VOA News: ព័ត៌មាន: “ហេឡូវីអូអេ ០៦ កុម្ភៈ ២០១២៖ មរតកនៃគុកទួលស្លែងហៅមន្ទីរស២១” plus 3 more |
- ហេឡូវីអូអេ ០៦ កុម្ភៈ ២០១២៖ មរតកនៃគុកទួលស្លែងហៅមន្ទីរស២១
- អូបាម៉ានិយាយថាអ៊ីស្រាអែលមិនទាន់សម្រេចចិត្តវាយប្រហារអ៊ីរ៉ង់
- តើបេក្ខជនគណបក្សសាធារណរដ្ឋរូបណានឹងប្រជែងជាមួយលោកបារ៉ាក់ អូបាម៉ា?
- សាលក្រមតុលាការកំពូលបង្កើនទោសឌុចពី១៩ឆ្នាំដល់មួយជីវិត
| ហេឡូវីអូអេ ០៦ កុម្ភៈ ២០១២៖ មរតកនៃគុកទួលស្លែងហៅមន្ទីរស២១ Posted: 06 Feb 2012 12:32 PM PST អតីតមេគុកទួលស្លែង ឈ្មោះ កាំង ហ្កេកអ៊ាវ ហៅឌុច ត្រូវបានតុលាការកាត់ទោសឱ្យជាប់ពន្ធនាគាអស់មួយជីវិតចំពោះការស្លាប់បាត់បង់ជីវិតអ្នកទោសជាង១២.០០០នាក់។ ការសម្រេចនេះត្រូវបានអតីតអ្នកទោសនិងក្រុមគ្រួសារជនរងគ្រោះសប្បាយរីករាយដោយសារពួកគេទទួលបាននូវអ្វីដែលពួកគេចង់បាន។ នៅក្នុងការពិភាក្សានាយប់នេះយើងចង់សំឡឹងមើលឱ្យហួសពីការដាក់ទោសនិងការអបអរសាទរទាំងនោះព្រមទាំងការរិះគន់ខ្លះដែលអាចកើតមានឡើងក្នុងសំណុំរឿងមួយនេះ។ វីអូអេបានអញ្ចើញលោក គឹមស្រូយ សុកវិសាល អ្នកស្រាវជ្រាវនៃមជ្ឈមណ្ឌលឯកសារកម្ពុជាដើម្បីពន្យល់បន្ថែមពីសារៈសំខាន់នៃការកាត់ទោសនេះចំពោះការផ្សះផ្សារផ្លូវចិត្តជនរងគ្រោះពីរបបខ្មែរក្រហមនិងដំណើរការយុត្តិធម៌ក្នុងប្រទេសកម្ពុជា។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី០៦ ខែកុម្ភៈ ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com
This posting includes an audio/video/photo media file: Download Now |
| អូបាម៉ានិយាយថាអ៊ីស្រាអែលមិនទាន់សម្រេចចិត្តវាយប្រហារអ៊ីរ៉ង់ Posted: 06 Feb 2012 07:29 AM PST ប្រធានាធិបតី បារ៉ាក់ អូបាម៉ាមានប្រសាសន៍ថាលោកមានជំនឿថាអ៊ីស្រាអែលមិនទាន់សម្រេចចិត្ដអ្វីមូយទេ អំពីថាតើនឹងចាត់វិធានការយោធាប្រឆាំងកម្មវិធីនុយក្លេអែរ អ៊ីរ៉ង់ ឬទេ? មន្ដ្រីអាមេរិកាំងបាន អំពាវនាវដល់អ៊ីស្រាអែល ដែលជាសម្ព័ន្ធមិត្ដសំខាន់របស់ខ្លួន ឲ្យទុកពេលវេលាច្រើនទៀត សម្រាប់ទណ្ឌកម្មលោកខាងលិច ដើម្បីកៀបសង្កត់អ៊ីរ៉ង់ឲ្យបញ្ឈប់ដំណើរទៅរកការផលិតគ្រាប់បែកនុយក្លេអ៊ែរ។ អ៊ីរ៉ង់នៅតែទទូចថាកម្មវិធីនុយក្លេអ៊ែររបស់ខ្លួន មានគោលដៅសន្ដិភាព។ ថ្លែងក្នុងសេចក្ដីសម្ភាសន៍ជាមួយបណ្ដញទូរទស្សន៍ NBC កាលពីថ្ងៃអាទិត្យលោក អូបាម៉ា មានប្រសាសន៍ថា ស.