VOA News: ព័ត៌មាន: “គណបក្សប្រឆាំងប្តឹងមន្ត្រីគយរដ្ឋាករពីបទរំលោភច្បាប់បោះឆ្នោត” plus 1 more |
| គណបក្សប្រឆាំងប្តឹងមន្ត្រីគយរដ្ឋាករពីបទរំលោភច្បាប់បោះឆ្នោត Posted: 09 Jun 2012 05:48 AM PDT បន្ទាប់ពីការបោះឆ្នោតក្រុមប្រឹក្សាឃុំសង្កាត់ ដែលបានបិទបញ្ចប់កាលពីថ្ងៃអាទិត្យ ហើយលទ្ធផលក្រៅផ្លូវការបានបង្ហាញឲ្យឃើញថាគណបក្សគ្រប់គ្រងអំណាចរបស់លោកនាយករដ្ឋមន្ត្រីហ៊ុន សែន ដែលបានត្រួតត្រាប្រទេសអស់រយៈពេលជិត៣០ឆ្នាំ បានឈ្នះសំឡេងលើសលប់ពីគណបក្សចំនួន៩ផ្សេងទៀត។ គណបក្សនយោបាយដែលទទួលបានសំឡេងតិចតួចបានព្យាយាមដាក់ពាក្យបណ្តឹងជាបន្តបន្ទាប់អំពីភាពមិនប្រក្រតីនៃការបោះឆ្នោតនេះទៅគណៈកម្មាធិការរៀបចំការបោះឆ្នោតឃុំ ខេត្ត និងរហូតដល់គណៈកម្មាធិការជាតិរៀបចំការបោះឆ្នោត។ នៅមុនការបោះឆ្នោតគណៈកម្មាធិការជាតិរៀបចំការបោះឆ្នោតបានទទួលពាក្យបណ្តឹងតែពីរប៉ុណ្ណោះ ហើយនៅក្នុងអំឡុងពេលបោះឆ្នោតទទួលបានចំនួន១១៧ បណ្តឹង នឹងមានជាបន្តបន្ទាប់ទៀតរហូតមកដល់ថ្ងៃសុក្រនេះ មានចំនួន ៤០បណ្តឹងផ្សេងទៀត។ លោកទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោតបានមានប្រសាសន៍នៅថ្ងៃសុក្រនេះថា គជប កំពុងតែរៀបចំដោះស្រាយពាក្យបណ្តឹងទាំងនោះហើយ។ ក៏ប៉ុន្តែក្នុងចំណោមពាក្យបណ្តឹងទាំងនោះ ពុំមានពាក្យបណ្តឹងណាមួយដែលទាមទារឲ្យមានការបោះឆ្នោតឡើងវិញទេ។ «បណ្តឹងដែលពាក់ព័ន្ធនឹងការបោះឆ្នោត និងរៀបសន្លឹកឆ្នោតក្នុងការិយាល័យតែម្តងមានតិចណាស់ ហើយបណ្តឹងដែរសុំរាប់ឡើងវិញនោះក៏មានតិចដែរ»។ បណ្តឹងដែលបានប្តឹងពីគណបក្សនយោបាយភាគច្រើនបានប្តឹងអំពីភាពមិនប្រក្រតីនៅកន្លែងបោះឆ្នោត។ ក៏ប៉ុន្តែនៅក្នុងពាក្យបណ្តឹងទាំងនោះមានបណ្តឹងមួយ ដែលមានសកម្មភាពលេចធ្លោជាងគេនៅគណៈកម្មាធិការជាតិរៀបចំការបោះឆ្នោត គឺបណ្តឹងរបស់អ្នកតំណាងរាស្ត្ររបស់គណបក្សសម រង្ស៊ី។ លោកជា ប៉ូច អ្នកតំណាងរាស្ត្រគណបក្សសម រង្ស៊ី បានប្តឹងលោកប៉ែន ស៊ីម៉ន ប្រតិភូរដ្ឋាភិបាលទទួលបន្ទុកគយ និងរដ្ឋាករ ពីបទប្រើប្រាស់តួនាទីរបស់លោកជាមន្ត្រីរាជការទៅឃោសនារកសំឡេងឆ្នោតឲ្យគណបក្សប្រជាជនកម្ពុជា។ លោកជា ប៉ូច