Koh Santipheap Daily |
- ពិធីបុណ្យបញ្ចុះខណ្ឌសីមាព្រះវិហារ និងពុទ្ធាភិសេកព្រះពុទ្ធរូបក្នុងវត្ត ព្រះច័ន្ទរង្សី ហៅវត្តរលួស ស្ថិតក្នុងឃុំបឹងឈូក ស្រុកទឹកឈូ ខេត្តកំពត
- ការរញ្ជួយដីកម្រិត៨,៨រីស្ទ័រកើតឡើងនៅប្រទេសជប៉ុនទៀតរបួសច្រើននាក់
- ប៉ូលិសបាញ់ទៅលើពួកបាតុករនៅអារ៉ាប៊ី សាអូឌីត
- បុរសម្នាក់អះអាងថា ជាប្អូនជីដូនមួយរបស់លោកកាហ្សៃ ត្រូវសម្លាប់ដោយទាហានអូតង់
- ឆ្កែវៃឆ្លាតចេះជួយធ្វើការងារម្ចាស់បានច្រើនមុខ
- ក្រុមការងារកសាងផែនការអភិវឌ្ឍន៍ខណ្ឌដូនពេញបើកកិច្ចប្រជុំលើកទី១
- លោកកាដាហ្វីសន្យាពីសង្គ្រាមប្រេងកាតខណៈកងទ័ពលោកបន្តវាយបកលើទីលាន
- វីរ៉ា ស៊ុមខ្វាមឃីត ត្រូវមានភារកិច្ច ៖ សារភាពកំហុស, ជាប់ពន្ធនាគារ២ភាគ៣សិន ទើបអាចសុំការលើកលែងបាន
- ខ្លាចាស់មួយគូ ៖ ពេជ្រ អារុណ និងវ៉ែន សុវណ្ណ ជួបគ្នានៅរេញបាយ័ន
- រៀបចំទីស្នាក់ការសង្កាត់រដ្ឋបាលព្រៃឈើនិងថ្នាលបណ្តុះកូនឈើ
- គ្រូស្រោចទឹកមន្តឆក់ឱកាសបបោសអង្អែលនាងក្រមុំ
- សមត្ថកិច្ចតាមប្រមាញ់បំបែកសំបុកចោរប្លន់អ្នកលក់មាសនៅកំពង់ឆ្នាំង
- ការរញ្ជួយដីនៅភាគនិរតីចិនស្លាប់25នាក់
- ការរញ្ជួយដីកម្រិត6,5រីស្ទ័រ ធ្វើឱ្យកក្រើករមណីយដ្ឋានកោះបាលី
- អាជ្ញាធរនិងសមត្ថកិច្ចបណ្តេញមនុស្សឱ្យចេញពីព្រៃ ខណៈរាប់រយនាក់សម្រុកចូលស៊ីឈ្នួលកាប់ឈើនៅតំបន់កន្ទុយនាគ
- ហ៊ីយ៉ាន់ដាយដឹកជ្រូកហក់ត្របាក់ម៉ូតូឌ្រីមស្លាប់៣នាក់ របួសធ្ងន់៣នាក់ នៅលើផ្លូវភ្នំពេញ-ហាណូយ
- បុរសចំណាស់លេបថ្នាំសម្លាប់ខ្លួន ចោទប្រពន្ធថា«ស្រីផិត ក្បត់ប្តី» កូនៗមានតែការហួសចិត្ត
- ឪពុកម្តាយវាយធ្វើបាប នាងមកលោតទឹកស្ពានជ្រោយចង្វា
- ពិព័រណ៍ការងារផ្នែកព័ត៌មានវិទ្យានៅវិទ្យាស្ថានបច្ចេកវិទ្យាកម្ពុជា(តិចណូ)
- អគ្គនាយកដ្ឋានគយប្រជុំពិនិត្យមើលពីវឌ្ឍនភាពនៃការអនុវត្តប្រព័ន្ធ ASYCUDA
| Posted: 10 Mar 2011 11:25 PM PST    ខេត្តកំពត ៖ ព្រះវិហារដែលទើបបានកសាងរួចរាល់ជាស្ថាពរ រួមនឹងសមិទ្ធផលថ្មីៗមួយចំនួនទៀតបម្រើក្នុងវិស័យព្រះពុទ្ធសាសនានៅវត្តព្រះច័ន្ទរង្សី ហៅវត្តរលួស ស្ថិតក្នុងភូមិរលួស ឃុំបឹងឈូក ស្រុកទឹកឈូ ជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងលោកជំទាវ ត្រូវបានប្រារព្ធពិធីបុណ្យបញ្ចុះខណ្ឌសីមា និងពុទ្ធាភិសេកព្រះពុទ្ធរូបនាព្រឹកថ្ងៃទី៩ ខែមីនា ឆ្នាំ២០១១។ ពិធីនេះប្រព្រឹត្តទៅក្រោមអធិបតីភាពលោកហាស់ វ៉ារី ទីប្រឹក្សាផ្ទាល់ និងជាតំណាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ ព្រមទាំងបានការចូលរួមផងដែរពីសំណាក់មន្ត្រីអាជ្ញាធរខេត្ត ស្រុក ឃុំ និងប្រជាពលរដ្ឋប្រមាណជាង៣ពាន់នាក់។ ក្នុងសុន្ទរកថាស្វាគមន៍ និងរបាយការណ៍ដែលលើកឡើងដោយលោកអ៊ុក ឡាយ អភិបាលស្រុកទឹកឈូ បានឱ្យដឹងថា ក្នុងរបបប្រល័យពូជសាសន៍ ប៉ុល ពត ទីអារាមនេះ ត្រូវបានបំផ្លាញទាំងស្រុង ប៉ុន្តែក្រោយថ្ងៃជ័យជំនះ៧មករា ទាំងព្រះសង្ឃ និងពុទ្ធបរិស័ទជិតឆ្ងាយបានរួមគ្នាកសាងវត្តនេះជាបណ្តើរៗឡើងវិញទុកជាទីកន្លែងគោរពសក្ការៈ។ មកដល់ពេលនេះទីអារាមក៏ទទួលបានការជួយឧបត្ថម្ភអំណោយដ៏ថ្លៃថ្លាពីសម្តេចតេជោ ហ៊ុន សែន និងលោកជំទាវ តាមរយៈលោកហាស់ វ៉ារី និងលោកជំទាវសម្រាប់កសាងព្រះវិហារ របងប្រវែង៦០០ម៉ែត្រ និងសមិទ្ធផលជាច្រើនទៀតបានរួចរាល់ ដោយចំណាយទឹកប្រាក់សរុបចំនួន១៤៨.៩៩០ដុល្លារ ក្នុងនោះអំណោយសម្តេច និងលោកជំទាវចំនួន៨១.៣៥៦ដុល្លារ និងថវិកាចំនួន៦៧.៦៣៤ដុល្លារទៀតបានមកពីការចូលរួមរបស់ពុទ្ធបរិស័ទជិតឆ្ងាយ និងបានធ្វើបុណ្យឆ្លងនាពេលនេះ។ មានប្រសាសន៍សំណេះសំណាលក្នុងឱកាសនោះ លោកហាស់ វ៉ារី បានសម្តែងការដឹងគុណ និងអំណរគុណដ៏ខ្ពង់ខ្ពស់បំផុតជូនចំពោះសម្តេចតេជោ ហ៊ុន សែន និងលោកជំទាវ ដែលតែងយកចិត្តទុកដាក់គិតគូរជាប្រចាំចំពោះសុខទុក្ខ និងជីវភាពរស់នៅរបស់ប្រជាពលរដ្ឋទូទៅនៅទូទាំងប្រទេស។ លោកក៏បានជម្រាបជូនពីការខិតខំប្រឹងប្រែងអភិវឌ្ឍន៍ប្រទេសជាតិរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំប្រកបដោយភាពឈ្លាសវៃ ធ្វើឱ្យប្រទេសជាតិមានការរីកចម្រើនលើគ្រប់វិស័យ ទាំងវិស័យពុទ្ធចក្រ និងអាណាចក្រ។ ជាមួយគ្នានេះ បានផ្តាំផ្ញើដល់ព្រះសង្ឃ និងពុទ្ធបរិស័ទទាំងអស់ សូមជួយថែរក្សាសមិទ្ធផលថ្មីៗទាំងនោះ ទុកជាទីកន្លែងគោរពសក្ការៈសម្រាប់ពុទ្ធសាសនិកកម្ពុជាទូទៅបានយូរអង្វែង។ ជាបន្ត គណៈអធិបតីក៏បានអញ្ជើញបំពាក់គ្រឿងឥស្សរិយយសជូនដល់សប្បុរសជនចំនួន១៤រូប ក្នុងនោះមានមេដាយថ្នាក់អស្សប្ញទ្ធិចំនួន១, មេដាយមុនីសារាភ័ណ្ឌថ្នាក់ធិបឌិន្ទចំនួន១, មេដាយមុនីសារាភ័ណ្ឌថ្នាក់សេរីវឌ្ឍន៍ចំនួន១០ និងមេដាយមាសស្ថាបនាជាតិចំនួន២។ បានឧបត្ថម្ភ និងចែកអំណោយដ៏ថ្លៃថ្លារបស់សម្តេចតេជោ ហ៊ុន សែន និងលោកជំទាវ ក្នុងនោះឧបត្ថម្ភដល់ការរៀបចំពិធីបុណ្យថវិកាចំនួន៨.៨០០ដុល្លារ, ប្រគេនព្រះសង្ឃ៧អង្គ ក្នុង១អង្គទេយ្យវត្ថុ១កញ្ចប់ និងបច្ច័យ២ម៉ឺលរៀល, ផ្តល់ការរៀបចំវេទិកា២លានរៀល, យាយជី តាជី១០០នាក់ ក្នុងម្នាក់ៗកំណាត់ស១ដុំ និងនំ១ធុង, លោកគ្រូ អ្នកគ្រូ៥០នាក់ ម្នាក់ៗសារុង១ និងនំ១ធុង, ផ្តល់ថ្នាំពេទ្យព្យាបាលជម្ងឺស្ត្រីដល់មន្ទីរពេទ្យបង្អែកស្រុក៤៥០ប្រអប់, ប្រគេនសៀវភៅធម្មទានដល់វត្តចំនួន១ម៉ឺនក្បាល, កម្លាំងការពារ១លានរៀល និងប្រជាពលរដ្ឋចូលរួមជាង២ពាន់នាក់ ក្នុងម្នាក់ៗសារុង១ និងនំ១ធុង។ តមក គណៈអធិបតីក៏បានអញ្ជើញកាត់ខ្សែបូធ្វើពិធីពុទ្ធាភិសេក និងកាត់ដុំនិមិត្តសីមា ព្រមទាំងរាប់បាត្រប្រគេនព្រះសង្ឃតាមទំនៀមទម្លាប់ព្រះពុទ្ធសាសនាជាកិច្ចបង្ហើយបុណ្យផងដែរ៕  |
| ការរញ្ជួយដីកម្រិត៨,៨រីស្ទ័រកើតឡើងនៅប្រទេសជប៉ុនទៀតរបួសច្រើននាក់ Posted: 10 Mar 2011 11:24 PM PST  ទីភ្នាក់ងារព័ត៌មានចិនស៊ីនហួរាយការណ៍ថា ការរញ្ជួយដីដ៏មានឥទ្ធិពលមួយកម្រិត៨,៨រីស្ទ័រ កើតឡើងនៅកោះហុនស៊ូភាគឦសានប្រទេសជប៉ុន កាលពីវេលាម៉ោង២និង៥៦នាទីរំលងអធ្រាត្រម៉ោងក្នុងស្រុកថ្ងៃទី១១ មីនា។ ទីភ្នាក់ងារភូមិសាស្ត្រជប៉ុននិយាយថា បាតុភូតរញ្ជួយដីនេះធ្វើឱ្យញ័ររង្គើរតំបន់ទាំងឡាយនៃឆ្នេរមហាសមុទ្រប៉ាស៊ីហ្វិករបស់ជប៉ុន ហើយញ័រដល់ក្រុងតូក្យូ និងក្រុងអូសាកា ដែលជាក្រុងធំៗរបស់ជប៉ុន ។ មនុស្សជាច្រើននាក់ត្រូវបានរាយការណ៍ថា រងរបួសក្នុងការរញ្ជួយដីនេះ ។ បាតុភូតគ្រោះធម្មជាតិរញ្ជួយដីនេះកើតឡើងចម្ងាយ៣៨២គីឡូម៉ែត្រ ភាគឦសានក្រុងតូក្យូ ដោយកើតឡើងជម្រៅ១០គីឡូម៉ែត្រ ក្រោមបាតសមុទ្រ ។ ពុំមានរបាយការណ៍អំពីអ្នកស្លាប់ និងការខូចខាតក្នុងការរញ្ជួយដីនោះនៅឡើយទេ ។ ទាក់ទិនទៅនឹងការរញ្ជួយដីនេះ ជប៉ុនបានចេញការព្រមានពីរលកយក្សស៊ូណាមី កម្ពស់ដល់៦ម៉ែត្រ ហើយមជ្ឈមណ្ឌលព្រមានពីរលកយក្សស៊ូណាមី នៅរដ្ឋហាវ៉ៃ សហរដ្ឋអាមេរិក និយាយថា ការព្រមានពីរលកយក្សស៊ូណាមី នេះ គឺសម្រាប់ប្រទេសជប៉ុន ប្រទេសរុស្ស៊ី និងកោះ Marcus ។ នេះជាលើកទី២ហើយដែលការរញ្ជួយដីដ៏មានឥទ្ធិពលបានកើតឡើងនៅប្រទេសជប៉ុន ក្នុងរយៈពេលមិនដល់មួយសប្តាហ៍ផង ៕  |
| ប៉ូលិសបាញ់ទៅលើពួកបាតុករនៅអារ៉ាប៊ី សាអូឌីត Posted: 10 Mar 2011 10:40 PM PST  បាតុករស៊ីអ៊ីត៣នាក់បានត្រូវរបួសកាលពីថ្ងៃទី១០ មីនា នៅភាគខាងកើតអារ៉ាប៊ី សាអូឌីត ដោយសារការបាញ់ប្រហាររបស់ប៉ូលិសដែលប៉ុនប៉ងបំបែកការប្រមូលផ្តុំគ្នាធ្វើបាតុកម្មមួយ។  |
| បុរសម្នាក់អះអាងថា ជាប្អូនជីដូនមួយរបស់លោកកាហ្សៃ ត្រូវសម្លាប់ដោយទាហានអូតង់ Posted: 10 Mar 2011 10:36 PM PST មន្ត្រីមួយរូបនិយាយថា សាច់ញាតិត្រូវជាបងប្អូនជីដូនមួយរបស់លោកហាមីដ កាហ្សៃ ប្រធានាធិបតីរបស់ប្រទេសអាហ្វហ្គានីស្ថានត្រូវបានបាញ់ស្លាប់ព្រោះការភ័ន្តច្រឡំដោយទាហានអង្គការអូតង់នៅតំបន់ភាគខាងត្បូង ប្រទេសអាហ្វហ្គានីស្ថាន ។  |
| ឆ្កែវៃឆ្លាតចេះជួយធ្វើការងារម្ចាស់បានច្រើនមុខ Posted: 10 Mar 2011 10:36 PM PST  ឆ្កែចិញ្ចឹមមួយក្បាលត្រូវបានគេចាត់ទុកថា ជាឆ្កែវៃឆ្លាតបំផុត ហើយចេះជួយធ្វើការងារសម្រាប់ម្ចាស់របស់វា បានជាច្រើនប្រភេទដូចជា ប្រើមាត់របស់វាខាំយួរកន្ត្រកបន្លែពីផ្សារទៅផ្ទះ និងចេះទៅទិញកាសែតឱ្យម្ចាស់របស់វាជាដើម ។ឆ្កែនេះឈ្មោះ Mao Mao នៅពេលទៅផ្សារជាមួយម្ចាស់វាម្តងៗ ធ្វើឱ្យមនុស្សផងទាំងឡាយមានការភ្ញាក់ផ្អើលយ៉ាងខ្លាំងដោយសារភាពវៃឆ្លាត និងភាពរហ័សរហួនរបស់វា ។  |
| ក្រុមការងារកសាងផែនការអភិវឌ្ឍន៍ខណ្ឌដូនពេញបើកកិច្ចប្រជុំលើកទី១ Posted: 10 Mar 2011 10:34 PM PST  រាជធានីភ្នំពេញ ៖ ក្រុមការងារកសាងផែនការអភិវឌ្ឍន៍រយៈពេល៥ឆ្នាំ និងកម្មវិធីវិនិយោគ៣ឆ្នាំរំកិលថ្នាក់ខណ្ឌ បានបើកកិច្ចប្រជុំជាលើកទី១ កាលពីព្រឹកថ្ងៃទី១១ មីនា ២០១១ នៅសាលប្រជុំសាលាខណ្ឌដូនពេញ ក្រោមអធិបតីភាពលោកសុខ សម្បត្តិ អភិបាលខណ្ឌដូនពេញ និងការចូលរួមពីសមាជិក សមាជិកាចំនួន៤១  |
| លោកកាដាហ្វីសន្យាពីសង្គ្រាមប្រេងកាតខណៈកងទ័ពលោកបន្តវាយបកលើទីលាន Posted: 10 Mar 2011 10:34 PM PST   បណ្តាទីតាំងប្រេង និងឧស្ម័នគឺទីក្រុង BREGA និងក្រុង GAS LANOUF ដែលផ្គង់ផ្គង់ពិសេសឧស្ម័នដល់មជ្ឈមណ្ឌលអគ្គិសនីជាច្រើននាភាគខាងកើតលីប៊ី ពេលនេះស្ថិតក្នុងការត្រួតត្រារបស់កងកម្លាំងលោកកាដាហ្វី វិញ ហើយ។ រដ្ឋាភិបាលក្រុងទ្រីប៉ូលី ក្រោយដណ្តើម យកបានទីក្រុងទាំង២នោះវិញអាចផ្តាច់ភ្លើងក្នុងបណ្តាទីក្រុងស្ថិតក្រោមការកាន់កាប់របស់ពួកបះបោរនៅភាគខាងកើតលីប៊ី ។  |
| Posted: 10 Mar 2011 10:34 PM PST រាជធានីភ្នំពេញ ៖ អគ្គនាយកនៃអគ្គនាយកដ្ឋានពន្ធនាគារក្រសួងមហាផ្ទៃ លោកគួយ ប៊ុនសន បានមានប្រសាសន៍កាលពីព្រឹកថ្ងៃទី១១ មីនា ២០១១ ថា ទណ្ឌិតជនជាតិសៀមឈ្មោះវីរ៉ា ស៊ុមខ្វាមឃីត មិនអាចលើកលែងទោសបានទេ ពីព្រោះលោកវីរ៉ាស៊ុមខ្វាមឃីត មិនទាន់បានអនុវត្តទោសក្នុងពន្ធនាគារបាន២ភាគ៣នៅឡើយទេ ។ ប៉ុន្តែការលើកលែងទោសអាចធ្វើទៅបានល្គឹកណាតែលោកវីរ៉ាស៊ុមខ្វាមឃីត បានសារភាពថា ខ្លួនបានចូលក្នុងទឹកដីកម្ពុជាដោយខុសច្បាប់ និងប្រព្រឹត្តបទល្មើសចារកម្មដូចជាការចោទប្រកាន់នោះពិតប្រាកដមែន។  |
