Koh Santipheap Daily |
- គណៈប្រតិភូបក្សកុំមុយនីស្តវៀតណាមជួបពិភាក្សាជាមួយសម្តេចតេជោហ៊ុន សែន ពង្រឹងកិច្ចសហប្រតិបត្តិការ
- ថ្ងៃបុណ្យនៃក្តីស្រលាញ់បង្កើតសន្តិភាព សាមគ្គីភាព ការភ្លើតភ្លើនរបស់យុវវ័យខ្លះធ្វើឱ្យពិធីបុណ្យប្រែធាតុ
- ណាត់ជួបសង្សារផ្តោះផ្តងវាចា«អូនស្នេហ៍តែបង»
- ប្រទះឃើញគ្រាប់បែកអំបែងផលិតនៅសហភាពសូវៀតលើច្រាំងទន្លេទីក្រុងកោះពេជ្រ
- សេចក្តីប្រកាសព័ត៌មាន របស់អង្គភាពព័ត៌មាន និងប្រតិកម្មរហ័ស
- កងទ័ពអេហ្ស៊ីបរំលាយសភានិងផ្អាករដ្ឋធម្មនុញ្ញ
- ក្រុមប្រឹក្សាសន្តិសុខអង្គការសហប្រជាជាតិបានចាប់ផ្តើមបើកកិច្ចប្រជុំស្តីពីបញ្ហាកម្ពុជា-ថៃ ខណៈទាហានសៀមនៅតែ គប់គ្រាប់បែកដាក់ខ្សែត្រៀមទាហានកម្ពុជា
- អគ្គីភ័យឆាបឆេះការិយាល័យប៉ូលិស អ្នកជាប់ឃុំម្នាក់ស្លាប់ខ្លោចក្នុងភ្លើង
- កម្មករសំណង់-លីសែងប្រមាណ៦០០នាក់ កំពុងធ្វើបាតុកម្មប្រឆាំងកងសន្តិសុខទីក្រុងកោះពេជ្រ ជំរិតអីវ៉ាន់
- សៀមប្រឆាំងយូណេស្កូ ពេលនេះមិនមែនចង់ប្លន់តែដី៤,៦នោះទេ គឺចង់បានប្រាសាទព្រះវិហារថែមទៀត
- បណ្តារូបថតឈ្នះក្នុងការប្រកួតរូបថតសារព័ត៌មានពិភពលោកឆ្នាំ2010
- ក្រុមប្រដាប់អាវុធបាញ់សំលាប់មនុស្ស8នាក់នៅម៉ិចស៊ិក
- ប្រទេសអ៊ីតាលីជាទីកន្លែងដ៏មានមនោសញ្ចេតនាបំផុតថ្ងៃបុណ្យនៃក្តីស្រឡាញ់
- បើកការដ្ឋានសាងសង់ស្ពានអ្នកលឿងឆ្លងកាត់ទន្លេមេគង្គក្រោម
- ថ្ងៃ៦ តុលា ១៩៥៦ កម្ពុជាដាក់បណ្តឹងរឿងប្រាសាទព្រះវិហារ
- ប្រជាពលរដ្ឋកម្ពុជានៅតាមព្រំដែនសំរុកចូលមកស្រុកទេសវិញខុសប្រក្រតី ខណៈ អ.ស.ប ចាប់ផ្តើមប្រជុំស្តីពីជម្លោះសៀមឈ្លានពាន
- បើកលឿនដូចគ្នាបុកបន្តបន្ទាប់ពេញទំហឹងស្លាប់១ របួសធ្ងន់ រថយន្តដាច់កង់
- ចាប់ខ្លួនបុរសអាមេរិកជួលផ្ទះស្នាក់នៅទិញពេស្យាចារកុមារ
- មិនមែនជាសង្គ្រាមតែប៉ុណ្ណោះទេតែជាសង្គ្រាមបំផ្លាញប្រាសាទព្រះវិហារ
| Posted: 13 Feb 2011 10:22 PM PST រាជធានីភ្នំពេញ ៖ លោក HOANG BING QUAN សមាជិកគណៈកម្មាធិការបក្សកុំមុយនីស្តវៀតណាម ប្រធានទំនាក់ទំនងមជ្ឈិមបក្ស និងជាបេសកជនពិសេសរបស់លោកអគ្គលេខាធិការមជ្ឈិមបក្សវៀតណាម បានដឹកនាំគណៈប្រតិភូមួយក្រុមអញ្ជើញចូលជួបសំណេះសំណាលពិភាក្សាការងារជាមួយសម្តេចតេជោហ៊ុន សែន នាយករដ្ឋមន្ត្រី កាលពីវេលាម៉ោង១០ព្រឹកថ្ងៃទី១៤ កុម្ភៈ ២០១១ នៅភូមិគ្រឹះរបស់សម្តេចក្បែរវិមានឯករាជ្យរាជធានីភ្នំពេញ។  |
| ថ្ងៃបុណ្យនៃក្តីស្រលាញ់បង្កើតសន្តិភាព សាមគ្គីភាព ការភ្លើតភ្លើនរបស់យុវវ័យខ្លះធ្វើឱ្យពិធីបុណ្យប្រែធាតុ Posted: 13 Feb 2011 08:36 PM PST  បុណ្យនៃក្ដីស្រលាញ់១៤ កុម្ភៈ ដែលហៅ ម្យ៉ាងទៀតថា ថ្ងៃបុណ្យសង្សារហាក់ដូចជាមានប្រជាប្រិយភាពកាន់តែច្រើនឡើងក្នុងស្រទាប់យុវវ័យ ឬមនុស្សវ័យក្មេង ។ ពិតណាស់ការចេះស្រលាញ់រាប់អានគ្នាទៅវិញទៅមក គឺជាប្រការល្អមួយក្នុងសង្គមជាជាងការស្អប់ខ្ពើមគ្នាដូចជាការស្រលាញ់រវាងម្ដាយ ឪពុក និងកូនប្រុសស្រី បងប្អូនស្រលាញ់គ្នា មិត្ដភក្ដិស្រលាញ់គ្នា គ្រួសារ មួយទៅគ្រួសារមួយក៏ចេះស្រលាញ់ដែលប្រការនេះមិនថាពូជសាសន៍ណាទេ គឺចង់បានបែបនេះ ព្រោះវាបង្កើតនូវសន្ដិភាព និងសាមគ្គីភាព ។ ប៉ុន្ដែការកំឡាយពីខ្លឹមសារបុណ្យនេះទៅ ជាថ្ងៃបុណ្យសង្សារមិនមានន័យគ្រប់គ្រាន់ នោះទេ ហើយពិតណាស់វាបានប្រាសចាកពីទំនៀមទំលាប់ខ្មែរដែលបានចាត់ទុកថា ម្ដាយទុកឪពុកដាក់ ។ ការយល់បែបនេះយុវវ័យមួួយចំនួនពិតជាចោទថា ជាគំនិតអភិរក្សចាស់គំរិល ឬជាតម្រានំមិនធំជាងនាឡិ និងហួសសម័យសំរាប់បច្ចុប្បន្ន ។ ទោះបីជាបែបណាមិត្ដភក្ដិ គឺសំខាន់ណាស់មិនថាស្រី ឬប្រុសទេ ហើយនិយមន័យនៃការស្រលាញ់មានភាពទូលំទូលាយណាស់មិនមែនត្រឹមតែជាស្នេហារវាងបុរស នារីនោះទេ ។ អ្វីដែលចង់ឱ្យគ្រប់គ្នាលើកស្ទួយតំលៃនៃថ្ងៃបុណ្យនៃក្ដីស្រលាញ់ គឺត្រូវតែយល់ន័យ និងប្រវត្ដិនៃការធ្វើពិធីបុណ្យនេះដែលនៅលើពិភពលោកតែងប្រារឰធ្វើនៅថ្ងៃ១៤ កុម្ភៈ ដែលក្នុងនោះនៅកម្ពុជាក៏បានទទួលយកពិធីបុណ្យនេះរួច ទៅហើយដែរ ពិសេសគឺស្រទាប់យុវវ័យ ។ ខាងក្រោមនេះគឺជាអត្ថន័យថ្ងៃបុណ្យនៃក្ដីស្រលាញ់ដែលបានស្រាវជ្រាវដោយលោកឌិត សុធី ។ នៅថ្ងៃទី១៤ កុម្ភៈ រៀងរាល់ឆ្នាំនៅបស្ចិម ប្រទេស ជាពិសេសបណ្ដាប្រទេស ឬប្រជាជន មានជំនឿលើគ្រឹស្ដសាសនាតែងតែឈប់សំរាកដើម្បីប្រារឰពិធីបុណ្យនៃក្ដីស្រលាញ់ដែលភាសាអង់គ្លេសហៅថា Valentine’s Day ។ ឱ្យតែមកដល់ថ្ងៃនេះ មនុស្សដែលមានដៃគូស្នេហាតែងតែបញ្ជាក់ពីមនោសញ្ចេតនានឹងគ្នាទៅវិញទៅមក ហើយមនុស្សម្នាទាំងឡាយផ្សេងទៀតបានផ្ញើលិខិតវ៉ាឡេទីន (សេចក្ដីស្រលាញ់)ទៅឱ្យមនុស្សដែលខ្លួនចង់ប្រគល់ឱ្យ ឬក៏ផ្ដល់ស្ករគ្រាប់ដ៏មានរសជាតិទៅឱ្យមនុស្សជាទីស្រលាញ់ របស់ខ្លួន ។ ជាទូទៅថ្ងៃនេះមានអត្ថន័យណាស់ក្នុងការជូនផ្កាទៅឱ្យនរណាម្នាក់ ។ ដូច្នេះវាជាពិធីបុណ្យប្រពៃណីដ៏សំខាន់របស់ពួកអឺរ៉ុប និងប្រទេស ឬប្រជាជនគោរពគ្រឹស្ដសាសនា ។ សព្វថ្ងៃនេះសូម្បីតែប្រទេសកម្ពុជា ពិធីបុណ្យនេះហាក់ដូចជាមានប្រជាប្រិយភាពណាស់នៅក្នុងចំណោមស្រទាប់យុវវ័យនៅតាមទីក្រុង ។ តើលោកអ្នកបានដឹងអ្វីខ្លះទាក់ទងទៅនឹងពិធីបុណ្យនៃសេចក្ដីស្រលាញ់នេះ ? ទាក់ទងទៅនឹងពិធីបុណ្យនៃក្ដីស្រលាញ់នេះមានមតិលេចឡើងខុសៗគ្នាជាច្រើន ។ តាមអ្នក ឯកទេសមួយចំនួនបានលើកឡើងថា ពិធីបុណ្យនេះមានប្រភពចេញពីលោកសាំង វ៉ាឡេទីន (Saint Valentine) គឺជាជនជាតិរ៉ូមមួយរូបដែលបានទទួលរងទុក្ខទោសដោយសារតែលោកមិនព្រមលះបង់ចោលភាពជាគ្រឹស្ដសាស និក ។ លោកសាំង វ៉ាឡេទីន បានបាត់បង់ជីវិតនៅចំថ្ងៃទី១៤ កុម្ភៈ ឆ្នាំ២៦៩ នៃគ្រឹស្ដសករាជ គឺត្រូវនឹងថ្ងៃដែលជនជាតិរ៉ូមប្រារឰពិធីរំលឹកដល់ទេពធីតាហ្សូណូដែលជាទេពធីតាតំណាងស្ដ្រី និងចំណងអាពាហ៍ពិពាហ៍ ។ តាមរឿងព្រេងក៏បាន និយាយដែរថា លោកវ៉ាឡេទីន គឺជាបព្វជិត ជន ជាតិរ៉ូមនៅអំឡុងសតវត្សរ៍ទី៣នៃគ្រឹស្ដសក ព្រះចៅអធិរាជក្លូឌីយូសទី២ចង់រៀបចំឱ្យ មានកំលាំងទ័ពដ៏ធំមួយ ។ ហេតុនេះទ្រង់ សង្ឃឹម ថា បុរសជនជាតិរ៉ូមនឹងស្ម័គ្រចិត្ដចូលបំរើកង ទ័ព ។ ការរំពឹងទុករបស់ទ្រង់មិនសមដូចព្រះ រាជបំណងឡើយ ពីព្រោះមនុស្សប្រុសយ៉ាង ច្រើនមិនចង់ធ្វើសង្គ្រាមឡើយ ដោយហេតុថា ពួកគេមិនចង់ចាកចេញពីប្រពន្ធកូន គ្រួសារ និងមនុស្សជាទីស្រលាញ់របស់ពួកគេ។ ដោយហេតុនេះហើយទើបធ្វើឱ្យព្រះចៅអធិរាជក្លូឌីយូសទី២ខឹងសម្បាយ៉ាងខ្លាំង និងនាំឱ្យទ្រង់ឈានទៅមាន គំនិតឆ្កួតៗគឺការបង្កើតច្បាប់មិនអនុញាតឱ្យមានអាពាហ៍ពិពាហ៍តទៅទៀតឡើយ ។ មនុស្សម្នាទាំងឡាយយល់ឃើញថា ច្បាប់ថ្មីរបស់ព្រះចៅ អធិរាជក្លូឌីយូសទី២មានភាពឃោរឃៅណាស់ ហើយពួកគេយល់ថា ច្បាប់នេះមិនសមហេតុ ផលឡើយ ។ ហេតុនេះប្រជាជន មិនគាំទ្រដល់ច្បាប់នេះឡើយ ។ ច្បាប់នេះ មិនអនុញាតឱ្យមានអាពាហ៍ពិពាហ៍ឡើយ តែផ្ទុយទៅវិញលោកសាំង វ៉ាឡេទីន ដែលជាបព្វជិតបានជួយរៀបមង្គលការឱ្យគូស្វាមីភរិយាជាច្រើនគូដោយស្ងាត់ៗ ។ ចូរអ្នកនឹងស្រមៃមើលពិធីមង្គលការមួយដែលធ្លាប់តែអ៊ូរអរអធិកអធម បែរជាត្រូវ ធ្វើដោយលួចលាក់នៅក្នុងបន្ទប់តូចមួយដែលមានតែកូនកំលោះ កូនក្រមុំ និងបព្វជិតសាំងវ៉ាឡេទីន និងក្រោមពន្លឺភ្លើងទៀនតូចមួយប៉ុណ្ណោះ និងត្រូវបួងសួងក្នុងសំលេងស្ងាត់ៗ ហើយក្នុង ខណៈពេលដែលមានសំរឹបជើងពួកកងទ័ពចូលមក តើលោកអ្នកមានអារម្មណ៍បែបណា? នេះពិតជាគួរឱ្យភ័យខ្លាចមែន។ លោកសាំង វ៉ាឡេទីន បានជួយរៀបចំ មង្គលការឱ្យគូស្វាមីភរិយាជាច្រើនគូ ។ តែនៅយប់មួយខណៈពេលលោកកំពុងតែរៀបចំមង្គល ការឱ្យគូស្វាមីភរិយាមួយគូស្រាប់តែពេលនោះលោកឮសូរសំលេងជើងរបស់ទាហានចូលមក ។ គូស្វាមីភរិយាថ្មីនោះត្រូវបានលោកសាំង វ៉ាឡេទីនជួយឱ្យគេចខ្លួនផុតពីការតាមចាប់របស់ទាហាន ។ តែផ្ទុយទៅវិញខ្លួនលោកផ្ទាល់ត្រូវបានទាហានចាប់ខ្លួន ហើយបញ្ជូនគាត់ចូលក្នុងពន្ធនាគារ ។ ទាហានទាំងនោះបានប្រាប់គាត់ថា ទោសកំហុសរបស់គាត់នឹងត្រូវប្រហារជីវិត ។ បើទោះបីលោករស់នៅក្នុងគុកក៏ដោយ ប៉ុន្ដែលោកសាំងវ៉ា ឡេនទីន បានព្យាយាមធ្វើឱ្យជីវិតមានភាពរីករាយ មិនតែប៉ុណ្ណោះមានមនុស្សជាច្រើនបានចូលមកសួរសុខទុក្ខគាត់នៅក្នុងគុកទៀតផង ។ មនុស្សម្នាទាំងនោះបានយកផ្កា និង សំបុត្រមកដាក់នៅតាមមាត់បង្អួចក្នុងបន្ទប់គុករបស់គាត់ ។ ពួកគេទាំងនោះសុទ្ធតែចង់បញ្ជាក់ថា ពួកគេក៏មានមនោសញ្ចេតនាដែរ ហើយ ក្រោយមរណភាពរបស់លោកសាំង វ៉ាឡេទីន ពាក្យនៅក្នុងសំបុត្រនោះត្រូវបានគេចាត់ទុក ជាលិខិតស្នេហាសំរាប់ផ្ញើទៅឱ្យមនុស្សជាទីស្រលាញ់នៅក្នុងថ្ងៃបុណ្យនៃសេចក្ដីស្រលាញ់នេះ។ លោកសាំង វ៉ាឡេទីន បានទទួលមរណភាព នៅចំថ្ងៃទី១៤ កុម្ភៈ ឆ្នាំ២៦៩ នៃគ្រឹស្ដសករាជ ។ សូមបញ្ជាក់ថា នៅក្នុងសង្គមរ៉ូមបុរាណ ប្រជាពលរដ្ឋតែងតែឈប់សំរាកនៅថ្ងៃទី១៤ កុម្ភៈ ដើម្បីប្រារឰពិធីបុណ្យរំលឹកដល់ទេពធីតាហ្សូណូដែលជាទេពធីតាតំណាងឱ្យស្ដ្រី និងចំណងអាពាហ៍ពិពាហ៍ ។ នៅក្នុងពិធីបុណ្យ គេបានសរសេរឈ្មោះក្មេងស្រីក្រមុំនៅលើក្រដាសតូចមួយ រួចហើយដាក់ក្នុងក្អមមួយ ។ បន្ទាប់មកគេឱ្យក្មេងប្រុសកំលោះចូលទៅចាប់ឈ្មោះក្មេងស្រីក្រមុំនៅក្នុងក្អមនោះ ។ បើចាប់បានឈ្មោះនារីក្រមុំណាមួយក្មេងកំលោះម្នាក់នោះត្រូវចាប់ដៃគូជាមួយនារីក្រមុំម្នាក់នោះនៅក្នុងពិធីបុណ្យនេះ ។ នេះជាពិធីដើម្បីធ្វើឱ្យក្រមុំកំលោះលួចប្រតិព័ទ្ធគ្នាទៅវិញទៅមក