VOA News: ព័ត៌មាន: “ហេឡូវីអូអេ ១២ មិនា ២០១២៖ សេរីភាពនៃការសិក្សាស្រាវជ្រាវនៅក្នុងប្រទេសកម្ពុជា” plus 2 more |
- ហេឡូវីអូអេ ១២ មិនា ២០១២៖ សេរីភាពនៃការសិក្សាស្រាវជ្រាវនៅក្នុងប្រទេសកម្ពុជា
- ពួកសកម្មជនស៊ីរីនិយាយថា ស្ត្រី និងកូនក្មេង ត្រូវបានសម្លាប់រង្គាលក្នុងទីក្រុងហូមស៏
- មួយឆ្នាំក្រោយពីការរញ្ជួយផែនដីនិងមហារលកសមុទ្រស៊ូណាមីនៅជប៉ុន
| ហេឡូវីអូអេ ១២ មិនា ២០១២៖ សេរីភាពនៃការសិក្សាស្រាវជ្រាវនៅក្នុងប្រទេសកម្ពុជា Posted: 12 Mar 2012 01:54 PM PDT នៅពេលថ្មីៗនេះ ការិយាល័យស្រាវជ្រាវនៃសាកលវិទ្យាល័យមួយក្នុងប្រទេសកម្ពុជា បានហាមនិស្សិតរបស់ខ្លួន មិនឲ្យសរសេរនិក្ខេបបទបញ្ចប់ការសិក្សារបស់ពួកគេ អំពីប្រធានបទចំនួន១៤ ដូចជាបញ្ហាគ្រឿងញៀន ជម្លោះដីធ្លី និងដំណើរការទីផ្សារភាគហ៊ុននៅកម្ពុជា ជាដើម។ តើការហាមប្រាមបែបនេះ មានផលប៉ះពាល់អ្វីខ្លះទៅលើចំណាប់អារម្មណ៍ស្រាវជ្រាវ និងជំនាញគិតពិចារណាស៊ីជម្រៅរបស់និស្សិត? សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី ១២ ខែមិនា ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| ពួកសកម្មជនស៊ីរីនិយាយថា ស្ត្រី និងកូនក្មេង ត្រូវបានសម្លាប់រង្គាលក្នុងទីក្រុងហូមស៏ Posted: 12 Mar 2012 10:24 AM PDT ពួកសកម្មជនស៊ីរីនិយាយថាសាកសពស្រ្តីនិងកូនក្មេងយ៉ាងហោចណាស់ក៏៤៥នាក់ដែរ បានត្រូវគេរកឃើញនៅក្នុងទីក្រុងហូមស៏។ ពួកសកម្មជននិយាយទៀតថាសាកសពខ្លះ បានដាច់ខ្ទេចខ្ទីយ៉ាងខ្លាំងហើយថាសាកសពស្រ្តីខ្លះបានត្រូវគេចាប់រំលោភ។ ពួកគេបានស្តីបន្ទោសទៅកងកម្លាំងដែលគាំទ្ររដ្ឋាភិបាលចំពោះការសម្លាប់រង្គាលនេះ។ ពួកមន្រ្តីស៊ីរីបានបញ្ជាក់ពីការស្លាប់នេះ ប៉ុន្តែ បានទម្លាក់កំហុសការសម្លាប់នោះទៅលើអ្វីដែលពួកគេហៅថាភេរវករប្រដាប់អាវុធ។ មិនមានការបញ្ជាក់ឯករាជ្យណាមួយពីការសម្លាប់នោះទេ។ សេចក្តីរាយការណ៍ពីការចោទប្រកាន់នៃអំពើព្រៃផ្សៃបានកើតមានឡើងនៅពេលដែលរដ្ឋមន្រ្តីក្រសួងការបរទេសរបស់ក្រុមប្រឹក្សាសន្តិសុខអង្គការសហប្រជាជាតិប្រុងប្រៀបជួបគ្នានៅក្នុងទីក្រុងញូវយ៉ក បន្ទាប់ពីបេសកជនសន្តិភាពទៅប្រទេសស៊ីរីបានបញ្ចប់ដោយបរាជ័យ។ ព័ត៌មានអន្តរជាតិសំខាន់ៗផ្សេងទៀត៖ កម្ពុជា៖ លោក នួន ជា អតីតបងធំទីពីរនៃរបបខ្មែរក្រហមបានស្នើឱ្យប្រធានមន្ទីរឃុំឃាំងនៃសាលាក្តីខ្មែរក្រហមចាក់សោរបន្ទប់របស់គាត់ដោយព្រួយបារម្ភថាអាចនឹងត្រូវឌុចអតីតមេគុកទួលស្លែងមានចេតនាប្រព្រឹត្តអាក្រក់មកលើជីវិតគាត់។ <!--IMAGE-RIGHT-->ស.រ.អា/កូរ៉េខាងត្បូង៖ បណ្តាញផ្សាយព័ត៌មានកូរ៉េខាងត្បូង បានឲ្យដឹងថាលោកប្រធានាធិបតីស.រ.អា កំពុងពិចារណាអញ្ជើញទៅបំពេញទស្សនកិច្ចតំបន់គ្មានយោធាដែលមានការតានតឹងដែលបានបែងចែករវាងប្រទេសកូរ៉េខាងជើងនិងខាងត្បូងក្នុងអំឡុងពេលនៃដំណើរបំពេញទស្សនកិច្ចដែលបានគ្រោងទុកទៅកាន់រដ្ឋធានីសេអ៊ូល (Seoul) នៅចុងខែនេះ។ វៀតណាម៖ រដ្ឋមន្រ្តីនិងមន្រ្តីជាន់ខ្ពស់មកពីប្រទេស៤៤បានស្ថិតនៅក្នុងទីក្រុងហាណូយនៅថ្ងៃច័ន្ទនេះដើម្បីចាប់ផ្តើមសន្និសិទរយៈពេល៥ថ្ងៃដែលរៀបចំឡើងដោយអង្គការម្ហូបអាហារនិងកសិកម្មរបស់អង្គការសហប្រជាជាតិ (U.N. Food and Agriculture Organization)។ អាហ្វហ្គានីស្ថាន៖ ពួកតាលីបង់ (Taliban) បានសន្យាស្វះស្វែងធ្វើការសងសឹកដល់ភាពឃោរឃៅរបស់អាមេរិកាំងបន្ទាប់ពីទាហានសហរដ្ឋអាមេរិកម្នាក់ បានដើរចូលក្នុងផ្ទះជនជាតិអាហ្វហ្គានីស្ថានដែលកំពុងទទួលទានដំណេកកាលពីថ្ងៃអាទិត្យហើយបានសម្លាប់ពួកគេ។ អ៊ីស្រាអែល/ប៉ាឡេស្ទីន៖ ក្រុមបុគ្គលិកសុខាភិបាលនិយាយថាការវាយប្រហារតាមអាកាសរបស់អ៊ីស្រាអែលបានសម្លាប់កងជីវពលប៉ាឡេស្ទីន២នាក់ថែមទៀតនៅក្នុងតំបន់ហ្គាស្សា (Gaza) នៅថ្ងៃច័ន្ទនេះ ដែលជាការឆ្លើយតបមួយទៀតរបស់អ៊ីស្រាអែលចំពោះការវាយប្រហារដោយគ្រាប់រ៉ុកកែតនោះ។ ស.រ.អា៖ នាវាផ្ទុកយន្តហោះប្រើដោយកម្លាំងថាមពលនុយក្លេអ៊ែរលើកទី១របស់កងនាវាសហរដ្ឋអាមេរិកបានចាកចេញដើម្បីបំពេញបេសកម្មចុងក្រោយរបស់ខ្លួន។ ចិន៖ ធនាគារកណ្តាលចិនបានប្រាប់ឲ្យដឹងថាខ្លួនកំពុងពិចារណាវិធានការបន្ធូរបន្ថយឥណទានដែលទើបតែប៉ុន្មានថ្ងៃប៉ុណ្ណោះ បន្ទាប់ពីប្រទេសនេះបានចុះផ្សាយឱនភាពពាណិជ្ជកម្មដ៏ធំបំផុតនៅក្នុងរយៈពេលជាង១ទសវត្សរ៍នេះ។ ស.រ.