VOA News: ព័ត៌មាន: “ហេឡូវីអូអេ ៣១ ឧសភា ២០១២៖«ដំណើរការបោះឆ្នោតឃុំសង្កាត់និងការប្រុងប្រៀបរបស់អ្នកបោះឆ្នោត»” plus 2 more |
- ហេឡូវីអូអេ ៣១ ឧសភា ២០១២៖«ដំណើរការបោះឆ្នោតឃុំសង្កាត់និងការប្រុងប្រៀបរបស់អ្នកបោះឆ្នោត»
- លោកបារ៉ាក់ អូបាម៉ា សរសើរលោករ៉មនីដែលត្រូវបានតែងតាំងបេក្ខជនរបស់គណបក្សសាធារណរដ្ឋ
- ព្រះអង្គម្ចាស់នរោត្តមរណឫរិទ្ធសរសើរលោកហ៊ុន សែន រិះគន់គណបក្សប្រឆាំងក្នុងយុទ្ធនាការបោះឆ្នោត
| ហេឡូវីអូអេ ៣១ ឧសភា ២០១២៖«ដំណើរការបោះឆ្នោតឃុំសង្កាត់និងការប្រុងប្រៀបរបស់អ្នកបោះឆ្នោត» Posted: 31 May 2012 11:46 AM PDT កាបោះឆ្នោតជ្រើសរើសក្រុមប្រឹក្សាឃុំសង្កាត់នឹងប្រព្រឹត្តទៅនៅថ្ងៃអាទិត្យទី៣ មិថុនាឆ្នាំ២០១២។ ក្រុមអ្នកសង្កេតការណ៍អំពាវនាវដល់ពលរដ្ឋអ្នកបោះឆ្នោត កុំឲ្យភ័យបារម្ភចំពោះការសម្លុត គំរាមកំហែង និងការទិញទឹកចិត្តឡើយ ដោយនិយាយថា ការសម្រេចចិត្តរបស់ខ្លួនក្នុងការបោះឆ្នោតជូនបក្សនយោបាយណា មួយ នឹងគ្មាននរណាដឹងបានឡើយ។ នេះជាការអះអាងរបស់កញ្ញា គង់ រ៉ាវីន ប្រធានផ្នែកអង្កេតនៃអង្គការឃ្លាំមើលការបោះឆ្នោតខុម ហ្រ្វែល ដែលបាន ថ្លែងក្នុងកម្មវិធីហេឡូវីអូអេកាលពីយប់ថ្ងៃព្រហស្បតិ៍ទី៣១ខែឧសភាឆ្នាំ២០១២។ លោកបណ្ឌិត ពុទ្ធា ហង្ស នាយកប្រតិបត្តិនៃអង្គការឃ្លាំមើលការបោះឆ្នោត និចហ្វិច បានអំពាវនាវដល់ពលរដ្ឋដែលគ្រប់អាយុឲ្យទៅបោះឆ្នោតនៅថ្ងៃអាទិត្យ ទី៣មិថុនាឆ្នាំ២០១២។ ដោយកុំភ្លេចទៅពិនិត្យមើលឈ្មោះបោះឆ្នោត ទីតាំងបោះឆ្នោតមុនមួយថ្ងៃបោះឆ្នោត និងយកអត្តសញ្ញាណបណ្ណ ឬបណ្ណសំគាល់ខ្លួន ដែលអាចប្រើបានទៅជាមួយ។ «ក្នុងនោះអត្តសញ្ញាណបណ្ណសញ្ជាតិខ្មែរទោះបីជាផុតកំណត់ក្តីមិនទាន់ផុត កំណត់ក្តី គឺបងប្អូននៅតែអាចប្រើប្រាស់បានសម្រាប់ការបោះឆ្នោត។ ផ្ទុយទៅវិញ បើសិនជាគ្មាន ឬបាត់អត្តសញ្ញាណបណ្ណសូមទាក់ទងជាបន្ទាន់ មកទល់ថ្ងៃនេះ គឺអត់ទាន់ហួសពេលទេ ទៅស្នើសុំលិខិត បញ្ជាក់អត្តសញ្ញាញសម្រាប់បំរើឲ្យការបោះឆ្នោតនៅសាលាឃុំសង្កាត់។ ប៉ុន្តែ សូមកុំភ្លេចយករូបថតពីរសន្លឹកហើយនឹងអ្នកមានសិទ្ធិបោះឆ្នោតពីរនាក់នៅក្នុងឃុំហ្នឹងឯងទៅធានាផង»។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី ៣១ ខែឧសភា ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| លោកបារ៉ាក់ អូបាម៉ា សរសើរលោករ៉មនីដែលត្រូវបានតែងតាំងបេក្ខជនរបស់គណបក្សសាធារណរដ្ឋ Posted: 30 May 2012 11:53 PM PDT ប្រធានាធិបតីស.