Koh Santipheap Daily |
- កាមរីឆ្លាមបោះពួយបុករបាំងចែកផ្លូវជ្រុះស្លាកលេខ
- សម្ពោធដាក់ឱ្យប្រើប្រាស់ផ្លូវក្រាលក្រួសក្រហមជូនដល់សង្កាត់ថ្មី ដែលកាត់បញ្ចូលរាជធានីភ្នំពេញ
- អាល់កៃដាអះអាងពីការស្លាប់របស់អូសាម៉ាប៊ីនឡាដេន
- ស្ត្រីមានវិបត្តិធ្វើដំណើរទៅលោតទឹកពីលើស្ពានជ្រោយចង្វា
- ការស្បថស្បែជួយឱ្យមនុស្សបន្ថយការឈឺចាប់ ដោយរាងកាយនឹងបង្កើនអ័រម៉ូនបំបាត់ការចុងចាប់ក្នុងចិត្ត
- សាលារាជធានីភ្នំពេញហាមឃាត់មិនឱ្យចតរថយន្តនៅជុំវិញផ្សារធំថ្មី
- កងកម្លាំងកាដាហ្វីវាយប្រហារកន្លែងស្តុកប្រេងក្នុងទីក្រុងមីស្ត្រាតា
- បាក់ដីនៅឥណ្ឌូណេស៊ីស្លាប់17នាក់ និងបាត់ខ្លួន2នាក់
- ប៉ាក់គីអាវ បន្តឯតទគ្គកម្មឈ្នះរបស់ខ្លួនទៅមូស្លីប្រកបដោយក្តីរំភើប
- ផ្សារតាកែវតែងតែជន់លិចនៅពេលមានភ្លៀងធ្លាក់
- កម្មកររោងចក្រមិថុនាឈានទៅប្រើកុបកម្មក្នុងការតវ៉ា
- តម្លៃប្រេងឆៅធ្លាក់ចុះវិញដល់ជិត15%រយៈពេល1សប្តាហ៍
- កម្មកររោងចក្រមិថុនាឈានទៅប្រើកុបកម្មក្នុងការតវ៉ា
- ហ្វូងបាតុករយេម៉ែនច្រានចោលផែនការផ្ទេរអំណាចរបស់ GCC
- ប៉ះទង្គិចគ្នាផ្នែកសាសនានៅទីក្រុងគែរ ប្រទេសអេហ្ស៊ីបស្លាប់6នាក់
- យន្តហោះឥណ្ឌូណេស៊ីមួយគ្រឿងធ្លាក់ក្នុងសមុទ្រស្លាប់អ្នកជិះទាំងអស់
- ពលរដ្ឋខ្មែរ២នាក់ដែលទាហានឡាវចាប់ខ្លួន មិនទាន់ប្រគល់ឱ្យអាជ្ញាធរកម្ពុជាទេ
- ថ្លៃប្រេងនៅលើទីផ្សារអន្តរជាតិធ្លាក់ចុះ កម្ពុជាបែរជាឡើងថ្លៃ
- គោដឹកចូលកុងស៊ីមួយក្បាលបោលបុករថយន្តតារាភាពយន្ត លោក ស៊ុក សុភា ឱ្យជួយសង្គ្រោះ
- ស្ត្រីអេមីរ៉ាតអារ៉ាប់រួមប្តឹងទារពីប្តីជាង10លានដុល្លារពីបទអសមត្ថភាពផ្លូវភេទ
- ឆ្នាំ2050 ប្រជាជនអាស៊ីប្រហែល3.000លាននាក់នឹងមានទ្រព្យស្តុកស្តុម្ភ
- ក្នុងមួួយឆ្នាំប្រទេសកម្ពុជានាំចូលផ្លែឈើពីថៃតម្លៃ1.500លានបាត
- ឆោម ប៊ុនយ៉ុង បង្ហាញខ្លួនជាថ្មី ក្រោយពីបាត់មុខអស់រយៈពេល3ឆ្នាំ
- ឌុបមិត្តស្រីចេញពីហាងរវល់ងាកក្រោយសាសងបុករថយន្តពីក្រោយ
