VOA News: ព័ត៌មាន: “សកម្មជនការពារព្រៃឡង់បារម្ភថាអាចប្រឈមនឹងការចាត់វិធានការតាមតុលាការ” plus 6 more |
- សកម្មជនការពារព្រៃឡង់បារម្ភថាអាចប្រឈមនឹងការចាត់វិធានការតាមតុលាការ
- ក្រសួងការបរទេសកម្ពុជាប្តឹងឯកអគ្គរាជទូតរបស់ខ្លួនប្រចាំប្រ៊ុយណេពីបទពុករលួយ
- តំណាងរាស្រ្តខ្មែរស៊ើបអង្កេតរឿងមរណភាពពលករខ្មែរនៅម៉ាឡេស៊ី
- ស្ថានភាពរបស់ពលការិនីខ្មែរបំរើតាមផ្ទះនៅម៉ាឡេស៊ី
- ទីក្រុងឡូវ៉ែលរៀបចំបង្កើត «ទីក្រុងខ្មែរ»
- កិច្ចព្រមព្រៀងសន្តិភាពក្រុងប៉ារីសជាការធានានិរន្តរភាពកម្ពុជា
- ព័ត៌មានអន្តរជាតិ៖ ១៤ វិច្ឆិកា
| សកម្មជនការពារព្រៃឡង់បារម្ភថាអាចប្រឈមនឹងការចាត់វិធានការតាមតុលាការ Posted: 14 Nov 2011 01:57 PM PST សកម្មជនការពារព្រៃឡង់ និងមន្ដ្រីសិទ្ធិមនុស្សបានសម្តែងកង្វល់ថា ពួកគេអាចនឹងប្រឈមមុខនឹងការចាត់ការតាមផ្លូវតុលាការក្រោយពីការព្យាយាមធ្វើការការពារព្រៃឡង់កាលពីសប្ដាហ៍កន្លងទៅ។ ប៉ុន្ដែក្រុមអាជ្ញាធរបានឆ្លើយបដិសេធភ្លាមៗថា ពុំមានការតាមធ្វើទុក្ខបុកម្នេញនោះទេ។ ប៉ុន្តែមន្ដ្រីសិទ្ធិមនុស្ស និងក្រុមប្រជាពលរដ្ឋបានអះអាងថា យ៉ាងហោចណាស់មានអ្នកតវ៉ាប្រឆាំងការកាប់ព្រៃឡង់មា្នក់កំពុងលាក់ខ្លួននៅកន្លែងសុវត្ថិភាពដោយការភ័យខ្លាចការតាមចាប់ខ្លួន។ ក្រុមប្រជាពលរដ្ឋប្រមាណជា៣០០នាក់បានធ្វើដំណើរដោយថ្មើរជើងចេញពីខេត្តក្រចេះ ព្រះវិហារ ស្ទឹងត្រែង និងខេត្តកំពុងធំកាលពីដើមខែវិច្ឆិកា នេះដោយណាត់ជួបគ្នានៅកណ្ដាលព្រៃឡង់ក្នុងបំណងបើកយុទ្ធនាការមួយការពារព្រៃដ៏កម្រនេះ ដែលពួកគេអះអាងថា កំពុងទទួលរងការកាប់បំផ្លាញយ៉ាងខុសច្បាប់។ ក្រុមប្រជាពលរដ្ឋបានរកឃើញថា មានការកាប់ឈើគរចោល ហើយបានដុតកម្ទេចឈើទាំងនោះចោលចំនួនប្រាំកន្លែងសរុបប្រមាណជា៦០ម៉ែត្រគូប ហើយក្រុមប្រជាពលរដ្ឋគ្រោងនឹងធ្វើវេទិកាសាធារណៈមួយស្រុកសណ្តាន់ ខេត្តកំពង់ធំ ក៏ប៉ុន្ដែត្រូវអាជ្ញាធរហាមឃាត់ដោយសំអាងថា វេទិកានោះគឺជារបៀបធ្វើបាតុកម្ម។ ក្រុមអ្នកតវ៉ាបានបែកខ្ញែកគ្នាត្រឡប់ទៅកាន់ខេត្តរៀងៗ ខ្លួនរបស់ពួកគេវិញកាលពីថ្ងៃសៅរ៍ កន្លងទៅនេះ។ លោក ហឿន សុភាព និងលោក ស៊ឹម សៀន ដែលជាអ្នកតវ៉ាយ៉ាងខ្លាំងក្លាចំនួនពីររូបប្រឆាំងនឹងការកាប់ឈើខុសច្បាប់នៅព្រៃឡង់បានអះអាងដូចគ្នាថា ក្រុមអាជ្ញាធរបានព្យាយាមស្វែងរកអត្តសញ្ញាណ និងសាកសួរពីប្រវត្តិពួកគាត់ដោយសង្ស័យថា ពួកគាត់គឺជាអ្នកដឹកនាំចលនាតវ៉ាក្នុងព្រៃឡង់។ លោក ស៊ឹម សៀន ដែលស្វែងរកទីសុវត្ថិភាពបានបង្ហាញថា