Cambodia Home Heart & Soul |
| Sacravatoons no : 2188 : " April 17,1975 " Posted: 14 Apr 2012 06:19 PM PDT   |
| You are subscribed to email updates from Cambodia Home Heart & Soul To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
VOA News: ព័ត៌មាន |
| សហគមន៍អន្តរជាតិធ្វើការផ្គោលទុកកូរ៉េខាងជើងទោះបីជាការបង្ហោះបរាជ័យ Posted: 14 Apr 2012 06:33 AM PDT លោកអគ្គលេខាធិការអ.ស.ប.បានគីមូននិងពូកមេដឹកនាំអន្តរជាតិច្រើននាក់ទៀតបានថ្កោលទោសការបង្ហោះកាំជ្រួច មីស៊ីលមានវង់ប្រតិបត្តិការឆ្ងាយដោយប្រទេសកូរ៉េខាងជើងទោះណាជាការបាញ់ពិសោធន៍នេះគ្មានជោគជ័យក៏ដោយ។រ៉ុក្កែតនេះបានធ្លាក់ក្នុងសមុទ្រនៅប្រមាណមួយនាទីក្រោយការបង្ហោះ។ រដ្ឋាភិបាលក្រុង ព្យុងយ៉ាង បានបំពានលើការតវ៉ាអន្តរជាតិដោយបានបង្ហោះកាំជ្រួចនេះទោះណាជាមានជំនឿជាទូទៅថាកិច្ចប្រតិបត្តិការនេះជាការធ្វើ test កាំជ្រួចផ្លោងមានវង់ប្រតិបត្តិការឆ្ងាយមួយដែលអាចផ្ទុកគ្រាប់បែកបរមាណូបានយ៉ាងងាយដូចផ្ទុកផ្កាយវិទ្យាសាស្ត្រដែរ។ការបរាជ័យក្នុងការបង្ហោះរ៉ុក្កែតនេះ បានធ្លាក់ក្នុងសមុទ្រលឿងដោយមិនបានធ្លាក់លើដីឬធ្លាក់ត្រូវចំកប៉ាល់ណាមួយក្នុងបណ្តានាវាច្រើនគ្រឿងដែលឃ្លាំមើលការបាញ់បង្ហោះនេះពីដែនសមុទ្រអន្តរជាតិទេ។ ស៊ីរី៖ កងកម្លាំងសន្តិសុខស៊ីរីបានបាញ់សម្លាប់បាតុករយ៉ាងតិចណាស់បីនាក់កាលពីថ្ងៃសុក្រហើយការប៉ះទង្គិចគ្នាបានកើតមានទ្បើងនៅជិតព្រំដែននៃប្រទេសទួរគីនៅពេលដែលកិច្ចឈប់បាញ់គ្នាមានរយៈពេលមួយថ្ងៃរវាងរដ្ឋាភិបាលនិងពួកប្រឆាំងបានបង្ហាញសញ្ញានៃការរលុំ។ អ៊ីរ៉ង់៖ គណៈប្រតិភូមកពីប្រទេសអ៊ីរ៉ង់និងពួកប្រទេសមហាអំណាចពិភពលោកបានឋិតនៅក្នុងប្រទេសទួរគីនៅមុនកិច្ចចរចាទីមួយអំពីកម្មវិធីបរមាណូចម្រូងចម្រាស់របស់ប្រទេសអ៊ីរ៉ង់ក្នុងរយៈពេលជាងមួយឆ្នាំមកហើយ។ប្រទេសអ៊ីរ៉ង់និងពួកសមាជិកនៃក្រុមដែលគេស្គាល់ថា P5+1 បានធ្វើការប្រជុំដំបូងកាលពីថ្ងៃសុក្រនៅមុនកិច្ចចរចាដោយផ្ទាល់ដែលបានកំណត់នឹងចាប់ផ្តើមធ្វើនៅថ្ងៃសៅរ៍នៅក្នុងក្រុង អ៊ីស្តាបុល (Istanbul)។ ហ្គីណេប៊ីស្យូ៖ ពួកទាហាននៅក្នុងប្រទេស ហ្គីណេប៊ីស្យូ (Guinee-Bissau) បានប៉ុនប៉ងធ្វើរដ្ឋប្រហារមួយដោយបានកាន់កាប់ផ្លូវ, ស្ថានីយ៍ទូរទស្សន៍និងវិទ្យុនិងការិយាល័យរបស់រដ្ឋាភិបាលនៅក្នុងរដ្ឋធានីរបស់ប្រទេស។កាលពីយប់ថ្ងៃព្រហស្បតិ៍គឺពួកទាហានបានវាយប្រហារទៅលើផ្ទះលោក រ៉ាយម៉ូនដូ ផឺរីរ៉ា (Raimundo Pereira) ប្រធានាធិបតីបណ្តោះអាសន្ននិងលោក ហ្កាឡូស ហ្គូមេស ជេ (Carlos Gomes Jr.)អតីតនាយករដ្ឋមន្ត្រី ដែលជាបេក្ខជនប្រធានាធិបតីនាំមុខគេក៏ប៉ុន្តែគេដឹងថាលោកគ្មានប្រជាប្រិយភាពជាមួយពួកយោធាទេ។ សូដង់៖ ការិយាល័យរបស់ប្រធានាធិបតី សាលវ៉ា គីរ (Salva Kiir) បាននិយាយថាស៊ូដង់ខាងត្បូងនឹងដកថយចេញពីក្រុងHeglig ប្រសិនបើមាន"យន្តការនិងការធានារ៉ាប់រងច្បាស់លាស់"មួយថាប្រទេសស៊ូដង់មិនអាចប្រើប្រាស់តំបន់នោះដើម្បីវាយប្រហារស៊ូដង់ខាងត្បូងទេ។ ភូមា៖ លោកនាយករដ្ឋមន្ត្រីអង់គ្លេស ដេវីត ហ្គាមឺរ៉ន (David Cameron) និងលោកស្រីអោងសានស៊ូជី មេដឹកនាំក្រុមប្រឆាំងភូមាបានប្រកាសថាលោកនិងលោកស្រីបានគាំទ្រដល់ការព្យួរការដាក់ទ័ណ្ឌកម្មលើអតីតរដ្ឋយោធានេះជាការឆ្លើយតបនឹងការកែទម្រង់ប្រជាធិបតេយ្យ។ កូឡំប៊ី៖ លោក ជូស អាតូន្ញា អូខេមផូ (Jose Antonio Ocampo) អ្នកសេដ្ឋសាស្ត្រ កូឡំប៊ី បានដកខ្លួនថយចេញពីការប្រកួតប្រជែងរវាងបេក្ខជនបីនាក់ដើម្បីដឹកនាំធនាគារពិភពលោក។ ឥណ្ឌា៖ និយាយថាខ្លួនគ្រោងនឹងអនុញ្ញាតឱ្យប្រទេសប៉ាគីស្ថានបណ្តាក់ទុនដោយផ្ទាល់នៅក្នុងប្រទេស នៅក្នុងសញ្ញាមួយទៀតនៃចំណងទាក់ទងគ្នាដែលមានភាពកក់ក្តៅរវាងគូប្រជែងយូរយាមកហើយទាំងពីរនេះ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
Khmerization ខែ្មរូបនីយកម្ម: “Happy Khmer New Year” plus 5 more |
| Posted: 15 Apr 2012 04:41 PM PDT |
| Vietnam policeman clings to bus in bid to stop driver Posted: 14 Apr 2012 05:34 AM PDT |
| A year of significant change in Cambodia / L'année du changement au Cambodge Posted: 13 Apr 2012 05:36 PM PDT |
