VOA News: ព័ត៌មាន: “អ្នកវិភាគ៖ អាស៊ានជាប់គាំងក្នុងរឿងដំណោះស្រាយសមុទ្រចិនខាងត្បូង” plus 3 more |
- អ្នកវិភាគ៖ អាស៊ានជាប់គាំងក្នុងរឿងដំណោះស្រាយសមុទ្រចិនខាងត្បូង
- រូបិយប័ណ្ណក៉្យាតរបស់ភូមាដាក់ដេញថ្លៃនឹងប្រាក់អន្តរជាតិ
- អាស៊ាន៖ សហគមន៍អន្ដរជាតិត្រូវដកទណ្ឌកម្មសេដ្ឋកិច្ចពីភូមា
- ជម្លោះដែនសមុទ្រខាងត្បូងប្រទេសចិនជារបៀបវារៈសំខាន់ក្នុងជំនួបកំពូលអាស៊ាន
| អ្នកវិភាគ៖ អាស៊ានជាប់គាំងក្នុងរឿងដំណោះស្រាយសមុទ្រចិនខាងត្បូង Posted: 04 Apr 2012 09:59 AM PDT ទីភ្នាក់ងារសារព័ត៌មានបារាំង AFP សរសេរនៅថ្ងៃនេះថា សមាគមអាស៊ានបានត្រូវគាំងដំណើរដោយសារតែការខ្វែងគំនិតគ្នា ថាតើត្រូវដោះស្រាយយ៉ាងដូចម្ដេចជាមួយប្រទេសមហាអំណាចចិន ដែលទាមទារយកកោះយុទ្ធសាស្រ្ដនៅក្នុងសមុទ្រចិនខាងត្បូង។ នេះ បើតាមអ្នកវិភាគនយោបាយ។ ការខ្វះការសម្របសម្រួលគ្នារវាងសមាជិកប្រទេស១០នៃសមាគមអំពីរបៀបនៃដំណើរការដើម្បីចរចាជាមួយចិនអំពីក្រមសីលធម៌នៅលើសមុទ្រ ជាចំណុចដ៏លំបាករបស់សន្និសីទកំពូលពីរថ្ងៃនៅក្នុងរាជធានីភ្នំពេញក្នុងសប្ដាហ៍នេះ។ រដ្ឋមន្ដ្រីការបរទេសហ្វីលីពីន លោក Albert Del Rosario ថ្លែងថា មាន«ការខ្វែងគំនិតគ្នាដ៏ធំធេង» កាលពីថ្ងៃអង្គារអំពីរឿងនេះ ខណៈដែលនាយករដ្ឋមន្ដ្រីខ្មែរ លោកហ៊ុន សែន បានវាយតម្លៃទាបដោយមិនសប្បាយចិត្ត នូវសេចក្ដីរាយការណ៍របស់បណ្ដាញព័ត៌មាន អំពីការខ្វែងគំនិតគ្នានោះ។ នៅទីបញ្ចប់មេដឹកនាំអាស៊ានបានចេញសេចក្ដីថ្លែងការណ៍នៅថ្ងៃពុធ បង្ហាញសាមគ្គីភាព តែស្រទាប់លើ និងសន្យាថា នឹងបង្កើនកិច្ចប្រឹងប្រែងឆ្ពោះទៅរកការអនុវត្ដ កិច្ចព្រមព្រៀង ដើម្បីលើកស្ទួយសន្ដិភាព ដែលបានត្រូវចុះហត្ថលេខាកាលពី១០ឆ្នាំមុន។ <!