VOA News: ព័ត៌មាន: “អ្នកភូមិបឹងកក់ជួបជុំគ្នានៅទិវាសិទ្ធិមនុស្សអន្តរជាតិលើកទី៦៣” plus 2 more
VOA News: ព័ត៌មាន: “អ្នកភូមិបឹងកក់ជួបជុំគ្នានៅទិវាសិទ្ធិមនុស្សអន្តរជាតិលើកទី៦៣” plus 2 more |
- អ្នកភូមិបឹងកក់ជួបជុំគ្នានៅទិវាសិទ្ធិមនុស្សអន្តរជាតិលើកទី៦៣
- ស្ថាដៃគំនូរទំនើបរបស់ខ្មែរត្រូវបានដាក់តាំងនៅភ្នំពេញ
- ព័ត៌មានអន្តរជាតិវីអូអេ ១០ ធ្នូ
| អ្នកភូមិបឹងកក់ជួបជុំគ្នានៅទិវាសិទ្ធិមនុស្សអន្តរជាតិលើកទី៦៣ Posted: 10 Dec 2011 07:40 AM PST នៅថ្ងៃសៅរ៍នេះ អ្នកភូមិបឹងកក់បានប្រមូលផ្តុំគ្នាដើម្បីប្រារព្ធទិវាសិទ្ធិមនុស្សអន្តរជាតិស្របពេលដែលក្រុមអង្គការសង្គមស៊ីវិលព្រមទាំងលោកសូរិយា ប្រាសាតស៊ូបេឌី អ្នករាយការណ៍ពិសេសផ្នែកសិទ្ធិមនុស្សទទួលបន្ទុកកម្ពុជាបានចូលរួមដើរក្បួនដោយសន្តិវិធីចេញពីអាគាររដ្ឋសភាទៅទីលានប្រជាធិបតេយ្យដើម្បីរៀបចំទិវាសទ្ធិមនុស្សអន្តរជាតិលើកទី៦៣។ ពិធីនេះ មានការចូលរួមពីអង្គការសង្គមស៊ីវិល តំណាងស្ថានទូត តំណាងព្រះមហាក្សត្រ រដ្ឋាភិបាល និងមន្ត្រីគណបក្សនយោបាយរាប់ពាន់នាក់។ ក្រុមអ្នកចូលរួមបានស្លៀកពាក់ពណ៌ខ្មៅ នឹងមានផ្កាពណ៌ក្រហមចងនៅលើសក់ដើម្បីកាន់ទុក្ខអ្នកស្រីជា តារា ដែលបានស្លាប់បាត់បង់ជីវិត ដោយសារតែការធ្វើអត្តឃាតលោតពីលើស្ពានជ្រោយចង្វា កាលពីចុងខែវិច្ឆិកា កន្លងទៅនេះ។ នេះបើតាមការបញ្ជាក់ពីអ្នកភូមិបឹងកក់។ អ្នកស្រី ណុន សុខេង ប្រជាពលរដ្ឋនៅតំបន់បឹងកក់បាននិយាយថា ប្រជាពលរដ្ឋបឹងកក់ចង់ឲ្យរដ្ឋាភិបាលបញ្ឈប់ការបណ្តេញប្រជាពលរដ្ឋដែលរស់នៅតំបន់បឹងកក់ចេញដោយបង្ខំ និងប្រគល់ប្លង់ម្ចាស់កម្មសិទ្ធិដីធ្លីដល់ប្រជាពលរដ្ឋដែលនៅសេសសល់ក្រោយពីលោកនាយករដ្ឋមន្ត្រីហ៊ុន សែន បានធ្វើប្រទានកម្មដីទំហំជាង១២ហិកតាដល់ប្រជាពលរដ្ឋ។ «ប្រជាពលរដ្ឋបឹងកក់ គាត់ធ្វើទិវាសិទ្ធិមនុស្សលើកទី៦៣ហ្នឹង ព្រោះអីគាត់ចង់រំលឹកការរំលោភសិទ្ធិ ប្រជាពលរដ្ឋនៅតំបន់បឹងកក់ហ្នឹង។ មានជាសិទ្ធិលំនៅស្ថាន សិទ្ធិអីហ្នឹង។ ការវាយទៅលើស្ត្រី ទៅលើកុមារអី។ ខុសច្បាប់រដ្ឋធម្មនុញ្ញ»។ អ្នកស្រី គង់ ចាន់ថា រស់នៅភូមិ២៤ ដែលបានជាប់ចោទក្នុងបណ្តឹងរបស់តុលាការបានទទួចឲ្យតុលាការលើកលែងការចោទប្រកាន់ប្រជាពលរដ្ឋនៅតំបន់បឹងកក់។ «មានតែតុលាការទេដែលរកយុត្តិធម៌ឲ្យពួកខ្ញុំ។ គាត់មុនឃាត់ខ្លួនពួកខ្ញុំ គាត់នឹងត្រូវផ្ទៀងផ្ទាត់មើល តើនឹងត្រូវចូលនៅក្នុងពន្ធនាគារដែរ ឬអត់។ ខ្ញុំមានតែតុលាការទេ ដែលរកយុត្តិធម៌ឲ្យពួកខ្ញុំ។ ខ្ញុំនឹងជឿចិត្ត ហើយនឹងពួកខ្ញុំលឺសូរគេនិយាយប្រព័ន្ធតុលាការនេះ នៅស្រុកខ្មែរនេះ គ្មានយុត្តធម៌ទេ សម្រាប់ប្រជាពលរដ្ឋដែលគ្មានអំណាច ហើយគ្មានទឹកលុយនោះ»។ ក្នុងខណៈពេលដែលអង្គការសង្គមស៊ីវិលមួយចំនួន កំពុងប្រារព្ធទិវាសិទ្ធិមនុស្សអន្តរជាតិ សាលាក្រុងភ្នំពេញបានយកពេលវេលានេះទៅធ្វើពិធីប្រគល់វិញ្ញាបនបត្រសម្គាល់អចលនវត្ថុ ដល់ប្រជាពលរដ្ឋជំហានទី១ ចំនួនជាង២០០គ្រួសារទៅវិញ។ ប្រជាពលរដ្ឋដែលមកទទួលវិញ្ញាបនបត្រនេះ មានចំនួនបីភូមិគឺភូមិ២៣ ២៤ និងភូមិទី៦។ ក្រុមប្រជាពលរដ្ឋនៅតំបន់បឹងកក់ បានចោទប្រកាន់អាជ្ញាធរក្រុងភ្នំពេញថា ការរៀបចំពិធីប្រគល់អចលនវត្ថុនេះ ដើម្បីបំបែកកម្លាំងប្រជាពលរដ្ឋមិនឲ្យជួបប្រជុំធ្វើពិធីប្រារព្ធទិវាសិទ្ធិមនុស្សអន្តរជាតិ។ លោក កែប ជុតិមា អភិបាលក្រុងភ្នំពេញបាននិយាយយ៉ាងខ្លីថាមូលហេតុដែលសាលាក្រុងភ្នំពេញធ្វើពិធីនៅថ្ងៃសៅរ៍នេះ ដោយសារតែថ្ងៃនេះ ប្រជាពលរដ្ឋនៅតំបន់បឹងកក់ ភាគច្រើនជាមន្ត្រីរាជការ ដែលបានឈប់សម្រាកពីការងារ។ លោកបានមានប្រសាសន៍ថា សម្រាប់ប្រជាពលរដ្ឋដែលរស់នៅតាមមាត់បឹងនឹងមិនមានចំណែកដីនៅក្នុងដីទំហំជាង១២ហិកតានោះទេ។ ប្រជាពលរដ្ឋនៅតំបន់បឹងកក់ ប្រមាណបួននាក់ កំពុងជាប់បណ្តឹងក្តីក្តាំងនៅក្នុងផ្លូវតុលាការដោយសារតែការទាមទារសិទ្ធិរស់នៅពីការបណ្តេញចេញដោយបង្ខំនេះ។ លោកសូរិយា ប្រាសាតស៊ូបេឌី អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជា បានមានប្រសាសន៍នៅទីលានប្រជាធិបតេយ្យថា កម្ពុជាត្រូវគេមើលឃើញថាមានការអភិវឌ្ឍរីកចម្រើន ក៏ប៉ុន្តែការអភិវឌ្ឍនេះត្រូវតែមានការគោរពសិទ្ធិមនុស្ស។ ក្រុមអង្គការសង្គមស៊ីវិលបានចេញសេចក្តីថ្លែងការណ៍មួយនៅថ្ងៃសៅរ៍នេះថា កម្ពុជា មានចំណុចព្រួយបារម្ភជាច្រើនដែលពាក់ព័ន្ធទៅនឹងការគោរពសិទ្ធិមនុស្សរួមមានភាពយឺតយ៉ាវក្នុងការកែទម្រង់ប្រព័ន្ធតុលាការឲ្យឯករាជ្យ មានការកើនឡើងនៅការរំលោភដីធ្លី និងការបណ្តេញប្រជាពលរដ្ឋដោយបង្ខំចេញពីលំនៅស្ថាន ការគំរាមគំហែង និងការរើសអើងប្រឆាំងនឹងសកម្មជនការពារសិទ្ធិមនុស្ស និងអ្នកសម្តែងមតិខុសគ្នាៗចំពោះរដ្ឋាភិបាលតាមរយៈការប្រើប្រាស់យន្តការតុលាការ និងការពង្រួញសិទ្ធិសេរីភាពក្នុងការបញ្ចេញមតិ ហើយនឹងការបញ្ចេញមតិសាធរណៈជាដើម៕ This posting includes an audio/video/photo media file: Download Now |