និងឈានទៅមានអាពាហ៍ពិពាហ៍ ។ ក្រោយពីលោកសាំង វ៉ាឡេទីន ទទួលមរណភាពទៅគណៈគ្រប់គ្រង វិហារគ្រឹស្ដសាសនានៅទីក្រុងរ៉ូមដំបូងបានខិតខំប្រឹងប្រែងដើម្បីយកថ្ងៃទី១៤ កុម្ភៈ ដាក់ជាថ្ងៃបុណ្យនៃសេចក្ដីស្រលាញ់ដើម្បីជាកិត្ដិយសរំលឹកដល់លោកសាំង វ៉ាឡេទីន ។ ដូចនេះប្រពៃណីបុណ្យនៃសេចក្ដីស្រលាញ់បានចាប់ផ្ដើមមានតាំងពីសម័យចក្រភពរ៉ូមបុរាណមកម្លេ៉ះដោយគ្រាន់តែពីមុនមរណភាពរបស់លោកសាំង វ៉ាឡេទីន គេធ្វើពិធីបុណ្យនេះដើម្បីរំលឹកដល់ទេពធីតាហ្សូណូ និងក្រោយមកបានក្លាយទៅជាValentine’s Day ។ រីឯការប្រារឰពិធីបុណ្យត្រូវបានរៀបចំធ្វើ ខុសប្លែកៗពីគ្នាទៅតាមប្រទេសនីមួយៗ ។ ជា ឧទាហរណ៍នៅប្រទេសអង់គ្លេសកាលពីប៉ុន្មាន រយឆ្នាំមុន គេបានស្លៀកពាក់ឱ្យកូនក្មេងតូចៗឱ្យដូចមនុស្សជំទង់យ៉ាងដូច្នេះដែរ ក្នុងឱកាសពិធីបុណ្យនៃសេចក្ដីស្រលាញ់នេះ។ ពួកក្មេងទាំងអស់នោះបានចេញទៅដើរច្រៀងពីផ្ទះមួយទៅផ្ទះមួយនូវចំរៀងមួយបទដែលមានទំនុកថា «Good morning to you, Valentine, Girl your locks as I do mine... Two before and three behind. Good morning to you, Valentine.» ។ រីឯនៅប្រទេសវែលវិញ គេបានឆ្លាក់ពាក្យ «Love» នៅលើស្លាបព្រាឈើ បន្ទាប់មកគេបានយកស្លាបព្រាឈើនោះប្រគល់ឱ្យមនុស្សជាទីស្រលាញ់ទុកជាអំណោយសំរាប់ថ្ងៃទី១៤ កុម្ភៈ ។ រូបភាព «បេះដូង កូនសោ និងរន្ធសោ» គឺជារូបភាពដ៏គួរឱ្យចូលចិត្ដដែលត្រូវបានគេឆ្លាក់នៅលើស្លាបព្រាដែលនេះមាន ន័យថា «អ្នកមិនចាក់សោបេះដូងនោះឡើយ»។ នៅមជ្ឈឹមសម័យគេឱ្យយុវជន និងយុវតី ចាប់យកឈ្មោះពីក្នុងចានមួយដើម្បីរកមើលថា តើនរណាជាមនុស្សជាទីស្រលាញ់របស់ពួកគេ ។ ពួកគេត្រូវដាក់ឈ្មោះនេះនៅលើដៃអាវក្នុងរយៈពេលមួយសបា្ដហ៍ ។ ការបំពាក់រូបភាពបេះដូងនៅលើដៃអាវរបស់យុវវ័យសព្វថ្ងៃនេះមានន័យថា ដើម្បីផ្ដល់ភាពងាយស្រួលដល់មនុស្សដទៃស្វែងយល់ពីអារម្មណ៍របស់គេថា តើគេកំពុងមានអារម្មណ៍បែបណា? ចំណែកនៅតាមប្រទេសមួយចំនួនក្មេងស្រីក្រមុំៗតែងតែទទួលបានអំណោយសំលៀកបំពាក់ពីមនុស្សប្រុសណា ម្នាក់ ។ប្រសិនបើនារីម្នាក់នោះរក្សាទុកអំណោយសំលៀកបំពាក់នេះ នោះមានន័យថា នាងនឹងយល់ព្រមរៀបការជាមួយបុរសម្នាក់នោះ។ កៅអីស្នេហា គឺជាកៅអីដ៏ធំមួយដែលដំបូងឡើយ គេផលិតឡើងសំរាប់ឱ្យនារីស្លៀកពាក់សំលៀកបំពាក់ធំអង្គុយ ។ តែវេលាក្រោយមក កៅអីស្នេហាត្រូវបានផលិតឡើងបែងចែកជាពីរផ្នែកក្នុងទំរង់ជាអក្សរ «S»។ កៅអីនេះអាចឱ្យគូស្នេហ៍អង្គុយជាមួយគ្នាបានតែមិនមែនអង្គុយកៀកគ្នាពេកនោះឡើយ ។ ក្រៅពីនេះនៅមានជំនឿមួយទៀត គឺតំរូវឱ្យលោករកនឹកឈ្មោះ មនុស្សប្រុសស្រីចំនួនប្រាំទៅប្រាំមួយនាក់ដែលលោកអ្នកមានបំណងចង់រៀបការជាមួយ។ បន្ទាប់មកគេតំរូវឱ្យលោកអ្នកមូលមែកដើមប៉មជ្រុះអស់ ។ លោកអ្នកនឹងត្រូវរៀបការជាមួយមនុស្សដែលលោកអ្នកសូត្រ នៅពេលដែលមែកប៉មជ្រុះអស់ ។ ជំនឿមួយទៀតទៅលើផ្លែប៉មគឺថា ប្រសិនបើលោកអ្នកពុះច្រៀកផ្លែប៉មជាពីរពាក់កណ្ដាល ហើយចាប់ផ្ដើមរាប់គ្រាប់ប៉មនៅខាងក្នុងផ្លែប៉មនោះលោកអ្នកនឹងដឹងថា លោកអ្នកនឹងមានកូនស្មើចំនួនគ្រាប់ផ្លែប៉ម ។ មួយវិញទៀតថ្ងៃទី១៤ កុម្ភៈ គឺជាថ្ងៃដ៏ ពិសេស និងមានអត្ថន័យណាស់ក្នុងការជូនផ្កា កុលាបទៅឱ្យមនុស្សណាម្នាក់ ។ ផ្កាកុលាប មានច្រើនពណ៌ និងមានអត្ថន័យរៀងៗខ្លួនទៅតាមពណ៌នីមួយៗ ។ តើលោកអ្នកកំពុងត្រៀមជូនផ្កាកុលាបទៅឱ្យមនុស្សជាទីស្រលាញ់ណាម្នាក់មែនឬទេ?តើលោកអ្នកមានដឹងអំពីអត្ថន័យរបស់ផ្កាកុលាបដែលលោកអ្នកបំរុងនឹងជូននោះហើយឬនៅ? បើមិនទាន់ដឹងទេ ចូរស្វែងយល់ជាមួយយើងខ្ញុំ ។ បើលោកអ្នកជូនផ្កាកុលាបពណ៌ក្រហមមានន័យថា លោកអ្នកកំពុងប្រកាសថា «ខ្ញុំស្រលាញ់អ្នក ឬបងស្រលាញ់អូន ឬអូន ស្រលាញ់បង»។ ជាទូទៅផ្កាកុលាបពណ៌នេះ តំណាងឱ្យសេចក្ដីស្នេហាបែបមនោសញ្ចេតនា និងស្ថិតស្ថេរឥតប្រែប្រួល ។ ចំណែកកុលាប ពណ៌លឿងមានន័យថាលោកអ្នកចង់បញ្ជាក់ពីមិត្ដភាព និងសេរីភាព ដូច្នេះលោកអ្នកមិនគួរប្រគល់ផ្កាកុលាបពណ៌លឿងនេះទៅឱ្យមនុស្សដែលលោកអ្នកស្រលាញ់ និងចង់រស់នៅជាមួយគេនោះឡើយ។ ប៉ុន្ដែផ្កាកុលាបពណ៌លឿងនេះមានតំលៃណាស់សំរាប់ផ្ញើជូនដើម្បីអបអរសាទរដល់អ្នកទើបរៀបការថ្មីថ្មោងអ្នកទើបបញ្ចប់ការសិក្សា មិត្ដភក្ដិ និងអ្នកម្ដាយថ្មី ។ រីឯកុលាបពណ៌ផ្កាឈូក គឺគេប្រើសំរាប់បញ្ជាក់ពីភាពរម្យទម សុភាពរាបសា និងការដឹងគុណ តែចំពោះផ្កាកុលាបពណ៌ផ្កាឈូកស្រាលព្រាលៗវិញ គឺបញ្ជាក់ពីភាពសប្បាយរីករាយ និងសុភមង្គល ។ ចំណែកឯផ្កាកុលាបពណ៌ផ្កាឈូកឆ្អៅ គឺចង់ថ្លែង «អំណរគុណ»ឬ «អរគុណ» ចំពោះនរណាម្នាក់ ។ ចំពោះផ្កាកុលាបពណ៌សតំណាងឱ្យទំនុកចិត្ដ និងទឹកចិត្ដបរិសុទ្ធ ។ តែបើលោក អ្នកដាក់ផ្កាកុលាបចំរុះពណ៌គ្នាមានន័យថា «សូមខំប្រឹងតស៊ូឡើង» ហើយបើលោកអ្នកដាក់ផ្កាកុលាបពណ៌សបញ្ចូលជាមួយផ្កាកុលាបពណ៌លឿងនោះបញ្ជាក់អំពីភាពចុះសំរុងគ្នា ។ តើលោកអ្នកសំរេចចិត្ដបានហើយ ឬនៅ?  |
| ណាត់ជួបសង្សារផ្តោះផ្តងវាចា«អូនស្នេហ៍តែបង» Posted: 13 Feb 2011 08:35 PM PST     ក្រុងប៉ោយប៉ែត ៖ ថ្ងៃនេះជាថ្ងៃដែលបស្ចិមប្រទេសក៏ដូចជាប្រទេសមួយចំនួននៅអាស៊ីផងដែរ បានសាទរថ្ងៃនៃក្តីស្រលាញ់១៤ កុម្ភៈ ប៉ុន្តែយុវវ័យមួយចំនួនកំពុងតែយកថ្ងៃនេះធ្វើជាថ្ងៃដែលបំរើឱ្យសេចក្តីស្នេហាភ្លើតភ្លើនក្នុងកាមារម្មណ៍ទៅវិញ ។ កោះសន្តិភាពសូមបង្ហាញរូបថតគូស្នេហ៍យុវវ័យមួយគូនេះដោយមិនបង្ហាញអត្តសញ្ញាណទេ ដើម្បីរក្សាភាពថ្លៃថ្នូររបស់បុគ្គល ទោះបីជាពួកគេមិនស្គាល់តំលៃសំរាប់អនាគតរបស់ខ្លួនក៏ដោយ។ ពិតណាស់ថា ការស្រលាញ់ក្នុងមន្តស្នេហ៍វាជាច្បាប់ធម្មជាតិមិនថា មនុស្ស ឬសត្វ ពិសេសរវាងប្រុស និងស្រី ប៉ុន្តែសង្គមមនុស្សមានច្បាប់ទំលាប់និងប្រពៃណីត្រឹមត្រូវ មិនធ្វើបែបសត្វបាននោះទេ ហើយក៏មិនមែនភ្លើតភ្លើនតាមតែអំពើចិត្តទាំងវ័យនៅសិក្សា ឬមិនទាន់គ្រប់អាយុកាលនោះដែរ ។ ជាក់ស្តែងនៅម្តុំដើមស្រល់ក្នុងទឹកដីកាស៊ីណូមួយ នៅក្រុងប៉ោយប៉ែត កាលពីវេលាម៉ោង១០និង៣០នាទីព្រឹក ថ្ងៃទី១១ កុម្ភៈ គេឃើញយុវសិស្ស២នាក់ ដែលគេចសាលាបានធ្វើខុសពីគន្លងប្រពៃណី និងរំលោភលើសេចក្តីទុកចិត្តរបស់ឪពុកម្តាយដោយពួកគេនាំគ្នាទៅឱបរឹតកៀកកើយគ្នាយា៉ងផ្អែមត្រជាក់ទាំងសំលៀកបំពាក់ជាសិស្ស និងដេកប្រលែងគ្នាទៀតផង ដោយបញ្ឈរម៉ូតូម៉ាក Click ទាំង២គ្រឿង និងសំពាធរបស់ពួកគេនៅទីនោះផងដែរ ។ ជុំវិញបញ្ហាខាងលើនេះ អ្នកខ្លះស្តីបន្ទោសទៅលើវប្បធម៌បរទេសដែលហូរចូលមកវាយលុកពេញសង្គមកម្ពុជា ទើបក្រុមយុវវ័យបច្ចុប្បន្ននាំគ្នាភ្លើតភ្លើនរំលោភប្រពៃណី ហើយមិនបានគិតទៅដល់ផលប៉ះពាល់នៃអនាគតរបស់ខ្លួននោះទេ។ ដើម្បីរក្សាបាននូវតំលៃវប្បធម៌ប្រពៃណីដ៏ល្អផូរផង់របស់ខ្មែរ គួរតែនាយកសាលាគ្រប់សាលា និងអាណាព្យាបាល ឬឪពុកម្តាយ មេត្តាធ្វើការតាមដាននិយ័តភាពសិក្សា និងអប់រំកូនៗ ឬសិស្សឱ្យមានការយល់ដឹង ចៀសវាងកុំឱ្យធ្លាក់ក្នុងរណ្តៅគ្រោះថ្នាក់គ្មានអ្នកទទួលខុសត្រូវទាំងខ្លួនពួកគេនៅវ័យក្មេង ។ គេកត់សំគាល់ថា នៅម្តុំដើមស្រល់ក្នុងកាស៊ីណូស្ទើររៀងរាល់ថ្ងៃ គេតែងតែឃើញមានសិស្សសាលាជាច្រើននាក់តែងតែនាំគ្នាទៅលេងទីនោះ ប៉ុន្តែពុំដឹងថា ពួកគេគេចសាលា ឬដល់ម៉ោងទំនេរនោះទេ ។ ការអង្គុយលេងតាមម្លប់ដើមឈើនៅទីនោះបានធ្វើឱ្យប្រជាពលរដ្ឋរិះគន់ទាំងនាយកសាលាក៏ដូចជាអាណាព្យាបាលផងដែរ ។ មិនមែនមានតែនៅប៉ោយប៉ែតនោះទេ តាមកន្លែងនានា ពិសេសក្នុងរាជធានីភ្នំពេញ ក៏មានភាពអាវ៉ាសែបែបនេះដែរ ។ អ្វីដែលសំខាន់នោះ គឺយុវវ័យនេះឯងដែលគប្បីគិតខ្លួនឯងថា តើអ្វីត្រឹមត្រូវ និងអ្វីមិនត្រឹមត្រូវ ៕  |
| ប្រទះឃើញគ្រាប់បែកអំបែងផលិតនៅសហភាពសូវៀតលើច្រាំងទន្លេទីក្រុងកោះពេជ្រ Posted: 13 Feb 2011 08:28 PM PST រាជធានីភ្នំពេញ ៖ ប្រជាពលរដ្ឋធ្វើសំណង់ និងអ្នកដំណើរនៅលើទឹកដីទីក្រុងកោះពេជ្រ បានប្រទះឃើញគ្រាប់បែក១គ្រាប់ ពុំស្គាល់ម៉ាក ប៉ុន្តែត្រូវបានគេដឹងថា ជាប្រភេទគ្រាប់បែកអំបែង មានឥទ្ធិពលខ្លាំងគួរសមបង្កឱ្យមានការភ្ញាក់ផ្អើលយ៉ាងខ្លាំង កាលពីវេលាម៉ោងជាង៧ព្រឹក ថ្ងៃទី១៤ កុម្ភៈ នៅលើមាត់ច្រាំងទន្លេបាសាក់ ប៉ែកខាងត្បូងនៃដែនដីទីក្រុងកោះពេជ្រ ខណ្ឌចំការមន ។ ក្រោយពីរាយការណ៍ប្រាប់សមត្ថកិច្ច វេលាម៉ោងប្រមាណ១០ព្រឹកថ្ងៃដដែល គេឃើញមន្ត្រីស៊ីម៉ាក់ និងក្រុមអ្នកជំនាញរបស់ខ្លួនបានទៅរៀបចំចាត់ចែងយកគ្រាប់បែកនោះទៅកំទេចចោលរួចរាល់ហើយ ។ គ្រាប់បែកអំបែងនេះផលិតនៅប្រទេសសូវៀត...សំណាងណាស់ដែលមិនទាន់បានបង្កឱ្យមានគ្រោះថ្នាក់ដល់ប្រជាពលរដ្ឋ និងអ្នកដំណើរកំសាន្តណាម្នាក់ពុំនោះសោតទេ នឹងមានពាក្យពេចន៍និយាយពីនេះពីនោះអំពី ទីក្រុងកោះពេជ្រនោះថែមទៀត ៕  |
| សេចក្តីប្រកាសព័ត៌មាន របស់អង្គភាពព័ត៌មាន និងប្រតិកម្មរហ័ស Posted: 13 Feb 2011 07:42 PM PST    រាជធានីភ្នំពេញ ៖ អង្គភាពព័ត៌មាន និងប្រតិកម្មរហ័សបានចេញសេចក្តីថ្លែងការណ៍របស់ខ្លួននៅថ្ងៃទី១២ កុម្ភៈ កន្លងមកនេះ ដែលជាការឆ្លើយតបទៅក្រសួងការបរទេសសៀម និងបណ្តាញសារព័ត៌មានសៀម មួយចំនួនដែលជំទាស់ទៅនឹងបេសកកម្មរបស់មន្ត្រីជំនាញនៃអង្គការយូណេស្កូ ដែលនឹងធ្វើបេសកកម្មនៅប្រាសាទព្រះវិហារ ដើម្បីពិនិត្យនូវការខូចខាតពីសំណាក់គ្រាប់ផ្លោងរបស់សៀម ក្នុងសង្គ្រាមរយៈពេល៤ថ្ងៃ កន្លងមកនេះ ។ ការនិយាយមិនចេះអៀនខ្មាសនោះ គឺហៅប្រាសាទព្រះវិហាររបស់កម្ពុជាជាប្រសាទមានជម្លោះ ។ ខាងក្រោមនេះគឺជាសេចក្តីថ្លែងការណ៍ទាំងស្រុងដែលកោះសន្តិភាពសុំពុំចាំបាច់ធ្វើអត្ថាធិប្បាយបន្ថែមទេ និងសូមថតចម្លងចុះផ្សាយដូចខាងក្រោមនេះ ៖  |
| កងទ័ពអេហ្ស៊ីបរំលាយសភានិងផ្អាករដ្ឋធម្មនុញ្ញ Posted: 13 Feb 2011 07:39 PM PST ខណៈដែលមនុស្សជាច្រើនពាន់នាក់នៅតែប្រមូលផ្តុំគ្នានៅទីលាន TAHRIR ក្រុមប្រឹក្សាជាន់ខ្ពស់របស់កងទ័ពដែលកាន់អំណាចនៅអេហ្ស៊ីបប្រកាសកាលពីថ្ងៃទី១៣ កុម្ភៈ ពីការផ្អាករដ្ឋធម្មនុញ្ញ និងរំលាយសភា ។ ពួកយោធាដែលលោកហ៊ូស្នី មូបារ៉ាក់ ប្រគល់អំណាចគ្រប់គ្រងប្រទេសដោយលោកសុខចិត្តលាលែងចេញពីតំណែងកាលពីថ្ងៃទី១១ កុម្ភៈ កន្លងមកនេះ បញ្ជាក់ថា ខ្លួននឹងនៅកាន់អំណាចរយៈពេល៦ខែ រហូតដល់ការបោះឆ្នោតសភានាពេលខាងមុខ  |
| Posted: 13 Feb 2011 07:25 PM PST កិច្ចប្រជុំពិភាក្សាដោះស្រាយបញ្ហាសៀមឈ្លានពានកម្ពុជាត្រូវបានក្រុមប្រឹក្សាសន្តិសុខអង្គការសហប្រជាជាតិចាប់ផ្តើម ធ្វើឡើងនាព្រឹកថ្ងៃទី១៤ កុម្ភៈ ២០១១ នេះ តាមការអំពាវនាវជាបន្ទាន់មួយរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រោយពេលដែលសង្គ្រាមសៀមឈ្លានពាននៅតាមតំបន់ព្រំដែនប្រាសាទព្រះវិហារបានកើតឡើង៤លើកក្នុងរយៈពេល៤ថ្ងៃ ជាប់ៗគ្នា កាលពីថ្ងៃទី៤ ដល់ព្រឹកថ្ងៃទី៧ កុម្ភៈ ២០១១ បង្កឡើងដោយការឈ្លានពានរបស់ទាហានសៀមមកលើបូរណភាពទឹកដីកម្ពុជា។ មុនពេលចាកចេញពីប្រទេសកម្ពុជាឆ្ពោះទៅកាន់បុរីញូវយ៉ក សហរដ្ឋអាមេរិក ដើម្បីចូលរួមក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិជាតិកាលពីល្ងាចថ្ងៃទី១១ កុម្ភៈ កន្លងមកនេះ លោកឧបនាយករដ្ឋមន្ត្រីហោ ណាំហុង រដ្ឋមន្ត្រីការបរទេសកម្ពុជាបានថ្លែងចាត់់ទុកថា ការដែលក្រុមប្រឹក្សាសន្តិសុខអង្គការសហប្រជាជាតិបើកកិច្ចប្រជុំស្តីពីបញ្ហាកម្ពុជា-ថៃនេះគឺជាជោគជ័យមួយរបស់កម្ពុជារួចជាស្រេចទៅហើយ ។ នៅមុននិងទន្ទឹមនឹងគ្នាដែលក្រុមប្រឹក្សាសន្តិសុខអង្គការសហប្រជាជាតិបើកកិច្ចប្រជុំបន្ទាន់ស្តីពីបញ្ហាកម្ពុជា-ថៃ នាថ្ងៃចន្ទនេះ ទាហានសៀមត្រូវបានគេរាយការណ៍មកថា បានបង្កើតកំលាំងទ័ពប្រមាណ២ម៉ឺននាក់បន្ថែមទៀត នៅតាមព្រំដែនកម្ពុជា-ថៃ ក្នុងនោះនៅតំបន់ព្រំដែនប្រាសាទព្រះវិហារសៀមមានកំលាំងទ័ពជិត៦ពាន់នាក់ ។ ជាមួយគ្នានេះ សៀមក៏បញ្ជូនរថក្រោះរាប់សិបគ្រឿង និងសព្វាវុធទំនើបៗមកកាន់តំបន់ព្រំដែនកម្ពុជា-ថៃនោះផងដែរ ។ ពីព្រំដែនកម្ពុជា-ថៃតំបន់ប្រាសាទព្រះវិហារឯណោះវិញ កាលពីល្ងាចថ្ងៃអាទិត្យម្សិលមិញ និងនៅវេលាជិតភ្លឺព្រឹកថ្ងៃចន្ទនេះ ទាហានសៀមបានគប់គ្រាប់បែកដៃចំនួន៣គ្រាប់នៅតំបន់ភ្នំទ្រព្យ ក្នុងគោលបំណងដើម្បីឱ្យទាហានខ្មែរតបត ។ ទោះជាយ៉ាងណា គិតត្រឹមវេលាម៉ោង៨និង៤០នាទីព្រឹកថ្ងៃចន្ទនេះ ស្ថានភាពយោធារបស់កម្ពុជាមានសភាពនៅទ្រឹងម៉ឺងម៉ាត់ប្រុងជើងការណ៍ ៕  |
| អគ្គីភ័យឆាបឆេះការិយាល័យប៉ូលិស អ្នកជាប់ឃុំម្នាក់ស្លាប់ខ្លោចក្នុងភ្លើង Posted: 13 Feb 2011 07:00 PM PST               ខេត្តស្ទឹងត្រែង ៖ សាកសពបុរសម្នាក់នេះខ្លោចស្លាប់ក្នុងអណ្តាតភ្លើង ខណៈមានអគ្គីភ័យឆាបឆេះអគារអូស្កូ១ខ្នងរបស់ស្នងការដ្ឋានប៉ូលិសខេត្តរួមជាមួយឃ្លាំងស្តុកសំភាររបស់មន្ទីរអភិវឌ្ឍន៍ជនបទខេត្តកាលពីវេលាម៉ោង១២ថ្ងៃត្រង់ ថ្ងៃទី១២ កុម្ភៈ ។ សាកសពដែលឆេះខ្លោចមើលលែងស្គាល់ទៅហើយនេះត្រូវបានគេដឹងថា ជាជនជាប់ចោទដែលប៉ូលិសចរាចរឃាត់ខ្លួនឈ្មោះកែប ប៊ុណ្ណា អាយុ៣២ឆ្នាំ ជាអ្នកបើកបរតាក់ស៊ីដឹកភ្ញៀវពីច្រកទ្វារអន្តរជាតិត្រពាំងក្រៀល ព្រំដែនកម្ពុជា-ឡាវ ឆ្ពោះទៅរាជធានីភ្នំពេញ ដោយរថយន្តកាមរីឆ្លាម និងបានបង្កឱ្យមានការក្រឡាប់រថយន្តពេលដឹកភ្ញៀវទេសចរ២នាក់ នៅថ្ងៃទី១១ កុម្ភៈ ដែលបង្កឱ្យស្ត្រីជនជាតិស្វ៊ីស ម្នាក់របួសបាក់ដៃត្រូវបញ្ជូនទៅព្យាបាលនៅរាជធានីភ្នំពេញ ។ ឈ្មោះកែប ប៊ុណ្ណា ត្រូវបានប៉ូលិសចរាចរផ្លូវគោកនាំខ្លួនមកសាកសួរជុំវិញការក្រឡាប់រថយន្តនោះនៅការិយាល័យរបស់ខ្លួន និងបានឃុំខ្លួនមួយយប់ ថ្ងៃទី១១ កុម្ភៈ។ លុះដល់ថ្ងៃទី១២ កុម្ភៈ ពេលកើតគ្រោះ អគ្គីភ័យបានធ្វើឱ្យក្រុមប៉ូលិសម្នាក់ៗរត់ចេញយករួចខ្លួនទាំងព្រលឹងចុងសក់ ហើយជនជាប់ឃុំរត់គេចមិនរួចក៏ឆេះស្លាប់ខ្លោចក្នុងអណ្តាតភ្លើង។ ប្រភពពីមន្ត្រីប៉ូលិសចរាចរបានឱ្យដឹងថា នៅព្រឹកថ្ងៃទី១២ កុម្ភៈ មន្ត្រីជំនាញបានសាកសួរពីហេតុការណ៍ក្រឡាប់រថយន្ត។ បន្ទាប់ពីធ្វើកំណត់ហេតុចប់ស្រាប់តែធុំក្លិនផ្សែង ក្រោយមកអណ្តាតភ្លើងបានឆាបឆេះធ្វើឱ្យនគរបាលទាំងអស់ដែលកំពុងធ្វើកំណត់ហេតុរត់ចេញ តែមិននឹកស្មានថា ជនដែលឃាត់ខ្លួនឈ្មោះកែប ប៊ុណ្ណា ចេញមិនរួចសោះ។ ទន្ទឹមនឹងហេតុការណ៍ភ្លើងឆេះកើតឡើងហើយរលត់ទៅវិញនៅម៉ោង១៤ថ្ងៃដដែលនោះ សាច់ញាតិរបស់ឈ្មោះកែប ប៊ុណ្ណា បានមកសាកសួរដល់កំលាំងសមត្ថកិច្ច ទើបធ្វើឱ្យសង្ស័យថា អាចជាប់នៅក្នុងភ្នក់ភ្លើង តែមិនទាន់ត្រួតពិនិត្យភ្លាមៗទេ។ រហូតដល់ព្រឹកថ្ងៃទី១៣ កុម្ភៈ ទើបកំលាំងសមត្ថកិច្ចដែលមានការចូលរួមពីព្រះរាជអាជ្ញារងអមសាលាដំបូងខេត្តស្ទឹងត្រែង នគរបាលជំនាញកងរាជអាវុធហត្ថខេត្ត ក្រុមគ្រូពេទ្យ ធ្វើការត្រួតពិនិត្យ ទើបដឹងថា ជនរងគ្រោះដែលឆេះខ្លោចស្លាប់ក្នុងភ្លើងគឺឈ្មោះកែប ប៊ុណ្ណា ។ ប៉ូលិសចរាចរផ្លូវគោកមួយរូបបានរំលឹកថា ក្រោយកើតហេតុក្រឡាប់រថយន្ត សមត្ថកិច្ចបានចុះវាស់វែង និងបានឃាត់ខ្លួនអ្នកបើករថយន្តមកសាកសួរអំពីករណីគ្រោះថ្នាក់ចរាចរណ៍នេះរយៈពេលមួយយប់ រួចបន្តមកសាកសួរនៅព្រឹកថ្ងៃទី១២ កុម្ភៈ ទៀត ក៏ស្រាប់តែកើតមានភ្លើងឆេះបែបនេះតែម្តង ។ នៅក្នុងបន្ទប់ការិយាល័យដែលកំពុងឃាត់ខ្លួនជនរងគ្រោះនោះមានមន្ត្រីប៉ូលិសយាមផងដែរ តែក្រោយពេលភ្លើងឆេះ និងផ្តាច់ចរន្តអគ្គិសនីក៏ងងឹតថែមទាំងផ្សែងខ្មៅឈ្លក់ទៀតនោះ ម្នាក់ៗបានរត់ចេញទាំងមើលផ្លូវមិនឃើញ ខ្លះដួលសន្លប់នៅមុខកាំជណ្តើរផ្លូវចូល។ រីឯជនរងគ្រោះដែលនៅក្នុងបន្ទប់បានរកផ្លូវចេញដែរ តែងងឹតរកទ្វារដើរចេញមិនឃើញ ក៏ដួលនៅមុខបន្ទប់ការិយាល័យនោះតែម្តង ហើយឮស្រែកឱ្យគេជួយ តែមិនមានអ្នកណាមកជួយទាន់នោះឡើយ ហើយក៏បានឆេះស្លាប់នៅក្នុងបន្ទប់ការិយាល័យនោះតែម្តង ។ លោកធា ជាមិត្តភក្តិរបស់ជនរងគ្រោះបាននិយាយថា ប៉ូលិសចរាចរបានឃាត់ខ្លួនជនរងគ្រោះមកសាកសួររហូតដល់ម៉ោង៨យប់ ហើយខ្ញុំសុំការធានាយកជនរងគ្រោះចេញមកក្រៅរង់ចាំព្រឹកឡើងមកម្តងទៀត តែមិនបានការអនុញ្ញាតទេ។ លុះព្រឹកឡើងថ្ងៃទី១២ កុម្ភៈ ប៉ូលិសចរាចរបានសាកសួរបន្តរហូតដល់ម៉ោង១០ព្រឹក ហើយជនរងគ្រោះបានទូរស័ព្ទប្រាប់ថា រយៈពេលពីរម៉ោងទៀត ទើបអនុញ្ញាត។ លុះរហូតដល់ម៉ោងប្រហែល១២ថ្ងៃត្រង់ ក៏ស្រាប់តែមានភ្លើងឆេះតែម្តង ។ គួររំលឹកថា ភ្លើងបានឆេះយ៉ាងសន្ធោសន្ធៅលើទីតាំងការិយាល័យប្រឆាំងការជួញដូរមនុស្ស និងការពារអនីតិជន និងការិយាល័យចរាចរណ៍នៃស្នងការដ្ឋាននគរបាលខេត្ត ដែលជាទីតាំងអគារអតីតស្នងការដ្ឋាននគរបាលខេត្ត ស្ថិតនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ។ អគ្គីភ័យនេះបានធ្វើឱ្យប្រជាពលរដ្ឋ និងសិស្សានុសិស្សរត់ប្រសាចរកកន្លែងសុវត្ថិភាព ដោយសារតែភ្លើងបានឆេះការិយាល័យប៉ូលិសដែលនៅក្នុងការិយាល័យនោះមានផ្ទុះគ្រាប់ជាអាវុធជាតិផ្ទុះជាច្រើនគ្រាប់ ទាំងគ្រាប់តូច និងគ្រាប់ធំ ។ ការឆាបឆេះនេះបានកើតឡើងកាលពីវេលាម៉ោង១២ថ្ងៃត្រង់ ថ្ងៃទី១២ កុម្ភៈ ។ ក្នុងអំឡុងពេលភ្លើងកំពុងតែឆេះខ្មួលខ្មាញ់ផ្សែងខ្មៅងងឹតមេឃរយៈ៣០នាទី ស្រាប់តែគ្រាប់កាំភ្លើងធំបានផ្ទុះឡើងចំនួន៤គ្រាប់ លាយឡំជាមួយគ្រាប់តូចៗធ្វើឱ្យប្រជាពលរដ្ឋរត់ក្រាបទាំងព្រលឹងចុងសក់។ តាមប្រភពព័ត៌មានពីមន្ត្រីប៉ូលិសបានឱ្យដឹងថា ក្នុងអគារនោះមានឃ្លាំងផ្ទុកអាវុធ និងគ្រាប់តូចធំ ហើយក្នុងចំណោមគ្រាប់ធំៗ គឺមានចំនួន៤០គ្រាប់ និងមីនតោនចំនួន២គ្រាប់ ក្រៅពីនោះមានគ្រាប់កាំភ្លើងអាកា និងគ្រាប់កាំភ្លើងផ្សេងៗទៀត ព្រមទាំងកាំភ្លើងចាស់ៗជាច្រើនដើម។ មន្ត្រីប៉ូលិសបានបន្តឱ្យដឹងទៀតថា គ្រាប់ដែលផ្ទុះ គឺជាគ្រាប់ធំតែមិនបណ្តាលឱ្យមានគ្រោះថ្នាក់ដល់ប្រជាពលរដ្ឋទេ។ ជាមួយនឹងការឆាបឆេះនោះ សមត្ថកិច្ចនគរបាល កងរាជអាវុធខេត្ត និងរថយន្តពន្លត់អគ្គីភ័យចំនួន២គ្រឿងរបស់ស្នងការដ្ឋាននគរបាលខេត្ត និង១គ្រឿងទៀតរបស់អង្គភាពអាកាសចរខេត្តបានចូលទៅធ្វើអន្តរាគមន៍ តែមិនអាចចូលជិតបានទេ ដោយសារតែគ្រាប់កាំភ្លើងបានផ្ទុះឡើងពាសវាលពាសកាល ហើយសមត្ថកិច្ចបានត្រឹមតែឃាត់ប្រជាពលរដ្ឋមិនឱ្យចូលទីតាំងដែលឆេះប៉ុណ្ណោះ។ ប្រភពបានបន្តថា អគារអូស្កូទាំងនេះ គឺបានបន្សល់ទុកតាំងពីជំនាន់អ៊ុនតាក់ ហើយត្រូវបានមន្ទីរមួយចំនួន ក៏ដូចជាអង្គភាពប៉ូលិសយកមកធ្វើជាកន្លែងធ្វើការ តែឥឡូវត្រូវអគ្គីភ័យបានលេបត្របាក់អស់អគារចំនួន២ខ្នង បណ្តាលឱ្យខូចខាត និងឆេះទាំងស្រុង ដែលក្នុងនោះមានអគារការិយាល័យរបស់ស្នងការនគរបាលខេត្ត និងអគារជាឃ្លាំងស្តុកសំភាររបស់មន្ទីរអភិវឌ្ឍន៍ជនបទខេត្ត។ ប៉ូលិសបាននិយាយថា ក្នុងការិយាល័យមានសំភារជាច្រើនដូចជា ឯកសារត្រូវភ្លើងឆាបឆេះអស់គ្មានសល់ ។ លោកសម្បត្តិ មុន្នី អនុប្រធានមន្ទីរអភិវឌ្ឍន៍ជនបទ ខេត្តបានឱ្យដឹងថា ភ្លើងបានត្របាក់ឃ្លាំងស្តុកសំភារមាន ម៉ាស៊ីនភ្លើងកំលាំង 12KVA ចំនួន១គ្រឿង ស្នប់អាហ្វ្រីដេវ១៥កំប្លេ ទុយោ PVC 60mm ចំនួន១.