រ.អ. ជាមួយអ៊ីស្រាអែលនឹងធ្វើការរួមគ្នាក្នុងវិធីសាស្រ្ត«ជំហានចាក់សោរ» (Lockstep) ដែលលោកសង្ឃឹមថាជាដំណោះស្រាយតាមរយៈការទូតចំពោះបញ្ហាអ៊ីរ៉ង់។ ចំណែកអ៊ីស្រាអែលមើលឃើងអ៊ីរ៉ង់ដែលបំពាក់ដោយអាវុធនុយក្លេអ៊ែរថា ជាការគំរាមកំហែងលើភាពរស់នៅរបស់ខ្លួន ពីព្រោះជាញឹកញាប់ មេដឹកនាំអ៊ីរ៉ង់ប្រកាសរកការកំទេចនៃរដ្ឋ ជាតិជូរ (Jewish State)។ ព័ត៌មានអន្តរជាតិសំខាន់ផ្សេងៗទៀត៖ ស៊ីរី៖ ក្រុមសកម្មជនការពារសិទ្ធិមនុស្សនៅក្នុងប្រទេសស៊ីរីនិយាយថា មានមនុស្សយ៉ាងតិច១៧នាក់ស្លាប់ ហើយច្រើននាក់ទៀតរបួសដោយសារគ្រាប់ផ្លោង ដោយកងកម្លាំងស៊ីរី បាញ់ទម្លាក់មកលើចំណុចក្តៅនៃក្រុងហូម (Homs)។ ប៉ាឡេស្ទីន៖ ក្រុមប្រជែងប៉ាឡេស្ទីន មានក្រុមហ្វាតាហ (Fatah) និងក្រុមហាម៉ាស (Hamas) បានយល់ស្របគ្នារៀបចំបង្កើតរដ្ឋាភិបាលសាមគ្គីភាពមូយដឹកនាំដោយប្រធានាធិបតីបច្ចុប្បន្ន លោក មាហមូឌ អាបាស (Mahmoud Abbas)។ ហ្វីលីពីន៖ មន្ដ្រីហ្វីលីពីននិយាយថា មានការរញ្ជួយផែនដីមូយដ៏ខ្លាំង ដែលធ្វើឲ្យកក្រើកតំបន់កណ្ដាលប្រទេសហ្វីលីពីន បណ្ដាលឲ្យមនុស្ស១៣នាក់ស្លាប់ ហើយច្រើននាក់បាត់ខ្លួន។ អង់គ្លេស៖ ព្រះមហាក្សត្រី អ៊ីលីហ្សាបែត (Elizabeth) នៃប្រទេសអង់គ្លេសបានប្រារព្ធពិធីបុណ្យខួបគម្រប់៦០ឆ្នាំ នៃការសោយរាជ្យរបស់ព្រះអង្គ។ បាគីស្ថាន៖ មន្ដ្រីបាគីស្ថាន និយាយថា រោងចក្របីជាន់មួយ បានដួលរលំ បណ្ដាលឲ្យមនុស្សស្លាប់យ៉ាងតិច១២នាក់ រួមទាំងកុមារម្នាក់អាយុ១០ឆ្នាំ។ រូម៉ានី៖ នាយករដ្ឋមន្ដ្រីនៃប្រទេសរូម៉ានី (Romania) បានលាលែងចេញពីតំណែង ក្រោយពីមានបាតុកម្មតវ៉ាទូទាំងប្រទេសជាច្រើនសប្ដាហ៍ ដោយសារតែរដ្ឋាភិបាលរបស់លោកបានចាត់វិធានការតឹងរឹងក្នុងការចំណាយថវិកាជាតិ។ អេហ្ស៊ីប៖ ស.រ.អ. បានសម្ដែងការព្រួយបារម្ភជ្រាលជ្រៅចំពោះប្រទេសអេហ្ស៊ីប ដែលសម្រេចនឹងកាត់ទោសមនុស្ស៤៣នាក់ ពីបទផ្តល់ជំនួយថវិកាខុសច្បាប់ឲ្យទៅក្រុមនិយមលទ្ធិប្រជាធិបតេយ្យ។ ចិន៖ អាជ្ញាធរចិននិយាយថា ខ្លួនបានទាក់ទងជាមូយកម្មករចិន២៩នាក់ ដែលបានត្រូវចាប់ខ្លួនធ្វើជាចំណាប់ខ្មាំងនៅក្នុងប្រទេសស៊ូដង់។ This posting includes an audio/video/photo media file: Download Now |
