VOA News: ព័ត៌មាន: “ហេឡូវីអូអេ ២៩ ឧសភា ២០១២៖ «ដំណើរការឃោសនាបោះឆ្នោតឃុំសង្កាត់និងតួនាទីរបស់សមាជិកក្រុមប្រឹក្សាឃុំសង្កាត់»” plus 3 more |
- ហេឡូវីអូអេ ២៩ ឧសភា ២០១២៖ «ដំណើរការឃោសនាបោះឆ្នោតឃុំសង្កាត់និងតួនាទីរបស់សមាជិកក្រុមប្រឹក្សាឃុំសង្កាត់»
- លោកស្រីអោងសានស៊ូជីធ្វើទស្សនកិច្ចអន្តរជាតិលើកដំបូងក្នុងរយៈពេល២៥ឆ្នាំ
- គណបក្សសម រង្ស៊ី រកឃើញករណីមិនប្រក្រតី
- ការបំពានច្បាប់រងការរិះគន់ពីគ្រប់មជ្ឈដ្ឋាន
| Posted: 30 May 2012 06:34 AM PDT <!--AV--> ក្នុងពេលរៀបចំការបោះឆ្នោតជ្រើសរើសសមាជិកក្រុមប្រឹក្សានៅទូទាំងប្រទេស ចំនួន១៦៣៣ឃុំ សង្កាត់ ក្រុមអ្នកសង្កេតការណ៍បានអះអាងថា ការធ្វើវិមជ្ឃការ ឬការផ្ទេរអំណាចដល់មេឃុំសង្កាត់នៅថ្នាក់មូលដ្ឋានមានលក្ខណៈយឺតយ៉ាវដែលគេអធិប្បាយថា ការធ្វើដូច្នេះមិនអាចផ្តល់សិទ្ធិអំណាចដល់រដ្ឋបាលមូលដ្ឋានអាចអភិវឌ្ឃនិងបំរើពលរដ្ឋឲ្យមានប្រសិទ្ធិភាពទេ។ នេះជាការអះអាងរបស់លោក គុល បញ្ញានាយកប្រតិបត្តិនៃអង្គការឃ្លាំមើលការបោះឆ្នោតមួយឈ្មោះខុមហ្រ្វែលដែលបានថ្លែងក្នុងកម្មវិធីហេឡូវីអូអេពិសេសកាលពីថ្ងៃអង្គារទី២៩ខែឧសភាឆ្នាំ២០១២។ «ការធ្វើវិមជ្ឈការហ្នឹងក៏នៅមានការយឺតយ៉ាវណាស់ដែរ។ ជាការពិតរាជរដ្ឋាភិបាល តែងតែលើកពីបញ្ហាផ្សេងៗ ក្នុងការអនុវត្តន៍ក្នុងកម្មវិធីវិមជ្ឈការឲ្យទៅតាមផែនការឲ្យមានល្បឿនលឿនទៅតាមច្បាប់ដែលមានស្រាប់នោះ។ លើកពីមូលហេតុដែលមានពីសមត្ថភាពពីធនធាន។ល។ ហើយវិមជ្ឃការហិរញ្ញវត្ថុនៅពុំទាន់មានទាល់តែសោះ»។ លោក សក់ សេដ្ឋា រដ្ឋលេខាធិការក្រសួងមហាផ្ទៃនិងជាប្រធានគណៈកម្មាការ ជាតិដើម្បីអភិវឌ្ឍតាមបែបប្រជាធិបតេយ្យ(គជអប)មានប្រសាសន៍ថាក្រុមប្រឹក្សា ឃុំសង្កាត់មានលក្ខណៈប្រែប្រួលក្នុងរយៈពេលជាង១០ឆ្នាំនេះដោយសារ ពួកគេ ទោះបីជាមកពីបក្សផ្សេងៗ គឺធ្វើការរួមគ្នាមិនគិតពីនិន្នាការនយោបាយ។ «ក្រុមប្រឹក្សាហ្នឹងគេធ្វើតំណាងឲ្យផលប្រយោជន៍របស់ប្រជាពលរដ្ឋ ហើយគេខិតខំគៀងគរការចូលរួម ដើម្បីធ្វើម៉េចឲ្យប្រជាពលរដ្ឋរបស់យើងហ្នឹងឲ្យគាត់ប្តូរទំលាប់ឥរិយាបទរបស់គាត់ក្នុងការអភិវឌ្ឍន៍ និងការដោះស្រាយបញ្ហាប្រឈមផ្សេងៗនៅមូលដ្ឋាន»។ ខុមហ្រ្វែលបានដាក់អ្នកសង្កេតការណ៍២៥០នាក់គ្រប់ខេត្ត និងរាជធានី។ ប្រទេសកម្ពុជានឹងធ្វើការបោះឆ្នោតជ្រើសរើសក្រុមប្រឹក្សាឃុំ សង្កាត់នៅថ្ងៃទី៣ មិថុនាឆ្នាំ២០១២ក្រោយបញ្ចប់ការឃោសនាបោះឆ្នោត១៥ថ្ងៃនៅថ្ងៃទី១មិថុនា។ មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| លោកស្រីអោងសានស៊ូជីធ្វើទស្សនកិច្ចអន្តរជាតិលើកដំបូងក្នុងរយៈពេល២៥ឆ្នាំ Posted: 30 May 2012 02:16 AM PDT លោកស្រីអោងសានស៊ូជី ដែលជាឥស្សរជនខាងលទ្ធិប្រជាធិបតេយ្យនិងជាមេដឹកនាំប្រឆាំងយូរយាមកហើយក្នុងប្រទេសភូមាកំពុងស្ថិតនៅក្នុងរាជធានីនៃប្រទេសថៃដោយនេះការធ្វើដំណើរអន្តរជាតិលើកទីមួយរបស់លោកស្រីក្នុងរយៈពេល២៤ឆ្នាំហើយបានបញ្ចប់សម័យមួយនៃការនៅដាច់ពីគេនៅក្នុងប្រទេសលោកស្រី។ លោកស្រីបានទទួលការអបអរសាទរស្វាគមន៍ពីសំណាក់ពួកអ្នកកាសែតនិងក្រុមអ្នកគាំទ្រដែលបានស្រែកបន្ទរថា«អ្នកម្តាយ Suu» នៅក្រោយយន្តហោះលោកស្រីបានចុះចតនៅឯចំណតយន្តហោះអន្តរជាតិក្រុងបាងកកកាលពីយប់ថ្ងៃអង្គារ។បន្ទាប់មកគេបានដឹកលោកស្រីតាមរថយន្តចេញពីទីនោះ។ លោកស្រីអោងសានស៊ូជីនឹងស្នាក់នៅក្នុងប្រទេសថៃបីបួនថ្ងៃហើយគេរំពឹងថាលោកស្រីនឹងជួបជាមួយលោកស្រីនាយករដ្ឋមន្ត្រីថៃ យីងឡាក់ ស៊ីណាវរ៉ាត្រាYingluck Shinawatra ផងដែរ។លោកស្រីអោងសានស៊ូជីនឹងថ្លែងសុន្ទរកថាទៅកាន់វេទិកាសេដ្ឋកិច្ចពិភពលោកអំពីទ្វីបអាស៊ីខាងកើតនៅពេលបន្ទាប់មកទៀតក្នុងសប្តាហ៍នេះ។ ស៊ីរី៖ ជាមួយកំណើននៃចំនួនមនុស្សស្លាប់និងការណ៍ដែលពួកបស្ចឹមប្រទេសបានបណ្តេញពួកអ្នកការទូតស៊ីរី លោកខូហ្វ៊ី អាណាន់ Kofi Annan ប្រេសីតសន្តិភាពអន្តរជាតិបានមានប្រសាសន៍ប្រាប់ប្រធានាធិបតីស៊ីរី បាសារ អាល់ អាសាដBashar al-Assad ថាផែនការសន្តិភាពមាន៦ចំណុចរបស់អ.