៥០០ដើម គ្រឿងបន្លាស់អណ្តូង និងសំភារមួយចំនួនទៀត បើគិតជាទឹកប្រាក់មិនក្រោម៤០.០០០ដុល្លារ។ នៅក្នុងឃ្លាំងនោះក៏មានមនុស្សស្នាក់នៅផងដែរ តែពួកគាត់មិនអាចយកអ្វីបានទេ ក្រៅពីខោអាវជាប់ខ្លួន ព្រោះភិតភ័យ និងគ្រាប់រំសេវដែលកំពុងផ្ទុះឡើង ។ ប្រជាពលរដ្ឋក៏ឱ្យដឹងផងដែរថា ភ្លើងឆាបឆេះចេញពីក្នុងអគាររបស់ប៉ូលិស ហើយរាលដាលដល់ឃ្លាំងរបស់មន្ទីរអភិវឌ្ឍន៍ជនបទនៅជិតនោះ។ មានការសន្និដ្ឋានខុសៗគ្នាថា គ្រោះមហន្តរាយបង្កឡើងដោយសារភ្លើងឆាបឆេះនេះ បណ្តាលមកពីទុស្សេខ្សែភ្លើងក្នុងអគារ។ តែមតិខ្លះថា នៅពេលព្រឹកប៉ូលិសបានធ្វើពលកម្ម ហើយដុតសំរាមអាចមានការធ្វេសប្រហែសពន្លត់មិនអស់ ទើបក្លាយជាភ្លើងឆេះតែម្តង ។ ប៉ូលិសពន្លត់អគ្គីភ័យមួយរូបបានបញ្ជាក់ថា ទោះបីជាភ្លើងបានឆេះអគារអស់២ខ្នង តែកំលាំងយើងខ្ញុំព្យាយាមបាញ់ស្កាត់មិនឱ្យឆេះរាលដាលលើអគារ និងផ្ទះមួយចំនួនដូចជាមន្ទីរអភិវឌ្ឍន៍ជនបទខេត្ត ការិយាល័យទូរស័ព្ទខាំមីតែល អគារកាកបាទក្រហមកម្ពុជាសាខាខេត្តស្ទឹងត្រែង មន្ទីរផែនការខេត្ត មន្ទីរទេសចរណ៍ខេត្ត និងអង្គការស្ការ៉ូ ដែលអគារ និងផ្ទះទាំងនោះនៅជុំវិញចំណុចដែលឆេះ។ សមត្ថកិច្ចប៉ូលិស កងរាជអាវុធហត្ថធ្វើការសង្គ្រោះពន្លត់ភ្លើងឱ្យរលត់ទៅវិញនៅវេលាម៉ោង៤រសៀលថ្ងៃដដែល ៕ (សេកុង+សាលី)  |
| Posted: 13 Feb 2011 06:57 PM PST  រាជធានីភ្នំពេញ ៖ កម្មករសំណង់-លីសែងដែលបំរើការសាងសង់អគារផ្សេងៗនៅក្នុងតំបន់អភិវឌ្ឍន៍ទីក្រុងកោះពេជ្រប្រមាណ៦០០នាក់ បានប្រមូលផ្តុំគ្នាធ្វើការតវ៉ាយ៉ាងខ្លាំងក្លាមួយនៅមុខការិយាល័យរដ្ឋបាលនៃទីក្រុងកោះពេជ្រ កាលពីវេលាម៉ោង៧ព្រឹកថ្ងៃទី១៤ កុម្ភៈ ២០១១ ប្រយោជន៍ទាមទារកុំឱ្យកងសន្តិសុខដែលយាមកាមនៅក្នុងមូលដ្ឋានកោះពេជ្រនេះធ្វើការជំរិតយកអីវ៉ាន់ គ្រឿងឧបភោគ បរិភោគ របស់ពួកគាត់ទៅទៀត ។ តំណាងកម្មករសំណង់-លីសែងម្នាក់បាននិយាយឱ្យដឹងថា មានបងប្អូនកម្មករសំណង់-លីសែងខ្លះគាត់ទិញអីវ៉ាន់គ្រឿងហូបចុកមួយចំនួនមករក្សាទុកនៅបន្ទប់ស្នាក់នៅ គ្រាន់ដាំស្លហូបដូចជាស្រា សាច់ មី គឺទុកគ្រាន់ពេលហេវហត់ថ្មើរណាធ្វើហូបថ្មើរហ្នឹង មិនចាំបាច់ទៅទិញនៅកន្លែងឆ្ងាយនាំឱ្យខាតពេល ។ ចំណែកស្រាទុកគ្រាន់ផឹករំលាយឈាម ឬគ្រាំក្នុង ក្រោយពេលធ្វើការលីសែងហត់នឿយតែប៉ុណ្ណោះ ប៉ុន្តែជាមួយគ្នានេះក៏មានបងប្អូនកម្មករសំណង់-លីសែងមួយចំនួនគាត់បានទិញគ្រឿងហូបចុកពីខាងក្រៅមកទុកលាក់ឱ្យកម្មករដូចគ្នានៅក្នុងទីនេះផងដែរ...ចំណែកកងសន្តិសុខរបស់ក្រុមហ៊ុនទីក្រុងកោះពេជ្រជាច្រើននាក់ មានប្រដាប់ដោយកាំភ្លើងគ្រប់ដៃតែងតែដើរឆែកឆេររៀងរាល់យប់ ហើយគំរាមកំហែងប្រមូលយកគ្រឿងហូបចុករបស់បងប្អូនកម្មករយ៉ាងសន្ធឹកសន្ធាប់ទៅផឹកស៊ីខ្ជះខ្ជាយ ដូច្នេះពួកគាត់ជាកម្មករត្រូវតែតវ៉ាចំពោះរឿងនេះ ។ ចំណែកកងសន្តិសុខម្នាក់ប្រចាំនៅទីក្រុងកោះពេជ្របាននិយាយផងដែរថា តាមគោលការណ៍របស់ក្រុមហ៊ុនទីក្រុងកោះពេជ្របានកំណត់ថា មិនអនុញ្ញាតឱ្យប្រជាពលរដ្ឋ ឬកម្មករណាប្រមូលយកគ្រឿងហូបចុក ឬគ្រឿងទេស  |
| សៀមប្រឆាំងយូណេស្កូ ពេលនេះមិនមែនចង់ប្លន់តែដី៤,៦នោះទេ គឺចង់បានប្រាសាទព្រះវិហារថែមទៀត Posted: 13 Feb 2011 06:48 PM PST រាជធានីភ្នំពេញ ៖ អ្នកនាំពាក្យអង្គភាពព័ត៌មាន និងប្រតិកម្មរហ័សនៃទីស្តីការគណៈរដ្ឋមន្ត្រីនៃរាជរដ្ឋាភិបាលកម្ពុជាបានចេញសេចក្តីថ្លែងការណ៍មួយចុះថ្ងៃទី១២ កុម្ភៈ ជំរាបដល់សាធារណមតិជាតិ និងអន្តរជាតិឱ្យបានជ្រាបអំពីភាពរវើរវាយរបស់ថៃ ក្នុងការលើកឡើងនូវទឡ្ហីករណ៍ចំពោះការវាយប្រហាររបស់ខ្លួនមកលើប្រាសាទព្រះវិហារ និងការគំរាមប្រឆាំងនឹងបេសកកម្មរបស់អង្គការយូណេស្កូដើម្បីមកធ្វើការពិនិត្យ និងវាយតំលៃនៅនឹងកន្លែងលើការខូចខាតប្រាសាទ។ ក្រសួងការបរទេសថៃ និងបណ្តាញសារព័ត៌មានថៃបាននិងកំពុងធ្វើយុទ្ធនាការផ្សាយបំភ័ន្តសាធារណមតិជាតិ និងអន្តរជាតិដោយប្រើប្រាស់ពាក្យភូតកុហកសុទ្ធសាធ ដូចដែលសារព័ត៌មាន The Nation Online បានចេញផ្សាយកាលពីថ្ងៃទី៩ កុម្ភៈ ឆ្នាំ២០១១ ក្នុងចំណងជើងថា «រដ្ឋមន្ត្រីការបរទេសនិយាយថា ៖ អង្គការយូណេស្កូមិនគួរបញ្ជូនក្រុមអ្នកជំនាញរបស់ខ្លួនមកកាន់ប្រាសាទព្រះវិហារឡើយ» ហើយនៅផ្នែកខាងលើមានអក្សរធំៗពណ៌ក្រហមសរសេរថា «ប្រាសាទមានជម្លោះ»។ អ្នកនាំពាក្យអង្គភាពព័ត៌មាន និងប្រតិកម្មរហ័សនៃទីស្តីការគណៈរដ្ឋមន្ត្រីនៃរាជរដ្ឋាភិបាលកម្ពុជាបានបញ្ជាក់ជូនថា អង្គហេតុពិតប្រាកដទាក់ទងទៅនឹងប្រាសាទព្រះវិហារមានភាពច្បាស់លាស់បំផុត ដោយផ្អែកលើមូលដ្ឋានច្បាប់ ការកាន់កាប់ជាក់ស្តែង និងប្រវត្តិសាស្ត្រពិត គឺប្រាសាទព្រះវិហារជាកម្មសិទ្ធិរបស់ «កម្ពុជា ហើយជាសម្បត្តិបេតិកភណ្ឌពិភពលោក»។ ប្រសិនបើរដ្ឋមន្ត្រីការបរទេសថៃ និង The Nation ខ្វាក់ភ្នែកនោះ គឺមតិអន្តរជាតិគេមិនខ្វាក់ភ្នែកឡើយ។ ប្រសិនបើរដ្ឋមន្ត្រីការបរទេសថៃ និង The Nation ខ្វាក់ភ្នែក អាស៊ានគេមិនខ្វាក់ភ្នែកទេ ហើយប្រសិនបើរដ្ឋមន្ត្រីការបរទេសថៃ និង The Nation ខ្វាក់ភ្នែក ក្រុមប្រឹក្សាសន្តិសុខអង្គការសហប្រជាជាតិ ក៏គេមិនខ្វាក់ភ្នែកដែរ។ ប្រាសាទព្រះវិហារជាទ្រព្យសម្បត្តិរបស់កម្ពុជា ដែលស្ថិតនៅក្នុងទឹកដីក្រោមអធិបតេយ្យរបស់កម្ពុជា ដោយផ្អែកលើ ១-ផែនទីដងរែក ដែលបានកំណត់ដោយគណៈកម្មការចំរុះកំណត់ព្រំដែនដែលមានសមាសភាពមន្ត្រីបារាំង និងសៀម ក្រោមបទប្បញ្ញត្តិនៃមាត្រា១ និងមាត្រា៣ នៃអនុសញ្ញាថ្ងៃទី១៣ ខែកុម្ភៈ ឆ្នាំ១៩០៤ រវាងបារាំង និងសៀម និង២-បញ្ជាក់ឡើងវិញដោយសាលដីកាតុលាការយុត្តិធម៌អន្តរជាតិ ថ្ងៃទី១៥ ខែមិថុនា ឆ្នាំ១៩៦២ ក្នុងទីក្រុងឡាអេ ដោយបានប្រើប្រាស់ផែនទីដងរែក ដែលជាផែនទីឧបសម្ព័ន្ធ១ របស់តុលាការយុត្តិធម៌អន្តរជាតិនេះ។ សូមបញ្ជាក់បន្ថែមទៀតផងដែរថា អនុសញ្ញានេះមានកាតព្វកិច្ចតំរូវឱ្យគូភាគីត្រូវតែអនុវត្តដោយរាប់ទាំងផែនទី១១ ផ្ទាំងដែលក្នុងនោះក៏មានផែនទីដងរែកដែលសៀមបានព្រមព្រៀងទទួលយក និងទទួលស្គាល់ផងដែរ។ វាច្បាស់ណាស់ថា បើនិយាយពីកម្មសិទ្ធិប្រាសាទព្រះវិហារ មិនមែនជាកម្មវត្ថុនៃជម្លោះទៀតឡើយ។ កាស៊ីតភិរម្យ នឹងត្រូវឆ្លើយជូនក្រុមប្រឹក្សាសន្តិសុខអង្គការសហប្រជាជាតិថា តើលោកបានដឹង ឬក៏មិនបានដឹងថា ប្រាសាទព្រះវិហារគឺជាកម្មសិទ្ធិរបស់កម្ពុជា? ប្រាសាទព្រះវិហារដែលជាទ្រព្យសម្បត្តិរបស់កម្ពុជា ត្រូវបានចុះក្នុងបញ្ជីបេតិកភណ្ឌពិភពលោក កាលពីថ្ងៃទី៧ កក្កដា ឆ្នាំ២០០៨ តាមសេចក្តីសំរេចរបស់គណៈកម្មាធិការបេតិកភណ្ឌពិភពលោកលេខ៣២ COM 8B-102 ហើយបានទទួលឋានៈជារមណីយដ្ឋានបេតិកភណ្ឌពិភពលោកចាប់តាំងពីពេលនោះមក «ចំពោះកិច្ចការពារប្រាសាទ គឺជាភារកិច្ចរបស់សហគមន៍អន្តរជាតិទាំងមូលដើម្បីធ្វើការសហប្រតិបត្តិការ» ដូចដែលមានចែងនៅក្នុងមាត្រា៦ នៃអនុសញ្ញាឆ្នាំ១៩៧២ស្តីពីកិច្ចការពារបេតិកភណ្ឌពិភពលោក ។ គោលបំណងច្បាស់លាស់របស់ថៃ គឺដើម្បីបំផ្លាញសម្បត្តិបេតិកភណ្ឌពិភពលោកនៅក្នុងសង្គ្រាមឈ្លានពានរយៈ ពេល៤ថ្ងៃរបស់ថៃប្រឆាំងនឹងប្រទេសកម្ពុជា និងប្រាសាទព្រះវិហារ បានជំរុញឱ្យអគ្គនាយិកាលោកជំទាវអ៊ីរីណា បូកូវ៉ា របស់អង្គការយូណេស្កូសំរេចបញ្ជូនបេសកជនពិសេស ។ ប្រទេសថៃគ្មានមូលដ្ឋានដើម្បីជំទាស់ ឬរារាំងផែនការបេសកកម្មរបស់អ្នកជំនាញការសំរាប់ធ្វើការពិនិត្យ និងវាយតំលៃនៅនឹងកន្លែងលើប្រាសាទព្រះវិហារ ហើយថៃក៏គ្មានមូលដ្ឋានដើម្បីលើកឡើងថា អង្គការយូណេស្កូត្រូវតែសុំការអនុញ្ញាតពីប្រទេសថៃនៅពេលដែលបំពេញបេសកកម្មជាផ្លូវការទៅកាន់ប្រាសាទព្រះវិហារនោះដែរ ។ អ្នកនាំពាក្យអង្គភាពព័ត៌មាន និងប្រតិកម្មរហ័ស បានធ្វើការបដិសេធចោលនូវហេតុផលដែលគ្មានមូលដ្ឋានពីរខាងលើដែលបានលើកឡើងដោយរដ្ឋមន្ត្រីការបរទេសថៃ ដែលយើងចាត់ទុកនេះជាទង្វើនៃការគំរាមកំហែង ក្នុងនោះរួមមាន ទី១-ផ្លូវចូលប្រាសាទព្រះវិហារឆ្លងតាមប្រទេសថៃ និងទី២-ថៃ និងកម្ពុជាបាននិងកំពុងបន្តការចរចាទ្វេភាគី ដូច្នេះមិនចំាំបាច់ឱ្យមានអន្តរាគមន៍ពីអន្តរជាតិ ឬតំបន់ឡើយ ។ អ្នកនាំពាក្យអង្គភាពព័ត៌មាន និងប្រតិកម្មរហ័ស សូមធ្វើការកែតំរូវដូចខាងក្រោម ៖ ២-ពេលនេះគឺវាដល់ពេលឱ្យមានការចូលរួមពីភាគីទីបីហើយ កម្ពុជា និងថៃធ្លាប់មានកិច្ចពិភាក្សាទ្វេភាគីជាច្រើនដងមកហើយ ស្តីអំពីបញ្ហាប្រាសាទព្រះវិហារចាប់តាំងពីកិច្ចប្រជុំរបស់គណៈកម្មាធិការបេតិកភណ្ឌពិភពលោកក្នុងឆ្នាំ ២០០៧ ក្នុងទីក្រុងក្រៃឆឺច ប្រទេសនូវែលហ្សេឡង់ ។ ប៉ុន្តែទន្ទឹមនឹងកិច្ចពិភាក្សានោះ ថៃជាញយៗបានធ្វើការឈ្លានពានដោយប្រដាប់អាវុធ។ ថៃបានធ្វើការវាយប្រហារ និងឈ្លានពានទឹកដីកម្ពុជាជាលើកដំបូងកាលពីថ្ងៃទី១៥ កក្កដា ឆ្នាំ២០០៨ គឺក្រោយតែមួយសបា្តហ៍បន្ទាប់ពីប្រាសាទព្រះវិហារត្រូវបានចុះទៅក្នុងបញ្ជីបេតិកភណ្ឌពិភពលោក ។ បន្ទាប់ពីមានការឈប់បាញ់គ្នា និងការធានាមិនឱ្យមានការឈ្លានពានដូច្នេះទៀត ថៃបានធ្វើការវាយប្រហារជាថ្មីម្តងទៀត នៅថ្ងៃទី៣ និងថ្ងៃទី៤ មេសា ឆ្នាំ២០០៩ ដែលធ្វើឱ្យឆេះផ្សារ និងផ្ទះប្រជាជនអស់។ ឥឡូវនេះជាថ្មីម្តងទៀត ថៃកំពុងតែភ្ជាប់កម្ពុជាជាមួយនឹងការប្រយុទ្ធគ្នាធំមួយ ហើយនិងការវាយប្រហារមកលើប្រាសាទព្រះវិហារនិងចូលជ្រៅមកក្នុងទឹកដីរបស់កម្ពុជា ។ ដោយសារតែការភូតភរ និងការមិនគោរពកិច្ចសន្យា រាជរដ្ឋាភិបាលកម្ពុជាមិនមានជំនឿចិត្តក្នុងការចូលមកពិភាក្សាជាទ្វេភាគីណាមួយទៀតទេស្តីពីបញ្ហានេះដោយគ្មានភាគីទីបីជាសាក្សីនោះឡើយ ។ ការរួញរារបស់ថៃក្នុងការទទួលយកភាគីទីបីណាមួយ អាចត្រូវបានគេយល់ថា ជាឧបាយកលដែលតាំងខ្លួនឯងជាមហាអំណាចដែលខ្លាំងជាងគេ និងធំជាងគេ ហើយបិទទ្វារវាយកម្ពុជាបាំងពីក្រសែភ្នែករបស់សហគមន៍ក្នុងតំបន់ និងអន្តរជាតិ ។ អ្នកនាំពាក្យអង្គភាព័ត៌មាន និងប្រតិកម្មរហ័សសូមបញ្ជាក់ថា កម្ពុជាសូមធ្វើការអំពាវនាវដល់សហគមន៍អន្តរជាតិ ទប់ស្កាត់ថៃកុំឱ្យបន្តល្បែងសង្គ្រាមតទៅទៀត ទន្ទឹមនឹងការជំរុញរបស់ថៃឱ្យមានការចរចាទ្វេភាគីដែលគ្មានទីបញ្ចប់ និងគ្មានន័យនោះ ។ កម្ពុជាសង្ឃឹមយ៉ាងមុតមាំថា ប្រជាជនដែលពោរពេញទៅដោយសុច្ឆន្ទៈទាំងនៅក្នុងតំបន់ និងនៅក្នុងពិភពលោក ទាំងមូលនឹងធ្វើការរួបរួមគ្នា ដើម្បីបញ្ចប់ការគំរាមកំហែងដែលកំពុងកើតមាន និងធានាឱ្យបាននូវការការពារ និងជួយស្រោចស្រង់ប្រាសាទព្រះវិហារដែលជាសម្បត្តិវប្បធម៌មនុស្សជាតិក្នុងព្រះរាជាណាចក្រកម្ពុជា ៕  |
