Koh Santipheap Daily |
- គ្រោះថ្នាក់ចរាចរណ៍២ករណីក្នុងថ្ងៃតែមួយស្លាប់២របួស១៣នាក់
- ថៃនាំអនុពន្ធយោធាមកពីបណ្តាប្រទេសសមាជិកអាស៊ានទៅពិនិត្យតំបន់មានជម្លោះព្រំដែន
- ចេកមិនសូវបានថ្លៃអ្នកដាំនៅស្រុកចំការលើកាប់ចោលយកដីដាំកៅស៊ូ
- ព្រួយបារម្ភពីភាពតានតឹងក្នុងតំបន់អ៊ីស្រាអែលនឹងបង្កើនថវិកាយោធា
- បះបោរនៅលីប៊ីអ្នកស្លាប់ឡើងដល់យ៉ាងតិច233នាក់ហើយ
- គ្រោះថ្នាក់រថយន្តបឺសធ្លាក់ចូលក្នុងទន្លេនៅខេត្តណាន ប្រទេសថៃ ស្លាប់គ្រូបង្រៀន14នាក់
- ឃាត់ខ្លួនជនជួញដូរនិងប្រើប្រាស់គ្រឿងញៀនចំនួន២នាក់
- ជិះវីហ្គោដឹកស្រីស្នេហ៍ដើរលេងពេញមួយយប់ អផ្សុកដកកាំភ្លើងបាញ់មនុស្សឱ្យរបួសលេង
- តំណាងពិសេសអង្គការសហប្រជាជាតិពិភាក្សាជាមួយលោករ៉ុង ឈុន និងគណៈកម្មការរដ្ឋសភា
- ក្មេងទំនើងទាត់មន្ត្រីនគរបាលចរាចរ១ជើង និងវាយ១ដំបង
- ៨ទល់៥បង្កហិង្សាដាក់គ្នា រងរបួសម្នាក់ឃាត់ខ្លួនយុវជន៥នាក់
- ថ្លៃសំបុត្រទស្សនាជុំផ្តាច់ព្រ័ត្រយូហ្វាឆេមពានលីកថ្លៃជាងពេលកន្លងមក
- ប៉ូលិសខណ្ឌសែនសុខបង្ហាញមុខអ្នកប្រើប្រាស់គ្រឿងញៀន និងអ្នកផ្តល់ទីកន្លែង
- ក្រុមវ័យចាស់ព្រះខ័នរាជ្យក្លាយជាជើងឯកដោយបាល់ប៉េណាល់ទី
- ជៀសឱ្យឆ្ងាយពីគ្រឿងញៀន ល្បែងស៊ីសង ក្មេងទំនើង និងអនាចារ
- កាបូបយួរដៃសម្រាប់ស្ត្រីថ្លៃជាង3លានដុល្លារ
- គ្រោះអគ្គីភ័យលេបត្របាក់ផ្ទះសម្រាប់ក្មេងពិការនៅទីក្រុងភាគខាងលិចអេស្តូនីស្លាប់10នាក់
- ក្រុងទុយនីសទាមទារឱ្យធ្វើបត្យាប័នអតីតប្រធានាធិបតី លោកបេនអាលី
- កាកបាទក្រហមត្រៀមចុះចែកអំណោយដល់ពលរដ្ឋរងគ្រោះដោយសារភ្លៀងព្យុះរំលំផ្ទះសម្បែងចំនួន១៩ខ្នង
- កូនប្រុសមេដឹកនាំលីប៊ីលើកឡើងពីការកែទម្រង់សំខាន់ៗរបស់ប្រទេស
| គ្រោះថ្នាក់ចរាចរណ៍២ករណីក្នុងថ្ងៃតែមួយស្លាប់២របួស១៣នាក់ Posted: 20 Feb 2011 11:58 PM PST  ខេត្តកំពង់ចាម ៖ ឧប្បត្តិហេតុគ្រោះថ្នាក់ចរាចរណ៍បានកើតឡើងនៅតំបន់ត្រើយខាងលិចនិងត្រើយខាងកើតទន្លេមេគង្គក្នុងថ្ងៃ១៨ កុម្ភៈ តែមួយបណ្តាលឱ្យស្លាប់យ៉ាងហោចណាស់ចំនួន២នាក់ និងរងរបួសចំនួន១៣នាក់ហើយត្រូវបានគេដឹកតាមរថយន្តយកមកសង្គ្រោះនៅមន្ទីរពេទ្យខេត្តជាបន្ទាន់ផងដែរ ។ តាមលោកអនុសេនីយ៍ឯក អ៊ិត ដារ៉ា អធិការនគរបាលស្រុកចំការលើបានឱ្យដឹងថា កាលពីវេលាម៉ោង៩ព្រឹកថ្ងៃទី១៨ កុម្ភៈ នៅលើកំណាត់ផ្លូវលំត្រង់ចំណុចភូមិពព្រេង ឃុំស្ពឺ ស្រុកចំការលើ មានឧប្បត្តិហេតុគ្រោះថ្នាក់មួយបានកើតឡើងដោយរថយន្តម៉ាកហ៊ីយ៉ាន់ដាយ១គ្រឿងចំណុះ២តោន មិនមានពាក់ស្លាកលេខ បានក្រឡាប់ធ្លាក់ចេញពីផ្លូវក្នុងខណៈពេលកំពុងបើកបរពីត្បូងទៅជើង ។ គ្រោះថ្នាក់នេះ បណ្តាលឱ្យស្លាប់ម្នាក់ភ្លាមៗឈ្មោះគីម ស្រុង ភេទប្រុស អាយុ១៩ឆ្នាំ ជាកម្មករចំការកៅស៊ូបឹងកេត ។ ឯអ្នករងរបួសមាន១-ឈ្មោះម៉ាត់ ណូ ភេទប្រុស អាយុ៤៨ឆ្នាំ រស់នៅភូមិអូរប្រាំ ឃុំព្រែកកក់ ស្រុកស្ទឹងត្រង់ ជាអ្នកបើកបររថយន្ត ២-ឈ្មោះវេត គឹមហុង ភេទប្រុស អាយុ៣៦ឆ្នាំ ៣-ឈ្មោះស៊ាន យ៉ាន ភេទប្រុស អាយុ២៣ឆ្នាំ ៤-ឈ្មោះសុខ គ្រី ភេទប្រុស អាយុ១៩ឆ្នាំ ៥-ឈ្មោះយឹម អ៊ាប ភេទប្រុស អាយុ៥៣ឆ្នាំ ទាំងអស់គ្នាជាកម្មករចំការកៅស៊ូបឹងកេត។ មូលហេតុគ្រោះថ្នាក់នេះគឺដោយសាររថយន្តបើករអិលក្រួសក្រហម ក៏ទាញឱ្យក្រឡាប់តែម្តង ។ ចំណែកលោកវរសេនីយ៍ត្រីឯម កុសល អធិការនគរបាលស្រុកមេមត់បានឱ្យដឹងដែរថា កាលពីវេលាម៉ោង៦ និង៣០នាទីល្ងាចថ្ងៃទី១៨ កុម្ភៈ នៅលើកំណាត់ផ្លូវជាតិលេខ៧ ត្រង់ចំណុចមុខវត្តផ្លាកសំរោង ភូមិសំរោង ឃុំទ្រៀក ស្រុកមេមត់ មានរថយន្តម៉ាកហ៊ីណូ ពណ៌ត្រេអ៊ី១គ្រឿង មិនមានពាក់ស្លាកលេខដែលដឹកគ្រឿងទេស បានបុកត្រាក់ទ័រមួយគ្រឿងពេញទំហឹង ។ ក្នុងហេតុការណ៍នេះបណ្តាលឱ្យរថយន្តហ៊ីណូក្រឡាប់ និងស្លាប់ម្នាក់ឈ្មោះលុយ ឈា ភេទប្រុស អាយុ២៣ឆ្នាំ រស់នៅភូមិក្បាលដំរី ឃុំត្រពាំងផ្លុង ស្រុកពញាក្រែក និងរបួសចំនួន៨នាក់ត្រូវបាននាំមកសង្គ្រោះនៅមន្ទីរពេទ្យបង្អែកស្រុកមេមត់ និងខ្លះទៀតបញ្ជូនបន្តមកសង្រ្គោះនៅមន្ទីរពេទ្យខេត្តទាំងយប់ ។ លោកអធិការនគរបាលស្រុកមេមត់បានបញ្ជាក់ថា