| ខ្លាចាស់មួយគូ ៖ ពេជ្រ អារុណ និងវ៉ែន សុវណ្ណ ជួបគ្នានៅរេញបាយ័ន Posted: 10 Mar 2011 07:20 PM PST រាជធានីភ្នំពេញ ៖ នៅលើសង្វៀនប្រដាល់ស្ថានីយទូរទស្សន៍បាយ័នសម្រាប់ថ្ងៃអាទិត្យ ទី១៣ មីនា ខាងមុខនេះ ពេជ្រ អារុណ មកពីក្លឹបសម្រែករាជសីហ៍បង្ក្រាបគ្រឿងញៀន ត្រូវបានផ្គូផ្គងឱ្យជួបប្រកួតជាមួយវ៉ែន សុវណ្ណ មកពីក្លឹបកងកេងខេត្តបាត់ដំបង ។ អារុណ និងសុវណ្ណ សុទ្ធតែជាអ្នកប្រដាល់ជើងចាស់ មានបទពិសោធន៍ពេញខ្លួនដូចគ្នា និងត្រូវបានគេស្គាល់ថា ជាអ្នកប្រដាល់មុខរឹងស្បែកស្វិត វាយមិនឈឺ ។ អារុណ ចេះប្រើការបានគ្រប់ស្នៀតទាំងអស់ ទាំងការទាត់ ដាល់ ជង្គង់ និងកែង ប៉ុន្តែមួយរយៈចុងក្រោយនេះ មិនដូចពីមុនទេ ទោះបីជាគេនៅរក្សាវិជ្ជាគុនបានល្អ តែបញ្ហាកម្លាំងហាក់បីដូចជាមានការថមថយច្រើន។ ចំណែកវ៉ែន សុវណ្ណ ក៏ដូចគ្នាដែរ មកដល់ពេលនេះអ្នកប្រដាល់ជើងចាស់ទាំងអស់សុទ្ធតែមានបញ្ហាផ្នែកកម្លាំង ។ សុវណ្ណ មានជំនាញប្រើកណ្តាប់ដៃ ការវាយចេញរបស់គេមួយៗ តែបើត្រូវគោលដៅ គឺចប់សព្វគ្រប់តែម្តង បានសេចក្តីថា ដៃគូពិតជាមិនអាចបន្តការប្រកួតទៀតបានទេ ប៉ុន្តែកណ្តាប់ដៃធ្ងន់នោះ ក៏មិនងាយ ឬកម្រវាយត្រូវគោលដៅដែរ។ រវាងគូនេះ មិនអាចសន្និដ្ឋានជាមុនបានថានរណាឈ្នះនោះឡើយ ។ ពុទ្ធ ហ៊ុច មកពីក្លឹបពុទ្ធសេរីវង្សព្រែកតាទែន ត្រូវប្រកួតជាមួយបឺត រិទ្ធី មកពីក្លឹបនិរោធមានជ័យ ។ បឺត រិទ្ធី បើគិតពីប្រវត្តិប្រកួតចាស់វស្សាជាងពុទ្ធ ហ៊ុច ប៉ុន្តែនៅពេលពុទ្ធ ហ៊ុច កំពុងល្បី រិទ្ធី ក៏មិនដែលបង្ហាញមុខដែរ ។ រិទ្ធី ពីមុនពូកែកណ្តាប់ដៃណាស់ ប៉ុន្តែពេលនេះ មិនដឹងជាយ៉ាងណាទេ ។ រីឯពុទ្ធ ហ៊ុច ជាមួយនឹងភាពរឹងមាំគេពូកែស្នៀតទាត់ ហើយពេលខ្លះស្នៀតកែងរបស់គេក៏បង្កគ្រោះថ្នាក់ដែរ ។ ពុទ្ធ ហ៊ុច មានសង្ឃឹមច្រើនសម្រាប់ការប្រកួតនេះ ។ ម៉ៃ សុវណ្ណ មកពីក្លឹបចាក់អង្រែមានជ័យ ត្រូវប្រកួតជាមួយសៀក សំអូន មកពីក្លឹបកងទ័ពជើងគោក ។ លួន លីម មកពីក្លឹបតាឡីដំរីមានឫទ្ធិ ត្រូវប្រកួតជាមួយពេជ្រ សំពៅ មកពីក្លឹបក្រសួងការពារជាតិ ។ រីឯម៉ន គឹមសុង មកពីក្លឹបព្រែកឯងកីឡា ត្រូវប្រកួតជាមួយវង្ស វិសិទ្ធ មកពីក្លឹបកងទ័ពជើងទឹក៕  |
| រៀបចំទីស្នាក់ការសង្កាត់រដ្ឋបាលព្រៃឈើនិងថ្នាលបណ្តុះកូនឈើ Posted: 10 Mar 2011 07:10 PM PST    ខេត្តកំពត ៖ មន្ត្រីថ្នាក់ដឹកនាំខណ្ឌរដ្ឋបាលព្រៃឈើកំពត-កែបដឹកនាំដោយលោកស៊ឹម ឡាប៉័ង នាយខណ្ឌរដ្ឋបាលព្រៃឈើ នៅថ្ងៃទី៨ និងទី៩ ខែមីនា បានដឹកនាំមន្ត្រីក្នុងខណ្ឌរដ្ឋបាលព្រៃឈើកំពត ចុះទៅពិនិត្យទីតាំងសង្កាត់រដ្ឋបាលព្រៃឈើ ដែលមានស្រាប់កន្លងមកនៅក្នុងខេត្តទាំងពីរ កំពត-កែប ។ ជាមួយនេះ រៀបចំទីតាំងថ្នាលបណ្តុះកូនឈើនិងលើកស្លាកសញ្ញាតាមបណ្តាសង្កាត់ដែលមានតែទីស្នាក់ការតែគ្មានស្លាកសម្គាល់ទីស្នាក់ការដូចជាស្នាក់ការសង្កាត់រដ្ឋបាលព្រៃឈើកំពង់បាយ បឹងទូក សង្កាត់រដ្ឋបាលព្រៃឈើកែប សង្កាត់រដ្ឋបាលព្រៃឈើស្រុកអង្គរជ័យ និងនៅមានស្នាក់ការសង្កាត់រដ្ឋបាលព្រៃឈើតាមបណ្តាស្រុកមួយចំនួនទៀតនៅក្នុងខេត្តកំពត ។ នៅជំហានដំបូងនេះ លោកស៊ឹម ឡាប៉័ង បានចុះមកដល់ទីស្នាក់ការសង្កាត់រដ្ឋបាលព្រៃឈើកំពង់បាយបឹងទូក ។ លោកគាម តឹប នាយសង្កាត់រដ្ឋបាលព្រៃឈើកំពង់បាយបឹងទូក បានរាយការណ៍ពីទំហំដីនៅក្នុងសង្កាត់គឺមានដីទំហំមួយហិកតាកន្លះ ដែលមានប្លង់សម្គាល់កម្មសិទ្ធិរបស់រដ្ឋបាលព្រៃឈើស្របច្បាប់ ។ កន្លងមក ទីតាំងនេះគ្រាន់តែដាក់ស្លាកសញ្ញាថា ជាស្ថានីយបណ្តុះកូនឈើប៉ុណ្ណោះ ទោះបីជានាយសង្កាត់មកស្នាក់នៅធ្វើការនៅទីស្នាក់ការនេះក្តីក៏ការរៀបចំដាក់ស្លាកសញ្ញាសម្គាល់គ្មានទេ ពេលនេះលោកស៊ឹម ឡាប៉័ង ដែលទើបនឹងមកទទួលការគ្រប់គ្រងផ្នែករដ្ឋបាលព្រៃឈើថ្មី បានចុះពង្រឹងការងារស្នូលរបស់មន្ត្រីរដ្ឋបាលព្រៃឈើគ្រប់ផ្នែកផង រៀបចំដាក់ស្លាកសញ្ញាផង និងពិនិត្យឡើងវិញការធ្វើថ្នាលបណ្តុះកូនឈើឱ្យត្រូវតាមស្តង់ដារបស់ក្រសួងកសិកម្ម រុក្ខាប្រមាញ់និងនេសាទផង។ មិនតែប៉ុណ្ណោះក្នុងការរៀបចំនេះ លោកបានចំណាយទាំងសំភារនិងថ្លៃឈ្នួលដល់កម្មករថែមទៀត ។ លោកស៊ឹម ឡាប៉័ង បន្តទៀតថា ការចុះពង្រឹងសកម្មភាពការងារស្នូលរបស់ជំនាញរដ្ឋបាលព្រៃឈើនេះ លោកជួបការលំបាកជាច្រើនអន្លើដែរ ។ ដូចជាការរៀបចំធ្វើទីតាំងនិងថ្នាលបណ្តុះ មន្ត្រីនៅក្រោមឱវាទមួយចំនួននៅខ្វះបច្ចេកទេសក្នុងការរៀបចំទីតាំងនិងធ្វើថ្នាលបណ្តុះ ការយល់ដឹងបច្ចេកទេសនៅមានកំរិតទាប ទីស្នាក់ការរបស់សង្កាត់មានតែឈ្មោះគ្មានកន្លែងធ្វើការ និងគ្មានស្លាកសញ្ញាសម្គាល់ឱ្យបានច្បាស់លាស់ ។ ពេលនេះ ជាបន្ទុករបស់លោកហើយ ដូច្នេះលោកត្រូវតែខំធ្វើបន្តដើម្បីសម្រេចជោគជ័យតាមអនុសាសន៍និងការណែនាំរបស់ថ្នាក់ដឹកនាំខេត្តផងដែរ ៕  |