| បណ្តារូបថតឈ្នះក្នុងការប្រកួតរូបថតសារព័ត៌មានពិភពលោកឆ្នាំ2010 Posted: 13 Feb 2011 06:44 PM PST      លទ្ធផលនៃការប្រកួតប្រជែងរូបថតសារព័ត៌មានពិភពលោក WPP លើកទី៥៤ ត្រូវបានចេញផ្សាយនាពេលថ្មីៗនេះ ។ ការប្រកួតប្រជែងរូបថតសារព័ត៌មានពិភពលោកនេះជាព្រឹត្តិការណ៍ដ៏មានឥទ្ធិពលមួយលើពិភពលោក ។ ទាំងនេះជារូបថតសំរាំងៗ ប្រចាំឆ្នាំដែលគេយកទៅប្រកួតឈ្នះ ។  |
| ក្រុមប្រដាប់អាវុធបាញ់សំលាប់មនុស្ស8នាក់នៅម៉ិចស៊ិក Posted: 13 Feb 2011 06:44 PM PST ទីភ្នាក់ងារសន្តិសុខរដ្ឋរាយការណ៍ថា ជនប្រដាប់អាវុធមួយក្រុមកាលពីល្ងាចថ្ងៃទី១៣ កុម្ភៈ បានបាញ់សំលាប់មនុស្ស៨នាក់ ក្នុងទីក្រុងម៉ិចស៊ីកូ ប្រទេសម៉ិចស៊ិក ។ ហេតុការណ៍បាញ់ប្រហារដ៏សាហាវនេះកើតឡើងក្នុងសង្កាត់ San Agustin Atlapuulco ។ ជនរងគ្រោះមានអាយុចន្លោះពី១៦ឆ្នាំទៅ២៥ឆ្នាំ ត្រូវបានបាញ់ស្លាប់ ដោយបាញ់ចំថ្ងាស ។  |
| ប្រទេសអ៊ីតាលីជាទីកន្លែងដ៏មានមនោសញ្ចេតនាបំផុតថ្ងៃបុណ្យនៃក្តីស្រឡាញ់ Posted: 13 Feb 2011 06:39 PM PST  តាមទីភ្នាក់ងារបរទេសបានផ្សាយពី លទ្ធផលនៃការស្រាវជ្រាវរបស់គេហទំព័រដ៏ល្បីឈ្មោះ ផ្នែកហោះហើរ «ស្កាយស្កេនណ័រ» ថា ជាង១ភាគ៣នៃអ្នកឆ្លើយសំណួរចំនួន១.០០០នាក់ឬប្រហែល៣៣% មានគំនិតយល់ឃើញថា ប្រទេសអុីតាលី ជាទីកន្លែងទេសចរណ៍ដ៏មានមនោសញ្ចេតនាបំផុតនៅលើសាកលលោក ខណៈប្រទេសបារាំងស្ថិតនៅលំដាប់ទី២ ដោយទទួលសម្លេងគាំទ្រប្រហែល១៩% ក្នុងអំឡុងពេលបុណ្យនៃក្តីស្រឡាញ់២០១១ ។ សំរាប់ប្រទេសប្រជុំកោះក្នុងតំបន់សមុទ្រការីបៀន ស្ថិតនៅលំដាប់ទី៣ ខណៈប្រទេសអេស្ប៉ាញ និងប្រទេសក្រិច ស្ថិតក្នុងលំដាប់ទី៤ និងទី៥តាមលំដាប់នោះ ។ ចំណែកប្រទេសថៃត្រូវបានបញ្ជាក់ថា ជាដែនដីដ៏មានមនោសញ្ចេតនានៅលំដាប់ទី៦ នៅលើពិភពលោក មានសម្លេងប្រហែល៣% ។ លទ្ធផលស្រាវជ្រាវ បញ្ជាក់ឱ្យដឹងទៀតថា ទីកន្លែងដែលមានស្ថានភាពមនោសញ្ចេតនាបំផុត សំរាប់សុំរៀបអាពិពាហ៍ពាហ៍ គឺការសុំរៀបចំអាពាហ៍ពិពាហ៍នៅលើនាវា«ហ្គុនដូឡា» កណ្តាលស្ទឹងក្នុងទីក្រុងវេនីស ប្រទេសអ៊ីតាលី ទទួលបានសម្លេងច្រើនបំផុត ។ បន្ទាប់មកគឺការសុំរៀបការនៅអគារទ្វារអេហ្វហ្វែល ក្រុងប៉ារីស ប្រទេសបារាំង និងការសុំរៀបការនៅបរិវេណជណ្តើរអសស្ប៉ាញ ទីក្រុងរ៉ូម ប្រទេសអ៊ីតាលី។ ស្របពេលជាមួយគ្នានេះ លទ្ធផលអង្កេតតាមផ្នែកសណ្ឋាគារ កន្លែងស្នាក់នៅដ៏មានមនោសញ្ចេតនាបំផុតនៅលើពិភពលោក ដោយយោងលើការប្រកាសរង្វាន់ «ត្រាវែលល័រឆយ ២០១១ បញ្ជាក់ឱ្យដឹងថា សណ្ឋាគារ «ហ្គាប៉ាញ៉ា អ៊ិចតាប៉ា» ក្នុងរដ្ឋហ្គេរ៉េរ៉ូ របស់ម៉ិចស៊ិក មានឈ្មោះថា ជាសណ្ឋាគារ «ភូលេ បេ រីស៊ត អ៊ែនស្ប៉ា » ក្នុងខេត្តក្រាប៊ី ប្រទេសថៃ ស្ថិតនៅលំដាប់ទី៧ ៕  |
| បើកការដ្ឋានសាងសង់ស្ពានអ្នកលឿងឆ្លងកាត់ទន្លេមេគង្គក្រោម Posted: 13 Feb 2011 06:36 PM PST   ខេត្តកណ្តាល ៖ ការដ្ឋានសាងសង់ស្ពានឆ្លងកាត់ទន្លេមេគង្គនៅអ្នកលឿង ក្រោមគំរោងហិរញ្ញប្បទានសហប្រតិបត្តិការជំនួយឥតសំណងរបស់រាជរដ្ឋាភិបាលជប៉ុន បានផ្តល់ដល់ប្រទេសកម្ពុជាចំនួនជាង៩២លានដុល្លារសហរដ្ឋអាមេរិក ព្រមទាំងថវិការបស់រាជរដ្ឋាភិបាលកម្ពុជាចំនួន២,៩លានដុល្លារអាមេរិក មានប្រវែង២.២១៥ម៉ែត្រ ដែលជាស្ពានវែងជាងគេនៅកម្ពុជា ដែលពុំធ្លាប់មានទាល់តែសោះក្នុងប្រវត្តិសាស្ត្ររបស់ខ្លួន។ ពិធីសម្ពោធបើកការដ្ឋានសាងសង់ស្ពានឆ្លងកាត់ទន្លេមេគង្គនៅអ្នកលឿងនេះបានប្រារព្ធកាលពីព្រឹកថ្ងៃទី១២ កុម្ភៈ ២០១១ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោក BANNO Yutaka រដ្ឋលេខាធិការក្រសួងការបរទេសនៃប្រទេសជប៉ុន ស្ថិតនៅភូមិដើមអំពិល ឃុំកំពង់ភ្នំ ស្រុកលើកដែក ខេត្តកណ្តាល ដែលរយៈពេលការសាងសង់នេះ៥១ខែ។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាកច្រកម្ពុជា បានមានប្រសាសន៍ថា ការសាងសង់ស្ពានអ្នកលឿង គឺការតភ្ជាប់សមាហរណកម្មផ្ទៃក្នុងខ្លួន រវាងត្រើយខាងកើត និងត្រើយខាងលិច រវាងខេត្តកណ្តាល និងខេត្តព្រៃវែង និងសមាហរណកម្មនៅក្នុងតំបន់ និងពិភពលោក។ សម្តេចតេជោនាយករដ្ឋមន្ត្រីមានប្រសាសន៍ថា ទៅថ្ងៃអនាគត ស្ពានអ្នកលឿង និងកំណាត់ផ្លូវជាតិលេខ១ ភ្នំពេញ-អ្នកលឿងនេះនឹងក្លាយជាមធ្យោបាយដ៏មានប្រសិទ្ធភាពក្នុងការរួមចំណែកបានយ៉ាងទូលំទូលាយដល់ការអភិវឌ្ឍសេដ្ឋកិច្ច និងសង្គមកម្ពុជា ពីព្រោះថា ស្ពានអ្នកលឿងនឹងដើរតួនាទីយ៉ាងសំខាន់សំរាប់បំពេញលក្ខខណ្ឌស្តង់ដារផ្លូវអន្តរជាតិ និងបន្ថែមសក្តានុពលនៃផ្លូវយាយវ៉េ មហាអនុតំបន់ទន្លេមេគង្គ និងផ្លូវហាយវ៉េទី១ ដើម្បីបំរើឱ្យការដឹកជញ្ជូនឆ្លងកាត់ក្នុងតំបន់ និងបញ្ចប់បញ្ហាធំគឺពេលវេលាក្នុងការរង់ចាំឆ្លងសាឡាង និងការចំណាយថ្លៃឆ្លងសាឡាង របស់ប្រជាជនកម្ពុជា ក៏ដូចជាអតិថិជននៃការដឹកជញ្ជូនក្នុងតំបន់ផងដែរ។ ជាមួយនឹងគុណប្រយោជន៍ និងតួនាទីដ៏សំខាន់របស់ស្ពាននេះ សម្តេចតេជោបញ្ជាក់ថា គឺជាស្ពាននាំសំណាង ស្ពាននាំកាលានុវត្តភាពក្នុងការបង្កើនសន្ទុះជីវភាពសេដ្ឋកិច្ចឱ្យស្ទុះឡើង។ ការអភិវឌ្ឍផ្លូវជាតិលេខ១ ដោយភ្ជាប់ជាមួយនឹងការសាងសង់ស្ពានអ្នកលឿងនេះ ពិតជាលើកកំពស់សមត្ថភាពផ្លូវដែលអាចទ្រទ្រង់នូវចរាចរណ៍ដឹកជញ្ជូនក្នុងតំបន់ ហើយផ្តោតលើគោលការណ៍តភ្ជាប់ផ្លូវអាស៊ាន-ហាយវ៉េធំៗចំនួន២ ឬផ្លូវហាយវ៉េរបស់មហាអនុតំបន់មេគង្គដ៏មានសក្តានុពល។ គឺផ្លូវអាស៊ានហាយវ៉េតភ្ជាប់រាជធានីភ្នំពេញ ទៅនឹងទីក្រុងបាងកក និងទីក្រុងហូជីមិញ និងពីទីក្រុងគុនមីង សាធារណរដ្ឋប្រជាមានិតចិន តភ្ជាប់មកទីក្រុងវៀងច័ន្ទ ប្រទេសឡាវ កាត់តាមផ្លូវជាតិលេខ៧ និងផ្លូវជាតិលេខ៤ របស់កម្ពុជា ឆ្ពោះទៅកំពង់ផែក្រុងព្រះសីហនុ និងឆ្លងកាត់ទន្លេមេគង្គដែលជាទន្លេដ៏ធំ និងល្បីល្បាញរបស់តំបន់នេះ ពីព្រោះថា ក្រៅពីបានផ្តល់នូវទឹក និងដីដ៏មានជីជាតិសំរាប់ការរស់នៅរបស់ប្រជាជន និងកសិកម្ម ទន្លេមេគង្គនៅដើរតួជាផ្លូវដឹកជញ្ជូនពាណិជ្ជកម្ម និងទំនាក់ទំនងយ៉ាងសំខាន់រវាងប្រជាពលរដ្ឋក្នុងតំបន់ទាំងមូល ព្រមទាំងបានផ្តល់នូវមូលដ្ឋានវប្បធម៌ អរិយធម៌ដ៏រុងរឿង និងសម្បូរបែបដល់ប្រជាជនកម្ពុជា និងប្រជាជនក្នុងតំបន់ទាំងមូលផងដែរ។ សម្តេចតេជោនាយករដ្ឋមន្ត្រីបញ្ជាក់ថា មានចំណងតភ្ជាប់មួយទៀត នោះគឺតភ្ជាប់រវាងប្រជាជនកម្ពុជា និងជប៉ុន បន្ទាប់ពីការតភ្ជាប់នៅឯស្ពានគីហ្ស៊ូណា ដែលបានដាក់សម្ពោធឱ្យប្រើប្រាស់នៅឆ្នាំ២០០១។ នេះជាការតភ្ជាប់ក្នុងទំនាក់ទំនងរវាងប្រជាជនកម្ពុជា និងប្រជាជនជប៉ុន ហើយសេដ្ឋកិច្ចរបស់ប្រជាជនកម្ពុជានឹងមានការផ្លាស់ប្តូរស្ថានភាពយ៉ាងឆាប់រហ័សបន្ទាប់ពីស្ពាននេះត្រូវបានបង្កើតឡើង។ ទន្ទឹមនេះ សម្តេចតេជោនាយករដ្ឋមន្ត្រីបានសំដែងនូវការអរគុណចំពោះរដ្ឋាភិបាលជប៉ុន និងប្រជាជនប៉ុនដែលបានជួយឧបត្ថម្ភគាំទ្រដល់កម្ពុជាទៅលើគំរោងការមួយនេះបន្ថែម ដោយគំរោងការដទៃទៀតដែលមានរួចមកហើយដែលជំនួយរបស់ជប៉ុនរហូតមកដល់ពេលនេះតាមរបាយការណ៍លោកឧបនាយករដ្ឋមន្ត្រី គាត ឈន់ បានឱ្យដឹងមានចំនួន១,៩០០លានដុល្លារអាមេរិក ហិរញ្ញប្បទានឥតសំណង ហើយប្រចាំឆ្នាំជាធម្យមក្នុងកំរិត១៣០លានដុល្លារ អាមេរិក ទោះបីជាសេដ្ឋកិច្ចមានការធ្លាក់ចុះក៏ដោយក៏ជប៉ុននៅបានរក្សាកំរិតជំនួយឱ្យកម្ពុជា ប្រចាំឆ្នាំអ្វីដែលយើងកត់សំគាល់នៅត្រង់ថា ជប៉ុនទោះបីផ្លាស់មេដឹកនាំ ឬផ្លាស់បក្សនយោបាយក៏ដោយតែជប៉ុនមានកុងសង់ស៊ីសក្នុងនយោបាយចំពោះកម្ពុជា ។ ផ្ទេរពីនាយករដ្ឋមន្ត្រីមួយទៅកាន់នាយករដ្ឋមន្ត្រីមួយ ផ្ទេរពីបក្សប្រជាធិបតេយ្យសេរីជប៉ុន មកកាន់គណបក្សប្រជាធិបតេយ្យជប៉ុនបច្ចុប្បន្ននេះ ជប៉ុនគ្មានការផ្លាស់ប្តូរណាមួយក្នុងឥរិយាបថចំពោះការជួយដល់ព្រះរាជាណាចក្រកម្ពុជា លើការកសាងប្រទេសនោះទេ ។ ត្រង់នេះហើយដែលយើងបន្តធ្វើការជាប់ជាប្រចាំជាមួយនឹងមិត្តជប៉ុនក្នុងភាពជាដៃគូ ហើយជាអ្នកដែលផ្តល់ជំនួយធំជាងគេសំរាប់ប្រជាជនកម្ពុជា ។ សម្តេចនាយករដ្ឋមន្ត្រី បានផ្ញើសារជូនទៅប្រជាជនជប៉ុនថា រដ្ឋាភិបាលជប៉ុនបានប្រើប្រាស់នូវថវិកាទាំងអស់ចំគោលដៅក្នុងការជួយដល់កម្ពុជា ។ គ្រប់ទិដ្ឋភាពទាំងអស់កម្ពុជាបានប្រើប្រាស់នូវការពិគ្រោះពិភាក្សាទាំងកំរិតនយោបាយ ទាំងកំរិតបច្ចេកទេស ទាំងការដោះស្រាយផលប៉ះពាល់នានាដែលជប៉ុនត្រូវសាងសង់ផងដែរ ។ សម្តេចតេជោនាយករដ្ឋមន្ត្រីអំពាវនាវចំពោះប្រជាពលរដ្ឋដែលនៅត្រើយខាងជើងក៏ដូចជានៅត្រើយខាងលិចផងដែរ មេត្តាសហការចូលរួមជួយទៅដល់ការដ្ឋាននេះ។ កម្លាំងប្រដាប់អាវុធគ្រប់ប្រភេទ អាជ្ញាធរដែនដី ត្រូវការពារឱ្យខាងតែបាននូវបញ្ហាគ្រឿងចក្រ និងសុវត្ថិភាពនៃក្រុមហ៊ុនសាងសង់ កម្មករ-កម្មការិនី ហើយនិងឱ្យការសាង សង់បានរលូន ។ នេះគឺជាផលប្រយោជន៍របស់កម្ពុជាខ្លួនឯង ហើយក៏ជាផលរបស់តំបន់ដែរ ។ ក្នុងឱកាសនោះ សម្តេចតេជោនាយករដ្ឋមន្ត្រីក៏បានប្រកាសបើកឱ្យប្រើប្រាស់ជាផ្លូវការនូវ កំណាត់ផ្លូវចាក់កៅស៊ូលេខ១១៨ ដែលមានប្រវែង៤២គីឡូម៉ែត្រ ពីអ្នកលឿងទៅក្អមសំណផងដែរ ។ លោកត្រាំ អ៊ីវតឹក រដ្ឋមន្ត្រីក្រសួងសាធារណការ និងដឹកជញ្ជូនថ្លែងឱ្យដឹងថា ស្ពានត្រូវសាងសង់មានប្រវែងសរុប២.