The Phnom Penh Post - KHMER: “ដំរីមួយក្បាលជាន់ស្ត្រីភ្ញៀវទេសចរណ៍ជាតិស្វីសម្នាក់ស្លាប់” plus 9 more |
- ដំរីមួយក្បាលជាន់ស្ត្រីភ្ញៀវទេសចរណ៍ជាតិស្វីសម្នាក់ស្លាប់
- ប្រេសិតពិសេសយូណេស្កូមកដល់កម្ពុជានៅថ្ងៃអាទិត្យ
- សមាជិកសភាថៃស្នើឲ្យដកប្រមុខកងទ័ពថៃ ពួកមេទ័ពមិនសប្បាយចិត្ត
- ចិននឹងមានព្រលានយន្តហោះ២២០កន្លែងនៅឆ្នាំ២០១៥
- តួលេខអ្នកស្លាប់ក្នុងរញ្ជួយដីនូវែហ្សឡង់ ឡើងជិតដល់១០០នាក់
- ឥណ្ឌាសម្លឹងរកប្រយោជន៍ពីតម្លៃស្បៀងអាហារដ៏ខ្ពស់
- រញ្ជួយដីនៅឡាវ ញ័រដល់ថៃនៅល្ងាចថ្ងៃពុធម្សិលមិញ
- អូបាម៉ាថ្កោលទោសការបង្រ្កាបរបស់បុរសខ្លាំងហ្កាដាហ្វី លើក្រុមបាតុករ
- ថៃប្រកាសមិនដកទ័ពទោះបីមានអ្នកសង្កេតការណ៍
- ពួកអាវក្រហមថៃប្រកាសជួបជុំដ៏ធំមួយនៅថ្ងៃ១២មីនា
| ដំរីមួយក្បាលជាន់ស្ត្រីភ្ញៀវទេសចរណ៍ជាតិស្វីសម្នាក់ស្លាប់ Posted: 24 Feb 2011 01:44 AM PST បាងកក៖ ស្ត្រីចំណាស់ជនជាតិស្វីសម្នាក់ ត្រូវបានដំរីជាន់សម្លាប់ ហើយភ្ញៀវទេសចរណ៍ ៤នាក់ទៀតបានរងរបួស នៅពេលដំរីដែលពួកគេកំពុងជិះនោះ ជល់គ្នាទៅវិញទៅមក នៅឯភាគខាងត្បូងប្រទេសថៃ។ នេះបើយោងតាមការអះអាងរបស់ប៉ូលិស នៅថ្ងៃព្រហស្បតិ៍នេះ។ |
| ប្រេសិតពិសេសយូណេស្កូមកដល់កម្ពុជានៅថ្ងៃអាទិត្យ Posted: 24 Feb 2011 01:20 AM PST ភ្នំពេញ៖ ប្រេសិតពិសេសរបស់អង្គការយូណេស្កូ ទទួលបន្ទុកប្រាសាទព្រះវិហារ លោក កូអ៊ីឈីរ៉ូ ម៉ាតស៊ូរ៉ា នឹងធ្វើដំណើរមកដល់ប្រទេសថៃនៅថ្ងៃសុក្រស្អែក និងមកដល់កម្ពុជានៅថ្ងៃអាទិត្យ ដើម្បីពិភាក្សាអំពីកិច្ចគាំពារសុវត្ថិភាពតំបន់បេតិកភណ្ឌពិភពលោក ជាមួយនាយករដ្ឋមន្ត្រីកម្ពុជា និងថៃ បន្ទាប់ពីមានការប្រយុទ្ធគ្នារវាងប្រទេសទាំងពីរនេះកាលពីដើមខែ កុម្ភៈកន្លងមក។ នេះបើយោងតាមសេចក្តីរាយការណ៍របស់អង្គការយូណេស្កូ ដែលមានមូលដ្ឋាននៅទីក្រុងប៉ារីស។ |
