VOA News: ព័ត៌មាន: “ព័ត៌មានអន្តរជាតិវីអូអេ ៨ មករា យប់” plus 1 more |
| ព័ត៌មានអន្តរជាតិវីអូអេ ៨ មករា យប់ Posted: 08 Jan 2012 07:32 AM PST ស.រ.អ.៖ លោក ម៊ីត រ៉ូមនី (Mitt Romney) បេក្ខជនសង្ឃឹមថានឹងឡើងកាន់តំណែងជាប្រធានាធិបតី ស.រ.អ. បានស៊ូទ្រាំនឹងការទិតៀនពីបេក្ខជនដទៃទៀតនៃគណបក្សសាធារណរដ្ឋ ក្នុងពេលដែលមានការជជែកដេញដោលគ្នាផ្សព្វផ្សាយតាមទូរទស្សន៍ នៅក្នុងរដ្ឋ New Hampshire ប៉ុន្មានថ្ងៃបុណ្ណោះមុនការបោះឆ្នោតបឋមនៅក្នុងរដ្ឋភាគឦសានប្រទេសនោះ។ ស៊ីរី៖ ក្រុមរដ្ឋមន្ដ្រីក្រសួងការបរទេសនៃសម្ព័ន្ធអារ៉ាប់ នឹងជួបប្រជុំគ្នានៅថ្ងៃអាទិត្យនេះដើម្បីពិនិត្យមើលឡើងវិញនូវកិច្ចការបេសកម្មរបស់ក្រុមអ្នកសង្កេតការ នៅក្នុងប្រទេសស៊ីរី ដែលមិនអាចបញ្ចប់ការវាយបង្រ្កាបដ៏បង្ហូរឈាម អស់រយៈពេល ១០ខែ មកលើក្រុមបាតុករស៊ីវិលប្រឆាំងរដ្ឋាភិបាលស៊ីរី។ មិកស៊ីកូ៖ ប៉ូលិសប្រទេស មិកស៊ីកូ (Mexico) បានចាប់ខ្លួនអតីតកីឡាករបាល់ទាត់ អ្នកយាមហ្គោលតាមបទពាក់ព័ន្ធនឹងក្រុមអ្នកចាប់មនុស្សធ្វើចំណាប់ខ្មាំង។ អង់គ្លេស៖ នាយករដ្ឋមន្ដ្រីប្រទេសអង់គ្លេស បានចេញពាក្យសុំទោស ក្រោយពីលោកបានត្រូវទិតៀនធ្ងន់ធ្ងរពីអ្នកតាក់តែងច្បាប់ថ្នាក់ខ្ពស់ម្នាក់ លើរឿងដែលលោកបានប្រៀបធៀបមន្ដ្រីនោះទៅនឹងជម្ងឺអាក្រក់មូយហៅថាធួររ៉េត (Tourette)។ ហ្វីលីពីន៖ ប្រធានាធិបតីប្រទេស ហ្វីលីពីន បិននិហ៊្គូ អាឃ្វីណូ (Benigno Aquino) នៅថ្ងៃអាទិត្យនេះបានព្រមានថា អាជ្ញាធរបានរកឃើញផែនការរបស់ក្រុមភេរវជន ដែលចង់វាយប្រហារមកលើពិធីបុណ្យសាសនាដ៏ធំមូយនៅក្នុងរដ្ឋធានី ម៉ានីល។ អេស៉្បាញ៖ ក្រុមបាតុករច្រើនពាន់ម៉ឺននាក់បាននាំគ្នាដើរ នៅលើផ្លូវទាំងឡាយក្នុងតំបន់ខាងជើងប្រទេស អេស៉្បាញ ក្នុងទីក្រុង ប៊ៀលប៉ាវ (Bilbao) កាលពីថ្ងៃសៅរ៍ ដើម្បីទាមទារសិទ្ធិឲ្យអ្នកទោសជាប់គុកនៃក្រុមបះបោរ ETA រួចពីទោសនៅក្នុងតំបន់លំនៅដ្ឋានរបស់គេ។ បារ៉ែន៖ ក្រុមបាតុករនិយមលទ្ធិប្រជាធិបតេយ្យរាប់រយនាក់ដឹកនាំដោយក្រុមជំទាស់និកាយ ស៊ីអីត (Shi'ite) នៅក្នុងប្រទេស បារ៉ែន (Bahrain) បានមកជួបចប្រជុំគ្នា ក្នុងរដ្ឋធានី ម៉ាណាម៉ា (Manama) កាលពីថ្ងៃសៅរ៍ ទោះបីជាមានការហាមប្រាមពីរដ្ឋាភិបាលក៏ដោយ។ ជប៉ុន៖ ពិពណ៌តាំងវត្ថុសិល្បៈបូរាណមានតម្លៃឥតគណនាមកពីប្រទេសចិន បានប្រព្រិត្តធ្វើឡើងកាលពីថ្ងៃសុក្រ ក្នុងសារមន្ទីរជាតិនៃទីក្រុងតូក្យូ។ កេនយ៉ា៖ ប្រទេស កេនយ៉ា (Kenya) ថ្លែងកាលពីថ្ងៃសៅរ៍ថា ការទម្លាក់គ្រាប់បែកពីយន្ដហោះបានសម្លាប់មនុស្សយ៉ាងតិច ៦០ នាក់នៃកងជីវពលពាក់ព័ន្ធនឹងក្រុមភេរវកម្ម អាលកៃដា (al-Qaida) ក្នុងតំបន់ភាគខាងត្បូងប្រទេស សូមាលី (Somalia) ដែលនេះជាផ្នែកមូយនៃកិច្ចប្រឹងប្រែងដើម្បីបង្ខំក្រុមនោះឲ្យចេញពីដែនដី សូម៉ាលី។ This posting includes an audio/video/photo media file: Download Now |
