Koh Santipheap Daily |
- លីប៊ីប្រកាសថា ខ្លួននឹងដោះលែងអ្នកកាសែតបរទេស4នាក់
- បាតុករប្រឆាំងរដ្ឋាភិបាលយេម៉ែនបិទអគាររដ្ឋាភិបាលជាច្រើន
- រុស្ស៊ីត្រៀមផ្តល់ប្រាក់កម្ចី6ពាន់លានដុល្លារដល់បេឡារុស
- មនុស្សពីងពាងបារាំងតោងឡើងអគារខ្ពស់បំផុតនៅតួកគី
- លឹម រដ្ឋា តារាភាពយន្តទើបរះថ្មីទទួលបានមេដាយប្រាក់ និងមាស
- ម្តាយផ្ញើប្រាក់ជាង២ម៉ឺនដុល្លារមកពីក្រៅប្រទេស ពេលចូលហូបស៊ុបចោរប្លន់យកទៅបាត់
- សម្តេចតេជោហ៊ុន សែន ៖ មិត្តគឺមានមិត្តល្អ និងមិត្តអាក្រក់...បើថៃវ៉ៃកម្ពុជាបាន គឺគេវ៉ៃឡាវ, មីយ៉ាន់ម៉ា និងម៉ាឡេស៊ីទៀតហើយ
- រថយន្តកាមរីឆ្លាមដឹកឈើគ្រញូងបោលលឿនទៅបុករថយន្តដឹកផ្លែឈើចតស្ងៀមស្លាប់២នាក់ គឺ១កៀបជាប់ ១ផ្លោងចេញ
- ប៉ាគីស្ថានប្រកាសពីការចាប់ខ្លួនមេបញ្ជាការអាល់កៃដាម្នាក់
- សភាអ៊ីរ៉ង់ដាក់ពាក្យបណ្តឹងប្រឆាំងលោកប្រធានាធិបតីអាម៉ាឌីណឺហ្សាដ
- ឪពុករបស់លោកសាកូហ្ស៊ីអះអាងពីការមានផ្ទៃពោះរបស់ស្ត្រីទីមួយបារាំង
- ក្រុមភេរវកម្មអាល់កៃដាមានមេដឹកនាំថ្មីជាជនជាតិអេហ្ស៊ីប
- បុរសជនជាតិអាមេរិកម្នាក់ចំណាយប្រាក់ជាង១សែនដុល្លារធ្វើស្លាក ឃោសនាពីហេតុការណ៍រលំរលាយផែនដីថ្ងៃទី២១ ឧសភា ខាងមុខ
- ក្រសួងព័ត៌មាន ឱ្យទម្លាក់ប៉ាណូ គេហទំព័រ familyradio.com
- ព្រឹកនេះសម្តេចតេជោហ៊ុន សែន អញ្ជើញសម្ពោធបើកការដ្ឋានស្ថាបនាផ្លូវជាតិលេខ៤១ ឆ្លងកាត់ច្រើនខេត្ត
- ភរិយាអតីតប្រធានាធិបតីអេហ្ស៊ីបលោកមូបារ៉ាក់ត្រូវដោះលែង
- លោកជំទាវឧកញ៉ា យីន ផាន្នី ឧបត្ថម្ភកញ្ចប់អាហារជូនអ្នកជំងឺមន្ទីរពេទ្យព្រះកុសុមៈ និងមន្ទីរពេទ្យមិត្តភាពខ្មែរ-សូវៀត
- បុណ្យវិសាខបូជាតាមបវេណីព្រះពុទ្ធសាសនានៅកោះពេជ្រ
- ម៉ូតូសង់កូរ៉េមួយគ្រឿងខូចម្ចាស់ជួសជុល ពេលធាក់បញ្ឆេះគឺឆេះខ្ទេចតែម្តង
- មេទ័ពកម្ពុជា-សៀមជួបគ្នា សភាពការណ៍ធូរស្រាលដោយការព្រមព្រៀងដកកងកម្លាំងនិងលុបលេណដ្ឋាន
- រត់តាក់ស៊ីកណ្តាលក្រុងលាក់បាំងជំនួញគ្រឿងញៀន
- ផ្អើលអាជ្ញាធរជុំវិញកំណប់មាសសម័យខ្មែរក្រហមដែលល្បីថាគេកប់នៅភ្នំដាក់ព្រះ ក្រុងពោធិ៍សាត់
- ឃើញអ្នកមេម៉ាយរូបស្អាតអាត្មាជួយលុយរហូត លុះដល់អ្នកមេម៉ាយរៀបការអាត្មាទារលុយវិញ
- ដឹកជញ្ជូនឈើប្រណីតកក្រើកព្រៃនៅស្រុកសំឡូត
- រថយន្តឡិចស៊ីសបើកលឿនដូចហោះបុកបង្កាន់ដៃស្ពាន
- ភូមាដោះលែងអ្នកទោសដល់ទៅ17.000នាក់
- ១ថ្ងៃគ្រោះថ្នាក់ចរាចរណ៍៣ករណីស្លាប់២នាក់ និងរបួស៦នាក់