រថយន្តហ៊ីណូបើកចេញមកពីទិសខាងកើតដោយមានកម្មករអង្គុយលើដំបូលជាច្រើននាក់ លុះពេលមកដល់មុខវត្តផ្លាកសំរោងក៏បានទៅបុកជាមួយត្រាក់ទ័រដែលបើកបញ្រ្ចាសទិសគ្នា ។ រថយន្តហ៊ីណូបានក្រឡាប់សង្កត់ទៅលើម៉ូតូចំនួន២គ្រឿងទៀតក្នុងនោះមានC 100 កូរ៉េមួយគ្រឿងពណ៌ក្រហមបើកបរដោយឈ្មោះហួត ជន ភេទប្រុស អាយុ៥៦ឆ្នាំ រស់នៅភូមិសំរោងជើង ឃុំដារ ស្រុកមេមត់ និងធុនគុប៩០ បើកបរដោយឈ្មោះតួ ធី ភេទប្រុស អាយុ២៥ឆ្នាំ រស់នៅភូមិដារ ឃុំដារ ស្រុកមេមត់ដែរ ។ ក្រុមកម្មករដែលជិះលើរថយន្តរងរបួសចំនួន៨នាក់រួមមាន១-ឈ្មោះមុន អាន ភេទប្រុស អាយុ៤០ឆ្នាំ ២-ឈ្មោះលី ហ័រ ភេទប្រុស អាយុ២៨ឆ្នាំ ៣-ឈ្មោះទិត ផូក ភេទប្រុស អាយុ២៩ឆ្នាំ ៤-ឈ្មោះលុយ ហ៊ាន ភេទប្រុសអាយុ២៩ឆ្នាំ ៥-ឈ្មោះជន ពៅ ភេទប្រុស អាយុ២៥ឆ្នាំ ៦-ឈ្មោះរ័ត្ន សីលា ភេទប្រុស អាយុ៣២ឆ្នាំ ៧-ឈ្មោះហួត ជិន ភេទប្រុស អាយុ៥៦ឆ្នាំ ៨-ឈ្មោះមួន មាន ភេទស្រី អាយុ៥៣ឆ្នាំ ទាំងអស់គ្នារស់នៅភូមិត្រពាំងផ្លុង ឃុំត្រពាំងផ្លុង ស្រុកពញាក្រែក ។ យានយន្តដែលជួបគ្រោះថ្នាក់ទាំង២ករណីត្រូវបាននាំយកមករក្សាទុកនៅអធិការដ្ឋាននគរបាលស្រុកចំការលើ និងស្រុកមេមត់ ដើម្បីដោះស្រាយទៅតាមច្បាប់ ៕  |
| ថៃនាំអនុពន្ធយោធាមកពីបណ្តាប្រទេសសមាជិកអាស៊ានទៅពិនិត្យតំបន់មានជម្លោះព្រំដែន Posted: 20 Feb 2011 11:56 PM PST គេហទំព័រ MCOT របស់ថៃជាភាសាអង់គ្លេសនៅថ្ងៃទី២១ កុម្ភៈ ផ្សាយឱ្យដឹងថា នាយសេនាធិការរងនៃកងយោធាថៃទទួលបន្ទុកចារកម្មនៅថ្ងៃទី២១ ធ្នូ នេះ បាននាំអនុពន្ធយោធាមកពីបណ្តាប្រទេសជាសមាជិកអាស៊ានទៅកាន់ភូមិមួយឈ្មោះភូមិស្រូល ស្ថិតនៅតាមព្រំដែនរវាងប្រទេសថៃ និងប្រទេសកម្ពុជា ដើម្បីពិនិត្យមើលប្រតិបត្តិការរបស់យោធា និងពិនិត្យមើលផលប៉ះពាល់នៃការប៉ះទង្គិចគ្នាដោយអាវុធរវាងកងទ័ពថៃ និងកងទ័ពកម្ពុជា កាលពីដើមខែ  |
| ចេកមិនសូវបានថ្លៃអ្នកដាំនៅស្រុកចំការលើកាប់ចោលយកដីដាំកៅស៊ូ Posted: 20 Feb 2011 11:55 PM PST   រាជធានីភ្នំពេញ ៖ ផ្លែចេកណាំវ៉ាសំបូរទៅដោយវីតាមីនជាច្រើនមុខ មិនតែប៉ុណ្ណោះផ្លែខ្ចីអាចយកទៅស្លកកូរ ស្លម្ជូរ ធ្វើជាអន្លក់ ឯផ្លែទុំធ្វើនំអន្សម អាំង ចេកចៀន ធ្វើដំណាប់ និងបង្អែម ។ ចេកណាំវ៉ាក៏អាចជួយសំរួលដល់ក្រពះ និងពោះវៀនបានល្អផងដែរ ។ ចេកណាំវ៉ាជាដំណាំដែលប្រជាពលរដ្ឋខ្មែរ ពិសេសនៅតាមទីជនបទស្រុកចំការមានដាំស្ទើរគ្រប់ផ្ទះទាំងអស់ ព្រោះវាងាយស្រួលក្នុងការដាំដោយគ្រាន់តែដាំកូនមួយដើមវាដុះកូនបន្ដទៀតជាហូរហែ ហើយទំលាក់ត្រយូងចេញផ្លែ បន្ដបន្ទាប់ ។ នៅលើទីផ្សារវិញ ថ្ងៃណាក៏មានចេកណាំវ៉ាលក់ដែរ និងរឹតតែសំបូរនៅថ្ងៃពេញបូណ៌មី ឬថ្ងៃសីលដោយប្រជាពលរដ្ឋតែងតែទិញយកទៅដាក់សែនគោរពបូជា ។ ផ្សារដែលលក់ចេកណាំវ៉ាសំរាប់ចែកចាយគ្រប់ខេត្ដ-ក្រុងនោះ គឺផ្សារដើមគ ក្នុងរាជធានីភ្នំពេញ ។ អាជីវករលក់ចេកឈ្មោះកែវ ចាន់ថុល អាយុ៤៥ឆ្នាំ ភេទស្រី ជាអ្នកលក់ចេកណាំវ៉ាបោះដុំនិងលក់រាយនៅផ្សារដើមគតាំងពីឆ្នាំ១៩៩៤មកឱ្យដឹងថា ចេកណាំវ៉ាដែលគាត់លក់នេះ គឺនាំយកមកពីស្រុកចំការលើខេត្ដកំពង់ចាម។ រដូវដែលសំបូរចេកលក់ជាងគេគឺនៅរដូវវស្សា ចំណែករដូវប្រាំងមិនសូវមានចេកទេ តែនៅតែមានលក់គ្រប់តំរូវការដែរ និងមិនបាននាំមកពីប្រទេសជិតខាងទេ ។ អាជីវករលក់ចេករូបនេះបន្ដទៀតថា ចេកលក់ដាច់ជាងគេសំរាប់សែនថ្ងៃសីល ។ គាត់ទិញចេកយកទៅទុកមុនថ្ងៃសីលពីរថ្ងៃ ដើម្បីចេកទុំ ល្អ ព្រោះចេកដែលយកមកពីចំការជាចេកចាស់មិនទាន់ទុំទេ ។ មុនថ្ងៃសីលគឺគាត់លក់អស់២ឡានក្នុងមួយឡានចំណុះ២តោនកន្លះផ្ទុកចេកបាន៥ពាន់ស្និត ។ ជួបជាមួយអ្នកដឹកចេកមកពីខេត្ដកំពង់ចាមសំរាប់លក់នៅផ្សារដើមគឈ្មោះម៉ូត ផេត អាយុ៤៧ឆ្នាំ ភេទប្រុស មានស្រុកកំណើតនៅភូមិសំព័រ ឃុំតាអុង ស្រុកចំការលើឱ្យដឹងថា គាត់ជាអ្នកដើរទិញចេកពីចំការសំរាប់លក់បន្ដ និងមានដីចំនួន៥ហិកតា សំរាប់ដាំចេកផ្ទាល់ខ្លួនផងដែរ ។ នៅខេត្ដកំពង់ចាមមានស្រុកពីរដែលដាំចេកណាំវ៉ា គឺស្រុកចំការលើ និងស្រុកស្ទឹងត្រង់តែស្រុកចំការលើដាំច្រើនជាង ។ កសិករម៉ូត ផេត ប្រាប់ទៀតថា