| គ្រូស្រោចទឹកមន្តឆក់ឱកាសបបោសអង្អែលនាងក្រមុំ Posted: 10 Mar 2011 06:48 PM PST  រាជធានីភ្នំពេញ ៖ រឿងស្រោចទឹកមន្តតែងតែធ្លាយចេញនូវរឿងអាស្រូវជារឿយៗដូចអន្ទិតនេត ខៃ ដែលធ្វើឱ្យនារីរាប់សិបនាក់រងការខូចខាត និងប៉ះពាល់ដល់សេចក្តីថ្លៃថ្នូរដោយសារតែការលួចថតពេលស្ត្រីទាំងអស់នោះចូលបន្ទប់ទឹកមន្ត ។ លើកនេះរឿងរ៉ាវស្រោចទឹកមន្តទៀតហើយដែលគ្រូចិនសែម្នាក់បានជាប់ចោទឆក់ឱកាសស្រោចទឹកមន្តបន្លំបបោសអង្អែលរាងកាយស្ត្រីក្រមុំម្នាក់ ហើយក៏ឈានទៅដល់លូកច្របាច់ និងបឺតសុដន់ទៀត ។ ទោះបីជាបែបណាក្តីគ្រូ «បោក» នេះត្រូវបានចាប់ខ្លួនបញ្ជូនឱ្យប៉ូលិស ។ នៅវេលាម៉ោង៧ និង៣០នាទីយប់ថ្ងៃទី៩ មីនា បន្ទាប់ពីស្រោចទឹកមន្តអាគមឱ្យស្ត្រីវ័យក្មេងនៅក្នុងភូមិទួលសង្កែ សង្កាត់ទួលសង្កែដើម្បីឱ្យសុខសប្បាយរកស៊ីមានបាន មានភ្ញៀវមកទិញ អីវ៉ាន់ច្រើនរួចមក សុខចិត្តធ្វើអ្វីៗតាមតែគ្រូបង្គាប់ដូចជាសម្ងំឱ្យបបោសអង្អែល ដោះខោអាវ រួចច្របាច់ និងបឺតសុដន់ ។ គ្រូចិនសែដែលឆ្លៀតឱកាសនោះ ត្រូវសមត្ថកិច្ចឱ្យដឹងថា ឈ្មោះនៅ វៃ ភេទប្រុស អាយុ៥៥ឆ្នាំ ជំនាញមើលជំងឺ និងធ្វើមន្តអាគមផ្សេងៗ មានទីលំនៅក្នុងភូមិសំប៉ានលើ ឃុំព្រែកអំបិល ស្រុកស្អាង ខេត្តកណ្តាល ។ មន្ត្រីប៉ូលិសឱ្យដឹងទៀតថា កាលពីវេលាម៉ោង១១ និង៣០នាទីព្រឹកថ្ងៃទី៨ មីនា គ្រូចិនសែ និងជាគ្រូស្នេហ៍ផងនោះ ត្រូវបងស្រីរបស់នារីរងគ្រោះទូរស័ព្ទទាក់ទងឱ្យទៅស្រោចទឹកលើករាសី ដើម្បីឱ្យរកស៊ីមានបាន នៅបន្ទប់ផ្ទះជួលក្នុងភូមិទួលសង្កែ សង្កាត់ទួលសង្កែ ខណ្ឌប្ញស្សីកែវ ។ បន្ទាប់ពីស្រោចទឹកឱ្យបងស្រីហើយ ក៏ឱ្យប្អូនស្រីដែលអះអាងថា ចេះតែឈឺក្បាលមកស្រោចទឹកម្តងដោយតម្រូវឱ្យដោះអាវ ហើយគ្រូនេះបានបបោសអង្អែល និងយកដៃច្របាច់សុដន់ និងយកមាត់បឺតសុដន់ ព្រមទាំងសួរថា បាត់ឈឺក្បាលឬនៅ និងមានអារម្មណ៍យ៉ាងម៉េចដែរ? បន្ទាប់ពីស្រោចទឹកមន្តរួចហើយ គ្រូបោករូបនោះទៅបាត់ ។ លុះក្រោយមក ស្ត្រីរងគ្រោះបាននិយាយរឿងរ៉ាវប្រាប់បងស្រី និងក្រុមគ្រួសារពីសកម្មភាពគ្រូបបោសអង្អែល និងបឺតសុដន់របស់នាងធ្វើឱ្យក្រុមគ្រួសារមានកំហឹងឆាបឆេះភ្លាម ទើបមានផែនការចាប់គ្រូនេះ ។ ស្ត្រីជាបងបានទូរស័ព្ទទៅលោកគ្រូនោះឱ្យមកស្រោចទឹកម្តងទៀត ហើយតាមឃ្លាំមើល បើសិនជាគ្រូប្រព្រឹត្តអំពើដូចពីថ្ងៃមុននឹងចាប់ខ្លួន ។ នៅវេលាម៉ោង៧ និង៣០នាទីយប់ ថ្ងៃទី៩ មីនា គ្រូនេះមកម្តងទៀត ដោយចូលទៅក្នុងបន្ទប់នាងក្រមុំ ហើយបបោសអង្អែលច្របាច់ដោះដូចមុន ទើបត្រូវចាប់ខ្លួនប្រគល់ឱ្យសមត្ថកិច្ចតែម្តង។ តាមពាក្យបណ្តឹងរបស់ស្ត្រីរងគ្រោះដែលជាអាជីវករលក់ចាប់ហួយឱ្យដឹងថា នៅថ្ងៃទី៨ មីនា វេលាម៉ោង១១ និង៣០នាទីព្រឹកពេលដែលអង្គុយលេងក្នុងផ្ទះ ស្រាប់តែបងស្រីហៅគ្រូមកស្រាចទឹកឱ្យ ដើម្បីឱ្យសុខសប្បាយ និងរកស៊ីមានភ្ញៀវមកទិញច្រើន ។ នៅពេលស្រោចទឹកគ្រូនោះឱ្យនាងដោះខោអាវចោមពុងក្រមា តែនាងពុំព្រមធ្វើតាមដោយយកខោអាវដេកយប់មកស្លៀក ដើម្បីស្រោចទឹកវិញ។ ពេលស្រោចទឹកនៅបន្ទប់ផ្ទះបាយ គ្រូនេះបានឱ្យចូលទៅក្នុងបន្ទប់ដេករបស់នាងវិញ រួចគ្រូនោះយកដៃបបោសអង្អែលខ្នង ហើយសួរ ថា មានអារម្មណ៍ចង់រួមភេទដែឬទេ? នាងឆ្លើយថា អត់ទេ ។ ក្រោយមកទៀត លោកគ្រូនោះឱ្យនាងប្រឡេះឡេវអាវ ហើយលូកដៃបបោសអង្អែល និងច្របាច់សុដន់ ព្រមទាំងបឺតជញ្ជក់សុដន់របស់នាង ។ នៅចំពោះមុខ សមត្ថកិច្ចគ្រូស្រោចទឹកមន្តនេះសារភាពថា គាត់ធ្វើបែបនោះ ដើម្បីឱ្យតណ្ហាពុះកញ្ជ្រោលរោលរាលឡើង មិនមែនជាការបញ្ចុះមន្តអាគមអ្វីទេ ៕  |
| សមត្ថកិច្ចតាមប្រមាញ់បំបែកសំបុកចោរប្លន់អ្នកលក់មាសនៅកំពង់ឆ្នាំង Posted: 10 Mar 2011 06:31 PM PST      ខេត្តកំពង់ឆ្នាំង ៖ មកដល់ថ្ងៃនេះមានរយៈពេលកន្លះខែគត់ ដែលអំពើប្លន់ទូមាសក្នុងផ្សារពង្រ ដោយក្រុមចោរប្រដាប់អាវុធបានចូលប្លន់យ៉ាងព្រហើន កាលពីវេលាម៉ោង៦ និង៥០នាទីព្រលប់ថ្ងៃទី២៥ កុម្ភៈ យកទ្រព្យសម្បត្តិពីជនរងគ្រោះគិតជាលុយជាង១ម៉ឺនដុល្លារបានដោយសុវត្ថិភាព ។ ប៉ុន្តែក្រោមកិច្ចប្រឹងប្រែងរបស់មន្ត្រីប៉ូលិសខេត្តបានតាមប្រមាញ់យ៉ាងស្វិតស្វាញរហូតដល់ទទួលបានលទ្ធផលគួរឱ្យកោតសរសើរ ដែលតាមប្រភពក្រៅផ្លូវការបាននិយាយថា ជនសង្ស័យចំនួន៦នាក់ត្រូវបានចាប់ខ្លួនជាបន្តបន្ទាប់ មកពីតាមបណ្តាខេត្តផ្សេងៗនិងរឹបអូសបានកាំភ្លើងដែលជាមធ្យោបាយធ្វើសកម្មភាពប្លន់នោះទៀតផង ។ ទោះជាយ៉ាងណា មន្ត្រីប៉ូលិសព្រហ្មទណ្ឌខេត្តពុំទាន់បានបង្ហាញអត្តសញ្ញាណក្រុមជនសង្ស័យទាំងនេះទេ ព្រោះប៉ូលិសកំពុងដុតដៃដុតជើងតាមចាប់បក្សពួកដែលនៅសល់បន្តទៀតដែលតាមដឹងសរុបមានគ្នាជាង១០នាក់ឯណោះ ។ មន្ត្រីប៉ូលិសមិនទាន់បង្ហាញពីអត្ត សញ្ញាណជនសង្ស័យក៏ពិតមែន ប៉ុន្តែបានបញ្ជាក់ថា ពិតជាចាប់បានជនសង្ស័យក្នុងអំពើប្លន់នេះចំនួន៧នាក់មែន រួមទាំងកាំភ្លើងមួយដើម និងវត្ថុតាងជាច្រើនទៀត។ គួររំលឹកថា ក្នុងអំពើប្លន់ប្រដាប់អាវុធនោះក្រុមចោរមានគ្នាប្រហែល៨នាក់បានចូលប្លន់ផ្ទះអ្នកលក់មាស និងប្តូរប្រាក់ និងកាតទូរស័ព្ទដៃរបស់ជនរងគ្រោះឈ្មោះឈួ លៀង និងប្រពន្ធឈ្មោះគា មួយគា ដោយវាយប្តីប្រពន្ធទាំងពីរនាក់នោះបណ្តាលឱ្យបែកក្បាល និងប្លន់យកអស់មាស១០តម្លឹង លុយខ្មែរ១០លានរៀល កាតទូរស័ព្ទដៃ១០០០ដុល្លារ និងទូរស័ព្ទដៃ២គ្រឿងទៀត ។ ក្រៅពីម្ចាស់ផ្ទះរងគ្រោះក៏មានយុវជនពីរនាក់ផ្សេងទៀតបានរងរបួសដោយគ្រាប់កាំភ្លើងរបស់ចោរម្នាក់២គ្រាប់ផងដែរ ខណៈដែលក្រុមចោរទាំងនោះបាញ់បើកផ្លូវរំដោះខ្លួនចេញ ។ ក្រោយកើតហេតុប៉ូលិសបានរកឃើញសំបកគ្រាប់អាកាចំនួន១៨គ្រាប់ដែលបាញ់ចេញពីកាណុងកាំភ្លើងចំនួន៦ដើម និងក្រៅពីនោះក្រុមចោរក៏បានបន្សល់ទុកម៉ូតូកញ្ចាស់២គ្រឿងដែលជាមធ្យោបាយជិះមកធ្វើសកម្មភាពប្លន់ផងដែរ ។ តាមប្រភពជិតស្និទ្ធ និងមន្ត្រីប៉ូលិសបាននិយាយឱ្យដឹងថា ក្រុមចោរសុទ្ធសឹងជាចោរជើងចាស់មានជំនាញ ធ្លាប់ដើរប្លន់តាមបណ្តាខេត្តមួយចំនួនក្នុងប្រទេសកម្ពុជាដែលចាប់មិនដែលបានសោះ ហើយទើបមកអស់លក្ខណ៍នៅពេលនេះ ។ យោងតាមប្រភពព័ត៌មានពីខេត្តកណ្តាលទាក់ទិននឹងចោរប្លន់អ្នកលក់មាសប្តូរប្រាក់នៅផ្សារពង្រ ខេត្តកំពង់ឆ្នាំងកន្លងមក មុខសញ្ញាចោរប្លន់ប្រដាប់អាវុធ៤នាក់បានត្រូវកំលាំងនៃស្នងការដ្ឋាននគរបាលខេត្តកណ្តាល សហការជាមួយនាយកដ្ឋានព្រហ្មទណ្ឌ ក្រសួង និងស្នងការដ្ឋាននគរបាលខេត្តកំពង់ឆ្នាំង រួមជាមួយប៉ូលិសស្រុកអង្គស្នួល និងស្រុកពញាឮ សហការគ្នាធ្វើការស្រាវជ្រាវរហូតដល់បានចាប់ខ្លួនកាលពីវេលាម៉ោង៣ និង១៥នាទីរសៀល ថ្ងៃទី៩ មីនា នៅចំណុចភូមិស្តុកឈូ ឃុំទំនប់ធំ ស្រុកពញាឮ ខេត្តកណ្តាល។ លោកវរសេនីយ៍ត្រីសឹុង សេងលី នាយផ្នែកព្រហ្មទណ្ឌកំរិតស្រាលបានឱ្យដឹងថា កិច្ចប្រតិបត្តិការបំបែកសំបុកចោរលួច និងប្លន់ប្រដាប់អាវុធឆ្លងខេត្តនេះ កំលាំងសមត្ថកិច្ចបានចាប់ខ្លួនជនសង្ស័យចំនួន៤នាក់ និងរឹបអូសបានវត្ថុតាងមួយចំនួនធំ។ ជនសង្ស័យទី១ឈ្មោះឡេង អីុម ហៅសល់ ភេទប្រុស អាយុ៤២ឆ្នាំ ទីលំនៅក្នុងភូមិស្តុកឈូ ឃុំទំនប់ធំ ស្រុកពញាឮ ខេត្តកណ្តាល ជាកសិករ ដែលជននេះជាមេខ្លោងក្នុងអំពើលួច ប្លន់ ទី២-ឈ្មោះម៉ុក ស៊ីធឿន ភេទប្រុស អាយុ៣១ឆ្នាំ នៅភូមិស្ថានីយ ឃុំស្វាយអាត់ ស្រុកសំពៅមាស ខេត្តពោធិ៍សាត់ ជាកសិករ, ទី៣-ឈ្មោះមុត ផាន់នី ភេទប្រុស អាយុ២០ឆ្នាំ រស់នៅភូមិត្នោតញី ឃុំខ្ពប ស្រុកស្អាង ខេត្តកណ្តាល ជាកម្មកររោងចក្រ និង៤-ឈ្មោះសុង ចាន់រិទ្ធ ភេទប្រុស អាយុ៣០ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង មានមុខរបរ មិនពិតប្រាកដ។ ក្រោយពីឃាត់ខ្លួន សមត្ថកិច្ចបានធ្វើការឆែកឆេរផ្ទះជនសង្ស័យឈ្មោះឡេង អ៊ឹម ហៅសល់ ជាមេខ្លោង នៅភូមិស្តុកឈូ ឃុំទំនប់ធំ ស្រុកពញាឮ ខេត្តកណ្តាល ធ្វើការរឹបអូសបានវត្ថុតាងរួមមាន ម៉ូតូម៉ាកស្មាស់រីវ៉ូ ១គ្រឿង ស៊េរីឆ្នាំ២០០៩ ម៉ូតូធុនសេ១២៥ ស៊េរីឆ្នាំ២០០៧មួយគ្រឿង កន្ត្រៃកាត់ដែកចំនួន២ សោរម៉ូតូ៦គ្រឿង ខ្នងកង់ម៉ូតូ២ ដែកស្វាន៣គ្រឿង ម៉ាស៊ីនភ្លើងមួយគ្រឿង កន្ត្រកម៉ូតូ១០ ដូយ១ កូនសោ១ប្រអប់ កញ្ចក់ម៉ូតូ៥គូដែកគាស់១ ក្បាំងម៉ូតូ១គូ ថ្នាំបំពុល២កញ្ចប់ ស្លាកលេខម៉ូតូ៤ តែមម៉ូតូ និងសំភារគ្រឿងបន្លាស់ម៉ូតូមួយចំនួនឧបករណ៍ដាប់លេខម៉ូតូមួយកំប្លេ ស៊ឹមទូរស័ព្ទចំនួន១៣ស៊ឹម ម៉ូតូDHO ១គ្រឿង និងកាំភ្លើងAK ស្វាយបត់១ដើមទៀត។ លោកឧត្តមសេនីយ៍ត្រីអ៊ាវ ចំរើន ស្នងការនគរបាលខេត្តកណ្តាលមានប្រសាសន៍ថា បន្ទាប់ពីមានករណីប្លន់មានស្ថានទម្ងន់ដោយប្រើប្រាស់កាំភ្លើងកាលពីថ្ងៃទី២៥ ខែកុម្ភៈ ឆ្នាំ២០១១ វេលាម៉ោង៦ និង៣០នាទី នៅចំណុចផ្សារពង្រ ស្ថិតក្នុងភូមិពង្រ ឃុំពង្រ ស្រុករលាប្អៀរ ខេត្តកំពង់ឆ្នាំង ហើយប៉ូលិសខេត្តកំពង់ឆ្នាំងធ្វើការស្រាវជ្រាវចាប់ជនសង្ស័យបានម្នាក់ឈ្មោះទិន ចយ ភេទប្រុស អាយុ៤៩ឆ្នាំ នៅភូមិសារវ័ន្ត ឃុំស្នាមអន្សា ស្រុកក្រគរ ខេត្តពោធិ៍សាត់ ។ បន្ទាប់ពីចាប់បានម្នាក់ ក៏ធ្វើការស្រាវជ្រាវបន្តទៀត ហើយកំណត់មុខសញ្ញាបក្សពួកជនសង្ស័យកំពុងស្នាក់នៅខេត្តកណ្តាលទើបដល់ថ្ងៃទី៩ ខែមីនា វេលាម៉ោង៣ និង៣០នាទីរសៀលលោកបានដឹកនាំកំលាំងប៉ូលិសខេត្តកណ្តាលដោយសហការជាមួយប៉ូលិសនាយកដ្ឋានព្រហ្មទណ្ឌក្រសួង និងប៉ូលិសខេត្តកំពង់ឆ្នាំង រួមជាមួយប៉ូលិសស្រុកពញាឮ និងស្រុកអង្គស្នួលធ្វើការចាប់ខ្លួនជនសង្ស័យបានចំនួន៤នាក់ និងធ្វើការឆែកឆេរផ្ទះមេខ្លោងរឹបអូសបានវត្ថុតាងយ៉ាងច្រើនសន្ធឹកសន្ធាប់ដូចបានរៀបរាប់ខាងលើ។ លោកស៊ឹង សេងលី បានឱ្យដឹងថា វត្ថុតាងយ៉ាងច្រើនសន្ធឹកនេះ គឺបក្សពួកជនសង្ស័យពេលធ្វើសកម្មភាពលួចប្លន់បានក៏យកមកកែច្នៃនៅផ្ទះមេខ្លោងឈ្មោះឡេង អីម ដើម្បីលក់បន្ត ។ នៅព្រឹកថ្ងៃទី១០ ខែមីនា ជនសង្ស័យទាំង៤នាក់បានប្រគល់ទៅឱ្យប៉ូលិសខេត្តកំពង់ឆ្នាំងជាម្ចាស់ករណី សាកសួរបន្តទៀតដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់ ៕  |
| ការរញ្ជួយដីនៅភាគនិរតីចិនស្លាប់25នាក់ Posted: 10 Mar 2011 06:30 PM PST  អាជ្ញាធរមូលដ្ឋាននិយាយថា អ្នកស្លាប់ក្នុងការរញ្ជួយដីនៅភាគនិរតីប្រទេសចិន កាលពីថ្ងៃទី១០ មីនា កន្លងមក មានចំនួន២៥នាក់ ហើយមនុស្សជាង១៦០នាក់ទៀតរងរបួស ។ ការរញ្ជួយដីនេះ កម្រិត៥,៤រីស្ទ័រ កើតឡើងនៅតំបន់ក្បែរព្រំដែនជាមួយប្រទេសភូមា បណ្តាលឱ្យផ្ទះជាច្រើនខ្នង នៅតំបន់ដាច់ស្រយាលយីងជ្រៀង ខេត្តយុនណាន ត្រូវរលំបាក់ ។  |
