The Phnom Penh Post - KHMER: “តុលាការឃុំខ្លួនអ្នកបើកបរស្ទាវស្ទើរផ្តាច់ព្រលឹងកម្មករជិត៦០នាក់” plus 9 more |
- តុលាការឃុំខ្លួនអ្នកបើកបរស្ទាវស្ទើរផ្តាច់ព្រលឹងកម្មករជិត៦០នាក់
- អ្នកបើកបរទំនើងស្ទើផ្តាច់ជីវិតអ្នកដំណើរនៅខេត្តកំពង់ឆ្នាំង
- យ៉ាងតិច២៦នាក់ស្លាប់នៅក្នុងបាតុកម្មប្រឆាំងលោក សាឡេះ
- អ្នកនាំពាក្យកាដាហ្វីថា ចាប់ខ្លួនទាហានស៊ីឈ្នួល១៧នាក់ មានទាំងបារាំង និងអង់គ្លេស
- មេដឹកនាំលីប៊ីពុំសម្រេចបានរដ្ឋាភិបាលថ្មី
- ពលរដ្ឋនៅឃុំគគីធំទាមទារឲ្យតុលាការដោះលែងសកម្មជនបក្សប្រឆាំង
- រអិលបាក់ដីរាំងខ្ទប់ការខិតខំជួយសង្គ្រោះក្រោយរញ្ជួយដីនៅឥណ្ឌា
- រញ្ជួយដីនៅភាគខាងជើងឥណ្ឌាស្លាប់ជាច្រើននាក់
- ចិនជំរុញឲ្យចាប់ផ្ដើមការចរចាបញ្ហានុយក្លេអ៊ែរកូរ៉េខាងជើងឡើងវិញ
- ព័ត៌មានសន្ដិសុខសង្គម និងឧក្រិដ្ឋកម្មកើតឡើងពីថ្ងៃទី១១ ដល់ ១៥ កញ្ញា ឆ្នាំ២០១១
| តុលាការឃុំខ្លួនអ្នកបើកបរស្ទាវស្ទើរផ្តាច់ព្រលឹងកម្មករជិត៦០នាក់ Posted: 19 Sep 2011 02:57 AM PDT ស្វាយរៀងៈ តុលាការខេត្តស្វាយរៀង សម្រេចឃុំខ្លួនបុរសតៃកុងឡានម្នាក់កាលពីថ្ងៃអាទិត្យម្សិលមិញ បន្ទាប់ពីបើករថយន្តកូរ៉េចំណុះ ១តោនកន្លះ ដែលដឹកកម្មករជាង ៥០នាក់ ក្រឡាប់នៅតាមបណ្តោយផ្លូវជាតិលេខ១ ក្នុងភូមិតាពៅ សង្កាត់បាវិត ក្រុងបាវិត បណ្ដាលឲ្យកម្មកររងរបួសធ្ងន់ និងស្រាល។ |
| អ្នកបើកបរទំនើងស្ទើផ្តាច់ជីវិតអ្នកដំណើរនៅខេត្តកំពង់ឆ្នាំង Posted: 19 Sep 2011 02:50 AM PDT កំពង់ឆ្នាំងៈ លោក អ៊ា ប៊ុនធឿន ប្រធានការិយាល័យចរាចរណ៍ នៃស្នងការដ្ឋាននគរបាលខេត្តកំពង់ឆ្នាំង បានថ្លែងឲ្យដឹងថា មនុស្ស ៦នាក់ បានរងរបួសធ្ងន់ និងស្រាលនៅខេត្តកំពង់ឆ្នាំង ដោយសារតែឡានឈ្មួល ២គ្រឿងបើកជែងគ្នាដណ្តើមភ្ញៀវ នៅតាមផ្លូវជាតិលេខ ៥៣ ក្នុងឃុំព្រៃមូល ស្រុករលាប្អៀ កាលពីថ្ងៃអាទិត្យម្សិលមិញ។
|
| យ៉ាងតិច២៦នាក់ស្លាប់នៅក្នុងបាតុកម្មប្រឆាំងលោក សាឡេះ Posted: 19 Sep 2011 12:28 AM PDT សាណាៈ យ៉ាងហោចណាស់មនុស្ស ២៦នាក់ ត្រូវបានគេបាញ់សម្លាប់ និងរាប់រយនាក់បានរងរបួសកាលពីថ្ងៃអាទិត្យម្សិលមិញ នៅពេលកម្លាំងសន្តិសុខបានបាញ់ប្រហារទៅលើក្រុមបាតុករ នៅក្នុងកំណើនបាតុកម្មហូរហែរប្រឆាំងនឹងប្រធានាធិបតី អាលី អាប់ឌុលឡះ សាឡេះ។ |
| អ្នកនាំពាក្យកាដាហ្វីថា ចាប់ខ្លួនទាហានស៊ីឈ្នួល១៧នាក់ មានទាំងបារាំង និងអង់គ្លេស Posted: 19 Sep 2011 12:18 AM PDT គែរៈ អ្នកនាំពាក្យរបស់លោក មួម៉ារ កាដាហ្វី បាននិយាយកាលពីថ្ងៃអាទិត្យម្សិលមិញថា ទាហានស៊ីឈ្នួលចំនួន ១៧នាក់ ក្នុងមានទាំងអ្វីដែលអ្នកនាំពាក្យរូបនេះហៅថា អ្នកជំនាញការជនជាតិបារាំង និងអង់គ្លេសនោះ ត្រូវបានចាប់ខ្លួននៅមូលដ្ឋានរបស់ កាដាហ្វី នៅទីក្រុងបានីវ៉ាលីដ នៅក្នុងប្រទេសលីប៊ី។ |
| មេដឹកនាំលីប៊ីពុំសម្រេចបានរដ្ឋាភិបាលថ្មី Posted: 19 Sep 2011 12:06 AM PDT បេនហ្កាហ្ស៊ីៈ ក្រុមមេដឹកនាំបណ្ដោះអាសន្នរបស់ប្រទេសលីប៊ី នៅពុំទាន់ឯកភាពគ្នាលើគណៈរដ្ឋមន្ត្រីថ្មីកាលពីថ្ងៃអាទិត្យនោះ ឡើយ ហើយកម្លាំងដែលបានវាយបណ្ដេញលោក មួម៉ារ កាដាហ្វី ឲ្យខ្ទាតពីអំណាច នៅតែបន្តជាប់គាំងនៅក្នុងការប្រយុទ្ធគ្នាជាមួយកងកម្លាំង ស្ម័គ្រស្មោះនឹងអតីតមេដឹកនាំរូបនេះ។ |
| ពលរដ្ឋនៅឃុំគគីធំទាមទារឲ្យតុលាការដោះលែងសកម្មជនបក្សប្រឆាំង Posted: 18 Sep 2011 11:48 PM PDT កណ្ដាលៈ ប្រជាពលរដ្ឋជាច្រើននាក់ មកពីឃុំគគីធំ ស្រុកកៀនស្វាយ ខេត្តកណ្ដាល នៅព្រឹកថ្ងៃចន្ទនេះ បានលើកគ្នាមកតវ៉ានៅតុលាការខេត្តនេះ ដោយទាមទារឲ្យដោះលែងសកម្មជនគណបក្ស សម រង្ស៊ី ម្នាក់ ដែលត្រូវបានសមត្ថកិច្ចឃុំខ្លួននៅក្នុងជម្លោះដីធ្លីមួយនៅ មូលដ្ឋានរបស់ពួកគាត់។
|
| រអិលបាក់ដីរាំងខ្ទប់ការខិតខំជួយសង្គ្រោះក្រោយរញ្ជួយដីនៅឥណ្ឌា Posted: 18 Sep 2011 11:12 PM PDT  ហ្គូវ៉ាហាទីៈ ប៉ូលិស និងប្រព័ន្ធផ្សព្វផ្សាយ បាននិយាយនៅថ្ងៃចន្ទនេះថា ភ្លៀងធ្លាក់ និងការរអិលបាក់ដី កំពុងរាំងខ្ទប់កិច្ចខិតខំប្រឹងប្រែងរបស់ក្រុមបុគ្គលិកជួយ សង្រ្គោះរាប់រយនាក់ ដែលកំពុងស្វែងរកអ្នកនៅរស់រានមានជីវិតនៅក្នុងគ្រោះថ្នាក់ រញ្ជួយដីទំហំ ៦,៨រ៉ិចទ័រ ដែលបានវាយប្រហារតំបន់ដាច់ស្រយាលជួរភ្នំហិមាល័យ នៅភាគខាងជើងប្រទេសឥណ្ឌា ដែលបានសម្លាប់មនុស្សយ៉ាងតិច ២៦នាក់។ |
