់ត្រូវបានគេជួយសង្គ្រោះនៅផ្ទៃទឹកភាគខាងលិចឆ្នេរសមុទ្រជប៉ុន។ <!--AV--> This posting includes an audio/video/photo media file: Download Now |
| អ្នកវិភាគ៖ ជម្លោះនយោបាយខ្មែរគួរចប់ក្នុងឆ្នាំថ្មី Posted: 06 Jan 2012 03:20 PM PST ក្រុមអ្នកវិភាគចង់ឃើញគណបក្សនយោបាយក្នុងប្រទេសកម្ពុជាបញ្ចប់ជម្លោះនយោបាយនៅឆ្នាំថ្មីនេះ ហើយរួមគ្នាធ្វើការដើម្បីផលប្រយោជន៍ប្រទេស។ ដំណោះស្រាយនយោបាយមួយទាក់ទងនឹងពិរុទ្ធភាពមេដឹកនាំគណបក្សជំទាស់ លោកសម រង្ស៉ី មិនទាន់កើតឡើងទេជុំវិញបញ្ហាដកតម្រុយបង្គោលព្រំដែនកម្ពុជាវៀតណាមកាលពីឆ្នាំ២០០៩នៅខេត្តស្វាយរៀងជាប់ព្រំដែននៃប្រទេសវៀតណាម។ ក្រុមមេដឹកនាំគណបក្សគ្រប់គ្រងប្រទេសចាត់ទុកថា ករណីលោក សម រង្ស៉ីដកតម្រុយបង្គោលព្រំដែនជារឿងរបស់តុលាការនៅពេលរដ្ឋាភិបាល ព្យាយាមបោះបង្គោលដើម្បីបញ្ចប់បញ្ហាព្រំដែនជាមួយវៀតណាម។ តែមេដឹកនាំគណបក្សសម រង្ស៉ីចាត់ទុកថា នេះជារឿងនយោបាយដែលលោកគ្រាន់តែធ្វើ កិច្ចការបម្រើប្រជាពលរដ្ឋបុណ្ណោះ។ ក្រុមអ្នកវិភាគបានលើកឡើងថាអ្នកនយោបាយត្រូវថ្លឹងថ្លែងរវាងការផាត់ចោលមេដឹកនាំក្រុមជំទាស់ និងការរីកចម្រើនរបស់ប្រទេសទាំងប្រជាធិបតេយ្យនិងការកោតសរសើរនិងការវាយតម្លៃខ្ពស់ពីអន្តរជាតិ។ ពួកគេបានទទូចថា មេដឹកនាំនយោបាយគួរបញ្ចប់ជម្លោះនយោបាយហើយសាមគ្គីគ្នាដើម្បីការរីកចម្រើនរបស់ប្រទេសនិងមុខមាត់ប្រទេសក្នុងឆាកអន្តរជាតិ។ លោកស្រី ពុង ឈីវហ្គេច នាយិកាអង្គការសិទ្ធិមនុស្សលីកាដូបានអះអាងថា នៅក្នុងឆ្នាំថ្មីនេះ លោកស្រីចង់ឃើញគណបក្សនយោបាយធ្វើការជាមួយគ្នាដើម្បី អភិវឌ្ឍន៍ប្រទេសជាតិជាជាងការទាស់គ្នា។ «ទាំងអស់គ្នាចាប់ដៃគ្នាយកផលប្រយោជន៍របស់ប្រទេសជាតិមកដាក់ពីមុខទៅ ធ្វើការជាមួយគ្នា មានការយោគយល់គ្នា ការគោរពសិទ្ធិគ្នាទៅវិញទៅមក ការគោរពច្បាប់ ដើម្បីអ្វី? ដើម្បីផលប្រយោជន៍ប្រទេសជាតិធំ។ រុញឲ្យប្រទេសហ្នឹងអភិវឌ្ឍទៅ។ ដល់អញ្ចឹងប្រជាពលរដ្ឋក៏មានជីវភាពល្អ ខាងរដ្ឋាភិបាលក៏គេ ស្រឡាញ់។ ឈ្មោះក៏ល្អខាងក្រៅទៅ»។ លោកស្រីបានអះអាងថា នៅបណ្តាប្រទេសអ៊ីរ៉ុបមួយចំនួន អ្នកនយោបាយទាស់ទែងគ្នាខ្លាំង មានគំនិតខ្វែងគ្នាតែក្នុងពេលបោះឆ្នោតទេ តែពេលចប់ទៅគេធ្វើការរួមគ្នា បង្កើតស្ថានភាពល្អជាមួយគ្នា ពិភាក្សាដេញដោលគ្នានៅក្នុងសភាដើម្បីអនាគតប្រទេសជាតិ។ លោកស្រីពុង ឈីវហ្កេច បានសម្តែងការសោកស្តាយដែលប្រទេសកម្ពុជាមានវិវាទនយោបាយរវាងអ្នកនយោបាយធ្វើឲ្យប្រទេសមានបញ្ហាខាងស្ថេរភាពនយោបាយ។ គណបក្សនយោបាយធំៗពីរគឺ គណបក្សប្រជាជនកម្ពុជានិងគណបក្សសម រង្ស៉ី ដែលមានទម្ងន់ប្រកួតប្រជែងគ្នាបាននៅក្នុងការបោះឆ្នោតខាងមុខជាបន្តបន្ទាប់នេះ។ តែមេដឹកនាំក្រុមជំទាស់លោក សម