--IMAGE-RIGHT--> លោក ហោ ណាំហុងនឹងធ្វើដំណើរទៅកូរ៉េខាងជើង សេចក្ដីរាយការណ៍របស់ទីភ្នាក់ងារសារព័ត៌មានបារាំង អាអេហ្វប៉េ និយាយថា រដ្ឋមន្ដ្រីការបរទេសខ្មែរ លោក ហោ ណាំហុង នឹងទៅទស្សនាប្រទេសកូរ៉េខាងជើង ក្នុងឆ្នាំនេះ ដែលជាផ្នែកមួយនៃកិច្ចប្រឹងប្រែងរបស់ប្រទេសសមាគមអាស៊ាន ដើម្បីកាត់បន្ថយភាពតានតឹងនៅលើឧបទ្វីបកូរ៉េ។ អគ្គលេខាធិការរបស់អង្គការអាស៊ាន លោក សុរិន្ទ ពិតសុវណ្ណ ថ្លែងថា លោក ហោណាំហុង នឹងធ្វើដំណើរមុនកិច្ចប្រជុំវេទិកាសន្ដិសុខអាស៊ីមួយ ដែលនឹងប្រព្រឹត្ដធ្វើនៅខែកក្កដា និងរៀបចំដោយសមាគមប្រទេសអាស៊ាន ។ ប្រទេសកម្ពុជាដែលមានវេនជាប្រធានរបស់សមាគមអាស៊ានមានការជិតស្និតជាមួយកូរ៉េខាងជើង។ លោក សុរិន្ទ ថ្លែងដូច្នេះប្រាប់ក្រុមអ្នកកាសែតនៅក្នុងរាជធានីភ្នំពេញនៅពេលបញ្ចប់កិច្ចប្រជុំកំពូលប្រចាំឆ្នាំរបស់សមាគមអាស៊ាន។ តាមប្រសាសន៍របស់លោក សុរិន្ទថា «ខ្ញុំសង្ឃឹមថា កម្ពុជានឹងដើរតួនាទីតែមួយគត់ម្ដងទៀត ហើយខ្ញុំយល់ថាលោករដ្ឋមន្ដ្រីការបរទេសខ្មែរ បានប្រុងប្រៀបខ្លួនស្រាច់ហើយ ដើម្បីធ្វើទស្សនកិច្ចនៅពេលមុនកិច្ចប្រជុំថ្នាក់រដ្ឋមន្ដ្រីរបស់វេទិកាតំបន់អាស៊ានក្នុងខែកក្កដា។ ព័ត៌មានអន្តរជាតិសំខាន់ៗផ្សេងៗទៀត៖ <!--IMAGE-LEFT--> សហរដ្ឋអាមេរិក៖ បេក្ខជនប្រធានាធិបតីនៃគណបក្សសាធារណរដ្ឋ លោក មិត រ៉មនី (Mitt Romney) មានសន្ទុះកាន់តែខិតជិតទៅមកដល់ការតែងតាំងលោកជាបេក្ខជនប្រធានាធិបតីរបស់គណបក្ស ដែលលោកនឹងប្រយុទ្ធតទល់នឹងប្រធានាធិបតី បារ៉ាក់ អូបាម៉ា។ ព័ត៌មានចុងក្រោយពីការដំណើរការបោះឆ្នោតនៅអាមេរិក៖ <!--AV--> ឥណ្ឌូនេស៊ី៖ មណ្ឌលមួយនៅក្នុងប្រទេសឥណ្ឌូនេស៊ីបានផ្ដល់ជាប្រាក់សុទ្ធឲ្យប្រជាពលរដ្ឋណាដែលស្ម័គ្រចិត្ដឲ្យពេទ្យកាត់បំពុងទឹកកាមចេញ។ តែគំនិតនោះបានធ្វើឲ្យស្រ្ដីជាភរិយាមានការភ័យខ្លាចថា ប្ដីរបស់នាងនឹងអាចមានសហាយស្មន់។ អាស៊ាន៖ មេដឹកនាំសមាគមអាស៊ានបានអំពាវនាវតាមផ្លូវការ ដើម្បីឲ្យបស្ចិមប្រទេស ដកចេញនូវការដាក់ទណ្ឌកម្មសេដ្ឋកិច្ចលើប្រទេសភូមា។ សេចក្ដីអំពាវនាវដូច្នោះ ធ្វើឡើងនៅពេលបញ្ចប់សន្និសីទកំពូលពីរថ្ងៃដោយបានចេញសេចក្ដីថ្លែងការណ៍នៅថ្ងៃពុធ។ អូស្ត្រាលី៖ កងទ័ពម៉ារីនអាមេរិកាំងជំនាន់ទី១ បានមកដល់តំបន់ភាគខាងជើងប្រទេស អូស្រាលី ដោយកត់សម្គាល់ការចាប់ផ្ដើមនៃវត្ដមានធំធេងរបស់កងយោធាស.