| កាមរីឆ្លាមបោះពួយបុករបាំងចែកផ្លូវជ្រុះស្លាកលេខ Posted: 08 May 2011 12:24 AM PDT  រាជធានីភ្នំពេញ ៖ រថយន្តការមីមួយគ្រឿងដែលគេអះអាងថា អ្នកបើកបរស្រវឹងបានបើកបោះពួយក្នុងល្បឿនលឿនជ្រុលចង្កូតទៅបុកក្បាលរបាំងដែក ខណ្ឌចែកផ្លូវ បណ្តាលឱ្យបាក់បង្គោលភ្លើងប្រើថាមពលព្រះអាទិត្យ និងខូចខាតប្រអប់អគ្គិសនី ហើយរថយន្តបានបើកគេចបាត់បន្សល់ទុកកាងមុខ និងស្លាកលេខ ភ្នំពេញ 2O-1935 ។ គ្រោះថ្នាក់ចរាចរណ៍បំផ្លិចបំផ្លាញទ្រព្យសម្បត្តិសាធារណៈនេះ ត្រូវសមត្ថកិច្ចឱ្យដឹងថា កើតឡើងកាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី៨ ឧសភា នៅចំណុចភ្លើងស្តុបទួលគោក មហាវិថីសហព័ន្ធរុស្ស៊ី ក្នុងសង្កាត់ផ្សារដេប៉ូទី៣ ខណ្ឌទួលគោក ។  |
| Posted: 08 May 2011 12:06 AM PDT  រាជធានីភ្នំពេញ ៖ អាចចាត់ទុកថា ជាចំណងដៃលេចធ្លោថ្មីបន្ថែមទៀត សម្រាប់ប្រជាពលរដ្ឋរស់នៅក្នុងសង្កាត់ព្រែកកំពឹស និងសង្កាត់ស្ពានថ្ម ដែលទើបកាត់ពីខេត្តកណ្តាលបញ្ចូលមកខណ្ឌដង្កោ រាជធានីភ្នំពេញ គឺបានទទួលផ្លូវលំក្រាលក្រួសក្រហមចំនួន២ខ្សែមានប្រវែងជាង៦គីឡូម៉ែត្រ ជាចំណងដៃដ៏ថ្លៃថ្លារបស់សម្តេចតេជោហ៊ុន សែន តាមរយៈសាលារាជធានីភ្នំពេញ ។ ពិធីសម្ពោធដាក់ឱ្យប្រើប្រាស់ផ្លូវលំក្រាលក្រួសក្រហមទាំងពីរខ្សែខាងលើនេះ ធ្វើឡើងកាលពីព្រឹកសៅរ៍ ទី៧ ឧសភា ២០១១ ក្រោមអធិបតីភាពលោកឧត្តមសេនីយ៍ទោ ហ៊ុន ម៉ាណែត តំណាងដ៏ខ្ពង់ខ្ពស់របស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកកែប ជុតិមា អភិបាលរាជធានីភ្នំពេញ ដោយមានការចូលរួមពីមន្ត្រីរាជការ ក្រោមឱវាទសាលារាជធានីភ្នំពេញ អាជ្ញាធរពាក់ព័ន្ធ និងប្រជាពលរដ្ឋយ៉ាងច្រើនកុះករ ។  |
| អាល់កៃដាអះអាងពីការស្លាប់របស់អូសាម៉ាប៊ីនឡាដេន Posted: 08 May 2011 12:04 AM PDT  ទូរទស្សន៍ប៉ាគីស្ថាន EXPRESS រាយការណ៍ថា ក្រុមភេរវកម្មអាល់កៃដា បានអះអាងពីការស្លាប់របស់មេដឹកនាំរបស់គេអូសាម៉ា ប៊ីនឡាដេន ។ ទូរទស្សន៍ថ្លែងថា ក្រុមអាល់កៃដាបានអះអាងពីការស្លាប់របស់មេដឹកនាំក្រុមគេអូសាម៉ា ប៊ីនឡាដេន ក្នុងសេចក្តីប្រកាសមួយចេញផ្សាយតាមបណ្តាញអ៊ីនធើរណេតរបស់ពួកជីហាដ ។ ក៏ប៉ុន្តែ EXPRESS ពុំបានបញ្ជាក់ពីកាលបរិច្ឆេទនៃការចេញផ្សាយសេចក្តីប្រកាសនោះ ឬកាលបរិច្ឆេទ ឬពីមូលហេតុដែលនាំឱ្យប៊ីនឡាដេន ស្លាប់ឡើយ ។  |