២១៥ម៉ែត្រ ចែកចេញជា៣ផ្នែកគឺស្ពានភ្ជាប់ផ្លូវត្រើយខាងលិច ស្ពានភ្ជាប់ផ្លូវត្រើយខាងកើត និងស្ពានមេនៅកណ្តាលដែលការសាងសង់ត្រូវធានាឱ្យនាវាសមុទ្រអាចឆ្លងកាត់ស្ពានបាន ។ លោករដ្ឋមន្ត្រីបន្តថា ស្ពានតភ្ជាប់ត្រើយខាងលិចមានប្រវែង៩០០ម៉ែត្រ ជាប្រភេទស្ពានជាបេតុងមាន២០ប្រឡោះ ប្រឡោះនីមួយៗមានប្រវែង៤៥ម៉ែត្រដូចគ្នា ។ ស្ពានភ្ជាប់ត្រើយខាងកើតប្រវែង៦៧៥ម៉ែត្រ មាន១៥ប្រឡោះ ប្រឡោះនីមួយៗមានប្រវែង៤៥ម៉ែត្រដូចគ្នា ។ ស្ពានភ្ជាប់ត្រើយខាងកើតប្រវែង៦៧៥ម៉ែត្រ មាន១៥ប្រឡោះ ប្រឡោះនីមួយៗមាន៤៥ម៉ែត្រដូចគ្នា ។ ចំណែកមេស្ពានប្រវែង៦៤០ម៉ែត្រ មាន៣ប្រឡោះ ប្រឡោះសងខាងមានប្រវែង១៥៥ម៉ែត្រ និងប្រឡោះកណ្តាលសំរាប់ឱ្យនាវាសមុទ្រឆ្លងកាត់មានប្រវែង៣៣០ម៉ែត្រ ។ ការស្ថាបនាឡើងគឺជាការបើកទំព័រប្រវត្តិសាស្ត្រថ្មីដែលពុំធ្លាប់មានមកពីពេលមុនមករបស់ព្រះរាជាណាចក្រកម្ពុជា ។ លោករដ្ឋមន្ត្រីបញ្ជាក់ថា ការសាងសង់ស្ពានអ្នកលឿងអនុវត្តដោយក្រុមហ៊ុនសំណង់ស៊ូមីតូមីតស៊ុយ ត្រួតពិនិត្យបច្ចេកទេសដោយក្រុមហ៊ុន ចូដៃ សហការជាមួយក្រុមហ៊ុនអូរីយ៉ង់តាលរបស់ប្រទេសជប៉ុន ។ គំរោងសាងសង់ស្ពាននេះ គ្រោងនឹងបញ្ចប់ខែមីនា ឆ្នាំ២០១៥ ។ លោក BANNO Yutaka រដ្ឋលេខាធិការក្រសួងការបរទេសជប៉ុន បានថ្លែងថា តាំងនាមឱ្យរដ្ឋាភិបាល និងប្រជាជនជប៉ុន ខ្ញុំសូមសំដែងនូវអំណរសាទរដោយស្មោះសរ នៅក្នុងឱកាសដ៏មហានក្ខត្តប្ញក្សនេះ ចំពោះពិធីសម្ពោធលើការដ្ឋានសាងសង់ស្ពានអ្នកលឿងដែលត្រូវបានអនុវត្តដោយជំនួយឥតសំណងរបស់រដ្ឋាភិបាលជប៉ុនផ្តល់ជូនកម្ពុជា ។ លោករដ្ឋលេខាធិការបន្តថា សារសំខាន់នៃស្ពាននេះគឺត្រូវបានបញ្ជាក់អះអាងឡើងវិញមិនត្រឹមតែនៅក្នុងកិច្ចប្រជុំទ្វេភាគីរវាងជប៉ុន-កម្ពុជានោះទេ តែក៏នៅក្នុងកិច្ចប្រជុំកំពូលជប៉ុន មេគង្គផងដែរ ។ រាជរដ្ឋាភិបាលកម្ពុជាបានស្នើសុំការឧបត្ថម្ភពីរដ្ឋាភិបាលជប៉ុនដើម្បីសាងសង់ស្ពានមួយ ដើម្បីតភ្ជាប់ត្រើយខាងលិច និងត្រើយខាងកើតទន្លេ ។ ជាការឆ្លើយតបរដ្ឋាភិបាលជប៉ុនបានផ្តល់ជំនួយឥតសំណងនៅឆ្នាំ២០១០ ដើម្បីសាងសង់ស្ពានអ្នកលឿងនេះ៕  |
| ថ្ងៃ៦ តុលា ១៩៥៦ កម្ពុជាដាក់បណ្តឹងរឿងប្រាសាទព្រះវិហារ Posted: 13 Feb 2011 06:18 PM PST  ព័ត៌មានទាំងឡាយខាងក្រោមនេះជាឯកសារចេញពីការិយាល័យក្រឡាបញ្ជីរបស់តុលាការយុត្តិធម៌អន្តរជាតិក្រុងឡាអេ ទាក់ទិននឹងរឿងក្តីប្រាសាទព្រះវិហារសំរាប់ជូនដល់សារព័ត៌មាននានាជាភាសាបារាំង ។ កោះសន្តិភាពសូមធ្វើការបកប្រែក្រៅផ្លូវការដូចខាងក្រោមនេះ៖ ថ្ងៃទី៦ តុលា ឆ្នាំ១៩៥៩ ភ្នាក់ងាររបស់រដ្ឋាភិបាលកម្ពុជាបានប្រគល់ជូនដល់ការិយាល័យក្រឡាបញ្ជីរបស់តុលាការនូវពាក្យបណ្តឹងមួយក្នុងនាមរបស់រដ្ឋាភិបាលខ្លួនប្រឆាំងនឹងរដ្ឋាភិបាលថៃ ។ ពាក្យបណ្តឹងនេះធ្វើឡើងផ្អែកលើគតិយុត្តិរបស់តុលាការស្តីពីអំពើទូទៅ ដើម្បីដោះស្រាយដោយសន្តិវិធីនូវវិវាទអន្តរជាតិចុះថ្ងៃទី២៦ កញ្ញា ឆ្នាំ១៩២៨ តាមមាត្រា៣៦ នៃលក្ខន្តិកៈរបស់តុលាការ តាមសេចក្តីថ្លែងការណ៍ចុះថ្ងៃទី២០ ឧសភា ឆ្នាំ ១៩៥០ របស់រាជាណាចក្រថៃ និងសេចក្តីថ្លែងការណ៍ថ្ងៃទី៩ កញ្ញា ឆ្នាំ១៩៥៧ របស់ព្រះរាជាណាចក្រកម្ពុជា ដែលទទួលស្គាល់ថា ជាកាតព្វកិច្ចគតិយុត្តិរបស់តុលាការ និងលើមាត្រា៤០នៃលក្ខន្តិកៈ និងមាត្រា៣២នៃបទបញ្ជាផ្ទៃក្នុង ។ ពាក្យបណ្តឹងរបស់កម្ពុជាលើកឡើងថា ចាប់តាំងពីឆ្នាំ១៩៤៩ មក រាជាណាចក្រថៃនៅតែប្រកាន់យកការកាន់កាប់លើផ្នែកមួយនៃដែនដីកម្ពុជាដែលមានប្រាសាទព្រះវិហារជាកន្លែងគោរពសក្ការៈ និងគោរពបូជាសំរាប់ប្រជាជនកម្ពុជា និងថាចាប់តាំងពីឆ្នាំ១៩៥៤ មក ប្រទេសថៃបានរំលោភបំពានលើធម្មនុញ្ញរបស់អ.ស.ប ដោយបានបញ្ជូនមកកាន់ផ្នែកនេះនៃដែនដីដែលស្ថិតក្រោមអធិបតេយ្យភាពរបស់កម្ពុជានូវកងកំលាំងយោធា។ ពាក្យបណ្តឹងនោះស្នើសុំឱ្យតុលាការនិយាយ និងដោះស្រាយៈ ១-ឱ្យរាជាណាចក្រថៃដកកងទ័ពរបស់ខ្លួនដែលដាក់ពង្រាយចាប់តាំងពីឆ្នាំ១៩៥៤មក ចេញពីប្រាសាទព្រះវិហារ ។ ២-អធិបតេយ្យភាពដែនដីនៅប្រាសាទព្រះវិហារជារបស់ព្រះរាជាណាចក្រកម្ពុជា។ ក្រុងឡាអេ ថ្ងៃទី៧ តុលា ១៩៥៩។ មុននេះ គណៈកម្មាធិការអចិន្ត្រៃយ៍សន្និសីទអន្តរជាតិរបស់គណបក្សនយោបាយនៅអាស៊ី (ICAPP) បានចេញសេចក្តីថ្លែងការណ៍របស់ខ្លួន កាលពីពេលកន្លងមកនេះ ដោយគាំទ្រយ៉ាងពេញទំហឹងចំពោះសេចក្តីសម្រេចរបស់គណៈកម្មាធិការបេតិកភណ្ឌពិភពលោក ក្នុងការចុះប្រាសាទព្រះវិហារចូលក្នុងបញ្ជីបេតិកភណ្ឌពិភពលោក និងបានសំដែងការពេញចិត្តផងដែរ ជាមួយសេចក្តីសម្រេចរបស់តុលាការយុត្តិធម៌អន្តរជាតិទីក្រុងឡាអេ កាលពីថ្ងៃទី១៥ មិថុនា ឆ្នាំ១៩៦២ ដែលសម្រេចថា «ប្រាសាទព្រះវិហារ គឺស្ថិតនៅក្នុងទឹកដីក្រោមអធិបតេយ្យរបស់ព្រះរាជាណាចក្រកម្ពុជា មិនអាចប្រកែកបាន ហើយថែមទាំងបានធ្វើការអំពាវនាវផងដែរដល់សហគមន៍អន្តរជាតិសម្រាប់ជំនួយបន្ទាន់ដើម្បីយកមកធ្វើការជួសជុលឡើងវិញអភិរក្ស និងការការពារប្រាសាទ»។ ការរំលឹកឡើងវិញនូវខ្លឹមសារនៃសេចក្តីថ្លែង ការណ៍របស់គណៈកម្មាធិការអចិន្ត្រៃយ៍នៃសន្និ សីទអន្តរជាតិសម្រាប់គណបក្សនយោបាយនៅ អាស៊ី (ICAPP) ក្នុងអំឡុងពេលធ្វើទស្សនកិច្ច នៅតំបន់អង្គរនិងប្រាសាទព្រះវិហារដែលជា តំបន់បេតិកភណ្ឌពិភពលោករបស់កម្ពុជាកាលពី ថ្ងៃទី៤-៥ ធ្នូ ឆ្នាំ២០១០ ក៏ជាការចង់បង្ហាញប្រាប់ដល់សាធារណៈមតិជាតិ និងអន្តរជាតិឲ្យបានដឹងច្បាស់ពីការទទួលស្គាល់ពីមេដឹកនាំគណបក្សនយោបាយនៅតំបន់អាស៊ីចំនួនប្រមាណ៨៩គណបក្ស និងអង្គការអន្តរជាតិចំនួន១០ ដែលបានវាយតម្លៃថា កម្ពុជាជាគំរូនៃនយោបាយសន្តិភាពនៅក្នុងតំបន់ និងពិភពលោក បន្ថែមពីលើភាពស្របច្បាប់ជាតម្លៃនីត្យានុកូលភាពដ៏រឹងមាំរបស់កម្ពុជាដែលទទួលស្គាល់ជាលក្ខណៈអន្តរជាតិ តបទៅនឹងការប្រកាសផ្លូវការរបស់ថ្នាក់ដឹកនាំនៃរដ្ឋាភិបាលថៃដែលចិញ្ចឹមចិត្តឈ្លានពានទឹកដីកម្ពុជា។ លោកនាយករដ្ឋមន្ត្រីថៃអាប់ភីស៊ីត វីចាជីវ៉ា កាលពីថ្ងៃទី២៧ មករា ឆ្នាំ២០១១ បានចេញមកអះអាងថា «កម្ពុជាគ្មានសិទ្ធិដោតទង់ជាតិរបស់ខ្លួននៅតំបន់ព្រំដែនមានជម្លោះជាប់នឹងប្រាសាទព្រះវិហារបានឡើយ» និងនៅថ្ងៃទី៣១ មករាឆ្នាំ២០១១ ក្រសួងការបរទេសថៃបានចេញសេចក្តីថ្លែងការណ៍របស់ខ្លួនមាន៤ចំណុចដែលក្នុងនោះរួមមាន៖ ទោះជាយាងណាក៏ដោយ ការចេញមកទាមទារដោយរំលោភលើដែនអធិបតេយ្យកម្ពុជា ដោយគ្មានមូលដ្ឋានច្បាប់របស់ថ្នាក់ដឹកនាំថៃ ក៏ដូចជាការអះអាងពីអធិបតេយ្យរបស់ខ្លួនលើវត្តកែវសិក្ខាគិរីស្វារៈ និងការមិនទទួលស្គាល់ផែនទីខ្នាត១/២០០.០០០ គឺបានបង្ហាញយ៉ាងជាក់ច្បាស់ថា រដ្ឋាភិបាលអាប់ភីស៊ីត បាននិងកំពុងដើរផ្ទុយទៅនឹងគោលការណ៍នៃការចង់បានសន្តិភាពនៅក្នុងតំបន់សម្រាប់ប្រជាជនទាំងពីរកម្ពុជា-ថៃ និងម៉្យាងទៀត ការព្រមានប្រកាសសង្គ្រាមដោយប្រើប្រាស់កម្លាំងទ័ពមកគាបសង្កត់លើប្រទេសកម្ពុជាដែលមានអធិបតេយ្យ បូរណភាពទឹកដីត្រឹមត្រូវ គឺជាការបង្ហាញនូវចេតនាច្បាស់លាស់នៃការចង់បន្តជម្លោះជាមួយកម្ពុជា បំផ្លាញនូវភាពសុខសាន្តរបស់ប្រជាពលរដ្ឋទាំងពីរ និងបានដើរផ្ទុយទាំងស្រុងទៅនឹងសេចក្តីថ្លែងការណ៍ទីក្រុងភ្នំពេញថ្ងៃទី២-៣ ខែធ្នូ ឆ្នាំ២០១០ របស់ថ្នាក់ដឹកនាំគណបក្សនយោបាយនៅជុំវិញតំបន់អាស៊ី ដែលបានអំពាវនាវឲ្យមានការថែរក្សានូវបេតិកភណ្ឌអាស៊ីទាំងមូល ។ ទង្វើទុច្ចរិតរបស់រដ្ឋាភិបាលអាប់ភីស៊ីត បានបង្ហាញពីការប្រើល្បិចកលដ៏អាក្រក់ជាទីបំផុតក្នុងការបំពុលបរិយាកាសប្រកបដោយគ្រោះថ្នាក់ដល់ប្រទេសជាតិទាំងពីរ និងនៅក្នុងតំបន់អាស៊ីអាគ្នេយ៍ ។ ការពិត នាយករដ្ឋមន្ត្រីអាប់ភីស៊ីត និងរដ្ឋមន្ត្រីការបរទេសកាស៊ីត ភិរម្យ ពុំមានអ្វីជាទឡ្ហីករណ៍ដុំកំភួនណាមួយស្របច្បាប់សម្រាប់ការពារមហិច្ឆតាឈ្លានពានទឹកដីកម្ពុជានោះឡើយ ផ្ទុយទៅវិញសកម្មភាពឈ្លានពានរបស់ថៃមកលើទឹកដីកម្ពុជា បានស្តែងចេញតាមរយៈការបង្កើតឱ្យមានឡើងនូវផែនទីចោរ លួចគូរជាឯកតោភាគី ដោយសម្ងាត់ គ្មានការទទួលស្គាល់ពីអន្តរជាតិ ។ ដូចនេះ ការលើកឡើងពីតំបន់ជិតប្រាសាទព្រះវិហារ និងតំបន់នៅតាមព្រំដែនជាប់នឹងកម្ពុជាថា ជា «ដីត្រួតស៊ីគ្នា៤,៦គីឡូម៉ែត្រក្រឡានោះ គ្រាន់តែជាលេសនៅក្នុងមហិច្ឆតាឈ្លានពានទឹកដីកម្ពុជា ជាពិសេសចង់បង្វែរពីសភាពការណ៍តានតឹងនៃវិបត្តិផ្ទៃក្នុងរបស់ខ្លួន យោងតាមប្រកាសរបស់ក្រសួងការបរទេស