រ.អលោកបារ៉ាក់ អូបាម៉ាBarack Obama បានថ្លែងសរសើរអតីតអភិបាលរដ្ឋ ម៉ាសាឈូសេតMassachusetts លោកមិត រមនី Mitt Romney ចំពោះជ័យជំនះលើការតែងតាំងជាបេក្ខជនប្រធានាធិបតីនៃគណបក្សសាធារណរដ្ឋ។ អ្នកនាំពាក្យម្នាក់របស់យុទ្ធនាការលោកអូបាម៉ា Obama និយាយថា លោកប្រធានាធិបតី នៃគណបក្សប្រជាធិបតេយ្យនិងគូប្រជែងរបស់លោកបានពិភាក្សាគ្នាបន្តិចបន្តួច ក្នុងមួយថ្ងៃបន្ទាប់ពីលោករមនី Romney បានឈ្នះការតែងតាំងដោយសារជ័យជំនះនៅក្នុងការបោះឆ្នោតបថមរបស់គណបក្សសាធារណរដ្ឋកាលពីថ្ងៃអង្គារ នៅក្នងុរដ្ឋ Texas។ លោក Romney ទទួលបានសម្លេងគាំទ្រពីប្រតិភូចំនួន ៨៨ នាក់ ពីចំណោមប្រតិភូជាង ១៥០ នាក់នៃរដ្ឋនេះ ឲ្យឡើងលើសពីចំនួន១១៤៤ ដែលលោកត្រូវការដើម្បីទទួលការតែងតាំងនៅក្នុងសន្និបាតគណបក្សនៅរដូវក្តៅនេះ។ អ្នកនាំពាក្យលោកអូបាម៉ាObama ថ្លែងថា លោកប្រធានាធិបតីសំឡឹងមើលទៅ«ការពិភាក្សាដេញដោលគ្នាដ៏សំខាន់និងការស្ថាបនាអនាគតនៃប្រទេសអាមេរិក»។ យុទ្ធនាការលោក រមនីRomney និយាយថា ការសន្ទនាតាមទូរស័ព្ទ«មានរយៈពេលខ្លីប្រកបដោយភាពស្និទ្ធិស្នាល»។ ក្នុងប្រពៃណីនយោបាយរបស់ស.រ.អថ្មីៗនេះ បេក្ខជនទាំងពីរនឹងធ្វើការពិភាក្សាដេញដោលគ្នាបីលើក ក្នុងខែតុលាហើយលោកអនុប្រធានាធិបតីចួ បៃដេនJoe Biden នឹងធ្វើការពិភាក្សាដេញដោលគ្នាមួយលើកជាមួយបេក្ខជនអនុប្រធានាធិបតីណាដែលលោក រមនីRomney តែងតាំង៕ ចិន៖ រដ្ឋមន្រ្តីការពារប្រទេសចិន លោក លាង គួងលីLiang Guanglie បានធ្វើកិច្ចប្រជុំប្តូរយោបល់ដ៏ខ្លីមួយ កាលពីយប់ថ្ងៃអង្គារជាមួយរដ្ឋមន្រ្តីការពារប្រទេសរបស់សមាគម អាស៊ាន នៅទីក្រុងភ្នំពេញ ប្រទេសកម្ពុជា។ ភាគីចូលរួមបានប្តូរទស្សនៈគ្នាអំពីសន្តិសុខក្នុងតំបន់ និងសហប្រតិបត្តិការដែលផ្តល់ផលប្រយោជន៍ទៅវិញទៅមក។ លោកលាងLiang