| ស្ត្រីមានវិបត្តិធ្វើដំណើរទៅលោតទឹកពីលើស្ពានជ្រោយចង្វា Posted: 08 May 2011 12:01 AM PDT  រាជធានីភ្នំពេញ ៖ ស្ត្រីមានវិបត្តិម្នាក់បានលេបថ្នាំងងុយដេកឡើងទន់ខ្លួនស្ទើរដើរពុំរួច បានជិះម៉ូតូឌុបទៅលោតទឹកប៉ងសម្លាប់ខ្លួនពីលើស្ពានជ្រោយចង្វាតែនាងពុំអាចតោងបង្កាន់ដៃស្ពានលោតចុះទៅក្នុងទន្លេបាន ក៏ត្រូវប៉ូលិសឃាត់ខ្លួននាំទៅកាន់ស្នាក់ការទាក់ទងហៅរថយន្តសាម៉ុយបញ្ជូនទៅកាន់មន្ទីរពេទ្យកាល់ម៉ែត។ការប៉ុនប៉ងលោតសម្លាប់ខ្លួនបានធ្វើឱ្យមានការភ្ញាក់ផ្អើលកាលពីវេលាម៉ោង៧និង៥០នាទីព្រឹកថ្ងៃទី៨ ឧសភា នៅលើស្ពានជ្រោយចង្វា។  |
| Posted: 07 May 2011 11:57 PM PDT  ការស្រាវជ្រាវដែលរៀបចំឡើងដោយលោករីឆាត ស្ទីវេន អ្នកចិត្តវិទ្យា ជនជាតិអង់គ្លេស ប្រទះឃើញថា ការសច្ចាស្បថស្បែអាចជួយឱ្យមនុស្សបន្ធូរបន្ថយការឈឺចាប់បាន។ លទ្ធផលស្រាវជ្រាវបានរៀបចំឡើងទៅលើក្រុមអ្នកស្ម័គ្រចិត្តចំនួន ៧០មានអាយុចាប់ពី១៨-៤៦ឆ្នាំ ដោយឱ្យក្រុមគំរូដាក់ដៃនៅលើទឹកកកឱ្យបានយូរដែលអាចធ្វើទៅ បានសម្រាប់សាកល្បងការអត់ធ្មត់ ។ លទ្ធផលបង្ហាញឱ្យឃើញថា ក្រុមដែលមិនសូវស្បថស្បែអាចដាក់ដៃលើទឹកកកបានយូរជាង៤៥ វិនាទីច្រើនជាងអ្នកមិនស្បថស្បែសោះ ខណៈពេលក្រុមដែលតែងតែមានការសច្ចាស្បថស្បែនឹងដាក់ដៃលើទឹកកក បានយូរដល់ទៅ៥៥វិនាទី ។  |
| សាលារាជធានីភ្នំពេញហាមឃាត់មិនឱ្យចតរថយន្តនៅជុំវិញផ្សារធំថ្មី Posted: 07 May 2011 11:47 PM PDT រាជធានីភ្នំពេញ ៖ យោងតាមសេចក្តីជូនដំណឹងរបស់សាលារាជធានីភ្នំពេញចុះថ្ងៃទី៥ ឧសភា ២០១១ ដែលកោះសន្តិភាពទទួលបានឱ្យដឹងថា សាលារាជធានីភ្នំពេញមានកិត្តិយសសូមជំរាបជូនដំណឹងដល់បងប្អូនប្រជាពលរដ្ឋទាំងអស់ឱ្យបានជ្រាបថា បច្ចុប្បន្នផ្សារធំថ្មីដែលជាបេតិកភណ្ឌជាតិត្រូវបានជួសជុលកែលំអទាំងក្នុង និងហេដ្ឋារចនាសម្ព័ន្ធខាងក្រៅរួចរាល់ជាស្ថាពរហើយ។  |
| កងកម្លាំងកាដាហ្វីវាយប្រហារកន្លែងស្តុកប្រេងក្នុងទីក្រុងមីស្ត្រាតា Posted: 07 May 2011 11:41 PM PDT  កងកម្លាំងដែលមានភក្តីភាពចំពោះលោកមូអាម៉ា កាដាហ្វី កាលពីថ្ងៃទី៧ ឧសភា កន្លងមក បានបើកការវាយប្រហារប្រឆាំងកន្លែងស្តុកប្រេងដ៏សំខាន់ នៅក្នុងទីក្រុងមីស្ត្រាតាបណ្តាលឱ្យធុងស្តុកប្រេងចំនួន៦រង ការបំផ្លាញទាំងស្រុង ហើយបង្កឱ្យមានភ្លើងឆេះយ៉ាងសន្ធោសន្ធៅ ។ នេះបើតាមការឱ្យដឹងដោយអ្នកនាំពាក្យរបស់ពួកឧទ្ទាម។ ការវាយប្រហារប្រឆាំងកន្លែងស្តុកប្រេងនេះធ្វើឡើងដោយប្រើ យន្តហោះទម្លាក់គ្រាប់បែកពីលើកន្លែងស្តុកប្រេងនេះតែម្តង  |