រង្ស៉ីបន្តនៅនិរទេសខ្លួនជិត៣ឆ្នាំហើយ ដោយសារការដកតម្រុយបង្គោលព្រំដែនរវាងកម្ពុជាវៀតណាម ដែលតុលាការកាត់ទោសឲ្យលោកជាប់គុកជាង១០ឆ្នាំ។ អ្នកវិភាគខ្លះនិយាយថា បញ្ហាព្រំដែននេះពិបាកនឹងត្រូវរ៉ូវគ្នាដោយសារការដណ្តើមប្រជាប្រិយភាពលើបញ្ហាព្រំដែន វាជ្រុលខ្លាំងពេក។ លោក ហង្ស ឆាយា នាយកនៃវិទ្យាស្ថានខ្មែរសម្រាប់លទ្ធិប្រជាធិបតេយ្យ បានអះ អាងថា គណបក្សនយោបាយទាំងអស់រួមគ្នាពេលនោះអាចនាំមកនូវការរីកចម្រើន ការអភិវឌ្ឍ។ លោកអះអាងថា កម្ពុជាគួរធ្វើយ៉ាងណាកុំឲ្យគេមើលឃើញថា នៅតែខ្សោយក្នុងរឿងបញ្ហានយោបាយក្នុងស្រុក។ ប្រទេសនេះគួរតែមានរបបសេរីពហុបក្ស សេរីភាពបញ្ចេញមតិ ស្ថេរភាពដូចដែលកម្ពុជាបានចុះហត្ថេខាជាមួយអន្តរជាតិ។ លោកបានទទូចថានៅឆ្នាំថ្មីនេះ កម្ពុជាត្រូវពិនិត្យសម្រេចថា តើកម្ពុជាត្រូវធ្វើដូចជាវៀតណាមនិងឡាវដែលជាប្រទេស កុំម្មុយនិស្ត ឬក៏ត្រូវធ្វើទៅតាមប្រជាធិបតេយ្យ? «ព្រោះខ្ញុំជឿថា យើងអាចធ្វើបានបើយើងឈប់ពាក់មុខយក្សដាក់គ្នា។ មានន័យថា គណបក្សទាំងអស់ហ្នឹងធ្វើការជាមួយគ្នា។ នេះហើយដែលយើងចង់បាន»។ ទាំងលោកស្រីពុង ឈីវហ្កេច និងលោក ហង្ស ឆាយា បានអះអាងស្រដៀងគ្នា ថាការចូលរួមពីគណបក្សជំទាស់ជារឿងសំខាន់ណាស់ដើម្បីឲ្យមានប្រព័ន្ធ ផ្ទៀងផ្ទាត់ ហើយប្រសិនបើគ្មានគណបក្សជំទាស់ចូលរួមដើម្បីផ្តល់យោបល់ កែតម្រូវរដ្ឋាភិបាលទេ គ្មានសង្គមស៊ីវិលចូលរួមទេនោះ វាជាការពិបាកនឹងឲ្យ អន្តរជាតិចូលរួមធ្វើការជាមួយកម្ពុជា។ ក្រុមអ្នកវិភាគបានអះអាងដែរថា កម្ពុជាមានការបែកបាក់យ៉ាងខ្លាំង ហើយដែលមិនគួរបន្តកើតមានទៀតទេ។ លោកនាយករដ្ឋមន្ត្រី ហ៊ុន សែន ធ្លាប់បានបញ្ជាក់ឲ្យដឹងពីជំហររបស់លោកខ្លះៗ អំពីរឿងដោះស្រាយបញ្ហាផ្ទៃក្នុងកម្ពុជា។ លោកអះអាងជាសាធារណៈកាលពីពាក់កណ្តាលឆ្នាំទៅថា ទោះជាមានការមិនពេញចិត្តជាមួយគ្នារឿងអ្វីក៏ដោយអ្នកនយោបាយខ្មែរត្រូវដោះស្រាយដោយការនិយាយគ្នាល្អជាជាងការកាប់ចាក់បង្កជម្លោះហឹង្សា។ «ខ្ញុំព្រះករុណាខ្ញុំចង់បញ្ជាក់ហើយបញ្ជាក់ទៀតថា ដោះស្រាយជាមួយគ្នាក្នុងឋានៈជាជនជាតិខ្មែរជាមួយគ្នា។ ប្រទេសយើងធ្លាប់បែកបាក់រ៉ាំរ៉ៃ មិនមែនរាប់ទសវត្សទេ បើនិយាយពីរឿងចម្បាំងវិញខ្មែរវ៉ៃគ្នា»។ ទាំងក្រុមអ្នកវិភាគក្នុងប្រទេសនិងបណ្តាប្រទេសមួយចំនួនចង់ឃើញមេដឹកនាំ គណបក្សសម រង្ស៉ី គឺលោក សម រង្ស៉ី បានចូលមកកាន់ប្រទេសកម្ពុជាវិញដើម្បី ចូលរួមការបោះឆ្នោត ដើម្បីឲ្យប្រទេសកម្ពុជាមានការទទួលស្គាល់តាមច្បាប់គតិយុត្តិត្រឹមត្រូវ។ ក្រុមអ្នកវិភាគបានអះអាងថា ពួកគេចង់ឃើញដំណោះស្រាយលើបញ្ហាទំនាស់ដីធ្លី បញ្ហាបណ្តេញពីលំនៅដ្ឋាន បញ្ហាគោរពសិទ្ធិមនុស្ស និងបញ្ហាគោរពច្បាប់ផ្សេងៗទៀត៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