រ.អ.នៅលើតំបន់អាស៊ីប៉ាស៊ីហ្វិក។ អាហ្វហ្គានីស្ថាន៖ មន្ដ្រីនៃតំបន់ភាគខាងជើងប្រទេសអាហ្វហ្គានិស្ថាននិយាយថា អត្ដឃាតជនម្នាក់បានបំផ្ទុះគ្រាប់បែក ហើយបានសម្លាប់មនុស្សយ៉ាងតិច៥នាក់និង ធ្វើឲ្យរបួស២៦នាក់។ កូរ៉េខាងជើង៖ អង្គការស្រាវជ្រាវមួយនៅក្នុងទីក្រុងសេអ៊ូល និយាយថា មានសេចក្ដីសង្ឃឹមថានឹងមានការយកចិត្ដទុកដាក់ប្រសើរដល់អ្នករត់ចោលប្រទេសកូរ៉េខាងជើងនៅក្នុងប្រទេសចិន ក្រោយពីឃើញមានសញ្ញាដែលចិននឹងបញ្ជូនជនភៀសខ្លួនទាំងនោះទៅឲ្យកូរ៉េខាងជើងវិញ។ ស៊ីរី៖ កងកម្លាំងស៊ីរីបានបើកការវាយប្រហារថ្មីថ្មោង ប៉ុន្មានម៉ោងបុណ្ណោះ ក្រោយពីរដ្ឋាភិបាលស៊ីរីនិយាយថាខ្លួនបានចាប់ផ្ដើមដកកងទ័ពចេញពីទីក្រុងខ្លះដើម្បីអនុវត្ដតាមផែនការអន្ដរជាតិឈប់បាញ់គ្នា។ ហិរញ្ញវត្ថុពិភពលោក៖ នាយករបស់អង្គការមូលនិធិរូបិយវត្ថុអន្ដរជាតិ IMF ព្រមានដល់មេដឹកនាំប្រទេសក្នុងពិភពលោកអំពីការយល់ខុសអំពីសុវត្ថិភាពខណៈដែលសេដ្ឋកិច្ចសាកលកំពុងងើបខ្លួនចេញពីរដូវត្រជាក់ធ្ងន់ធ្ងរមិនធ្លាប់មានជាយូរមកហើយ។ ម៉ាឡេស៊ី៖ សកម្មជននៅក្នុងប្រទេសម៉ាឡេស៊ីបានអំពាវនាវឲ្យធ្វើបាតុកម្មធំធេងនៅចុងខែនេះ ដើម្បីទាមទារឲ្យមានការកែទម្រង់ក្នុងប្រព័ន្ធបោះឆ្នោត មុនការបោះឆ្នោតជាតិកំណត់ធ្វើនៅឆ្នាំក្រោយ។ This posting includes an audio/video/photo media file: Download Now |
| រូបិយប័ណ្ណក៉្យាតរបស់ភូមាដាក់ដេញថ្លៃនឹងប្រាក់អន្តរជាតិ Posted: 04 Apr 2012 03:10 AM PDT ភូមាបានធ្វើការដេញថ្លៃប្តូរប្រាក់បរទេសជាលើកដំបូងតាមរយៈប្រព័ន្ធថ្មីមួយដែលកំណត់តម្លៃប្រាក់ ក្យ៉ាត Kyat ដោយសេរីពីអត្រាប្តូរប្រាក់កំណត់ជាក់លាក់កាលពីពេលមុន។ កាលពីថ្ងៃអង្គារកាសែតពន្លឺថ្មី ដែលជាកាសែតរដ្ឋ បានប្រកាសអំពីអត្រាអណ្តែតក្នុងកម្រិតរបស់ប្រាក់ក្យ៉ាត ដោយបោះបង់ចោលអត្រាកំណត់៨,៥ ក្យ៉ាត ស្មើនឹង១ដុល្លារ។ កាលពីថ្ងៃអង្គារ ទីផ្សារបានកំណត់អត្រា៨១៨ kyat ស្មើនឹងមួយដុល្លារ។ សេចក្តីរាយការណ៍និយាយថាពេលនេះអត្រាប្តូរប្រាក់ត្រូវកំណត់ដោយការដេញថ្លៃប្រចាំថ្ងៃ ហើយចែងថាធនាគារកណ្តាលរក្សាសិទ្ធិក្នុងការធ្វើអន្តរាគមន៍ម្តងម្កាលដើម្បីបញ្ចៀសកុំឱ្យមានប្រែប្រួលតម្លៃរូបិយប័ណ្ណខ្លាំងពេក។ <!--IMAGE-RIGHT--> ហុងកុង៖ មហាសេដ្ឋីពីរនាក់ដែលមានធនធានច្រើនជាងគេបំផុតក្នុងទ្វីបអាស៊ីបាននិយាយថាពួកគេគ្មានទោសពៃរ៍អ្វីទេក្នុងការសង្ស័យថាសូកប៉ាន់ នៅក្រោយការចាប់ខ្លួនពួកគេកាលពីសប្តាហ៍មុនក្នុងក្រុងហុងកុង ជាផ្នែកមួយនៃការស៊ើបអង្កេតអំពីការស៊ីសំណូកធំបំផុតក្នុងក្រុងនេះក្នុងរយៈពេលច្រើនទសវត្សរ៍មកហើយ។ ស៊ីរី៖ ក្រុមការងារពិសេសរបស់អង្គការសហប្រជាជាតិកំណត់នឹងធ្វើដំណើរទៅដល់ ស៊ីរីក្នុងរយៈពេល៤៨ម៉ោងទៀតដើម្បីពិភាក្សាអំពីការដាក់ពង្រាយក្រុមអ្នកថែរក្សាសន្តិភាព នៅក្នុងកិច្ចប្រឹងប្រែងដើម្បីបញ្ឈប់អំពើហិង្សាដោយសារការបង្ក្រាបរបស់រដ្ឋាភិបាលមួយឆ្នាំមកនេះទប់ទល់នឹងក្រុមប្រឆាំង។ ម៉ាលី៖ សហភាពអាហ្វ្រិកបានដាក់កំហិតការដាក់ទណ្ឌកម្មប្រឆាំងនឹងមេដឹកនាំរដ្ឋប្រហារយោធានៅម៉ាលីនិងពួកសម្ព័ន្ធមិត្តដែលសហភាពនេះនិយាយថាការណ៍នេះបានជួយរារាំងមិនឱ្យមានការវិលត្រទ្បប់ទៅកាន់របៀបរយរដ្ឋធម្មនុញ្ញវិញ។ សហរដ្ឋអាមេរិក៖ គេរំពឹងថាលោកមិត រ៉មនី បេក្ខជនប្រធានាធិបតីអាមេរិកខាងគណបក្សសាធារណរដ្ឋជិតបានទទួលការតែងតាំងពីគណបក្សលោក ហើយនៅពេលដែលរដ្ឋពីរនិងរដ្ឋធានីរបស់ប្រទេសជាតិបោះឆ្នោតនៅក្នុងការប្រកួតប្រជែងដំបូងកាលពីថ្ងៃអង្គារ។ សហរដ្ឋអាមេរិក៖ បានស្នើផ្តល់រង្វាន់រហូតដល់១០លានដុល្លារឱ្យដល់ជនទាំងទ្បាយណាដែលផ្តល់ព័ត៌មានសម្រាប់់ការចាប់ខ្លួនបុរសប៉ាគីស្ថានម្នាក់ដែលបានត្រូវចោទប្រកាន់ថាជាមេគំនិតក្នុងការវាយប្រហារភេរវកម្មដ៏ប្រល័យកាលពីឆ្នាំ២០០៨ក្នុងក្រុង