| Malaysian couple charged with Cambodia maid murder Posted: 13 Apr 2012 05:07 PM PDT |
| CAMBODIA: Nike calls for investigation into latest faintings Posted: 13 Apr 2012 04:59 PM PDT |
| Cambodia greets traditional New Year with fireworks, concerts Posted: 13 Apr 2012 07:31 AM PDT |
| You are subscribed to email updates from Khmerization ខែ្មរូបនីយកម្ម To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
Cambodia Home Heart & Soul: “Sacravatoons no 2187: " Pue Thai's Picnic "” plus 1 more |
| Sacravatoons no 2187: " Pue Thai's Picnic " Posted: 13 Apr 2012 07:05 PM PDT   |
| Sacravatonns no 2185 : " Year of Dragon 2012 " Posted: 12 Apr 2012 11:26 PM PDT   |
| You are subscribed to email updates from Cambodia Home Heart & Soul To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
VOA News: ព័ត៌មាន: “អាមេរិកព្រមានក្រុងព្យុងយ៉ាងចំពោះការបង្ហោះកាំជ្រួចផ្លោង” plus 4 more |
| អាមេរិកព្រមានក្រុងព្យុងយ៉ាងចំពោះការបង្ហោះកាំជ្រួចផ្លោង Posted: 12 Apr 2012 10:04 PM PDT នៅក្រោយកិច្ចប្រជុំ ជាមួយសមភាគីលោកស្រីនៃប្រទេសឧស្សាហកម្ម ៨ ហៅ Group Eight នៅក្រុង វ៉ាស៊ីនតោន លោកស្រី ហ៊ីលឺ្លរី គ្លីនតុន រដ្ឋមន្រ្តីការបរទេសស.រ.អ បានព្រមានប្រទេសកូរ៉េខាងជើងថាក្រុមប្រឹក្សាសន្តិសុខអ.ស.ប. នឹងចាត់វិធានការបន្ថែម បើសិនជាក្រុង ព្យុងយ៉ាង សម្រេចនៅតែបង្ហោះ រ៉ុកែត ដែលមនុស្សជាច្រើនមានជំនឿថា ជាការសាកល្បងកាំជ្រួចអន្តរទ្វីបមួយ។ លោកស្រី បានបន្តមានប្រសាសន៍ថា ក្រុង Pyongyang មានជម្រើសពិតប្រាកដ គឺអាចស្វែងរកសន្តិភាព ហើយបានផលប្រយោជន៍ពីទំនាក់ទំនងជិតស្និតជាមួយសហគមន៍អន្តរជាតិ រួមទាំងសរអា ឬក៏បន្តប្រឈមមុខនឹងសម្ពាធនិងការនៅដាច់តែឯកឯងតទៅទៀត។ ប៉ាគីស្ថាន៖ រដ្ឋសភាប្រទេស ប៉ាគិស្ថាន បានអនុមត្តជាឯកឆន្ទ តាមលក្ខខ័ណ្ឌនៃការចូលរួមជាមួយស.រ.អ.និងអង្គការអូតង់ ដើម្បីទាមទារឲ្យមានការបញ្ចប់ការវាយប្រហារដោយយន្តហោះឥតអ្នកបើកជាបន្ទាន់ នៅលើដែនដី ប៉ាគិស្ថាន។ ស៊ីរី៖ លោក កូហ្វី អាណាន់ (Kofi Annan) ប្រេសិតអសបនិងសមាគមអារ៉ាប់បានអំពាវនាវឲ្យរដ្ឋាភិបាល ស៊ីរី ចាត់វិធានការបន្ថែម ដើម្បីដកទ័ពនិងគ្រឿងអាវុធធុនធ្ងន់ចេញពីកន្លែងដែលមានប្រជាជនច្រើន ទោះបីបទឈប់បាញ់គ្នាមិននឹងនររវាងកងទ័ពរដ្ឋាភិបាលនិងពួកឧទ្ទាម ហាក់ដូចជាមានប្រសឹទ្ធភាពបន្តិច។ ប្រទេស ស៊ីរី នៅតែមិនបានគោរពតាមលក្ខខ័ណ្ឌនៃផែនការសន្តិភាពទាំងស្រុង ដែលលោកបានជួយសម្របសម្រួលកាលពីខែមិនានោះនៅឡើយទេ។ សហរដ្ឋអាមេរិក៖ បុរសអ្នកស្ម័គ្រចិត្តឃ្លាំមើលភូមិដែលត្រូវជាប់ចោទអំពីបទឃាតកម្មថ្នាក់លេខពីរយុវជនអាមេរិកាំងស្បែកខ្មៅម្នាក់ឈ្មោះ ជោជន៍ ហ្សីមឺមែន (George Zimmerman) កាលពីថ្ងៃទី ២៦ កុម្ភៈ ត្រូវនាំឡើងតុលាការជាលើកទីមួយកាលពីថ្ងៃព្រហស្បត៍នេះ។ This posting includes an audio/video/photo media file: Download Now |
| អ្នកភូមិក្នុងខេត្តពោធិ៍សាត់ តវ៉ាប្រឆាំងក្រុមហ៊ុនឈូសឆាយដីស្រែចម្ការរបស់ពួកគេ Posted: 12 Apr 2012 09:40 PM PDT ក្រុមអ្នកភូមិនៅក្នុងឃុំក្បាលត្រាច ក្នុងស្រុកក្រគរខេត្តពោធិ៍សាត់ បាននាំគ្នាតវ៉ាប្រឆាំងនឹងការឈូសឆាយរបស់ក្រុមហ៊ុនលើដីដែលពួកគេអះអាងថាជាដីស្រែចម្ការរបស់ពួកគេ។ ក្រុមអ្នកភូមិនិយាយថា ពួកគេស៊ូស្លាប់ដើម្បីការពារដីរបស់ខ្លួន។ ឡូន ស៊ីវ័យនិយាយថា អ្នកស្រី ធ្វើចម្ការរាប់ឆ្នាំមកហើយនៅលើដីនេះ នៅក្នុងភូមិក្រឡាញ់ ឃុំក្បាលត្រាច ក្នុងស្រុកក្រគរ ខេត្តពោធ៍សាត់។ ស្ថិតក្នុងវ័យ៣៣ឆ្នាំ និងជាស្រ្តីមេម៉ាយកូន២ អ្នកស្រីឡូន ស៊ីវ័យនិយាយថា គ្រួសាររបស់អ្នកស្រីក៏ដូចជាអ្នកភូមិនេះដទៃទៀត បានពឹងអាស្រ័យលើដីនេះដើម្បីទ្រទ្រង់ជីវភាពរស់នៅ អស់ជាច្រើនជំនាន់មកហើយ។ ប៉ុន្តែពេលនេះ អ្នកស្រីនិយាយថា ក្រុមហ៊ុនភាពីម៉ិចដែលមានជម្លោះដ៏រាំរ៉ៃជាមួយអ្នកភូមិនេះ បានចាប់ផ្តើមឈូសឆាយដីចម្ការរបស់អ្នកស្រីជាថ្មីទៀត។ «ខ្ញុំបេះផ្លែឈើ បោចវល្លិ៍ ដងជ័រក៏នៅលើដីហ្នឹង ហើយកាប់ចម្ការធ្វើស្រែក៏នៅលើដីហ្នឹង។ បើគេយកអស់ ពួកខ្ញុំមានតែស្លាប់។ គាត់មិនសម្លាប់ខ្ញុំដោយផ្ទាល់ទេ តែដោយប្រយោល។ គាត់សម្លាប់ដោយបំបាត់ជីវភាពរបស់ពួកខ្ញុំ»។ ឡូន ស៊ីវ័យអះអាងថា កម្មកររបស់ក្រុមហ៊ុនដែលមានកងកម្លាំងប្រដាប់អាវុធការពារ បានយកគ្រឿងចក្រមកឈូសឆាយដីចម្ការទំហំជាង១ហិកតារបស់អ្នកស្រី និងដីចម្ការវិលជុំរបស់អ្នកភូមិកាលពីដើមសប្តាហ៍នេះ។ «មិនមែនជាការអភិវឌ្ឍន៍សម្រាប់អ្នកភូមិទេ។ នេះគឺជាការអភិវឌ្ឍន៍សម្លាប់អ្នកភូមិទៅវិញទេ»។ ដោយខឹងសម្បារនឹងក្រុមហ៊ុន អ្នកស្រីឡូន ស៊ីវ័យនិងអ្នកភូមិប្រមាណ១០០នាក់ផ្សេងទៀត បាននាំគ្នាទៅតវ៉ាដល់ការដ្ឋានក្រុមហ៊ុន ដើម្បីទាមទារឲ្យក្រុមហ៊ុននេះបញ្ឈប់ការឈូសឆាយដីចម្ការរបស់ពួកគេតទៅទៀត។ គុជ វេងគឺជាតំណាងម្នាក់របស់អ្នកភូមិទាំងនេះ។ «ប្រសិនណាជាក្រុមហ៊ុននៅតែបន្តសកម្មភាពទៀត ប្រជាពលរដ្ឋយើងខ្ញុំក៏នៅតែបន្តសកម្មភាព សុខចិត្តស្លាប់នៅលើដីហ្នឹង ព្រោះអស់ហើយ»។ ពុំមានតំណាងណាម្នាក់របស់ក្រុមហ៊ុនបានចេញមុខមកដោះស្រាយជាមួយអ្នកភូមិទេ។ ក្រុមអ្នកភូមិអះអាងថា ពួកគេបានចេញពីការដ្ឋានមុនពេលក្រុមអ្នកភូមិមកដល់។ ក្រុមអ្នកភូមិនិងអាជ្ញាធរមូលដ្ឋាននិយាយថា ក្រុមហ៊ុនភាពីម៉ិច ដែលគ្រប់គ្រងដោយភរិយារបស់សមាជិកព្រឹទ្ធសភាម្នាក់នៃគណបក្សប្រជាជនកម្ពុជា បានទទួលដីសម្បទានសេដ្ឋកិច្ចរាប់ម៉ឺនហិកតានៅក្នុងខេត្តនេះ ពីរដ្ឋាភិបាល ដើម្បីដាំដំឡូងមី។ ប៉ុន្តែក្រុមហ៊ុននេះបានជាប់ពាក់ព័ន្ធនឹងជម្លោះដ៏ស្រួចស្រាវជាមួយអ្នកភូមិនៅទីនេះអស់ជាច្រើនឆ្នាំមកហើយ។ លោកដួង សារិនគឺជាមេឃុំក្បាលត្រាច។ លោកនិយាយថា ដំណោះស្រាយចំពោះបញ្ហានេះ ហួសពីសមត្ថកិច្ចរបស់លោកហើយ។ «ពិបាកដែរចំពោះប្រជាជន។ ខ្ញុំមិនដឹងថាម៉ិច ដោះស្រាយយ៉ាងម៉ិចទេ មានតែសំណូមពរទៅលើទៀតតែប៉ុណ្ណឹង»។ លោកភួង សុធាគឺជាអ្នកសម្របសម្រួលនៃសមាគមអាដហុក ប្រចាំខេត្តនេះ។ លោកនិយាយថា ដើម្បីដោះស្រាយជម្លោះនេះ រដ្ឋាភិបាលគួរតែបញ្ជាក់ឲ្យបានច្បាស់អំពីព្រំប្រទល់ដីសម្បទានដែលខ្លួនបានប្រគល់ទៅឲ្យក្រុមហ៊ុន។ «យើងឃើញប្រជាពលរដ្ឋកន្លងមក ការតវ៉ាអហឹង្សាច្រើន ដូចជាការបិទផ្លូវ ដាក់លិខិតទៅអាជ្ញាធរខេត្ត ទីស្តីការគណៈរដ្ឋមន្ត្រី ទៅខុទ្ទកាល័យអី។ បើសិនជាអត់មានដំណោះស្រាយទេ ខ្ញុំគិតថា វាអាចនឹងមានអំពើហឹង្សាណាមួយកើតឡើងដែលយើងមិននឹកស្មានដល់»។ អ្នកស្រីឡូន ស៊ីវ័យនិងអ្នកភូមិទាំងនេះ និយាយថា ពួកគេពិតជាខ្លាចអំណាចរបស់ក្រុមហ៊ុន ប៉ុន្តែពួកគេបន្ថែមថា គេត្រូវតែក្រោកឈរឡើងតវ៉ា ដើម្បីសិទ្ធិរស់រានមានជីវិតរបស់ពួកគេ៕ This posting includes an audio/video/photo media file: Download Now |
| អង្គការមនុស្សធម៌ខ្មែរអាមេរិកាំង ផ្តល់ការវះកាត់ព្យាបាលជម្ងឺបេះដូងដល់កុមារកម្ពុជា Posted: 12 Apr 2012 10:08 PM PDT កុមាររាប់ម៉ឺននាក់នៅក្នុងប្រទេសកម្ពុជាមានជម្ងឺបេះដូងប្រហោង។ ពួកគេតិចតួចណាស់មានសំណាងទទួលបានការព្យាបាល ដោយសារជម្ងឺនេះទាមទារការវះកាត់ដែលត្រូវចំណាយច្រើន។ ប៉ុន្តែ ថ្មីៗនេះ អង្គការក្រៅរដ្ឋាភិបាលខ្មែរអាមេរិកាំងមួយបានផ្តល់ការវះកាត់និងព្យាបាលជម្ងឺបេះដូងនេះដល់កុមារមួយចំនួនក្នុងប្រទេសកម្ពុជា។ កុមារណាន គីនី អាយុ៨ឆ្នាំនេះ ទើបទទួលការវះកាត់បេះដូងប្រហោងរបស់ខ្លួនកាលពីពេលថ្មីៗ នៅក្នុងមន្ទីរពេទ្យកុមារអង្គរក្នុងខេត្តសៀមរាប។ ឪពុកម្តាយរបស់គីនីនិយាយថា កូនរបស់គាត់មានជម្ងឺនេះតាំងពីកំណើត។ អ្នកស្រីធឹម រ៉ាន់មានប្រសាសន៍ថា គាត់ចំណាយពេលនៅជាមួយកូនប្រុសរបស់គាត់នេះ ក្នុងមន្ទីរពេទ្យច្រើនជាងនៅផ្ទះ។ «ខ្ញុំមកដេកពេទ្យមួយខែឬមួយកន្លះខែអញ្ចឹង ទៅផ្ទះពីរបីថ្ងៃ។ វារស់នៅតែដោយសារពេទ្យ និយាយទៅរស់ដោយសារថ្នាំតែម្តង»។ លោកហ៊ុយ ណាន ជាឪពុក និយាយថា គីនីចូលចិត្តលេងខ្លាំងណាស់ ប៉ុន្តែការរត់លេងនេះបានត្រឹមតែធ្វើឲ្យកូនរបស់គាត់មានបញ្ហាជាមួយនឹងបេះដូងរបស់វាប៉ុណ្ណោះ។ លោកនិយាយថា ជួនកាលលោកមានអារម្មណ៍អស់សង្ឃឹមខ្លាំងរហូតដល់ចង់ឃើញកូនរបស់លោកមួយនេះលាចាកលោកនេះទៅឲ្យផុត ដើម្បីកុំឲ្យវានៅឈឺចាប់នឹងជម្ងឺបេះដូងរបស់វាតទៅទៀត។ លោកហ៊ុយ ណាន វ័យ៤២ឆ្នាំដែលជាអ្នករត់ម៉ូតូឌុប និយាយថា លោកគ្មានប្រាក់យកកូនរបស់លោកទៅព្យាបាលជម្ងឺបេះដូងប្រហោងរបស់វាទេ។ «ឲ្យតែវាបានជាបានយូរទៅ ខ្ញុំចេះតែបានរកទៅ វាចេះគ្រាន់បានហូប