បានអញ្ជើញទៅដល់ភ្នំពេញកាលពីថ្ងៃអាទិត្យសម្រាប់ទស្សនកិច្ច ៤ ថ្ងៃ តាមសេចក្តីអញ្ជើញរបស់លោកឧបនាយករដ្ឋមន្រ្តីនិងរដ្ឋមន្រ្តីការពារប្រទេស ទា បាញ់ នៃកម្ពុជា។ ក្នុងពេលស្នាក់នៅកម្ពុជាលោក លាងLiang បានចុះហត្ថលេខាលើកិច្ចព្រមព្រៀងសហប្រតិបត្តិការយោធាមួយជាមួយលោក ទា បាញ់ ហើយបានជួបសន្ទនារាក់ទាក់ជាមួយលោកនាយករដ្ឋមន្រ្តី ហ៊ុន សែន។ លោក លាងLiang បានជួបជាមួយបានជួបជាមួយរដ្ឋមន្រ្តីការពារប្រទេស សឹង្ហបូរី លោក ង អេង ហេនNg Eng Hen កាលពីថ្ងៃអង្គារនៅក្រុងភ្នំពេញហើយបានប្តូរយោបល់គ្នាអំពីបញ្ហានៃផលប្រយោជន៍រួម៕
ពិភពលោក៖ អង្គការសហប្រជាជាតិសម្រាប់ស្បៀងអាហារនិងកសិកម្ម FAOប្រាប់ឲ្យដឹងថាការអភិវឌ្ឍប្រកបដោយនិរន្តភាពមិនអាចកើតមានឡើងបានទេ ប្រសិនបើភាពអត់ឃ្លាននិងការខ្វះខាតអាហាររូបត្ថម្ភមិនអាចលប់បំបាត់ចោលអស់ទេនោះ។ នៅក្នុងសេចក្តីរាយការណ៍មួយដែលបានចេញផ្សាយកាលពីថ្ងៃពុធ ម្សិលម៉ិញ លោកចូស ក្រាហ្ស៊ីយ៉ាណូ ដា ស៊ីលវ៉ាJose Graziano da Silva ប្រធានអង្គការ FAO មានប្រសាសន៍ថា កាអភិវឌ្ឍ មិនអាចចាត់ថាមាននិរន្តភាពបានទេ ខណៈពេលដែលមនុស្សប្រហែលម្នាក់ក្នុងមនុស្ស៧នាក់នៅក្នុងពិភពលោក ត្រូវរងគ្រោះដោយសាការខ្វះអាហាររូបត្ថម្ភនោះ។ លោកបានអំពាវនាវឲ្យមានការបង្កើនផលិតផលកសិកម្ម ហើយនៅខណៈនោះដែរ មានការថែរក្សាបរិស្ថានដើម្បីចិញ្ចឹមប្រជាពលរដ្ឋដែលត្រូវគេរំពឹងនឹងមានដល់ទៅ៩ពាន់លាននាក់នៅឆ្នាំ២០៥០។ ដើម្បីចិញ្ចឹមប្រជាពលរដ្ឋអង្គការ FAOបង្ហាញឲ្យដឹងថាគេចាំបាច់បង្កើនទិន្នផលកសិកម្មយ៉ាងហោចណាស់ក៏៦០ភាគរយ ដែរនៅក្នុងរយៈពេលប៉ុន្មានទសវត្សរ៍ខាងមុខនេះ។ សេដ្ឋវិទូជាន់ខ្ពស់ម្នាក់របស់អង្គការ FAO បានប្រាប់ VOA ថាទីភ្នាក់ងារម្ហូបអាហាររបស់អង្គការសហប្រជាជាតិ ត្រូវតែធ្វើឲ្យប្រាកដថា ការលប់បំបាត់ភាពអត់ឃ្លាននៅតែមានសារៈសំខាន់ជាទីបំផុត៕
ចិន៖ ប្រទេសចិនបានច្រានចោលសេចក្តីរាយការណ៍ព័ត៌មានរបស់ជប៉ុន ដែលថ្លែងថា អ្នកការទូតចិនម្នាក់បានធ្វើចារកម្មលើពាណិជ្ជករនិងអ្នកនយោបាយក្នុងប្រទេសជប៉ុន។ អ្នកនាំពាក្យក្រសួងការបរទេសលីវ វៃមិន Liu Weimin ថ្លែងកាលពីថ្ងៃពុធថា ពាក្យចោទប្រកាន់ប្រឆាំងអ្នកការទូត ដែលលោកសំគាល់ឈ្មោះថាលី ជុងគួង Li Chunguang គឺគ្មានហេតុផលសោះ។