| តើបេក្ខជនគណបក្សសាធារណរដ្ឋរូបណានឹងប្រជែងជាមួយលោកបារ៉ាក់ អូបាម៉ា? Posted: 05 Feb 2012 07:53 PM PST សហរដ្ឋអាមេរិក៖ ការយកចិត្តទុកដាក់ទៅលើការប្រកួតប្រជែងដើម្បីកំណត់ថាបេក្ខជនរូបណាក្នុងគណបក្សសាធារណរដ្ឋនឹងប្រជែងជាមួយលោកប្រធានាធិបតី បារ៉ាក់ អូបាម៉ា ក្នុងការបោះឆ្នោតសាកលក្នុងខែវិច្ឆិកានៅពេលនេះបានតម្រង់ទៅទិសខាងកើតពីរដ្ឋ នេវ៉ាដា Nevada ទៅកាន់រដ្ឋកូឡូរ៉ាដូ Colorado និងរដ្ឋមីនីសូតា Minnesota ដែលនឹងធ្វើការប្រជុំ caucuses នៅថ្ងៃអង្គារ។ លោក មិត រ៉មនី Mitt Romney បេក្ខជននាំមុខគេនិងជាអតីតអភិបាលរដ្ឋ ម៉ាសាឈូសេត Massachusetts បានទទួលជ័យជំនះដាច់ណាត់ក្នុងការប្រជុំ caucuses ក្នុងរដ្ឋនេវ៉ាដា Nevada នាភាគខាងលិច ដោយបានទទួលសន្លឹកឆ្នោតគាំទ្រ២ដងច្រើនជាងសន្លឹកឆ្នោតគាំទ្រគូប្រជែងប្រកៀកបំផុតរបស់លោកគឺលោកញូវ ហ្គីងរីច Newt Gingrich ដែលជាអតីតប្រធានសភាតំណាងរាស្ត្រអាមេរិកាំង។ អេហ្ស៊ីប៖ ពួកបាតុករអេហ្ស៊ីបបានប៉ះទង្គិចជាមួយពួកប៉ូលីសក្នុងក្រុង ឡឺ គែរ Le Caire ក្នុងថ្ងៃទីបួនបន្តបន្ទាប់គ្នា នៅពេលពួកគេទាមទារឲ្យមានការបោះឆ្នោតប្រធានាធិបតីឲ្យបានឆាប់រហ័សនិងការផ្ទេរអំណាចមុនពេលកំណត់ពីក្រុមប្រឹក្សាយោធាគ្រប់គ្រងប្រទេសទៅឲ្យរដ្ឋាភិបាលស៊ីវិលមួយ។ អេហ្ស៊ីប៖ ចៅក្រមស៊ើបអង្កេតអេហ្ស៊ីបបានបញ្ជូនមនុស្ស៤៣នាក់ដោយមានរួមបញ្ចូលទាំងពលរដ្ឋអាមេរិក១៩នាក់ផងទៅឲ្យតុលាការឧក្រិដ្ឋកម្មមួយកាត់ទោសពីបទទាក់ទិននឹងសកម្មភាពត្រូវហាមឃាត់របស់ក្រុមគាំទ្រលទ្ធិប្រជាធិបតេយ្យដែលបានទទួលអ្វីដែលរដ្ឋាភិបាលក្រុង ឡឺ គែរ Le Caire ហៅថា «ការផ្តល់ប្រាក់ពីបរទេសដោយខុសច្បាប់»។ ស៊ីរី៖ លោកស្រីរដ្ឋមន្ត្រីក្រសួងការបរទេសអាមេរិក ហ៊ីលឡារី គ្លីនតុន Hillary Clinton បានអំពាវនាវដល់ «បក្សពួកជាមិត្តនៃប្រទេសស៊ីរីប្រជាធិបតេយ្យ» ឲ្យជំរុញការបញ្ឈប់អំពើបង្ក្រាបប្រកបដោយការបង្ហូរឈាមរបស់ប្រធានាធិបតី Bashar al-Assad ទៅលើក្រុមបាតុករប្រឆាំងនឹងរដ្ឋាភិបាលនិងគាំទ្រអន្តរកាលនយោបាយមួយដែលទម្លាក់លោកឲ្យចុះចេញពីតំណែង។ អាហ្វហ្គានីស្ថាន៖ លោកប្រធានាធិបតី ហាមីដ កាហ្សាយ Hamid Karzai