ម៉ាគ្រប់ៗ។ បើថា វាឈឺកិះកុះទៀត លោកអើយ ដូចខ្ញុំនិយាយអញ្ចឹង ជំពាក់គេមិនដឹងទៅឯណាទេ»។ សំណាងល្អ ណាន គីនីត្រូវបានជ្រើសរើសរួមជាមួយកុមារចំនួន១៥នាក់ផ្សេងទៀត ដើម្បីទទួលបានការវះកាត់ព្យាបាលជម្ងឺបេះដូងប្រហោងរបស់ខ្លួនដោយឥតគិតថ្លៃ ពីសំណាក់ក្រុមវេជ្ជបណ្ឌិតស្ម័គ្រចិត្តអាមេរិកាំងមួយក្រុម។ លោក ភីតធឺ ឈុន គឺជាអ្នកនាំក្រុមគ្រូពេទ្យទាំងនេះ មកជួយព្យាបាលកុមារក្នុងមន្ទីរពេទ្យនេះ។ លោកនិយាយថា កុមារទាំងនេះគឺស្ថិតនៅក្នុងក្រុមដែលមានសំណាងតែប៉ុណ្ណោះ។ «ប្រមាណ១០ម៉ឺនក្មេងនៅក្នុងប្រទេសកម្ពុជាយើងមានជម្ងឺបេះដូងប្រហោង ហើយមាន១០នាក់ក្នុងចំណោម១០០នាក់ត្រូវការការព្យាបាលជាបន្ទាន់»។ ជាស្ថាបនិកអង្គការក្រៅមនុស្សធម៌ «បេះដូងគ្មានព្រំដែន» ដែលមានមូលដ្ឋាននៅសហរដ្ឋអាមេរិក លោកឈុនមានប្រសាសន៍ថា កុមារខ្លះបានស្លាប់មុននឹងទទួលបានការព្យាបាល និងកុមារជាច្រើនទៀតត្រូវបានទុកចោលដោយមិនមានការព្យាបាល។ «កូនគេកូនយើង បើឲ្យគ្នាចាំទាល់តែគ្នាស្លាប់ គឺថា ជីវិតគ្មានតម្លៃស្អីទេ។ ចុះយើងដែលជាអ្នកចេះដឹង ជាអ្នកមានមុខមានមាត់ មានការងារត្រឹមត្រូវនោះ នៅឈរក្រព័ទ្ធដៃមើលគ្នាស្លាប់?» អស់រយៈពេល៦ឆ្នាំមកហើយ លោកភីតធឺ ឈុន ជាអ្នកធ្វើការដែលបានចូលនិវត្តទៅហើយនោះ បាននាំយកកុមារខ្មែរដែលមានជម្ងឺបេះដូងប្រហោងនេះទៅទទួលការព្យាបាលនៅក្នុងសហរដ្ឋអាមេរិក។ ប៉ុន្តែដោយសារតែការចំណាយខ្ពស់ លោកក៏សម្រេចចិត្តនាំក្រុមគ្រូពេទ្យស្ម័គ្រចិត្តពីសហរដ្ឋអាមេរិក មកជួយព្យាបាលកុមារនៅក្នុងប្រទេសកម្ពុជាវិញ។ លោក វេជ្ជបណ្ឌិតម៉ៃ ម៊ីឈែល គឺជាគ្រូពេទ្យវះកាត់ម្នាក់ មកពីមន្ទីរពេទ្យកុមារ Wisconsin។ «ពួកគេហាក់ដូចជាជាសះស្បើយឆាប់រហ័យមែនទែន ហើយញញឹមដាក់អ្នកបន្ទាប់ពីវះកាត់បានពីរបីថ្ងៃ ហើយពួកគេរត់លេងនៅខាងក្រៅ។ ពួកគេមើលទៅស្រស់ស្អាតមែនទែន ជាមួយនឹងស្នាមញញឹមរបស់ពួកគេ ហើយគ្មានអ្វីដែលល្អប្រសើរជាងនេះទេ»។ វេជ្ជបណ្ឌិត លុយ លីដា គឺជាពេទ្យឯកទេសជម្ងឺបេះដូងនៅទីនេះ។ លោកនិយាយថា វាពិតជាមានសារៈប្រយោជន៍ខ្លាំងណាស់ ដែលមានជំនួយពីក្រុមវេជ្ជបណ្ឌិតស្ម័គ្រចិត្តទាំងនេះ ព្រោះបច្ចុប្បន្នប្រទេសកម្ពុជានៅខ្វះគ្រូពេទ្យជំនាញវះកាត់បេះដូងនេះ ហើយមានមណ្ឌលវះកាត់បេះដូងតែមួយប៉ុណ្ណោះគឺនៅភ្នំពេញ។ «ក្រុមគ្រូពេទ្យវះកាត់របស់យើងនេះរៀនពីក្រុមពេទ្យវះកាត់អាមេរិក សាំងហ្គាពួរ អូស្ត្រាលី ដើម្បីយើងបង្កើនម្ចាស់ការខ្លួនឯងបានទៅថ្ងៃខាងមុខបាន»។ កង្វះគ្រូពេទ្យវះកាត់ជម្ងឺបេះដូងគឺជាបញ្ហាមួយហើយ ប៉ុន្តែបញ្ហាដែលធ្វើឲ្យគ្រួសារភាគច្រើនខ្វល់ខ្វាយ ដូចជាគ្រួសារកុមារណាន គីនីជាដើមនោះ គឺការចំណាយខ្ពស់ទៅលើថ្លៃវះកាត់ព្យាបាលជម្ងឺនេះ។ វេជ្ជបណ្ឌិត សរ វុឌ្ឍី គឺជាប្រធានក្រុមវះកាត់នៅក្នុងមន្ទីរពេទ្យនេះ។ «ជម្ងឺហ្នឹង បើគ្មានការជួយឧបត្ថម្ភពីជនដែលមានថវិកាទេ មិនអាចទៅរួចទេ។ ខ្មែរយើង អ្នកខ្លះមានលទ្ធភាព ប៉ុន្តែភាគច្រើនគាត់មិនអាចមានលទ្ធភាពបង់ខ្លួនឯងទេ»។ ទោះជាការព្យាបាលកុមារដែលមានជម្ងឺបេះដូចប្រហោងនេះត្រូវចំណាយថវិកាអស់រាប់ពាន់ដុល្លារក្នុងក្មេងម្នាក់ៗក៏ដោយ ក៏លោកភីតធឹ ឈុននៅតែប្តេជ្ញាបន្តបេសកកម្មរបស់លោកក្នុងការជួយសង្គ្រោះជីវិតក្មេងទាំងនេះដដែល។ លោកមានប្រសាសន៍ថា គ្មានអ្វីដែលធ្វើឲ្យលោកសប្បាយចិត្តជាងឃើញកុមារដែលជិតស្លាប់ អាចបន្តជីវិតរបស់ពួកគេយ៉ាងសប្បាយរីករាយទៅមុខទៀតនោះទេ៕ This posting includes an audio/video/photo media file: Download Now |
| រដ្ឋាភិបាលកម្ពុជាសម្រួលការជួបជុំក្រុមអាវក្រហមថៃនៅសៀមរាប Posted: 12 Apr 2012 07:40 PM PDT ស្របពេលដែលប្រជាពលរដ្ឋកម្ពុជានៅទូទាំងប្រទេសកំពុងប្រុងប្រៀបរៀបចំសាទរពិធីបុណ្យចូលឆ្នាំថ្មីឆ្នាំរោង រដ្ឋាភិបាលកម្ពុជាក៏បានរៀបចំឲ្យមានការជួបជុំដ៏ធំមួយនៅក្នុងខេត្តសៀមរាបរវាងក្រុមអ្នកនយោបាយអាវក្រហមនៃគណបក្សភឿថៃដែលកំពុងកាន់អំណាចជាមួយលោកថាក់ស៊ីន ស៊ីណាវ៉ាត់ អតីតនាយករដ្ឋមន្ដ្រីថៃដែលត្រូវបានទម្លាក់ចេញពីតំណែង។ ការជួបជុំនោះគឺនៅចំឱកាសពិធីបុណ្យចូលឆ្នាំខ្មែរតែម្តង។ មន្ដ្រីផ្លូវការកម្ពុជាបានហៅការផ្តល់ជម្រកនៃការជួបជុំនេះថា គឺជាស្ពានមិត្តភាពនៃប្រទេសទាំងពីរ កម្ពុជានិងថៃ ក៏ប៉ុន្ដែមន្ដ្រីគណបក្សជំទាស់និងអ្នកវិភាគមើលឃើញថា