| ការរញ្ជួយដីកម្រិត6,5រីស្ទ័រ ធ្វើឱ្យកក្រើករមណីយដ្ឋានកោះបាលី Posted: 10 Mar 2011 06:30 PM PST ទីភ្នាក់ងារព័ត៌មាន AP នៅថ្ងៃទី១១ មីនា ឱ្យដឹងថា ការរញ្ជួយដីដ៏មានឥទ្ធិពលមួយកម្រិត៦,៥រីស្ទ័រ កើតឡើងនៅតំបន់ភាគឦសានទីក្រុង Denpasar ជាក្រុងដ៏សំខាន់របស់កោះបាលី ប្រទេសឥណ្ឌូណេស៊ី ធ្វើឱ្យញ័រកក្រើកតំបន់រមណីយដ្ឋានដ៏មានប្រជាប្រិយរបស់កោះបាលី។ តាមការស្រាវជ្រាវរបស់ផ្នែកភូមិសាស្ត្ររបស់សហរដ្ឋអាមេរិកបង្ហាញថា បាតុភូតរញ្ជួយដីនេះកើតឡើងកាលពីវេលាម៉ោង១និង៨នាទី យប់ ឈានចូលថ្ងៃទី១១ មីនា ប៉ុន្តែពុំមានរបាយការណ៍ស្តីអំពីអ្នកស្លាប់ ឬអ្នករបួស និងការខូចខាតនៅឡើយទេ ។  |
| Posted: 10 Mar 2011 06:23 PM PST ខេត្តរតនគិរី ៖ មនុស្សជាង២០០នាក់ បានត្រូវបណ្តេញចេញពីព្រៃក្នុងតំបន់ឧទ្យានជាតិវីរៈជ័យ ពីសំណាក់សមត្ថកិច្ចប៉ូលិសវរការពារព្រំដែន និងអាជ្ញាធរស្រុកដែលគ្រប់គ្រងតំបន់នោះ។ មនុស្សជាង២០០នាក់នេះបានសម្រុកចូលក្នុងព្រៃតំបន់ឧទ្យានជាតិ ក្នុងបំណងចូលកាប់ឈើគ្រញូងដោយខុសច្បាប់ និងយ៉ាងអនាធិបតេយ្យ ដើម្បីលក់ឱ្យក្រុមហ៊ុន បន្ទាប់ពីមានក្រុមហ៊ុនចំនួន២បានមកវិនិយោគដីសម្បទានសេដ្ឋកិច្ចអភិវឌ្ឍន៍ដំណាំកសិ-ឧស្សាហកម្ម (កៅ ស៊ូ) ក្បែរតំបន់នោះលើផ្ទៃដីជិត៣ម៉ឺនហិកតា។ ប្រភពពីស្រុកអណ្តូងមាសឱ្យដឹងថា មានមនុស្សច្រើនសិបនាក់បានសម្រុកចូលក្នុងតំបន់កន្ទុយនាគ ដោយពួកគេបានបែងចែកជាក្រុមៗ ដែលមានម៉ាស៊ីនត្រង់សឺន័រជាប់ទៅជាមួយ និងគ្រឿងឧបភោគ បរិភោគផងដែរ ព្រមទាំងមានមេការម្នាក់ចាត់ចែងផ្តល់លុយ និងកត់ត្រាបញ្ជីឈ្មោះកម្មករស៊ីឈ្នួល ប៉ុន្តែក៏មានអ្នកខ្លះ ត្រូវបានបណ្តេញចេញមកវិញ។ ប្រភពដដែលបានបន្តថា កម្មករ ដែលត្រូវសមត្ថកិច្ចបណ្តេញឱ្យចេញពីព្រៃមកវិញនោះ មិនមានឈ្មោះក្នុងបញ្ជីមេការ ឬពុំមែនជាបុគ្គលិករបស់ក្រុមហ៊ុនណាមួយឡើយ ហើយអ្នកដែលត្រូវបណ្តេញមកវិញនេះភាគច្រើនមកពីខេត្តផ្សេងៗ ហើយពុំមានគោលដៅការងារ ឬមេការទទួលខុសត្រូវច្បាស់លាស់ គឺផ្អើលល្បីតៗគ្នា និងចាញ់ការឃោសនារបស់មេខ្យល់ ដែលពុំមែនជាបុគ្គលិក ឬមេការរបស់ក្រុមហ៊ុនដែលអភិវឌ្ឍន៍ដីសម្បទានសេដ្ឋកិច្ច ដំណាំកសិ-ឧស្សាហកម្មនោះ ឡើយ ។ អ្នកដែលសម្រុកចូលព្រៃនោះ ក៏ទទួលរងនឹងការកើតជំងឺគ្រុនចាញ់ និងខាតបង់ប្រាក់កាស ហើយអ្នកខ្លះដែលមិនមានប្រាក់ជិះរថយន្តត្រឡប់ទៅស្រុកក៏បានធ្វើដំណើរដោយថ្មើរជើង និងសុំបាយអ្នកស្រុកហូបទៀតផង ។ ប្រភពពីស្រុកអណ្តូងមាសបានឱ្យដឹងទៀតថា ប៉ុន្មានថ្ងៃកន្លងទៅនេះ សមត្ថកិច្ច និងអាជ្ញាធរបានបណ្តេញអ្នកចូលព្រៃដោយខុសច្បាប់ចំនួន៩៦នាក់ និងបានដកហូតម៉ាស៊ីនត្រង់សឺន័រចំនួន៣៨គ្រឿង ។ ចំណែកនៅឯស្រុកតាវែងឯណោះវិញ នាថ្ងៃទី៧ មីនា ឆ្នាំ២០១១ ក៏បានបណ្តេញមនុស្សចេញពីព្រៃតំបន់កន្ទុយនាគចំនួន១៥០នាក់ផងដែរ ។ ប៉ុន្តែប្រភពមួយទៀតពីស្រុកអណ្តូងមាសដែរ បានឱ្យដឹងថា ចំពោះកម្មករណាដែលបានទទួលប្រាក់ពីមេការដើម្បីចូលទៅកាប់ឈើគ្រញូងនោះរួចហើយ មិនត្រឡប់មកវិញទេ គឺត្រឡប់មកវិញតែអ្នកមិនទាន់បានទទួលប្រាក់ពីមេការប៉ុណ្ណោះ ហើយអ្នកខ្លះក៏បាត់ខ្លួនផងដែរ ។ តំណាងក្រុមហ៊ុនមួយរូបក្នុងចំណោមក្រុមហ៊ុនវិនិយោគអភិវឌ្ឍន៍ដំណាំកសិ-ឧស្សាហកម្មបានឱ្យដឹងថា ចំពោះក្រុមហ៊ុនគ្រាន់តែបើកការដ្ឋានឈូសឆាយផ្លូវឆ្ពោះទៅកាន់តំបន់ដែលត្រូវអភិវឌ្ឍន៍ដំណាំកសិ-ឧស្សាហកម្មប៉ុណ្ណោះ ពុំបានអនុញ្ញាតឱ្យមេការ ឬបុគ្គលិករបស់ក្រុមហ៊ុនណាមួយជ្រើសរើសកម្មករដើម្បីចូលព្រៃកាប់ឈើនោះទេ ព្រោះក្រុមហ៊ុនមានបុគ្គលិក ឬក្រុមការងារនោះរួចជាស្រេចទៅហើយ ។ បើសិនជាមានការជ្រើសរើសកម្មករនោះក្រុមហ៊ុនពុំទទួលខុសត្រូវឡើយ ហើយក្រុមហ៊ុនក៏មិនទាន់បានចាប់ផ្តើមធ្វើការឈូសឆាយដើម្បីដាំដំណាំដែរ ។ បច្ចុប្បន្ន អាជ្ញាធរខេត្តកំពុងចាត់វិធានការ និងដាក់បទបញ្ជាដល់សមត្ថកិច្ច និងអាជ្ញាធរស្រុក ដែលជាប់ព្រំប្រទល់តំបន់នោះ ធ្វើការទប់ស្កាត់ការសម្រុកចូលព្រៃរបស់កម្មករស៊ីឈ្នូល ៕  |
| Posted: 10 Mar 2011 06:18 PM PST     រាជធានីភ្នំពេញ ៖ មនុស្ស៣នាក់បានស្លាប់ភ្លាមៗ នៅនឹងកន្លែង រីឯ៣នាក់ផ្សេងទៀតបានរងរបួសធ្ងន់គ្រាន់បើ ត្រូវបញ្ជូនទៅសង្គ្រោះនៅមន្ទីរពេទ្យ ដោយសាររថយន្តខ្នាតធំដឹកជ្រូកបុកគ្នាជាមួយម៉ូតូមួយគ្រឿង និងកិនមនុស្សបន្ថែមទៀត រួចហើយជ្រុលទៅធ្លាក់ស្នាមភ្លោះកាលពីវេលាម៉ោង៩យប់ថ្ងៃទី១០ មីនា ២០១១ លើកំណាត់ផ្លូវភ្នំពេញ-ហាណូយ ហៅផ្លូវ១០១៩ ស្ថិតក្នុងភូមិបាយាម សង្កាត់ភ្នំពេញថ្មី ខណ្ឌសែនសុខ ។ រថយន្តដែលបង្កឱ្យមនុស្សស្លាប់ និងរបួសនេះម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ 3A-8493 ចំណែកម៉ូតូដែលរងការបុកម៉ាកឌ្រីម C125 ស៊េរី២០០៥ ពណ៌ក្រហម ពាក់ស្លាកលេខ ភ្នំពេញ 1D-0037 ជិះគ្នា៣នាក់ ស្លាប់ទាំង៣នាក់។ ភាគីខាងរថយន្តក៏ជិះគ្នា៣នាក់ដែរ រងរបួសធ្ងន់គ្រាន់បើ ដោយក្នុងនោះ មានក្មេងប្រុសម្នាក់ខ្ទាតចេញពីរថយន្ត និង២នាក់ទៀត កៀបជាប់នៅក្នុងរថយន្ត ដោយសារតែរថយន្តនោះជ្រុលធ្លាក់ស្នាមភ្លោះទៅបុកដីទួលដាក់លូឈប់ង៉ក់ ដូចគេបង្ខំ ទើបមានការប៉ះទង្គិច និងកៀបជាប់មនុស្សបែបនេះ ។ អ្នកស្លាប់ និងអ្នករងរបួសមិនទាន់ត្រូវបានស្គាល់ឈ្មោះទេ ព្រោះប៉ូលិសធ្វើកំណត់ហេតុមិនទាន់ចប់ ៕  |
| បុរសចំណាស់លេបថ្នាំសម្លាប់ខ្លួន ចោទប្រពន្ធថា«ស្រីផិត ក្បត់ប្តី» កូនៗមានតែការហួសចិត្ត Posted: 10 Mar 2011 06:06 PM PST    រាជធានីភ្នំពេញ ៖ បុរសចំណាស់ម្នាក់ បានលេបថ្នាំសម្លាប់ខ្លួនក្នុងបន្ទប់ដេក ព្រោះតែការប្រចណ្ឌប្រពន្ធជាមួយបុរសដទៃ ។ ការធ្វើអត្តឃាតរបស់បុរសចំណាស់នេះធ្វើឱ្យកូនៗហួសចិត្តគ្រប់គ្នា ព្រោះតែឪពុករបស់គេគិតខ្លី ហើយប្រមាថជីវិតរបស់ខ្លួនបែបនេះ ។ ហេតុការណ៍នេះកើតឡើងកាលពីវេលាម៉ោង១០ព្រឹកថ្ងៃទី១០ មីនា នៅចំណុចផ្ទះលេខ៦០៩ ផ្លូវវត្តអង្គតាមិញ ស្ថិតក្នុងភូមិប៉ប្រកខាងត្បូង សង្កាត់កាកាប ខណ្ឌដង្កោ ។ បុរសចំណាស់ដែលលេបថ្នាំសម្លាប់ខ្លួននេះ ឈ្មោះភួយ ភួន អាយុ៥៥ឆ្នាំ ឯប្រពន្ធឈ្មោះសួន ស្រី អាយុ៥២ឆ្នាំ មុខរបរលក់ដូរ មានកូនប្រុស៥នាក់ ហើយពេលប្តីលេបថ្នាំសម្លាប់ខ្លួននោះស្ត្រីជាប្រពន្ធមិនបាននៅផ្ទះទេ ព្រោះបុរសជាប្តីបានដេញគាត់ឱ្យចេញពីផ្ទះ រយៈពេល៣ថ្ងៃមកហើយ ដោយសារតែការប្រចណ្ឌខុសទំនងនេះ ។ តាមប្រភពព័ត៌មានបានឱ្យដឹងថា បុរសចំណាស់់នោះនិងប្រពន្ធបានឈ្លោះគ្នា ព្រោះតែរឿងប្រចណ្ឌប្រពន្ធជាមួយបុរសដទៃទៀត ហើយគាត់បានដេញប្រពន្ធនិងកូនប្រុសម្នាក់ដែលរស់នៅជាមួយឱ្យចេញពីផ្ទះរយៈពេល៣ថ្ងៃមកហើយ ។ ចំណែកឯប្រពន្ធនិងកូនប្រុសបន្ទាប់ពីត្រូវបុរសនោះដេញចេញពីផ្ទះបាននាំគ្នាចាកចេញទៅស្នាក់នៅបណ្តោះអាសន្នផ្ទះបងប្អូនទុកឱ្យបុរសនោះនៅផ្ទះតែម្នាក់ឯងទើបភាពឯកោនេះបានបង្កឱ្យគាត់គិតខ្លីលេបថ្នាំសម្លាប់ខ្លួនបែបនេះ ។ ប្រភពដដែលបន្តថា មុនពេលធ្វើអត្តឃាតបុរសនោះបានសរសេរនូវពាក្យបណ្តាំនិងមូលហេតុនៃការសម្លាប់ខ្លួននៅលើជញ្ជាំងផ្ទះដោយរៀបរាប់ពីការដែលប្រពន្ធផិតក្បត់ដោយបានពោលពាក្យថា «ស្រីផិតក្បត់ខ្ញុំសូមស្មារលា ហើយសូមអ្នករស់នៅរងកម្មចុះ » ហើយក៏នៅមានពាក្យពេចន៍ជាច្រើនទៀតដែលបុរសនោះសរសេរក្នុងន័យហាមឃាត់មិនឱ្យកូនៗធ្វើបុណ្យឱ្យទៀតផង ។ ប្រភពដដែលបានបន្តទៀតថា ការភ្ញាក់ផ្អើលថា បុរសនោះសម្លាប់ខ្លួនគឺដោយសារកូនៗរបស់គាត់នៅម្តុំស្ពានជ្រោយចង្វា និងកំពង់ស្ពឺទទួលបានដំណឹងថា ឪពុកម្តាយទាស់ទែងគ្នារហូតឈានដល់បុរសជាឪពុកបណ្តេញម្តាយចេញពីផ្ទះថែមទៀត ពេលនោះកូនៗក៏បាននាំគ្នាធ្វើដំណើរទៅមើលឪពុកនៅផ្ទះ ។ លុះពេលទៅដល់បានឃើញទ្វារផ្ទះបិទជិតនិងមានចាក់សោពីខាងក្នុងជាប់ទៀតផង ពេលនោះធ្វើឱ្យពួកគេមានការងឿងឆ្ងល់ជាខ្លាំងក៏បានកាត់សោចូលទៅមើលឃើញឪពុកស្លាប់នៅលើគ្រែក្នុងបន្ទប់ដេកជាន់ទី១បាត់ទៅហើយ ។ អ្នកជិតខាងបានសម្តែងនូវការហួសចិត្ត គ្រប់គ្នាដោយសារតែបុរសនោះនិងប្រពន្ធចាស់ៗហើយមិនគួរយកការប្រចណ្ឌដាក់ខ្លួនហើយគិតខ្លីធ្វើអត្តឃាតសម្លាប់ខ្លួនបែបនេះ។ ថ្នាំដែលបុរសនោះលេបសម្លាប់ខ្លួនជាប្រភេទថ្នាំគ្រាប់បន្ទះៗចំនួន៥បន្ទះនិងមានថ្នាំម្សៅ១កញ្ចប់ផងដែរ ហើយគេក៏មិនដឹងថា តើស្រីជាប្រពន្ធប្រព្រឹត្តដូចការចោទប្រកាន់របស់ប្តីមែនឬអត់នោះឡើយ ។ មានតែការហួសចិត្តប៉ុណ្ណោះដែលប្តីប្រពន្ធវ័យចំណាស់នៅតែប្រចណ្ឌគ្នា ៕  |
| ឪពុកម្តាយវាយធ្វើបាប នាងមកលោតទឹកស្ពានជ្រោយចង្វា Posted: 10 Mar 2011 05:58 PM PST  រាជធានីភ្នំពេញ ៖ ស្ត្រីម្នាក់បានអះអាងថា ដោយរងការវាយធ្វើបាបពីឪពុកម្តាយរហូតទ្រាំលែងបានក៏ជិះរថយន្តពីខេត្តកំពង់ចាម មកកាន់រាជធានីភ្នំពេញ ដែលនាងពុំធ្លាប់ស្គាល់សោះ និងបានមកលោតទឹកសម្លាប់ខ្លួនពីលើស្ពានជ្រោយចង្វាកាលពីវេលាម៉ោង៧ និង៥៥នាទីយប់ថ្ងៃទី៩ មីនា តែត្រូវប៉ូលិសអង្គភាពគោលដៅទី៣ ការពារស្ពានជ្រោយចង្វាឃាត់ទាន់ ហើយធ្វើការអប់រំ ប្រគល់ទៅឱ្យអង្គការអភិវឌ្ឍន៍ស្ត្រីកម្ពុជា នាំទៅអប់រំផ្លូវចិត្តបន្តទៀតដើម្បីឱ្យចាកផុតពីវិបត្តិដែលធ្វើឱ្យនាងគិតខ្លី ។ ស្ត្រីដែលមានវិបត្តិគិតខ្លីនេះ ត្រូវបានសមត្ថកិច្ចឱ្យដឹងថា ឈ្មោះស៊ុំ ស្រីតូ ហៅហ្សាហ្វីយ៉ា អាយុ២០ឆ្នាំ ជនជាតិអ៊ិស្លាម ជាសិស្សថ្នាក់ទី១១ វិទ្យាល័យប៊ុន រ៉ានី ហ៊ុន សែន អម្ពវ័ន មានទីលំនៅភូមិរកាខ្នុរទី៦ ឃុំរកាខ្នុរ ស្រុកក្រូចឆ្មារ ខេត្តកំពង់ចាម ។ តាមសមត្ថកិច្ចអង្គភាពគោលដៅទី៣ ការពារស្ពានជ្រោយចង្វាបានឱ្យដឹងថា នៅមុនពេលកើតហេតុស្ត្រីរូបនោះបានធ្វើដំណើរឡើងទៅលើ ស្ពានជ្រោយចង្វាពីទិសខាងលិច ក្នុងគោលបំណងទៅលោតទឹកសម្លាប់ខ្លួន ។ ពេលដែលទៅដល់លើស្ពានបានតោងបង្កាន់ដៃ ហើយយំខ្សឹកខ្សួល តែនាងហាក់ដូចជាពុំដាច់ចិត្តសោះ ។ ដោយមានការសង្ស័យ ប៉ូលិសនៅលើស្ពានក៏បានឃាត់សួរនាំ ហើយត្រូវស្ត្រីរូបនោះរឹតតែយំខ្លាំងឡើងដោយប្រាប់ថា នាងពុំចង់រស់នៅនោះ ទេ ។ ភ្លាមៗសមត្ថកិច្ចយាមស្ពាន បាននាំនាងមកអង្គភាពដែលនៅក្បាលស្ពានដើម្បីសួរនាំ ។ តាមស្ត្រីវ័យក្មេងរូបនោះបានឱ្យដឹងថា នាងពុំចង់រស់នៅនោះទេ ហើយមានបំណងមកលោតទឹកសម្លាប់ខ្លួនដោយសារតែឪពុកម្តាយវាយធ្វើបាប និងចោទថា នាងជាស្រីចង្រៃ ។ ស្ត្រីឈ្មោះស៊ុំ ស្រីតូ បានឱ្យដឹងទៀតថា ដោយសារតែទ្រាំការវាយធ្វើបាបពីសំណាក់ឪពុកម្តាយលែងបាន ទើបនាងសម្រេចចិត្តសម្លាប់ខ្លួនចំនួន២លើកមកហើយ គឺលើកទី១លេបថ្នាំអស់៣០គ្រាប់ សម្លាប់ខ្លួនម្តង និងលើកទី២លេបគ្រាប់ស្លែងម្តងទៀតតែពុំស្លាប់សោះ ។ ទើបនៅថ្ងៃទី៧ មីនា បានជិះរថយន្តពីខេត្តកំពង់ចាមមកភ្នំពេញ ហើយចេះតែដើរ និងដេកតាមបង់លើសួនច្បារគ្មានគោលដៅច្បាស់លាស់ ព្រមទាំងធ្វើដំណើរឡើងលើស្ពានមកលោតទឹកសម្លាប់ខ្លួន តែត្រូវប៉ូលិសជួយឃាត់ទាន់ ។  |