ចេកណាំវ៉ាដាំរយៈពេលមួយឆ្នាំទើបបានផល ។ ក្នុងមួយគុម្ពបើដីល្អដាំបានរយៈពេល១០ឆ្នាំទើបឡើងគល់ តែបើដីប្រៃមិនល្អបានតែ៥ឆ្នាំទេ ត្រូវកាប់គាស់គល់ចេញដាំថ្មីឡើងវិញ ។ ដំណាំចេកដាំមិនដាក់ជីគីមីអ្វីទាំងអស់ បើខែប្រាំងគ្រាន់តែស្រោចទឹកខ្លះ តែបើខែវស្សាវិញមិនបាច់ស្រោចទឹកទេ ។ ការដាំចេកលើផ្ទៃដីទំហំ១ហិកតា បើខែវស្សាផ្ដល់ផលម្ដងបាន៥០០ស្និត តែបើខែប្រាំងវិញកាប់បានតែពី១០០ទៅ១៥០ស្និតប៉ុណ្ណោះ ។ សំរាប់ដំណាំចេករបស់គាត់មួយហិកតា គឺកន្លះខែកាប់បានម្ដង ។ ផ្លែចេកសំរាប់ឆ្នាំទីមួយមិនសូវធំល្អទេ ទាល់តែឆ្នាំទីពីរទីបី ទើបធំល្អ ។ កសិកររូបនោះនិយាយថា គាត់ដើរប្រមូលទិញចេកពីចំការយកមកលក់ដល់ភ្នំពេញចំណេញបានតែ១ស្និត១០០រៀលប៉ុណ្ណោះ ហើយទូទាត់ជាមួយថ្លៃសាំងរថយន្ដ គឺសល់ប្រាក់ចំណេញមិនច្រើនប៉ុន្មានទេ ។ បច្ចុប្បន្នមិនសូវសំបូរចេកដូចកាលពីមុនឡើយ ព្រោះប្រជាពលរដ្ឋបានកាប់ចោលយកដីដាំកៅស៊ូវិញ ៕  |
| ព្រួយបារម្ភពីភាពតានតឹងក្នុងតំបន់អ៊ីស្រាអែលនឹងបង្កើនថវិកាយោធា Posted: 20 Feb 2011 11:53 PM PST អ៊ីស្រាអែលចាត់ទុកថា ធ្ងន់ធ្ងរបំផុតចំពោះព័ត៌មានរៀបរាប់ពីនាវាចម្បាំងអ៊ីរ៉ង់២គ្រឿង ធ្វើដំណើរឆ្លងកាត់ព្រែកជីកស៊ុយអេ មកកាន់សមុទ្រមេឌីទែររ៉ាណេ ដែលនេះជាលើកដំបូងពុំធ្លាប់មានចាប់តាំងពីឆ្នាំ១៩៧៩មក និងបានព្រមានថា នឹងបង្កើនថវិកាការពារមកពីភាពតានតឹងក្នុងតំបន់ ។  |
| បះបោរនៅលីប៊ីអ្នកស្លាប់ឡើងដល់យ៉ាងតិច233នាក់ហើយ Posted: 20 Feb 2011 11:53 PM PST  សភាពការណ៍នៅលីប៊ីកាន់តែមានភាពមិនច្បាស់លាស់ ។ គេរាប់ឃើញមនុស្សស្លាប់យ៉ាងតិច២៣៣នាក់ ជាពិសេសនៅភាគខាងកើតប្រទេស ។ ទីក្រុងទ្រីប៉ូលី ជាទីលាននៃការប៉ះទង្គិចគ្នារវាងពួកអ្នកគាំទ្រ និងពួកអ្នកប្រឆាំងលោកកាដាហ្វី ។  |
| គ្រោះថ្នាក់រថយន្តបឺសធ្លាក់ចូលក្នុងទន្លេនៅខេត្តណាន ប្រទេសថៃ ស្លាប់គ្រូបង្រៀន14នាក់ Posted: 20 Feb 2011 11:53 PM PST ឧប្បត្តិហេតុគ្រោះថ្នាក់រថយន្តបឺសមួយកើតឡើងនៅក្រុង Song Kwae ខេត្តណាន ប្រទេសថៃ កាលពីព្រឹកថ្ងៃទី២១ កុម្ភៈ កន្លងមក បណ្តាលឱ្យស្លាប់មនុស្ស១៤នាក់ សុទ្ធតែជាគ្រូបង្រៀន និង១៨នាក់ទៀតរងរបួស ។ គ្រោះថ្នាក់នោះកើតឡើងនៅវេលាម៉ោង៧និង៣០នាទីព្រឹកថ្ងៃទី២១ កុម្ភៈ ដោយរថយន្តបឺសនោះដែលដឹកគ្រូបង្រៀន៣២នាក់ ធ្វើដំណើរពីសាលា Ban Dai ក្នុងស្រុក Mae Sai ខេត្តឈៀងម៉ៃ បានក្រឡាប់ធ្លាក់ចូលទន្លេ ។  |
| ឃាត់ខ្លួនជនជួញដូរនិងប្រើប្រាស់គ្រឿងញៀនចំនួន២នាក់ Posted: 20 Feb 2011 11:50 PM PST  រាជធានីភ្នំពេញ ៖ សមត្ថកិច្ចនគរបាលផ្នែកព្រហ្មទណ្ឌនៃ អធិការដ្ឋាននគរបាលខណ្ឌដូនពេញ បានឃាត់ខ្លួនបុរស២នាក់នៅកែងផ្លូវលេខ១៤៤ និងលេខ១៩ ស្ថិតក្នុងភូមិទី៥ សង្កាត់ផ្សារកណ្តាលទី១ ខណ្ឌដូនពេញ កាលពីវេលាម៉ោង១ និង៣០នាទីរំលងអធ្រាត្រឈានចូលថ្ងៃ ទី២១ កុម្ភៈ ខណៈពេលពួកគេកំពុងជួញដូរគ្រឿងញៀនជាក់ស្តែង ។ ម្នាក់ឈ្មោះសុខ រតនៈ អាយុ២៥ឆ្នាំ ស្នាក់នៅផ្ទះជួល ក្នុងសង្កាត់ទឹកថ្លា ខណ្ឌសែន សុខ និងម្នាក់ទៀតឈ្មោះគូ គឹមរ័ត្ន អាយុ២៦ឆ្នាំ ជាកម្មករសំណង់ មានទីលំនៅ ភូមិសាមគ្គី សង្កាត់ប្ញស្សីកែវ ខណ្ឌប្ញស្សីកែវ ។ តាមមន្ត្រីនគរបាលឱ្យដឹងថា នៅវេលារំលងអធ្រាត្រពេលជិះម៉ូតូល្បាតក្នុងភូមិសាស្ត្រមកដល់កែងផ្លូវលេខ១៤៤ និងលេខ១៩ ស្ថិតក្នុងសង្កាត់ផ្សារកណ្តាលទី២ ខណ្ឌដូនពេញប្រទះឃើញបុរសពីរនាក់កំពុងឈររេរា ហាក់ដូចជាបំរុងធ្វើសកម្មភាព មួយ ហើយដោយមានការសង្ស័យសមត្ថកិច្ចហៅមកឆែកឆេរឃើញថ្នាំញៀនប្រភេទក្រាមពណ៌.ស (ម៉ាទឹកកក) ចំនួន៥កញ្ចប់តូច ក៏បានដកហូតរួមជាមួយទូរស័ព្ទដៃ ព្រមទាំងលុយរៀល និងលុយដុល្លារមួយចំនួន ។ ដោយឡែកនៅយប់ថ្ងៃដដែលវេលាម៉ោង១ និង២០នាទីរំលងអធ្រាត្រ នគរបាលប៉ុសិ៍្តផ្សារកណ្តាលទី១ បានឃាត់ខ្លួនជនសង្ស័យប្រើប្រាស់ថ្នាំញៀនម្នាក់ឈ្មោះសុខ ពេជ្រ ភេទប្រុស អាយុ១៨ឆ្នាំ ស្នាក់នៅមិនពិតប្រាកដនៅចំណុចកែងផ្លូវលេខ១៣០ និងលេខ១៣ ដោយដកហូតបានថ្នាំញៀនប្រភេទយ៉ាម៉ាមួយគ្រាប់ និងប្រដាប់ជក់ផងដែរ ៕  |