- សិស្សសាលាអាយុ១០ឆ្នាំមកពីរៀនងូតទឹកទន្លេលង់ស្លាប់
- ស្តេចប្រដាល់ហ្វ៊ីលីពីនប៉ាក់គីអាវបដិសេធការចោទប្រកាន់ពីមេវេដឌ័រនិងសេន ម៉ូស្ល៊ី ថាប្រើថ្នាំ
- សាលារាជធានីបង្កើតទីលានលំហាត់ប្រាណសាធារណៈសម្រាប់មនុស្សចាស់ដោយមិនបង់លុយ
| លីប៊ីប្រកាសថា ខ្លួននឹងដោះលែងអ្នកកាសែតបរទេស4នាក់ Posted: 18 May 2011 12:34 AM PDT  លោកមូសា អ៊ីប្រាហ៊ីម អ្នកនាំពាក្យរបស់រដ្ឋាភិបាលលីប៊ី រាយការណ៍ថា អ្នកកាសែត៤នាក់ ដែលត្រូវចាប់ខ្លួននៅលីប៊ី កាលពីដើមខែមេសា ក្នុងនោះមានអ្នកកាសែតជនជាតិអាមេរិក ២នាក់ និងអេស្ប៉ាញម្នាក់ត្រូវដោះលែងនាថ្ងៃទី១៧ ឬ ១៨ ឧសភា ។ លោកមូសា អ៊ីប្រា ហ៊ីម បញ្ជាក់កាលពីថ្ងៃទី១៧ ឧសភា ថា អ្នកកាសែតទាំង៤នាក់នោះដែលទទួលការចោទប្រកាន់ពីបទចូលប្រទេសលីប៊ី ដោយខុសច្បាប់ ត្រូវបាននាំមកកាន់តុលាការរដ្ឋបាលមួយ ហើយបន្ទាប់មកនឹងត្រូវដោះលែង។ អ្នកនាំពាក្យរូបនេះបានបង្ហាញអត្តសញ្ញាណអ្នកកាសែត៣នាក់  |
| បាតុករប្រឆាំងរដ្ឋាភិបាលយេម៉ែនបិទអគាររដ្ឋាភិបាលជាច្រើន Posted: 18 May 2011 12:33 AM PDT  ហ្វូងបាតុករប្រឆាំងរដ្ឋាភិបាលយេម៉ែន ដែលកំពុងធ្វើបាតុកម្មទាមទារឱ្យលោកប្រធានាធិបតីអាលី អាប់ឌុលឡាហ៍ សាឡេហ៍ លាលែងចេញពីតំណែងជាបន្ទាន់កាលពីថ្ងៃទី១៧ ឧសភា កន្លងមក បានបិទអគាររដ្ឋាភិបាលមួយចំនួនដោយកម្លាំងនៅបណ្តាខេត្ត ភាគខាងត្បូងប្រទេស។ សាក្សីបានប្រាប់ទីភ្នាក់ងារព័ត៌មានស៊ីនហួរបស់ចិនថា ហ្វូងបាតុករក្នុងចំនួនដ៏ច្រើនកាលពីថ្ងៃទី១៧ ឧសភា បានបិទអគាររដ្ឋាភិបាលជាច្រើន។ នៅក្នុងទីក្រុងកំពង់ផែ Aden ហ្វូងបាតុករដែលពោរពេញដោយកំហឹងបានបិទអគារការិយាល័យក្រសួងអប់រំ ចំណែកនៅខេត្ត  |
| រុស្ស៊ីត្រៀមផ្តល់ប្រាក់កម្ចី6ពាន់លានដុល្លារដល់បេឡារុស Posted: 18 May 2011 12:31 AM PDT  ប្រធានាធិបតីបេឡារុស លោកអាឡិច សាន់ដ្រ៏លូកាឆេនកូ គូសបញ្ជាក់កាលពីថ្ងៃទី១៧ ឧសភា ថា ប្រទេសរុស្ស៊ីត្រៀមផ្តល់ប្រាក់ជាង៦ពាន់លានដុល្លារក្រោមរូបភាព ជាប្រាក់កម្ចីដល់ប្រទេសរបស់លោកដែលប្រឈមមុខនឹងវិបត្តិហិរញ្ញ វត្ថុចំបងមួយ។ លោកលូកាឆេនកូ ថ្លែងថា ខ្ញុំទើបនឹងពិភាក្សាជាមួយប្រធានាធីបតីរុស្ស៊ី លោកឌីមីទ្រីម៉េដវេដេវ។ យើងចរចាគ្នាជាមួយរុស្ស៊ីស្តីពីឥណទានសំរាប់ទ្រទ្រង់ឱ្យមាន ស្ថេរភាពហិរញ្ញវត្ថុសំដៅទ្រទ្រង់ដល់តម្លៃប្រាក់រូប្លិ៍បេឡារុស ។  |