| បាក់ដីនៅឥណ្ឌូណេស៊ីស្លាប់17នាក់ និងបាត់ខ្លួន2នាក់ Posted: 07 May 2011 11:41 PM PDT អាជ្ញាធរមូលដ្ឋានរាយការណ៍កាលពីថ្ងៃទី៧ ឧសភា ថា មនុស្ស១៧នាក់បានត្រូវស្លាប់ និង២នាក់បាត់ខ្លួន ហើយមនុស្ស៤នាក់ត្រូវរបួសក្នុងការបាក់ដីមួយដែលកើតមានក្នុង ខេត្តជ្វាខាងលិចរបស់ឥណ្ឌូណេស៊ី។ លោកយ៉ាយ៉ាហ៍ ស៊ូហ័រយ៉ានតូ មន្ត្រីជាន់ខ្ពស់មួយរូបរបស់ទីភ្នាក់ងារគ្រប់គ្រង និងកាត់បន្ថយគ្រោះមហន្តរាយនៃខេត្តជ្វាខាងលិចនិយាយប្រាប់ទី ភ្នាក់ងារព័ត៌មានចិនស៊ីនហួតាមទូរស័ព្ទថា ការបាក់ដីនោះកើតមានកាលពីរសៀលថ្ងៃទី៦  |
| ប៉ាក់គីអាវ បន្តឯតទគ្គកម្មឈ្នះរបស់ខ្លួនទៅមូស្លីប្រកបដោយក្តីរំភើប Posted: 07 May 2011 11:33 PM PDT  តារាប្រដាល់ដែលដក់ជាប់ក្នុងក្រសែភ្នែកទស្សនិកជន មេនី ប៉ាក់គីអាវ បានវាយឈ្នះតារាប្រដាល់សេន មូស្លី ដោយពិន្ទុច្រើនលើសលប់បន្ទាប់ពីការប្រកួតបានចាប់ផ្តើមតាំងពីទឹកទី១ រហូតដល់ទឹកទី១២ កាលពីវេលាម៉ោង១១ព្រឹកថ្ងៃទី៨ ឧសភា ២០១១ ។ ការប្រកួតរវាងអ្នកទាំង២នេះ ចាប់ពីទឹកទី១ដល់ទឹកទី៣ ឃើញថា ការវាយសម្រុកមានស្ថានភាពប្រហាក់ប្រហែលគ្នា និងប្រុងប្រយ័ត្នការពារកណ្តាប់ដៃគ្នារៀងៗខ្លួន...ប៉ុន្តែនៅទឹកទី៣នេះស្រាប់តែប៉ាក់គីអាវ វាយចូលសៀតផ្ការបស់មូស្លី ១ដៃយ៉ាងខ្លាំង ខណៈមូស្លី ភ្លាត់ស្នៀតបន្តិច ហើយអាជ្ញាកណ្តាលរាប់ដល់៨ ទើបបន្តការប្រកួតទៀត ។  |
| ផ្សារតាកែវតែងតែជន់លិចនៅពេលមានភ្លៀងធ្លាក់ Posted: 07 May 2011 11:18 PM PDT  ខេត្តតាកែវ ៖ ស្របពេលភ្លៀងកំពុងតែធ្លាក់ជាបន្តបន្ទាប់នោះ ក្នុងទីធ្លាផ្សារតាកែវមួយផ្នែកបានលិចលង់ដោយទឹកភ្លៀង បង្កើតឱ្យមានភក់ជ្រាំស្អុយរលួយហៀរចេញពីលូដែលស្ទះធ្វើឱ្យអ្នកដែលចូលទៅក្នុងផ្សារលក់ដូរ ឬទិញម្ហូបអាហារបាននិយាយរិះគន់មេភាស៊ីផ្សារថា មិនបានគិតគូពីការស្តារប្រព័ន្ធលូក្នុងផ្សារឱ្យបានល្អដើម្បីកុំឱ្យទឹកជន់លិចនៅពេលភ្លៀងធ្លាក់នោះទេ គឺគិតតែពីប្រមូលលុយប៉ុណ្ណោះ។  |