ជាកត្តាដែលអាចនាំឲ្យមានគ្រោះថ្នាក់ដល់កម្ពុជា។ លោក ស៊ូ ភារិន្ទ អភិបាលខេត្តសៀមដែលសម្បូរដោយភ្ញៀវទេសចរបានប្រាប់វីអូអេតាមទូរសព្ទនៅថ្ងៃព្រហស្បតិ៍នេះថា លោកថាក់ស៊ីន នឹងចូលមកកម្ពុជាតាមការហោះហើរពីប្រទេសឡាវ ហើយនឹងស្នាក់នៅក្នុងខេត្តនៃប្រាង្គប្រាសាទបុរាណរបស់ខ្មែរចំនួនពីរថ្ងៃ។ «គឺក្រុមអាវក្រហមមកសម្ដែងការគួរសមនៅរសៀលថ្ងៃទី ១៤ ខែមេសា។ ជាជំនួបធម្មតា រួចហើយថ្ងៃ១៥ គាត់រាប់បាត្រព្រះសង្ឃចំនួន២៦០ អង្គដែលជាចំនួនសមាជិកសភារបស់គាត់។ បន្ទាប់មកគាត់ងូតទឹកលាបំណន់នៅមុខអង្គរ ហើយនឹងចាកចេញពីប្រទេសកម្ពុជា» ក្រុមអជ្ញាធរបានឲ្យដឹងថា សកម្មជនអាវក្រហមនៃគណបក្សភឿថៃបានចាប់ផ្ដើមធ្វើដំណើរមកកាន់ខេត្តសៀមរាបចាប់តាំងពីថ្ងៃពុធតាមច្រកអន្ដរជាតិក្រុងប៉ោយប៉ែត ខេត្តបន្ទាយមានជ័យ។ លោកស៊ូ ភារិន្ទ រំពឹងថា សមាជិកក្រុមអាវក្រហមនឹងអាចកើនដល់ចំនួន៥ម៉ឺននាក់។ ហើយអាជ្ញាធរខេត្តបានបម្រុងទីតាំងមួយដែលស្ថិតនៅប៉ែកខាងកើតចម្ងាយប្រមាណពីរគីឡូម៉ែត្រពីក្រុងសៀមរាប។ «ចំនួនពី៣ម៉ឺន ដល់ជាង៥ម៉ឺននាក់។ ថ្ងៃនេះពួកគេកំពុងមកបណ្ដើរៗ ហើយនៅថ្ងៃស្អែកគេនឹងមកជុំគ្នាអស់។ ខ្ញុំរៀបចំដីឲ្យចំនួន ២២ហិកតាដើម្បីគាត់អាចបោះជំរុំទទួលលោកថាក់ស៊ីន»។ លោកថាក់ស៊ីន ស៊ីណាវ៉ាត់ ត្រូវទម្លាក់ចេញពីដំណែងនាយករដ្ឋមន្រ្តីកាលពីខែកញ្ញា ឆ្នាំ ២០០៦ ដោយរដ្ឋប្រហារយោធា។ បន្ទាប់មកតុលាការថៃបានផ្តន្ទាទោសលោកដោយកំបាំងមុខឲ្យជាប់ពន្ធនាគារចំនួនពីរឆ្នាំពីបទប្រព្រឹត្តិអំពើពុករលួយ។ បច្ចុប្បន្នលោកកំពុងភៀសខ្លួនក្នុងក្រុង ឌូបៃ នៃប្រទេសអារ៉ាប់រួម។ លោកត្រូវគេមើលឃើញថា បានធ្វើឲ្យប្រទេសថៃនិងកម្ពុជាមានទំនាក់ទំនងល្អជាមួយគ្នាជាពិសេសតាមរយៈភាពជិតស្និទ្ធរបស់លោកជាមួយប្រមុខរដ្ឋាភិបាលខ្មែរលោក ហ៊ុន សែន។ ហើយភាពជិតស្និទ្ធនេះបាននាំឲ្យមានអរិភាពការទូតរវាងប្រទេសទាំងពីរទៅវិញនៅពេលដែលលោកនាយករដ្ឋមន្ដ្រីហ៊ុន សែន បានតែងតាំងលោក ថាក់ស៊ីន ជាទីប្រឹក្សាផ្នែកសេដ្ឋកិច្ចក្រោយពេលដែលលោកអស់អំណាច។ ស្រដៀងគ្នានេះដែរ លោក កឹម សុខា ជាប្រធានគណបក្សសិទ្ធិមនុស្សដែលជាគណបក្សជំទាស់មួយមានបីអសនៈក្នុងរដ្ឋសភាបានបង្ហាញភាពភ្ញាក់ផ្អើលចំពោះការរៀបចំឲ្យមានជំនួបរបស់លោក ថាក់ស៊ីន ជាមួយនឹងសមាជិកនិងមេដឹកនាំគណបក្សភឿថៃនេះ។ «អាហ្នឹងធ្វើឲ្យគ្រោះថ្នាក់ដល់ស្រុកយើងថ្ងៃក្រោយ។ ពីព្រោះប្រទេសថៃជាប្រទេសមួយដែលមានប្រជាធិបតេយ្យ ហើយមិនប្រកដថា បក្សមួយកាន់អំណាចយូររហូតដូចបក្សប្រជាជនអញ្ចឹងទេ។ យើងធ្វើនេះគឺថាយើងគាំទ្រម្ខាងៗ ហើយប្រយ័ត្នថ្ងៃក្រោយគេលូកដៃយើងវិញ អាហ្នឹងយើងនឹងថាឲ្យគេ»។ ថ្វីបើដូច្នេះលោកស៊ូ ភារិន្ទ បានហៅការរៀបចំឲ្យមានជំនួបរវាងលោកថាក់ស៊ីន និងសមាជិកនយោបាយនៃគណបក្សភឿថៃក្នុងពេលនេះថាគឺជាទស្សនវិស័យយូរអង្វែងរបស់រាជរដ្ឋាភិបាល។ «បងប្អូនអាវក្រហមមកតាមផ្លូវការ គេមានលិខិតឆ្លងដែនរបស់គេត្រឹមត្រូវ។ គាត់ជួបជុំគ្នានាខែចូលឆ្នាំដោយសារគាត់នៅជាទណ្ឌិត គាត់មិនអាចជួបជុំនៅប្រទេសគាត់បាន ហើយគាត់មានទំនាក់ទំនងល្អជាមួយរដ្ឋាភិបាលយើង ដូច្នេះយើងក៏សម្ដែងគុណធម៌ទៅវិញក្នុងន័យថា បើបានរដ្ឋាភិបាលដូចសព្វថ្ងៃយើងចេះតែដោះស្រាយបញ្ហាដោយសន្ដិវិធី មិនមានចម្បាំងតាមព្រំដែន។ ការរកស៊ីទៅវិញ ទៅមកប្រទេសយើងទាំងសងខាងបានសុខ ហើយសុខទៅគឺមានការអភិវឌ្ឍ។យើងចង់មានន័យយូរអង្វែងដូច្នេះ» កម្ពុជានិងថៃមានជម្លោះប្រដាប់អាវុធរវាងគ្នានៅតាមតំបន់ព្រំដែនជុំវិញតំបន់ប្រាសាទព្រះវិហារចាប់តាំងពីខែកក្កដាឆ្នាំ ២០០៨ មកម្លេះ។ កងទព័នៃប្រទេសទាំងពីរនៅតែស្ថិតក្នុងខ្សែត្រៀមជួរមុខរៀងៗខ្លួននៅឡើយបើទោះបីជាតុលាការយុត្តិធម៌អន្ដរជាតិក្រុងឡាអេ បានសម្រេចឲ្យភាគីទាំងពីរដកកងទព័ចេញពីតំបន់ជម្លោះហើយអនុញ្ញាត្តិឲ្យមានកងទព័សង្កេតការណ៍ពីប្រទេសឥណ្ឌូណេស៊ីក៏ដោយ៕ This posting includes an audio/video/photo media file: Download Now |