| មនុស្សពីងពាងបារាំងតោងឡើងអគារខ្ពស់បំផុតនៅតួកគី Posted: 18 May 2011 12:30 AM PDT  អ្នកដែលពូកែខាងតោងឡើងអគារខ្ពស់ៗ កប់ពពក លោកអាឡាំង រ៉ូប៊ែត ដែលមានរហស្សនាមថា «មនុស្សពីងពាងបារាំង» កាលពីថ្ងៃទី១៧ ឧសភា កន្លងមក បានទៅកាន់ប្រទេសតួកគី ហើយតោងឡើងអគារមានកម្ពស់ខ្ពស់បំផុតរបស់ប្រទេសនេះនៅក្នុងទីក្រុង អ៊ីស្តង់ប៊ុល។ ការតោងឡើងអគារកម្ពស់ជិត៣០០ម៉ែត្រ លើកចុងក្រោយនេះរបស់លោកអាឡាំង រ៉ូប៊ែត គឺធ្វើឡើងក្នុងគោលបំណងបង្ហាញពីភាពអស្ចារ្យរបស់លោក  |
| លឹម រដ្ឋា តារាភាពយន្តទើបរះថ្មីទទួលបានមេដាយប្រាក់ និងមាស Posted: 18 May 2011 12:14 AM PDT  រាជធានីភ្នំពេញ ៖ លោកលឹម រដ្ឋា តារាសម្តែងកាយវិការខារ៉ាអូខេ និងជាតារាភាពយន្តថ្មីទើបរះឡើងកាលពីឆ្នាំ២០០៧។ ទោះបីជាមិនទាន់មានកេរ្តិ៍ឈ្មោះល្បី តែភាពលេចធ្លោខាងទេពកោសល្យសម្តែង ជាមួយបទពិសោធន៍ដ៏សំបូរបែបរយៈពេលជាង៤ឆ្នាំមកនេះ លោកបានចូលរួមសម្តែងកាយវិការខារ៉ាអូខេឱ្យផលិតកម្មទាំងក្នុង និងក្រៅប្រទេសជាច្រើន មិនតែប៉ុណ្ណោះបានចូលរួមសម្តែងក្នុងខ្សែភាពយន្តប្រមាណជាង១០រឿង ហើយ ក្នុងនោះលោកមានកិត្តិយសចូលរួមសម្តែងថ្វាយព្រះមហាក្សត្រ បានជាច្រើនរឿង ដូចជារឿងលាហើយបូកគោ ជាដើម។  |
| ម្តាយផ្ញើប្រាក់ជាង២ម៉ឺនដុល្លារមកពីក្រៅប្រទេស ពេលចូលហូបស៊ុបចោរប្លន់យកទៅបាត់ Posted: 17 May 2011 11:50 PM PDT រាជធានីភ្នំពេញ ៖ តាមប្រភពព័ត៌មានដែលមិនទាន់ជាផ្លូវការនៅឡើយបានបង្ហើបឱ្យដឹងថា កាលពីវេលាម៉ោង៧យប់ ថ្ងៃទី១៧ ឧសភា មានមនុស្ស៤នាក់បងប្អូនជិះរថយន្តមួយគ្រឿងម៉ាក LEXUS RX 300 នាំគ្នាចូលហូបស៊ុបនៅក្នុងភោជនីយដ្ឋានមួយកន្លែងស្ថិតនៅផ្លូវលេខ២៩ កែងមហាវិថីព្រះសីហនុ សង្កាត់ទន្លេបាសាក់ ខណ្ឌចំការមន  |
| Posted: 17 May 2011 11:40 PM PDT ខេត្តកំពត ៖ សម្តេចតេជោហ៊ុន សែន នាយករដ្ឋមន្ត្រីបានលើកឡើងថា បណ្តាប្រទេសមួយចំនួនគេថា កម្ពុជា-ថៃជាមិត្តនឹងគ្នា ប៉ុន្តែគេភ្លេចគិតថា មិត្តវាមានអាក្រក់ មានល្អ ដូច្នេះមិនចាំបាច់និយាយសម្រួលឱ្យថៃទេ អ្នកណាអាក្រក់ អ្នកណាល្អ គេបានដឹងអស់ទៅហើយ...ជាធម្មតាទេ ប្រទេសដែលឈ្លានពានគេ គឺវាត្រូវតែអាក្រក់អញ្ចឹងហើយ  |
| Posted: 17 May 2011 11:33 PM PDT  ខេត្តពោធិ៍សាត់ ៖ បុរស២នាក់បានស្លាប់គួរឱ្យរន្ធត់បំផុតដោយម្នាក់ខ្ទាតទម្លាយកញ្ចក់រថយន្តខាងមុខធ្លាក់មកលើថ្នល់ និងម្នាក់ទៀតកៀបជាប់នឹងចង្កូតរថយន្តទម្រាំគាស់យកសពចេញបានគឺតាំងពីយប់រហូតដល់ព្រឹក ដែលហេតុការណ៍នេះកើតឡើងតាំងពីវេលាម៉ោង៣និង៤៥នាទីរំលងអធ្រាត្រឈានចូលថ្ងៃទី១៨ ឧសភា ២០១១ នៅភូមិខ្សាច់ល្អិត  |