| ព័ត៌មានអន្តរជាតិវីអូអេ ៨ មករា ព្រឹក Posted: 07 Jan 2012 09:23 PM PST សហរដ្ឋអាមេរិក៖ លោកអូបាម៉ាបានប្រកាសនៅក្នុងសុន្ទរកថាប្រចាំសប្តាហ៍របស់លោកថាលោកនឹងធ្វើជាម្ចាស់ផ្ទះរៀបចំវេទិកាមួយក្នុងសេតវិមាននៅថ្ងៃពុធដើម្បីជួបជាមួយពួកមេដឹកនាំជំនួញនិងសុំដល់ពួកមេដឹកនាំជំនួញឱ្យរក្សាទុកការងារនៅក្នុងប្រទេសជាជាងនាំការងារខាងឧស្សាហកម្មរបស់ពួកគេទៅកាន់ប្រទេសក្រៅ។ នីហ្សេរីយ៉ា៖ ការបាញ់គ្នាជាច្រើនកន្លែងរវាងពួកអ្នកវាយប្រហារដែលគេមិនស្គាល់អត្តសញ្ញាណនិងពួកប៉ូលីសកាលពីព្រឹកថ្ងៃសៅរ៍នៅផ្នែកឦសាននៃប្រទេស បានធ្វើឱ្យអ្នកស្រុកច្រើននាក់ក្នុងក្រុងផូធីសគុំរត់ចោលផ្ទះសំបែងពួកគេដើម្បីសុវត្ថិភាព។ អាហ្វហ្គានីស្ថាន៖ គណៈកម្មការមួយដែលបានត្រូវបង្កើតទ្បើងដោយលោកប្រធានាធិបតីហាមីត កាស្សាយ បានចោទប្រកាន់យ៉ាងខ្លាំងប្រឆាំងសហរដ្ឋអាមេរិកថាបានរំលោភនិងធ្វើទារុណកម្មលើជនជាតិអាហ្វហ្គានីស្ថានដែលជាប់ឃុំឃាំងក្នុងគុកមួយនៅជិតមូលដ្ឋានកងទ័ពអាកាស បាក្រាម នៅខាងជើងរដ្ឋធានីកាប៊ុល ដែលជាគុកមួយស្ថិតនៅក្រោមការចាត់ចែងកិច្ចការដោយសហរដ្ឋអាមេរិក។ សហរដ្ឋអាមេរិក៖ ពួកឥស្សរជនដែលសង្ឃឹមថានឹងទៅជាបេក្ខជនប្រធានាធិបតីខាងគណបក្សសាធារណរដ្ឋប្រឈមមុខគ្នាក្នុងការជជែកដេញដោលគ្នា២លើក អ៊ីរ៉ុង់៖ លោក រ៉ាមីន មេមែនផារ៉ាស់ អ្នកនាំពាក្យនៃក្រសួងការបរទេសអ៊ីរ៉ង់បានហៅការជួយសង្គ្រោះជនជាតិអ៊ីរ៉ង់១៣នាក់ដោយកងទ័ពជើងទឹកអាមេរិកនេះថាជាសកម្មភាព «មនុស្សធ៌ម» មួយនៅក្នុងអត្ថាធិប្បាយទៅកាន់វិទ្យុអាល អាឡាម របស់រដ្ឋនៃប្រទេសអ៊ីរ៉ង់។ តែទីភ្នាក់ងារព័ត៌មាន ហ្វារ ពាក់កណ្តាលផ្លូវការរបស់ប្រទេសអ៊ីរ៉ង់បានបដិសេធការជួយសង្គ្រោះនេះហើយថាវាជាការយកឧប្បត្តិហេតុជាអលជ្ជីមួយមកសម្រួលធ្វើជាវិនាដកម្មបែប «Hollywood»។ ស៊ីរី៖ រដ្ឋាភិបាលរបស់ប្រធានាធិបតី បាសារ អាល អាសាទ បាននិយាយថាការផ្ទុះធ្វើឱ្យខ្ទេចខ្ទីកាលពីថ្ងៃសុក្រដែលបានធ្វើឱ្យមនុស្សជាង៦០នាក់់ទៀតត្រូវរបួសជាការវាយប្រហារ«ភេរវកម្ម»មួយដោយក្រុមប្រឆាំងដែលបានធ្វើយុទ្ធនាការ១០ខែមកហើយឱ្យមានការដកប្រធានាធិបតីពីតំណែង។ អាហ្វហ្គានីស្ថាន៖ នាង សាហារ ហ្គូល នារីអាហ្វហ្គានីស្ថានអាយុ១៥ឆ្នាំម្នាក់ដែលរងទារុណកម្មក្នុងកណ្តាប់ដៃគ្រួសារប្តីនាង បានចោទប្រកាន់ពួកជនទាំងនេះថាបានដាក់ខ្សែភ្លើងឱ្យឆក់នាង ហើយបានវាយដំនាងជាមួយខ្សែភ្លើងផងដែរនិងទាមទារចង់ឱ្យអាជ្ញាធរដាក់គុកពួកជនទាំងនេះដោយសារឧក្រិដ្ឋកម្មពួកគេ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