មុំបៃ។ សហរដ្ឋអាមេរិក៖ ប៉ូលីសអូកឡែន រដ្ឋកាលីហ្វរញ៉ា ថាអតីតនិស្សិតម្នាក់ដែលបានសម្លាប់មនុស្ស៧នាក់កាលពីថ្ងៃច័ន្ទ នៅក្នុងមហាវិទ្យាល័យមួយដែលមាននិស្សិតភាគច្រើនជាពលរដ្ឋអាមេរិកាំងដើមកំណើតកូរ៉េ បានខឹងសំបារនឹងពួកគណៈគ្រប់គ្រងមហាវិទ្យាល័យនេះដែលបានបណ្តេញខ្លួនចេញកាលពីពេលមុននេះក្នុងឆ្នាំនេះ។ This posting includes an audio/video/photo media file: Download Now |
| អាស៊ាន៖ សហគមន៍អន្ដរជាតិត្រូវដកទណ្ឌកម្មសេដ្ឋកិច្ចពីភូមា Posted: 03 Apr 2012 08:38 PM PDT ប្រមុខដឹកនាំនៃបណ្ដាប្រទេសជាសមាជិកសមាគមអាស៊ានទាំងដប់បានអំពាវនាវនៅថ្ងៃអង្គារនេះឲ្យសហរដ្ឋអាមេរិក និងសហភាពអឺរ៉ុបដកទណ្ឌកម្មសេដ្ឋកិច្ចចេញពីប្រទេសភូមា។ នេះបើយោងទៅតាមក្រុមមន្ដ្រី ដែលបានចូលរួមនៅក្នុងកិច្ចប្រជុំកំពូលអាស៊ាននៅថ្ងៃនេះ។ កិច្ចប្រជុំកំពូល ដែលនឹងដំណើរការពីថ្ងៃនេះនឹងបិទបញ្ចប់នៅថ្ងៃពុធស្អែក ដោយមានការចូលរួមពីនាយករដ្ឋមន្ដ្រី និង ប្រធានាធិបតីនៃបណ្តាប្រទេសដែលជាសមាជិកអាស៊ានទាំងដប់។ សហរដ្ឋអាមេរិក បានដាក់ទណ្ឌកម្មផ្នែកហិរញ្ញវត្ថុលើប្រទេសភូមា។ រីឯសហភាពអឺរ៉ុបបានដាក់ទណ្ឌកម្មលើប្រទេសអំណាចយោធាមួយនេះ ខាងផ្នែកហិរញ្ញវត្ថុ និងផ្នែកសេដ្ឋកិច្ច។ <!--AV--> <!--AV--> លោកកៅ គឹមហួន រដ្ឋលេខាធិការក្រសួងការបរទេសកម្ពុជា និងជាអ្នកនាំពាក្យនៅក្នុងកិច្ចប្រជុំកំពូលអាស៊ាន បានប្រាប់ក្រុមអ្នកយកព័ត៌មានថា មេដឹកនាំកំពូលប្រទេសអាស៊ានបានព្រមព្រៀងគ្នានៅក្នុងកិច្ចប្រជុំឲ្យមានការលើកលែងទណ្ឌកម្មសេដ្ឋកិច្ចដល់ប្រទេសដ៏ក្រីក្រមួយនេះ។ «ប្រមុខរដ្ឋាភិបាលអាស៊ានក៏បានស្នើសុំឲ្យលើកទណ្ឌកម្មទាំងឡាយ ដែលកន្លងមកដាក់ចំពោះប្រទេសមីយ៉ាន់ម៉ានេះ ព្រោះការលើកទណ្ឌកម្មនេះអាចវិជ្ជមានល្អ សម្រាប់ដំណើរការនៃការធ្វើប្រជាធិបតេយ្យ ជាពិសេសទៀតគឺការអភិវឌ្ឍសេដ្ឋកិច្ចប្រទេសមីយ៉ាន់ម៉ាហ្នឹង»។ ជាមួយគ្នានេះ លោកMarty Natalegawa រដ្ឋមន្ដ្រីការបរទេសប្រទេសឥណ្ឌូណេស៊ី ក៏បានបញ្ជាក់ដូចគ្នានេះដែរ។ លោក Marty មានប្រសាសន៍ក្រោយពីកិច្ចប្រជុំកំពូលអាស៊ាននៅថ្ងៃនេះថា វាដល់ពេលវេលា ដែលសហគមន៍អន្ដរជាតិ ត្រូវដកទណ្ឌកម្មពីប្រទេសភូមាហើយ។ ជាពិសេសលោក Marty Natalegawa បានសង្កត់ធ្ងន់ទៅលើព្រឹត្តិការណ៍បោះឆ្នោត នៅប្រទេសភូមា ដែលលោកចាត់ទុកថា នេះគឺជាជំហានកំពុងផ្លាស់ប្តូរនៅក្នុងរបបនេះ។ «ការដាក់ទណ្ឌកម្មគឺអមនុស្សធម៌។ វាអាចជាការរើសអើងខ្លាំងណាស់ ហើយវាមិនមែនជាគោលដៅខ្ពស់បំផុតនោះទេ»។ នៅក្នុងការថ្លែងបើកសម័យប្រជុំកំពូលអាស៊ាន លោកនាយករដ្ឋមន្ដ្រីខ្មែរហ៊ុន សែនបានលើកពីការជំរុញផ្នែកសេដ្ឋកិច្ចនៅក្នុងតំបន់ ហើយលោកបានព្រមានថា វិបត្តិសេដ្ឋកិច្ចនៅតំបន់អឺរ៉ុប វិបត្តិនយោបាយនៅមជ្ឈឹមបូព៌ា និងនៅទ្វីបអាហ្វ្រិក អាចជាការគំរាមកំហែងទៅដល់ «ការខិតខំប្រឹងប្រែង» ដើម្បីសម្រេចគោលដៅ នៃការកសាងសហគមន៍អាស៊ានមួយពេញលេញ។ នោះគឺសហគមន៍អាស៊ានតែមួយ នៅឆ្នាំ ២០១៥៕ This posting includes an audio/video/photo media file: Download Now |
| ជម្លោះដែនសមុទ្រខាងត្បូងប្រទេសចិនជារបៀបវារៈសំខាន់ក្នុងជំនួបកំពូលអាស៊ាន Posted: 03 Apr 2012 08:09 PM PDT នៅចុងបញ្ចប់ប្រទេសដែលជាបណ្តាសមាជិកប្រជាជាតិអាស៊ានបានសម្រេចដាក់បញ្ចូលរបៀបវារៈ ដ៏មានសារៈសំខាន់មួយ ដែលនិយាយអំពីជម្លោះដែនសមុទ្រខាងត្បូងប្រទេសចិនចូលក្នុងកិច្ចប្រជុំកំពូលអាស៊ាន នៅថ្ងៃពុធស្អែកនេះ។ នេះបើតាមការបញ្ជាក់ពីមន្ត្រីជាន់ខ្ពស់នៃសមាជិកអាស៊ានទាំងអស់ ដែលបានចូលរួមកិច្ចប្រជុំកំពូលអាស៊ាននៅថ្ងៃអង្គារនេះ។ លោកស្រី សឿ រដ្ឋចាវី រដ្ឋលេខាធិការក្រសួងការបរទេស បានថ្លែងប្រាប់វីអូអេសម្លេងសហរដ្ឋអាមេរិក នៅប៉ុន្មានម៉ោងមុននេះថា ការសម្រេចដាក់របៀបវារៈ នៃជម្លោះដែនសមុទ្រចិនភាគខាងត្បូងនេះ ធ្វើឡើងដោយសារតែជារៀងរាល់ឆ្នាំ នៅក្នុងកិច្ចប្រជុំរដ្ឋមន្ត្រីក្រសួងការបរទេសអាស៊ានស្តីពីកិច្ចសហប្រតិបត្តិការសមុទ្រចិនខាងត្បូងគឺជាបញ្ហាដ៏សំខាន់ ដែលយើងតែងតែលើកយកមកពិភាក្សាគ្នា។ «នេះជារឿងទូទៅធម្មតា។ ដូច្នេះ វាគ្មានមូលហេតុអ្វី ដែលកម្ពុជាត្រូវតែដាក់ ឬ មួយមិនដាក់ទេ។ ចង់និយាយថា ទាំងថ្នាក់ដឹកនាំអាស៊ាន ទាំងថ្នាក់ដឹកនាំចិន បានឯកភាពគ្នាថា ត្រូវខិតខំធ្វើយ៉ាងណា ដើម្បីអនុវត្តសេចក្តីថ្លែងការណ៍ស្តីពីការប្រតិបត្តិរបស់ភាគីសមុទ្រចិនខាងត្បូងហ្នឹង ឲ្យបានមានប្រសិទ្ធិភាពបំផុត»។ <!--IMAGE-LEFT--> កាលពីថ្ងៃច័ន្ទ នៅក្នុងកិច្ចប្រជុំរដ្ឋមន្ត្រីការបរទេសអាស៊ាន មានការពិភាក្សាគ្នាយ៉ាងតឹងតែង ដោយសារតែប្រទេសមួយចំនួន គឺប្រទេសវៀតណាម និងប្រទេសហ្វីលីពីន បានលើកយកបញ្ហាជម្លោះដែនសមុទ្រចិនភាគខាងត្បូងទៅដាក់នៅក្នុងកិច្ចប្រជុំ។ <!--AV--> <!--AV--> ប្រទេសហ្វីលីពីន នៅថ្ងៃអង្គារនេះ បានចេញសេចក្តីថ្លែងការណ៍មួយ ដោយលោកប្រធានាធិបតី អាគីណូ បានអំពាវនាវឲ្យរដ្ឋដែលជាសមាជិកអាស៊ានទាំងអស់ ត្រូវតែមានជំហររួមស្តីពីក្រមនីតិប្រតិបត្តិ មុននឹងប្រជុំជាមួយនឹងប្រទេសចិន ដើម្បីរៀបចំឯកសារផ្លូវច្បាប់សម្រាប់ជាមគ្គុទេសក៍ដល់ប្រទេសដែលមានជម្លោះនៃដែនសមុទ្រភាគខាងលិចនៃប្រទេសហ្វីលីពីន។ លោក Albert Del Rosario រដ្ឋមន្ត្រីក្រសួងការបរទេសហ្វីលីពីន បានថ្លែងប្រាប់ក្រុមអ្នកកាសែតនៅឯវិមានសន្តិភាពថា ប្រទេសអាស៊ានទាំងអស់បានយល់ព្រមដាក់ក្រមប្រតិបត្តិ ឬ COC ដ៏មានសារៈ សំខាន់រួចរាល់ហើយ ហើយរំពឹងថា កិច្ចការនេះនឹងដំណើរការទៅបានយ៉ាងល្អ ដើម្បីឲ្យប្រទេសចិនមកជួបប្រជុំស្តីពីបញ្ហាសមុទ្រចិនភាគខាងត្បូង។ «យើងឆ្លៀតយកឱកាសនេះត្រឡប់ទៅក្នុងកិច្ចការជាមួយអាស៊ាន។ វាពិតថា នេះគឺជាសកម្មភាពអស្ថេរភាព ដោយគ្មានការស្វែងរកនូវចំណុចកណ្តាលណាមួយ។ ដូច្នេះ យើងអាចនិយាយបានថា យើងត្រូវតែអញ្ជើញខាងភាគីប្រទេសចិន។ ក៏ប៉ុន្តែកិច្ចការនេះអាចនឹងធ្វើទៅបាន បន្ទាប់ពីមានការយល់ព្រមពី