The Phnom Penh Post - KHMER: “ស្ត្រីម្នាក់ប្តឹងមេបញ្ជាការរងអង្គរក្ស ហ៊ុន សែន ក្នុងករណីជម្លោះដីធ្លី” plus 9 more |
- ស្ត្រីម្នាក់ប្តឹងមេបញ្ជាការរងអង្គរក្ស ហ៊ុន សែន ក្នុងករណីជម្លោះដីធ្លី
- កូកាកូឡាសម្លឹងរកឱកាសបង្កើនការលក់ភេសជ្ជៈនៅចិន
- អ្នកបឹងកក់មិនបានទទួលប័ណ្ណកម្មសិទ្ធិសែនព្រេនអ្នកតាម្ចាស់ស្រុក
- ដួង សុខគា នឹងទៅសម្ដែងនៅអូស្ត្រាលីជាលើកដំបូង
- លោក វ៉ាន់ ណាត ទទួលមរណភាពហើយ
- កម្មកររោងចក្រជាវៃត្រឡប់ចូលធ្វើការវិញក្រោយសម្របសម្រួល
- អ្នកសារព័ត៌មាន២៥រូបទទួលការបណ្តុះបណ្តាលផ្នែកអភិវឌ្ឍន៍សហគមន៍
- អតីតអធិការបតីអាល្លឺម៉ង់អំពាវនាវឲ្យបង្កើត«សហរដ្ឋអឺរ៉ុប»
- កោះហៅមន្ត្រីសិទ្ធិមនុស្សពីរនាក់ និងអ្នកកាសែតម្នាក់ចូលបំភ្លឺ
- អ៊ីរ៉ង់និយាយថា ឥណ្ឌាទូទាត់សំណងទាំងអស់៥ពាន់លានដុល្លារ
| ស្ត្រីម្នាក់ប្តឹងមេបញ្ជាការរងអង្គរក្ស ហ៊ុន សែន ក្នុងករណីជម្លោះដីធ្លី Posted: 05 Sep 2011 02:40 AM PDT ភ្នំពេញៈ ស្ត្រីម្នាក់បានដាក់ពាក្យបណ្ដឹងទៅអង្គការសិទ្ធិមនុស្សកម្ពុជា និងស្ថាប័នកំពូលៗនៅរាជធានីភ្នំពេញ ប្រឆាំងនឹងឧត្តមសេនីយ៍ទោ ណឹម ម៉េង មេបញ្ជាការរងអង្គភាពអង្គរក្សលោកនាយករដ្ឋមន្ត្រី ហ៊ុន សែន ដោយចោទប្រកាន់ឧត្តមសេនីយ៍រូបនេះថាបានរំលោភយកដីធ្លីរបស់គាត់ ដែលមានទំហំជាង ៩ម៉ឺនម៉ែត្រការ៉េ នៅខេត្តព្រះសីហនុ។ |
| កូកាកូឡាសម្លឹងរកឱកាសបង្កើនការលក់ភេសជ្ជៈនៅចិន Posted: 05 Sep 2011 02:14 AM PDT  ប៉េកាំងៈ ក្រុមហ៊ុនកូកាកូឡា ដែលជាក្រុមហ៊ុនផលិតភេសជ្ជៈធំជាងគេរបស់ពិភពលោក កំពុងវិនិយោគលើរោងចក្រផលិតដប និងលើរថយន្តចែកចាយភេសជ្ជៈនៅប្រទេសចិន ដោយសារក្រុមហ៊ុននេះ កំពុងកំណត់គោលដៅបង្កើនតម្រូវការភេសជ្ជៈជាមធ្យមសម្រាប់អតិថិជន ម្នាក់ឲ្យលើសពីតម្រូវការភេសជ្ជៈនាពេលបច្ចុប្បន្នពីរដងក្នុងមួយ ខែ។ |
| អ្នកបឹងកក់មិនបានទទួលប័ណ្ណកម្មសិទ្ធិសែនព្រេនអ្នកតាម្ចាស់ស្រុក Posted: 05 Sep 2011 01:55 AM PDT  ភ្នំពេញៈ ក្រុមអ្នកភូមិ ដែលត្រូវបានកាត់ចេញពីគម្រោងទទួលបានប័ណ្ណកម្មសិទ្ធិដីធ្លីលើដី ទំហំ ១២,៤៤ហិកតា ក្នុងតំបន់បឹងកក់ នៅថ្ងៃចន្ទនេះ បាននាំគ្នារៀបចំពិធីសែនព្រេនមួយនៅលើទីតាំងដីផ្ទះរបស់ពួកគេ ដែលត្រូវបានបូមកប់ពន្លិចដោយដីខ្សាច់ ដើម្បីបួងសួងអ្នកតាម្ចាស់ដី ឲ្យជួយដល់ពួកគាត់ក្នុងការទទួលបានកម្មសិទ្ធិដីធ្លី។
|
| ដួង សុខគា នឹងទៅសម្ដែងនៅអូស្ត្រាលីជាលើកដំបូង Posted: 05 Sep 2011 01:29 AM PDT  ភ្នំពេញៈ លោក ដួង សុខគា ដែលសិល្បករមានវោហារស័ព្ទនៅក្នុងកម្មវិធី សុខគា លក្ខិណា ប៊ីអាយជី ព្រមទាំងកម្មវិធីសំណើចតាមភូមិ នឹងត្រូវឃ្លាតឆ្ងាយពីចំណីចក្ខុរបស់ទស្សនិកជនមួយរយៈដោយសារតែ លោកត្រូវបានអញ្ជើញទៅសំដែងនៅឯប្រទេសអូស្រ្តាលី។ |