| កម្មកររោងចក្រមិថុនាឈានទៅប្រើកុបកម្មក្នុងការតវ៉ា Posted: 07 May 2011 08:30 PM PDT  រាជធានីភ្នំពេញ ៖ កម្មកររោងចក្រកាត់ដេរមិថុនាប្រមាណ៣ពាន់នាក់ កាលវេលាម៉ោង៩ព្រឹកថ្ងៃអាទិត្យ ទី៨ ឧសភា ២០១១ នេះបានធ្វើការតវ៉ាយ៉ាងខ្លាំងក្លាជាបន្តទៀត នៅមុខរោងចក្រមិថុនារបស់ខ្លួនដោយប្រើអំពើហិង្សាយ៉ាងគំហុកទៅវិញទៅមកជាមួយសមត្ថកិច្ចប៉ូលិស ប៉េអឹម...ពួកកម្មករលើកតុកៅអី និងឧបករណ៍ ធំៗមួយចំនួនទៅដាក់កណ្តាលផ្លូវសហព័ន្ធរុស្ស៊ីដើម្បីបិទការធ្វើដំណើរ បង្កឱ្យស្ទះចរាចរណ៍ និងភ្ញាក់ផ្អើលយ៉ាងខ្លាំង...មិនតែប៉ុណ្ណោះ ពួកកម្មករបានប្រើដុំថ្ម ដបស្រាបៀរ ដំបងឈើគប់ទៅលើប៉ូលិស ប៉េអឹម ដោយសារតែខឹងសមត្ថកិច្ចទាំងនោះរារាំងពួកគេជាជាងជួយដោះស្រាយបញ្ហា ។  |
| តម្លៃប្រេងឆៅធ្លាក់ចុះវិញដល់ជិត15%រយៈពេល1សប្តាហ៍ Posted: 07 May 2011 08:25 PM PDT តម្លៃប្រេងកាលពីថ្ងៃទី៦ ឧសភា បានធ្លាក់ចុះដល់ថ្ងៃទី៥ជាប់ៗគ្នាមកនៅត្រឹម៩៧,១៨ដុល្លារ មួយធុង ដែលញ៉ាំងឱ្យពួកអ្នកវិនិយោគទទួលបានប្រាក់ចំណេញលើ វត្ថុធាតុដើម ។ នៅទីផ្សារប្រេងក្រុងញូវយ៉កប្រេងឆៅអាមេរិកមួយធុងនាថ្ងៃទី ៦ ឧសភា បានធ្លាក់ចុះ២,៦២ដុល្លារទៀតឬ២,៦៦% មកនៅត្រឹមតែ៩៧,១៨ដុល្លារមួយធុង ។ ក្នុងរយៈពេល១សប្តាហ៍តម្លៃប្រេងឆៅបានធ្លាក់ចុះវិញដល់ទៅ ១៦.៧៥ដុល្លារមួយធុង ឬ១៤,៧% ។  |
| កម្មកររោងចក្រមិថុនាឈានទៅប្រើកុបកម្មក្នុងការតវ៉ា Posted: 07 May 2011 08:24 PM PDT រាជធានីភ្នំពេញ ៖ កម្មកររោងចក្រកាត់ដេរមិថុនាប្រមាណ៣ពាន់នាក់ កាលវេលាម៉ោង៩ព្រឹកថ្ងៃអាទិត្យ ទី៨ ឧសភា ២០១១ នេះបានធ្វើការតវ៉ាយ៉ាងខ្លាំងក្លាជាបន្តទៀត នៅមុខរោងចក្រមិថុនារបស់ខ្លួនដោយប្រើអំពើហិង្សាយ៉ាងគំហុកទៅវិញទៅមកជាមួយសមត្ថកិច្ចប៉ូលិស ប៉េអឹម...ពួកកម្មករលើកតុកៅអី និងឧបករណ៍ ធំៗមួយចំនួនទៅដាក់កណ្តាល  |
| ហ្វូងបាតុករយេម៉ែនច្រានចោលផែនការផ្ទេរអំណាចរបស់ GCC Posted: 07 May 2011 07:54 PM PDT  ហ្វូងបាតុករយេម៉ែននិយាយកាលពីថ្ងៃទី៧ ឧសភា កន្លងមក ថា ពួកគេមិនព្រមទទួលយកឡើយនូវផែនការផ្ទេរអំណាចដែលសម្របសម្រួល បានដោយក្រុមប្រឹក្សាកិច្ចសហប្រតិបត្តិការឈូងសមុទ្រ (GCC) ដែលមិនរាប់បញ្ចូលនូវការលាលែងចេញពីតំណែងប្រធានាធិបតីជាបន្ទាន់ របស់លោកអាលីអាប់ឌុលឡាហ៍ សាឡេហ៍ និងការកាត់ទោសលោក ។ គណៈកម្មាធិការរៀបចំធ្វើបាតុកម្មនោះនិយាយក្នុងសេចក្តីថ្លែងការណ៍ មួយថា «យើងសូមច្រានចោលនូវផែនការផ្ទេរអំណាចដែលស្វះស្វែងរកការ ផ្តល់ដល់លោកសាឡេហ៍  |