| សមាជិកសភាថៃស្នើឲ្យដកប្រមុខកងទ័ពថៃ ពួកមេទ័ពមិនសប្បាយចិត្ត Posted: 24 Feb 2011 12:36 AM PST បាងកក៖ ក្រុមសមាជិកសភាថៃមកពីគណបក្សប្រជាធិបតេយ្យ ប្រចាំភាគខាងត្បូង បានទាមទារឲ្យដកប្រមុខកងទ័ពថៃ ឧត្តមសេនីយ៍ ប្រាយុទ្ធ ច័ន្ទអូឆា ចេញពីតំណែង ដោយសារតែបរាជ័យក្នុងការបញ្ចប់ភាពចលាចលនៅតាមបណ្តាខេត្តភាគ ខាងចំនួន ៣ ដែលជាហេតុធ្វើឲ្យពួកមន្ត្រីយោធាជាន់ខ្ពស់របស់ប្រទេសមួយនេះ មិនសប្បាយចិត្តឡើយ។ នេះបើយោងតាមសេចក្តីរាយការណ៍របស់គេហទំព័រកាសែតថៃ ដែលបានផ្សាយនៅថ្ងៃព្រហស្បតិ៍នេះ។ |
| ចិននឹងមានព្រលានយន្តហោះ២២០កន្លែងនៅឆ្នាំ២០១៥ Posted: 23 Feb 2011 11:38 PM PST ទីក្រុងប៉េកាំង៖ ប្រទេសចិននឹងបន្ថែមព្រលានយន្តហោះជាង ៤៥កន្លែងទៀតនៅក្នុងរយៈពេល ៥ឆ្នាំខាងមុខ ដែលនឹងធ្វើឲ្យប្រទេសមួយនេះមានព្រលានយន្តសរុបជាង ២២០កន្លែងនៅទូទាំងប្រទេស បើទោះបីជាមានក្តីបារម្ភអំពីស្ថានភាពហិរញ្ញវត្ថុរបស់ព្រលាន យន្តក្នុងតំបន់ជាច្រើនក៏ដោយ។ នេះយោងតាមការអះអាងរបស់មន្ត្រីអាកាសចរណ៍កំពូលរបស់ប្រទេសនេះនៅ ថ្ងៃព្រហស្បតិ៍នេះ។ |
| តួលេខអ្នកស្លាប់ក្នុងរញ្ជួយដីនូវែហ្សឡង់ ឡើងជិតដល់១០០នាក់ Posted: 23 Feb 2011 11:06 PM PST ទីក្រុងស៊ីដនី៖ ចំនួនមនុស្សស្លាប់ដោយសារគ្រោះរញ្ជួយដីនៅ ទីក្រុងគ្រីស្តឈ័រ ដែលជាទីក្រុងធំទីពីររបស់ប្រទេសនូវែលហ្សឡង់ បានឡើងដល់ ៩៨នាក់ហើយ ហើយតួលេខអាចនឹងឡើងបន្តទៀត។ នេះបើតាមការអះអាងរបស់លោកនាយករដ្ឋមន្ត្រី ចន ឃី ប្រាប់ដល់ទូរទស្សន៍ព័ត៌មាន Sky នៅថ្ងៃព្រហស្បតិ៍នេះ។ |
| ឥណ្ឌាសម្លឹងរកប្រយោជន៍ពីតម្លៃស្បៀងអាហារដ៏ខ្ពស់ Posted: 23 Feb 2011 09:47 PM PST ទីក្រុងញូវដេលី៖ រដ្ឋមន្ត្រីកសិកម្មរបស់ប្រទេសឥណ្ឌា ដោយបានលើកឡើងអំពីតម្លៃដ៏ខ្ពស់នៃទីផ្សារពិភពលោក បានអំពាវនាវឲ្យមានការនាំចេញស្រូវសាលី អង្ករ និងស្ករសឡើងវិញ កាលពីថ្ងៃពុធម្សិលមិញ ដើម្បីចាប់យកប្រយោជន៍ពីការឡើងថ្លៃដ៏ខ្ពស់នៃតម្លៃទំនិញនៅលើ ទីផ្សារពិភពលោក។ |