គាត់កំពុងរស់នៅដោយមានការព្រួយបារម្ភ។ «ខ្ញុំគ្រាន់តែមានការព្រួយបារម្ភមួយថា គេប្រហែលជាគេចោទប្រកាន់មកលើរូបខ្ញុំ។ ក៏ប៉ុន្ដែខ្ញុំគ្រាន់តែជួយតាមឃ្លាំមើលប្រជាពលរដ្ឋតែប៉ុណ្ណោះ»។ លោកឈឹម សាវុធ អ្នកសម្របសម្រួលកម្មវិធីវេទិការសាធារណៈរបស់មជ្ឈមណ្ឌលសិទ្ធិមនុស្សកម្ពុជា ដែលបានតាមឃ្លាំមើលការការតវ៉ារបស់ក្រុមអ្នកភូមិ មានប្រសាសន៍ថា មនុស្សបួននាក់អាចនឹងប្រឈមនឹងការចាត់ការតាមផ្លូវច្បាប់។ ក្នុងនោះអាចមានរូបលោកផងដែរ។ «តាមខ្ញុំដឹងប្រហែលជាបួននាក់ដែលត្រូវរងចោទប្រកាន់ ឬការធ្វើរបាយការណ៍ដាក់ទៅគ្រប់ស្ថាប័ន ឬក្រសួងមហាផ្ទៃ ប៉ុន្ដែយើងមិនទាន់ដឹងជាផ្លូវការ»។ យ៉ាងណាក៏ដោយលោកស៊ឹម វណ្ណា អភិបាលស្រុកសណ្ដាន់ខេត្តកំពង់ធំ មានប្រសាសន៍ថា ពុំមានការចាត់ការលើក្រុមប្រជាពលរដ្ឋអ្នកតវ៉ានោះទេ។ «មានអ្នកណាតាមចាប់ពួកគាត់។ គាត់ដើរពេញក្នុងព្រៃមានអ្នកណាតាមរករឿង»។ ដោយឡែក លោក អួង ម៉ាលី អធិការប៉ូលីសស្រុកសណ្ដាន់ ក៏បានច្រានចោលការតាមស៊ើបអង្កេតរបស់ក្រុមសមត្ថកិច្ចលើសកម្មជនព្រៃឈើនោះដែរ។ មានការប្រឈមដាក់គ្នារវាងក្រុមប្រជាពលរដ្ឋ និងអាជ្ញាធរក្នុងពេលដែលប្រជាពលរដ្ឋកំពុងដើរជាក្បួនក្នុងព្រៃនោះ។ ក្រុមអាជ្ញាធរចាប់ខ្លួនសកម្មជនព្រៃឈើម្នាក់មិនបានសម្រេច។ ប៉ុន្ដែលោក អួង ម៉ាលី ច្រានចោលការលើកឡើងនោះ។ ព្រៃឡង់គឺជាព្រៃយ៉ាងធំដែលភ្ជាប់ខេត្តព្រះវិហារ កំពង់ធំ ក្រចេះ និងខេត្តស្ទឹងត្រែង។ ក្រុមអ្នកតវ៉ាបានអះអាងថា ពួកគេរស់ពឹងអាស្រ័យលើអនុផលនៃព្រៃដ៏ក្រាស់នេះ ហើយមានការកាប់បំផ្លាញយ៉ាងរីករាលដាលនៅក្នុងដែនព្រៃនេះ។ ក៏ប៉ុន្ដែពួកគេបានស្វែងរកអន្ដរាគមពីរដ្ឋាភិបាលតែមិនបានផល៕ This posting includes an audio/video/photo media file: Download Now |
| ក្រសួងការបរទេសកម្ពុជាប្តឹងឯកអគ្គរាជទូតរបស់ខ្លួនប្រចាំប្រ៊ុយណេពីបទពុករលួយ Posted: 14 Nov 2011 01:25 PM PST ក្នុងពេលផ្តល់បទសម្ភាស៍ជាមួយនឹងវីអូអេសំឡេងសហរដ្ឋអាមេរិកជាខេមរៈភាសាតាមរយៈប្រព័ន្ធ អ៊ីនធឺណិត កាលពីដើមសប្តាហ៍នេះអស់រយៈពេលជាងមួយម៉ោង លោកណាន់ស៊ី អតីតឯកអគ្គរដ្ឋទូតកម្ពុជាប្រចាំប្រទេសប្រ៊ុយណេ បានបដិសេធថា លោកមិនជាប់ពាក់ព័ន្ធការធ្វើឲ្យបាត់បង់ថវិកាជាតិទេ។ ការលើកឡើងរបស់លោកណាន់ស៊ី បានធ្វើឡើងក្រោយពីតុលាការក្រុងភ្នំពេញ បានកាត់ទោសកំបាំងមុខលោកពីបទប្រព្រឹត្តិអំពើពុករលួយដែលបានធ្វើឲ្យបាត់បង់ថវិកាក្រសួងការបរទេសពាក់ព័ន្ធនឹងការសាងសង់ស្ថានទូតកម្ពុជាប្រចាំប្រ៊ុយណេនូវទឹកប្រាក់ចំនួនជាង៤៣ម៉ឺនដុល្លារអាមេរិក។ លោកណាន់ស៊ី បានមានប្រសាសន៍ថា លោកបានទូទាត់ថវិកាសម្រាប់សាងសង់ស្ថានទូតកម្ពុជាប្រចាំប្រ៊ុយណេឲ្យក្រុមហ៊ុនចិនទាំងប្រាំដំណាក់កាលរួចមកហើយ ព្រមទាំងមានវិក័យបត្រត្រឹមត្រូវ។ លោកបានមានប្រសាសន៍ថា ការចោទប្រកាន់ថា លោកបានធ្វើឲ្យបាត់បង់ថវិការបស់ក្រសួងការបរទេសនេះគឺមិនត្រឹមត្រូវទេ ហើយលោកបានអះអាងថា ការចោទប្រកាន់នេះធ្វើឡើងជាការសងសឹកពីមន្ត្រីមួយរូបនៅក្រសួងការបរទេស។ «សរុបទាំងអស់ប្រាំដំណាក់កាល ឈ្នួលនៃការសាងសង់អស់ទឹកប្រាក់ ១.៧៩៦.២០៧,៣០ដុលា្លរសហរដ្ឋអាមេរិក។ ឯកសារនៃទូទាត់ទាំងប្រាំសន្លឹក នៅក្នុងដំណាក់កាលនេះនៅនឹងខ្ញុំ។ តើតុលាការបានទទួលឯកសារពីខ្ញុំទេ? មានយកឯកសារខ្ញុំទៅពិនិត្យមើលទេ ដែលក្រុមហ៊ុនសំណង់ លោកបានបិទទទួលប្រាក់នេះ។ ចុះហត្ថលេខា នឹងវាយត្រាក្រុមហ៊ុន»។ មន្ត្រីអ្នកនាំពាក្យក្រសួងការបរទេស គឺលោកកុយ គួង នៅពេលដែលព្យាយាមទាក់ទងទូរស័ព្ទជាច្រើនលើកមិនអាចសុំសេចក្តីអត្ថាធិប្បាយបំភ្លឺបាន។ លោក គី ទិច មេធាវីការពារក្តីរបស់រដ្ឋាភិបាលបាននិយាយថា ប្រាក់ចុងក្រោយសម្រាប់ទូទាត់សាងសង់ស្ថានទូតកម្ពុជា ប្រចាំប្រ៊ុយណេនោះ លោកណាន់ស៊ី មិនបានទូទាត់ដល់ក្រុមហ៊ុនសំណង់ទេ។ លោកបានមានប្រសាសន៍ថា ក្រុមហ៊ុនបានមកទាមទារប្រាក់សំណងចុងក្រោយនេះ នៅក្រសួងការបរទេស ទើបក្រសួងការបរទេស សម្រេចប្តឹងលោកណាន់ស៊ីតែម្តង។ «ក្រសួងការបរទេសហ្នឹងក៏បានឲ្យចុះធ្វើអធិការកិច្ចជាបន្ទាន់។ ដោយចុះទៅឃើញថា លោកណាន់ស៊ីបានយកថវិកាដែលត្រូវប្រគល់ឲ្យក្រុមហ៊ុនសាងសង់ហ្នឹងត្រៀមទុកឲ្យក្រុមហ៊ុនសំណង់ ហ្នឹង ហើយគាត់យកទៅចាយវាយក្រៅផ្លូវការជាលក្ខណៈឯកជនផ្ទាល់ខ្លួនហ្នឹង ហើយអត់មានប្រាក់ទូទាត់ឲ្យគេ»។ លោក គី ទិច បានមានប្រសាសន៍ថា ក្រសួងការបរទេស បានទាមទារឲ្យលោកណាន់ស៊ី សងប្រាក់ជាងសែសិបបីម៉ឺនដុល្លារអាមេរិក និងផ្តល់សំណងជាការខាតបង់និងពិន័យទាំងអស់ជាងមួយរយលានរៀលគឺស្មើជាងពីរម៉ីនដុល្លារ។ តុលាការក្រុងភ្នំពេញ គ្រោងនឹងប្រកាសសាលក្រមសំណុំរឿងនេះ នៅថ្ងៃទី២៥ខាងមុខនេះ។ ក្រសួងការបរទេសបានផ្តឹងលោកណាន់ស៊ីចំនួនពីរករណីផ្សេងគ្នា។ ករណីទី១ពីបទព្រហ្មទណ្ឌ ពាក់ព័ន្ធនឹងការកេងបំបាត់ថវិការដ្ឋ និងបណ្តឹងរដ្ឋប្បវេណីដោយទាមទារសំណងជាងមួយរយលាន រៀល។ លោក គី ទិច មេធាវីរបស់រដ្ឋាភិបាល បានមានប្រសាសន៍ថា លោកបានជូនដំណឹង ចំពោះសវនាការនេះដែរ ប៉ុន្តែលោកណាន់ស៊ី