| ប៉ះទង្គិចគ្នាផ្នែកសាសនានៅទីក្រុងគែរ ប្រទេសអេហ្ស៊ីបស្លាប់6នាក់ Posted: 07 May 2011 07:50 PM PDT  មន្ត្រីអេហ្ស៊ីបនានានិយាយថា មនុស្សយ៉ាងហោចណាស់៦នាក់បានស្លាប់បាត់បង់ជីវិត និង១២០នាក់ទៀតរងរបួសក្នុងការប៉ះទង្គិចគ្នាដោយសារសាសនានៅ ខាងក្រៅវិហារមួយនៅក្នុងទីក្រុងគែរ កាលពីថ្ងៃទី៧ ឧសភា កន្លងមក ។ ការប៉ះទង្គិចគ្នានោះបង្កឡើងដោយក្រុមអ្នកកាន់សាសនាមូស្លីម ដែលពោរពេញទៅដោយកំហឹងជាមួយក្រុមអ្នកកាន់សាសនាអូតូដុក ដោយដំបូងពួកអ្នកកាន់សាសនាមូស្លីមវាយប្រហារលើក្រុមអ្នកកាន់ សាសនាអូតូដុក ដោយសាររបាយការណ៍នានាដែលថា  |
| យន្តហោះឥណ្ឌូណេស៊ីមួយគ្រឿងធ្លាក់ក្នុងសមុទ្រស្លាប់អ្នកជិះទាំងអស់ Posted: 07 May 2011 07:36 PM PDT  យន្តហោះឥណ្ឌូណេស៊ីមួយគ្រឿងបានធ្លាក់ចូលក្នុងសមុទ្រនៅក្បែរ ខេត្តប៉ាពូអាស៊ីភាគខាងលិចប្រទេស កាលពីល្ងាចថ្ងៃទី៧ ឧសភា កន្លងមក បណ្តាលឱ្យស្លាប់អ្នកជិះទាំងអស់ ។ អ្នកនាំពាក្យក្រសួងដឹកជញ្ជូនឥណ្ឌូណេស៊ី លោក Bangbang Ervan និយាយឱ្យដឹងថា មានអ្នកដំណើរ២១នាក់ និងសមាជិកក្រុមយានិក៦នាក់ជិះលើយន្តហោះនោះ ហើយពេលនេះក្រុមអ្នកជួយសង្គ្រោះកំពុងស្រាវជ្រាវរកអ្នកនៅ រស់ក្រោយពីសាកសពមនុស្ស១៥នាក់ត្រូវបានរកឃើញ ហើយស្រង់ចេញពីទឹក  |
| ពលរដ្ឋខ្មែរ២នាក់ដែលទាហានឡាវចាប់ខ្លួន មិនទាន់ប្រគល់ឱ្យអាជ្ញាធរកម្ពុជាទេ Posted: 07 May 2011 06:59 PM PDT ខេត្តស្ទឹងត្រែង ៖ ដោយឡែកប្រជាពលរដ្ឋខ្មែរ២នាក់រស់នៅស្រុកសៀមប៉ាង ខេត្តស្ទឹងត្រែង ដែលត្រូវទាហានព្រំដែនឡាវចាប់ខ្លួនកាលពីថ្ងៃទី៣០ មេសា កន្លងមកនេះ ត្រូវបានអាជ្ញាធរស្រុកប៉ាត់តុផនរបស់ឡាវ បញ្ជូនទៅឃុំខ្លួនបន្តនៅខេត្តចំប៉ាសាក់ហើយ ដោយរង់ចាំប៉ូលិសអន្តោប្រវេសន៍របស់ឡាវចាត់ការតាមច្បាប់ ។ បើតាមអ្នកឆ្លើយឆ្លងព័ត៌មានកោះសន្តិភាពប្រចាំខេត្តស្ទឹងត្រែងបានបញ្ជាក់ទៀតថា នៅសប្តាហ៍ក្រោយនេះ នឹងមានការប្រជុំគ្នារវាងអភិបាលខេត្តស្ទឹងត្រែង និងខេត្តចំប៉ាសាក់ ហើយនៅពេលនេះលោកស៊ី សួន អភិបាលស្រុកសៀមប៉ាង ដែលចូលរួមក្នុងកិច្ចប្រជុំនោះដែរ នឹងស្នើសុំឱ្យមានការដោះលែងប្រជាពលរដ្ឋខ្មែរទាំង២នាក់ ដែលអាជ្ញាធរឡាវចាប់ខ្លួននោះ។  |
