VOA News: ព័ត៌មាន: “ហេឡូវីអូអេ ២០ មេសា ២០១២៖ វិធីប្រតិបត្តិសមាធិនិងវិបស្សនា” plus 2 more |
- ហេឡូវីអូអេ ២០ មេសា ២០១២៖ វិធីប្រតិបត្តិសមាធិនិងវិបស្សនា
- អាមេរិកនិងចិននៅតែជាដៃគូសំខាន់ទោះបីជាមានការរកាំរកុស
- កងរក្សាសន្តិភាពខ្មែរទៅដល់ស៊ូដង់ខាងត្បូង
| ហេឡូវីអូអេ ២០ មេសា ២០១២៖ វិធីប្រតិបត្តិសមាធិនិងវិបស្សនា Posted: 20 Apr 2012 01:44 PM PDT ពុទ្ធមណ្ឌលវិបស្សនាធុរៈមានបើកវគ្គវិបស្សនាសម្រាប់ព្រះសង្ឃនិងពុទ្ធបរិស័ទបដិបត្តិនៅពុទ្ធមណ្ឌលវិបស្សនាធុរៈនៅឧដុង្គ និងនៅព្រៃឱរ៉ាល់ក្នុងខេត្តកំពង់ស្ពឺ ដោយប្រតិបត្តិតឹងរ៉ឹងក្នុងការអប់រំទូន្មានចិត្តឲ្យស្ងប់ ឈានទៅរកការកម្ចាត់បង់នូវកិលេស និងមានបណ្តុះគ្រូធម្មាចារ្យខាងវិបស្សនាសម្រាប់ចេញទៅបង្រៀនព្រះសង្ឃនិងពុទ្ធបរិស័ទនៅតាមបណ្តាខេត្ត។ កិច្ចប្រតិបត្តិសមាធិនិងវិបស្សនាទាំងពីរនេះកំពុងមានប្រជាប្រិយភាពខ្លាំងនៅបស្ចឹមប្រទេស។ ជាពិសេសជនជាតិអាមេរិកាំងរកឃើញថា វិធីប្រតិបត្តិតាមបែបព្រះពុទ្ធសាសនានេះអាចជួយពួកគេបានច្រើន ដូច្នេះហើយគេបានបើកឲ្យមានកម្មវិធីសមាធិនៅតាមសាកលវិទ្យាល័យខ្លះៗ និងនៅតាមមន្ទីរពេទ្យ។ ព្រះតេជព្រះគុណ សួន សុខសាន ព្រះគ្រូធម្មាចារ្យក្នុងកម្មវិធីសមាទានធុតង្គ នៅព្រៃឱរ៉ាល់ក្នុងខេត្តកំពង់ស្ពឺ ព្រះតេជគុណ សុខ វ៉ា គង់នៅព្រៃធុតង្គ ស្រែពស់ ស្រុកឱរ៉ាល់ ខេត្តកំពង់ស្ពឺ និងឧបាសិកា ឡេង ចេងលាង អធិបតីរងទី៣នៃពុទ្ធមណ្ឌលវិបស្សនាធុរៈរបស់ព្រះរាជាណាចក្រកម្ពុជានិងជាវេជ្ជបណ្ឌិតប្រចាំពុទ្ធមណ្ឌល ជាវាគ្មិននៅក្នុងកម្មវិធី «ហេឡូវីអូអេ» នៅយប់ថ្ងៃព្រហស្បតិ៍ ទី១៩ ខែមេសា ឆ្នាំ២០១២។ សូមស្តាប់សំឡេងទាំងស្រុងនៃកម្មវិធីហេឡូវីអូអេ ថ្ងៃទី១៩ ខែមេសា ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុកfacebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| អាមេរិកនិងចិននៅតែជាដៃគូសំខាន់ទោះបីជាមានការរកាំរកុស Posted: 19 Apr 2012 07:07 PM PDT យោងទៅតាមទីភ្នាក់ងារព័ត៌មានបារាំង អអប៉េ ការស្ទង់មតិថ្មីមូយ នៅក្នុងប្រទេសចិន និង នៅក្នុងសរអ បានរកឃើញថា មនុស្សភាគច្រើន មានជំនឿថា ភាពដៃគូរបស់ ប្រទេសទាំងពីរ មានសារៈសំខាន់បំផុត នៅក្នុងពិភពលោក។ ទោះបីជាមានការមិនទុកចិត្ដគ្នាក៏ដោយ ក្នុងការទាក់ទងគ្នាដ៏រកាំរកុស ការស្ទង់មតិមនុស្សជាង ៤ពាន់១រយនាក់ នៅក្នុងប្រទេសចិន និង ១ពាន់៤រយនាក់ នៅក្នុងស.រ.អ. ដែលធ្វើឡើងដោយអង្គការមិនយកកម្រៃ បានបង្ហាញថា ជនជាតិអាមេរិកាំង ៦១ ភាគរយ និយាយថា ចិន ជាដៃគូសំខាន់របស់ ស.