| ជិះវីហ្គោដឹកស្រីស្នេហ៍ដើរលេងពេញមួយយប់ អផ្សុកដកកាំភ្លើងបាញ់មនុស្សឱ្យរបួសលេង Posted: 20 Feb 2011 11:43 PM PST រាជធានីភ្នំពេញ ៖ យុវជនម្នាក់បានរងរបួសធ្ងន់ដោយសារខ្មាន់កាំភ្លើងមិនស្គាល់អត្តសញ្ញាណបាញ់ត្រូវ១គ្រាប់កាលពីវេលាម៉ោង៥និង៤០នាទីទៀបភ្លឺថ្ងៃទី២០ កុម្ភៈ ២០១១ នៅចំណុចខាងលិចស្ថានីយបូមទឹកបឹងទំពុន ស្ថិតលើកំណាត់ផ្លូវលេខ៣៧១ ភូមិត្នោតជ្រុំ សង្កាត់បឹងទំពុន ខណ្ឌមានជ័យ ។ យុវជនរងរបួសក្នុងហេតុការណ៍ខាងលើឈ្មោះចូវ សុខន អាយុ២០ឆ្នាំ ជាកម្មករធ្វើនំបុ័ង មានទីលំនៅភូមិភ្នាត សង្កាត់ស្ទឹងមានជ័យ ខណ្ឌមានជ័យ ។ ឈ្មោះចូវ សុខន រងរបួសដោយសារគ្រាប់កាំភ្លើងបាញ់ត្រូវមួយគ្រាប់ចំខ្នងធ្លាយទៅក្លៀកខាងឆ្វេង ។ មុនពេលរងរបួស ឈ្មោះចូវ សុខន បានដើរលើកំណាត់ផ្លូវលេខ៣៧១ តម្រង់ទៅកន្លែងធ្វើនំប៉័ង ហើយត្រូវជនមិនស្គាល់អត្តសញ្ញាណជិះរថយន្តម៉ាកវីហ្គោ ពណ៌ស្ករ គ្មានស្លាកលេខ ទាញកាំភ្លើងបាញ់មួយគ្រាប់ត្រូវរបួសធ្ងន់តែម្តង ។ បន្ទាប់ពីរងរបួស ឈ្មោះចូវ សុខន ត្រូវបានមិត្តភក្តិនាំយកទៅព្យាបាលរបួសនៅមន្ទីរពេទ្យមិត្តភាពខ្មែរ-សូវៀត ។ យោងតាមប្រភពព័ត៌មានពីសមត្ថកិច្ចនគរបាលមូលដ្ឋានដែលចុះធ្វើការស្រាវជ្រាវករណីបាញ់បោះសេរីនេះបានឱ្យដឹងថា នៅយប់ថ្ងៃទី១៩ ឈានចូលថ្ងៃទី២០ មានបុរសម្នាក់ជិះរថយន្តម៉ាកវីហ្គោ ពណ៌ទឹកប្រាក់ គ្មានស្លាកលេខ បានទៅឌុបនារីម្នាក់ជួលផ្ទះស្នាក់នៅភូមិត្នោតជ្រុំ ខាងលើ ដើរផឹកស៊ីច្រៀងរាំមួយប់ទល់ភ្លឺ លុះដល់វេលាទៀបភ្លឺទើបដឹកនារីម្នាក់នោះត្រឡប់មកលំនៅឋានវិញ ហើយឃើញយុវជនឈ្មោះចូវ សុខន និងមិត្តភក្តិផ្សេងៗទៀតកំពុងបណ្តើរគ្នាដើរទៅធ្វើការ ស្រាប់តែបុរសដែលជិះរថយន្តវីហ្គោនោះកើតការអផ្សុកបាញ់គំរាមទៅលើក្រុមយុវជនទាំងនោះលេងបង្អួតស្រីស្នេហ៍បណ្តាលឱ្យគ្រាប់កាំភ្លើងត្រូវឈ្មោះចូវ សុខន ១គ្រាប់តែម្តង ។ តាមការបំភ្លឺរបស់នាងរ៉ាន់ ដែលបានរួមដំណើរដើរលេងជាមួយម្ចាស់រថយន្តវីហ្គោនោះបានឱ្យដឹងថា នាងត្រូវឈ្មោះឌី ហៅវីហ្គោ ឌុបដើរលេងច្រៀងរាំពេញមួយយប់មែន ប៉ុន្តែនាងពុំចាំថា ទៅទីណាខ្លះទេ គឺនៅចាំតែមួយកន្លែងចូលច្រៀងខារ៉ាអូខេ XO ស្ថិតនៅបណ្តោយផ្លូវលេខ១៦៣ សង្កាត់ទួលស្វាយព្រៃទី១ ៕  |
| តំណាងពិសេសអង្គការសហប្រជាជាតិពិភាក្សាជាមួយលោករ៉ុង ឈុន និងគណៈកម្មការរដ្ឋសភា Posted: 20 Feb 2011 11:37 PM PST រាជធានីភ្នំពេញ ៖ វេលាព្រឹកថ្ងៃចន្ទ ទី២១ កុម្ភៈ អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា លោកស៊ូយ៉ា ប្រាសាត ស៊ូប៊ែឌី បានជួបពិភាក្សាការងារជាមួយតំណាងសហភាពការងារកម្ពុជាដឹកនាំដោយលោករ៉ុង ឈុន និងនៅពេលរសៀលថ្ងៃដដែលនេះ លោកស៊ូប៊ែឌី នឹងជួបពិភាក្សាការងារជាមួយគណៈកម្មការរដ្ឋសភាកម្ពុជា ។ នេះបើយោងតាមលោកទូច ហួន មន្ត្រីទំនាក់ទំនងរបស់ឧត្តមស្នងការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា ដែលប្រាប់កោះសន្តិភាពតាមទូរស័ព្ទនៅព្រឹកថ្ងៃចន្ទនេះ ។ គួរបញ្ជាក់ថា លោកស៊ូយ៉ា ប្រាសាត ស៊ូប៊ែឌី បានមកដល់ប្រទេសកម្ពុជាជាលើកទី៤ កាលពីព្រឹកថ្ងៃទី១៥ កុម្ភៈ ក្នុងដំណើរបំពេញទស្សនកិច្ចរយៈពេល១០ថ្ងៃនៅកម្ពុជា ។ បើតាមលោកកុយ គួង អ្នកនាំពាក្យក្រសួងការបរទេសកម្ពុជា ធ្លាប់បានបញ្ជាក់ប្រាប់ឱ្យដឹងថា នៅក្នុងដំណើរបំពេញទស្សនកិច្ចរបស់លោកស៊ូប៊ែឌី ក្រោយពីការជួបសន្ទនាជាមួយសម្តេចតេជោហ៊ុន សែន អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាលោកស៊ូយ៉ា ប្រាសាត ស៊ូប៊ែឌី ក៏មានកម្មវិធីជួបជាមួយប្រធានអង្គភាពប្រឆាំងអំពើពុករលួយលោកឱម យ៉ិនទៀង ផងដែរ ។ យោងតាមសេចក្តីប្រកាសព័ត៌មានពីទីក្រុងហ្សឺណែវកាលពីសប្តាហ៍មុនបានបញ្ជាក់ឱ្យដឹងថា នៅក្នុងដំណើរបំពេញទស្សនកិច្ចលើកទី៤ របស់អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា លោកស៊ូប៊ែឌី នឹងពិនិត្យមើលអនុសាសន៍របស់លោកអំពីមុខងាររបស់តុលាការ ។ លោកនឹងពិនិត្យមើលផងដែរ អំពីភាពរីកចម្រើនដែលទទួលបានពីការដកបទបរិហាកេរ្តិ៍ចេញពីបទល្មើសព្រហ្មទណ្ឌ និងការបង្កើតយន្តការអចិន្ត្រៃយ៍មួយសម្រាប់កិច្ចសន្ទនារវាងរដ្ឋាភិបាល និងសង្គមស៊ីវិល ព្រមទាំងការសិក្សាលើអង្គនីតិប្បញ្ញត្តិក្នុងបរិបទលើកស្ទួយសិទ្ធិមនុស្ស ។ ជាមួយគ្នានេះ លោកស៊ូប៊ែឌី នឹងចូលរួមពិភាក្សាផងដែរ លើសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល លើទំនាស់ដីធ្លី និងការបណ្តេញចេញ ។ លោកស៊ូយ៉ា ប្រាសាត ស៊ូប៊ែឌី នឹងចាកចេញពីកម្ពុជានៅថ្ងៃទី២៤ កុម្ភៈ ២០១១ ខាងមុខនេះ៕  |
