VOA News: ព័ត៌មាន |
| ព័ត៌មានអន្តរជាតិសង្ខេប៖ ២១ សីហា Posted: 20 Aug 2011 09:11 PM PDT សហរដ្ឋអាមេរិក៖ ប្រធានាធិបតីសហរដ្ឋអាមេរិក បារ៉ាក់ អូបាម៉ា បានបន្តការអំពាវនាវទៅសភាឲ្យគិតអំពីបញ្ហាប្រទេស មុនបញ្ហានយោបាយ ហើយនិងធ្វើឲ្យប្រជាពលរដ្ឋមានការងារធ្វើវិញ។ លោកអូបាម៉ាបានធ្វើសន្ទរកថាប្រចាំសប្តាហ៍របស់លោកមកពីកសិដ្ឋាននៅក្នុងរដ្ឋ Illinois ភាគកណ្តាលសហរដ្ឋអាមេរិក។ អង់គ្លេស៖ ព្រះអង្គម្ចាស់ Harry អនុសេនីឯកនៃកងទ័ពអាកាសអង់គ្លេស នឹងយាងមកកាន់សហរដ្ឋអាមេរិកដើម្បីហាត់ហ្វឹកហ្វឺនជាអ្នកបើកបរឧទ្ធម្ភាគចក្រវាយប្រហារ Apache។ អ៊ីស្រាអែល៖ ប្រទេសអ៊ីស្រាអែលបានសម្តែងនូវការសោកស្តាយចំពោះការស្លាប់បុគ្គលិកសន្តិសុខអេហ្ស៊ីបម្នាក់នៅក្នុងការប្រយុទ្ធរវាងកងទ័ពអ៊ីស្រាអែលនិងជនសង្ស័យជាជនសកម្មប្រយុទ្ធប៉ាឡេស្ទីននៅតាមបណ្តោយព្រំដែនអ៊ីស្រាអែលនិងអេហ្ស៊ីបកាលពីថ្ងៃព្រហស្បតិ៍។ លីប៊ី៖ ទីភ្នាក់ងារព័ត៌មានប្រទេសលោកខាងលិចរាយការណ៍ថា ពួកឧទ្ទាមលីប៊ី បានត្រួតត្រាទីក្រុង Zawiya ជាទីក្រុងយុត្តិសាស្រ្តភាគខាងលិច ដែលកំពុងរឹតបន្តឹងដើម្បីឡោមព័ទ្ធទីតាំងដ៏រឹងមាំរបស់មេដឹកនាំ Moammar Gadhafi នៅក្នុងរដ្ឋធានី ទ្រីប៉ូលី។ ស៊ីរី៖ កងកម្លាំងសន្តិសុខស៊ីរីបានសម្លាប់មនុស្សយ៉ាងហោចណាស់ក៏២នាក់ដែរនៅក្នុងខេត្ត Homs ភាគកណ្តាល។ កាលពីថ្ងៃសៅរ៍ ចំនួនអ្នកស្លាប់បានកើតមានឡើង មួយថ្ងៃបន្ទាប់ពីកងទ័ពស៊ីរីបានសម្លាប់មនុស្សជាង២៨នាក់នៅពាសពេញប្រទេស។ ចិន៖ លោកអនុប្រធានាធិបតី Joe Biden កំពុងបំពេញទស្សនៈកិច្ចទីក្រុង Chengdu ប្រទេសចិន បន្ទាប់ពីជំនួបកម្រិតខ្ពស់ក្នុងទីក្រុងប៉េកាំង។ លោក Biden បានអញ្ជើញទៅដល់មជ្ឈមណ្ឌលឧស្សាហ៍កម្មនៅក្នុងខេត្ត Sichuan កាលពីថ្ងៃសៅរ៍ដែលបានអមដំណើរដោយលោក Gary Lock ឯកអគ្គរដ្ឋទូតសហរដ្ឋអាមេរិកប្រចាំនៅប្រទេសចិន។ អ៊ីរ៉ង់៖ ទូរទស្សន៍អ៊ីរ៉ង់ប្រាប់ឲ្យដឹងថា ជនជាតិអាមេរិកាំងពីរនាក់ដែលបានឃុំខ្លួននៅក្នុងប្រទេសចាប់តាំងពីឆ្នាំ២០០៩មក បានត្រូវកាត់ទោសឲ្យជាប់ពន្ធនាគារ៨ឆ្នាំចំពោះការធ្វើចារកម្ម និងការចូលក្នុងប្រទេសនោះខុសច្បាប់។ ម៉ារ៉ុក៖ បុរសជនជាតិម៉ារ៉ុកម្នាក់បានត្រូវកាត់ទោសឲ្យជាប់ពន្ធនាគារចំពោះការរៀបចំផែនការដាក់ថ្នាំបំពុលក្នុងទឹកប្រើប្រាស់ក្នុងប្រទេសអេស៉្បាញ។ ហុងឌុយរ៉ាស់៖ ខ្យល់ព្យុះតំបន់ត្រូពិក Harvey បានធ្វើចលនាទៅកាន់តំបន់អាមេរិកកណ្តាល ហើយអាចបក់បោកប្រទេសហុងឌុយរ៉ាស់ដោយមានខ្យល់និងភ្លៀងធ្លាក់យ៉ាងខ្លាំង មុនពេលវាមានចលនាមកដល់ដីគោកនៅតំបន់ Belize។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