| ពិព័រណ៍ការងារផ្នែកព័ត៌មានវិទ្យានៅវិទ្យាស្ថានបច្ចេកវិទ្យាកម្ពុជា(តិចណូ) Posted: 10 Mar 2011 05:53 PM PST រាជធានីភ្នំពេញ ៖ វិទ្យាស្ថានបច្ចេកវិទ្យាកម្ពុជា (សាលាតិចណូ) នឹងមានរៀបចំការតាំងពិព័រណ៍ការងារមួយលើផ្នែកព័ត៌មានវិទ្យា (ICT Career Expo) នៅថ្ងៃសុក្រ ទី១៨ និងថ្ងៃសៅរ៍ ទី១៩ មីនា ២០១១ នៅសាលាតិចណូ ដែលនឹងមានការចូលរួមពីក្រុមហ៊ុនបំរើសេវាកម្មខាងផ្នែកព័ត៌មានវិទ្យាចំនួន១៧ក្រុមហ៊ុន។ គោលបំណងនៃការតាំងពិព័រណ៍នេះ គឺដើម្បី បង្កើតអោយមានការជួបជុំគ្នារវាងអ្នកស្វែងរកការងារធ្វើ ជាមួយនឹងក្រុមហ៊ុនខាងផ្នែកព័ត៌មានវិទ្យាដែលត្រូវការជ្រើសរើសបុគ្គលិកមានសមត្ថភាពខ្ពស់ ដើម្បីបំពេញការងារ ។ និស្សិតដែលកំពុងតែសិក្សាផ្នែកព័ត៌មានវិទ្យា ក៏អាចមានឱកាសស្វែងយល់អំពីទីផ្សារការងារដែល ក្រុមហ៊ុននានាកំពុងតែផ្តល់អោយ។ នៅក្នុងឱកាសពិព័រណ៍នេះដែរ ស្តង់សម្ភាសន៍ការងារមួយនឹងរៀបចំឡើងដើម្បីអោយក្រុមហ៊ុនដែលចូលរួមពិព័រណ៍អាចធ្វើការសម្ភាស ជ្រើសរើសបុគ្គលិកភ្លាមៗនៅនឹងកន្លែង ។ ហើយក្នុងពេលជាមួយគ្នានោះដែរ សាលាតិចណូ ក៏នឹងរៀបចំបទបង្ហាញអំពីបច្ចេកវិទ្យាថ្មីៗក្នុងវិស័យព័ត៌មានវិទ្យា ពីសំណាក់វាគ្មិនដែលជាអ្នកជំនាញមកពីក្រុមហ៊ុនព័ត៌មានវិទ្យាធំៗនៅកម្ពុជា ។ នៅក្នុងបទបង្ហាញនេះ ក៏មានវាគ្មិនដែលជាអ្នកអាជីពក្នុងជំនាញផ្សេងៗក្នុងផ្នែកព័ត៌មានវិទ្យា ដូចជាអ្នកសរសេរកម្មវិធីកុំព្យូទ័រ អ្នករចនាគេហទំព័រ អ្នកគ្រប់គ្រងបណ្តាញកុំព្យូទ័រ នឹងមកបង្ហាញពីភារកិច្ចដែលគាត់ត្រូវទទួលខុសត្រូវ និងជំនាញដែលគាត់ត្រូវមានដើម្បីក្លាយទៅជាអ្នកជំនាញក្នុងអាជីពរបស់គាត់។ ហើយកម្មវិធីចុងក្រោយ គឺជាការចាប់រង្វាន់រកអ្នកឈ្នះរង្វាន់កុំព្យូទ័រ NetBook មួយគ្រឿង និងរង្វាន់ផ្សេងៗទៀតដោយការចូលរួមលេងហ្គេមឆ្លើយសំណួរផ្សេងៗដែលទាក់ទងទៅនឹងបច្ចេកវិទ្យាព័ត៌មាននៅលើគេហទំព័ររបស់ពិព័រណ៍www.itc.edu.kh/ict ៕  |
| អគ្គនាយកដ្ឋានគយប្រជុំពិនិត្យមើលពីវឌ្ឍនភាពនៃការអនុវត្តប្រព័ន្ធ ASYCUDA Posted: 10 Mar 2011 05:25 PM PST  រាជធានីភ្នំពេញ ៖ កាលពីរសៀលថ្ងៃទី៧ មីនា ឆ្នាំ២០១១ នៅសាលប្រជុំនៃអគ្គនាយកដ្ឋានគយ និងរដ្ឋាករកម្ពុជា មានប្រារព្ធកិច្ចប្រជុំមួយស្តីពីការត្រៀមអនុវត្តគម្រោងពង្រីកប្រព័ន្ធស្វ័យប្រវត្តិកម្មទិន្នន័យគយ ឬហៅកាត់ថា អាស៊ីគូដា (ASYCUDA) ក្រោមអធិបតីភាពលោកបណ្ឌិត ប៉ែន ស៊ីម៉ន ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករកម្ពុជា ។ គោលបំណងសំខាន់នៃកិច្ចប្រជុំ គឺ ពិនិត្យមើលពីវឌ្ឍនភាពនៃការអនុវត្តប្រព័ន្ធអាស៊ីគូដាដែលបានដាក់ឱ្យដំណើរការនៅការិយាល័យ និងទីស្នាក់ការគយ និងរដ្ឋាករទាំង៥កន្លែង និងវឌ្ឍនភាពនៃការត្រៀមអនុវត្តគម្រោងពង្រីកប្រព័ន្ធអាស៊ីគូដានេះតាមបណ្តាមាត់ច្រកគយសំខាន់ៗចំនួន១៧កន្លែងថែមទៀត ។ នៅក្នុងកិច្ចប្រជុំនោះ ប្រធាន អនុប្រធាន និងសមាជិកក្រុមការងារគម្រោងជាតិ ព្រមទាំងអស់លោកជាប្រធាននាយកដ្ឋាន ការិយាល័យ សាខា និងទីស្នាក់ការគយ និងរដ្ឋាករ បានរាយការណ៍ពីវឌ្ឍនភាព លទ្ធផលការងារ ការប្រឈមនានា ក្នុងការត្រៀមអនុវត្តគម្រោងពង្រីកប្រព័ន្ធអាស៊ីគូដានេះ។ នៅក្នុងឱកាសនោះ លោកបណ្ឌិត ប៉ែន ស៊ីម៉ន បានគូសបញ្ជាក់ថា គម្រោងប្រព័ន្ធស្វ័យប្រវត្តិកម្មទិន្នន័យគយនេះ ជាផ្នែកមួយនៃផែនការ១២ចំណុចរបស់រាជរដ្ឋាភិបាលកម្ពុជា សម្រាប់ការធ្វើឱ្យប្រសើរឡើងនូវបរិយាកាសវិនិយោគ និងកិច្ចសម្រួលពាណិជ្ជកម្មនៅកម្ពុជា និងក៏ជាការងារគន្លឹះមួយនៃកម្មវិធីកំណែទំរង់ និងទំនើបកម្មរដ្ឋបាលគយ និងរដ្ឋាករកម្ពុជាឆ្នាំ២០០៩-២០១៣ ។ ជាមួយគ្នានេះ លោកក៏បានណែនាំមន្ត្រីគយទាំងអស់ឱ្យចូលរួមអនុវត្តគម្រោងនេះឱ្យបានសកម្ម និងប្រកបដោយស្មារតីទទួលខុសត្រូវខ្ពស់ ដើម្បីធានាសម្រេចជោគជ័យនៃគម្រោងដែលគាំទ្រដោយធនាគារពិភពលោកនេះ ព្រោះថា ប្រព័ន្ធស្វ័យប្រវត្តិកម្មទិន្នន័យគយ នឹងប្រើជាមូលដ្ឋានគ្រឹះសម្រាប់កសាង និងអនុវត្តគម្រោងថ្មីនោះ គឺបញ្ជរតែមួយជាតិ (National Single Window) ដែលជាផ្នែកមួយទៀតនៃផែនការ១២ចំណុចរបស់រាជរដ្ឋាភិបាល និងក៏ជាកាតព្វកិច្ចរបស់កម្ពុជាក្នុងនាមជាសមាជិកអាស៊ានផងដែរ ។
 |
| You are subscribed to email updates from Koh Santepheap Daily To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