| រញ្ជួយដីនៅភាគខាងជើងឥណ្ឌាស្លាប់ជាច្រើននាក់ Posted: 18 Sep 2011 10:55 PM PDT ញូវេដេលីៈ ក្រុមមន្ត្រីបាននិយាយថា រញ្ជួយដីកម្រិត ៦,៨រ៉ិចទ័រមួយ បានវាយប្រហារតំបន់ជួរភ្នំហិមាល័យ ស្ថិតនៅតំបន់ដាច់ស្រយាលភាគខាងជើងប្រទេសឥណ្ឌា នៅល្ងាចថ្ងៃអាទិត្យម្សិលមិញ ដោយបានសម្លាប់មនុស្សយ៉ាងតិច ៤នាក់ និង ៥នាក់នៅប្រទេសនេប៉ាល់ ព្រមទាំងបណ្ដាលឲ្យខូចខាតអគារ និងកាត់ផ្ដាច់ផ្លូវនានា។ |
| ចិនជំរុញឲ្យចាប់ផ្ដើមការចរចាបញ្ហានុយក្លេអ៊ែរកូរ៉េខាងជើងឡើងវិញ Posted: 18 Sep 2011 10:18 PM PDT ប៉េកាំងៈ ប្រទេសចិន នៅថ្ងៃចន្ទនេះ បានជំរុញឲ្យមហាអំណាចក្នុងតំបន់ចាប់ផ្ដើមកិច្ចចរចារំសាយ សព្វាវុធនុយក្លេអ៊ែរជាមួយកូរ៉េខាងជើងឡើងវិញ ដោយរដ្ឋមន្ត្រីការបរទេសចិន លោក យ៉ាង ជីឈី ដែលបានថ្លែងការពាររដ្ឋាភិបាលប៉េកាំងជាអាជ្ញាកណ្ដាលដ៏ស្មោះ ត្រង់ ដែលព្យាយាមកាត់បន្ថយការប្រឈមមុខជាមួយរដ្ឋាភិបាលក្រុងព្យុងយ៉ាង។ |
| ព័ត៌មានសន្ដិសុខសង្គម និងឧក្រិដ្ឋកម្មកើតឡើងពីថ្ងៃទី១១ ដល់ ១៥ កញ្ញា ឆ្នាំ២០១១ Posted: 18 Sep 2011 09:48 PM PDT គំនុំ រហូតឈានដល់ការជះទឹកអាស៊ីតទៅលើស្ត្រីម្នាក់អាយុ៥២ឆ្នាំ កំពង់ចាមៈ ស្ត្រីស៊ីឈ្នួលចៀរជ័រកៅស៊ូឱ្យគេម្នាក់ អាយុ៥២ឆ្នាំ រស់នៅស្រុកពញាក្រែក ត្រូវបានយុវជនម្នាក់អាយុ ១៩ឆ្នាំ យកទឹកអាស៊ីតសម្រាប់បង្កកជ័រកៅស៊ូដាក់នៅក្នុងធុងស្ពេត្រូ ជះទៅលើផ្ទៃមុខ បណ្តាលឱ្យរបួសរលេះរលួយ និងខ្វាក់ភ្នែកទាំងពីរ ព្រមទាំងហូរស្រោចដើមទ្រូង ក្នុងខណៈពេលដែលស្ត្រីនោះចេញទៅចៀរជ័រកៅស៊ូឱ្យគេកាលពីថ្ងៃទី១៥ កញ្ញា។ បន្ទាប់មកយុវជនដៃដល់ក្នុងអំពើវាយប្រហារដោយទឹកអាស៊ីត បានរត់គេចខ្លួនបាត់ស្រមោលតែម្តង។ ប៉ូលិសបានប្រាប់ឲ្យដឹងថា ក្នុងពេលដែលជនរងគ្រោះដើរទៅមិនទាន់ដល់ចំការកៅស៊ូផង ក៏ត្រូវជនសង្ស័យ យកទឹកអាស៊ីតសម្រាប់បង្កកជ័រកៅស៊ូ ជះលើត្រូវចំផ្ទៃមុខ ភ្នែក ដើមទ្រូង និងដៃសងខាងផងដែរ។ ក្នុងពេលនោះស្ត្រីរងគ្រោះបានស្រែកទ្រហោយំលាន់ទ្រហឹងពេញចម្ការកៅស៊ូ ហើយត្រូវប្រជាពលរដ្ឋដែលនៅស៊ីឈ្នួលចៀរជ័រកៅស៊ូនៅ ក្បែរនោះឮ ក៏នាំគ្នាចេញមកជួយដឹកមកសង្គ្រោះនៅមន្ទីរពេទ្យបង្អែកស្រុកពញាក្រែក។ បើតាមសម្តីស្ត្រីរងគ្រោះ បានរៀបរាប់ឱ្យដឹងថា មូលហេតុនៃការវាយប្រហារទឹកអាស៊ីតពេលនេះ គឺជារឿងគំនុំសុទ្ធសាធតែម្តង ព្រោះនៅក្នុងឆ្នាំ២០១០ ក្មួយប្រុសរបស់គាត់ បានវាយគ្នាជាមួយជនសង្ស័យរហូតដល់មានការប្តឹងប្តល់គ្នា ហើយរូបគាត់ចេញមុខដោះស្រាយដើម្បីបញ្ចប់ការប្តឹង ទើបជនដៃដល់មិនអស់ចិត្ត និងសងសឹកនៅពេលនេះ៕ ស្ត្រី វ័យក្មេងម្នាក់បន្លំលួចម៉ូតូត្រូវប៉ូលិសចាប់ខ្លួន ភ្នំពេញៈ នារីវ័យក្មេងរូបស្រស់ម្នាក់អាយុ ១៩ឆ្នាំជាសិស្សម្នាក់ ត្រូវនគរបាលប៉ុស្តិ៍រដ្ឋបាលផ្សារថ្មី១ ឃាត់ខ្លួនក្រោយពីនារីនោះធ្វើសកម្មភាពបន្លំលួចយកម៉ូតូមួយគ្រឿងនៅកន្លែងផ្ញើម៉ូតូផ្សារទំនើបសូរិយា ខណ្ឌដូនពេញ កាលពីថ្ងៃទី១៤កញ្ញា។ ប៉ូលិសបានប្រាប់ថា ជនរងគ្រោះភេទប្រុស អាយុ ២៥ឆ្នាំ ជសិស្សមានអាស័យដ្ឋានស្ថិតនៅខណ្ឌចំការមន។ យោងតាមរបាយការណ៍របស់សមត្ថកិច្ចបានឱ្យដឹងថា មុនពេលកើតហេតុថ្ងៃទី១៤ កញ្ញា ជនរងគ្រោះ បានចេញពីវិទ្យាល័យ ទៅលេងផ្សារទំនើបសូរិយា ហើយយកម៉ូតូទៅទុកនៅកន្លែងផ្ញើម៉ូតូខងលិចជាប់ផ្សារទំនើបសូរិយា រួចដាក់សំបុត្រក្រោមកែបម៉ូតូ តែភ្លេចដកសោម៉ូតូដែលនៅជាប់កែបទុក ក៏បានឡើងទៅជិះស្គីលើផ្សារទំនើបសូរិយា។ សមត្ថកិច្ចបន្តទៀតថា ជនសង្ស័យបានឃើញម៉ូតូជាប់សោ និងកែប ក៏បានហែកសំបុត្រពីម៉ូតូផ្សេងដែលនៅក្បែរនោះ កាន់ជាប់នឹងដៃ រួចចាក់សោម៉ូតូជិះចេញទៅកន្លែងហែកសំបុត្រ។ ពេលនោះអ្នកយាមបានពិនិត្យសំបុត្រឃើញខុសលេខកូដ ហើយធ្វើការឃាត់ខ្លួន បញ្ជូនទៅនគរបាលប៉ុស្តិ៍រដ្ឋបាលផ្សារថ្មីទី១ ដើម្បីសាកសួរ៕ ចាប់ បាន បុរស ២ នាក់ ពី បទ ជួញ ដូរ គ្រឿង ញៀន បន្ទាយមានជ័យៈ ជនសង្ស័យជួញដូរគ្រឿងញៀនចំនួន ៣នាក់ ត្រូវបានកម្លាំងនគរបាលចាប់ឃាត់ខ្លួនជាបន្តបន្ទាប់កាលពីថ្ងៃទី១៣ កញ្ញានៅខេត្តបន្ទាយមានជ័យ ហើយបញ្ជូនខ្លួនជនសង្ស័យ និងវត្ថុតាងមកស្នងការដ្ឋាននគរបាលខេត្តបន្ទាយមានជ័យ ដើម្បីចាត់វិធានការតាមផ្លូវច្បាប់។ ប៉ូលិសបានឱ្យដឹងថា ក្រោយពីទទួលបានព័ត៌មានពីកម្លាំងសម្ងាត់ នៅវេលាម៉ោង ១និង១០នាទីរសៀល ថ្ងៃទី១៣ កញ្ញា ឆ្នាំ២០១១ កម្លាំងអធិការដ្ឋាននគរបាលស្រុកម៉ាឡៃ បានចុះបង្ក្រាប និងចាប់ខ្លួនជនសង្ស័យចំនួន ២នាក់។ ព្រមជាមួយគ្នានោះ សមត្ថកិច្ចដកហូតបានថ្នាំញៀនចំនួន ១៣គ្រាប់។ ជនសង្ស័យទាំង ៣នាក់ រួមទាំងវត្ថុតាង ត្រូវបានសមត្ថកិច្ចរៀបចំសំណុំរឿងបញ្ជូនទៅសាលាដំបូង ដើម្បីចាត់ការតាមផ្លូវច្បាប់៕ ចាប់ ខ្លួន បុរស ម្នាក់ ពី បទ ជួញ ដូរ គ្រឿង ញៀន ព្រះសីហនុៈ ថ្នាំញៀនប្រភេទមេតំហ្វេតាមីនទម្ងន់១,៣ក្រាម រួមនឹងបុរសម្នាក់ ត្រូវបានកម្លាំងជំនាញការិយាល័យនគរបាលប្រឆំាង គ្រឿងញៀននៃស្នងការដ្ឋាននគរបាលខេត្ត ឃាត់ខ្លួនកាលពីវេលាម៉ោង ១១ថ្ងៃទី១៤ កញ្ញា នៅក្រុងព្រះសីហនុ។ តាមព័ត៌មាន បានឱ្យដឹងថា ជនសង្ស័យមានអាយុ ៣០ឆ្នាំ មានមុខរបរជាងជួសជុលកំព្យូទ័រ។ ក្រោយពីពេលចាប់ខ្លួន សមត្ថកិច្ចជំនាញបានឆែកឆេររកឃើញវត្ថុតាងរួមមានថ្នាំញៀនប្រភេទមេតំហ្វេតាមីន ២កញ្ចប់តូចទម្ងន់ ១,៣ក្រាម ដបច្នៃសម្រាប់ជក់គ្រឿងញៀនចំនួន ១ ទុយោជ័រជក់ ១ដុំ ទូរស័ព្ទដៃមួយគ្រឿង។ ក្រោយសាកសួររួចជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី៕ គ្រាន់ តែ ស្រីៗ ប្រកែក គ្នា បុរសៗ ទ្រាំ មិន បាន ក៏ បង្ក ជា ជម្លោះ ធំ ស្វាយរៀងៈ ឆាកប្រយុទ្ធដ៏សាហាវមួយបានកើតឡើងកាលពីថ្ងៃទី១៣ កញ្ញា នៅខាងមុខគេហដ្ឋានមួយកន្លែង ស្ថិតក្នុងស្រុកស្វាយជ្រំ ដែលភាគីទាំងសងខាងជាអ្នកភូមិផងរបងជាប់គ្នាធ្លាប់ហៅគ្នា ផឹកស៊ីជារៀងរាល់ថ្ងៃ។ បន្ទាប់ពីការប្រយុទ្ធគ្នានេះ បុរសពីរនាក់ដែលជាបងប្អូនបង្កើតម្នាក់អាយុ ៣០ឆ្នាំ និងម្នាក់ទៀតអាយុ ២៧ឆ្នាំ បានរងរបួសពេញខ្លួន ហើយត្រូវបានក្រុមគ្រួសារដឹកយកទៅកាន់មន្ទីរពេទ្យទាំងយប់ ដើម្បីព្យាបាល។ រីឯបុរសម្នាក់ទៀតអាយុ ២៨ឆ្នាំ មានផ្ទះនៅជាប់គ្នា និងជាគូបដិបក្ស បានក្លាយជាជនល្មើសរត់គេចខ្លួន ហើយកំពុងត្រូវបានសមត្ថកិច្ចតាមចាប់ខ្លួន។ ជនរងគ្រោះ បានរៀបរាប់ឱ្យដឹងថា នៅមុនពេលកើតហេតុនោះ ជនល្មើសបានហៅខ្លួនទៅផឹកនៅផ្ទះរបស់គេជាមួយមិត្តភក្តិម្នាក់ទៀតដែលទើបមកពីភ្នំពេញ លុះផឹកបាន៣-៤កែវ ប្អូនស្រីរបស់ខ្លួនអាយុ ២២ឆ្នាំ បានទៅដល់ហើយនិយាយរឿងជនល្មើស ទើបមកពីលេងស្រីប្រាប់ប្រពន្ធរបស់ជនល្មើស ក៏ធ្វើឱ្យមានការនិយាយដៀមដាមគ្នាទៅវិញទៅមករវាងស្រីៗទាំងពីរនាក់។ ការដៀមដាមគ្នាយូរៗទៅ ក៏ធ្វើឱ្យក្តៅក្រហាយដល់ប្រុសៗដែលកំពុងតែផឹក ហើយខ្លួនបានវាយប្អូនស្រី និងដេញឱ្យទៅផ្ទះកុំឱ្យនៅឈ្លោះប្រកែកគ្នាទៀត។ ពេលនោះប្រពន្ធរបស់ជនល្មើសនោះបានស្រែកជេរដដែលៗ ធ្វើឱ្យខ្លួនខឹងក៏តបទៅវិញ។ ភ្លាមនោះស្រាប់តែជនល្មើសបានទាញដងកឺបុកប៊ីយ៉ាស្ទុះមកវាយខ្លួនតែម្តង ប៉ុន្តែត្រូវខ្លួនចាប់ជាប់ហើយវាយមួយដៃត្រូវមុខដួលអុកគូទទៅវិញ រួចខ្លួនក៏ហៅប្អូនស្រីបម្រុងដើរទៅផ្ទះវិញទាំងអស់គ្នា។ ជនរងគ្រោះរៀបរាប់បន្តថា ខណៈនោះជនល្មើសបានរត់ទៅកាន់រោងបាយយកកាំបិតប៉័ងតោមកកាប់សន្ធាប់លើខ្លួនទៀត ធ្វើឱ្យមានការប្រវាយប្រតប់គ្នាឡើង។ រីឯប្អូនប្រុសរបស់ខ្លួនដើរមកដល់ឃើញជនល្មើសប្រើកាំបិតកាប់បងប្រុស ខ្លួនក៏ចូលមកជួយក៏ត្រូវជនល្មើសកាប់ត្រូវ ១កាំបិតចំក្បាលបណ្តាលឱ្យដួលទៅលើដីហូរឈាមពេញខ្លួន។ បន្ទាប់មកក៏មានការស្រែកឆោឡោឡើងធ្វើឱ្យជនល្មើសរត់គេចខ្លួនបាត់ ចំណែកខ្លួន និងប្អូនប្រុសត្រូវគ្រួសារដឹកយកទៅព្យាបាលនៅមន្ទីរពេទ្យ។ ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុប្រមូលវត្ថុតាង កសាងសំណុំរឿងនិងតាមចាប់ខ្លួនជនដៃដល់ ដើម្បីយកមកផ្តន្ទាទោសតាមច្បាប់៕ ប្ដី ប្រពន្ធកាប់គ្នាម្នាក់ស្លាប់ម្នាក់រងរបួសធ្ងន់ សៀមរាបៈ ទំនាស់រវាងប្ដី និងប្រពន្ធ បានឈានដល់អំពើហិង្សាបង្ហូរឈាមនឹងគ្នាយ៉ាងសាហាវ ដោយប្រពន្ធបានស្លាប់ ខណៈប្ដីបានរងរបួសយ៉ាងធ្ងន់ធ្ងរ និងត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប កាលពីថ្ងៃទី១៣ ខែកញ្ញា។ លោក ម៉ក សំអូន អធិការរងក្រុងសៀមរាប បានឲ្យដឹងថា នៅមុនពេលមានអំពើហិង្សា បុរសជាប្ដីឈ្មោះ ស៊ុំ ទី អាយុ ៤៤ឆ្នាំ បានផឹកស្រាស្រវឹងអួទីនួស្រែឡូឡា និងជេរបញ្ចោរប្រពន្ធយ៉ាងចាស់ដៃ និងស្រែកបញ្ជាឲ្យប្រពន្ធទៅដាក់បាយជ្រូក ចំណែកស្ដ្រីជាប្រពន្ធ អាយុ ៤៣ឆ្នាំ បានធ្វើតាមរួចរាល់អស់ហើយ។ ប៉ុន្តែ បុរសជាប្ដីនៅតែមិនជឿ និងបានស្រែកជេរដដែលៗ ជាហេតុធ្វើឲ្យប្រពន្ធខឹង និងស្រែកដាក់វិញ ទើបឈានទៅជេរបញ្ចោរគ្នាទៅវិញទៅមកខ្លាំងៗ។ ប្រពន្ធកាន់កាំបិតចុងស្រួច