បានគេចខ្លួនហើយចុងក្រោយនេះ តុលាការបានចេញដីកា បង្គាប់ឲ្យចាប់ខ្លួ។ លោក ណាន់ស៊ី អតីតឯកអគ្គរដ្ឋទូតកម្ពុជាប្រចាំប្រ៊ុយណេបានមានប្រសាសន៍ថា តុលាការក្រុងភ្នំពេញបានបើកសវនាការកន្លងមកនេះ លោកមិនបានដឹងអ្វីទាំងអស់។ លោកបានមានប្រសាសន៍ថា នៅពេលដែលលោកធ្វើដំណើរមកកាន់មាតុប្រទេសវិញ បានពាក់កណ្តាលផ្លូវត្រូវក្រសួងការបរទេស ចេញលិខិតនារាការណ៍លិខិតឆ្លងដែនរបស់លោក៕ This posting includes an audio/video/photo media file: Download Now |
| តំណាងរាស្រ្តខ្មែរស៊ើបអង្កេតរឿងមរណភាពពលករខ្មែរនៅម៉ាឡេស៊ី Posted: 14 Nov 2011 11:38 AM PST លោកស្រី មូរ សុខហួរ តំណាងរាស្ត្រគណបក្សប្រឆាំងបានថ្លែងនៅថ្ងៃច័ន្ទនេះថា លោកស្រីបានចាប់ប្រមូលឯកសារពាក់ព័ន្ធនឹងការស្លាប់ពលករស្ត្រីបម្រើតាមផ្ទះកម្ពុជាចំនួន១០នាក់ នៅម៉ាឡេស៊ីក្នុងឆ្នាំ២០១១នេះសម្រាប់ប្តឹងទៅគណៈកម្មការសិទ្ធិមនុស្សនៃរដ្ឋសភាម៉ាឡេស៊ី បន្ទាប់ពីលោកស្រីបានបញ្ចប់ទស្សនកិច្ចក្រៅផ្លូវការទៅកាន់ប្រទេសម៉ាឡេស៊ី កាលពីសប្តាហ៍មុន។ លោកស្រី មួរ សុខហួរ តំណាងរាស្ត្រគណបក្សសម រង្ស៊ី បានថ្លែងប្រាប់ក្រុមអ្នកយកព័ត៌មាន នៅទីស្នាក់ការគណបក្សថា លោកស្រី បានចាប់ស្រាវជ្រាវរកព័ត៌មានច្បាស់លាស់អំពីអ្នកស្លាប់មួយករណីម្តងៗ ដើម្បីផ្តល់របាយការណ៍ និងពាក្យបណ្តឹងជូនទៅគណៈកម្មការសិទ្ធិមនុស្ស នៃរដ្ឋសភាម៉ាឡេស៊ី។ «យើងត្រូវតែយកឯកសារឱ្យបានច្បាស់លាស់ពីឯកអគ្គរដ្ឋទូតកម្ពុជាប្រចាំនៅម៉ាឡេស៊ី ឱ្យបានច្បាស់លាស់ណាស់ ទើបយើងបញ្ជូនជារបាយការណ៍ ជាពាក្យបណ្តឹងទៅប្រទេសម៉ាឡេស៊ី តាមរយៈគណៈកម្មការសិទ្ធិមនុស្សនៃសភាប្រទេសម៉ាឡេស៊ី»។ លោក អាន ប៊ុនហាក់ ប្រធានសមាគមភ្នាក់ងារជ្រើសរើសពលករកម្ពុជាបានស្វាគមន៍កិច្ចខំប្រឹងប្រែងរបស់លោកស្រីមូរ សុខហួរ ក្នុងការរកយុត្តិធម៌ដល់ពលករស្ត្រីកម្ពុជាបម្រើតាមផ្ទះនៅម៉ាឡេស៊ី។ «យើងធ្វើការជាមួយនីតិប្រតិបត្តិរបស់ប្រទេសម៉ាឡេស៊ី ហើយលោកជំទាវបានទំនាក់ទំនងជាមួយនីតិប្បញ្ញត្តិទៀត វារិតតែល្អ ហើយជួយការពារដល់សិទ្ធិជាមូលដ្ឋានរបស់ពលការិនីយើង»។ ពលករស្ត្រីកម្ពុជាបម្រើតាមផ្ទះនៅក្នុងប្រទេសម៉ាឡេស៊ី ត្រូវបានទទួលរងការធ្វើទារុកម្ម ការរំលោភផ្លូវភេទ ការរំលោភសិទ្ធិការងារ ការផ្តល់ប្រាក់ខែមិនបានពេញលេញ និងការបង្អត់ចំណីអាហារ។ ក្នុងកិច្ចខំប្រឹងប្រែងដើម្បីលុបបំបាត់ការធ្វើទារុណកម្ម និងការរំលោភសិទ្ធិការងាររបស់ពលករស្ត្រីកម្ពុជាបម្រើការតាមផ្ទះនៅប្រទេសម៉ាឡេស៊ី