| ប៉ាគីស្ថានប្រកាសពីការចាប់ខ្លួនមេបញ្ជាការអាល់កៃដាម្នាក់ Posted: 17 May 2011 08:20 PM PDT ប្រទេសប៉ាគីស្ថានបានប្រកាសកាលពីថ្ងៃទី១៧ ឧសភា ពីការចាប់ខ្លួនមេបញ្ជាការសំខាន់ម្នាក់របស់អាល់កៃដា សញ្ជាតិយេម៉ែន លោកម៉ូហាម៉េដអាលី កាស៊ីម យ៉ាគូប ហៅអាប៊ូសូហៃអ៊ីប អាល់ម៉ាកគី នៅទីក្រុងការ៉ាជីភាគខាងត្បូងប្រទេស។ ក៏ប៉ុន្តែបុរសរូបនេះពុំមានឈ្មោះក្នុងបញ្ជីសមាជិកអាល់កៃដាដែល តាមរកចាប់ខ្លួនបំផុតលើពិភពលោកឡើយ ហើយកងទ័ពប៉ាគីស្ថានចាត់ទុកការចាប់ខ្លួនជននេះថា ជាព្រឹត្តិការណ៍ចម្បងមួយដើម្បីតាមកម្ទេចបណ្តាញអាល់កៃដាដែល ធ្វើប្រតិបត្តិការក្នុងតំបន់ ។  |
| សភាអ៊ីរ៉ង់ដាក់ពាក្យបណ្តឹងប្រឆាំងលោកប្រធានាធិបតីអាម៉ាឌីណឺហ្សាដ Posted: 17 May 2011 08:19 PM PDT ទូរទស្សន៍ខ្សែកាប Press TV រាយការណ៍ថា សមាជិកសភាមួយចំនួនបានដាក់ពាក្យប្តឹងប្រឆាំងរដ្ឋាភិបាល របស់លោកប្រធានាធិបតីម៉ាមូដ អាម៉ាឌីណឺហ្សាដ ពីបទចោទប្រកាន់រំលោភបំពានរដ្ឋធម្មនុញ្ញ ។ សភាអុីរ៉ង់មួយរូបត្រូវបានដកស្រង់សម្តីដែលនិយាយថា កាលពីចុងខែកុម្ភៈកន្លងមក សមាជិកសភាមួយចំនួនបានដាក់ពាក្យបណ្តឹងទៅក្រុមប្រឹក្សា អង្គចៅក្រមប្តឹងរដ្ឋាភិបាលរបស់លោកអាម៉ាឌីណឺហ្សាដ ពីបទមិនអនុវត្តច្បាប់រដ្ឋធម្មនុញ្ញ ។  |
| ឪពុករបស់លោកសាកូហ្ស៊ីអះអាងពីការមានផ្ទៃពោះរបស់ស្ត្រីទីមួយបារាំង Posted: 17 May 2011 08:10 PM PDT  កាសែតអាល្លឺម៉ង់ឈ្មោះ BILD ក្នុងលេខចេញផ្សាយកាលពីថ្ងៃទី១៧ ឧសភា អះអាងពីការមានផ្ទៃពោះរបស់លោកស្រីកាឡាប្រូនី ភរិយារបស់ប្រធានាធិបតីបារាំង លោកនីកូឡាស់ សាកូហ្ស៊ី ដោយផ្អែកលើការលាតត្រដាងរបស់ឪពុកប្រធានាធិបតី។ ឪពុកលោកសាកូហ្ស៊ី លោកប៉ាល់ សាកូហ្ស៊ី ថ្លែងទៅកាន់កាសែតអាល្លឺម៉ង់នោះថា ខ្ញុំរីករាយណាស់ ដែលខ្ញុំមានចៅម្នាក់ទៀត ។ លោកនីកូឡាស់ សាកូហ្ស៊ី និងភរិយាពុំទាន់ចង់ឱ្យគេដឹងពីភេទរបស់កូនមុនពេលវាកើតឡើយ ក៏ប៉ុន្តែខ្ញុំប្រាកដក្នុងចិត្តថា កូននោះនឹងជាកូនស្រី ហើយពិតជាស្អាតដូចម្តាយរបស់គេ ។  |