ស.ប.«មិនអាចមានជោគជ័យបានទេប្រសិនបើគ្មានវិធានការមុះមុតដើម្បីបញ្ឈប់អំពើឃោរឃៅ»។ អ៊ីរ៉ង់៖ កាលពីថ្ងៃអង្គារ រដ្ឋាភិបាលអ៊ីរ៉ង់បាននិយាយថាខ្លួនបានផលិតកម្មវិធីប្រឆាំងនឹងវីរុសមួយដែលអាចប្រយុទ្ធនឹងអ្វីដែលពួកអ្នកជំនាញការខាងកុំព្យូទ័រ ហៅថា«អាវុធតាមអ៊ីនធឹណិតទំនើបបំផុតដែលមិនទាន់បានបង្ហាញ»។ វីរុសដែលលួចយកទិន្នន័យបានចូលវាយលុកកុំព្យូទ័រក្នុងប្រទេសអ៊ីរ៉ង់និងផ្នែកឯទៀតៗនៃភូមិភាគមជ្ឈឹមបូព៌ា។ អាហ្វហ្កានិស្ថាន៖ កងកម្លាំងអាហ្វហ្កានិស្ថាននិងកងកម្លាំងអូតង់បាននិយាយថាការវាយប្រហារមួយតាមអាកាសបានសម្លាប់មេដឹកនាំមានឋានៈខ្ពស់បំផុតទីពីរនៃអង្គការអាល់កៃដា al-Qaida ក្នុងប្រទេសអាហ្វហ្កានិស្ថាន។ សូម៉ាលី៖ លោកប្រធានាធិបតីស្ហេខ ស្ហារីហ្វ ស្ហេខ អាមេដ Sheikh Sharif Sheikh Ahmed នៃប្រទេសសូម៉ាលី បាននៅរស់រានមានជិវិតពីការប៉ុនប៉ងធ្វើឃាតមួយដោយពួកជនសកម្មប្រយុទ្ធ អាល់សាបាប់ al-Shabab។ ស៊ូដង់៖ ប្រទេសស៊ូដង់និងប្រទេសស៊ូដង់ខាងត្បូងបានចាប់ផ្តើមធ្វើការចរចាសន្តិភាពដោយផ្ទាល់លើកទីមួយរបស់ពួកគេចាប់ទាំងពីមានការប៉ះទង្គិចគ្នាឆ្លងកាត់ព្រំដែនកាលពីខែមុនមក។ អ៊ីតាលី៖ ការរញ្ជួយផែនដីខ្លាំងមួយក្នុងផ្នែកខាងជើងនៃប្រទេសអ៊ីតាលីដែលបានបណ្តាលឱ្យមនុស្សយ៉ាងតិចណាស់១៥នាក់ស្លាប់បានកើតមានទ្បើងក្រោយមានការរញ្ជួយផែនដីដ៏ប្រល័យមួយទៀតនៅក្នុងតំបន់ដដែលនោះកាលពីពេលមុននេះក្នុងខែនេះ។ <!--AV--> This posting includes an audio/video/photo media file: Download Now |
| គណបក្សសម រង្ស៊ី រកឃើញករណីមិនប្រក្រតី Posted: 29 May 2012 07:59 PM PDT នៅសល់តែបីថ្ងៃទៀតប៉ុណ្ណោះ យុទ្ធនាការឃោសនារកសំឡេងឆ្នោតសម្រាប់ការចូលរួមប្រកួតប្រជែង ក្នុងការបោះឆ្នោតក្រុមប្រឹក្សាឃុំសង្កាត់គ្រោងនឹងបិទបញ្ចប់នៅថ្ងៃទី១ ខែមិថុនា ខាងមុខនេះ។ ក្នុងអំឡុងពេលយុទ្ធនាការឃោសនាបោះឆ្នោតនេះ គណបក្សប្រឆាំងរបស់លោកសម