| ក្មេងទំនើងទាត់មន្ត្រីនគរបាលចរាចរ១ជើង និងវាយ១ដំបង Posted: 20 Feb 2011 11:32 PM PST  ខេត្តកំពង់ចាម ៖ ក្មេងទំនើងម្នាក់ឈ្មោះឆោម ជីនិត អាយុ២០ឆ្នាំ មានទីលំនៅភូមិសង្គមមានជ័យចាស់ ឃុំមេមត់ ស្រុកមេមត់ ដែលធ្លាប់មានប្រវត្តិជាប់ពន្ធនាគារចំនួន២លើកមកហើយនោះ បានត្រូវកំលាំងនគរបាលចរាចរស្រុកមេមត់ចាប់ឃាត់ខ្លួន កាលពីវេលាម៉ោង៧ និង១៥នាទីព្រឹកថ្ងៃទី១៧ កុម្ភៈ ២០១១ ព្រោះតែថ្លើមធំហ៊ានបង្កហិង្សាមកលើមន្ត្រីនគរបាលចរាចរ ខណៈកំពុងបំពេញភារកិច្ចយាមល្បាតតាមដងផ្លូវជាតិលេខ៧ ។ តាមលោកវរសេនីយ៍ត្រី ឯម កុសល អធិការនគរបាលស្រុកមេមត់បានឱ្យដឹងថា ជារៀងរាល់ព្រឹកកំលាំងនគរបាលចរាចរស្រុកតែងតែចេញទៅល្បាតនៅផ្លូវកែងចូលទៅចំណុចដូនរ័ត្ន ស្ថិតក្នុងភូមិសង្គមមានជ័យ ឃុំមេមត់ ក្នុងគោលបំណងពង្រឹងឱ្យអ្នកជិះម៉ូតូទាំងឡាយត្រូវតែគោរពច្បាប់ចរាចរណ៍ផ្លូវគោក តាមគោលការណ៍របស់លោកអគ្គស្នងការនគរបាលជាតិ ។ ដោយឡែកនៅព្រឹកថ្ងៃ ទី១៧ កុម្ភៈ ស្រាប់តែឃើញម៉ូតូ C 125 ១គ្រឿង ស៊េរី២០០៨ បើកមកពីទិសខាងលិចក្នុងល្បឿនយ៉ាងលឿនដោយមានឌុបមិត្តភក្តិចំនួន២នាក់ និងមិនបានពាក់មួកសុវត្ថិភាពនិងដាក់កញ្ចក់សំរាប់មើលក្រោយទេ ។ ខណៈឃើញបែបនេះមន្ត្រីនគរបាលមួយរូបឈ្មោះហ៊ាន ហឿត អាយុ៥៤ឆ្នាំ បានយកដំបងលើកជាសញ្ញាប្រាប់ឱ្យឈប់ តែជននេះមិនព្រមឈប់ទេ រឹតតែបន្ថែមល្បឿនទៀតជាហេតុធ្វើឱ្យដំបងទៅប៉ះនឹងក្បាំងម៉ូតូ។ បន្តិចក្រោយមកក្មេងទំនើងឈ្មោះជីនិត បានជិះម៉ូតូត្រឡប់មកវិញឈប់នៅក្បែរមន្ត្រីនគរបាលរូបនេះ រួចទាត់មន្ត្រីនគរបាល១ជើងត្រូវកំភួនជើងឆ្វេង និងដណ្តើមយកដំបងបញ្ជាចរាចរណ៍មកវាយត្រូវឆ្អឹងជំនីរខាងឆ្វេងបណ្តាលឱ្យមានការឈឺចុកចាប់ និងបំរុងជិះម៉ូតូរត់គេច តែត្រូវកំលាំងនគរបាលចរាចរឯទៀតនៅក្បែរនោះឃើញទាន់ក៏នាំគ្នាដេញចាប់ក្របួចកអាវជាប់នាំមកកាន់អធិការដ្ឋាននគរបាលស្រុក ។ នៅចំពោះមុខសមត្ថកិច្ច ក្មេងទំនើងឈ្មោះឆោម ជីនិត បានឆ្លើយថា កាលពីវេលាម៉ោងជាង៧ព្រឹកថ្ងៃទី១៧ កុម្ភៈនោះ រូបគេបានឌុបមិត្តភក្តិ២នាក់ចេញពីផ្ទះទៅសាលារៀន លុះពេលជិះមកដល់ផ្លូវចូលទៅដូនរ័ត្ន ក៏មាននគរបាលចរាចរយាមត្រួតពិនិត្យចេញមកស្ទាក់ព្រោះតែឃើញរូបគេមិនពាក់មួកសុវត្ថិភាព និងម៉ូតូគ្មានដាក់កញ្ចក់សំរាប់មើលក្រោយ តែរូបគេមិនបានឈប់ទេ ។ ក្នុងពេលនោះមានមន្ត្រីនគរបាលវ័យចំណាស់ម្នាក់បានលើកដំបងឃាំងជាហេតុបណ្តាលឱ្យត្រូវក្បាំងម៉ូតូបែក ហើយរូបគេបានជិះម៉ូតូឌុបឈ្មោះពិសីទៅផ្សារមេមត់ រួចត្រឡប់មកវិញដើម្បីសួរនាំហេតុអ្វីបានជាវាយម៉ូតូរបស់ខ្លួនបែបនេះ និងតំរូវឲ្យសងក្បាំងម៉ូតូតែខាងនគរបាលឲ្យខ្លួនបង់ប្រាក់ពិន័យ។ ក្នុងពេលនោះ ក៏មានការឈ្លោះប្រកែកគ្នា ឯខ្លួនបានស្ទុះទៅទាញយកដំបងចរាចរមកវាយមន្ត្រីនគរបាលរូបនោះ១ដំបង ហើយក៏មានមន្ត្រីនគរបាលផ្សេងទៀតមកចាប់ខ្លួនម្តង ។ លោកវរសេនីយ៍ត្រីឯម កុសល បានបញ្ជាក់ថា ក្មេងទំនើងឈ្មោះជីនិតនេះ នាពេលកន្លងមកធ្លាប់ជាប់ពន្ធនាគារចំនួន២ដង ហើយពីបទបង្ករបួសស្នាម និងធ្លាប់បានវាយមន្ត្រីអាវុធហត្ថស្រុកមេមត់មា្នក់បែកក្បាលហូរឈាម ។ លុះនៅលើកទី៣នេះទៀតបានវាយមន្ត្រីនគរបាលចរាចរមេមត់ ដែលត្រូវបានប្តឹងទាមទារសំណងជំងឺចិត្តចំនួន៣.០០០ដុល្លារ និងឱ្យផ្តន្ទាទោសតាមច្បាប់ ៕  |