| ក្រុមភេរវកម្មអាល់កៃដាមានមេដឹកនាំថ្មីជាជនជាតិអេហ្ស៊ីប Posted: 17 May 2011 08:10 PM PDT  បុរសជនជាតិអេហ្ស៊ីបម្នាក់ដែលធ្លាប់ធ្វើជាមន្ត្រីកងកម្លាំង ពិសេសត្រូវបានជ្រើសតាំងជាមេដឹកនាំចាំផ្ទះរបស់ក្រុមភេរវកម្ម អាល់កៃដាក្រោយពីការស្លាប់របស់អូសាម៉ា ប៊ីនឡាដេន ។ នេះបើតាមការឱ្យដឹងដោយប្រភពផ្ទៃក្នុងមួយ។ ប្រភពដដែលបានឱ្យដឹងទៀតថា មេដឹកនាំក្រុមអាល់កៃដាបណ្តោះអាសន្នរូបនេះឈ្មោះ Saif al-Adel ដើរតួនាទីយ៉ាងសំខាន់ក្នុងក្រុមអាល់កៃដា។ ជនម្នាក់ឈ្មោះ Noman Benotman ប្រាប់ទូរទស្សន៍ CNN ថា ផ្អែកលើទំនាក់ទំនងជាមួយពួកសកម្មប្រយុទ្ធ និងការយល់ដឹងអំពីវេទិការបស់ជីហាដ al-adel សមនឹងត្រូវជ្រើសតាំងជាេមដឹកនាំបណ្តោះអាសន្នរបស់ក្រុមអាល់កៃដា ។  |
| Posted: 17 May 2011 08:05 PM PDT  តាមសារព័ត៌មានបរទេសផ្សាយថ្ងៃទី១៦ ឧសភា ថា បុរសវ័យចំណាស់ម្នាក់ក្នុងក្រុងញូវយ៉ក សហរដ្ឋអាមេរិក បានបង្កើតនូវរឿងរ៉ាវល្បីរន្ទឺមួយដោយយកប្រាក់ផ្ទាល់ខ្លួនដែលសន្សំបានជាង១៤០.០០០ដុល្លារ ទៅចំណាយក្នុងការធ្វើស្លាកឃោសនាដើម្បីប្រកាសឱ្យសាធារណជនដឹងថា ពិភពលោកនឹងសាបសូន្យនៅថ្ងៃទី២១ ឧសភា ខាងមុខ  |
| ក្រសួងព័ត៌មាន ឱ្យទម្លាក់ប៉ាណូ គេហទំព័រ familyradio.com Posted: 17 May 2011 07:55 PM PDT រាជធានីភ្នំពេញ ៖ លោករដ្ឋមន្ត្រីខៀវ កាញារីទ្ធ បានធ្វើលិខិតផ្លូវការមួយដល់លោកស្នងការនៃស្នងការដ្ឋាននគរបាលរាជធានីភ្នំពេញ-ខេត្ត កាលពីថ្ងៃទី១៧ ឧសភា ដោយស្នើឱ្យមានការទំលាក់ជាបន្ទាន់ប៉ាណូផ្សាយរបស់គេហទំព័រ www.familyradio.com តាមទីសាធារណៈក្នុងភូមិសាស្ត្ររាជធានីភ្នំពេញ-ខេត្ត  |
| Posted: 17 May 2011 07:28 PM PDT ខេត្តកំពត ៖ សម្តេចតេជោនាយករដ្ឋមន្ត្រីហ៊ុន សែន បានដឹកនាំមន្ត្រីជាន់ខ្ពស់ មន្ត្រីស្ថាប័នពាក់ព័ន្ធ និងដៃគូអភិវឌ្ឍន៍ជាច្រើននាក់អញ្ជើញសម្ពោធបើកការដ្ឋានស្ថាបនាផ្លូវជាតិលេខ៤១ មានប្រវែង៩៥,២៨គីឡូម៉ែត្រ ចាប់ពីថ្នល់ទទឹងចំណុចប្រសព្វលើផ្លូវជាតិលេខ៤ ខេត្តកណ្តាល ដល់ល្អាងចំណុចប្រសព្វលើផ្លូវជាតិលេខ៣ ស្រុកដងទង់  |
| ភរិយាអតីតប្រធានាធិបតីអេហ្ស៊ីបលោកមូបារ៉ាក់ត្រូវដោះលែង Posted: 17 May 2011 07:27 PM PDT  អាជ្ញាធរអេហ្ស៊ីបកាលពីថ្ងៃទី១៧ ឧសភា បានដោះលែងលោកស្រីស៊ូហ្សាន មូបារ៉ាក់ ភរិយាប្រធានាធិបតីអេហ្ស៊ីប ដែលត្រូវទម្លាក់ចេញពីតំណែងលោកហូស្នី មូបារ៉ាក់ តាមរយៈការបង់ប្រាក់ធានាក្រោយពីលោកស្រីបានសម្រេចផ្តល់ទ្រព្យ សម្បត្តិមួយផ្នែករបស់លោកស្រីឱ្យទៅរដ្ឋ។ អ្នកនាំពាក្យនាយកដ្ឋានត្រួតពិនិត្យការស៊ើបអង្កេតអំពើពុករលួយ អេហ្ស៊ីប លោក Aly Hassan និយាយឱ្យដឹងថា លោកស្រីស៊ូហ្សាន មូបារ៉ាក់ អាយុ៧០ឆ្នាំ បានផ្តល់គណនីធនាគារដែលមានទឹកប្រាក់៣,៤លានដុល្លារអាមេរិកទៅ ឱ្យរដ្ឋ។ លោកស៊ូហ្សាន  |