បានថ្កោលទោសការបំផ្ទុះគ្រាប់បែកក្នុងរថយន្តមួយដ៏ប្រល័យដែលបានកើតមានទ្បើងកាលពីថ្ងៃអាទិត្យនៅខាងក្រៅទីស្នាក់ការកណ្តាលរបស់ប៉ូលីសក្នុងភាគខាងត្បូងប្រទេស។ ប៊ុលហ្គារី៖ លោកស្រីរដ្ឋមន្ត្រីក្រសួងការបរទេសអាមេរិក ហ៊ីលឡារី គ្លីនតុន Hillary Clinton បានអញ្ជើញទៅដល់ប៊ុលហ្គារី Bulgarie ដើម្បីធ្វើការចរចាដែលគេរំពឹងថានឹងផ្តោតការយកចិត្តទុកដាក់ទៅលើសន្តិសុខថាមពល។ នៅក្នុងទស្សនកិច្ចរយៈពេលខ្លីរបស់លោកស្រីកាលពីថ្ងៃអាទិត្យ លោកស្រី គ្លីនតុនកំណត់នឹងជួបជាមួយលោកប្រធានាធិបតី រ៉ូសេន ប្លេវនេឡេវ Rosen Plevneliev និងលោកនាយករដ្ឋមន្ត្រីប៊យកូ បូរីសូវ Boyko Borissov។ This posting includes an audio/video/photo media file: Download Now |
| សាលក្រមតុលាការកំពូលបង្កើនទោសឌុចពី១៩ឆ្នាំដល់មួយជីវិត Posted: 06 Feb 2012 10:07 AM PST សាលក្រមតុលាការកំពូលដែលបង្កើនទោសមេគុកទួលស្លែង កាំង ហ្កេកអ៊ាវ ហៅឌុចពី១៩ឆ្នាំដល់មួយជីវិតត្រូវបានស្វាគមន៍ដោយជនរងគ្រោះ។ នេះជាការសម្រេចលើបណ្តឹងឧទ្ធរណ៍របស់សហព្រះរាជអាជ្ញា និងបណ្តឹងរបស់ឌុច។ តុលាការកំពូលគាំទ្រដោយអ.ស.ប.កាត់ទោសខ្មែរក្រហមបានសម្រេចនៅថ្ងៃសុក្រទី៣ខែកុម្ភៈថា កាំង ហ្កេកអ៊ាវ ហៅឌុច អតីតប្រធានគុកទួលស្លែងត្រូវជាប់ពន្ធនាគារមួយជីវិត ពីបទទទួលខុសត្រូវការសម្លាប់មនុស្សជាង១ម៉ឺន២ពាន់នាក់នៅទួលស្លែង និងជើងឯក។ <!--AV--> នេះជាការសម្រេចទាក់ទងនឹងបណ្តឹងឧទ្ធរណ៍របស់សហព្រះរាជអាជ្ញាដែលជំនាស់នឹងសាលក្រមក្នុងឆ្នាំ២០១០របស់សាលាដំបូងដាក់ទោសឌុច៣៥ឆ្នាំដែលកាត់កងទៅនៅសល់១៩ឆ្នាំ។ កាលណោះ ជនរងគ្រោះបានទាមទារឲ្យដាក់ទោសឌុចជាប់ពន្ធនាគារ «មួយជីវិត»។ លោកគង់ ស្រ៊ីម ប្រធានអង្គជំនុំជម្រះបានប្រកាសនៅសវនាការនេះថា៖ «ផ្តន្ទាទោសលោកកាំង ហ្កេក អ៊ាវ ដាក់ពន្ធនាគារអស់មួយជីវិត ដោយចាប់គិតពីថ្ងៃ១០ ខែឧសភា ឆ្នាំ១៩៩៩តទៅ»។ ឌុច អាយុ៦៩ឆ្នាំត្រូវកាត់ទោសពីបទធ្វើឃាត ធ្វើទារុណកម្ម រំលោភ ឧក្រិដ្ឋកម្មប្រឆាំងមនុស្សជាតិ នៅក្នុងរបបខ្មែរក្រហមដែលសម្លាប់មនុស្សជាងរវាងពី១លាន៧សែននាក់ទៅ២លាន២សែននាក់។ សាលក្រមតុលាការសាលាកំពូលនេះត្រូវជនរងគ្រោះនិងសហព្រះរាជ្ញាអបអរសាទរ។ លោកAndrew Cayley សហព្រះរាជអាជ្ញាអន្តរជាតិ និយាយក្នុងសន្និសីទកាសែតថា៖ «ខ្ញុំគិតថា ថ្ងៃនេះ យើងអាចបង្ហាញការពេញចិត្តជាមួយនឹងការសម្រេចចុងក្រោយនេះ។ យើងបានជោគជ័យក្នុងបណ្តឹងឧទ្ធរណ៍របស់យើង។ យើងបានជោគជ័យក្នុងការធានាថា ការសម្រេចបន្តគ្នាអាចទទួលបានលទ្ធផលល្អ»។ សហព្រះរាជអាជ្ញាកម្ពុជារបស់លោកគឺអ្នកស្រីជា លាងបន្ថែមថា នេះជាជោគជ័យរបស់សហព្រះរាជ្ញា។ «អ្នករួចពីស្លាប់ដែលរង់ចាំយុត្តិធម៌ ឥឡូវនេះគេទទួលបានយុត្តិធម៌ហើយ។ នេះជាជោគជ័យរបស់ជនរងគ្រោះ និងយុត្តិធម៌»។ អ្នករួចជីវិតពីគុកទួលស្លែងបានចូលរួមក្នុងការសម្រេចចុងក្រោយនេះ។ លោកប៊ូ ម៉េង និយាយថា៖ «ពេញចិត្ត១០០% និងបានផ្សព្វផ្សាយនូវតុលាការវិសាមញ្ញនេះទៅក្នុងពិភពលោកថា ជាតុលាការគម្រូមួយនៅក្នុងពិភពលោក»។ ដៃគូរបស់លោកគឺលោកជុំ ម៉ៃ អាយុ៨១ឆ្នាំ បន្ថែមថា៖ «វាត្រឹមត្រូវហើយដូចចៅក្រមសាលាកំពូលគាត់សម្រេចហ្នឹងគឺថា វាត្រឹមត្រូវ១០០% យុត្តិធម៌១០០%»។ គួរឲ្យស្តាយ លោក វ៉ាន់ ណាត អតីតអ្នករួចជីវិតពីគុកទួលស្លែង បានស្លាប់ មុនការសម្រេចចុងក្រោយកាត់ទោសអ្នកធ្វើទារុណកម្មលោកនេះ។ កញ្ញាសេង ធារី ប្រធានមជ្ឈមណ្ឌលអប់រំដើម្បីពលរដ្ឋខ្មែរ និយាយថា៖ «ខ្ញុំបានរំពឹងថា គាត់ត្រូវមានទោសមួយជីវិត ដូច្នេះមិនមែនជារឿងភ្ញាក់ផ្អើលទេ។ តែអ្វីដែលគួរឲ្យភ្ញាក់ផ្អើលនោះគឺតុលាការមិនបានពិចារណាពីកិច្ចសហការរបស់គាត់ ដែលគួរបន្ថយទោស និងការដែលតុលាការយោធាឃុំឃាំងគាត់ខុសច្បាប់ជាច្រើនឆ្នាំនោះ។ ខ្ញុំភ្ញាក់ផ្អើលដែលចៅក្រមមិនទទួលស្គាល់ការឃុំឃាំងគាត់ខុសច្បាប់ និងកិច្ចសហការរបស់គាត់»។ លោក Stephen J. Rappឯកអគ្គរដ្ឋទូតទូតគោចរណ៍ស.រ.អា.អំពីឧក្រិដ្ឋកម្មសង្គ្រាម និយាយថា សាលក្រមនេះជាជំហានដ៏ធំបញ្ចប់យុគ្គសម័យខ្មៅងងឹតនេះ។ «នេះជាថ្ងៃអស្ចារ្យដែលសំណុំរឿងទី១ ដ៏សំខាន់នេះបានបញ្ចប់។ នេះជាជំហានដ៏ធំទៅរកយុត្តិធម៌ និងការបង្រួបបង្រួមង្រួមជនជាតិខ្មែរ»។ ក្រៅពីឌុច នៅមាននួន ជា អតីតប្រធានសភាខ្មែរក្រហម ខៀវ សំផន អតីតប្រមុខរដ្ឋ ខ្មែរក្រហម និង អៀង សារី អតីតរដ្ឋមន្ត្រីការបរទេសខ្មែរ កំពុងជាប់នៅក្នុងការឃុំឃាំងសម្រាប់ការកាត់ទោសសំណុំរឿង០០២។ រីឯប៉ុល ពត មេដឹកនាំកំពូលរបស់ខ្មែរក្រហមបានស្លាប់ក្នុងឆ្នាំ១៩៩៨៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