ប៉ាគីស្ថាន៖ វេជ្ជបណ្ឌិតប៉ាគិស្ថានដែលបានជួយស.រ.អតាមដាន អូសាម៉ា ប៊ីន ឡាដិនOsama bin Laden បានទទួលទោសជាប់ពន្ធនាគារ មិនមែនដោយសារធ្វើការជាមួយភ្នាក់ងារសេអ៊ីអា ទេ តែចំពោះការទាក់ទងជាមួយជនសកម្មប្រយុទ្ធទៅវិញ។ កាលពីសប្តាហ៍មុនតុលាការកុលសម្ព័ន្ធមួយបានកាត់សេចក្តីឲ្យលោកសាគី អាហ្រ្វ៊ីឌី Shakil Afridi មានទោសជាប់គុក ៣៣ ឆ្នាំ ពីបទធ្វើយុទ្ធនាការចាក់ថ្នាំក្លែងក្លាយមួយដើម្បីជួយទីភ្នាក់ងារសេអ៊ីអា ប្រមូលយកគំរូDNA ពីមេដឹកនាំអាល់កៃដាal-Qaida និងគ្រួសារសម្រាប់បញ្ជាក់វត្តមានរបស់ប៊ីន ឡាដិន bin Laden នៅក្នុងផ្ទះមួយក្នុងទីក្រុងអាបុត្តាបាត Abbottabad ប្រទេស ប៉ាគិស្ថាន។
អាហ្វហ្កានិស្ថាន៖ អ.ស.បនិយាយថាចំនួនជនស៊ីវិលស្លាប់នៅក្នុងសង្គ្រាមមួយទសវត្យរ៍របស់អាហ្វហ្កានិស្ថាន បានចុះថយជាង២០% ក្នុងពេលបួនខែដំបូងនៃឆ្នាំនេះ បើប្រៀបធៀបទៅនិងរយៈពេលដដែលកាលពិឆ្នាំ ២០១១។ ស៊ីរី៖ ជំនួយការរបស់ប្រេសិតអន្តរជាតិលោក ខូហ្វ៊ី អាណាន់Kofi Annan បានរាយការណ៍ត្រួសៗជូនក្រុមប្រឹក្សាសន្តិសុខអ.ស.ប ដែលមានសមាជិក១៥ប្រទេស ស្តីអំពីទស្សនកិច្ចរបស់លោកអាណាន់Annan ទៅកាន់ប្រទេសស៊ីរីដែលធ្វើឲ្យអ្នកការទូតម្នាក់ ហៅស្ថានការណ៍បច្ចុប្បន្នថាជា«ចំណុចដ៏ទាបបំផុតនៅក្នុងជម្លោះ»ក្នុងប្រទេសនេះ។ លីប៊ីរី៖ តុលាការពិសេសមួយបានកាត់សេចក្តី អតីតប្រធានាធិបតី ប្រទេស លីប៊ីរីLiberia, លោកឆាល ថាយល័រCharles Taylor ឲ្យជាប់ពន្ធនាគារ ៥០ ឆ្នាំអំពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ។ ទីបេ៖ ក្រុមនិរទេសខ្លួននិយាយថាម្តាយម្នាក់ដែលមានកូនបីនាក់ នៅក្នុងតំបន់មួយក្នុងប្រទេសចិនភាគនិរតីដែលមានជនជាតិទីបេ រស់នៅច្រើន បានបាត់បង់ជីវិតបន្ទាប់ពីគាត់បានដុតខ្លួនហាក់ដូចជាក្នុងគោលបំណងតវ៉ាប្រឆាំងការគ្រប់គ្រងរបស់ចិន។ <!--AV--> This posting includes an audio/video/photo media file: Download Now |