លោកស្រីមួរ សុខហួរ បានបន្តថាលោកស្រីបានសហការជាមួយគណៈកម្មការសិទ្ធិមនុស្សនៃរដ្ឋសភាម៉ាឡេស៊ី ដើម្បីយកប្រភពពិតនៃការស្លាប់ ឬ ការធ្វើទារុណកម្ម។ លោក អាន ប៊ុនហាក់បានថ្លែងថា ពលការិនីកម្ពុជាបម្រើការតាមផ្ទះនៅម៉ាឡេស៊ីចំនួន១០នាក់នេះ បានស្លាប់ដោយសារជំងឺ និងការធ្វើអត្តឃាតដោយការផឹកថ្នាំ ឬការលោតពីលើអាគារជាន់ទី៩។ «ពលការិនីស្លាប់១០នាក់នេះ យើងស្នើសុំទៅរដ្ឋាភិបាលម៉ាឡេស៊ី ទៅអាជ្ញាធរនគរបាល ហើយបានធ្វើកោសល្យវិច្ឆ័យ។ ពេលខ្លះ យើងធ្វើកោសល្យវិច្ឆ័យរហូតដល់ពីរដងមិនតែប៉ុណ្ណោះ យើងអញ្ជើញឪពុកម្តាយ ឬសាច់ញាត្តិរបស់គាត់(សព) ទៅពិនិត្យផ្ទាល់ នៅប្រទេសម៉ាឡេស៊ី»។ លោក មឿន តុលា ប្រធានផ្នែកកម្មវិធីពលកម្ម0នៃមជ្ឈមណ្ឌលអប់រំច្បាប់សម្រាប់សហគមន៍ បានបញ្ជាក់ថាលោកបានព្យាយាមរកព័ត៌មានលម្អិតអំពីការស្លាប់ពលការិនីកម្ពុជានៅម៉ាឡេស៊ី ប៉ុន្តែវានៅតែជាការស្រពិចស្រពិលនៅឡើយ។ វាហាក់បីដូចជាមានភាពមិនច្បាស់លាស់ច្រើនពាក់ព័ន្ធនឹងមូលហេតុនៃការស្លាប់នេះ ហើយនៅក្នុងហ្នឹងក៏អាចមានពលករ ដែលអាចនឹងសម្លាប់ខ្លួនដោយខ្លួនឯង។ លោក ហូ វុទ្ធី អនុប្រធាននាយកដ្ឋានការងារ នៃក្រសួងការងារ បានថ្លែងថា លោកមិនទាន់មានព័ត៌មានអំពីបញ្ហានេះទេ៕ This posting includes an audio/video/photo media file: Download Now |
| ស្ថានភាពរបស់ពលការិនីខ្មែរបំរើតាមផ្ទះនៅម៉ាឡេស៊ី Posted: 14 Nov 2011 11:10 AM PST កំណត់អ្នកក្រែសម្រួល៖ រដ្ឋាភិបាលកម្ពុជាបានសម្រេចកាលពីពេលថ្មីៗនេះថាផ្អាកការបញ្ជូនពលការិនីកម្ពុជាទៅធ្វើជាស្ដ្រីបម្រើតាមផ្ទះនៅម៉ាឡេស៊ីបន្ទាប់ពីមានពលការនីកម្ពុជាទទួលរងគ្រោះជាបន្ដបន្ទាប់។ លោកស្រី មួ សុខហួរ តំណាងរាស្ដ្រគណបក្សសម រង្ស៊ីបានបំពេញទស្សនកិច្ចក្រៅផ្លូវការរយៈពេលបួនថ្ងៃមួយនៅម៉ាឡេស៊ីដើម្បីអ្វីដែលលោកស្រីបញ្ជាក់ថា ជាការស្វែងរកវិធីសាស្ដ្របន្ថែមទៀតសម្រាប់ការពារពលការិនីកម្ពុជាទៅធ្វើការនៅទីនោះ។ លោក គង់ សុឋានរិទ្ធបានសម្ភាសតាមទូរស័ព្ទជាមួយលោកស្រី មួរ សុខហួរនៅពេលដែលលោកស្រីបញ្ចប់ទស្សនកិច្ចរបស់លោកស្រីនៅថ្ងៃសុក្រនេះ។ <!--AV--> This posting includes an audio/video/photo media file: Download Now |