| ស្ថាដៃគំនូរទំនើបរបស់ខ្មែរត្រូវបានដាក់តាំងនៅភ្នំពេញ Posted: 10 Dec 2011 08:53 AM PST ការអភិវឌ្ឍសង្គម និងភាពជូរចត់ដែលប្រជាពលរដ្ឋកម្ពុជាជួបប្រទះ បានក្លាយជាប្រធានបទរបស់វិចិត្រករទំនើបមួយរូប ដែលលោកបានបង្ហាញតាមរយៈផ្ទាំងគំនូរដ៏ស្មុគ្រស្មាញរបស់ខ្លួន ប៉ុន្ដែគំនូរទាំងនេះពេញដោយអត្ថន័យបង្កប់យ៉ាងជ្រៅ បែបរិះគន់ និងបែបតថនិយម។ ផ្ទាំងគំនូរដែលមានទិដ្ឋភាពចម្រុះចំនួន១៨ផ្ទាំងត្រូវបានដាក់តាំងក្នុងពិព័រណ៍មួយនៅភោជនីយដ្ឋានមួយក្បែរព្រះបរមរាជវាំងក្នុងក្រុងភ្នំពេញរយៈពេលពេញមួយខែដោយគិតថ្លៃចាប់ពីថ្ងៃព្រហស្បតិ៍ទី៨ ខែធ្នូនេះតទៅ។ លោក ឈឹម សុធី ដែលជាម្ចាស់ស្នាដៃនេះមានប្រសាសន៍ថា ការដាក់តាំងគំនូរទាំងនេះក្នុងគោលបំណងបង្ហាញគំនិតច្នៃប្រឌិតថ្មីៗ សម្រាប់ស្ដែងចេញពីរបបខ្មែរក្រហម ការទិទៀន ផលប៉ះពាល់នៃការអភិវឌ្ឍន៍ និងការអភិរក្សសត្វព្រៃ និងបរិស្ថានជាដើម។ គំនូរទាំងនេះក្រវ៉េមក្រវ៉ាម ក៏ប៉ុន្ដែលោក ឈឹម សុធី ដែលជាវិចិត្រករ បញ្ជាក់ថា គំនូរទាំងនេះបង្កប់ដោយអត្ថន័យជ្រាលជ្រៅ។ «ផ្ទាំងស្នាដៃគំនូររបស់ខ្ញុំ គឺខ្ញុំអត់បង្ហាញជារូបភាពភ្លាមទេ គឺខ្ញុំបង្ហាញជាគំនិតទៅវិញដូចថា ខ្ញុំបង្កប់អត្ថន័យច្រើននៅក្នុងនោះ។ ខ្ញុំប្រមើលមើលទៅក្នុងសង្គមជាតិទៅនឹងសង្គម ដែលយើងធ្លាប់បានឆ្លងកាត់ក្នុងរបបខ្មែរក្រហមក្តីគឺយើងយកមកបញ្ចូលក្នុងផ្ទាំងគំនូរនេះ ដើម្បីជាអនុស្សាវរីយនៃការចងចាំ ទិទៀនដើម្បីស្ថាបនាចំពោះស្នាដៃសិល្បៈទៅលើសង្គមជាតិ ជាសារមួយដើម្បីផ្តល់ឲ្យរដ្ឋាភិបាលក៏ដូចជាមនុស្សទូទៅមានការអភិវឌ្ឍមានការប្រែប្រួលគំនិត អារម្មណ៍»។ គំនូរនីមួយៗមានទំហំចាប់ពី៦តឹកបួនជ្រុង រហូតដល់១,៥ម៉ែត្រគុណ២ម៉ែត្រ។ គំនូរមួយក្នុងចំណោមនោះ បានបង្ហាញស្ដ្រីមួយកំណាត់ខ្លួន និងព័ទ្ធជុំវិញដោយហ្វូងមច្ឆា និងធម្មជាតិដទៃទៀត។ មើលទៅហាក់ដូចជា មានភ្នែកនៅកន្លែងខ្លះក្នុងគំនូរដដែលនេះ។ គំនូរផ្សេងមួយទៀតហាក់ដូចជា