| ថ្លៃប្រេងនៅលើទីផ្សារអន្តរជាតិធ្លាក់ចុះ កម្ពុជាបែរជាឡើងថ្លៃ Posted: 07 May 2011 06:54 PM PDT រាជធានីភ្នំពេញ ៖ តម្លៃប្រេងសាំងនៅក្នុងរាជធានីភ្នំពេញនៅថ្ងៃសៅរ៍ ទី៧ ឧសភា ២០១១ នេះ នៅតាមស្ថានីយប្រេងកាល់តិច និងតូតាល់ ប្រេងធម្មតាបានឡើងដល់តម្លៃ៥.៣០០រៀល ក្នុង១លីត្រ និងសាំងស៊ុបពែរ មានតម្លៃ៥.៦០០រៀល ក្នុង១លីត្រ ខណៈពេលដែលតម្លៃប្រេងនៅលើទីផ្សារអន្តរជាតិបានធ្លាក់ចុះអស់ប្រហែល៩ភាគរយ មកនៅក្រោមតម្លៃ១០០ដុល្លារក្នុង១បារ៉ែល។  |
| គោដឹកចូលកុងស៊ីមួយក្បាលបោលបុករថយន្តតារាភាពយន្ត លោក ស៊ុក សុភា ឱ្យជួយសង្គ្រោះ Posted: 07 May 2011 06:43 PM PDT រាជធានីភ្នំពេញ ៖ គោ១ក្បាលដែលឈ្មួញដឹកយកទៅកាប់នៅទីសត្តឃាតបឹងសាឡាង ស្ថិតក្នុងសង្កាត់បឹងសាឡាង ខណ្ឌទួលគោក បានធ្លាក់ពីលើរថយន្ត ហើយរត់ពេញផ្លូវជល់រថយន្តម៉ាកមែរសឺដេសរបស់លោកស៊ុក សុភា ហៅនាយខៀវ ជាពិធីករទូរទស្សន៍ និងជាតារាសម្តែង បណ្តាលឱ្យបែកកញ្ចក់ចំហៀង និងកញ្ចក់មុខអស់មួយផ្នែកធំ។  |
| ស្ត្រីអេមីរ៉ាតអារ៉ាប់រួមប្តឹងទារពីប្តីជាង10លានដុល្លារពីបទអសមត្ថភាពផ្លូវភេទ Posted: 07 May 2011 06:41 PM PDT ទីភ្នាក់ងារព័ត៌មានបរទេសផ្សាយឱ្យដឹងថា ស្ត្រីជនជាតិអេមីរ៉ាតអារ៉ាប់រួមម្នាក់បង្កើតនូវរឿងរ៉ាវល្បី រន្ទឺដោយប្តឹងតុលាការក្នុងទីក្រុងឌូបៃ ទាមទារថ្លៃខូចខាតជាទឹកប្រាក់ចំនួន១០,៩៩លានដុល្លារ ពីបទមិនអាចមានការរួមរ័ក និងធ្វើឱ្យនាងមានសេចក្តីសុខផ្នែកផ្លូវភេទបាន រហូតធ្វើឱ្យនាងមានការតប់ប្រមល់ផ្លូវចិត្ត ។  |
| ឆ្នាំ2050 ប្រជាជនអាស៊ីប្រហែល3.000លាននាក់នឹងមានទ្រព្យស្តុកស្តុម្ភ Posted: 07 May 2011 06:34 PM PDT  របាយការណ៍ប្រចាំឆ្នាំរបស់ធនាគារអភិវឌ្ឍន៍អាស៊ី (ADB) បញ្ជាក់ឱ្យដឹងថា ជនជាតិអាស៊ីប្រហែល៣.០០០លាននាក់ អាចមានទ្រព្យសម្បត្តិស្តុកស្តម្ភនៅក្នុងឆ្នាំ២០៥០ ប្រសិនបើអាស៊ីនៅរក្សាអត្រារីកចម្រើនផ្នែកសេដ្ឋកិច្ចបានជា បន្ត ។ នៅក្នុងរបាយការណ៍ប្រចាំឆ្នាំរបស់ធនាគារអភិវឌ្ឍន៍អាស៊ី (ADB) ដែលផ្សព្វផ្សាយនៅក្នុងកិច្ចប្រជុំក្រុងហាណូយ ប្រទេសវៀតណាម កាលពីថ្ងៃទី៤ ឧសភា កន្លងមក បញ្ជាក់ថា ជនជាតិអាស៊ីប្រហែល៣.០០០លាននាក់ អាចមានទ្រព្យសម្បត្តិស្តុកស្តម្ភក្នុងឆ្នាំ២០៥០ ឬប្រហែល៣៩ឆ្នាំខាងមុខ ប្រសិនបើភូមិភាគអាស៊ីអាចរក្សាភាពរីកចម្រើនសេដ្ឋកិច្ចដូចពេល បច្ចុប្បន្នបានជាបន្តទៀត ។  |