រង្ស៊ី បានខិតខំប្រឹងប្រែងរកបញ្ហាអវិជ្ជមានមួយចំនួនមកលាតត្រដាងមុនការបោះឆ្នោតនេះ។ លោកយឹម សុវណ្ណ អ្នកតំណាងរាស្ត្រ និងជាអ្នកនាំពាក្យគណបក្សប្រឆាំងបានថ្លែងប្រាប់នៅក្នុងអង្គសន្និសីទព័ត៌មាននៅថ្ងៃអង្គារនេះថា គណបក្សរបស់លោកបានរកឃើញឈ្មោះស្ទួននៅក្នុងបញ្ជីបោះឆ្នោត និងការលុបឈ្មោះអ្នកគាំទ្រគណបក្សប្រឆាំងមានចំនួនជាងមួយលាននាក់។ លោកបានមានប្រសាសន៍ថា ឈ្មោះស្ទួនដែលគណបក្សរបស់លោកបានរកឃើញ គ្រាន់តែនៅក្នុងនាយដ្ឋានផែនការយុទ្ធនាសាស្ត្រ និងគម្រោងការណ៍នៃអាជ្ញាធរអគ្គិសនីកម្ពុជាមានចំនួន៥០នាក់ ដែលមានឈ្មោះជាប្រព័ន្ធនៅក្នុងឃុំស្នាអន្សោង ខេត្តពោធិ៍សាត់ផង និងនៅក្នុងទីក្រុងភ្នំពេញផង។ លោកបានមានប្រសាសន៍ថា មន្ត្រីរាជការចំនួន៤៨នាក់ផ្សេងទៀតមានឈ្មោះបោះឆ្នោតនៅក្នុងឃុំខ្ចៅ ខេត្តកំពង់ចាមផង និងនៅក្នុងទីក្រុងភ្នំពេញផង។ លោកបានបញ្ជាក់ទៀតថា នៅមានភាពមិនប្រក្រតីផ្សេងទៀត ដែលពាក់ព័ន្ធនឹងការចេញលិខិតបញ្ជាក់អត្តសញ្ញាណរបស់ក្រុមប្រឹក្សាឃុំសង្កាត់សម្រាប់បោះឆ្នោត។ លោកបានចោទប្រកាន់ថានេះ គឺជាចេតនាមួយរបស់គណៈកម្មាធិការជាតិរៀបចំការបោះឆ្នោត ដែលមានបំណងបម្រើគោលនយោបាយគណបក្សប្រជាជនកម្ពុជា។ «ការបោះឆ្នោតឥតយុត្តិធម៌ ពីព្រោះនេះគឺជាភស្តុតាងមួយដែលគណបក្សប្រជាជនប្រើប្រាស់ទាំងមធ្យោបាយ ទាំងឡានរបស់រដ្ឋ ទាំងមន្ត្រីរាជការរបស់រដ្ឋទៅបម្រើឲ្យផលប្រយោជន៍របស់គណបក្សនយោបាយរបស់ខ្លួន។ នេះគឺជាទង្វើខុសច្បាប់ផង ហើយមិនយុត្តិធម៌ផងនៅក្នុងដំណើរការនៃការឃោសនាបោះឆ្នោត»។ លោក ទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោតបានទទួលស្គាល់ថាពិតជាមានឈ្មោះស្ទួននៅក្នុងបញ្ជីបោះឆ្នោតពិតប្រាកដមែនដោយសារតែប្រជាពលរដ្ឋមួយចំនួនបានផ្លាស់ទីលំនៅចេញ ហើយគជប មិនទាន់លុបចេញពីបញ្ជីនៅឡើយ។ លោកបានបញ្ជាក់ថាឈ្មោះស្ទួននេះ ប្រជាពលរដ្ឋមិនអាចបោះឆ្នោតបានពីរដងទេ។ «គាត់មិនអាចបោះឆ្នោតពីរដងបានទេ។ យើងមានទឹកខ្មៅលុបមិនជ្រះដែលជ្រលក់ម្រាមដៃ ហើយទឹកខ្មៅនេះមិនអាចលាងជ្រះនៅក្នុងរង្វង់កន្លះម៉ោងក្រោយ ព្រោះឥទ្ធិពលនៃទឹកខ្មៅនេះក្នុងរយៈពេលមួយសប្តាហ៍ទើបវាជ្រះទៅវិញ»។ ភស្តុងតាងមួយចំនួនដែលគណបក្សសម រង្ស៊ី បានរកឃើញនឹងបានចែកជូនដល់អ្នកសារព័ត៌មានបានលើកយកឈ្មោះស្ទួនរបស់មន្ត្រីរាជការនៃអាជ្ញាធរអគ្គិសនីកម្ពុជា ដែលមានឈ្មោះបោះឆ្នោតនៅក្នុងខេត្តកំពង់ចាមផង និងបោះឆ្នោតនៅក្នុងខេត្តពោធិ៍សាត់ផង។ បើតាមសេចក្តីជូនដំណឹងដែលសរសេរដោយដៃផ្ទាល់ និងមានស្នាមចុះហត្ថលេខារបស់លោកសុវណ្ណ អនុប្រធានក្រុមកាងាររបស់គណបក្សប្រជាជនកម្ពុជាប្រចាំអាជ្ញាធរអគ្គិសនីបានជំរុញឲ្យនយោជិករបស់នាយកដ្ឋានរបស់អាជ្ញាធរអគ្គិសនីកម្ពុជា នៅក្នុងខេត្តពោធិ៍សាត់ និងនៅក្នុងខេត្តកំពង់ចាមត្រូវតែចេញដំណើរទៅបោះឆ្នោតដោយមានរថយន្តចាំទទួលរួចជាស្រេច។ សេចក្តីជូនដំណឹងនេះបានបញ្ជាក់ថា អ្នកដែលមិនបានមកទាន់កំណត់នៅវេលាម៉ោង៥និង៣០នាទីព្រឹក ថ្ងៃទី៣ ត្រូវដោះស្រាយនិងទទួលខុសត្រូវទៅចូលរួមបោះឆ្នោតដោយខ្លួនឯង៕ This posting includes an audio/video/photo media file: Download Now |
| ការបំពានច្បាប់រងការរិះគន់ពីគ្រប់មជ្ឈដ្ឋាន Posted: 29 May 2012 06:11 PM PDT គណៈកម្មាធិការប្រព្រឹត្តិកម្មដែលមានអង្គការក្រៅរដ្ឋាភិបាលជាសមាជិកចំនួន២៣ បានថ្កោលទោសយ៉ាងខ្លាំង ចំពោះអំពើហិង្សាដោយកងកម្លាំងប្រដាប់អាវុធ ដែលបានកើតឡើងជាបន្តនៅកម្ពុជា ហើយបានកត់សម្គាល់ថា កងកម្លាំងប្រដាប់អាវុធរបស់រដ្ឋាភិបាលទាំងនោះជាអ្នកការពារប្រយោជន៍ឲ្យក្រុមហ៊ុនឯកជន ជាជាងការពារប្រជាពលរដ្ឋអ្នករងគ្រោះ។ ការថ្កោលទោសរបស់ក្រុមអង្គការក្រៅរដ្ឋាភិបាលត្រូវបានចេញផ្សាយកាលពីល្ងាចថ្ងៃចន្ទ បន្ទាប់ពីមានការចាប់ខ្លួនប្រជាពលរដ្ឋសហគមន៍បឹងកក់ជាបន្តបន្ទាប់ចំនួន១៥នាក់យកទៅឃុំឃាំងជាបណ្ដោះអាសន្ន និងផ្តន្ទាទោសឲ្យជាប់ពន្ធនាគាររយៈពេលពីរឆ្នាំ និងប្រាំមួយខែកាលពីសប្ដាហ៍មុនដោយសារតែជនរងគ្រោះទាំងនោះ បានតវ៉ាជំរុញឲ្យមានការដោះស្រាយនិងបែងចែកដីធ្លីសម្រាប់ពួកគេក្រុមអង្គការសង្គមស៊ីវិលបានលើកឡើងថា រយៈពេលប្រាំខែដើមឆ្នាំ២០១២នេះ មានប្រជាពលរដ្ឋរងគ្រោះសរុបចំនួន ២៤នាក់ ដោយសារការបណ្ដេញចេញពីលំនៅដ្ឋានដោយបង្ខំ ការបង្រ្កាបបាតុកម្មដោយសន្ដិវិធី ការបាញ់ប្រហារក្រៅច្បាប់ជាដើម ហើយមិនមានការស៊ើបអង្កេតត្រឹមត្រូវនោះទេ។ ជនរងគ្រោះដល់ស្លាប់មានចំនួនពីរនាក់គឺលោក ឈុត វុទ្ធី សកម្មជនការពារបរិដ្ឋានម្នាក់ និងកុមារីហេង ចន្ថា ក្នុងខេត្តក្រចេះ ការបាញ់លើកម្មការីនីរោងចក្រដោយអភិបាលក្រុងបាវិតខេត្តស្វាយរៀង រួមទាំងអ្នកភូមិបឹងកក់ទាំង១៥នាក់ផងដែរ។ អង្គការក្រៅរដ្ឋាភិបាលទាំង២៣ អំពាវនាវឲ្យរដ្ឋាភិបាលបញ្ឈប់ការប្រើប្រាស់អំពើហិង្សាលើក្រុមប្រជាពលរដ្ឋដែលធ្វើការតវ៉ាដោយសន្ដិវិធី ស្នើឲ្យមានការស៊ើបអង្កេតលើករណីសម្លាប់ក្រៅច្បាប់ និងទាមទារឲ្យដោះលែងជាបន្ទាន់នូវអ្នកភូមិបឹងកក់ទាំង ១៥នាក់។ លោកនី ចរិយា ប្រធានផ្នែកស៊ើបអង្កេតរបស់អង្គការការពារសិទ្ធិមនុស្សអាដហុកបានលើកឡើងថា មានប្រជាពលរដ្ឋ យ៉ាងហោចណាស់ចំនួន៤២៧នាក់ នៅទូទាំងប្រទេសត្រូវបានចោទប្រកាន់ដោយតុលាការក្នុងជម្លោះដីធ្លី និងអំពើហិង្សាផ្សេងៗរហូតដល់ដើមឆ្នាំ២០១២។ លោកនី ចរិយា មានប្រសាសន៍ថាប្រជាពលរដ្ឋទាំងនេះកំពុងស្ថិតភាពមិនប្រាកដប្រជាពីសុវត្ថិភាពរបស់ខ្លួន។ «អ្នកដែលត្រូវចោទប្រកាន់នោះ គឺស្ថិតក្នុងស្ថានភាពមួយគ្មានសុវត្ថិភាពទាល់តែសោះក្នុងការរស់នៅជាអ្នកមានសេរីភាពដូចគេដែរ»។ «ការបង្រ្កាបបទល្មើសដែលមានការតដៃគ្នាគឺមានគ្រោះថ្នាក់ចៃដន្យកើតឡើង ដូច្នេះរឿងនេះមិនអាចចាត់ចូលជាចេតនារបស់សមត្ថកិច្ចរាជរដ្ឋាភិបាល ក្នុងការសម្លាប់មនុស្សក្រៅច្បាប់ទេ។ បញ្ហាបឹងកក់ ដែលមានការចោទប្រកាន់ទៅតុលាការនោះជាការអនុវត្តច្បាប់របស់ប្រទេសកម្ពុជាទៅលើអ្នកទាំងឡាយណាដែលប្រព្រឹតិ្តខុសច្បាប់»។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