| ព្រះអង្គម្ចាស់នរោត្តមរណឫរិទ្ធសរសើរលោកហ៊ុន សែន រិះគន់គណបក្សប្រឆាំងក្នុងយុទ្ធនាការបោះឆ្នោត Posted: 30 May 2012 06:48 PM PDT ព្រះអង្គម្ចាស់នរោត្តមរណឫរិទ្ធបានបង្ហាញមុខជាលើកដំបូង ដើម្បីឃោសនារកសំឡេងឆ្នោតសម្រាប់ចូលរួមការប្រកួតប្រជែងបោះឆ្នោតក្រុមប្រឹក្សាឃុំសង្កាត់ ដែលគ្រោងនឹងធ្វើឡើងនៅថ្ងៃទី៣ មិថុនាខាងមុខនេះ បន្ទាប់ពីគណបក្សរបស់ព្រះអង្គបានប្រកាសចងសម្ព័ន្ធភាពជាមួយនិងគណបក្សហ៊្វុនស៊ិនប៉ិចរបស់លោកញឹក ប៊ុនឆៃ។ ក្នុងខណៈពេលដែលព្រះអង្គកំពុងតែឃោសនារកសំឡេងឆ្នោតនៅវត្តភ្នំ កណ្តាលទីក្រុងភ្នំពេញ ព្រះអង្គមិនបានបំភ្លេចគុណលោកនាយករដ្ឋមន្ត្រីហ៊ុន សែន ដែលបានខិតខំប្រឹងប្រែងជួយសម្របសម្រួលគណបក្សរាជានិយមទាំងពីរឲ្យរួបរួមគ្នាឡើងវិញ បន្ទាប់ពីបានបែកបាក់គ្នាអស់រយៈពេលប្រាំមួយឆ្នាំនេះទេ។ កាលពីថ្ងៃទី២៤ កន្លងទៅនេះ គណបក្សនរោត្តមរណឫរិទ្ធរបស់សម្តេចក្រុងព្រះ និងគណបក្សហ៊្វុនស៊ិនប៉ិចរបស់លោកញឹក ប៊ុនឆៃបានប្រកាសចងសម្ព័ន្ធភាពឡើងវិញនៅឯអគាររដ្ឋាភិបាល ក្រោមការសម្របសម្រួលពីលោកនាយករដ្ឋមន្ត្រីហ៊ុន សែន។ ថ្លែងប្រាប់ក្រុមអ្នកកាសែតនៅក្នុងខណៈពេលដែលសម្តេចក្រុងព្រះបានយាងចុះទៅឃោសនារកសំឡេងឆ្នោតនៅឯវត្តភ្នំ ព្រះអង្គបានបញ្ជាក់ថា មានតែលោកនាយករដ្ឋមន្ត្រីហ៊ុន សែនទេដែលអាចនាំទៅរកការវិលត្រឡប់មកវិញនូវអ្នករាជានិយម។ ព្រះអង្គម្ចាស់បានមានបន្ទូលថា បើចង់ដោះស្រាយបញ្ហាជាតិ ទាល់តែអ្នករាជានិយមបូកទាំងអ្នកជាតិនិយមមួយចំនួនទៀត ដែលលោកសំដៅទៅលើគណបក្សគ្រប់គ្រងអំណាចរបស់លោកនាយករដ្ឋមន្ត្រីហ៊ុន សែន ទើបអាចដោះស្រាយបញ្ហាជាតិបាន។ បន្ទាប់ពីបានទទួលភ្លើងខៀវពីលោកនាយករដ្ឋមន្ត្រីហ៊ុន សែនឲ្យរូបរួមគណបក្សរាជានិយមតែមួយ សម្តេចក្រុងព្រះនរោត្តមរណឫរិទ្ធក៏បានឆ្លៀតឱកាសវាយប្រហារគណបក្សប្រឆាំងចំនួនពីរគឺគណបក្សសម រង្ស៊ី និងគណបក្សសិទ្ធិមនុស្សរបស់លោកកឹម សុខាថា គណបក្សនេះមិនអាចជួយអ្វីដល់ប្រទេសជាតិបានទេ។ «បោះឆ្នោតឲ្យសម រង្ស៊ី ទំនិញចុះថ្លៃ។ ខ្ញុំឃើញថា គាត់និយាយមកវាបួនអាណត្តិហើយ មានន័យថា ២០ឆ្នាំហើយ សាំងនៅតែឡើងថ្លៃ អ្នកម៉ូតូឌុបក៏នៅតែរហេមរហាម ប្រជារាស្ត្រ។ ឯការប្លន់ទឹកដី