| ក្នុងមួួយឆ្នាំប្រទេសកម្ពុជានាំចូលផ្លែឈើពីថៃតម្លៃ1.500លានបាត Posted: 07 May 2011 06:26 PM PDT  រាជធានីភ្នំពេញ ៖ នាយកដ្ឋានជំរុញការនាំចេញនៃក្រសួងពាណិជ្ជកម្មថៃ បានសហការជាមួយផ្សារទំនើបផារ៉ាហ្កន រៀបចំពិធីតាំងពិព័រណ៍ផ្លែឈើថៃឆ្នាំ២០១១នេះ រយៈពេល៤ថ្ងៃ នៅផ្សារទំនើបផារ៉ាហ្កន គឺចាប់ពីថ្ងៃទី៥ ដល់ទី៨ ឧសភា ហើយពិធីសម្ពោធការតាំងពិព័រណ៍នេះ ត្រូវបានធ្វើឡើងក្រោមអធិបតីភាពលោក ស៊ុម ប៉ងសះងួនបាន់ ឯកអគ្គរាជទូតថៃប្រចាំនៅកម្ពុជា ។  |
| ឆោម ប៊ុនយ៉ុង បង្ហាញខ្លួនជាថ្មី ក្រោយពីបាត់មុខអស់រយៈពេល3ឆ្នាំ Posted: 07 May 2011 06:23 PM PDT  រាជធានីភ្នំពេញ ៖ រយៈពេលប្រមាណបីឆ្នាំមកហើយ ដែលអ្នកចម្រៀងឆោម ប៊ុនយ៉ុង បាត់មុខ តែពេលនេះលោកបានចាប់អាជីពរបស់ខ្លួនវិញហើយ និងបានបង្ហាញមុខជាសាធារណៈក្នុងកម្មវិធីប្រគំតន្ត្រីរបស់ ស្ថានីយទូរទស្សន៍ផងដែរ។ លោកឆោម ប៊ុនយ៉ុង ជាអ្នកចម្រៀងមានរាងខ្ពស់សង្ហា និងច្រៀងពីរោះ។ លោកបានចូលប្រឡូកក្នុងពិភពសិល្បៈនាឆ្នាំ១៩៩៧ ដោយដំបូងច្រៀងនៅភោជនីយដ្ឋាននិងរង្គសាលក្នុងរាជធានីភ្នំពេញ ។ បន្ទាប់មកដោយសារលោកមានទឹកដមសម្លេងពីរោះ ត្រូវផលិតកម្មនៅក្នុង និងក្រៅប្រទេសហៅឱ្យចូលរួមថតសម្លេងចូលស៊ីឌី និងសម្តែងកាយវិការខារ៉ាអូខេ ។  |
| ឌុបមិត្តស្រីចេញពីហាងរវល់ងាកក្រោយសាសងបុករថយន្តពីក្រោយ Posted: 07 May 2011 06:22 PM PDT  រាជធានីភ្នំពេញ ៖ កាលពីវេលាម៉ោង១២និង១៥នាទីអធ្រាត្រឈានចូលថ្ងៃទី៦ ឧសភា បុរសម្នាក់ជិះម៉ូតូគុបជ្រុង៥០ ពណ៌សំបកឪឡឹក ពាក់ស្លាកលេខ ភព ១ឃ ០៩៧១ បានជួបនឹងគ្រោះថ្នាក់ចរាចរណ៍ ខណៈឌុបមិត្ដស្រីចេញពីហាងផឹកស៊ីដែលទំនងរវល់តែប្រឡែងគ្នាមិនបានមើលទៅមុខក៏បណ្ដាលឱ្យជ្រុលចង្កូតទៅបុកពីក្រោយរថយន្ដហ៊ីយ៉ាន់ដាយ ពណ៌ខៀវ ពាក់ស្លាកលេខភ្នំពេញ 2L-0494 ដែលឈប់នៅលើចិញ្ចើមថ្នល់ខាងស្ដាំ បណ្ដាលឱ្យដួលទៅនឹងថ្នល់សន្លប់តែម្ដង។ ហេតុការណ៍នេះកើតឡើងនៅមុខវិទ្យាល័យបឹងត្របែកតាម បណ្ដោយមហាវិថីព្រះនរោត្ដម ក្នុងសង្កាត់បឹងត្របែក ខណ្ឌចំការមន ។  |
| You are subscribed to email updates from Koh Santepheap Daily To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