| តុលាការNew Yorkមិនទាន់សម្រេចលើករណីវត្ថុបុរាណខ្មែរពីប្រាសាទកោះកែនៅឡើយទេ Posted: 12 Apr 2012 07:25 PM PDT សារមន្ទីរSotheby នឹងរក្សារូបចម្លាក់អ្នកចម្បាំងខ្មែរសម័យសតវត្សរ៍ទី១០បន្តទៀតសិនក្រោយពីសវនាការកាលពីថ្ងៃពុធក្នុងតុលាការនៅបុរីញ៉ីវយ៉កមិនបានសម្រេចថានឹងត្រូវអនុញ្ញាតឱ្យរដ្ឋាភិបាលអាមេរិករឹបអូសទុកឬយ៉ាងណា។ លោកស្រី ស្តេហ្វានី សឺកូវិច (Stephanie Cirkovich) អ្នកនាំពាក្យតុលាការប្រចាំតំបន់៧បានប្រាប់វីអូអេផ្នែកខេមរភាសាថា៖ «រហូតមកដល់ពេលនេះតុលាការមិនទាន់សម្រេចសេចក្តីយ៉ាងណានៅឡើយទេ»។ លោកស្រីបានបន្តថាតុលាការពន្យាពេលសម្រេចនេះរហូតដល់ថ្ងៃទី២០ខែមិថុនាដើម្បី ធ្វើសវនាការម្តងទៀតដែលជាការទុកពេលឱ្យភាគីនានាមានឱកាសចូលរួមការពារសំណុំរឿងនេះ។ វត្ថុបុរាណដែលហៅថាជា អ្នកចម្បាំងសម័យបុរាណ ឬអ្នកខ្លះហៅថាជាអ្នកចំបាប់ត្រូវបានសារមន្ទីរ Sotheby គ្រោងដាក់លក់ដេញថ្លៃប៉ុន្តែបានដកចេញវិញ នៅនាទីចុងក្រោយបន្ទាប់ពីមានការជំទាស់យ៉ាងខ្លាំងពីអាជ្ញាធរកម្ពុជា។ អាជ្ញាធរអាមេរិកចង់រឹបអូសយកហើយប្រគល់ទៅឱ្យប្រទេសកម្ពុជាវិញតាមការទាមទារប៉ុន្តែត្រូវបានសារមន្ទីរSotheby ស្នើសុំមិនឱ្យរដ្ឋាភិបាលរឹបអូសយកនៅឡើយទេដោយលោកមេធាវី Peter Neimanបានបញ្ជាក់ក្នុងឯកសាររបស់តុលាការថាក្រសួងសន្តិសុខជាតិដែលមានភារៈកិច្ចជាអ្នកត្រូវមករឹបអូសយកគឺមានបច្ចេកទេសតិចតួចក្នុងការទុកដាក់វត្ថុដ៏មានតម្លៃមហាសាលនេះហើយវត្ថុនេះកំពុងត្រូវរក្សាទុកក្នុងកន្លែងដែលរក្សាទុកបានត្រឹមត្រូវហើយ។ លោកហែម ហេង ឯកអគ្គរាជទូតខ្មែរប្រចាំនៅសហរដ្ឋអាមេរិកបានមានប្រសាសន៍ប្រាប់វីអូអេថា៖ «វត្ថុបុរាណនេះជាវត្ថុបុរាណរបស់កម្ពុជា១០០ភាគរយ។ ខ្ញុំគិតថាយុត្តិធម៌នឹងបានមកកម្ពុជាហើយក៏ឆ្លៀតឱកាសនេះខ្ញុំសូមសម្តែងអំណរគុណចំពោះរដ្ឋាភិបាលអាមេរិកដែលបានខិតខំយកចិត្តទុកដាក់ដើម្បីនឹងជួយធ្វើយ៉ាងណាដើម្បីនឹងដោះស្រាយបញ្ហានេះតាមផ្លូវតុលាការដើម្បីប្រគល់នូវវត្ថុបុរាណនេះមកឱ្យកម្ពុជាវិញ»។ លោកស្រី តេស ដាវីស នាយកប្រតិបត្តិនៃក្រុមមេធាវីរបស់គណកម្មាធិការដើម្បីថែរក្សាបិតិកភណ្ឌវប្បធម៌បានបញ្ជាក់ថាមានស្ថាប័នរបស់រដ្ឋាភិបាលសហរដ្ឋអាមេរិកជាច្រើនចូលរួមក្នុងការតាមប្រមូលមកវិញនូវវត្ថុបុរាណនេះក្នុងនោះ មានក្រសួងសន្តិសុខជាតិនិងក្រសួងយុត្តិធម៌ហើយថារដ្ឋាភិបាលអាមេរិកមានប្រៀបខ្លាំងក្នុងការរឹបអូសយកវត្ថុបុរាណដែលខ្មែរទាមទារនោះ។ លោកស្រីក៏បានបញ្ជាក់ដែរថាសារមន្ទីរSotheby គឺបានដឹងជាមុនពីភាពចម្រូងចម្រាសដែលអាចកើតមានឡើងទាក់ទងនឹងរូបចម្លាក់នោះ។ «អ្នកជំនាញផ្ទាល់របស់សារមន្ទីរ Sothebyបានព្រមានជាបន្តបន្ទាប់មិនឱ្យដាក់លក់ដេញថ្លៃរូបចម្លាក់នោះជាសាធារណៈទេដោយអះអាងថាវាត្រូវបានលួចចេញមកហើយថាវានឹងមានផលអាក្រក់មកវិញហើយគ្មានប្រយោជន៍ដែលត្រូវសន្សំរឿងទេ»។ វត្ថុបុរាណនោះត្រូវគេរាយការណ៍ថាអាចមានតម្លៃពីពីរលានដល់បីលានដុល្លារហើយត្រូវបានលួចចេញពីប្រាសាទចិនតំបន់ប្រាសាទកោះកែរបស់ខ្មែរក្នុងអំឡុងពេលប្រទេសកម្ពុជាមានការវឹកវរក្នុងទសវត្សរ៍១៩៦០។ វាមានទម្ងន់ប្រហែល២៥០គីឡូក្រាមនិងកម្ពស់ជាង១,៥ម៉ែត្រ។ ត្រូវបានគេកាត់យកត្រឹមកជើងមកដល់លើ៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
Khmerization ខែ្មរូបនីយកម្ម: “Pray for the Viets and the Chinese to have a big war, so Cambodia can take Koh Tral back” plus 12 more |
| You are subscribed to email updates from Khmerization ខែ្មរូបនីយកម្ម To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
Cambodia Home Heart & Soul |
| Sacravatoons no 2184 : " You - I " Posted: 12 Apr 2012 03:52 AM PDT   |
| You are subscribed to email updates from Cambodia Home Heart & Soul To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
VOA News: ព័ត៌មាន: “កម្ពុជារៀបចំសន្តិសុខទ្រង់ទ្រាយធំសម្រាប់ការប្រមូលផ្តុំរបស់ក្រុមលោកថាក់ស៊ីន” plus 1 more |
