VOA News: ព័ត៌មាន: “កូរ៉េខាងជើងប្រកាសពីការបាញ់បង្ហោះផ្កាយរណបដែលបានគ្រោងទុក” plus 1 more |
| កូរ៉េខាងជើងប្រកាសពីការបាញ់បង្ហោះផ្កាយរណបដែលបានគ្រោងទុក Posted: 16 Mar 2012 08:34 AM PDT ប្រទេសកូរ៉េខាងជើងប្រាប់ឲ្យដឹងថា ខ្លួននឹងប្រើប្រាស់គ្រាប់កាំជ្រួចរ៉ុកកែតរយៈចំងាយឆ្ងាយមួយដើម្បីបាញ់បង្ហោះផ្កាយរណបមួយនៅខែក្រោយដើម្បីផ្តល់កិត្តិយសដល់ខួបមរណៈទី១០០ឆ្នាំរបស់អតីតប្រធានាធិបតីលោក គីម អ៊ីល ស៊ុង (Kim Il Song) ដែលត្រូវនឹងថ្ងៃទី១៥ ខែមេសា។ ក្នុងសេចក្តីថ្លែងការណ៍ដែលបានធ្វើឡើងដោយបណ្តាញផ្សាយព័ត៌មានផ្លូវការណ៍ អ្នកនាំពាក្យគណៈកម្មាធិការសម្រាប់បច្ចេកវិទ្យាអវកាសរបស់កូរ៉េខាងជើងនិយាយថាកាំជ្រួចរ៉ុកកែតរយៈចំងាយឆ្ងាយធុន Unha – 3 នឹងបាញ់បង្ហោះផ្កាយរណបអង្កេតការណ៍មួយ។ កូរ៉េខាងត្បូង បានហៅការបាញ់បង្ហោះនេះថាជាការរំលោភយ៉ាងច្បាស់ដល់សេចក្តីសម្រេចរបស់អង្គការសហប្រជាជាតិលេខ១៨៧៤ ដែលហាមឃាត់ការបង្ហោះទាំងអស់ដែលប្រើប្រាស់បច្ចេកវិទ្យាកាំជ្រួចផ្លោងរយៈចំងាយឆ្ងាយ។ ព័ត៌មានអន្តរជាតិផ្សេងៗទៀត៖ <!--IMAGE-RIGHT-->ស៊ីរី៖ លោក កូហ្វី អាណាន់ (Kofi Annan) បេសកជនសន្តិភាពអន្តរជាតិ នឹងថ្លែងត្រួសៗទៅកាន់ក្រុមប្រឹក្សាសន្តិសុខអង្គការសហប្រជាជាតិនៅថ្ងៃសុក្រនេះអំពីកិច្ចខិតខំប្រឹងប្រែងសម្រុះសម្រួលកាលពីពេលថ្មីៗនេះរបស់លោកនៅក្នុងប្រទេសស៊ីរី នៅពេលដែលវិបត្តិនោះបានចូលក្នុងឆ្នាំទី២ដោយមិនមានសញ្ញាពីការបញ្ចប់ឡើយ។ ចិន៖ នៅសប្តាហ៍នេះ ប្រទេសចិនបានប្រកាសថាខ្លួន នឹងបន្តកម្មវិធីនុយក្លេអ៊ែររបស់ខ្លួន ដែលមានរយៈពេលជិតមួយឆ្នាំ បន្ទាប់ពីគម្រោងជាច្រើនបានត្រូវផ្អាកបន្ទាប់ពីឧបទ្ទវហេតុនុយក្លេអ៊ែរ ហ៊្វូគូស៊ីម៉ា (Fukushima) នៃប្រទេសជប៉ុន។ ស.រ.