ចំណែកប្ដីកាន់កាំបិតខ្វែវ រួចហើយបានកាប់ចាក់គ្នាយ៉ាងបង្ហូរឈាម៕ ចាប់ បានស្លាបមាន់ ជង្គង់មាន់ និងសត្វក្រួចខូចគុណភាព ភ្នំពេញៈ ប៉ូលិសបាន ឱ្យដឹងថា ឆ្លងតាមការស្រាវជ្រាវអស់រយៈពេលជាយូរ សមត្ថកិច្ចបានឃាត់រថយន្ត ដែលដឹកស្លាបមាន់ ជង្គង់មាន់ និងសត្វក្រួចខូចគុណភាពទម្ងន់ ១,២១៨គីឡូក្រាម និងឃាត់ខ្លួនអ្នកដឹកជញ្ជូន ភេទប្រុស អាយុ ៣២ឆ្នាំ មុខរបររត់តាក់ស៊ី កាលពីថ្ងៃទី១៣ ខែកញ្ញា នៅខណ្ឌមានជ័យ។ លោកបានបញ្ជាក់ទៀតថា ស្លាបមាន់ ជង្គង់មាន់ និងសត្វក្រួច ខូចគុណភាពទាំងអស់នោះ ត្រូវបាននាំចូលពីប្រទេសថៃ។ លោកបានផាកពិន័យជននោះជាប្រាក់ចំនួនពីរលានរៀលចូលថវិការដ្ឋ ចំណែកសាច់សត្វស្លាបជាង១តោនត្រូវដុតកម្ទេចចោល៕ ស្គាល់គ្នាបាន១ខែស៊ីដាច់ម៉ូតូមិត្តភក្ដិ ភ្នំពេញៈ ក្រោយពេលស៊ីដាច់ម៉ូតូមិត្តភក្តិបាន១ថ្ងៃ ក៏ត្រូវមន្ត្រីសមត្ថកិច្ចខណ្ឌសែនសុខ ធ្វើការឃាត់ខ្លួន កាលពីថ្ងៃទី១១ កញ្ញា។ ប៉ូលិសបាននិយាយថា ជនសង្ស័យទាំង២នាក់ ត្រូវបានសមត្ថកិច្ចខណ្ឌសែនសុខ ឃាត់ខ្លួន ស្របពេលជនរងគ្រោះប្រទះឃើញជនសង្ស័យ២នាក់កំពុងជិះម៉ូតូរបស់ខ្លួនយកទៅបញ្ចាំ។ សមត្ថកិច្ចបន្តថា មុនពេលកើតហេតុ ជនរងគ្រោះអាយុ ២០ឆ្នាំ ស្នាក់នៅខណ្ឌដង្កោ ដោយស្គាល់គ្នាជាមួយជនសង្ស័យទាំង ២នាក់បានរយៈពេល១ខែ ហើយនៅថ្ងៃទី១០ កញ្ញា ក៏បបួលគ្នាទៅផឹកស៊ី។ នៅពេលកំពុងផឹកស៊ី ជនសង្ស័យទាំង២នាក់នេះ បានខ្ចីម៉ូតូរបស់ជនរងគ្រោះថា ទៅយកមិត្តភក្តិម្នាក់ទៀត តែមិនឃើញត្រឡប់មកវិញនោះទេ។ រហូតដល់ថ្ងៃទី១១ កញ្ញា ជនរងគ្រោះបានប្រទះឃើញម៉ូតូរបស់ខ្លួន និងជនសង្ស័យទាំង២នាក់ដែលកំពុងជិះយកទៅបញ្ចាំ ហើយក៏បានប្តឹងទៅសមត្ថកិច្ចប៉ូលិសឱ្យឃាត់ខ្លួនជនល្មើស ទាំងពីរនាក់នេះតែម្តង៕ យុវជន ពីរក្រុមវាយគ្នាក្នុងសាលាចិន ខេត្តកំពតៈ សិស្សសាលាចិនមួយក្នុងស្រុកកំពង់ត្រាចមានចំនួន២ក្រុម បានប៉ះទង្គិចគ្នាដោយពាក្យសម្តីរហូតឈានដល់ការកាប់ចាក់គ្នាកាលពីថ្ងៃទី១២ កញ្ញា នៅក្នុងសាលា។ ប៉ូលិសបានប្រាប់ឱ្យដឹងថា សិស្សសាលាចិននេះដំបូងទាស់គ្នាជាពាក្យសម្តីទេ តែក្រោយមកពួក គេបានណាត់ប្រយុទ្ធគ្នានៅក្នុងសាលាតែម្តងបណ្តាលឱ្យយុវសិស្សម្នាក់ អាយុ១៦ឆ្នាំ ត្រូវក្រុមយុវសិស្សម្ខាងទៀតចាក់ត្រូវចំនួន២កាំបិត ចំគូទ១កាំបិត និងខ្នង១កាំបិត បណ្តាលឱ្យរងរបួសយ៉ាងធ្ងន់ធ្ងរត្រូវបានក្រុមសាច់ញាតិដឹកទៅសង្គ្រោះនៅមន្ទីរពេទ្យបង្អែកខេត្ត។ ក្រោយហេតុការណ៍កើតឡើងសមត្ថកិច្ចបានហៅក្រុមយុវសិស្សសាលាចិននេះមកសួរនាំពាក់ព័ន្ធនឹងអំពើហិង្សានេះ ហើយប៉ូលិសកំពុងតែស្វែងរកចាប់ខ្លួនយុវសិស្សម្នាក់ទៀតជាអ្នកដៃដល់៕ បើក ឡានបុកគេបុកឯងហើយជេរប៉ូលិស និងអ្នកកាសែតទៀត ភ្នំពេញៈ បុរសម្នាក់បានបើករថយន្តទៅបុករថយន្តចតស្ងៀមចំនួន ២គ្រឿង រួចបន្តទៅបុកចូលអគារផ្សារទំនើបឡាក់គីនៅខាងក្រោយ បណ្តាលឲ្យខូចខាតម៉ូតូ ២គ្រឿង និងម៉ាស៊ីនត្រជាក់ ៤គ្រឿង ហើយជនបង្កហេតុ រួមទាំងបក្ខពួក បានជេរប្រមាថប៉ូលិសចរាចរណ៍ និងចង់វាយអ្នកកាសែត ព្រមទាំងគំរាមយកម៉ាស៊ីនថតបោកចោលថែមទៀត កាលពីថ្ងៃទី១៤ ខែកញ្ញា នៅចំណុចអគារផ្សារឡាក់គីខាងក្រោយ ខណ្ឌចំការមន។ សមត្ថកិច្ចចរាចរណ៍បានឲ្យដឹងថា មុនកើតហេតុ រថយន្តបង្កបានបើកយ៉ាងលឿន ហើយក៏ជ្រុលចង្កូតទៅបុករថយន្ត ២គ្រឿង ដែលចតស្ងៀម មានរថយន្តឡង់គ្រីស័រ ១គ្រឿង និងរថយន្តភីកអាប់ ១គ្រឿង ហើយជ្រុលទៅបុករបងផ្សារឡាក់គី ធ្លាយចូលក្នុង បណ្តាលឲ្យម៉ូតូ ២គ្រឿង និងម៉ាស៊ីនត្រជាក់ ៤គ្រឿង ត្រូវខូចខាត។ ក្រោយពីបង្ករឿងហើយ សមត្ថកិច្ចចរាចរណ៍បានចុះទៅដល់កន្លែងកើតហេតុ ដើម្បីធ្វើការវាស់វែង និងស្ទូចរថយន្តបង្កនោះ តែអ្នកបើកបររថយន្តបង្ក បានជេរប្រមាថ និងរករឿងឈ្លោះជាមួយសមត្ថកិច្ច មិនតែប៉ុណ្ណោះ ក៏បានគំរាមចង់ដកម៉ាស៊ីនថតអ្នកកាសែត បោកចោល និងចង់វាយមកលើអ្នកយកព័ត៌មានថែមទៀត។ មួយសន្ទុះក្រោយមក ក៏មានបក្ខពួករបស់ជនបង្ក ២នាក់ទៀត ដែលបើករថយន្តផ្សេងមកដល់ ក៏បានដកទូរស័ព្ទរបស់គេថត ចុះឡើង និងមិនឲ្យសមត្ថកិច្ចស្ទូចរថយន្តបង្កយកទៅណាទេ ដោយទុកឲ្យខាងក្រុមហ៊ុនធានារ៉ាប់រង និងខាងប្រធានផ្សារមកដល់សិន។ តែពេលខាងក្រុមហ៊ុនធានារ៉ាប់រងមកដល់ ពួកគេក៏ជេរទាំងក្រុមហ៊ុនធានារ៉ាប់រងទៀត។ រហូតដល់ម៉ោង៤ ទៀបភ្លឺ ទើបសមត្ថកិច្ច អាចស្ទូចយករថយន្តបង្ក ចេញពីកន្លែងកើត ហេតុបាន៕ អាង តែមានកាំភ្លើងបាញ់បោះសេរីត្រូវប៉ូលិស ឃាត់ខ្លួន ភ្នំពេញៈ បុរសម្នាក់ពុំមានមុនរបរច្បាស់លាស់ បានស្លៀកពាក់ឯកសណ្ឋានយោធា ហើយដកកាំភ្លើងខ្លី បាញ់ឡើងលើមេឃ ១គ្រាប់ ត្រូវសមត្ថកិច្ចឃាត់ខ្លួន កាលពីល្ងាចថ្ងៃទី១០ កញ្ញា នៅខណ្ឌសែនសុខ។ សមត្ថកិច្ចបានដកហូតម៉ូតូ ១គ្រឿង និងកាំភ្លើងខ្លី ១ដើម ប្រគល់ឲ្យប៉េអឹមខណ្ឌសែនសុខ ចាត់ការបន្ត។ ប៉ូលិសមូលដ្ឋាន បានឲ្យដឹងថា ជនបង្កហេតុ អាយុ ៣០ឆ្នាំ ពុំមានមុខរបរ និងមិនមានទីលំនៅពិតប្រាកដ ស្លៀកពាក់ឯកសណ្ឋានយោធា។ ប៉ូលិសបន្តថា មុនកើតហេតុ ជនល្មើសបានបើកម៉ូតូមកដល់មុខផ្ទះស្ដ្រីម្នាក់អាយុ ៥៨ឆ្នាំ រួចផ្ញើម៉ូតូដើរបានបន្តិច ក៏ដកកាំភ្លើងខ្លីពីចង្កេះបាញ់ឡើងលើមេឃ ១គ្រាប់ ដោយគ្មានមូលហេតុ។ ពេលនោះ ស្ដ្រីម្នាក់នោះក៏រាយការណ៍ប្ដឹងប៉ូលិសមកឃាត់ខ្លួនបានភ្លាមៗ រួចប្រគល់ឲ្យប៉េអឹមខណ្ឌសែនសុខចាត់ការបន្តទៀត៕ បុរសម្នាក់អត់ទ្រាំមើលប្តីវាយប្រពន្ធមិនបានបាញ់១គ្រាប់ ធ្លាយពោះ ភ្នំពេញៈ បុរសជាប្តី បានរងរបួសត្រូវមួយគ្រាប់កាំភ្លើងធ្លាយពោះ ក្រោយពីមានទំនាស់ជាមួយប្រពន្ធ ហើយបុរសម្នាក់ទៀតបានចូលទៅឃាត់ តែត្រូវប្តីនោះ វាយតដៃ ក៏ត្រូវអ្នកចូលទៅឃាត់ បាញ់តែម្តង កាលពីថ្ងៃទី១១ ខែកញ្ញា នៅចំណុចច្រកចូលសាលាបឋមសិក្សាឫស្សីកែវ ខណ្ឌឫស្សីកែវ។ សមត្ថកិច្ចមូលដ្ឋានបានឲ្យដឹងថា ជនរងគ្រោះ ជាប្តីអាយុ ២៧ឆ្នាំ ហើយទាំង២នាក់ស្នាក់នៅផ្ទះជួល សង្កាត់ឫស្សីកែវ។ រីឯបុរសដែលជាជនបង្កហេតុ មិនត្រូវបានគេស្គាល់អត្តសញ្ញាណទេ ដោយក្រោយពីកើតហេតុ បានគេចខ្លួនបាត់។ សមត្ថកិច្ចបន្តថា មុនកើតហេតុ ប្តីប្រពន្ធមួយគូរនេះ បានឈ្លោះទាស់ទែងគ្នា ហើយបុរសជាប្តីបានវាយប្រពន្ធមួយកំផ្លៀង ពេលនោះជនបង្កហេតុឃើញទើសភ្នែកពេក ក៏ចូលទៅទាញកអាវ រួចវាយបុរសជាប្តីមួយដៃ។ បុរសជាប្តីរូបនោះ បានតដៃវាយវិញ ក៏ត្រូវជនបង្កទាញកាំភ្លើងពីចង្កេះ បាញ់មួយគ្រាប់ ត្រូវត្រង់ពោះបុរសជាប្តី បណ្តាលឲ្យរបួសធ្ងន់ ហើយត្រូវបានគេដឹកតាមម៉ូតូកង់បី យកទៅសង្គ្រោះនៅមន្ទីរពេទ្យ កាល់ម៉ែត្រ៕ ទំនាស់ រវាងអ្នកលក់ដូរជិតគ្នាម្នាក់ដេកពេទ្យម្នាក់ទៀតរត់គេចខ្លួន ភ្នំ ពេញៈ ទំនាស់កាប់ប្រហារគ្នារវាងអ្នកលក់អាហារពេលយប់ នៅខាងត្បូងផ្សារអូរឫស្សី ភាគីរងគ្រោះបានត្រឹមតែត្រូវគេកាប់រយះភ្លៅខាងស្ដាំ ចំណែកជនបង្ករត់គេចខ្លួន ដែលហេតុការណ៍ ឈានដល់ជម្លោះនេះត្រូវគេរាយការណ៍មកថា បណ្ដាលមកពីភាគីដែលបង្ក ខឹងនឹងជនរងគ្រោះលក់ដាច់ជាងខ្លួន។ ទោះជាត្រូវរត់គេចខ្លួន ក្រោយធ្វើសកម្មភាពកាប់ប្រហារលើជនរងគ្រោះក៏ដោយ ករណីនេះត្រូវបានប៉ូលិសប្រាប់ថា លោកនឹងចាត់ការករណីនេះតាមនីតិវិធីច្បាប់ ដោយយោងតាមពាក្យបណ្ដឹងពីគ្រួសារជនរងគ្រោះ៕ បាត់ រថយន្ដនៅកោះពេជ្រ ភ្នំពេញៈ ស្ដ្រីម្នាក់អាយុ ៣២ឆ្នាំជិះរថយន្ដទៅចូលរួមក្នុងពិធីជប់លៀងនៅកោះពេជ្រ ហើយពេលចេញមកវិញ ស្រាប់តែបាត់រថយន្ដ កាលពីថ្ងៃទី១១ កញ្ញា នៅមជ្ឈមណ្ឌលកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន។ ស្ដ្រីរងគ្រោះ បានរៀបរាប់ប្រាប់ប៉ូលិសថា មុនកើតហេតុ គាត់បានចូលរួមក្នុងពិធីជប់លៀងមិត្តភក្តិនៅកោះពេជ្រ ដោយចតរថយន្ដនៅមុខអគារ I។ ពេលចេញមកវិញស្រាប់តែបាត់រថយន្ដតែម្ដង ហើយប្ដឹងប៉ូលិសជួយស្រាវជ្រាវ។ រហូតដល់រសៀលថ្ងៃទី១២ កញ្ញា ឆ្នាំ២០១១ ប៉ូលិសពុំទាន់ឃាត់បានជនសង្ស័យណាម្នាក់នៅឡើយ៕ ចាប់ បានប្ដីប្រពន្ធលក់លៀសហាលមួយគូពីបទចែកចាយគ្រឿងញៀន ភ្នំពេញៈ ជនសង្ស័យជាប្ដីអាយុ ២០ឆ្នាំរីឯប្រពន្ធអាយុ ២៥ឆ្នាំ ជនល្មើសទាំងពីរនាក់នេះដើរលក់លៀសហាល និងខ្ចៅស្ងោ តែបន្លំចែកចាយគ្រឿងញៀនយ៉ាងសកម្ម ត្រូវកម្លាំងនគរបាលដើរល្បាតប្រទះឃើញរួចក៏ឃាត់ខ្លួន កាលពីថ្ងៃទី១២ ខែកញ្ញា ស្ថិតនៅខណ្ឌដង្កោរាជធានីភ្នំពេញ។ កម្លាំងសមត្ថកិច្ចដកហូតបានថ្នាំញៀនប្រភេទម៉ាទឹកក ៧កញ្ចប់ និងប្រភេទយ៉ាម៉ា ៧គ្រាប់កន្លះ បន្ទាប់ពីឃាត់ខ្លួនប្ដីប្រពន្ធរូបនេះ រួចមកក៏ឈានទៅឃាត់ខ្លួនបក្ខពួករបស់គេបានម្នាក់ទៀត អាយុ ២០ឆ្នាំមុខរបរមិនពិតប្រាកដ។ ប្រភពព័ត៌មានពីនគរបាលខណ្ឌដង្កោ បានឲ្យដឹងថា មុនពេលកើតហេតុថ្ងៃទី១២ វេលាម៉ោង ៤រសៀល កម្លាំងនគរបាលបានចុះល្បាតនៅសង្កាត់ចោមចៅ ក៏បានប្រទះឃើញជនសង្ស័យជិះម៉ូតូមួយគ្រឿងមកឈប់នៅមុខផ្ទះរបស់អ្នកលក់លៀសហាល ហើយក៏ចំពីមុខ កម្លាំងនគរបាល កំពុងតែដើរល្បាតផងដែរ ពេលនោះជនសង្ស័យបានឃើញកម្លាំងនគរបាល