COC»។ លោក Marty M. Natalegawa រដ្ឋមន្រ្តីក្រសួងការបរទេសឥណ្ឌូនេស៊ី បានមានប្រសាសន៍ថា នៅថ្ងៃពុធស្អែកនេះ អាស៊ាននឹងពិភាក្សាគ្នាបន្ថែមទៀតអំពីបញ្ហាសមុទ្រចិនភាគខាងត្បូង។ មុនកិច្ចប្រជុំកំពូលអាស៊ានមកដល់ មន្ត្រីរដ្ឋាភិបាលជាន់ខ្ពស់កម្ពុជាបានបញ្ជាក់រួចមកហើយថា ជំហរកម្ពុជា នឹងមិនដាក់របៀបវារៈនៃដែនសមុទ្រចិនខាងត្បូងចូលក្នុងកិច្ចប្រជុំកំពូលអាស៊ានទេ។ ក៏ប៉ុន្តែដោយសារតែមានការគាបសង្កត់ពីបណ្តាប្រទេសអាស៊ានមួយចំនួន ទើបកម្ពុជាសម្រេចដាក់របៀបវារៈនេះទៅក្នុងកិច្ចប្រជុំកំពូលអាស៊ាន។ លោកស្រី សឿ រដ្ឋចាវី រដ្ឋលេខាធិការក្រសួងការបរទេសកម្ពុជា បានបញ្ជាក់ថា មិនមែនជាការដាក់សម្ពាធ ទើបកម្ពុជាដាក់របៀបវារៈនៃដែនសមុទ្រចិនភាគខាងត្បូង ចូលក្នុងកិច្ចប្រជុំកំពូលអាស៊ាននោះទេ។ «ឥតមានសម្ពាធពីខាងណាទេ។ យើងជាប្រធាន យើងត្រូវតែដាក់។ ជារឿងធម្មតា។ ឥតមានសម្ពាធពីខាងណាទេ ព្រោះយើងក៏ជាភាគីនៃសេចក្តីថ្លែងការណ៍ហ្នឹងដែរ។ ដូច្នេះ សំខាន់គឺថ្នាក់ដឹកនាំទាំងអស់បានឯកភាពគ្នាថា ត្រូវតែអនុវត្តសេចក្តីថ្លែងការណ៍ហ្នឹងឲ្យមានប្រសិទ្ធិភាព។ ដូច្នេះ វាត្រូវតែមានលើកយកមកពិភាក្សា ថាធ្វើយ៉ាងម៉េចដើម្បីយើងអនុវត្តការតាក់តែងឲ្យមានប្រសិទ្ធិភាព»។ លោកឈាង វណ្ណារិទ្ធិ នាយកវិទ្យាស្ថានខ្មែរសម្រាប់កិច្ចសហប្រតិបត្តិការ និងសន្តិភាព បានមានប្រសាសន៍ថា បញ្ហាសមុទ្រចិនភាគខាងត្បូងជាបញ្ហាដ៏សំខាន់មួយ ដែលទាមទារឲ្យបណ្តាប្រទេស ដែលជាសមាជិកអាស៊ានទាំងអស់ ត្រូវតែពិភាក្សាស្វែងរកដំណោះស្រាយ ដោយមិនអាចជៀសវាងបាន។ ដែនសមុទ្រចិនភាគខាងត្បូង មានព្រំប្រទល់ជាប់នឹងប្រទេសចំនួនបួន ក្នុងតំបន់អាស៊ាន ដែលរួមមានប្រទេសហ្វីលីពីន ម៉ាឡេស៊ី វៀតណាម និងប្រទេសប្រ៊ុយណេ។ តំបន់សមុទ្រចិនភាគខាងត្បូង គឺជាតំបន់ដ៏មានសក្តានុពលខាងផ្នែកធនធានរ៉ែ ឧស្ម័ន និង ត្រី៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