អា/អាហ្វហ្គានីស្ថាន៖ មេធាវីស៊ីវិលតំណាងទាហានអាមេរិកាំងម្នាក់ដែលបានរងការចោទប្រកាន់ពីការបាញ់ប្រហារកម្រោលដ៏ប្រល័យនៅក្នុងប្រទេសអាហ្វហ្គានីស្ថាននិយាយថាកូនក្តីរបស់លោកទំនងជាមានការតានតឹងក្នុងចិត្តបន្ទាប់ពីឃើញផ្ទាល់នឹងភ្នែកពីរបួសដ៏ធ្ងន់ធ្ងររបស់ទាហានដែលជាយុទ្ធមិត្តរបស់ខ្លួន។ តួកគី៖ យោធានៃប្រទេសតួកគីនិយាយថាឧត្ថម្ភាគចក្រមួយគ្រឿងរបស់ខ្លួន បានបើកបុកផ្ទះមួយខ្នងនៅខាងក្រៅរដ្ឋធានីកាប៊ុល (Kabul) នៃប្រទេសអាហ្វហ្គានីស្ថានដោយសម្លាប់ទាហានតួកគី១២នាក់។ អូស្ត្រាលី៖ អតីតមន្រ្តីអន្តោប្រវេសន៍អូស្រ្តាលីប្រាប់ឲ្យដឹងថាដំណើរការឲ្យទទួលបានសិទ្ធិសុំរស់នៅក្នុងប្រទេសអូស្រ្តាលីត្រូវបានគេបោកបន្លំដោយពួកអ្នកដាក់ពាក្យសុំមកពីប្រទេសចិន។ មន្រ្តីចិននិងអូស្រ្តាលីមានជាប់ពាក់ព័ន្ធក្នុងផែនការបោកបន្លំនោះ។ អ៊ីរ៉ង់៖ ប្រព័ន្ធបើកប្រាក់តាមម៉ាស៊ីនអេឡិចត្រូនិកដ៏ធំបង្អស់របស់ពិភពលោកប្រាប់ឲ្យដឹងថាខ្លួននឹងកាត់ផ្តាច់ធនាគារអ៊ីរ៉ង់ដែលមានឈ្មោះក្នុងបញ្ជីខ្មៅរបស់សហភាពអឹរ៉ុប ដែលជាវិធានការណ៍មួយទៀតនៅក្នុងកិច្ចខិតខំប្រឹងប្រែងរបស់ប្រទេសលោកខាងលិចដើម្បីបន្តបន្ថយសមត្ថភាពរបស់រដ្ឋាភិបាលក្រុងតេហេរ៉ង់ (Tehran) ដើម្បីផ្តល់ហិរញ្ញវត្ថុដល់កម្មវិធីនុយក្លេអ៊ែររបស់អ៊ីរ៉ង់។ ស.រ.អា៖ រដ្ឋាភិបាលសហរដ្ឋអាមេរិកកំពុងចាប់ផ្តើមកិច្ចខិតខំប្រឹងប្រែងយ៉ាងសំខាន់មួយដើម្បីកាត់បន្ថយអត្រាការជក់បារីនៅក្នុងប្រទេសដែលរូបភាពតាមក្រាភិកបង្ហាញថាមនុស្សដែលបង្ហាញពីបញ្ហាសុខភាពបន្ទាប់ពីការជក់បារីរយៈពេល២ខែ។ ហៃទី៖ ឯកអគ្គរដ្ឋទូតសហរដ្ឋអាមេរិកប្រចាំប្រទេសហៃទី និយាយថាគេនឹងចំណាយពេលរាប់សិបឆ្នាំដើម្បីបញ្ចប់កិច្ចខិតខំប្រឹងប្រែងស្ថាបនាប្រទេសនោះឡើងវិញដែលបានបំផ្លាញខ្ទេចខ្ទីពីការរញ្ជួយដីនៅឆ្នាំ២០១០។ នីហ្សេរីយ៉ា៖ គេនិយាយថាប្រទេសនីហ្សេរីយ៉ាបានបើកការចរចាបទឈប់បាញ់ជាមួយនិកាយអ៊ីស្លាម បូកូ ហារ៉ាម (Boko Haram) ដែលគេបានស្តីបន្ទោសចំពោះការស្លាប់មនុស្សរាប់រយនាក់នៅក្នុងការបំផ្ទុះគ្រាប់បែកនិងការបាញ់ប្រហារកាលពី១៨ខែមុន។ <!--AV--> This posting includes an audio/video/photo media file: Download Now |