| រញ្ជួយដីនៅឡាវ ញ័រដល់ថៃនៅល្ងាចថ្ងៃពុធម្សិលមិញ Posted: 23 Feb 2011 09:17 PM PST បាងកក៖ តាមសេចក្តីរាយការណ៍របស់គេហទំព័រកាសែតថៃ បានឲ្យដឹងថា រញ្ជួយដីកម្រិត ៤,៧រ៉ិចទ័រមួយ បានវាយប្រហារលើប្រទេសឡាវកាលពីល្ងាចថ្ងៃពុធម្សិលមិញ ហើយអាចរញ្ជួយដល់ខេត្តជាច្រើនរបស់ប្រទេសថៃ។ |
| អូបាម៉ាថ្កោលទោសការបង្រ្កាបរបស់បុរសខ្លាំងហ្កាដាហ្វី លើក្រុមបាតុករ Posted: 23 Feb 2011 08:20 PM PST ទីក្រុងបេនហ្កាហ្ស៊ី៖ បណ្តាមេដឹកនាំពិភពលោក បានថ្កោលទោសការបង្ក្រាបរបស់មេដឹកនាំ មួម៉ារ ហ្កាដាហ្វី ទៅលើការបះបោរមួយ ដែលបានពុះបំបែកប្រទេសលីប៊ី ប៉ុន្តែ មេដឹកនាំទាំងនោះបែរជាចាត់វិធានការតិចតួចប៉ុណ្ណោះ ដើម្បីបញ្ឈប់ការបង្ហូរឈាម ដែលកើតចេញពីការក្រោកឡើងថ្មីៗនៅក្នុងពិភពអារ៉ាប់។ |
| ថៃប្រកាសមិនដកទ័ពទោះបីមានអ្នកសង្កេតការណ៍ Posted: 23 Feb 2011 05:13 AM PST ភ្នំពេញ៖ សេចក្តីរាយការណ៍ព័ត៌មានពីរបស់គេហទំព័រកាសែតថៃ បានឲ្យដឹងថា ប្រទេសថៃនឹងមិនដកទ័ពចេញពីតំបន់ព្រំដែនកម្ពុជា-ថៃ បើទោះបីជាប្រទេសឥណ្ឌូនេស៊ីត្រៀមបញ្ជូនក្រុមអ្នកសង្កេតការណ៍មក តំបន់នោះក៏ដោយ។ |
| ពួកអាវក្រហមថៃប្រកាសជួបជុំដ៏ធំមួយនៅថ្ងៃ១២មីនា Posted: 23 Feb 2011 04:51 AM PST បាងកក៖ លោក វ៉ូរ៉ាវុធ វិឆៃឌិត អ្នកនាំពាក្យរណសិរ្សរួបរួមដើម្បីលទ្ធិប្រជាធិបតេយ្យប្រឆាំងភាព ផ្តាច់ការ (UDD) បាននិយាយនៅថ្ងៃពុធនេះថា មេដឹកនាំសទាំង ៧នាក់នៃក្រុម UDD ដែលទើបនឹងទទួលបានសេរីភាពឡើងវិញកាលពីថ្ងៃអង្គារម្សិលមិញនោះ នឹងចេញបង្ហាញខ្លួនលើឆាកនៅឯវិមានប្រជាធិបតេយ្យ នៅអំឡុងការតវ៉ារបស់ក្រុមអាវក្រហមទៅតាមផែនការនៅថ្ងៃទី១២ ខែមីនាខាងមុខ។ |
| You are subscribed to email updates from ដំណឹងថ្មីបំផុត To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