| ទីក្រុងឡូវ៉ែលរៀបចំបង្កើត «ទីក្រុងខ្មែរ» Posted: 14 Nov 2011 10:36 AM PST កំណត់អ្នកកែសម្រួល៖ គណៈកម្មាការប្រតិបត្តិស្ម័គ្រចិត្តនៃការបង្កើតក្រុងខ្មែរ (Cambodia Town Executive Committee) ហៅកាត់ថា (CTEC) នៅទីក្រុងឡូវែល្ល (Lowell) ម៉ាស្សាជូស៊ែតស៍ (Massachusetts) បានរៀបចំកិច្ចប្រជុំមួយដើម្បីពិភាក្សា ដំណើរការថ្មីៗ ទាក់ទងទៅនឹងគម្រោងបង្កើតក្រុងខ្មែរ ទស្សនៈរបស់សហគមន៍ និងអនុសាសន៍ ស្តីអំពីគោលដៅអនាគតរបស់គម្រោងបង្កើតក្រុងខ្មែរនេះ។ តទៅនេះ ជាបទសម្ភាសន៍តាមទូរស័ព្ទរវាងនាង លី មូរីវ៉ាន់នៃវីអូអេ ជាមួយលោកបណ្ឌិត គង់ សេងលី ដែលជានាយកគណៈកម្មាការប្រតិបត្តិស្ម័គ្រចិត្តនៃការបង្កើតក្រុងខ្មែរ CTEC អំពីអត្ថប្រយោជន៍នៃការបង្កើតក្រុងខ្មែរនៅទីក្រុងឡូវ៉ែល្ល។ <!--AV--> This posting includes an audio/video/photo media file: Download Now |
| កិច្ចព្រមព្រៀងសន្តិភាពក្រុងប៉ារីសជាការធានានិរន្តរភាពកម្ពុជា Posted: 14 Nov 2011 08:00 AM PST បទសម្ភាសន៍ជាមួយលោកបណ្ឌិត ឡៅ ម៉ុងហៃ អ្នកវិភាគឯករាជ្យថ្ងៃទី២៤ខែតុលា ឆ្នាំ២០១១អំឡុងពេលលោកមកស.រ.អា.ចូលរួមខួបលើកទី២០នៃកិច្ចព្រមព្រៀងសន្តិភាពក្រុងប៉ារីស។ លោកឡៅ ម៉ុងហៃ បកស្រាយអំពីចំណុចខ្វះខាត ដែលមិនបានបំពេញតាមកិច្ចព្រមព្រៀងទីក្រុងប៉ារីសដូចជា បញ្ហាសិទ្ធិមនុស្ស សេរីភាពបញ្ចេញមតិ លទ្ធិប្រជាធិបតេយ្យ និងបញ្ហាប្រព័ន្ធតុលាការដែលមិនឯករាជ្យ។ <!--AV--> លោកនិយាយថា កិច្ចព្រមព្រៀងទីក្រុងប៉ារីសដែលបានចុះហត្ថលេខាកាលពី២០ឆ្នាំមុន ហើយដែលបានបញ្ចប់សង្គ្រាមច្រើនទសវត្សរ៍ គឺជាគន្លឹះនៃនិរន្តរភាពកម្ពុជា។ កិច្ចព្រមព្រៀងនេះបានបញ្ចប់ការគំរាមកំហែងដោយខ្មែរក្រហម និងនាំឲ្យកម្ពុជាទទួលបានជំនួយកសាងប្រទេសឡើងវិញ។ <!--AV--> លោកឡាវ ម៉ុងហៃប្រាប់វីអូអេ សំឡេងស.រ.អា.ថា «ខ្ញុំយល់ថា កិច្ចព្រមព្រៀងសន្តិភាពក្រុងប៉ារីសជាការធានានិរន្តរភាពអាយុជីវិតប្រទេសកម្ពុជា ប្រសិនបើយើង ជាពិសេសប្រទេសកម្ពុជា បន្តគោរពកិច្ចព្រមព្រៀងនេះ»។ <!--AV--> This posting includes an audio/video/photo media file: Download Now |
| ព័ត៌មានអន្តរជាតិ៖ ១៤ វិច្ឆិកា Posted: 13 Nov 2011 07:56 PM PST ព័ត៌មានចុងក្រោយបំផុត៖ អ៊ីរ៉ង់៖ ប្រធានាធិបតីសហរដ្ឋអាមេរិកបារ៉ាក់ អូបាម៉ាថ្លែងថា ការដាក់ទណ្ឌកម្មទៅលើអ៊ីរ៉ង់ មានភាពធំទូលំទូលាយណាស់ ហើយលោកនឹងសួរយោបល់ពីប្រទេសចិន និង រុស្ស៊ីអំពីវិធានការបន្ថែម ដើម្បីដាក់សម្ពាធទៅលើរដ្ឋាភិបាលទីក្រុងតេហេរ៉ង់ ឲ្យបញ្ឈប់កម្មវិធីបរមាណូ។ អ៊ីស្រាអែល /ប៉ាឡេស្ទីន៖ ប្រធានាធិបតី បារ៉ាក់អូបាម៉ា មានប្រសាសន៍ថា លោកបានប្រើកិច្ចប្រជុំផ្ទាល់ដើម្បីពិភាក្សាជាមួយប្រធានាធិបតីបារាំង លោក នីកូឡាស សាកូហ្សី កាលពីដើមខែនេះ ដើម្បីសំដែងឲ្យឃើញ ការខកចិត្ដធំធេងលើការណ៍ដែលបារាំង បានបោះឆ្នោតគំាទ្រក្រុមប៉ាឡេស្ទីន ដែលចង់ចូលធ្វើជាសមាជិករបស់ទីភ្នាក់ងារកេរ្ដ៍ដំណែលវប្បធម៌របស់អសប ឬUNESCO។ ស.