មានស្ដ្រីម្នាក់កំពុងហោះក្នុងលំហ ដែលមានពណ៌ខៀវ ក្រហម បៃតង ពណ៌ក្រម៉ៅ តាមជំនោរខ្យល់កួចយ៉ាងខ្លាំង។ គំនូរមួយទៀតបង្ហាញពីពិភពមនុស្សពីរផ្សេងគ្នា និងកំណើតមនុស្សក្នុងភពរបស់មនុស្ស។ គំនូរទាំងអស់បានបង្កប់អត្ថន័យអរូបិយ ដែលរំលេចទៅដោយភាពទំនើបនិយមនៃការច្នៃប្រឌិតរបស់វិចិត្រករ។ លោក ឈឹម សុធី ក្នុងវ័យ៤១ឆ្នាំបានស្រូបយកការប្រឌិតស្នាដៃនេះបែបបស្ចឹមលោក។ លោក មានប្រសាសន៍ថា បើសិនជាគេមើលមួយភ្លែត គេមិនអាចយល់គំនូរទាំងនេះ ភ្លាមៗទេ។ លោក សុធី តែងតែធ្វើការពន្យល់បន្ថែមដល់ភ្ញៀវ ដែលចូលទស្សនាផ្ទាំងគំនូររបស់គាត់។ លោកបានយកគំនូរចំនួនពីរផ្ទាំងមករៀបរាប់។ «នេះគឺជារូបរបាំដែលរាំជាក្រុម។ អញ្ចឹងចង់បង្ហាញអំពីការស់ឡើងវិញនៃសិល្បៈវប្បធម៌ខ្មែរ បន្ទាប់ពីបានបាត់បង់អស់រយៈពេលច្រើនឆ្នាំ ជាពិសេសនៅក្នុងរបបខ្មែរក្រហម ដែលយើងឥតបានឃើញរបាំខ្មែរ។ សិល្បៈករខ្មែរយើងគឺមានទេព្យកោសល្យនៅក្នុងការសម្តែង ការបញ្ចេញអញ្ចឹង។ ហើយវាមានការរស់ឡើងវិញ ធ្វើឲ្យគេស្គាល់ទូទាំងពិភពលោក អំពីស្នាដៃរបស់ខ្មែរយើងអំពីសិល្បៈហ្នឹង»។ កញ្ញា ឃីម និមិល ដែលបានចូលរួមទស្សនាការដាក់បង្ហាញផ្ទាំងគំនូរនេះ បានឲ្យដឹងថា ផ្ទាំងគំនូរទាំងនេះពិតជាប្លែកពីផ្ទាំងគំនូរផ្សេងៗ ដែលនាងធ្លាប់បានឃើញហើយមើលទៅហាក់ដូចជាមានភាពរស់រវើក និងទាក់ទាញ។ «ស្នាដៃខ្មែរយើងលើកទី១ ដែលខ្ញុំបានឃើញសម្រាប់ខ្ញុំទេ គឺល្អបំផុតហើយគួរឲ្យចាប់អារម្មណ៍លើផ្ទាំងគំនូរមានរូបភាពបង្កប់នូវអត្ថន័យមួយយ៉ាងជ្រៅហើយលើកទី១ ដែលខ្ញុំបានមកឃើញនូវស្នាដៃខ្មែរ ហើយខ្ញុំសប្បាយចិត្ត និងមានមទនោភាពមែនទែន»។ លោក ឈឹម សុធី ទទួលបានរង្វាន់ជាច្រើននៅក្នុងការប្រកួតប្រជែងគំនូររួមមានរង្វាន់សិល្បៈអាស៊ានឆ្នាំ២០០០ នៅសិង្ហបុរី និងរង្វាន់លេខ១ចំនួនពីរដងជាប់ៗគ្នាពីក្រសួងវប្បធម៌ និងវិចិត្រសិល្បៈកម្ពុជា ក្នុងឆ្នាំ២០០៣ និង២០០៤ជាដើម។ នេះមិនមែនជាលើកទី១ទេ សម្រាប់ការដាក់តាំងបង្ហាញពីផ្ទាំងគំនូររបស់គាត់។ស្នាដៃជាច្រើនរបស់គាត់បានដាក់នៅក្នុងទីក្រុងភ្នំពេញ និងតាមបណ្តាលខេត្តខ្លះៗ ហើយព្រមទាំង ដាក់បង្ហាញនៅតាមប្រទេសមួយចំនួនទៀតផងដែរ ដូចជាហ្វីលីពីន សិង្ហបុរី ថៃ បារាំង និងសហរដ្ឋអាមេរិកជាដើម។ អ្នកស្រី វ៉ាន់ អេនេត (Annetle