| ៨ទល់៥បង្កហិង្សាដាក់គ្នា រងរបួសម្នាក់ឃាត់ខ្លួនយុវជន៥នាក់ Posted: 20 Feb 2011 11:23 PM PST  រាជធានីភ្នំពេញ ៖ ប៉ូលិសប៉ុស្តិ៍ទួលសង្កែ ខណ្ឌឫស្សីកែវ បានឃាត់ខ្លួនយុវជន៥នាក់ កាលពីវេលាម៉ោង១០និង១៥នាទីយប់ ថ្ងៃទី២០ កុម្ភៈ ខណៈពេលប្រើអំពើហិង្សាទៅលើគូទំនាស់ដែលមានគ្នា៨នាក់បង្កឱ្យរងរបួសម្នាក់នៅភូមិទួលគោក ផ្លូវលេខ៥៩៨ សង្កាត់ទួលសង្កែ ខណ្ឌឫស្សីកែវ ។ យុវជនដែលត្រូវឃាត់ខ្លួនសមត្ថកិច្ចឱ្យដឹងថា ១-ឈ្មោះម៉ៃ ណាក់ ហៅចំរើន អាយុ២០ឆ្នាំ ២-ឈ្មោះចែក សាន ហៅរ័ត្ន អាយុ២៣ឆ្នាំ ៣-ឈ្មោះប៉ិល ពឿន អាយុ២១ឆ្នាំ ៤-ឈ្មោះស្រុង ស្រឿន អាយុ២១ឆ្នាំ និង៥-ឈ្មោះរាម រិទ្ធ អាយុ១៧ឆ្នាំ ។ អ្នកទាំង៥នាក់ ជាកម្មករទឹកក្រូចមានទីលំនៅតាមផ្លូវលេខ៥៩៨ ភូមិទួលគោក សង្កាត់ទួលសង្កែ ខណ្ឌឫស្សីកែវ ។ អ្នករងរបួសឈ្មោះម៉ៅ វា៉ន់រដ្ឋ ភេទប្រុស អាយុ២៣ឆ្នាំ ជាអ្នកជួសជុលរថយន្ត ស្នាក់នៅក្នុងយានដ្ឋានមួយកន្លែងក្នុងដីឡូត៍លេខ៣០៤ ផ្លូវលេខ៥៩៨ ភូមិទួលគោក សង្កាត់ទួលសង្កែ ខណ្ឌឫស្សីកែវ ។ តាមសមត្ថកិច្ចឱ្យដឹងថា នៅវេលាមុនពេលកើតហេតុជនរងគ្រោះឈ្មោះម៉ៅ វ៉ាន់រដ្ឋ រួមទាំងមិត្តភក្តិចំនួន៥នាក់ បានជិះម៉ូតូធុន C100 កូរ៉េ ពណ៌ក្រហមមួយគ្រឿង (ជិះប្រជ្រៀតគ្នា) ត្រឡប់មកពីផ្សារងិនអាន ក្នុងគោលបំណងទៅផ្ទះ ។ ពេលធ្វើដំណើរមកដល់ចំណុចកើតហេតុក៏ជួបនឹងយុវជនដែលត្រូវចាប់ខ្លួនចំនួន៥នាក់ បានជេរប្រមាថទៅលើពួកគេក៏កើតទៅជាទំនាស់ពាក្យសំដី ហើយក្រុមជនរងគ្រោះបានទៅហៅមិត្តភក្តិនៅក្នុងយានដ្ឋានចំនួន៣នាក់ មកថែមទៀត សរុបមានគ្នា៨នាក់ គឺលើកគ្នាទៅសួរនាំ បណ្តាលឱ្យកើតទៅជាទំនាស់យ៉ាងបែកផ្សែង ។ ចំណែកក្រុមយុវជន៥នាក់ ដែលឈរតាមផ្លូវនោះ (ជនចាប់ខ្លួន) ប្រដាប់ដោយដំបង ចបកាប់ ពូថៅ ដេញវាយទៅលើគូទំនាស់បណ្តាលឱ្យរងរបួសម្នាក់បែកក្បាលបញ្ជូនទៅព្យាបាលនៅមន្ទីរពេទ្យព្រះកុសុមៈ ។ ភ្លាមៗសមត្ថកិច្ចប៉ុស្តិ៍បានចុះទៅធ្វើអន្តរាគមន៍ឃាត់ខ្លួនតែម្តង ៕  |
| ថ្លៃសំបុត្រទស្សនាជុំផ្តាច់ព្រ័ត្រយូហ្វាឆេមពានលីកថ្លៃជាងពេលកន្លងមក Posted: 20 Feb 2011 11:18 PM PST  សំបុត្រចូលទស្សនាការប្រកួតផ្តាច់ព្រ័ត្របាល់ទាត់យូហ្វាឆេមពានលីក ប្រចាំរដូវកាល២០១០-២០១១ បានបង្ហើបឱ្យដឹងពីតម្លៃដែលខ្ពស់ជាងកាលពីអំឡុងពេលមុនដែលអ្នកគាំទ្រត្រូវទិញ ដោយថ្លៃទាបបំផុតគឺ១៧៦ផោន ។ ការប្រកួតយូហ្វាឆេមពានលីកក្នុងរដូវកាលនេះនឹងធ្វើការប្រកួតផ្តាច់ព្រ័ត្រនៅថ្ងៃទី២៨ ឧសភា នៅឯទីលានប្រកួតវេមប្ល៊ី ទីក្រុងឡុង ប្រទេសអង់គ្លេសដែលមានចំណុះ៨៦.០០០កៅអី ។ កាលពីថ្ងៃព្រហស្បតិ៍កន្លងមក សហព័ន្ធបាល់ទាត់អឺរ៉ុប (UEFA) បានបង្ហើបឱ្យដឹងថ្លៃសំបុត្រចូលទស្សនាក្នុងការប្រកួតជុំផ្តាច់ព្រ័ត្រខាងលើថា សំបុត្រចូលទស្សនាទាបបំផុតលក់ឱ្យអ្នកគាំទ្របាល់ទាត់ទូទៅ១៥០ផោន ដោយផ្គួបជាថ្លៃគ្រប់គ្រងការប្រកួតបន្ថែម ចំនួន២៦ផោន ទៀតសរុប អ្នកគាំទ្រត្រូវចំណាយ១៧៦ផោន។ UEFA នឹងចេញលក់សំបុត្រដល់អ្នកគាំទ្រទូទៅចំនួន១១.០០០សន្លឹក គិតចាប់ពីថ្ងៃទី២៤ កុម្ភៈ ដល់ថ្ងៃទី១៨ មីនា ចែកចេញជា៣តម្លៃ គឺ១៥០ផោន, ២២៥ផោន និង៣០០ផោន ។ សំរាប់សបុត្រលើជនពិការមានតម្លៃ៨០ផោន ដោយតម្លៃទាំងអស់នេះមិនរួមបញ្ចូលលើថ្លៃគ្រប់គ្រងរៀបចំការប្រកួត ខណៈពេលក្លឹប២ដែលឆ្លងចូលជុំផ្តាច់ព្រ័ត្រនឹងបានទទួលបំណែងចែកក្លឹបនីមួយៗបាន២៥.០០០សន្លឹក ក្នុងមួយសន្លឹក៨០ផោន ។ UEFA មានក្តីរំពឹងទុកថា នឹងមានប្រាក់ចំណូលពីការលក់សំបុត្រចូលទស្សនាជុំផ្តាច់ព្រ័ត្រយូហ្វាឆេមពានលីក នារដូវកាល២០១០-២០១១នេះ ប្រហែល១៤លានផោន ច្រើនជាងកាលពីឆ្នាំមុន ដែលរៀបចំឡើងនៅទីលានប្រកួតក្លឹប Real Madrid ប្រទេសអេស្ប៉ាញ ចំនួន៣លានផោន៕  |
| ប៉ូលិសខណ្ឌសែនសុខបង្ហាញមុខអ្នកប្រើប្រាស់គ្រឿងញៀន និងអ្នកផ្តល់ទីកន្លែង Posted: 20 Feb 2011 11:13 PM PST   រាជធានីភ្នំពេញ ៖ ប៉ូលិសខណ្ឌសែនសុខ បានធ្វើសន្និសីទកាសែតបង្ហាញមុខជនប្រើប្រាស់គ្រឿងញៀន និងអ្នកផ្តល់ទីតាំងសម្រាប់ឱ្យសាធារណជនបានស្គាល់មុខមាត់ពិតកាលពីវេលាម៉ោង១០ព្រឹក ថ្ងៃទី២១ កុម្ភៈ ២០១១ នៅក្នុងអធិការដ្ឋាននគរបាលខណ្ឌសែនសុខតែម្តង ដោយមានលោកជាវ វិបុល អធិការរងទទួលបន្ទុកកិច្ចការព្រហ្មទណ្ឌជាអ្នកបង្ហាញពីសកម្មភាពផ្សេងៗរបស់ជនល្មើសដែលប្រមូលបាននាពេលថ្មីៗនេះចំនួន១២នាក់ ។ លោកអធិការរងខណ្ឌសែនសុខជាវ វិបុល បានឱ្យដឹងថា ជនទាំង១២នាក់នេះមាន៧នាក់ជាអ្នកប្រើប្រាស់ត្រូវបានសមត្ថកិច្ចប្រមូលយកពីតាមផ្ទះសំណាក់នានាក្នុងមូលដ្ឋាន ខណៈពេលពួកគេលួចសម្ងំប្រើប្រាស់ជាក់ស្តែង...ចំណែក៥នាក់ទៀតគឺមាន២នាក់ជាម្ចាស់ផ្ទះសំណាក់ជេម និង៣នាក់ជាម្ចាស់ផ្ទះសំណាក់តំណាង...អ្នកទាំង៥នាក់នេះត្រូវបានចោទប្រកាន់ពីបទផ្តល់ទីតាំងដល់អ្នកប្រើប្រាស់ ។  |