| Posted: 17 May 2011 07:17 PM PDT  រាជធានីភ្នំពេញ ៖ អ្នកជំងឺដែលកំពុងសម្រាកព្យាបាលនៅមន្ទីរពេទ្យព្រះកុសុមៈចំនួន៦២នាក់ រួមជាមួយអ្នកជំងឺកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ហៅពេទ្យរុស្ស៊ីចំនួន៣៥០នាក់ ព្រឹកថ្ងៃទី១៧ ឧសភា ដែលជាថ្ងៃពេញបូណ៍មី ចំថ្ងៃបុណ្យវិសាខ បូជា បានទទួលការឧបត្ថម្ភកញ្ចប់អាហារថ្ងៃត្រង់ម្នាក់មួយកញ្ចប់ពីសំណាក់  |
| បុណ្យវិសាខបូជាតាមបវេណីព្រះពុទ្ធសាសនានៅកោះពេជ្រ Posted: 17 May 2011 07:13 PM PDT  រាជធានីភ្នំពេញ ៖ នារសៀលថ្ងៃទី១៧ ឧសភា ឆ្នាំ២០១១ នៅមជ្ឈមណ្ឌលកោះពេជ្រ មានប្រាព្ធពិធីបុណ្យវិសាខបូជាដ៏អធិកអធម ដោយមានដង្ហែបុស្បុកចេញពីវត្តបទុមវតី ឆ្ពោះទៅកាន់មជ្ឈមណ្ឌលកោះពេជ្រ ក្រោមអធិបតី ភាពលោកជំទាវបណ្ឌិត ម៉ែន សំអន ឧបនាយករដ្ឋមន្ត្រីប្រចាំការ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ  |
| ម៉ូតូសង់កូរ៉េមួយគ្រឿងខូចម្ចាស់ជួសជុល ពេលធាក់បញ្ឆេះគឺឆេះខ្ទេចតែម្តង Posted: 17 May 2011 07:09 PM PDT រាជធានីភ្នំពេញ ៖ ម៉ូតូសង់កូរ៉េ ពណ៌ក្រហម មួយគ្រឿង បានឆាបឆេះច្រាលអណ្តាតភ្លើងឡើងបង្កឱ្យមានការភ្ញាក់ផ្អើល ហើយម៉ូតូបានរួញក្រញង់សល់តែឆ្អឹងដែក ត្រូវបានម្ចាស់នាំយកទៅបាត់កាលពីវេលាម៉ោង៥និង១៥នាទីព្រលឹមស្រាងៗ ថ្ងៃទី១៨ ឧសភា ២០១១ ដែលការឆាបឆេះនេះបានកើតឡើងនៅមុខមណ្ឌលវប្បធម៌រាជធានីភ្នំពេញ  |
| Posted: 17 May 2011 06:48 PM PDT ខេត្តកោះកុង ៖ បន្ទាប់ពីមានសភាពការណ៍តានតឹងគួរឱ្យកត់សម្គាល់នៅតាមខ្សែបន្ទាត់ព្រំដែនខេត្តកោះកុង កម្ពុជា និងខេត្តត្រាត របស់សៀម ជាពិសេសនៅចំណុចលេខ៣២៩ ដែលទាហានឈុតខ្មៅសៀមបានមកបោះទីតាំងរំលោភលើតំបន់ស តាំងពីព្រឹកថ្ងៃទី១៤ ឧសភា រហូតមក ហើយកងទ័ពកម្ពុជាបានធ្វើការទាក់ទងយ៉ាងអត់ធ្មត់ជាច្រើនថ្ងៃ  |
| រត់តាក់ស៊ីកណ្តាលក្រុងលាក់បាំងជំនួញគ្រឿងញៀន Posted: 17 May 2011 06:35 PM PDT  រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងគ្រឿងញៀនរាជធានីនៅថ្ងៃទី១៨ ឧសភា នេះ បានបញ្ជូនជនសង្ស័យ៦នាក់ទៅកាន់សាលាដំបូងរាជធានីភ្នំពេញ ក្នុងនោះមាន២នាក់ជាប់ពាក់ព័ន្ធនឹងអំពើជួញដូរគ្រឿងញៀន និងមនុស្ស៤នាក់ទៀតពាក់ព័ន្ធក្នុងការបិទបាំងបទល្មើស  |