រ.អា៖ ប្រធានាធិបតីបារ៉ាក់ អូបាម៉ាថ្លែងថាបេក្ខជនប្រធានាធិបតីពីគណបក្សសាធារណរដ្ឋដែលនិយាយថា លោកមានចិត្ដចង់តម្លើងវិញនូវវិធានការសួរចម្លើយ ដោយចាក់ទឹកលើក្បាលឬ waterboarding ថា ជាកំហុស។ លោក បានហៅ ការចាប់ជ្រមុជទឹក ឬ Waterboarding មិនស្របទៅតាមប្រពៃណីរបស់សហរដ្ឋអាមេរិកទេ។ ស.រ.អា៖ ប្រធានាធិបតីបារ៉ាក់ អូបាម៉ា មានប្រសាសន៍ថាលោកសង្ឃឹមថាមេដឹកនាំនៃគណកម្មាធិការសភា ទទួលបន្ទុកខាងការកាត់បន្ថយឱនភាពថវិកាសហព័ន្ធតាមតួលេខ ១ កន្តក់សញ្ញា២ ពាន់ ពាន់ លានដុល្លារ នឹងបំពេញកិច្ចការចាំបាច់ ក្នុងប៉ុន្មានថ្ងៃខាងមុខនេះ ដើម្បីយល់ស្របជាមួយគម្រោងការរបស់លោក។ សេដ្ឋកិច្ចពិភពលោក៖ ផ្សារហ៊ុនស្ដុកអាស៊ី មានសកម្មភាពខ្លាំងដោយតម្លៃឡើងខ្ពស់ កាលពីថ្ងៃច័ន្ទ ដោយសារតែមានដំណឹងល្អពីប្រទេសអ៊ីតាលី ក្រិក ចិន និងជប៉ុន។ អេប៉ិច៖ ប្រធានាធិបតី បារ៉ាក់ អូបាម៉ា បានភ្ជាប់អនាគតសេដ្ឋកិច្ចរបស់តំបន់អាមេរិក ទៅ នឹងអាស៊ីដោយលោកថ្លែងសង្កត់ថា សរអាជាប្រទេសប៉ាស៊ីហ្វិក នៅពេលបច្ចុប្បន្នកាល និងនៅពេលអនាគតកាលផងដែរ។ ចិន/អេប៉ិច៖ ប្រទេសចិនឲ្យដឹងថា ខ្លួននឹងធ្វើការសិក្សាឲ្យបានដិតដល់ ថាតើត្រូវស្វែងរកសមាជិកភាពនៅក្នុងតំបន់ពាណិជ្ជកម្មសេរី នៅតំបន់ប៉ាស៊ីហ្វិក ឬក៏ដូចម្ដេច។ នៅក្នុងសន្និសីទសារព័ត៌មាន ក្នុងទីក្រុងហូណូលូលូ កាលពីថ្ងៃអាទិត្យ មន្ដ្រីក្រសួង ការបរទេសចិន លោក ប៉ាង សេនថ្លែងថា រដ្ឋាភិបាលទីក្រុងប៉េកាំងប្រកាន់ឥរិយាបទបើកចំហរជានិច្ច ចំពោះការរៀបចំតំបន់ ដែលនាំឲ្យមានសុពលភាពនិង ការចូលរួមគ្នាខាងសេដ្ឋកិច្ចរបស់តំបន់។ ស៊ិរី៖ ប្រទេសស៊ិរី បានចោទប្រកាន់អង្គការអារ៉ាប់លីគ្ហថា បានប្រកាន់យកវិធានការដ៏គ្រោះថ្នាក់ ដោយបានព្យួរសមាជិកភាពរបស់ស៊ីរី ឲ្យនៅក្រៅប្លុកតំបន់ដោយសារតែរដ្ឋាភិបាលទីក្រុងដាមាស បានវាយបង្រ្កាបទៅលើក្រុមបាតុករប្រឆាំង។ អាហ្វហ្កានិស្ថាន៖ កងកម្លាំងសន្ដិសុខក្នុងប្រទេសអាហ្វហ្កានិស្ថាន បានបាញ់សម្លាប់ អត្ដឃាតជនដែលប៉ុនប៉ងវាយប្រហារទៅលើកិច្ចប្រជុំរបស់ក្រុមព្រឹទ្ធាចារ្យ ហៅជើហ្គា នៅក្នុងទីក្រុងកាប៊ុលនៅក្នុងសប្ដាហ៍នេះ។ អ៊ីតាលី៖ ប្រទេសអ៊ីតាលី