| ក្រុមវ័យចាស់ព្រះខ័នរាជ្យក្លាយជាជើងឯកដោយបាល់ប៉េណាល់ទី Posted: 20 Feb 2011 11:07 PM PST  រាជធានីភ្នំពេញ ៖ ជ័យជំនះដែលបានពីការទាត់បាល់ប៉េណាល់ទី៥គ្រាប់ម្ខាង បាននាំឱ្យក្រុមវ័យចាស់ព្រះខ័នរាជ្យក្លាយជាជើងឯកពានរង្វាន់បាល់ទាត់ដើម្បីទាំងអស់គ្នាឆ្នាំនេះ ។ ការប្រកួតវគ្គផ្តាច់ព្រ័ត្ររវាងក្រុមវ័យចាស់ព្រះខ័នរាជ្យ និងក្រុមព្រឹទ្ធសភា នៅទីលានពហុកីឡដ្ឋានជាតិកាលពីល្ងាចថ្ងៃអាទិត្យ ទី២០ កុម្ភៈ កន្លងមកនេះ បើទោះបីជាមានបញ្ហាបន្តិចបន្តួចនៅមុនការប្រកួតក្តីក៏មិនបណ្តាលឱ្យអាក់ខានដែរ។ ការប្រកួតយា៉ងក្តៅគគុកនៅលើទីលានដើម្បីតំណែងជាម្ចាស់ជើងឯករវាងក្រុមទាំង២បានអូសបន្លាយរហូតដល់ព្រលប់ដែលចាប់ផ្តើមពីម៉ោង២រសៀលមក។ ការប្រកួត៤០នាទី២ដងបញ្ចប់ទៅនៅក្នុងស្ថានភាពតឹងតែងបំផុត ជាលទ្ធផលទាំងសងខាងរកបាន២គ្រាប់ស្មើគ្នា ។ ការប្រកួតបានឈានទៅដល់ការបន្ថែមម៉ោង១០នាទីម្ខាងបន្តទៀត ប៉ុន្តែនៅតែមិនអាចរកឃើញអ្នកឈ្នះ ។ សេចក្តីសំរេចចុងក្រោយគឺការទាត់បាល់ប៉េណាល់ទី៥គ្រាប់ម្ខាង ហើយក្រុមបាល់ទាត់វ័យចាស់ព្រះខ័នរាជ្យ ធ្វើបានសំរេច៤គ្រាប់ រីឯក្រុមព្រឹទ្ធសភាធ្វើបានសំរេចតែ៣គ្រាប់ប៉ុណ្ណោះ។ ជាលទ្ធផលក្រុមវ័យចាស់ព្រះខ័នរាជ្យឈ្នះក្រុមព្រឹទ្ធសភា៦-៥ ។ លោកអោក សំណាង ប្រធានក្រុមបាល់ទាត់វ័យចាស់ព្រះខ័នរាជ្យ បានមានប្រសាសន៍ថា ការប្រកួតថ្ងៃនេះទាំងសងខាងបានបញ្ចេញអស់ពីសមត្ថភាព ហើយលោកសរសើរដល់ក្រុមព្រឹទ្ធសភាដែលមានកីឡាករក្មេងៗច្រើន និងលេងបានល្អ ជាពិសេសនៅពេលដែលគេអាចបានគ្រាប់បាល់នាំមុខ១គ្រាប់មុន ធ្វើឱ្យយើងមានការបារម្ភបន្តិច ។ លោកមានជំនឿជឿជាក់លើក្រុមរបស់លោកដែលសុទ្ធសឹងជាអតីតកីឡាករជំរើសជាតិចូលនិវត្តន៍ ទោះបីពួកគាត់មិនសូវមានកម្លាំង តែមានល្បិច។ លោកអោក សំណាង បានបញ្ជាក់ថា អ្វីដែលលោកខិតខំនាពេលនេះគឺ ដើម្បីបង្ហាញឱ្យក្មេងៗស្រករក្រោយបានដឹងបានយល់ពីបច្ចេកទេសលេងឱ្យបានច្បាស់ ព្រោះថា ពួកគាត់ពុំមានអ្វីក្រៅពីការចែករំលែកនូវបទពិសោធន៍ទាំងនេះឡើយ ៕  |
| ជៀសឱ្យឆ្ងាយពីគ្រឿងញៀន ល្បែងស៊ីសង ក្មេងទំនើង និងអនាចារ Posted: 20 Feb 2011 10:58 PM PST  ខេត្តកំពង់ចាម ៖ «ក្មួយៗសិស្សានុសិស្សត្រូវតែជៀសឲ្យឆ្ងាយពីគ្រឿងញៀន ល្បែងស៊ីសង ក្មេងទំនើង និងអំពើអនាចារ» នេះជាប្រសាសន៍របស់លោកធុច ថាត អភិបាលក្រុងកំពង់ចាម ថ្លែងនៅក្នុងពិធីប្រកាសភូមិ-ឃុំមានសុវត្ថិភាពកាលពីព្រឹកថ្ងៃទី១៩ កុម្ភៈ ២០១១ នៅអនុវិទ្យាល័យបឹងកុក ក្រុងកំពង់ចាម ។ លោកជាម វ៉ាន់សាក់ នាយកអនុវិទ្យាល័យបឹងកុក បានថ្លែងថា នៅអនុវិទ្យាល័យបឹងកុកមានគ្រូចំនួន៣៧នាក់ ក្នុងនោះស្រី២១នាក់ សិស្សចំនួន៣៤០នាក់ (ស្រី១៧១នាក់)។ ដើម្បីឲ្យការរៀនសូត្ររបស់សិស្សនៅក្នុងថ្នាក់និងក្រៅថ្នាក់រៀនប្រព្រឹត្តទៅបានល្អគ្មានការរំខាន គឺបានរៀបចំឱ្យមានក្រុមប្រឹក្សាវិន័យសំរាប់ណែនាំ ឬដាក់វិន័យសិស្សដែលខុសឆ្គង។ មានក្រុមគ្រប់គ្រងវិន័យសណ្តាប់ធ្នាប់ បរិស្ថានប្រចាំថ្ងៃ ដោយចាប់ផ្តើមពីការចូលរួមគោរពទង់ជាតិ ច្រៀងចំរៀងជាតិបទនគររាជ។ រៀបចំរចនាសម្ព័ន្ធក្រុមយុវជន និងកុមារឲ្យគេចេះគ្រប់គ្រងសិស្សទៅវិញទៅមក ពិសេសគណៈកម្មការថ្នាក់ យុវជនកាកបាទក្រហម កាយឫទ្ធិឲ្យជួយក្នុងការងារសណ្តាប់ធ្នាប់ និងបរិស្ថាន ពិសេសពេលគោរពទង់ជាតិ និងតាមដានរកប្រភពសិស្សដែលខិលខូចមិនចូលថ្នាក់រៀនដើរលេងហ្គេម។ ដោយសារការរៀបចំ និងបានអនុវត្តការងារខាងលើ ក្នុងឆ្នាំសិក្សា២០១០-២០១១នេះ បានកាត់បន្ថយសកម្មភាពអវិជ្ជមាននៅក្នុងសាលារៀនបានជាច្រើន ដោយសិស្សមករៀនទាន់ពេលវេលា មិនមាននៅខាងក្រៅថ្នាក់ កាត់បន្ថយបានក្មេងទំនើងពីខាងក្រៅចូលមករំខានថ្នាក់រៀន ព្រមទាំងបានកាត់បន្ថយបរិស្ថានមិនល្អនៅក្នុងសាលារៀន។ លោកអនុសេនីយ៍ឯក