| Posted: 17 May 2011 04:14 AM PDT  ខេត្តពោធិ៍សាត់ ៖ រយៈពេល២ថ្ងៃកន្លងមកនេះ មានការភ្ញាក់ផ្អើលពីរឿងជីកកំណប់មាសដោយជនមកពីចម្ងាយមួយក្រុម ប៉ុន្តែបានផ្អាកសកម្មភាពទៅវិញ ដោយសារតែសមត្ថកិច្ចដឹងទៅទប់ស្កាត់ ព្រោះពុំបានសុំច្បាប់ពីអាជ្ញាធរដែនដី ។ កន្លែងជីកកំណប់នោះនៅម្តុំភ្នំដាក់ព្រះ ស្ថិតក្នុងភូមិអូរថ្កូវ សង្កាត់រលាប ក្រុងពោធិ៍សាត់ ដែលពាក្យចចាមអារ៉ាមថា  |
| ឃើញអ្នកមេម៉ាយរូបស្អាតអាត្មាជួយលុយរហូត លុះដល់អ្នកមេម៉ាយរៀបការអាត្មាទារលុយវិញ Posted: 17 May 2011 03:51 AM PDT  ក្រុងប៉ោយប៉ែត ៖ រឿងក្តីមួយស្ទើរតែមិនគួរឱ្យជឿ ខណៈដែលភាគីម្ខាងជាស្ត្រីភេទ និងម្ខាងជាសង្ឃ ព្រោះតែពាក់ព័ន្ធរឿងលុយ ។ ភាគីដើមបណ្តឹងគឺជាសង្ឃបានប្តឹងភាគីស្ត្រីទារលុយវិញជាង១ពាន់ដុល្លារដោយសំអាងថា ជាលុយជំពាក់ តែភាគីស្ត្រីអះអាងថា ជាលុយដែលឱ្យមិនមែនជាលុយខ្ចីទេ  |
| ដឹកជញ្ជូនឈើប្រណីតកក្រើកព្រៃនៅស្រុកសំឡូត Posted: 17 May 2011 03:46 AM PDT  ខេត្តបាត់ដំបង ៖ ការកាប់បំផ្លាញព្រៃឈើត្រូវបានចាត់ទុកថា ជាអំពើល្មើសច្បាប់ ហើយសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញសេចក្តីប្រកាសជាបន្តបន្ទាប់បញ្ជាឱ្យក្រសួងពាក់ព័ន្ធ អាជ្ញាធរខេត្ត ឬសមត្ថកិច្ចគ្រប់ស្ថាប័ន ជាពិសេសរដ្ឋបាលព្រៃឈើ ត្រូវតែមានវិធានការឱ្យខាងតែបាន ចំពោះការកាប់បំផ្លាញ  |
| រថយន្តឡិចស៊ីសបើកលឿនដូចហោះបុកបង្កាន់ដៃស្ពាន Posted: 17 May 2011 03:27 AM PDT  ខេត្តកណ្តាល ៖ រថយន្តឡិចស៊ីស RX470 ពណ៌ប្រផេះ ពាក់ស្លាកលេខភ្នំពេញ 2N-9008 បើកបោះពួយលឿនដូចហោះវ៉ារថយន្តកាមរី ជ្រុលទៅបុកបង្កាន់ដៃស្ពានពេញទំហឹងបណ្តាលឱ្យរថយន្តក្រពឹតផ្នែកខាងមុខយ៉ាងដំណំ រីឯអ្នកបើកបររងរបួសធ្ងន់។ ហេតុការណ៍នេះកើតឡើងកាលពីវេលាម៉ោង៣និង៣០នាទីរសៀល ថ្ងៃទី១៦ ឧសភា  |
| ភូមាដោះលែងអ្នកទោសដល់ទៅ17.000នាក់ Posted: 17 May 2011 03:23 AM PDT អ្នកទទួលខុសត្រូវភូមាម្នាក់គូសបញ្ជាក់កាលពីថ្ងៃទី១៧ ឧសភា ថា អ្នកទោសភូមាប្រមាណជា១៧.០០០នាក់ នឹងត្រូវដោះលែងចេញពីពន្ធនាគារក្នុងនាមនៃការលើកលែងទោសជា សមូហភាពមួយក្នុងនោះរួមមានទាំងបណ្តាអតីតសមាជិករបស់ពួកភ្នាក់ងារ ស៊ើបការណ៍យោធាដែលទទួលទោសកាលពីប៉ុន្មានឆ្នាំមុននេះផង ។ រដ្ឋាភិបាលស៊ីវិលថ្មីរបស់ភូមាធ្លាប់បានប្រកាសកាលពីថ្ងៃទី១៦ ឧសភា ពីការកាត់បន្ថយទោស១ឆ្នាំ សម្រាប់គ្រប់អ្នកទោសទាំងអស់ ក្នុងសារមួយអានតាមទូរទស្សន៍រដ្ឋ ក៏ប៉ុន្តែពុំមានការលើកឡើងណាមួយឡើយ ពីការដោះលែងពួកអ្នកទោសនយោបាយដូចការទាមទាររបស់ពួកលោកខាងលិច ។  |