អា/អាហ្វហ្គានីស្ថាន៖ ការស្ទង់មតិរបស់បណ្តាញសារព័ត៌មាន ABC News និងកាសែត Washington Post បង្ហាញឲ្យដឹងថាពលរដ្ឋអាមេរិកាំង៦០ភាគរយជឿជាក់ថាសង្គ្រាមក្នុងប្រទេសអាហ្វហ្គានីស្ថាន គឺគ្មានតម្លៃទេ។ ការស្ទង់មតិបានរកឃើញថាប្រជាពលរដ្ឋអាមេរិកាំង៣៥ភាគរយតែប៉ុណ្ណោះ ជឿជាក់ថាកិច្ចខិតខំប្រឹងប្រែងរយៈពេល១ទសវត្សរ៍បានធ្វើឲ្យមានការចំណាយនិងបាត់បង់ជីវិតច្រើន។ ពិភពលោក៖ បាតុករប្រឆាំងនុយក្លេអ៊ែររាប់ពាន់នាក់បានប្រមូលផ្តុំគ្នានៅក្នុងទីក្រុងនានានៅជុំវិញពិភពលោកកាលពីថ្ងៃអាទិត្យដើម្បីប្រារព្ធខួបលើកទីមួយនៃការរញ្ជូយផែនដីនិងរលកយក្ស ស៊ូណាមី (Stunami) នៅក្នុងប្រទេសជប៉ុនដែលបានធ្វើឲ្យមនុស្សជាង២ម៉ឺន២ពាន់នាក់ស្លាប់ឬក៏បាត់ខ្លួន ហើយបាននាំឲ្យមានវិបត្តិនុយក្លេអ៊ែរដ៏អាក្រក់អាក្រីបំផុតមួយនៅក្នុងប្រវត្តិសាស្រ្ត។ សេណេហ្គាល់៖ ពួកអ្នកគាំទ្រគណបក្សប្រឆាំងរាប់ពាន់នាក់ បានធ្វើការប្រជុំមហាជននៅក្នុងរដ្ឋធានីនៃប្រទេសសេណេហ្គាល់ (Senegal) ដើម្បីគាំទ្រលោក ម៉ាកឃី សល (Macky Sall) បេក្ខជនប្រធានាធិបតី ក៏ប៉ុន្តែយុទ្ធនាការបោះឆ្នោតរបស់ប្រធានាធិបតី អាប់ឌូឡេ វ៉ាឌី (Abdoulaye Wade) ប្រាប់ឲ្យដឹងថាលោកមានយុទ្ធសាស្រ្តដើម្បីឲ្យឈ្នះការបោះឆ្នោតលើកទី២នៅចុងខែនេះ។ This posting includes an audio/video/photo media file: Download Now |
| មួយឆ្នាំក្រោយពីការរញ្ជួយផែនដីនិងមហារលកសមុទ្រស៊ូណាមីនៅជប៉ុន Posted: 12 Mar 2012 03:48 AM PDT ជប៉ុនបានស្ថិតក្នុងភាពស្ងាត់ស្ងៀមមួយរយៈកាលពីថ្ងៃអាទិត្យដើម្បីកំណត់ខួបឆ្នាំទីមួយនៃការរញ្ជួយផែនដីនិងមហារលកសមុទ្រស៊ូណាមី កាលពីឆ្នាំទៅមិញដែលនាំទៅកាន់វិបត្តិបរមាណូដ៏ធ្ងន់ធ្ងរបំផុតមួយក្នុងប្រវត្តិសាស្ត្រ។ ព្រះចៅអធិរាជអាគីហ៊ីតុ បានដឹកនាំប្រជារាស្ត្ររាប់លាននាក់ក្នុងការកាន់មរណទុក្ខនិងការសូត្រធ៌មកាលពីថ្ងៃអាទិត្យនៅក្នុងពិធីមួយផ្សាយតាមទូរទស្សន៍ពីក្រុងតូក្យូ។ ពួកបាតុករប្រឆាំងនឹងបរមាណូរាប់រយនាក់បានធ្វើការប្រជុំមហាជននៅទូទាំងប្រទេសអូស្ត្រាលីកាលពីថ្ងៃអាទិត្យដើម្បីកំណត់ខួបឆ្នាំទីមួយនៃការរញ្ជួយផែនដីនិងមហារលកសមុទ្រស៊ូណាមី ដែលបានបំផ្លិចបំផ្លាញប្រទេសជប៉ុន។ <!