ហង្ស វ៉ាន់ចន អធិការរងនគរបាលក្រុងកំពង់ចាមបានលើកឡើងថា ចំពោះសកម្មភាពដែលត្រូវចុះប្រជុំធ្វើការសំណេះសំណាលនេះ គឺនៅតាមសាលាបឋមសិក្សា អនុវិទ្យាល័យនិងវិទ្យាល័យឲ្យបានគ្រប់នៅក្នុងក្រុងកំពង់ចាម តាមបញ្ជារបស់លោកឧត្តមសេនីយ៍ត្រី នួន សាមិន ស្នងការនគរបាលខេត្ត។ សំរាប់គោលដៅដែលត្រូវចុះមានដូចជា អនុវិទ្យាល័យបឹងកុក ថ្ងៃទី១៩ កុម្ភៈ ២០១១ អនុវិទ្យាល័យដីដុះថ្ងៃទី២២ កុម្ភៈ វិទ្យាល័យព្រះសីហនុថ្ងៃទី២៣ កុម្ភៈ អនុវិទ្យាល័យសំបួរមាស ថ្ងៃទី២៥ កុម្ភៈ និងសាលាបឋមសិក្សាទួលថ្មថ្ងៃទី២៦ កុម្ភៈ។ លោកធុច ថាត អភិបាលក្រុងកំពង់ចាម បានមានប្រសាសន៍ថា កន្លងមករូបលោកធ្លាប់ប្រទះឃើញមានសិស្សខ្លះចេញពីផ្ទះមកសាលារៀន តែមិនបានចូលរៀនទេ ដោយបានដោះខោអាវសិស្សចេញរួចយកខោអាវផ្សេងដែលដាក់នៅក្នុងសំពៀតមកពាក់ ហើយទៅច្រៀងខារ៉ាអូខេ ដែលនេះ ជាគំរូអាក្រក់នៅក្នុងសាលារៀន និងមិនត្រូវឲ្យមាននោះទេ។ ចំពោះក្មួយៗប្រសិនណាបានឃើញជនណាជួញដូរ និងចែកចាយថ្នាំញៀនត្រូវតែរាយការណ៍មកកាន់រូបលោកជាបន្ទាន់ ដើម្បីមានវិធានការបង្ក្រាបធ្វើយ៉ាងណាឲ្យអស់មិនឲ្យមាននៅក្នុងក្រុងកំពង់ចាមឡើយ។ ចំណែកល្បែងភ្នាល់បាល់ដែលកំពុងតែកើតមាននោះ ត្រូវតែលុបបំបាត់ពិសេសក្មួយៗជាសិស្សត្រូវជៀសឲ្យឆ្ងាយពីល្បែង បើពុំនោះទេនឹងនាំឲ្យប៉ះពាល់ដល់ការសិក្សាជាក់ជាមិនខាន៕  |
| កាបូបយួរដៃសម្រាប់ស្ត្រីថ្លៃជាង3លានដុល្លារ Posted: 20 Feb 2011 10:47 PM PST  កាបូបយួរដៃសម្រាប់ស្ត្រីមួយផលិតពីគ្រាប់ត្បួងពេជ្យចំនួន៤.៥១៧គ្រាប់ សរុបទំហំ៣៨១,៩២ការ៉ាត និងមាស១៨ក្រាម ត្រូវបានដាក់បង្ហាញនៅក្នុងពិព័រណ៍គ្រឿងអលង្ការដែលរៀបចំឡើងក្នុងទីក្រុងដូហា ប្រទេសកាតា កាលពីថ្ងៃទី២០ កុម្ភៈ កន្លងមក ។  |
| គ្រោះអគ្គីភ័យលេបត្របាក់ផ្ទះសម្រាប់ក្មេងពិការនៅទីក្រុងភាគខាងលិចអេស្តូនីស្លាប់10នាក់ Posted: 20 Feb 2011 10:44 PM PST អគ្គីភ័យបានលេបត្របាក់ផ្ទះសម្រាប់ក្មេងពិការមួយខ្នងនៅក្នុងទីក្រុង Haapsalu ភាគខាងលិចប្រទេសអេស្តូនី បណ្តាលឱ្យស្លាប់ក្មេង១០នាក់ ។ តាមប្រភពព័ត៌មានថា យុវជន៩នាក់ និងក្មេង៣៧នាក់កំពុងស្នាក់នៅក្នុងផ្ទះនោះសាងសង់ពីឈើនៅពេលគ្រោះអគ្គីភ័យកើតឡើង ។ ប្រភពព័ត៌មានដដែលឱ្យដឹងទៀតថា គ្រោះអគ្គីភ័យនោះកើតឡើងកាលពីរសៀលថ្ងៃទី២០ កុម្ភៈ កន្លងមក ក្រោយពីក្មេងៗក្រោកពីដេកថ្ងៃ ។  |
| ក្រុងទុយនីសទាមទារឱ្យធ្វើបត្យាប័នអតីតប្រធានាធិបតី លោកបេនអាលី Posted: 20 Feb 2011 10:42 PM PST  ក្រសួងការបរទេសទុយនីស៊ី រាយការណ៍កាលពីថ្ងៃទី២០ កុម្ភៈ ថា ប្រទេសទុយនីស៊ី បានស្នើសុំការធ្វើបត្យាប័នអតីតប្រធានាធិបតីលោកហ្ស៊ីន បេនអាលី ពីប្រទេសអារ៉ាប៊ី សាអ៊ូឌីត ដើម្បីឱ្យលោកមកឆ្លើយចំពោះការចោទប្រកាន់នានាទាក់ទិនដល់ការបង្ក្រាបដោយហិង្សានូវបាតុកម្មនានាកាលពីខែមុន ។  |
| Posted: 20 Feb 2011 10:42 PM PST ខេត្តបន្ទាយមានជ័យ ៖ យោងតាមរបាយការណ៍របស់អាជ្ញាធរស្តីពីការខូចខាតដោយសារខ្យល់ព្យុះបំផ្លិចបំផ្លាញលំនៅឋានប្រជាពលរដ្ឋឱ្យដឹងថា ក្រុមមន្ត្រីបានសម្រង់តួលេខនៃការខូចខាតគឺសរុបអគារ-លំនៅឋានចំនួន១៩ខ្នង ស្ថិតក្នុងសង្កាត់ម្កាក់ ក្រុងសិរីសោភ័ណ បានរងនូវការបែកបាក់របើកដំបូល របើកជញ្ជាំង បង្កឱ្យខូចខាតដល់ទ្រព្យសម្បត្តិ និងពុំអាចចូលទៅរស់នៅបាន ។  |
| កូនប្រុសមេដឹកនាំលីប៊ីលើកឡើងពីការកែទម្រង់សំខាន់ៗរបស់ប្រទេស Posted: 20 Feb 2011 10:42 PM PST  កូនប្រុសរបស់មេដឹកនាំលីប៊ី លោកមូអាម៉ា កាដាហ្វី កាលពីព្រឹកថ្ងៃទី២១ កុម្ភៈ បានស្នើឱ្យមានការអនុវត្តឱ្យបានលឿននូវកំណែទម្រង់លទ្ធិប្រជាធិបតេយ្យដែលមានសារសំខាន់បំផុតរបស់ប្រទេសដោយលោកព្រមានពីការកើតសង្គ្រាមស៊ីវិលនឹងការវិលត្រឡប់ទៅរកការធ្វើអាណានិគមវិញ ហើយភាពក្រីក្រនឹងកើតឡើងស្ទើរតែគ្រប់ទីកន្លែង ប្រសិនបើពលរដ្ឋឈរខាងពួកបាតុករប្រឆាំងរដ្ឋាភិបាល ។  |
| You are subscribed to email updates from Koh Santepheap Daily To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