| កម្ពុជារៀបចំសន្តិសុខទ្រង់ទ្រាយធំសម្រាប់ការប្រមូលផ្តុំរបស់ក្រុមលោកថាក់ស៊ីន Posted: 12 Apr 2012 11:33 AM PDT យោងទៅតាមទីភ្នាក់ងារព័ត៌មានបារាំង អាអេហ្វបេ នៅក្នុងសប្ដាហ៍នេះរដ្ឋាភិបាលកម្ពុជានឹងដាក់រាយកងកម្លាំងប៉ូលីសរាប់ពាន់នាក់នៅពេលមានការប្រមូលផ្ដុំ (rally) ដ៏ធំ ដើម្បីការពារអតីតនាយករដ្ឋមន្ដ្រីថៃ ថាក់ស៊ីន ស៊ីណាវ៉ាត្រ។ លោក ថាក់ស៊ីន ស៊ីណាវ៉ាត្រ ជាបុគ្គលម្នាក់ដែលបានរស់នៅនិរទេសខ្លួនដើម្បីជៀសវាងមិនជាប់គុកពីបទប្រព្រឹត្ដអំពើពុករលួយ ត្រូវកំណត់នឹងឡើងថ្លែងសន្ទរកថា ទៅកាន់ក្រុមអាវក្រហមរាប់ពាន់នាក់ នៅថ្ងៃសៅរ៍នៅខេត្ដសៀមរាប។ រដ្ឋាភិបាលទីក្រុងភ្នំពេញនិយាយថា ខ្លួននឹងចេញថវិកាចំណាយមកលើការការពារសន្ដិសុខដល់អតីតមេដឹកនាំថៃរូបនេះ ដែលមានការពាក់ព័ន្ធជិតស្និតជាមួយនាយករដ្ឋមន្ដ្រីខ្មែរ លោក ហ៊ុន សែន។ លោក គាត ចន្ថារិទ្ធ អ្នកនាំពាក្យនៃកងកម្លាំងប៉ូលីសថ្លែងថា៖ «យើងមានកាតព្វកិច្ច នឹងផ្ដល់កិច្ចការពារសន្ដិសុខដល់ប្រជាពលរដ្ឋថៃ និង លោកថាក់ស៊ីន»។ លោកថ្លែងទៀតថា មិនឃើញមានការគំរាមជាក់លាក់ណាមួយទេ តែលោកកត់សំគាល់ថា ក្រុមអាវក្រហមធ្លាប់មានការតទល់គ្នាជាមួយក្រុមប្រឆាំងនយោបាយ។ ព័ត៌មានអន្តរជាតិសំខាន់ៗដទៃទៀត៖ <!--IMAGE-RIGHT--> អាស៊ាន-កូរ៉េខាងជើង៖ សមាគមអាស៊ាននាថ្ងៃព្រហស្បតិ៍នេះ បានអំពាវនាវដល់ប្រទេសកូរ៉េខាងជើងឲ្យចាប់អារម្មណ៍មកលើការព្រួយបារម្ភរបស់បណ្តាប្រទេសក្នុងតំបន់ដែលនឹងបានត្រូវប៉ះពាល់ពីការបាញ់បង្ហោះ រុក្កែតនៅពេលប៉ុន្មានថ្ងៃខាងមុខនេះ។ ថ្ងៃព្រហស្បតិ៍បានកត់សម្គាល់ថ្ងៃចាប់ផ្ដើមនៃគម្រោងការបាញ់បង្ហោះ៥ថ្ងៃដែលកូរ៉េខាងជើងនឹងបាញ់បង្ហោះតារាសិប្បនិមិ្មតចូលទៅក្នុងគន្លងតារាវិថី។ អគ្គលេខាធិការរបស់សមាគមអាស៊ាន លោក សុរិន ពិតសុវណ្ណ បានថ្លែងថា «តាងនាមជាសមាជិករបស់វេទិកាតំបន់អាស៊ាន (ARF) កូរ៉េខាងជើងត្រូវតែយកចិត្ដទុកដាក់មកលើការព្រួយបារម្ភរបស់ប្រទេសជាសមាជិកដទៃទៀតដែលនឹងបានទទួលអស្ថិរភាពដោយសារវិធានការដូច្នោះ»។ <!--IMAGE-LEFT--> ហ្វីលីពីន/ចិន៖ ប្រទេសហ្វីលីពីនបានដកចេញកងនាវាចម្បាំងដ៏ធំចេញពីទីកន្លែងប្រឈមមុខដាក់គ្នា ជាមួយនាវាចិន កាលពីថ្ងៃព្រហស្បតិ៍នេះ តែនិយាយថាជម្លោះនោះនៅមិនទាន់ចប់នៅឡើយទេដោយប្រទេសទាំងពីរបានបញ្ជូននាវាមិនមែនយោធាទៅកាន់តំបន់។ ថៃ៖ ជនប្រដាប់អាវុធបានបាញ់សម្លាប់ជនអ៊ីស្លាម៣នាក់ នៅពេលដែលគេចាកចេញពីវិហារឥស្លាម ក្រោយពីការសូត្រធម៌ពេលល្ងាចនៅភាគខាងត្បូងប្រទេសថៃដែលកំពុងជ្រួលច្របល់បះបោរ។ អាហ្វហ្គានីស្ថាន៖ ប្រទេសអាហ្វហ្គានីស្ថានអាចនឹងធ្វើការបោះឆ្នោតជ្រើសរើសប្រធានាធិបតីមុនពេលកំណត់ ដើម្បីធានាថា ជនជាតិអាហ្វហ្គានីស្ថាននឹងទៅបោះឆ្នោតនៅពេលជាមួយគ្នានឹងការដកកងទ័ពបរទេសចេញពីប្រទេសនេះ។ ម៉ាលី៖ ប្រធានរដ្ឋសភារបស់ប្រទេសម៉ាលី លោក ឌីអូខូនដា ដ្រាអរ (Diocounda Traore) បានឡើងកាន់តំណែងជាប្រធានាធិបតីស្តីទី ក្រោយពីបានស្បថឡើងកាន់តំណែងកាលពីថ្ងៃព្រហស្បតិ៍នេះ។ ស៊ីរី៖ មេដឹកនាំក្រុមជំទាស់នៅក្នុងប្រទេសស៊ីរី បានអំពាវនាវឲ្យមានការបង្ហាញភស្ដុតាងដើម្បីសាកល្បងមើលចិត្ដស្មោះត្រង់របស់រដ្ឋាភិបាលស៊ីរីដែលត្រូវអនុវត្ដតាមបទឈប់បាញ់គ្នារបស់អ.ស.ប។ កូរ៉េខាងត្បូង/ជប៉ុន៖ កងកម្លាំងយោធានៃប្រទេសកូរ៉េខាងត្បូងនិងជប៉ុនកំពុងបញ្ឈរជើងការ នៅថ្ងៃព្រហស្បតិ៍នេះជាថ្ងៃទីមួយនៃផែនការរបស់កូរ៉េខាងជើងនឹងបាញ់បង្ហោះកាំជ្រួចរុក្កែតដែលរដ្ឋាភិបាលក្រុងព្យុងយ៉ាង និយាយថានឹងយកផ្កាយរណបអាកាសធាតុចូលទៅក្នុងអវកាស។ កូរ៉េខាងជើង៖ កូរ៉េខាងជើងបានឈានជិតមកដល់ការបញ្ចប់ការផ្ទេរអំណាចថ្នាក់ដឹកនាំរបស់ខ្លួនហើយដោយប្រគល់ឲ្យលោក គីម ចុង អ៊ុន (Kim Jong Un) នូវឋានន្ដរសក្ដិថ្មីជាច្រើននិងពង្រឹងគោលជំហរជាអ្នកទទួលកេរ្ដ៍តំណែលនយោបាយក្នុងសន្ដតិវង្សដែលបង្កើតឡើងដោយជីតានិងឪពុករបស់លោក។ អង់គ្លេស/ភូមា៖ នាយករដ្ឋមន្ដ្រីនៃប្រទេសអង់គ្លេសលោក ដេវីដ កាមេរុន (David Cameron) ថ្លែងថាប្រទេសរបស់លោកនឹងបន្ធូរការដាក់ទណ្ឌកម្មមកលើប្រទេសភូមាក្នុងពេលឆាប់ៗនេះ ស្របពេលដែលលោកកំពុងរៀបចំធ្វើទស្សនកិច្ចជាប្រវត្ដិសាស្រ្ដទៅកាន់ប្រទេសភូមា។ <!--AV--> This posting includes an audio/video/photo media file: Download Now |