ក៏ជិះម៉ូតូចេញទៅស្រាប់តែបន្ដិចក្រោយមកក៏ឃើញជនសង្ស័យម្នាក់ទៀតជាម្ចាស់ផ្ទះដើរមកដល់ចូលទៅក្នុងផ្ទះរំពេចនោះ កម្លាំងនគរបាលក៏បានឃាត់ ដើម្បីឆែកឆេរមើល ក៏ប្រទះឃើញថង់មួយដែលមានថ្នាំញៀនដូចខាងលើនៅជាប់នឹងខ្លួន ពេលនោះដែរនាងជាប្រពន្ធជនសង្ស័យបានមករារាំង ដោយអះអាងថា ប្ដីរបស់នាងទិញថ្នាំញៀននេះ យកមកប្រើប្រាស់ប៉ុណ្ណោះ។ ក្រោយមកនគរបាលក៏ឃាត់ខ្លួនទាំងពីរនាក់ប្ដីប្រពន្ធមកនាំយកមកកាន់ប៉ុស្ដិ៍នគរបាលតែម្ដងទៅ លុះក្រោយ ពេលធ្វើការសាកសួររួចមកទើបឈានទៅឃាត់ខ្លួនបក្ខពួករបស់គេម្នាក់ទៀត៕ បុរស ២នាក់និងស្ដ្រី២នាក់ត្រូវបានចាប់ខ្លួនពីបទជួញដូរគ្រឿងញៀន ភ្នំពេញៈ កម្លាំងប៉េអឹមខណ្ឌដូនពេញ បានចុះបង្ក្រាបជនសង្ស័យជួញដូរគ្រឿងញៀនបានចំនួន២នាក់ នៅចំណុចផ្លូវកែងវិថីព្រះសុធារស និងវិថីព្រះសុរាម្រឹត ស្ថិតក្នុងសង្កាត់ចតុមុខ ខណ្ឌដូនពេញ កាលពីថ្ងៃទី១២ កញ្ញា បន្ទាប់ពីឆែកឆេររកឃើញម្សៅក្រាមពណ៌សចំនួន៣កញ្ចប់តូច។ ប៉ូលិសបានឱ្យដឹងថា នៅវេលាម៉ោងជាង ២រំលងអធ្រាត្រឈានចូលថ្ងៃទី១២ កញ្ញា កម្លាំងប៉េអឹមខណ្ឌដូនពេញ បានជិះម៉ូតូល្បាតក្នុងភូមិសាស្ត្រ។ លុះមកដល់ចំណុចផ្លូវកែវវិថីព្រះសុធារស និងវិថីព្រះសុរាម្រឹត ស្ថិតក្នុងសង្កាត់ចតុមុខ ស្រាប់តែប្រទះឃើញបុរសម្នាក់ និងស្ត្រីម្នាក់គួរឱ្យសង្ស័យ ហើយក៏បានឃាត់ខ្លួន និងធ្វើការឆែកឆេរក្នុងប្រអប់សាកថ្មទូរស័ព្ទ ឃើញមានម្សៅក្រាមពណ៌ស ចំនួន៣កញ្ចប់តូច ទើបឃាត់ខ្លួនបញ្ជូនមកទីបញ្ជាការប៉េអឹមខណ្ឌដើម្បីសួរនាំ។ ជនសង្ស័យបានសារភាពថា ម្សៅក្រាមពណ៌សចំនួន ៣កញ្ចប់ ដែលសមត្ថកិច្ចដកហូតនេះគឺជាគ្រឿងញៀនប្រភេទម៉ាទឹកកក ដែលទិញនៅម្តុំខាងលិចបឹងកក់ក្នុងខណ្ឌទួលគោក ដើម្បីយកមកលក់បន្ត ប៉ុន្តែខណៈពេលជិះម៉ូតូមកដល់ចំណុចសួនច្បារនាគបាញ់ទឹក ក៏ត្រូវប៉េអឹមឃាត់តែម្តង៕ រថយន្ត ម៉ាកឡិចស៊ីសហោះទៅបុកដើមគគីរដាច់ជាពីចេញសុទ្ធតែឈើគ្រញូង កំពង់ធំៈ ឧប្បត្តិហេតុគ្រោះថ្នាក់ចរាចរណ៍មួយបានកើតឡើងមិនខុសពីអ្នកបង្ហោះរថយន្តក្នុងរឿងកុនហូលីវូដឡើយ ដែលកើតឡើងកាលពីថ្ងៃទី១១ កញ្ញា នៅលើកំណាត់ផ្លូវជាតិលេខ៦ ក្នុងស្រុកសន្ទុក ដោយរថយន្តម៉ាកឡិចស៊ីស៤៧០ ដឹកឈើគ្រញូងមួយគ្រឿង បានរេចង្កូតទៅបុកម៉ូតូ ២គ្រឿង ជាបន្តបន្ទាប់គ្នា ហើយហោះទៅបុកដើមគគីរមុខវត្តដាច់ជាពីរកំណាត់ រួចចុះទៅសំងំផឹកទឹកក្នុងស្រែ បណ្តាលឱ្យអ្នកបើកបរស្លាប់ភ្លាមៗតែម្តង។ ប្រភពព័ត៌មានពីជនរងគ្រោះជាអ្នកបើកបរម៉ូតូ បាននិយាយប្រាប់នគរបាលថា មុនពេលកើតហេតុ គាត់បានធ្វើដំណើរចេញពីវត្តដើម្បីទៅផ្សារ ប៉ុន្តែពេលឡើងមកដល់ថ្នល់ ស្រាប់តែរថយន្តឡិចស៊ីសខាងលើ ធ្វើដំណើរពីតាមផ្លូវជាតិក្នុងល្បឿនយ៉ាងលឿនហើយបានរេចង្កូតមកបុកម៉ូតូរបស់គាត់ និងម៉ូតូ១គ្រឿងទៀតពេញទំហឹងបណ្តាលឱ្យអ្នកបើកបរម៉ូតូទាំង ២នាក់រងរបួសស្រាល បន្ទាប់មករថយន្តបង្កហេតុ ក៏ជ្រុលទៅបុកដើមគគីរប៉ុនសសរផ្ទះដាច់ជាពីរកំណត់ បណ្តាលឱ្យរថយន្តក្រពឹតមុខខ្ទេចខ្ទី ហើយចុះទៅក្នុងប្រឡាយលិចកប់ក្នុងភក់ស្ងាត់ឈឹងតែម្តង។ ប្រជាពលរដ្ឋបានបញ្ជាក់ដែរថា ក្រោយពីហេតុការណ៍កើតឡើង ពួកគាត់ក៏បានជួយគាស់ទ្វាររថយន្ត សង្គ្រោះបានព្រូរថយន្តម្នាក់ដឹកយកទៅមន្ទីរពេទ្យ ចំណែកអ្នកបើកបរបានស្លាប់បាត់ទៅហើយដោយកប់ក្នុងភក់ ដោយឡែកក្នុងរថយន្តនោះ ដឹកសុទ្ធតែឈើគ្រញូងពេញ។ ព័ត៌មានពីសមត្ថកិច្ចនគរបាលបានឱ្យដឹងថា អ្នកបើកបររថយន្តដែលស្លាប់កប់ភក់ត្រូវបានក្រុមគ្រួសារមកទទួលយកទៅធ្វើបុណ្យ៕ ចាប់អ្នកសេពគ្រឿងញៀន៤នាក់នៅខណ្ឌសែនសុខ ភ្នំពេញៈ កាលពីថ្ងៃទី១១ កញ្ញា សមត្ថកិច្ចប៉ូលិសខណ្ឌសែនសុខ បានចុះបង្ក្រាបទីតាំងប្រើប្រាស់គ្រឿងញៀនមួយកន្លែង ស្ថិតក្នុងខណ្ឌសែនសុខ ឃាត់ខ្លួនមនុស្សច្រើននាក់ និងរឹបអូសវត្ថុតាងមួយចំនួន។ ប៉ូលិសបានឱ្យដឹងថា សមត្ថកិច្ចបានឃាត់ខ្លួនមនុស្សប្រុស ៤នាក់ និងដកហូតបានវត្ថុតាងមួយចំនួន ដូចជាម៉ាទឹកកក និងឧបករណ៍ប្រើប្រាស់ជាច្រើនទៀត។ សមត្ថកិច្ចគ្រាន់តែរកឃើញទីតាំងប្រើប្រាស់ និងឃាត់ខ្លួនអ្នកប្រើប្រាស់បាន ៤នាក់ យកមកសាកសួរប៉ុណ្ណោះ ហើយនគរបាលនឹងស្វែងរកចាប់ខ្លួនមេខ្លោងជួញដូរ និងចែកចាយគ្រឿងញៀនថែមទៀត៕ ថ្លើម ធំហ៊ានឆបោកម៉ូតូរបស់លោកមេភូមិ ព្រះសីហនុៈ បុរសម្នាក់បានត្រូវកម្លាំងការិយាល័យព្រហ្មទណ្ឌកម្រិតស្រាលខេត្ត ឃាត់ខ្លួនកាលពី ថ្ងៃទី៩ កញ្ញានៅក្រុងព្រះសីហនុ បន្ទាប់ពីទទួលបានពាក្យបណ្តឹងពីជនរងគ្រោះ។ ប៉ូលិសបាននិយាយថា ជននេះបានឆបោកម៉ូតូមួយគ្រឿង ជាកម្មសិទ្ធិរបស់មេភូមិថ្មធំ អាយុ ៦៤ឆ្នាំ។ ប្រភពដដែលបានបន្តថា នៅវេលាម៉ោង ៧ព្រឹកថ្ងៃទី៩ កញ្ញា ជនសង្ស័យ និងជនរងគ្រោះបានអង្គុយហូបគុយទាវជាមួយគ្នា លុះបានមួយសន្ទុះជនសង្ស័យក៏ខ្ចីម៉ូតូទៅដឹកប្រពន្ធរបស់ខ្លួនដែលជាលេខារបស់លោកមេភូមិមកហូបគុយទាវដែរ។ បន្ទាប់ពីចាំយូរពេក ជនរងគ្រោះក៏តាមទៅដល់ផ្ទះសួររកជនសង្ស័យ តែត្រូវប្រពន្ធឆ្លើយថា មិនបានឃើញប្តីរបស់នាងមកទេ។ ខណៈនោះជនរងគ្រោះបានរូតរះមកស្នាក់ការឃុំរាម ដើម្បីប្តឹងសមត្ថកិច្ច បន្ទាប់មកតាមទៅរកនៅកន្លែងគួកជេម៉ូតូផ្សារលើខេត្តព្រះសីហនុ ក៏បានទទួលដំណឹងថា មានបុរសម្នាក់ដើរលក់ម៉ូតូតែដោយគ្មានឯកសារទើបគេមិនហ៊ានទិញ។ ប៉ូលិសបានបន្តថា បន្ទាប់ពីទទួលបានពាក្យបណ្តឹងនេះ រូបលោកបានដាក់បញ្ជាទៅកងកម្លាំងក្រោមឱវាទ ដើម្បីតាមប្រមាញ់ ហើយជាលទ្ធផលតែក្នុងរយៈពេលប្រមាណ ១ម៉ោងប៉ុណ្ណោះ កម្លាំងជំនាញក៏ឃាត់ខ្លួនជនសង្ស័យបាន។ ជនល្មើសត្រូវបានកសាងសំណុំរឿងបញ្ជូនទៅសាលាដំបូងខេត្ត ដើម្បីផ្តន្ទាទោសតាមផ្លូវច្បាប់ពីបទឆបោក៕ ធ្វើការចុះបង្ក្រាបផ្ទះបនដែលមានម្ចាស់ជាជនជាតិវៀតណាម បន្ទាយមានជ័យៈ ស្ត្រីបម្រើផ្លូវភេទចំនួន ៤នាក់ បានត្រូវសមត្ថកិច្ចនគរបាលប្រមូលយកមកអប់រំ និងបញ្ជូនទៅមន្ទីរសង្គមកិច្ចខេត្ត ចំណែកស្ត្រីម្នាក់ដែលផ្តល់ទីកន្លែងសម្រាប់ធ្វើពេស្យាចារ ត្រូវសមត្ថកិច្ចនគរបាលចាប់ឃាត់ខ្លួនកសាងសំណុំរឿងបញ្ជូនទៅសាលាដំបូងខេត្ត បន្ទាប់ពីធ្វើការឆែកឆេរលំនៅដ្ឋានរកឃើញថា បានប្រព្រឹត្តអំពើខាងលើ។ ការចុះប្រតិបត្តិការបង្ក្រាប និងឆែកឆេរលំនៅដ្ឋាននេះ បានធ្វើឡើងកាលពីថ្ងៃទី១០ កញ្ញា នៅក្រុងសិរីសោភ័ណ។ ប៉ូលិសបានឱ្យដឹងថា ស្ត្រីជាប់សង្ស័យប្រព្រឹត្តអំពើសញ្ចារកម្ម និងផ្តល់ទីកន្លែងសម្រាប់ធ្វើពេស្យាចារ ហើយត្រូវបានចាប់ឃាត់ខ្លួន អាយុ ៣១ឆ្នាំ ជាជនជាតិវៀតណាម ស្នាក់នៅក្នុងភូមិខាងលើ។ ជាមួយនឹងការឃាត់ខ្លួននេះ សមត្ថកិច្ចដកហូតបានវត្ថុតាងរួមមានស្រោមអនាម័យមិនទាន់ប្រើចំនួន ២០៧ និងសៀវភៅបញ្ជីកត់ត្រាការរួមភេទចំនួន ៤ក្បាល ព្រមទាំងរំដោះស្ត្រីបម្រើផ្លូវភេទចំនួន ៤នាក់ ជាជនជាតិវៀតណាមដូចគ្នា ស្នាក់នៅក្នុងផ្ទះបនខាងលើ។ ប៉ូលិសបានបញ្ជាក់ទៀតថា ស្ត្រីជាប់សង្ស័យរួមទាំងវត្ថុតាង គឺស្រោមអនាម័យ និងសៀវភៅបញ្ជីកត់ត្រា ត្រូវបានបញ្ជូនទៅសាលាដំបូងខេត្តចាត់ការតាមច្បាប់ ដោយឡែកស្ត្រីបម្រើផ្លូវភេទទាំង ៤នាក់ ធ្វើកិច្ចសន្យាអប់រំរួចបញ្ជូនទៅមន្ទីរសង្គមកិច្ចនេះ៕ លោក តា អាយុ ៧៤ ឆ្នាំ ត្រូវ គេ ដាក់ ថ្នាំ សណ្ដំ យក ម៉ូតូ កណ្តាលៈ កាលពីថ្ងៃទី៩ កញ្ញា រឿងលោកតាវ័យចំណាស់ម្នាក់ដែលជាអ្នករត់ម៉ូតូឌុបត្រូវគេដាក់ថ្នាំសណ្តំយកម៉ូតូ ប៉ាត់ ហើយកំពុងសម្រាកព្យាបាលនៅមន្ទីរពេទ្យព្រះកុសុមៈដោយមិនមាន សាច់ញាតិនោះទេ។ គាត់ត្រូវបញ្ជូនមកដល់មន្ទីរពេទ្យនៅវេលាម៉ោង៤និង៣០នាទី រសៀលថ្ងៃទី៨ កញ្ញា រហូតដល់ម៉ោង៩និង៤០នាទីយប់វិញ ទើបគាត់ដឹងខ្លួន ប៉ុន្តែស្ថិតក្នុងសភាពរវើរវាយ។ លោកតារងគ្រោះមានអាយុ៧៤ឆ្នាំ ជាខ្មែរអ៊ិស្លាម មុខរបររត់ម៉ូតូឌុប មានទីលំនៅនៅក្រុងតាខ្មៅ បានប្រាប់ថា នៅវេលាម៉ោង ១២ថ្ងៃត្រង់ ថ្ងៃកើតហេតុ គាត់ត្រូវគេហៅឱ្យឌុបទៅព្រែកស្លែង ក្នុងតម្លៃ ១ម៉ឺនរៀល។ គាត់បន្តថា បន្ទាប់ពីឌុបគេទៅដល់គោលដៅហើយ គាត់ក៏ត្រូវគេហៅផឹកស៊ីជាមួយ ពេលផឹកស៊ីនោះ មិនដឹងជាយ៉ាងម៉េចទៀតទេ ក៏ដឹងខ្លួនឡើងវិញ សម្រាកនៅមន្ទីរពេទ្យបែបនេះទៅវិញ។ ថ្លែងពីក្រុមគ្រួសាររបស់តាវិញ បន្ទាប់ពីបាត់លោកតាគ្មានដំណឹងអស់រយៈពេលយប់ហើយនោះ នាំគ្នាដើររកលោកតាគ្រប់ច្រកល្ហក ប៉ុន្តែរកមិនឃើញសោះ សូម្បីតែដំណឹងក៏គ្មានដែរ។ បន្ទាប់ពីរកគ្រប់ទីកន្លែងហើយ នៅតែមិនឃើញទៀត ទើបកូនរបស់ លោក តាបានអង្គុយរកមើលព័ត៌មានតាមវ៉េបសាយវិញម្តង។ ខណៈពេលមើលវ៉េបសាយ ស្រាប់តែឃើញរូបថតរបស់ឪពុក និងមានឈ្មោះរបស់គាត់ទៀត ទើបនាំម្តាយ ព្រមទាំងចៅរបស់លោកតាទៅតាមរកនៅមន្ទីរពេទ្យឃើញច្បាស់ថា ជាឪពុកពិតមែន៕ ឆែក ឆេរ រក ឃើញ ម៉ា ទឹកកក ១ ថង់ តូច បន្ទាប់ ពី ធ្វើ ការ ឃាត់ ខ្លួន ពី បទ វាយ តប់ គ្នា ប៉ោយប៉ែតៈ ជនសង្ស័យម្នាក់ត្រូវបានកម្លាំងកងរាជអាវុធហត្ថក្រុងប៉ោយប៉ែត ឃាត់ខ្លួន ក្រោយពីរូបគេបានវាយតប់គ្នានៅក្នុងកន្លែងរាំឌីស្កូ ស្ថិតនៅក្រុងប៉ោយប៉ែត។ តាមការបំភ្លឺពីសមត្ថកិច្ចបានឱ្យដឹងថា ជនសង្ស័យដែលត្រូវឃាត់ខ្លួននេះឈ្មោះ ដួង ភេទប្រុស អាយុ ២៤ឆ្នាំ មុខរបរជាអ្នកលក់ទូរស័ព្ទ។ ជនសង្ស័យរូបនេះ ត្រូវបានឃាត់ខ្លួនកាលពីថ្ងៃទី៩ កញ្ញា ខណៈពេលពួកគេវាយតប់គ្នាជាមួយនឹងពួកស្ទាវមួយក្រុមផ្សេងទៀត។ មុនពេលសមត្ថកិច្ចទៅដល់កន្លែងកើតហេតុ ពួកគេបានរត់គេចខ្លួនបាត់អស់ នៅសល់តែជនសង្ស័យម្នាក់នេះ ក៏ត្រូវកម្លាំងប៉េអឹមឃាត់ខ្លួន ហើយឆែកឆេររកឃើញថ្នាំញៀនប្រភេទខេទឹកកក ពណ៌សថង់តូច បន្ទាប់មកទើបសមត្ថកិច្ចនាំខ្លួនជនសង្ស័យនេះយកមកសួរនាំតែម្ដង។ ក្រោយពេលសួរនាំ ជនសង្ស័យបានសារភាពចំពោះមុខសមត្ថកិច្ចថា ថ្នាំញៀន១កូនថង់នេះបានមកពីមិត្តភក្តិរបស់គេម្នាក់ទៀត ឱ្យយកមកប្រើប្រាស់ ដើម្បីសប្បាយផ្ទាល់ខ្លួនប៉ុណ្ណោះ៕ គ្រាន់តែឆ្លើយជំនួសសោះបង្កជារឿងវាយកាប់ចាក់គ្នា ក្រចេះ: គ្រាន់តែទំនាស់ពាក្យសម្តីរឿងហៅស្រី ហើយអ្នកដទៃឆ្លើយជំនួសសោះបានក្លាយជាជម្លោះវាយកាប់ចាក់គ្នា បណ្តាលឱ្យយុវជនពីរនាក់រងគ្រោះសន្លប់ធំដេកពេទ្យ រីឯគូជម្លោះ៣នាក់ទៀតត្រូវជាប់ទ្រុងប៉ូលិស។ប៉ូលិសស្រុកសំបូរបានឱ្យដឹងថា ករណីអំពើហិង្សាដោយចេតនានេះ បានកើតឡើងនៅវេលាម៉ោង១១យប់ថ្ងៃទី៧ កញ្ញានៅ ស្រុកសំបូរ។ជនរងគ្រោះដែលរងរបួសនេះមាន អាយុ២៦ឆ្នាំ រងរបួសក្បាលដេរចំនួន១០ថ្នេរ បន្ទាប់ពីគូជម្លោះវាយនឹងឈើជ្រុង និងម្នាក់ទៀត អាយុ២៨ឆ្នាំ រងរបួសធ្ងន់ត្រង់ក្បាល ដោយត្រូវគូជម្លោះវាយនឹងខ្នងកាំបិតផ្គាក់សន្លប់ធំ។ តាមប្រភពព័ត៌មានពីកន្លែងកើតហេតុ បានឱ្យដឹងថា នៅយប់ថ្ងៃកើតហេតុជនរងគ្រោះបានឈរក្បែរ នឹងក្រុមជនសង្ស័យទាំង៣នាក់ហើយជនរងគ្រោះបានស្រែកហៅឈ្មោះនារីម្នាក់ដែលធ្លាប់ស្គាល់ ស្រាប់តែជនទាំង៣នាក់នោះឆ្លើយជំនួស បន្ទាប់មកក៏កើតរឿងឌឺដងដាក់គ្នា ហើយជនសង្ស័យទាំង៣នាក់នេះក៏ស្ទុះមកវាយជនរងគ្រោះទាំង២នាក់ នឹងឈើជ្រុង កាំបិតយ៉ាងចាស់ដៃតែម្តង៕ ចាប់បានចោរដែលតែងតែលួចកាត់ខ្សែភ្លើងនៅរោងម៉ាស៊ីនកិនស្រូវ កំពង់ស្ពឺៈ ជនសង្ស័យ៤នាក់ក្នុងចំណោមបក្សពួក៥នាក់ ត្រូវបានចាប់ខ្លួន នៅព្រឹកថ្ងៃទី៨ កញ្ញា កន្លងមកពីបទចោទប្រកាន់ថា បានលួចកាត់ខ្សែភ្លើងរោងម៉ាស៊ីនកិនស្រូវមួយក្នុង ស្រុកឧដុង្គ ហើយត្រូវបាននាំខ្លួនមកកាន់ការិយាល័យកណ្តាលនគរបាលព្រហ្មទណ្ឌ កម្រិតស្រាលខេត្តដើម្បីបំពេញសំណុំរឿងបញ្ជូនទៅសាលាដំបូងខេត្ត ចាត់ការតាមផ្លូវច្បាប់។ប្រភពបន្តថា ជនសង្ស័យទាំង៤នាក់ បានលួចកាត់ខ្សែភ្លើងរបស់រោងម៉ាស៊ីនកិនស្រូវ ហើយសន្តិសុខរោងម៉ាស៊ីននោះបានផ្តល់ព័ត៌មានឱ្យប៉ូលិសស្រុកធ្វើ ការចាប់ខ្លួនជាមួយវត្ថុតាងខ្សែភ្លើងធុនធំចំនួន៤០ម៉ែត្រផង ។អាជីវករនៅផ្សារស្រុកឧដុង្គ និងផ្សារក្រាំងចេក បាននិយាយថា ខ្សែភ្លើងត្រូវចោរលួចកាត់ស្ទើររាល់ថ្ងៃទោះបីខ្សែភ្លើងមាន ចរន្តអគ្គិសនីក៏ដោយក៏ក្រុមនេះលួចកាត់ដោយសុវត្ថិភាព៕ ចាប់បានអ្នកញៀនល្បែង១៦រូបនៅផ្ទះបើកល្បែងស៊ីសងមួយកន្លែង កំពង់ចាមៈ កម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត បានឆ្មក់ចូលបង្ក្រាបផ្ទះបើកល្បែងស៊ីសង មួយកន្លែង ដែលល្បីថា លេងធំៗស្ថិតនៅ ស្រុកអូររាំងឪ កាលពីថ្ងៃទី១០ កញ្ញា ២០១១ ដោយឃាត់អ្នកញៀនល្បែងប្រុសស្រីបានចំនួន ១៦នាក់ រឹបអូសបានម៉ូតូចំនួន ៦គ្រឿង ប្រាក់មួយចំនួន ព្រមទាំងបៀ ១ហ៊ូ បញ្ជូនមកកាន់ស្នងការដ្ឋាននគរបាលខេត្ត និងបញ្ជូនបន្តទៅសាលាដំបូងខេត្ត មិនទាន់ដឹងថា មានវាសនាយ៉ាងណានៅឡើយទេ។ ប៉ូលីស បានប្រាប់ឱ្យដឹងថា មុនពេលចុះបង្ក្រាប ២ថ្ងៃ រូបលោកបានទទួលបណ្តឹងពីជនអនាមិកថា នៅផ្ទះរបស់ស្ត្រីជាជនល្មើស អាយុ ៥៤ឆ្នាំ រស់នៅភូមិ-ឃុំខាងលើ បានបើកលេងល្បែងស៊ីសងដាក់លុយធំៗ អស់រយៈពេលជាយូរខែមកហើយ និងមានអ្នកស្រុកចូលទៅលេងជារៀងរាល់ថ្ងៃទៀតផង។ លោកបានបន្តទៀតថា ក្រោយពីទទួលបាននូវព័ត៌មាននេះភ្លាម រូបលោកបានចុះទៅឃ្លាំមើលដោយផ្ទាល់តែម្តង តើពិតដូចដែលអនាមិករាយការណ៍មកប្តឹងដែរឬទេ? នៅថ្ងៃសុក្រ ទី៩ កញ្ញា ក៏បានឃើញមានលេងល្បែងស៊ីសងមែន។ រហូតមកដល់ព្រឹកថ្ងៃទី១០ កញ្ញា លោកបានដឹកនាំកម្លាំងនគរបាលក្រោមឱវាទក្នុងពេលចុះប្រតិបត្តិការ ដើម្បីឆែកឆេរផ្ទះបើកលេងល្បែងនៅភូមិថ្មីកណ្តាល ឃុំព្រះធាតុនោះតែម្ដង៕ |
| You are subscribed to email updates from ដំណឹងថ្មីបំផុត To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