| ១ថ្ងៃគ្រោះថ្នាក់ចរាចរណ៍៣ករណីស្លាប់២នាក់ និងរបួស៦នាក់ Posted: 17 May 2011 03:17 AM PDT  ខេត្តកំពង់ចាម ៖ ក្នុងរយៈពេល១ថ្ងៃទី១៦ ឧសភា ២០១១ នៅតំបន់ត្រើយខាងលិចទន្លេមេគង្គមានគ្រោះថ្នាក់ចរាចរណ៍កើតឡើងចំនួន៣លើក នៅស្រុក-ក្រុងចំនួន៣ គឺស្រុកបាធាយស្រុកព្រៃឈរ និងក្រុងកំពង់ចាម ដោយឆក់យកអាយុជីវិតមនុស្សចំនួន២នាក់ និងរងរបួសចំនួន៦នាក់  |
| សិស្សសាលាអាយុ១០ឆ្នាំមកពីរៀនងូតទឹកទន្លេលង់ស្លាប់ Posted: 17 May 2011 02:57 AM PDT  ខេត្តកំពង់ចាម ៖ សិស្សសាលាបឋមសិក្សាទួលថ្មម្នាក់ឈ្មោះ ខឿន រតនៈ អាយុ១០ឆ្នាំ ដែលមានផ្ទះនៅខាងក្រោយបន្ទាយទាហាន ក្នុងភូមិបឹងកុកទី២ សង្កាត់បឹងកុក ក្រុងកំពង់ចាម ប្រាប់ម្តាយថាទៅរៀនគួនៅវេលា ម៉ោង១រសៀល ថ្ងៃទី១៦ ឧសភា ២០១១ តែតាមពិតបែរជាទៅងូតទឹកទន្លេមេគង្គលេងក្បែរប្រដឹសកោះប៉ែនជាមួយមិត្តភក្តិ  |
| Posted: 17 May 2011 02:55 AM PDT  បន្ទាប់ពីមកដល់ប្រទេសហ្វ៊ីលីពីនវិញនៅព្រលានយន្តហោះក្រុងម៉ានីល ម៉ានី ប៉ាក់គីអាវបានជួបជាមួយបណ្តាអ្នកសារព័ត៌មានដើម្បីធ្វើការបំភ្លឺក៏ដូចជាឆ្លើយតបទៅនឹងការចោទប្រកាន់ពីសំណាក់កីឡាករអាមេរិកហ្វ្លយ មេវេដឌ័រនិងសេន ម៉ូស្ល៊ី។ តាមរយៈគេហទំព័រTwitter មេវេដឌ័រនិងសេន ម៉ូស្ល៊ីបានសរសេរចោទប្រកាន់ប៉ាក់គីអាវថាប្រើប្រាស់សារធាតុហាមឃាត់(ថ្នាំប៉ូវកម្លាំង)  |
| សាលារាជធានីបង្កើតទីលានលំហាត់ប្រាណសាធារណៈសម្រាប់មនុស្សចាស់ដោយមិនបង់លុយ Posted: 17 May 2011 02:34 AM PDT  រាជធានីភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះនៅរាជធានីភ្នំពេញ មានការអភិវឌ្ឍន៍ខ្លាំងគួរឱ្យកត់សម្គាល់ ជាពិសេសការរៀបចំកែលំអសួនច្បារ ដែលមានចាស់ៗពីមុន និងស្ថាបនាជាថ្មីស្ទើរគ្រប់សួនដែលពេលនេះនៅភ្នំពេញរកដីទំនេរសាធារណៈស្ទើរពុំមាន ។ ហើយអ្វីដែលជាការកត់សម្គាល់ទៀតនោះ សាលារាជធានីភ្នំពេញបង្កើត  |
| You are subscribed to email updates from Koh Santepheap Daily To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