និងសហប្រតិបត្តិការអន្តរជាតិកម្ពុជា ចុះថ្ងៃទី២៨ មករា ឆ្នាំ២០១១ បានបញ្ជាក់ជាថ្មីថា «វត្តកែវសិក្ខាគិរីស្វារៈ គឺបានកសាងឡើងដោយប្រជាជនកម្ពុជាក្នុងឆ្នាំ១៩៩៨ គឺច្បាស់ណាស់ថា វត្តនោះពិតជាស្ថិតនៅក្នុងទឹកដីកម្ពុជា ។ ម៉្យាងទៀត តំបន់ប្រាសាទព្រះវិហារ ជាពិសេសវត្តកែវសិក្ខាគីរីស្វារៈ ត្រូវបានការពារតាមផ្លូវច្បាប់ដ៏រឹងមាំ និងការគ្រប់គ្រងជាក់ស្តែងដោយកម្ពុជា (De facto et De jure) ដូច្នេះទង់ជាតិរបស់ ព្រះរាជាណាចក្រកម្ពុជា ដែលកំពុងបង្ហោះនៅលើវត្តគឺមានលក្ខណៈស្របច្បាប់» ហើយទង់ជាតិនេះក៏ជាតំណាងឲ្យអត្តសញ្ញាណនៃឯកភាពជាតិខ្មែរទាំងមូល ដូចមានកំណត់នៅក្នុងឧបសម្ព័ន្ធទី១នៃមាត្រា៦ ក្នុងរដ្ឋធម្មនុញ្ញរបស់កម្ពុជាផងដែរ។ ដូច្នេះការព្រមានប្រកាសសង្គ្រាមរបស់លោកអាប់ភីស៊ីតដោយបង្ហាញកម្លាំងយោធាមកលើកម្ពុជាតាមរយៈការតម្រូវឲ្យកម្ពុជាដកទង់ជាតិរបស់ខ្លួនចេញពីវត្តកែវសិក្ខាគិរីស្វារៈដែលថៃអះអាងថា ជាទឹកដីរបស់ខ្លួន គឺមានតម្លៃស្មើនឹងការប្រមាថយ៉ាងធ្ងន់ធ្ងរមកលើជាតិខ្មែរ ហើយនេះគឺជាមហិច្ឆតាចង់ពង្រីកទឹកដីតាមរបៀបហ៊ីទ្លែរនិយមដែលក្នុងសម័យសកលភាវូបនីយកម្មទីផ្សារសេរីមិនអនុញ្ញាតឲ្យប្រព្រឹត្តបែបនោះបានឡើយ។ ដូច្នេះ ដោយយោងទៅលើមាត្រា៥២,៥៣ នៃរដ្ឋធម្មនុញ្ញកម្ពុជា រាជរដ្ឋាភិបាលកម្ពុជាមាន កាតព្វកិច្ច និងប្រកាន់ជំហរដាច់ខាតក្នុងការប្តេជ្ញា រក្សាការពារឯករាជ្យ អធិបតេយ្យ បូរណភាព ទឹកដី និងសូមរក្សាទុកនូវសិទ្ធិកាន់អាវុធតស៊ូ ប្រឆាំងនឹងការរំលោភឈ្លានពានមកពីក្រៅ ដើម្បីការពារមាតុភូមិរបស់ខ្លួន ៕  |
| Posted: 13 Feb 2011 06:11 PM PST ក្រុងប៉ោយប៉ែត ៖ ចាប់តាំងពីវេលាម៉ោង៤រសៀលថ្ងៃទី១៣ កុម្ភៈ ២០១១ គេសង្កេតឃើញច្រកទ្វារអន្តរជាតិប៉ោយប៉ែត ប្រជាពលរដ្ឋ អាជីវករខ្មែរ ពលករខ្មែរសំរុកចូលមកក្នុងប្រទេសភូមិកំណើតរបស់ខ្លួនវិញ ហាក់ដូចជាខុសប្រក្រតី ដែលមើលទៅឃើញច្រើនជាងធម្មតា និងមានកាន់អីវ៉ាន់រយីងរយោងហាក់ដូចជារូតរះទៀតផង ។ យោងតាមអ្នកឆ្លើយឆ្លងព័ត៌របស់កោះសន្តិភាពប្រចាំនៅក្រុងប៉ោយប៉ែត បានឱ្យដឹងថា ជាការពិតណាស់ គឺប្រជាពលរដ្ឋខ្មែរ អាជីវករ ពលករ បានសំរុកវិលត្រឡប់ចូលមកក្នុងប្រទេសកម្ពុជាវិញយ៉ាងប្រញិបប្រញាប់បំផុត ដើម្បីជួបជុំក្រុមគ្រួសារដោយពួកគេលើកឡើងថា យ៉ាងម៉េចយ៉ាងម៉ាគឺឱ្យវាស្ថិតក្នុងប្រទេសខ្លួនឯងទៅចុះ ។ ខេត្តកោះកុង តាមច្រកទ្វារអន្តរជាតិចាំយៀម-ហាតលិក និងតាមផ្លូវទឹក ក៏មានប្រជាពលរដ្ឋខ្មែរ ពលករ អាជីវករខ្មែរ សំរុកចូលមកកាន់ស្រុកទេសវិញ ច្រើនជាងថ្ងៃផ្សេងៗដែរ...ចំណែកនៅតាមខ្សែបន្ទាត់ព្រំដែនខេត្តបាត់ដំបងឯណោះវិញ ដូចជាស្រុកសំពៅលូន និងស្រុកភ្នំព្រឹក ប្រជាពលរដ្ឋដែលប្រើប្រាស់ចរន្តអគ្គីសនីរបស់សៀមក៏ត្រូវបានកាត់ផ្តាច់ភ្លើងផងដែរ ប៉ុន្តែតាមប្រភពព័ត៌មានពីមន្ត្រីទំនាក់ទំនងតាមព្រំដែនរបស់ថៃ បានឱ្យដឹងថា ការផ្តាច់ចរន្តអគ្គិសនីនេះ មិនមែនអ្នកណាផ្តាច់នោះទេ គឺដោយសារតែវាដាច់ខ្សែភ្លើង បណ្តាលមកពីភ្លៀង-ខ្យល់ខ្លាំងពេកនៅក្នុងទឹកដីថៃជាប់ព្រំដែនកម្ពុជា...។ មន្ត្រីអាជ្ញាធរមូលដ្ឋានកម្ពុជាបានឱ្យដឹងថា ដោយឡែកស្រុកកំរៀងមិនដាច់ភ្លើងទេ...ឯការភ័យខ្លាចរបស់ប្រជាពលរដ្ឋពីការផ្ទះអាវុធ ឬសង្គ្រាមនោះ វាគឺជាការគិតរបស់ពួកគាត់ រហូតមានអ្នកខ្លះជីកត្រង់សេក្បែរផ្ទះទៀតផង ។ តាមការសំភាសន៍របស់អ្នកយកព័ត៌មានកោះសន្តិភាពបានឱ្យដឹងថា ប្រជាពលរដ្ឋខ្លះ គាត់បារម្ភថា ការប្រជុំនៅក្រុមប្រឹក្សាសន្តិសុខអង្គការសហប្រជាជាតិនៅថ្ងៃទី១៤ កុម្ភៈ ២០១១ នេះសៀមបង្កបញ្ហានាំឱ្យស្ថានការណ៍យោធាក្តៅគគុក ឬផ្ទុះសង្គ្រាមតទៅទៀត ៕  |
| បើកលឿនដូចគ្នាបុកបន្តបន្ទាប់ពេញទំហឹងស្លាប់១ របួសធ្ងន់ រថយន្តដាច់កង់ Posted: 13 Feb 2011 05:21 PM PST រាជធានីភ្នំពេញ ៖ រថយន្តម៉ាកតូយ៉ូតា ប្រភេទ១បាំងកន្លះបានបើកបុកគ្នាពេញទំហឹងជាមួយរថយន្តស៊ីទែនសាំង បណ្តាលឱ្យអ្នកជិះអែបអ្នកបើកបររថយន្តម៉ាកតូយ៉ូតាម្នាក់ ស្លាប់បាត់បង់ជីវិតដោយកៀបជាប់ខាងមុខខ្លាំងក្លាបំផុត កាលពីវេលាម៉ោង១២និង៣០នាទីរំលងអធ្រាត្រចូលថ្ងៃទី១៤ កុម្ភៈ ២០១១ លើកំណាត់ផ្លូវជាតិលេខ៤ ស្ថិតក្នុងភូមិអូដឹម សង្កាត់ចោមចៅ ខណ្ឌដង្កោ ។ រថយន្តតូយ៉ូតា ពណ៌ស ពាក់ស្លាកលេខ ក-៨៣៦៩ ភព២ ចង្កូតស្តាំ បើកបរដោយឈ្មោះផាត សុខា អាយុ៣៩ឆ្នាំ រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យមួយកន្លែង ចំណែកអ្នករួមដំណើរ (ជិះអែប) បានស្លាប់បាត់បង់ជីវិតភ្លាមៗ ដោយសារតែរថយន្តក្រពឹតរួញខ្ទេចខាងមុខកៀបជាប់យ៉ាងខ្លាំងក្លា ។ រថយន្តស៊ីទែនសាំងម៉ាកតាតា ពណ៌ស ពាក់ស្លាកលេខ ក-៤៤៧៧ ភព៣ ក្រពឹតខាងមុខគួរសម ដាច់កងម្ខាង អ្នកបើកបររត់គេចខ្លួនបាត់ បន្ទាប់ពីកើតហេតុបន្សល់ទុករថយន្តក្រពឹតរួញ ទាំងសងខាង មើលទៅគួរឱ្យរន្ធត់ពេកណាស់ ។ អ្វីដែលគួរឱ្យហួសចិត្តថែមទៀតនោះ គឺស្របពេលកំពុងជួបគ្រោះថ្នាក់ចរាចរបែបនេះ គេឃើញរថយន្តរបស់ក្រុមហ៊ុន AZ បានបើកបរមកជួយធ្វើអន្តរាគមន៍ ដោយចតរថយន្តដាក់បាំងកន្លែងគ្រោះថ្នាក់ចរាចរនោះ និងមានបើកភ្លើងបំភ្លឺភ្លឹបភ្លែតៗជាសញ្ញាអាសន្នរង់ចាំប៉ូលិសមកដល់...ស្រាប់តែបន្តិចនោះក៏មានរថយន្តមួយគ្រឿងទៀត មកបុករថយន្តរបស់ក្រុមហ៊ុន AZ បណ្តាលឱ្យខូចខាតជាបន្តទៀត ត្រូវបានប៉ូលិសនាំយកទៅធ្វើការដោះស្រាយនៅការិយាល័យប៉ូលិសចរាចររាជធានីភ្នំពេញទាំងអស់គ្នា ៕  |
| ចាប់ខ្លួនបុរសអាមេរិកជួលផ្ទះស្នាក់នៅទិញពេស្យាចារកុមារ Posted: 13 Feb 2011 04:27 PM PST   ខេត្តព្រះសីហនុ ៖ បុរសជនជាតិអាមេរិកម្នាក់ឈ្មោះ MARDY ROBERT JESSUP JR អាយុ៤៩ឆ្នាំ បច្ចុប្បន្នស្នាក់នៅផ្ទះជួលក្នុងក្រុមទី១៤ ភូមិ៣ សង្កាត់លេខ៣ ក្រុងព្រះសីហនុ ចូលមកកម្ពុជាក្នុងនាមជាអ្នកទេសចរ មានទិដ្ឋាការចុះថ្ងៃទី១៩ មករា ឆ្នាំ២០១១ ផុតកំណត់ថ្ងៃទី១០ មីនា ឆ្នាំ២០១១ ត្រូវស្ថានទូតអាមេរិកប្រចាំនៅកម្ពុជា និង FBI សហរដ្ឋអាមេរិក សហការជាមួយលោកប៊ូ ប៊ុនហាង ព្រះរាជអាជ្ញាអមសាលាដំបូងខេត្តព្រះសីហនុ រួមជាមួយសមត្ថកិច្ចប៉ូលិសនៃការិយាល័យប្រឆាំងការជួញដូរ និងការពារអនីតិជនរបស់ស្នងការដ្ឋានខេត្ត ឃាត់ខ្លួនកាលពីថ្ងៃទី១២ កុម្ភៈ វេលាម៉ោង១០និង៣០នាទីព្រឹក នៅក្នុងផ្ទះជួល ពីបទទិញពេស្យាចារកុមារ។ ជនរងគ្រោះមានក្មេងប្រុសអាយុ១១ឆ្នាំ និង១៥ឆ្នាំ ជាអ្នកលក់ខ្សែ.ក ខ្សែដៃជាវត្ថុអនុស្សាវរីយ៍តាមឆ្នេរសមុទ្រ ព្រមទាំងនារីម្នាក់អាយុ២៨ឆ្នាំ ក៏ត្រូវបានទិញទៅបំរើផ្លូវភេទដែរ។ ពេលឃាត់ខ្លួនជនជាតិអាមេរិកនោះ សមត្ថកិច្ចឆែកឆេររកឃើញវត្ថុតាងមួយចំនួនរួមមាន កុំព្យូទ័រ Laptop ១គ្រឿង, Mouse១, USB Flas ២, កញ្ឆាក្រៀម២កញ្ចប់តូច, ទឹករំអិល KY ២ដប, កាំបិតចុច១, ក្រដាសមូរបារី ១ប្រអប់តូច, លិខិតឆ្លងដែនចាស់១ក្បាល និង Speaker ១គូ។ ជនជាតិអាមេរិកនោះត្រូវបានចោទពីបទទិញពេស្យាចារកុមារ និងប្រើប្រាស់គ្រឿងញៀន ហើយសមត្ថកិច្ចបានជូនដំណឹងដល់ស្ថានទូត ដែលមានស្នាក់ការនៅភ្នំពេញ និង FBI រហូតឈានទៅដល់ការចាប់ខ្លួនតែម្តង។ ជនជាតិអាមេរិកម្នាក់នោះនឹងត្រូវស្ថានទូតអាមេរិកប្រចាំនៅកម្ពុជា និង FBI បញ្ជូនខ្លួនទៅកាត់ទោសនៅសហរដ្ឋអាមេរិក ប៉ុន្តែបច្ចុប្បន្នស្ថានទូត និង FBI ផ្ញើទុកបណ្តោះអាសន្ននៅពន្ធនាគារខេត្តព្រះសីហនុ រង់ចាំការបញ្ជូនខ្លួន។  |
| មិនមែនជាសង្គ្រាមតែប៉ុណ្ណោះទេតែជាសង្គ្រាមបំផ្លាញប្រាសាទព្រះវិហារ Posted: 13 Feb 2011 04:08 PM PST មួយសប្ដាហ៍បន្ទាប់ពីការប្រយុទ្ធគ្នាយ៉ាងធ្ងន់ធ្ងរផ្ទុះឡើងក្នុងរយៈពេល៤ថ្ងៃពីថ្ងៃទី៤ ដល់ ថ្ងៃទី៧ កុម្ភៈ ឆ្នាំ២០១១ រវាងកងទ័ពកម្ពុជា និងកងទ័ពថៃ ដែលអាប់ភីស៊ីត វេចាជីវ៉ា ត្រូវបានគេស្គាល់ជាទូទៅថា ជាអ្នកមេគំនិតបានបញ្ជាឱ្យមានការធ្វើសមយុទ្ធយោធាមួយនៅព្រំដែនក្បែរប្រាសាទព្រះវិហារ ។ រយៈពេលពីរបីថ្ងៃក្រោយមក អាប់ភីស៊ីតបានទាមទារឱ្យកម្ពុជាដកទង់ជាតិចេញពីវត្ដកែវសិក្ខាគីរីស្វារៈ និងរើវត្ដចេញ ។ វាច្បាស់ណាស់ថា អាប់ភីស៊ីត ពិតជាបានរៀបចំផែនការធ្វើសង្គ្រាមយ៉ាងល្អប្រឆាំងនឹងកម្ពុជា ក្នុងគោលបំណងកាន់កាប់តំបន់ជុំវិញប្រាសាទព្រះវិហារ ឬបំផ្លាញប្រាសាទឱ្យបានឆាប់កាន់តែល្អមុនសម័យប្រជុំនៃគណៈកម្មាធិការបេតិកភណ្ឌពិភពលោកលើកទី៣៥ ដែលនឹងធ្វើនៅខែមិថុនា ឆ្នាំ២០១១ នៅប្រទេសបារេន។ សង្គ្រាមពិតប្រាកដបានចាប់ផ្ដើមផ្ទុះនៅពេលដែលកងទ័ពថៃសំរុកចូលទៅក្នុងតំបន់ដែលកាន់កាប់តាមច្បាប់ និងជាក់ស្ដែងរបស់កម្ពុជា។ កងទ័ពថៃបានបាញ់គ្រាប់កាំភ្លើងផ្លោង និងគ្រាប់ចង្កោមដាក់ប្រាសាទព្រះវិហារ និងដាក់តំបន់ដទៃទៀតក្បែរប្រាសាទព្រះវិហារដែលបានបណ្ដាលឱ្យមានការខូចខាតយ៉ាងដំណំ។ វាមិនមានសារសំខាន់អ្វីឡើយដែលត្រូវលើកឡើងថា តើអ្នកណាបាញ់មុន អ្នកណាបាញ់ក្រោយ ប៉ុន្ដែសំខាន់បំផុតទាក់ទងទៅនឹងការផ្ទុះអាវុធនេះគឺថា តើអ្នកណាបង្កើតឱ្យមានបុព្វហេតុនាំឱ្យមានសង្គ្រាមផ្ទុះឡើងរវាងកងទ័ព កម្ពុជា និងកងទ័ពថៃនោះ? តើហេតុអ្វីកងទ័ពថៃបានបាញ់កាំភ្លើងធុនធ្ងន់គ្រប់ប្រភេទដាក់ប្រាសាទនៅពេលដែលកងទ័ពថៃបានយល់ដឹងច្បាស់ថា ប្រាសាទព្រះវិហារជារមណីយដ្ឋានបេតិកភណ្ឌពិភពលោកដែលត្រូវទទួលបាននូវកិច្ចការពារ និងការអភិរក្សដែលត្រូវបានធានាដោយអនុសញ្ញាឡាអេឆ្នាំ១៩៥៤? មជ្ឈដ្ឋានជាតិ និងអន្ដរជាតិបានយល់ដឹងយ៉ាងច្បាស់ថា មានបុព្វហេតុខ្លះៗដែលបណ្ដាលមកពីប្រទេសថៃទី១ ប្រើប្រាស់ផែនទីសម្ងាត់ ឯកតោភាគី និងជាផែនទីដែលអន្ដរជាតិមិនបានទទួលស្គាល់ ដើម្បីយកមកអះអាងទាមទារ តំបន់ក្បែរប្រាសាទដែលបានរំលោភទាំងស្រុងទៅនឹងសាលដីកាតុលាការយុត្ដិធម៌អន្ដរជាតិក្រុងឡាអេឆ្នាំ១៩៦២ ។ ទីពីរ អាប់ភីស៊ីតបានបញ្ជាឱ្យមានសមយុទ្ធយោធាមួយនៅក្បែរព្រំដែនដោយមិនបានជូនដំណឹងដល់ប្រទេសកម្ពុជាមុនឡើយ ដែលជាបំណងចង់កាន់កាប់តំបន់ដូចដែលបានរៀបរាប់ខាងលើ ឬបំផ្លាញប្រាសាទនោះឱ្យបានឆាប់កាន់តែល្អបន្ទាប់ពីចលនាអាវលឿងដាក់សម្ពាធលើអាប់ភីស៊ីត ។ ក្នុងឆ្នាំ២០០៨បក្សប្រជាធិបតេយ្យនៅជាបក្សប្រឆាំងក្នុងពេលនោះ អាប់ភីស៊ីតបានញុះ ញង់ឱ្យចលនាអាវលឿងប្រឆាំងទៅនឹងការដាក់ប្រាសាទព្រះវិហារចូលក្នុងបញ្ជីបេតិកភណ្ឌពិភពលោកដែលធ្វើឱ្យមានការឈ្លានពានរបស់ថៃមកលើទឹកដីកម្ពុជាក្នុងតំបន់ក្បែរប្រាសាទកាលពីថ្ងៃទី១៥ កក្កដា ឆ្នាំ២០០៨។ ដោយមានការគាំទ្រពេញទំហឹងពីចលនាអាវលឿងអាប់ភីស៊ីតបានសន្យាយកប្រាសាទព្រះវិហារត្រឡប់មកវិញជូនប្រទេសថៃ ។ តែក្រោយមក អាប់ភីស៊ីតបានបរាជ័យយ៉ាងធ្ងន់ធ្ងរក្នុងការរារាំងផែនការគ្រប់គ្រង បរាជ័យក្នុងការទប់ស្កាត់ការចុះបញ្ជីប្រាសាទ ព្រះវិហារ និងបរាជ័យក្នុងការទាមទារឱ្យមានការចុះបញ្ជីប្រាសាទរួមគ្នាក្នុងអំឡុងសម័យប្រជុំរបស់កណៈកម្មាធិការបេតិកភណ្ឌលើកទី៣៤ នាទីក្រុងប្រេហ្ស៊ីលីយ៉ានៃប្រទេសប្រេហ្ស៊ីលកាលពីឆ្នាំ២០១០កន្លងទៅ។ មកដល់ពេលនេះ អាប់ភីស៊ីត និងកាស៊ីត កំពុងយកកម្ពុជាធ្វើជាចំណាប់ខ្មាំងក្នុងជម្លោះនយោបាយផ្ទៃក្នុងរបស់ថៃ ដើម្បីបង្វែរការយកចិត្ដទុកដាក់ពីក្រុងបាងកកមកក្រុងភ្នំពេញវិញ ពិសេសដើម្បីជំរុញឱ្យបក្សប្រជាធិបតេយ្យឈ្នះឆ្នោតនៅក្នុងការបោះឆ្នោតខាងមុខនេះ ។ បុព្វហេតុពិតប្រាកដនៃជម្លោះនេះជាក់ស្ដែងបានកើតចេញពីការដែលប្រទេសថៃបានប្រើប្រាស់ផែនទីសម្ងាត់ឯកតោភាគីដែលអន្ដរជាតិមិនបានទទួលស្គាល់ ។ រហូតមកដល់ពេលនេះ តាមដែលយើងបានដឹងនោះផែនទីនោះទទួលស្គាល់ដោយថៃតែម្នាក់ឯងប៉ុណ្ណោះ ក្នុងបំណងបន្ដទាមទារយកតំបន់ក្បែរប្រាសាទ។ ក្នុងឆ្នាំ១៩៦២ តុលាការយុត្ដិធម៌អន្ដរជាតិក្រុងឡាអេបានប្រើប្រាស់ផែនទីឧបសម្ព័ន្ធ១ជាមូលដ្ឋាន ដើម្បីសម្រេចថា ប្រាសាទព្រះវិហារ និងតំបន់ជុំវិញប្រាសាទស្ថិតនៅក្នុងទឹកដីក្រោមអធិបតេយ្យរបស់កម្ពុជា ។ នៅក្នុងហេតុផលនៃការសម្រេចរបស់ខ្លួនតុលាការយុត្ដិធម៌អន្ដរជាតិ បានបង្ហាញយ៉ាងច្បាស់លាស់បំផុតនូវនីត្យានុកូលភាពនៃខ្សែបន្ទាត់ព្រំដែនដែលត្រូវបានគូសលើផែនទីឧបសម្ព័ន្ធ១ដោយគណៈកម្មាធិការចំរុះបារាំង និងសៀម ហើយដែលភាគីទាំងពីរបានព្រមព្រៀងទទួលយកនៅក្នុងឆ្នាំ១៩០៨។ ដូច្នេះ មិនមានការសង្ស័យឡើយដែលវត្ដកែវសិក្ខាគីរីស្វារៈស្ថិតនៅក្នុងចម្ងាយ៣០០ម៉ែត្រពីប្រាសាទ និង៧០០ម៉ែត្រស្ថិតនៅជ្រៅក្នុងទឹកដីរបស់កម្ពុជា ។ អាជ្ញាធរថៃមិនដែលបានធ្វើការជំទាស់ទៅនឹងការសាងសង់វត្ដនោះក្នុងឆ្នាំ១៩៩៨ ព្រមជាមួយគ្នានឹងផ្សារមួយ បន្ទាប់ពីប្រទេសកម្ពុជាបានទទួលនូវសុខសន្ដិភាព និងស្ថិរភាពនយោបាយនៅទូទាំងប្រទេសក្នុងប្រវត្ដិសាស្ដ្ររបស់ ខ្លួន ។ ក្នុងន័យនេះ រដ្ឋាភិបាលថៃមិនអាចនិយាយបានថា ពួកគេមិនបានដឹងអំពីការសាងសង់វត្ដនោះតាំងពីឆ្នាំ១៩៩៨ឡើយ ។ ចំពោះអត្ដភាពនៃវត្ដនេះក្នុងឆ្នាំ២០០៨ អភិបាលខេត្ដស៊ីសាកេតថៃបានទទួលស្គាល់ថា វត្ដកែវសិក្ខា គីរីស្វារៈត្រូវបានសាងសង់ក្នុងឆ្នាំ១៩៩៨ ។ វាច្បាស់ណាស់ថា នីត្យានុកូលភាពនៃវត្ដនេះមិនត្រូវបានអាជ្ញាធរថៃជំទាស់តវ៉ាឡើយរហូតដល់ពេលប្រទេសកម្ពុជាបានស្នើដាក់ប្រាសាទព្រះវិហារចូលក្នុងបញ្ជីបេតិកភណ្ឌពិភពលោកនៅ ទីក្រុងក្រៃឆឺចប្រទេសណូវែលហ្សឺឡង់ក្នុងឆ្នាំ ២០០៧ ហើយចុងក្រោយត្រូវបានចុះបញ្ជីជាផ្លូវការនៅទីក្រុងកេបិច ប្រទេសកាណាដាក្នុងឆ្នាំ ២០០៨។ នៅក្នុងឆ្នាំ២០០០ប្រទេសកម្ពុជា និងថៃបានចុះហត្ថលេខាលើអនុស្សរណៈនៃការយោគយល់គ្នាមួយស្ដីពីការវាស់វែង និងខណ្ឌសីមាព្រំដែនគោកដែលទាំងវត្ដ និងផ្សារមិនត្រូវបានរដ្ឋាភិបាលថៃលើកឡើង ឬជំទាស់តវ៉ាឡើយ។ យោងតាមមាត្រា១ (គ) នៃអនុស្សរណៈនៃការយោគយល់គ្នាភាគីទាំងពីរបានឯកភាពគ្នាប្រើប្រាស់ផែនទីរបស់គណៈកម្មការបារាំង-សៀម ដែលត្រូវបានង្កើតឡើងដោយអនុសញាឆ្នាំ១៩០៤ និងសន្ធិសញ្ញាឆ្នាំ១៩០៧ ដែលក្នុងនោះសំដៅដល់ផែនទីឧបសម្ព័ន្ធ១ដែលត្រូវបានតុលាការយុត្ដិធម៌អន្ដរជាតិប្រើប្រាស់ក្នុងសាលដីការបស់ខ្លួនក្នុងឆ្នាំ១៩៦២ ត្រូវបានរាប់បញ្ជូលសំរាប់ធ្វើការវាស់វែង និងខណ្ឌសីមាព្រំដែនគោរវាងប្រទេសទាំងពីរ ។ ពេលនេះការជឿទុកចិត្ដរបស់ថៃក្នុងទំនាក់ទំនងអន្ដរជាតិរបស់ខ្លួនជាមួយប្រទេសកម្ពុជា កំពុងត្រូវបានសហគមន៍អន្ដរជាតិឃ្លាំមើលយ៉ាងយកចិត្ដទុកដាក់ ហើយដែលសហគមន៍អន្ដរជាតិបានមើលឃើញថា ថៃជាប្រទេសគំរាមកំហែងកម្ពុជាដែលជាប្រទេសសមាជិកតូចមួយរបស់សមាគមប្រជាជាតិអាស៊ីអាគ្នេយ៍។ ដោយសារតែអំពើឈ្លានពានរបស់កងទ័ពថៃមកលើកម្ពុជា ប្រទេសថៃកំពុងប្រឈមមុខយ៉ាងអាក្រ់ទៅនឹងការបាក់មុខ បាត់សេចក្ដីថ្លៃថ្នូរលើឆាកអន្ដរជាតិដោយសារតែមហិច្ឆតាចិញ្ចឹមចិត្ដទាមទារយកតំបន់ក្បែរប្រាសាទរំលោភទៅនឹងច្បាប់អន្ដរជាតិ ។ ក្នុងទង្វើដ៏អាក្រ់របស់ថៃបែបនេះ ប្រទេសថៃកំពុងក្លាយទៅជាអ្នកគំរាមកំហែងដ៏ធំមួយ ជាអ្នកលេងកោងកាចអន្ដរជាតិដែលកំពុងរំលោភច្បាប់អន្ដរជាតិ ហើយតាំងខ្លួនដូចជាអ៊ីទ្លែរជាឧក្រិដ្ឋជនអន្ដរជាតិ និងជាជនអនាធិបតេយ្យបំផ្លាញរបៀបរបប និងសណ្ដាប់ពិភពលោកដែលត្រូវបានចារឹកក្នុងធម្មនុញ្ញសហប្រជាជាតិ។ មជ្ឈដ្ឋានជាតិ និងអន្ដរជាតិ អាប់ភីស៊ីតមិនអាចបង្កើតជាលេសថា ខ្លួនរក្សាសិទ្ធិស្វ័យការពារបានឡើយនៅពេលដែលប្រាសាទព្រះវិហារត្រូវបានទទួលការខូចខាតយ៉ាងដំណំដោយការបាញ់កាំភ្លើងធំរបស់កងទ័ពថៃដោយផ្ទាល់។ អាប់ភីស៊ីតបានយល់ដឹងយ៉ាងច្បាស់ថា ប្រាសាទព្រះវិហារមិនមែនជាមូលដ្ឋានកងទ័ពឡើយ។ ផ្ទុយទៅវិញប្រាសាទព្រះវិហារគឺជាទីកន្លែងសំរាប់គោរពបូជា និងទេសចរណ៍ ។ នៅគ្រប់ពេលមានតែកងកំលាំងនគរបាលមួយចំនួនតូចដែលកាន់អាវុធស្រាលៗ ដើម្បីការពារសុវត្ថិភាពដល់អ្នកទេសចរនៅប្រាសាទប៉ុណ្ណោះ ។ ទោះបីជាយ៉ាងណាក៏ដោយ ក៏អាប់ភីស៊ីតមិនអាចលើកឡើងនូវទឡ្ហីករណ៍ចំពោះការបាញ់របស់ថៃមកលើប្រាសាទព្រះវិហារនៅពេលដែលប្រាសាទជាសម្បត្ដិបេតិកភណ្ឌពិភពលោកដែលត្រូវតែទទួលបាននូវកិច្ចការពារ និងការអភិរក្សក្នុងពេលមានជម្លោះប្រដាប់អាវុធ ដូចបានធានាក្នុងអនុសញ្ញាឡាអេឆ្នាំ១៩៥៤ ដែលភាគីហត្ថលេខីទាំងអស់បានប្ដេជ្ញាចាត់រាល់វិធានការទាំងអស់ដែលអាចធ្វើទៅបានដើម្បីរក្សាការពារសម្បត្ដិបេតិកភណ្ឌវប្បធម៌។ របាយការការណ៍របស់មជ្ឈមណ្ឌលកំចាត់មីនកម្ពុជាបានបង្ហាញថា កងទ័ពថៃបានបាញ់គ្រាប់កាំភ្លើងចង្កោមដាក់ប្រាសាទព្រះវិហារ ដែលគ្រាប់កាំភ្លើងចង្កោមខ្លះបានផ្ទុះលើប្រាសាទ ហើយគ្រាប់ចងោ្កមខ្លះទៀតមិនទាន់ផ្ទុះនៅឡើយ ប៉ុន្ដែគ្រាប់ចង្កោមដែលមិនទាន់ផ្ទុះទាំងនោះ នឹងសម្លាប់ជីវិតមនុស្សច្រើនទៀតច្រើនទសវត្សក្រោយមក បន្ទាប់ពីការប្រយុទ្ធគ្នានឹងបញ្ចប់។ នេះជាសង្គ្រាមយ៉ាងពិតប្រាកដ មិនមែនជាការប៉ះទង្គិចគ្នាដោយប្រដាប់អាវុធឡើយ ពីព្រោះ កងទ័ពថៃបានបាញ់កាំភ្លើងផ្លោងធំៗដាក់ប្រាសាទ ។ នេះជាសង្គ្រាមយ៉ាងពិតប្រាកដដោយសារកងទ័ពថៃបានបាញ់គ្រាប់កាំភ្លើងធំៗ និងគ្រាប់ចង្កោមដាក់ប្រាសាទក្រោមបញ្ជាធ្វើសង្គ្រាមដោយអាប់ភីស៊ីត ហើយអាប់ភីស៊ីតត្រូវទទួលខុសត្រូវចំពោះសង្គ្រាមនោះ។ ក្នុងន័យនេះ យោងតាមអនុសញ្ញាឆ្នាំ១៩៥៤ កិច្ចការសំខាន់បំផុត និងបន្ទាន់នោះត្រូវមានអ្នកសង្កេតការយោធាសហប្រជាជាតិព្រមជាមួយនិងក្រុមវាយតំលៃរបស់អង្គការយូណេស្កូមកសិក្សាវាយតំលៃការខូចខាតនៅនឹងកន្លែងចាប់តាំងពីប្រាសាទបានទទួលឋានៈជាសម្បត្ដិបេតិកភណ្ឌពិភពលោកក្នុងឆ្នាំ២០០៨ នាទីក្រុងកេបិចប្រទេសកាណាដា ។ អាស្រ័យដោយការខូចខាតនេះ ប្រាសាទព្រះវិហារត្រូវទាមទារឱ្យមានការចូលរួមពីអន្ដរជាតិសំរាប់កិច្ចការពារ និងការ អភិរក្សជាបន្ទាន់ស្របតាមការអនុវត្ដផែនការគ្រប់គ្រងដែលកម្ពុជាបានដាក់ជូនគណៈកម្មាធិការបេតិកភណ្ឌពិភពលោកក្នុងសម័យប្រជុំលើកទី៣៤ នៅប្រទេសប្រស៊ីលឆ្នាំ២០១០កន្លងទៅ ។ កម្ពុជាបានទទួលការគាំទ្រយ៉ាងលេញក្នុងការអនុវត្ដនូវផែនការគ្រប់គ្រងតាមរយៈរបាយការណ៍ចេញដោយមជ្ឈមណ្ឌលបេតិកភណ្ឌពិភពលោកដែលបំរើជាលេខាធិការដ្ឋានរបស់គណៈកម្មាធិការបេតិកភណ្ឌពិភពលោក។ ដូច្នេះប្រទេសជាសមាជិកទាំង២១នៃគណៈកម្មាធិការបេតិកភណ្ឌពិភពលោកត្រូវពិចារណាយ៉ាងយកចិត្ដទុកដាក់ដល់កិច្ចការពារ និងការអភិរក្សជាបន្ទាន់ដល់ប្រាសាទដែលត្រូវបានបំផ្លាញយ៉ាងដំណំដោយគ្រាប់កាំភ្លើផ្លោងរបស់ កងទ័ពថៃ ។ ព្រលឹងនៅរស់របស់ប្រាសាទព្រះវិហារកំពុងស្រែកហៅឱ្យអង្គការយូណេស្កូជួយដែលជាស្ថាប័នមួយនៃអង្គការសហប្រជាជាតិដ៏មានអំណាច និងសហគមន៍អន្ដរជាតិសុំការពារ និងការសង្គ្រោះ ដើម្បីរក្សាឱ្យបានគង់វង្សយូរអង្វែងទុកជាសម្បត្ដិបេតិកភណ្ឌវប្បធម៌របស់មនុស្សជាតិទាំងអស់ ៕ ឡុង សុគុណ  |
| You are subscribed to email updates from Koh Santepheap Daily To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