Van) ជាម្ចាស់ភោជនីយដ្ឋានតាម៉ារីន ដែលចូលរួមសហការក្នុងការផ្តល់ទីកន្លែងសម្រាប់ពិព័រណ៍គំនូរនេះ បានបញ្ជាក់ថា អ្នកស្រីចង់ជួយលើកតម្កើងគំនិតច្នៃប្រឌិតរបស់វិចិត្រករខ្មែរ។ លោក ឈឹម សុធី ដែលមានស្រុកកំណើតក្នុងស្រុកល្វាឯម ខេត្តកណ្តាលបានសិក្សាផ្នែកគំនូរអស់រយៈពេល១០ឆ្នាំ ហើយលោកទទួលបានបរិញ្ញាប័ត្រផ្នែកគំនូរពីលាកលវិទ្យាល័យភូមិន្ទវិចិត្រសិល្បៈ ក្នុងទីក្រុងភ្នំពេញនៅឆ្នាំ១៩៩៥។ ក្រោយពីបញ្ចប់ការសិក្សា លោក ឈឹម សុធី បានចូលបម្រើការងារជាគ្រូបង្ហាត់ផ្នែកគំនូរនៅតាមអង្គការក្រៅរដ្ឋាភិបាលមួយចំនួនរហូតដល់ឆ្នាំ១៩៩៨ ជាពេលដែលលោកបានចូលបម្រើការងារក្នុងក្រសួងវប្បធម៌ និងវិចិត្រសិល្បៈ៕ This posting includes an audio/video/photo media file: Download Now |
| ព័ត៌មានអន្តរជាតិវីអូអេ ១០ ធ្នូ Posted: 10 Dec 2011 03:08 AM PST ឥណ្ឌា៖ ចំនួនមនុស្សស្លាប់ដោយអគ្គីភ័យមួយដែលបានឆេះមន្ទីរពេទ្យឯកជនមួយក្នុងក្រុង កូលកាត់តា នៅភាគខាងកើតឥណ្ឌាបានកើនទ្បើងដល់៨៩នាក់ហើយ។ អាជ្ញាធរបាននិយាយថាអគ្គិភ័យនេះបានឆាបឆេះមន្ទីរពេទ្យ AMRI កាលពីព្រឹកថ្ងៃសុក្រនៅក្នុងធានីនៃរដ្ឋ ប៊េនកាល់ ខាងលិច។ កុងហ្គោ៖ ប្រធានាធិបតីកុងហ្គោល ជូសកាប៊ីឡា (Joseph Kabila) បានត្រូវប្រកាសថាជាអ្នកឈ្នះនៅក្នុងការបោះឆ្នោតកាលពីសប្តាហ៍មុន តែគូប្រជែងសំខាន់បំផុតរបស់លោកប្រធានាធិបតី អ៊ីធីនណី ថស៊ីសិខេឌី (Etienne Tshisekedi) បានច្រានចោលលទ្ធផលនេះហើយបានប្រកាសខ្លួនលោកថាជាមេដឹកនាំប្រទេស។ ប្រធានាធិបតី ជូសកាប៊ីឡា បានទ្បើងមកកាន់អំណាចតាំងពីឆ្នាំ២០០៦ ក្នុងអាយុ២៩ឆ្នាំ នៅក្រោយការធ្វើឃាតលោក ឡារ៉េន កាប៊ីឡា (Laurent Kabila) ជាឪពុកលោក។ អ៊ឺរ៉ុប៖ សមាជិកភាគច្រើននៃសហភាពអឺរ៉ុបចំនួន១៦ប្រទេសយល់ព្រមឲ្យបង្កើនការត្រួតត្រាកណ្តាលលើថវិការបស់រដ្ឋាភិបាលនីមួយៗ ដើម្បីដោះស្រាយបញ្ហាបំណុលនិងវិបតិ្តសេដ្ឋកិច្ចនៅទ្វីបអ៊ឹរ៉ុប។ សូម៉ាលី៖ នៅក្នុងការធ្វើដំណើរជាប្រវត្តិសាស្ត្រមួយទៅ កាន់រដ្ឋធានី ម៉ូហ្គាលឌីស្យូ កាលពីថ្ងៃសុក្រ លោកបាន គីមូន បានព្រមានថាប្រទេសសូម៉ាលីមាន «ឱកាសមានកម្រិតខ្លាំងណាស់» ដើម្បីធ្វើឱ្យស្ថានភាពល្អប្រសើរជាងមុន។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