បានសម្រេចគោលដៅរបស់ខ្លួនថា នឹងប្រម៉ូលថវិកាឲ្យបាន៤ពាន់ លានដុល្លារក្នុងការលក់ប័ណ្ណជាតិកាលពីថ្ងៃច័ន្ទ។ ចិន៖ អាជ្ញាធរចិនខាងអយស្ម័យយាន នឹងចាប់ផ្ដើមឡើងវិញនូវកិច្ចប្រតិបត្ដិការក្នុងសប្ដាហ៍នេះ លើរថភ្លើងលឿនស្លេវ៥៤ គ្រឿងដែលត្រូវបានផ្អាកក្រោយពីមានគ្រោះថ្នាក់ផ្លូវដែកកាលពីខែកក្កដា។ ព័ត៌មាននៅពេលមុននេះ៖ <!--IMAGE-RIGHT--> អ៊ីតាលី ៖ លោកប្រធានាធិបតី Giorgio Napolitano នៃប្រទេសអ៊ីតាលីបានសុំឱ្យសេដ្ឋវិទូ Mario Monti បង្កើតរដ្ឋាភិបាលថ្មីមួយ។ ការតែងតាំងនេះត្រូវ បានរំពឹងទុកយ៉ាងខ្លាំងទ្បើងកាលពីល្ងាចថ្ងៃអាទិត្យក្នុងរយៈពេលខ្លី ក្រោយពីលោកប្រធានាធិបតីបានអញ្ជើញអ្នកការិយាធិបតេយ្យអាយុ៦៨ឆ្នាំរូបនេះឱ្យទៅកាន់វិមានប្រធានាធិបតី។ លោក Mario Monti ប្រុងប្រៀបនឹងដឹកនាំរដ្ឋាភិបាលអ៊ីតាលី បានត្រូវព៌ណនាថាជាមនុស្សម្នាក់មានការប្រុងប្រយ័ត្ននិងស្រគត់ស្រគំដែលជាការផ្ទុយគ្នាពីលោក Silvio Berlusconi ដែលជាមហាសេដ្ឋីហ៊ឺហានិងចូលចិត្តធ្វើដំណើរតាមយន្តហោះ។ សហរដ្ឋអាមេរិក ៖ ពួកប៉ូលីសនៅក្នុងក្រុងផតឡេន រដ្ឋអូរ៉េហ្គន នាទិសពាយ័ព្យបានទាមទារឱ្យបាតុកររាប់រយនាក់ដែលទាក់ទងនឹងចលនា «កាន់កាប់ Wall Street» ចាកចេញពីឱទ្យានមួយនៅកណ្តាលក្រុងឬមួយប្រឈមមុខនឹងលទ្ធភាពនៃការបណ្តេញចេញដោយបង្ខំ។ សហរដ្ឋអាមេរិក ៖ លោកប្រធានាធិបតីស.រ.អ.បារ៉ាក់ អូបាម៉ាបានបើកជាផ្លូវការសន្និសីទកំពូលនៃពួកមេដឹកនាំ២១នាក់ក្នុងភូមិភាគ Asie-Pacifique ក្នុងរដ្ឋហាវ៉ៃដោយលោកបានមានប្រសាសន៍ថាគោលដៅខ្ពស់បំផុតរបស់ពួកគេគឺការបង្កើតសេដ្ឋកិច្ចតំបន់រួមបញ្ចូលគ្នាមួយ។ ប៉ាគីស្ថាន ៖ ពួកមន្ត្រីប៉ាគីស្ថាននិយាយថាការផ្ទុះគ្រាប់បែកមួយក្នុងតំបន់ពាយ័ព្យដាច់ស្រយាលរបស់ប្រទេសបានបណ្តាលឱ្យមនុស្ស៦នាក់ស្លាប់។ ស៊ីរី ៖ ពួកអ្នកគាំទ្ររដ្ឋាភិបាលនៃប្រទេសស៊ីរីបានធ្វើការប្រជុំមហាជននៅក្នុងក្រុងធំៗក្នុងថ្ងៃទី ពីរនៃការតវ៉ាប្រឆាំងនឹងសេចក្តីសម្រេចចិត្តរបស់សម្ព័ន្ធអារ៉ាប់ក្នុងការព្យួរសមាជិកភាពនៃប្រទេសស៊ីរី នៅពេលដែលអាជ្ញាធរស៊ីរីបានអំពាវនាវឱ្យមានការប្រជុំមួយគ្រាមានអាសន្នរបស់អង្គការក្នុងតំបន់នេះ។ ប្រេស៊ីល ៖ អាជ្ញាធរប្រេស៊ីលនិយាយថាពួកប៉ូលីសបានត្រួតត្រាកន្លែងពួកជនក្រីក្ររស់នៅធំបំផុតក្នុងក្រុង Rio de Janeiro ដែលបានត្រូវកាន់កាប់ដោយពួកជួញដូរគ្រឿងញៀនជាច្រើនទសវត្សរ៍មកហើយ៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