| កូរ៉េខាងជើងនឹងផ្តល់ពានរង្វាន់អន្តរជាតិដល់អតីតព្រះមហាក្សត្រខ្មែរ Posted: 15 Mar 2012 09:03 PM PDT កូរ៉េខាងជើងនឹងផ្តល់ពានរង្វាន់អន្តរជាតិ គីម អ៊ីលស៊ុង ដល់អតីតព្រះមហាក្សត្រខ្មែរ គឺព្រះករុណា នរោត្តម សីហនុ នៅឱកាសនៃពិធីបុណ្យខួបកំណើត ១០០ឆ្នាំរបស់អតីតមេដឹកនាំអមតៈ គីម អ៊ីលស៊ុង ដោយបានទទួលស្គាល់ព្រះករុណា នរោត្តម សីហនុ ថាបានចូលរួមក្នុងការការពារបូរណភាពប្រទេសជាតិ សម្រេចបានភាពរុងរឿងដល់ប្រជាពលរដ្ឋកម្ពុជា និងសន្តិភាពពិភពលោក ព្រមទាំងពង្រឹងមិត្តភាពនិងសាមគ្គីភាពរវាងប្រជាជននៃប្រទេសទាំងពីរ។ <!--IMAGE-LEFT--> ក្រិក៖ មូលនិធិរូបីយវត្ថុអន្តរជាតិ បានយល់ព្រមផ្តល់ប្រាក់កម្ចីថ្មីចំនួន៣៦ពាន់លានដុល្លារ ទៅឲ្យប្រទេសក្រិក ដែលជំពាក់បំណុល ទោះជាមានពិភាល់អំពីការចាត់ចែងនយោបាយសេដ្ឋកិច្ចរបស់ប្រទេសនេះ ជាមួយនឹងប្រាក់កម្ចីពីមុននោះក៏ដោយ។លោកស្រី គ្រឺស្ទីន ឡាហ្គាទ បានថ្លែងកាលពីសប្តាហ៍មុនថា ប្រាក់កម្ចីថ្មី ជាការឆ្លុះបញ្ចាំងពី«ការប្តេជ្ញាក្នុងការជំពាក់ទាក់ទិន»របស់ទីភ្នាក់ងារ ដើម្បីជួយរដ្ឋាភិបាលក្រុង អាថែន ដោះស្រាយវិបត្តិសេដ្ឋកិច្ចរបស់ខ្លួន នឹងជួយដំឡើងទ្រព្យសម្បត្តិសេដ្ឋកិច្ចរបស់ក្រិក។ ភូមា៖ ទោះបីជាមានការយល់ស្របថា ភូមាមានការជឿនលឿននៅក្នុងការធានាឲ្យមានបទឈប់បាញ់គ្នាជាមួយក្រុមជនភាគតិចសំខាន់ៗជាច្រើននៅក្នុងប្រទេស តែថាសន្តិភាពនៅក្នុងរដ្ឋកាឆីន នៅមិនទាន់បានសម្រេចទេ។ ថៃ៖ នឹងពិភាក្សាជាមួយកម្ពុជាអំពីលទ្ធភាពនៃការដោះដូរអ្នកទោសគ្នា ដើម្បីនាំយកសកម្មជនថៃ ឈ្មោះ វីរ៉ាស៊ុមខ្វាមឃីត និងនាង រ៉ាទ្រី ភីផាត់តាណាផៃប៊ុន ទៅវិញ ហើយខាងកម្ពុជាអាចនឹងទាមទារយកអ្នកទោសខ្មែរចំនួន៤នាក់មកវិញ។ អាហ្វហ្គានីស្ថាន៖ លោកប្រធានាធិបតី ហាមីទ កាហ្សាយ អំពាវនាវឲ្យកងទ័ពអូតង់ដកថយចេញពីភូមិ ទៅនៅក្នុងមូលដ្ឋានរបស់ខ្លួនវិញ បន្ទាប់ពីមានការបាញ់សម្លាប់ជនស៊ីវិល១៦នាក់ ដោយទាហានអាមេរិកាំងម្នាក់ នៅភាគខាងត្បូង ក្នុងខេត្តកានដាហារ ក្នុងសប្តាហ៍នេះ ជាមួយនឹងពេលដែលពួកតាលីបាន់ប្រកាស់បញ្ឈប់ការចរចាជាមួយស.រ.