| លោក វ៉ាន់ ណាត ទទួលមរណភាពហើយ Posted: 05 Sep 2011 01:18 AM PDT ភ្នំពេញៈ លោក វ៉ាន់ ណាត អតីតអ្នកទោសនៅគុកទួលស្លែង ឬមន្ទីរស-២១ បានស្លាប់នៅព្រឹកថ្ងៃចន្ទនេះ បន្ទាប់ពីគ្រួសាររបស់គាត់សម្រេចបញ្ជូនគាត់ត្រឡប់ទៅសម្រាកព្យាបាល នៅផ្ទះវិញ ដែលស្ថិតនៅតាមបណ្តោយផ្លូវកម្ពុជាក្រោម ដើម្បីកាត់បន្ថយការចំណាយ។
|
| កម្មកររោងចក្រជាវៃត្រឡប់ចូលធ្វើការវិញក្រោយសម្របសម្រួល Posted: 05 Sep 2011 01:06 AM PDT ភ្នំពេញៈ កម្មកររោងចក្រកាត់ដេរជាវៃ(Jie Wei)ជាង ៣០០នាក់ សម្រេចចូលធ្វើការវិញហើយ បន្ទាប់ពីមានលទ្ធផលវិជ្ជមាននៃការសម្របសម្រួលគ្នារវាងក្រុមហ៊ុន កម្មកររោងចក្រ និងក្រសួងការងារ នៅថ្ងៃនេះ។ |
| អ្នកសារព័ត៌មាន២៥រូបទទួលការបណ្តុះបណ្តាលផ្នែកអភិវឌ្ឍន៍សហគមន៍ Posted: 04 Sep 2011 10:07 PM PDT  ភ្នំពេញៈ អ្នកកាសែតចំនួន ២៥នាក់មកពីបណ្តាស្ថាប័នប្រព័ន្ធផ្សព្វផ្សាយនានានៅក្នុងប្រទេស កម្ពុជា បានចូលរួមនៅក្នុងវគ្គបណ្តុះបណ្តាលមួយស្តីពីការអភិវឌ្ឍន៍ សហគមន៍ រៀបចំឡើងដោយក្រសួងព័ត៌មាន ក្រោមការឧបត្ថម្ភរបស់អង្គការយូណេស្កូ។
|
| អតីតអធិការបតីអាល្លឺម៉ង់អំពាវនាវឲ្យបង្កើត«សហរដ្ឋអឺរ៉ុប» Posted: 04 Sep 2011 09:34 PM PDT  ប៊ែរឡាំងៈ អតីតអធិការបតីអាល្លឺម៉ង់ លោក Gerhard Shroeder កាលពីថ្ងៃអាទិត្យម្សិលមិញ បានអំពាវនាវឲ្យមានការបង្កើត «សហរដ្ឋអឺរ៉ុប» ដោយលោកលើកឡើងថា ប្លុកមួយនេះត្រូវការនូវរដ្ឋាភិបាលរួមមួយ ដើម្បីបញ្ចៀសវិបត្តិសេដ្ឋកិច្ចនាពេលអនាគត។ |
| កោះហៅមន្ត្រីសិទ្ធិមនុស្សពីរនាក់ និងអ្នកកាសែតម្នាក់ចូលបំភ្លឺ Posted: 04 Sep 2011 09:15 PM PDT រតនគិរីៈ តុលាការខេត្តរតនគិរី បានចេញដីកាមួយកោះហៅមន្រ្តីអង្គការអាដហុកចំនួន ២នាក់ និងអ្នកកាសែតម្នាក់ មកសាកសួរពីរឿងញុះញង់បង្កឲ្យមានបទល្មើសក្នុងរឿងទំនាស់ដីធ្លី រវាងអ្នកភូមិជនជាតិទំពូន ក្នុងស្រុកលំផាត់ជាមួយក្រុមហ៊ុន DM Group។ |
| អ៊ីរ៉ង់និយាយថា ឥណ្ឌាទូទាត់សំណងទាំងអស់៥ពាន់លានដុល្លារ Posted: 04 Sep 2011 08:59 PM PDT តេរ៉ង់ៈ ទេសាភិបាលធនាគារកណ្តាលអ៊ីរ៉ង់ លោក ម៉ាមូដ បាម៉ានី បានប្រាប់ទីភ្នាក់ងារព័ត៌មានរដ្ឋ កាលពីថ្ងៃអាទិត្យម្សិលមិញថា ប្រទេសឥណ្ឌាបានបង់ប្រាក់បំណុលប្រេងទាំងអស់នៅឆ្នាំនេះ ដោយសារតែបញ្ហាពាក់ព័ន្ធនឹងទណ្ឌកម្ម។ |
| You are subscribed to email updates from ដំណឹងថ្មីបំផុត To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