ក៏ឃើញអ្នកមាននៅតែយកទឹកដីដដែល។ ឃើញតែនិយាយ ក៏ប៉ុន្តែពុំមាន ពុំដែលឃើញគណបក្សសម រង្ស៊ី ជាឧទាហរណ៍មួយទេ»។ លោកយឹម សុវណ្ណ អ្នកនាំពាក្យ និងជាអ្នកតំណាងរាស្ត្រគណបក្សសម រង្ស៊ី បានបញ្ជាក់ថា គណបក្សសម រង្ស៊ី មិនមានសំឡេងគ្រប់គ្រាន់សម្រាប់គ្រប់គ្រងអំណាចទេ ហើយគណបក្សសម រង្ស៊ីបំពេញកាតព្វកិច្ចជាអ្នកផ្តល់អនុសាសន៍ដល់រដ្ឋាភិបាលតែប៉ុណ្ណោះ។ លោកបានមានប្រសាសន៍ទៀតថា មានមេដឹកនាំខ្លះមានឱកាសធ្វើជានាយករដ្ឋមន្ត្រី ហើយតែក្បត់ឆន្ទៈរាស្ត្រ។ «យើងមានការសោកស្តាយណាស់ ដែលគណបក្សមួយ ដែលមានអត្តសញ្ញាណដែលមានប្រវត្តិដ៏យូរលង់ក្លាយទៅជាសាខារបស់គណបក្សប្រជាជនកម្ពុជា ហើយដើរតួនាទីជាអ្នកនាំពាក្យឲ្យគណបក្សប្រជាជនកម្ពុជានៅពេលបច្ចុប្បន្ន។ យើងមិនមានការចាប់អារម្មណ៍អ្វីទេ។ សង្ឃឹមថា ប្រជាពលរដ្ឋ អ្នកម្ចាស់ឆ្នោតទាំងអស់នឹងបោះឆ្នោតឲ្យគណបក្សសម រង្ស៊ី ដែលជាគណបក្សដែលមានសក្កានុពលតែមួយគត់នៅក្នុងប្រទេសកម្ពុជា ប្រជែងនឹងគណបក្សប្រជាជនដើម្បីឈានទៅរកការផ្លាស់ប្តូរ»។ លោកកឹម សុខា ប្រធានគណបក្សសិទ្ធិមនុស្សបាននិយាយថា ទាំងគណបក្សនរោត្តមរណឫរិទ្ធ និងគណបក្សហ៊្វុនស៊ិនប៉ិចកំពុងតែបង្ហាញភាពពិតរបស់ខ្លួនថា ពិតជាអាយ៉ងរបស់គណបក្សប្រជាជនកម្ពុជា។ លោកបានបញ្ជាក់ថា គណបក្សសិទ្ធិមនុស្សមិនដែលឈ្នះឆ្នោតដឹកនាំប្រទេសទេ មានតែព្រះអង្គម្ចាស់ទេដែលធ្លាប់ធ្វើជាមេដឹកនាំហើយដឹកនាំប្រទេសខុស។ «យើញឃើញថា ប្រជាពលរដ្ឋគេមិនទៅជឿសម្តីរបស់រណឫរិទ្ធទៀតទេ ព្រោះរណឫរិទ្ធធ្លាប់គេឲ្យឈ្នះហើយ។ ដូច្នេះឈ្នះហើយធ្វើការមិនកើត ឈ្នះហើយឲ្យគេប្រើប្រាស់យកកម្លាំងខ្លួន យកអំណាចខ្លួនទៅប្រើប្រាស់ ដើម្បីប្រយោជន៍តែបក្សពួកគេ ហើយគាត់មានមុខអីដើម្បីឲ្យប្រជាពលរដ្ឋគេជឿគាត់ទៀត»។ គណបក្សនរោត្តមរណឫរិទ្ធ និងគណបក្សហ៊ុនស៊ិនប៉ិច គ្រោងនឹងធ្វើសមាជមួយ ក្រោយពីការបោះឆ្នោតក្រុមប្រឹក្សាឃុំសង្កាត់បានបញ្ចប់។ ហើយគេរំពឹងថា សមាជនេះនឹងបោះឆ្នោតតែងតាំងព្រះអង្គម្ចាស់នរោត្តមរណឫរិទ្ធ ជាមេដឹកនាំគណបក្សហ៊្វុនស៊ិនប៉ិចជាថ្មី និងលោកញឹក ប៊ុនឆៃជាអនុប្រធានគណបក្ស៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