បាននិយាយនៅក្នុងពាក្យបណ្តឹងរបស់លោកថាកាលពីខែឧសភាកន្លងទៅនេះលោកប៉ែន ស៊ីម៉ន បានចូលរួមទៅកាត់ឫសស៊ីម៉ានៅវត្តទេពវិមាន ដែលមានទីតាំងនៅភូមិកាន់ទ្រង់ ស្រុកអង្គរជ័យ ខេត្តកំពត ដែលខុសនឹងច្បាប់របស់មន្ត្រីរាជការ។ លោកជា ប៉ូច បានមានប្រសាសន៍ថាលោកចង់ឲ្យលោកប៉ែន ស៊ីម៉ន ទទួលទោសតាមច្បាប់ពីគណៈកម្មាធិការជាតិរៀបចំការបោះឆ្នោត។ «សុំឲ្យមន្ត្រីរាជការទាំងអស់ បើចង់ចូលគណបក្សនយោបាយណា ជាសិទ្ធិសេរីភាពរបស់លោកហ្នឹង។ ប៉ុន្តែកុំឲ្យយកតួនាទី យកសម្ភារៈ ឬយកមុខងាររបស់ខ្លួនទៅបម្រើខុសថ្ងៃធ្វើការ។ ដូចថាថ្ងៃសៅរ៍ ថ្ងៃអាទិត្យអីបាន។ ប៉ុន្តែថ្ងៃចន្ទ រហូតដល់ថ្ងៃសុក្រមិនអាចទេ»។ លោកទេព នីថា អគ្គលេខាធិការជាតិនៃគណៈកម្មាធិការជាតិរៀបចំការបោះឆ្នោតបានមានប្រសាសន៍ថា លោកបានទទួលពាក្យបណ្តឹងរួចហើយ។ ហើយលោកកំពុងតែពិនិត្យពាក្យបណ្តឹងទាំងនេះ។ «ចំពោះបណ្តឹងបន្តមួយមកពីថ្នាក់ខេត្ត ប្តឹងពីឯកឧត្តមប៉ែន ស៊ីម៉ន គជប កំពុងតែពិនិត្យ ពីព្រោះថាបណ្តឹងទើបតែដាក់កាលពីព្រឹកមិញ ហើយយើងផ្នែកជំនាញកំពុងតែពិនិត្យ ដើម្បីស្រាវជ្រាវ នឹងលើកជាសំណើរទៅ គជបដើម្បីធ្វើការសម្រេច»។ លោកប៉ែន ស៊ីម៉ន ប្រតិភូររដ្ឋាភិបាលទទួលបន្ទុកគយ និងរដ្ឋាករ មិនអាចស្នើសុំដើម្បីទំនាក់ទំនងបានទេ។ ក៏ប៉ុន្តែបើតាមមន្ត្រីគយមួយរូប ដែលស្នើសុំមិនបញ្ចេញឈ្មោះបាននិយាយឲ្យដឹងថាលោកប៉ែន ស៊ីម៉ន បានសុំច្បាប់ឈប់សម្រាកត្រឹមត្រូវនៅថ្ងៃកាត់ឫសស៊ីម៉ានោះ។ បណ្តឹងរបស់លោកជា ប៉ូច ដែលបានប្តឹងជំទាស់លោកប៉ែន ស៊ីម៉ន ត្រូវបានមន្ត្រីគណៈកម្មាធិការរៀបចំការបោះឆ្នោតឃុំ និងខេត្ត មិនហ៊ានដោះស្រាយទេ ទើបបានជាបញ្ជូនបណ្តឹងនេះមកគណៈកម្មាធិការជាតិរៀបចំការបោះឆ្នោត។ This posting includes an audio/video/photo media file: Download Now |
| លោកហ៊ុន សែនបិទផ្លូវចរចាផ្ទាល់ក្នុងការឱ្យលោកសម រង្ស៊ីបានចូលស្រុកវិញ Posted: 08 Jun 2012 11:27 PM PDT ច្រកផ្លូវតែមួយគត់ដូចជាពេលមុនៗដែរសម្រាប់អ្នកនយោបាយកម្ពុជាដែលមានកំហុសដោយ អយុត្តិធម៌ឬយុត្តិធម៌ក្តីគឺគេរំពឹងថាត្រូវសុំទោស ឬសម្របសម្រួលផ្នែកនយោបាយជាមួយ លោកនាយករដ្ឋមន្តី ហ៊ុនសែនដ៏មានអំណាចដើម្បីអាចចូលមកប្រទេសកម្ពុជាវិញបាន។ តែផ្ទុយទៅវិញ ថ្លែងប្រាប់ វីអូអេកាលពីដើមសប្តាហ៍នេះលោក សម រង្ស៉ីដែលកំពុងជាប់ពិរុទ្ធហើយនិរទេសខ្លួននៅក្រៅប្រទេសរឿងព្រំដែន បានអះអាងថាលោកត្រូវទៅនិយាយជាមួយវៀតណាមជាចៅហ្វាយមេដឹកនាំ កម្ពុជាបច្ចុប្បន្នឬបរទេសដែល មានឥទ្ធិពលលើ វៀតណាមដើម្បីគាបសង្កត់រដ្ឋាភិបាលលោកហ៊ុន សែនឲ្យបញ្ឈប់ការយាយីប្រើប្រាស់តុលាការ ចាត់ការក្រុមអ្នកនយោបាយជំទាស់ ជាពិសេសលោកសម រង្ស៉ីខ្លួន លោក។ ក៏ប៉ុន្តែប្រតិកម្មទៅនឹងអត្ថាធិប្បាយរបស់លោក សម រង្ស៉ីជាសាធារណៈកាលពីថ្ងៃព្រហស្បតិ៍ តាមរយៈការផ្សាយរបស់ទូរទស្សន៍ជាតិកម្ពុជា លោកនាយករដ្ឋមន្ត្រីហ៊ុន សែនបានព្រមានទាំងកំហឹងថាការមកនិយាយជាមួយលោករឿងការវិលត្រឡប់មកវិញរបស់អ្នកទោសម្នាក់ ដែលគេដឹងថាសំដៅទៅលើ លោក សម រង្ស៉ីនោះ មិនអាចធ្វើទៅបានទៀតទេ។ លោកហ៊ុន សែនបានបញ្ជាក់ថា៖ «អញ្ចឹងទេសូមលោក កត់ត្រាសំដីខ្លួនឯងទុក។ខ្ញុំអរគុណ។ព្រោះខ្ញុំមិនចង់ឲ្យអ្នកទោសម្នាក់មករំខាន ខ្ញុំទេ។ កត់ត្រាទុកណា ។ ថ្ងៃក្រោយតិចតែសរសេសំបុត្រ ហើយឲ្យមាន ភ្នាក់ងារអីមកចរចាសម្រុះសម្រួលជាមួយខ្ញុំ។អត់ទេ ព្រោះខ្ញុំអាយ៉ងគ្មានសិទ្ធិ។ ខ្ញុំសុំឆ្លើយប៉ុណ្ណឹង។ ខ្ញុំអាយ៉ងអត់មានសិទ្ធិទេ»។ លោកហ៊ុន សែនបានបញ្ជាក់ថាក្រៅពីប្រជាពលរដ្ឋខ្មែរ គឺអន្តរជាតិ បរទេសណាក៏ដោយគ្មានសិទ្ធិ ត្រួតត្រាលោកបានទេ។ «ក៏ប៉ុន្តែលើលោកីយនេះអ្នកដែលមានសិទ្ធត្រួតត្រាហ៊ុន សែនបានគឺមានតែប្រជាជនខ្មែរតែ ប៉ុណ្ណោះ។ សំឡេងភាគច្រើននៃប្រជាជនខ្មែរទើបមានសិទ្ធិត្រួតត្រាហ៊ុន សែន។ ព្រោះបើ ប្រជាជនបោះឆ្នោតទម្លាក់គណបក្សប្រជាជនទម្លាក់ហ៊ុន សែនហើយ ខ្ញុំត្រូវតែគោរព។ អញ្ចឹងមានន័យថាអ្នក ដែលខ្ញុំត្រូវគោរពហើយកោតខ្លាចបំផុតគឺប្រជាជន»។ ថ្លែងប្រាប់ពលរដ្ឋក្នុងខេត្តបន្ទាយមានជ័យហើយត្រូវទូរទស្សន៍ជាតិកម្ពុជាយកមកចាក់ផ្សាយទាំង ស្រុងគឺពេលលោកចុះបើកការដ្ឋានស្ថាបនាផ្លូវជាតិលេខ៥៦នោះ លោក ហ៊ុន សែន ប្រៀបធៀបអត្ថាធិប្បាយ របស់លោក សម រង្ស៉ីទៅនឹងអត្ថាធិប្បាយលោក ខៀវ សំផនអតីតប្រមុខរដ្ឋខ្មែរក្រហម ដែលមិនឲ្យ តម្លៃរដ្ឋាភិបាលលោកនិងរិះគន់ដូចគ្នានឹងលោកសម រង្សីដែរពេលលោកហៀបចរចា ជាមួយសម្តេចឪព្រះនរោត្តមសីហនុដើម្បីបញ្ចប់សង្រ្គាមរវាងខ្មែរនិងខ្មែរក្នុងទសវត្សរ៍១៩៨០។ រដ្ឋាភិបាលកម្ពុជាដែលដឹកនាំដោយលោកនាយករដ្ឋមន្ត្រីហ៊ុន សែនហើយកាន់អំណាចជាង៣០ឆ្នាំ មកនេះត្រូវក្រុមជំទាស់និងអ្នកវិភាគបានចាត់ទុកថា លើកបន្តុបឬបង្កើត ដោយប្រទេសវៀតណាម ដែលធ្លាប់ឈ្លានពានទឹកដីកម្ពុជាដើម្បីបណ្តេញកងទ័ពខ្មែរក្រហមកាលពីឆ្នាំ១៩៧៩។ ហើយនេះជាអត្ថាធិប្បាយរបស់លោកសម រង្ស៉ីដែលធ្វើឲ្យលោក ហ៊ុន សែនប្រតិកម្ម៖ «ខ្ញុំមិនចាំបាច់និយាយជាមួយខ្ញុំគេទេ។ ខ្ញុំមិនចាំបាច់និយាយជាមួយខ្ញុំបម្រើគេទេ។ ខ្ញុំត្រូវនិយាយជា មួយចៅហ្វាយ។ ចៅហ្វាយហ្នឹងគឺប្រទេសវៀតណាម។ អ្នកដឹកនាំប្រទេសកម្ពុជាសព្វថ្ងៃគឺ ធ្វើតាម បញ្ជាប្រទេសវៀតណាម។ដូច្នេះខ្ញុំនិយាយជាមួយប្រទេសណាដែលគេមានឥទ្ធិពលលើប្រទេស វៀតណាមឲ្យគេគាបសង្កត់ប្រទេសវៀតណាមឲ្យគេទៅនិយាយជំរុញឲ្យចៅហ្វាយយួន ដើម្បីឲ្យប្រទេសវៀតណាមហ្នឹងបញ្ជាមកគណបក្សប្រជាជនដើម្បីកុំឲ្យរករឿងគណបក្សសម រង្ស៉ី ជាពិសេសកុំឲ្យរករឿងខ្ញុំសម រង្ស៉ីទៀតបើចង់ឲ្យការបោះឆ្នោតខាងមុខត្រូវគេទទួលស្គាល់»។ មេដឹកនាំគណបក្សជំទាស់លោក សម រង្ស៉ីត្រូវតុលាការកម្ពុជាបានផ្តន្ទាទោសឲ្យជាប់គុកជាង១០ឆ្នាំ ពីបទដកតម្រុយបង្គោលព្រំដែនកម្ពុជាវៀតណាមនៅខេត្តស្វាយរៀងកាលពីឆ្នាំ២០០៩ដើម្បីជួយ អន្តរាគមន៍ដល់ពលរដ្ឋដែលមកប្តឹងលោកជាអ្នកតំណាងរាស្ត្រ។ លោក សម រង្ស៉ី អះអាងថាសម្ពាធ បរទេសទាំងនោះលោក រំពឹងថាឲ្យលោក វិលមកកម្ពុជា កន្លះឆ្នាំ មុនការបោះឆ្នោតជាតិ។ លោក ព្រមានថាការរារាំងរូបលោកមិនឲ្យចូលមកកម្ពុជា នឹងធ្វើឲ្យបាត់ភាពស្របច្បាប់ហើយ ប្រជាពលរដ្ឋ នឹងងើបបះបោរប្រឆាំងរដ្ឋាភិបាលមិនស្របច្បាប់។ លោក សម រង្ស៉ីពុំបានបញ្ជាក់ពី ប្រទេសណាមួយ ជួយអន្តរាគមន៍ទៅវៀតណាមទេ តែថ្មីៗលោកធ្លាប់ធ្វើដំណើរទៅសរអា ដើម្បី ស្វែងរកការគាំទ្រនយោបាយ និងចេញសេចក្តីថ្លែងការណ៍ដែលគួរឲ្យចិនរីករាយចំពោះជម្លោះសមុទ្រ ខាងត្បូងប្រទេសចិន៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