--IMAGE-LEFT--> អាហ្វហ្គានីស្ថាន៖ ពួកមន្ត្រីអាហ្វហ្កានីស្ថាននិងពួកអ្នកឃើញហេតុការណ៍ដោយផ្ទាល់បាននិយាយថាទាហានអាមេរិកម្នាក់បានដើរចេញពីមូលដ្ឋានរបស់គាត់ ហើយបានបាញ់សម្លាប់ជនស៊ីវិលអាហ្វហ្គានីស្ថានយ៉ាងតិចណាស់១៦នាក់នៅក្នុងខេត្តកាន់ដាហារកាលពីថ្ងៃអាទិត្យ។ ការបាញ់សម្លាប់មនុស្សនេះជាឧប្បត្តិហេតុថ្មីបំផុតក្នុងបណ្តាឧប្បត្តិហេតុមួយចំនួនដែលធ្វើឱ្យទំនាក់ទំនងរវាងរដ្ឋាភិបាលក្រុងវ៉ាស៊ីនតោន និងរដ្ឋាភិបាលក្រុងកាប៊ុលមានភាពតានតឹងខ្លាំងទ្បើងៗ។ ប៉ាឡេស្ទីន៖ ការវាយប្រហារដោយកងយន្តហោះអ៊ីស្រាអែលបានបណ្តាលឱ្យជនជាតិ ប៉ាលេស្ទីនPalestine បីនាក់ស្លាប់នៅក្នុងតំបន់ កាហ្សា នៅក្នុងការប្រយុទ្ធគ្នាថ្មីៗបំផុតជាមួយពួកជនសកម្មប្រយុទ្ធដែលបានបាញ់កាំជ្រួច ចូលទៅក្នុងប្រទេសអ៊ីស្រាអែលក្នុងថ្ងៃទីបី។ បារាំង៖ លោកប្រធានាធិបតីបារាំងនីកូឡាស សាកូហ្ស៊ី បានមានប្រសាសន៍ថា បារាំងអាចព្យួរសមាជិកភាពរបស់ខ្លួនក្នុងតំបន់ស្កេនហ្សេន ដែលគ្មានប្រើទិដ្ឋាការក្នុងសហភាពអឺរ៉ុប បើមិនមានការជឿនលឿនទៅមុខក្នុងការត្រួតត្រាអន្តោប្រវេសន៍ខុសច្បាប់ក្នុងទ្វីបអឺរ៉ុបទេនោះ។ ប៉ាគីស្ថាន៖ ពួកប៉ូលីសនៅក្នុងផ្នែកពាយ័ព្យនៃប្រទេសបាននិយាយថាអ្នកដាក់គ្រាប់បែកអត្តឃាតម្នាក់បានធ្វើការវាយប្រហារក្នុងពិធីបុណ្យសពមួយដែលចូលរួមដោយអ្នកនយោបាយប្រឆាំងនឹងពួកតាលីបាន់ម្នាក់កាលពីថ្ងៃអាទិត្យបណ្តាលឱ្យមានមនុស្សយ៉ាងហោចណាស់១៥នាក់ស្លាប់។ ស៊ីរី៖ លោកខូហ្វី អាណាន់ ប្រេសីតសន្តិភាពអន្តរជាតិបានមានប្រសាសន៍ថាលោកមាន«សុទិដ្ឋិនិយម»អំពីដំណោះស្រាយនៃចលាចលដែលមានរយៈពេលមួយឆ្នាំមក ក្នុងប្រទេស នៅក្រោយកិច្ចចរចាលើកទីពីរជាមួយប្រធានាធិបតីបាសារ អាល់ អាសាដ។ តែលោកបានមានប្រសាសន៍ថាការធ្វើឱ្យមានកិច្ចព្រមព្រៀងដើម្បីបញ្ឈប់អំពើហិង្សាជាការ«តឹងតែង»មួយ។ នីហ្សេរីយ៉ា៖ បុរសម្នាក់ត្រូវគេសង្ស័យថាជាអ្នកដាក់គ្រាប់បែកអត្តឃាតបានធ្វើការវាយប្រហារទៅលើព្រះវិហារគ្រឹស្តសាសនានិកាយកាតូលីកមួយក្នុងក្រុងចូស នាប៉ែកកណ្តាលប្រទេស នីហ្សេរីយ៉ា បណ្តាលឱ្យមនុស្សយ៉ាងតិចណាស់បីនាក់ស្លាប់។ <!--IMAGE-LEFT--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