អ. រហូតទាល់តែ«អាមេរិកបញ្ជាក់ជំហររបស់ខ្លួនឲ្យច្បាស់អំពីបញ្ហានេះ» រួមទាំងការប្តូរឈ្លើយសង្គ្រាមគ្នាផង។ ប៉ាគីស្ថាន៖ ជនជាតិ ស៊្វីស ពីរនាក់ដែលមានឈ្មោះ អូលីវឺ ដេវីត អូជ និង នាង ដានេឡា វីទមឺ ត្រូវដោះលែងមកវិញ បន្ទាប់ពីបានជាប់ការឃុំឃាំងរបស់ជនសកម្មប្រយុទ្ធតាលីបាន់អស់ពេលជាង៨ខែដោយបានអះអាងថាត្រូវបានគេមេបញ្ជាការពួកតាលីបាន់បង់ប្រាក់លោះដើម្បីឲ្យបានទទួលការដោះលែងអ្នកទាំងពីរនាក់នេះមកវិញ។ តែគេមិនអាចបញ្ជាក់អំពីការអះអាងនេះថាពិតឬមិនពិត បានទេ។ ស៊ីរី៖ សេចក្តីរាយការណ៍ព័ត៌មាននិយាយថា មានមនុស្សយ៉ាងតិច ២៣ នាក់បានបាត់បង់ជីវិត នៅពេលដែលកងកម្លាំងស៊ីរីបន្តការវាយបង្ក្រាបលើក្រុមប្រឆាំងឬ«សំណល់នៃក្រុមភេរវករប្រដាប់អាវុធ» ដែលត្រូវបានហៅដោយបណ្តាញព័ត៌មានរដ្ឋ កាលពីថ្ងៃព្រហស្បត៍នេះ ដែលជាថ្ងៃខួបឆ្នាំទីមួយនៃការបះបោរប្រឆាំងនឹងរដ្ឋាភិបាលលោកប្រធានាធិបតី បាសារ អាល អាសាដ។ កុងហ្គោ៖ រដ្ឋអាជ្ញាជាន់ខ្ពស់ម្នាក់នៃតុលាការឧក្រិដ្ឋកម្មអន្តរជាតិថ្លែងថា យោងតាម«លក្ខន្តិកៈក្រុងរ៉ូម» លោកនឹងសុំឲ្យមានការពិន័យទោស«ជិតអតិបរមា»សម្រាប់បុគ្គលឈ្មោះ ថមម៉ាស ឡូបានហ្គា ស្តេចត្រាញ់ជាតិកុងហ្គោ ដែលតុលាការកាត់សេចក្តីឲ្យមានទោសអំពីការកេណ្ឌនិងការប្រើទាហានកុមារក្រោមអាយុ១៥ឆ្នាំ នៅក្នុងសង្គ្រាមស៊ីវិលឆ្នាំ២០០២ និង២០០៣ របស់សាធារណរដ្ឋប្រជាធិបតេយ្យកុងហ្គោ។ ប៉ាគីស្ថាន៖ លោកនាយករដ្ឋមន្រ្តីប៉ាគីស្ថាន យូសូហ្វ រ៉ាហ្សា ហ្គឺឡានី ថ្លែងថា លោកមិនសរសេរលិខិតទៅតុលាការស៊្វីសដើម្បីសុំឲ្យបើកពាក្យបណ្តឹងរឿងពុករលួយឡើងវិញ ប្រឆាំងនឹង លោកប្រធានាធិបតីប៉ាគីស្ថាន អាស៊ីហ្វ អាលី ហ្សារដាយ ទោះបីលោកដឹងថាលោកនឹងអាចជាប់ពន្ធនាគារ៦ខែ ឬទោសមិនធ្វើតាមបញ្ជារបស់តុលាការ ព្រោះអំពើនេះជាបទរំលោភលើរដ្ឋធម្មនុញ្ញប៉ាគីស្ថាន ដូចគ្នានឹងអំពើក្បត់ជាតិ គឺជាអំពើឧក្រិដ្ឋមួយដែលអាចទទួលទោសប្រហារជីវិត។ អេត្យូពី៖ និយាយថា កងកម្លាំងរបស់ខ្លួនបានវាយប្រហារទៅលើមូលដ្ឋានយោធាមួយនៅក្នុងប្រទេសអេរីទ្រេ ជាសត្រូវរបស់ខ្លួន នៅក្នុងសកម្មភាពមួយដែលអេត្យូពី និយាយថាជាការសងសឹកទៅវិញ។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
