VOA News: ព័ត៌មាន: “ហេឡូវីអូអេ ២៨ ឧសភា ២០១២៖តើការមិនទទួលបានការផ្សព្វផ្សាយស្មើគ្នាមានឥទ្ធិពលដូចម្តេចចំពោះការបោះឆ្នោត?” plus 2 more |
- ហេឡូវីអូអេ ២៨ ឧសភា ២០១២៖តើការមិនទទួលបានការផ្សព្វផ្សាយស្មើគ្នាមានឥទ្ធិពលដូចម្តេចចំពោះការបោះឆ្នោត?
- រដ្ឋាភិបាលស៊ីរីបដិសេធការចោទប្រកាន់ក្នុងការសម្លាប់រង្គាលនៅខេត្តហ៊ូឡា
- អាជ្ញាធរអប្សរាអនុញ្ញាតឲ្យពលរដ្ឋជួលជុលផ្ទះ អំឡុងពេលបោះឆ្នោត
| Posted: 28 May 2012 10:41 AM PDT <!--AV--> នៅថ្ងៃអាទិត្យទី៣ ខែមិថុនានេះប្រជាពលរដ្ឋកម្ពុជានឹងត្រូវទៅបោះឆ្នោតដើម្បីជ្រើសរើសតំណាងរបស់ខ្លួននៅថ្នាក់ឃុំសង្កាត់។ ការបោះឆ្នោតនេះមានសារៈសំខាន់ណាស់ព្រោះវាជាកត្តាកំណត់ក្នុងការអនុញ្ញាតឱ្យគណបក្សនយោបាយនិមួយៗមានសំឡេងនៅក្នុងព្រឹទ្ធសភាជាតិទៀត ព្រោះសមាជិកក្រុមប្រឹក្សាឃុំសង្កាត់ជាអ្នកត្រូវបោះឆ្នោតជ្រើសរើសសមាជិកព្រឹទ្ធសភា ហើយវាជាឱកាសមួយដែលថ្នាក់ដឹកនាំនយោបាយអាចដឹងថាប្រជាពលរដ្ឋរបស់ខ្លួនត្រូវការអ្វី។ ដូច្នេះការបង្ហាញពីគោលនយោបាយរបស់បក្សនិមួយៗតាមរយៈប្រព័ន្ធឃោសនាគឺជាកត្តាកំណត់មួយដែរសម្រាប់អ្នកបោះឆ្នោតយល់ដឹងនិងសម្រេចចិត្តត្រូវបោះឆ្នោតជូនគណបក្សណាមួយ។ នៅថ្ងៃនេះលោកប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យបានចូលមកពិភាក្សាក្នុងកម្មវិធីហេឡូវីអូអេដើម្បីផ្តល់ការសង្កេតលើការប្រើប្រាស់ប្រព័ន្ធឃោសនានានារបស់គណបក្សនយោបាយក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់នៅអាណត្តិនេះ។ ក្នុងកម្មវិធីនោះដែរ លោក ស៊ឹន វណ្ណរិទ្ធ អគ្គលេខាធិការគណបក្សខ្មែរឈប់ក្រ បានបញ្ជាក់ថាម៉ោងផ្សាយដែលរៀបចំដោយគណៈកម្មការធិការជាតិរៀបចំការបោះឆ្នោតមិនគ្រប់គ្រាន់ទេ។ ហើយលោកថា រូបភាពនៃការឃោសនាមានការបង្ហាញរបៀបសម្ងែងពីទំហំនៃគណបក្សជាជាងខ្លឹមសារនយោបាយ។ រីឯលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យបានបញ្ជាក់ថានៅមានការរើសអើងក្នុងការលក់ម៉ោងផ្សាយដល់គណបក្សនយោបាយដែលមិនកាន់អំណាចហើយម៉ោងផ្សាយដោយវិទ្យុឯករាជ្យមួយចំនួនមិនគ្រប់គ្រាន់ទេ។ លោកថាបើសិនជាទទួលម៉ោងផ្សាយបានគ្រប់គ្រាន់លទ្ធផលឆ្នោតនឹងមានការប្រែប្រួលច្រើន។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី ២៨ ខែឧសភា ឆ្នាំ២០១២៖ មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| រដ្ឋាភិបាលស៊ីរីបដិសេធការចោទប្រកាន់ក្នុងការសម្លាប់រង្គាលនៅខេត្តហ៊ូឡា Posted: 28 May 2012 02:29 AM PDT រដ្ឋាភិបាលស៊ីរីបានបដិសេធថាពួកទាហានខ្លួនមិនបានសម្លាប់រង្គាលមនុស្សយ៉ាងតិចណាស់៩២នាក់ដែលមួយភាគបីជាពួកកុមារកាលពីថ្ងៃសុក្រនៅក្នុងក្រុងហ៊ូឡា Houla ទេ។ លោកជីហាដ ម៉ាកឌីស៊ី Jihad Makdissi អ្នកនាំពាក្យនៃក្រសួងការបរទេសស៊ីរីបានហៅការចោទប្រកាន់ប្រឆាំងនឹងរដ្ឋាភិបាលនៃប្រទេសស៊ីរីថាជា«រលកសមុទ្រស៊ូណាមី tsunami នៃការភូតកុហក»។លោកបានបន្ទោស«ពួកភេរវជន»ប្រដាប់អាវុធធុនធ្ងន់ដោយលោកបានអះអាងថាពួកគេបានវាយប្រហារក្រុមទាហាន។ ពួកអ្នកសង្កេតការណ៍អ.ស.ប.បាននិយាយថាកាំភ្លើងធំនិងកងរថក្រោះបានត្រូវប្រើប្រាស់ដើម្បីបាញ់ផ្តក់លើក្រុងហ៊ូឡា Houla ដែលឋិតនៅទិសពាយ័ព្យក្រុង ហូមHoms នៅភាគកណ្តាលប្រទេសស៊ីរី។ លោក ម៉ាកឌីស៊ីMakdissi បាននិយាយថាពួកទាហានបានតបតដើម្បីការពារទីតាំងរបស់ពួកគេ ក៏ប៉ុន្តែបានបដិសេធថាពួកគេមិនបានប្រើកាំភ្លើងធំនិងរថក្រោះនោះទេ។ ការសម្លាប់រង្គាលនៅ ហ៊ូឡាHoula ត្រូវបានកត់សម្គាល់ថាជាការវាយប្រហារដ៏ប្រល័យបំផុតចាប់តាំងពីការបះបោរប្រឆាំងនឹងរដ្ឋាភិបាលស៊ីរីបានចាប់ផ្តើមប្រមាណ១៥ខែមុននេះ។ អង់គ្លេស៖ ទីភ្នាក់ងារព័ត៌មាន AP បានផ្សាយពីក្រុង ឡុងដ៍Londres ថាលោក វិល្លៀម ហេគWilliam Hague រដ្ឋមន្ត្រីការបរទេសអង់គ្លេសបានមានប្រសាសន៍ថាលោកនឹងកោះហៅអ្នកការទូតជាន់ខ្ពស់បំផុតរបស់ស៊ីរីនៅក្នុងប្រទេសអង់គ្លេសឱ្យទៅកាន់ក្រសួងការបរទេសដើម្បីតវ៉ាអំពីការវាយប្រហារលើភូមិមួយចំនួនដែលបានបណ្តាលឱ្យមនុស្សមួយចំនួនស្លាប់។ អាហ្វហ្កានិស្ថាន៖ លោកប្រធានាធិបតីអាហ្វហ្កានិស្ថានហាមីដ កាហ្សាយHamid Karzai បានបញ្ជាឱ្យមានការស៊ើបអង្កេតអំពីការវាយប្រហារតាមអាកាសមួយរបស់ក្រុមចម្រុះដែលពួកមន្ត្រីបាននិយាយថាបានបណ្តាលឱ្យគ្រួសារមួយមានសមាជិក៨នាក់ស្លាប់នៅក្នុងខេត្តប៉ាទិកាPaktia នៅភាគខាងកើតប្រទេសដែលនៅទីនោះក្រុមទាហានរដ្ឋាភិបាលអាហ្វហ្កានិស្ថាននិងពួកទាហានអន្តរជាតិខិតខំព្យាយាមបង្ក្រាបការបះបោរដោយពួកតាលីបាន។ ម៉ាលី៖ ពួកឧទ្ទាម ទួរេគTuareg និងនិកាយអ៊ីស្លាមសកម្មប្រយុទ្ធមួយក្នុងប្រទេសម៉ាលីបាននិយាយថាពួកគេបានរួមកម្លាំងគ្នាដើម្បីបង្កើតរដ្ឋឯករាជ្យអ៊ីស្លាមមួយនៅផ្នែកខាងជើងប្រទេស។ ចរជី៖ មនុស្សរាប់ម៉ឺននាក់បានធ្វើការប្រជុំមហាជននៅក្នុងរដ្ឋធានីតៈប៊ីលីស៊ីTbilisi នៃប្រទេស ចរជីGeorgie ដើម្បីបង្ហាញការគាំទ្ររបស់ពួកគេដល់ការប្រឹងប្រែងរបស់ពួកប្រឆាំងដើម្បីដកគណបក្សគ្រប់គ្រងប្រទេសរបស់លោកប្រធានាធិបតី មីខេល សាកាស្វ៊ីលីMikhail Saakashviliនៅក្នុងការបោះឆ្នោតក្នុងពេលខាងមុខនេះ។ ស៊ុយអែដ៖ អ្នកចម្រៀងស្រីជនជាតិស៊ុយអែដSuede ឈ្មោះ Loreen បានឈ្នះក្នុងការប្រកួតចម្រៀង Eurovisionឆ្នាំ២០១២ក្នុងក្រុងបាគូ Baku ប្រទេសអាហ្សេបៃហ្សង់Azerbaijan។ This posting includes an audio/video/photo media file: Download Now |
| អាជ្ញាធរអប្សរាអនុញ្ញាតឲ្យពលរដ្ឋជួលជុលផ្ទះ អំឡុងពេលបោះឆ្នោត Posted: 27 May 2012 08:28 PM PDT ទីតាំងតំបន់១ និងទីតាំងតំបន់២ ដែលគ្រប់គ្រងដោយអាជ្ញាធរអប្សរានៃខេត្តសៀមរាប នៅរដូវយុទ្ធនាការឃោសនារកសំឡេងឆ្នោតសម្រាប់ការបោះឆ្នោតក្រុមប្រឹក្សាឃុំសង្កាត់អណត្តិទី៣នេះ បានអនុញ្ញាតឲ្យប្រជាពលរដ្ឋដែលរស់នៅក្រោមការគ្រប់គ្រងរបស់អាជ្ញាធរអប្សរា ចាប់ផ្តើមជួសជុលផ្ទះរបស់ខ្លួន។ នេះបើតាមការបញ្ជាក់ពីប្រជាពលរដ្ឋដែលបានផ្តល់បទសម្ភាស៍ជាមួយនឹងវីអូអេសំឡេងសហរដ្ឋអាមេរិក។ ការអនុញ្ញាតរបស់អាជ្ញាធរខេត្តសៀមរាបឲ្យប្រជាពលរដ្ឋរស់នៅតំបន់១ និងតំបន់២ ធ្វើការជួសជុលផ្ទះរបស់ខ្លួននេះបានធ្វើឡើងនៅក្នុងអំឡុងយុទ្ធនាការឃោសនាបោះឆ្នោតតែប៉ុណ្ណោះ។ ក៏ប៉ុន្តែបន្ទាប់ពីការបញ្ចប់ការបោះឆ្នោតក្រុមប្រឹក្សាឃុំសង្កាត់ ដោយចាប់ផ្តើមថ្ងៃ៣ ខែមិថុនាទៅ នឹងមិនអនុញ្ញាតឲ្យប្រជាពលរដ្ឋជួសជុលផ្ទះសម្បែងរបស់ពួកខ្លួនទេ។ លោកអន ជ័យ រស់នៅភូមិវាល សង្កាត់គោកចក ដែលកំពុងចាក់បេតុងនៅខាងមុនផ្ទះ បានមានប្រសាសន៍ថា ពីមុនអាជ្ញាធរអប្សរាបានហាមឃាត់ប្រជាជនមិនឲ្យជួសជុលផ្ទះសម្បែងរបស់ខ្លួនទេ ដោយបានអះអាងថា ជាតំបន់ហាមឃាត់។ លោកបានបញ្ជាក់ថា ការអនុញ្ញាតឲ្យជួសជុលផ្ទះសម្បែងនេះបានធ្វើឡើងនៅក្នុងពេលយុទ្ធនាការឃោសនាបោះឆ្នោតតែប៉ុណ្ណោះ។ លោកបានមានប្រសាសន៍ទៀតថា ការសុំច្បាប់ជួសជុលពីអាជ្ញាធរភូមិឃុំ ក៏មានលក្ខណៈងាយស្រួលជាងធម្មតាដែរ។ «អារម្មណ៍របស់ខ្ញុំសប្បាយចិត្តដែលបានផ្ទះនៅ ដើម្បីមានបន្ទប់ឲ្យកូនស្នាក់នៅ។ ដល់ពេលលើកមុន ឥតមានបន្ទប់នៅ ភ្លៀងក៏វាសាចចូលក្នុងផ្ទះសម្បែង»។ កំពុងតែប្រក់ស័ង្កសីនៅខាងក្រោយផ្ទះ នៅភូមិត្រពាំងស្រែ សង្កាត់គោកចក អ្នកស្រីសេង សុធី បាននិយាយថា ពីមុនសូម្បីតែប្រក់ស័ង្កសីមួយសន្លឹកក៏អាជ្ញាធរអប្សរាហាមឃាត់ដែរ។ អ្នកស្រីបានបញ្ជាក់ថា ផ្ទះរបស់ស្រីទើបតែបានជួសជុលកាលពីថ្ងៃព្រហស្បតិ៍ម្សិលមិញនេះ។ អ្នកស្រីបាននិយាយទៀតថា ការជួសជុលផ្ទះនេះបានធ្វើឡើងតាមដំណឹងតៗគា្នថា អាជ្ញាធរអប្សរាឲ្យពួកគេជួសជុលផ្ទះនៅពេលបោះឆ្នោត។ «ជិតបោះឆ្នោតហ្នឹង គេឲ្យយើងធ្វើទៅ។ បើឥតបោះឆ្នោត គេឥតឲ្យដែរហ្នឹង។ និយាយឲ្យត្រង់ៗអញ្ចឹងម្តង។ ពីមុនៗមកឥតឲ្យធ្វើទេ សូម្បីតែដាក់ស័ង្កសីតែមួយសន្លឹកក៏ឥតបានដែរ»។ មិនត្រឹមតែផ្ទះរបស់លោកអន ជ័យ និងអ្នកស្រីសេង សុធីទេ ប្រជាពលរដ្ឋជាច្រើនគ្រួសារផ្សេងទៀតដែលរស់នៅតំបន់១ និងតំបន់២ ក្រោមការគ្រប់គ្រងរបស់អាជ្ញាធរអប្សរាក៏បាននាំគ្នាជួសជុលផ្ទះគ្រប់ៗគ្នាផងដែរ។ លោកសេង សុទ្ធ ចៅសង្កាត់គោកចក បាននិយាយថា ការសម្រេចឲ្យជួសជុលផ្ទះនេះបានធ្វើឡើងកាលពីថ្ងៃទី១៧ កន្លងទៅនេះ។ ក៏ប៉ុន្តែអាជ្ញាធរបានអនុញ្ញាតឲ្យប្រជាពលរដ្ឋជួសជុលឲ្យបានចប់សព្វគ្រប់មុនថ្ងៃទី៣ ខែមិថុនាតែប៉ុណ្ណោះ។ «ឲ្យធ្វើតែមុនថ្ងៃ៣ ហើយទើបឈប់ ដល់ពេលក្រោយថ្ងៃហ្នឹងនណារធ្វើមិនបាន»។ លោកស៊ូ ភីរិន្ធ អភិបាលខេត្តសៀមរាប បានមានប្រសាសន៍ថា តាមគោលការណ៍ អាជ្ញាធរអប្សរាបានអនុញ្ញាតឲ្យប្រជាពលរដ្ឋរស់នៅក្នុងអំឡុងតាំងពីឆ្នាំ២០០០ អាចជួសជុលផ្ទះរបស់ពួកគេបាន។ ក៏ប៉ុន្តែមិនអនុញ្ញាតឲ្យសាងសង់ផ្ទះថ្មីទេ។ លោកបានមានប្រសាសន៍ថា ការអនុញ្ញាតឲ្យជួសជុលផ្ទះនេះមិនមែនធ្វើឡើងដើម្បីសន្លឹកឆ្នោត នៅក្នុងយុទ្ធនាការឃោសនារកសំឡេងឆ្នោតទេ។ លោកសុន ឆ័យ ប្រធានក្រុមអ្នកតំណាងរាស្ត្រគណបក្សប្រឆាំងគឺគណបក្សសម រង្ស៊ីបានបាត់បង់ដីធ្លីប្រមាណជាង ៣ហិចតា ដោយសារតែដីនេះពាក់ព័ន្ធជាមួយអាជ្ញាធរអប្សរានោះ។ លោកបានរិះគន់ថា គណបក្សប្រជាជនកម្ពុជាខ្លាចបាត់បង់សន្លឹកឆ្នោត ដោយសារតែប្រជាពលរដ្ឋរស់នៅតំបន់អាជ្ញាធរអប្សរាបានខឹងសម្បាជាមួយអាជ្ញាធរនេះ ដោយសារតែពួកគេមិនអាចសាងសង់អ្វីបានទាំងអស់។ «ជឿជាក់ថា នេះគឺជាល្បិចកល់សម្រាប់ប្រើដើម្បីរកចំណេញសន្លឹកឆ្នោតតែក្នុងរយៈកាលបោះឆ្នោត។ រួចទៅ គេអាចហ្នឹងធ្វើការរុះរើបំបែកពលរដ្ឋវិញបាន»។ នៅពីមុនការបោះឆ្នោតអាជ្ញាធរអប្សរា បានហាមឃាត់ប្រជាពលរដ្ឋមិនឲ្យជួសជុលផ្ទះនៅតំបន់១ និងតំបន់២ ដែលខ្លួនគ្រប់គ្រងទេ សូម្បីតែមានដំបូលលិចទឹកនៅរដូវភ្លៀងធ្លាក់ក៏មិនអនុញ្ញាតឲ្យជួសជុលដែរ។ លោកសុន ឆ័យបានមានប្រសាសន៍ថា ប្រជាពលដ្ឋមិនអនុញ្ញាតឲ្យជួសជុលផ្ទះទេ។ ក៏ប៉ុន្តែមានមន្ត្រីអ្នកមានអំណាចមួយចំនួនអាចសាងសង់ភូមិគ្រឹះ និងផ្ទះសម្បែងរបស់ខ្លួនយ៉ាងធំស្កឹមស្កៃនៅក្នុងតំបន់ហាមឃាត់របស់អាជ្ញាធរអប្សរាក្នុងខេត្តសៀមរាប៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