| តុលាការកំពូលតម្កល់សេចក្តីសម្រេចរបស់សាលាឧទ្ធរណ៍ប្រឆាំងនឹងលោក មឿង សុន Posted: 12 Apr 2012 01:41 AM PDT តុលាការកំពូលនៅថ្ងៃពុធនេះ បានកាត់ទោសកំបាំងមុខលោកមឿង សុន ឲ្យជាប់ពន្ធនាគារពីរឆ្នាំ និងពិន័យជាប្រាក់ចំនួន៤លានរៀលគឺប្រមាណ១.០០០ដុល្លារសហរដ្ឋអាមេរិកពីបទអត្ថាធិប្បាយសការដាក់តាំងអំពូលភ្លើងអគ្គិសនីនៅប្រាសាទអង្គរវត្តកាលពីឆ្នាំ២០០៩។ បន្ទាប់ពីតុលាការកំពូលបានសម្រេចប្រកាសសាលដីកាដោយលោក ឃឹម ប៉ឹន ប្រធានចៅក្រមជំនុំជំម្រះនោះ ក្រុមប្រជាពលរដ្ឋដែលរងគ្រោះដោយសារការបណ្តេញចេញពីតំបន់បឹងកក់ និងតំបន់បុរីកីឡា បានមកស្រែកនៅពីមុខតុលាការប្រឆាំងជំទាស់ទៅនឹងការសម្រេចសាលក្រមនេះថាអយុត្តិធម៌។ «សប្រែទៅជាខ្មៅអស់ហើយតុលាការ។ តើប្រជាពលរដ្ឋមានទុក្ខលំបាក រកតុលាការជួយដោះស្រាយឲ្យប្រជាពលរដ្ឋ តើមានយុត្តិធម៌សម្រាប់ប្រជាពលរដ្ឋ ឬទេ?»។ លោក មឿង សុន ប្រធានមូលនិធិទ្រទ្រង់អរិយធម៌ខ្មែរត្រូវបានតុលាការក្រុងភ្នំពេញ បានសម្រេចផ្តន្ទាទោសកំបាំងមុខឲ្យជាប់ពន្ធនាគាររយៈពេលពីរឆ្នាំ និងពិន័យជាប្រាក់ចំនួន៨លានរៀល គឺស្មើនឹង២.០០០ដុលា្លរសហរដ្ឋអាមេរិកពីបទផ្សព្វផ្សាយព័ត៌មានមិនពិត។ លោក មឿន សុន ត្រូវបានសាលាឧទ្ធរណ៍កែប្រែបទចោទពីបទផ្សព្វផ្សាយព័ត៌មានមិនពិត មកពីបទញុះញង់ឲ្យប្រព្រឹត្តិបទឧក្រិដ្ឋមិនបានសម្រេចហើយត្រូវបានតុលាការសម្រេចផ្តន្ទាទោសកាលពីថ្ងៃទី២៤ ខែឧសភា ឆ្នាំ២០១១ ឲ្យជាប់ពន្ធនាគាររយៈពេលពីរឆ្នាំ និងកាត់បន្ថយពិន័យជាប្រាក់ពីរ៨លានរៀលមកនូវត្រឹម៤លានរៀលវិញ។ លោក មឿង សុន បានថ្លែងប្រាប់វីអូអេតាមរយៈទូរស័ព្ទពីកន្លែងដែលគាត់ស្នាក់នៅឯក្រៅប្រទេសមកថា លោកបានចាត់ទុកការសម្រេចរបស់តុលាការកំពូលថាពុំបានផ្តល់យុត្តិធម៌ចំពោះរឿងក្តីនេះទេ។ ក៏ប៉ុន្តែលោកបានបញ្ជាក់ថាលោកសុខចិត្តបង់ប្រាក់ពិន័យបួនលានរៀលចូលថវិការដ្ឋ តែលោកមិនសុខចិត្តមកទទួលទោសនៅកម្ពុជាដោយសារតែលោកពុំបានប្រព្រឹត្តខុស។ «ខ្ញុំនឹងមិនទទួលទោសទេ! ខ្ញុំនឹងទ្រាំរស់នៅប្រទេសក្រៅប្រាំឆ្នាំ ចាត់ទុកថាដូចជាខ្ញុំជនភៀសខ្លួនលើកទី២ បន្ទាប់ពីសម័យខ្មែរក្រហម ដែលយួនគេបានចូលទៅ។ លើកនេះជាសម័យរាជាណាចក្រទី២ ខ្ញុំជាជនភៀសខ្លួនម្តងទៀត»។ លោកស្រី យី ផល្លី អាយុ៦៣ឆ្នាំ ភរិយាលោកមឿង សុន បានថ្លែងប្រាប់អ្នកកាសែតនៅឯតុលាការកំពូលថាសាលដីកានេះ លោកស្រីមិនអាចទទួលយកបានទ។ «ពីព្រោះឥតមានយុត្តិធម៌ បើសិនណាជាគាត់នេះ(ខុស) គេមិនដកអំពូលភ្លើងទេ។ ប៉ុន្តែគេដកអំពូលភ្លើងអស់ទៅហើយ គាត់នៅតែជាប់ដដែលទៀត»។ លោក ប៉ាល់ ចន្ទតារា មេធាវីការពារក្តីឲ្យរដ្ឋាភិបាលបាននិយាយថាការសម្រេចសេចក្តីនេះលោកអាចទទួលយកបាន ពីព្រោះរដ្ឋាភិបាលបានយកចិត្តទុកដាក់បំផុតចំពោះការការពារសន្តិសុខសាធារណៈ។ «ការដាក់អំពូលនេះ គឺជាការដាក់សាកល្បង ដូចបាននិយាយពីយូរណាស់មកហើយ គឺរឿងសាកល្បង។ ឥឡូវនេះយើងបញ្ចប់ការដាក់ហើយ ក៏ប៉ុន្តែវាគ្មានរហូតដល់មួយពាន់វ៉ាត់ដូចគាត់ថាទេ»។ លោក សុខ សំអឿន មេធាវីការពារក្តីលោកមឿង សុន មិនបានផ្តល់អត្ថាធិប្បាយណាមួយដល់អ្នកយកព័ត៌មានទេ។ ក៏ប៉ុន្តែនៅក្នុងសវនាការ លោកបានព្យាយាមការពារយ៉ាងខ្លាំងក្លាថាការអត្ថាធិប្បាយរបស់លោក មឿង សុន មិនធ្វើឲ្យប៉ះពាល់ដល់សន្តិសុខសាធារណៈទេ។ លោកសុខ សំអឿន បាននិយាយថាអ្វីដែលលោកមឿង សុន បានអត្ថាធិប្បាយនេះគឺទទួលបានផលប្រយោជន៍វិជ្ជមានច្រើនជាងអវិជ្ជមាន។ អ្នកស្រី ទេព វណ្ណី តំណាងប្រជាពលរដ្ឋនៅតំបន់បឹងកក់ ដែលបានមកប្រមូលផ្តុំគ្នាគាំទ្រលោក មឿង សុន បាននិយាយថាការសម្រេចរបស់តុលាការកំពូលនៅថ្ងៃនេះនឹងធ្វើឲ្យប្រជាពលរដ្ឋដែលរងគ្រោះដទៃផ្សេងទៀត បាត់បង់ជំនឿទៅលើស្ថាប័នតុលាការខ្មែរ។ «ឥឡូវខ្ញុំគិតថាឥតមានភាពយុត្តិធម៌។ ព្រោះខ្ញុំមកនេះ ខ្ញុំសង្ឃឹមថាតុលាការនឹងផ្តល់ភាពយុត្តិធម៌ ប៉ុន្តែឥឡូវខ្ញុំបានឃើញហើយ តុលាការឥតលើកលែងទោសគាត់ទេ។ អញ្ចឹងបានន័យថា តុលាការមិនឯករាជ្យ មិនយុត្តិធម៌។ មានការខកចិត្ត និងរន្ធត់ចិត្តយ៉ាងខ្លាំងតែម្តង»។ ការដាក់តាំងអំពូលភ្លើងអគ្គិសនីរបស់ក្រុមហ៊ុនឯកជនមួយកាលពីឆ្នាំ២០០៩ បានដកទៅវិញ បន្ទាប់ពីមានប្រតិកម្មយ៉ាងខ្លាំងពីលោក មឿង សុន ថាការដាក់តាំងអំពូលភ្លើងអគ្គិសនីនេះ ធ្វើឲ្យប៉ះពាល់ដល់ថ្មប្រសាទអង្គរវត្ត៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
Khmerization ខែ្មរូបនីយកម្ម: “Did Gen. Kun Kim and Gen. Chea Dara had an affair with actress Ly Marina and actress Chorn Chan Leakhena?” plus 23 more |
| You are subscribed to email updates from Khmerization ខែ្មរូបនីយកម្ម To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
If you like this blog, then link back to me. This is what you will see.