រ.អ បន្ទាប់មក អង់គ្លេស និងជប៉ុន។ ជនជាតិ ៦១ភាគរយបានចាត់ទុក ស.រ.អ. ជាដៃគូសំខាន់បំផុត បន្ទាប់មកមានរុស្ស៊ី និង អងគ្លេស។ កម្ពុជា៖ នៅក្នុងទីក្រុង ដូហា ដែលការប្រកួតកីឡា តែនិស កំពុងប្រព្រិត្ដធ្វើនៅថ្ងៃពុធនេះ ប្រទេសកម្ពុជា បានយកជ័យជំនះធំធេង លើគូប្រជែង នៃប្រទេសមីយ៉ានមា ក្នុងការប្រកួត Davis cup Asia ocenia ឆ្នាំ ២០១២ ។កីឡាករ ប៊ុន កេនី អាយុ ២១ ឆ្នាំ បានយកជ័យជំនះ លោក ភិយូ មិនថា នៃប្រទេស មិយ៉ានម៉ា តាមពិន្ទុ ៦ ០ និង ៦ ០ ។ រួច នៅពេល លេង ឌុប ជាមួយ ម៉ម វិទូ អ្នកទាំងពីរ បានយកជ័យជំនះ លើ កីឡាករភូមា ង៉ែ ណង និង មិន មិន។ សូដង់៖ អគ្គស្នងការអ.ស.ប បានអំពាវនាវដល់ស៊ូដងខាងត្បូង ឲ្យដកទ័ពចេញពីតំបន់ជម្លោះ ដោយនិយាយថា ការវាយដណ្ដើមយកទីវាលបូមប្រេងកាត ហេហ្គលីង (Heglig) ដោយប្រទេសស៊ូដងខាងត្បូង គឺជាអំពើខុសច្បាប់ បំពានលើបូរណភាពទឹកដីរបស់ប្រទេសជិតខាង ស៊ូដង់។ នីហ្សេរីយ៉ា៖ រដ្ឋមន្ដ្រីក្រសួងព័ត៌មាន នៃប្រទេស នីហ្សេរីយ៉ា ថ្លែងប្រាប់ វីអូអេ ថា កងកម្លាំងការពារសន្ដិសុខរបស់ប្រទេសលោក បានធ្វើឲ្យប្រសើរខ្លំាងដល់ការប្រយទ្ធតទល់នឹងការគម្រាមដោយ ក្រុមជនសកម្មប្រយុទ្ធអ៊ីស្លាមនិយមជ្រុល បូកូ ហារាម ។ ស៊ីរី៖ រដ្ឋាភិបាលស៊ីរី និង អ.ស.ប. បានយល់ស្របគ្នា មកលើផែនការមូយ ដើម្បីអនុវត្ដកិច្ចព្រមព្រាងសន្ដិភាព សម្របសម្រួលដោយប្រិយសិតពិសេសរបស់ អសប និង សម្ពន្ធភាពអារ៉ាប់ លោក កុហ្វី អាណាន់ ដោយក្នុងនោះមានគូសបញ្ជាក់មុខនាទីរបស់ក្រុមទៅមុន នៃអ្នកសង្កេតការនៅក្នុងប្រទេសស៊ីរី ព្រមទាំងមាត្រាច្បាប់នៃការតាមឃ្លាំមើលបទឈប់បាញ់គ្នាចាស់មូយសប្ដាហ៍ រវាង រដ្ឋាភិបាលស៊ីរីនិង ក្រុមបះបោរ។ កូរ៉េខាងជើង៖ ក្រុមអ្នកជំនាញបស្ចឹមប្រទេសនិយាយថា រថយន្ដ មូយគ្រឿងកង់ ១៦ ដឹក មីស៊ីល ដែល មានសភាព ដូចគ្នា នឹងរថយន្ដចិន ដែរ ហាក់ដូចជាសង់ឡើងដោយប្រទេសចិន បណ្ដាលឲ្យមានការសង្ស័យថាប្រទេសមិត្ដភក្រជិតស្និតនឹង កូរេខាងជើង អាចបំពានលើ ការដាក់ទណ្ឌកម្ម របស់ អសប មកលើ រដ្ឋាភិបាលព្យងយ៉ង។ ស.រ.អ៖ ក្រោយពីជាងមូយឆ្នាំ នៃបេសកម្មចុងក្រោយ បង្អស់ នៃកម្មវិធី យានចម្លងអវកាសDiscovery ចូលនិវត្ដន៍បានត្រូវស្វាគមន៍នៅក្នុងគេហដ្ឋានថ្មី របស់ខ្លួន គឺសារមន្ទីរអវកាស ជាតិ ហៅ National Air and Space Museum Udvar Hazy Center នៅក្រៅរដ្ឋធានី វ៉ាស៊ិនតោនកាលពីថ្ងៃព្រហស្បត្តិ៍ដែល នឹងត្រូវតាំង ជាអាចិន្ដ្រៃយឲ្យសាធារណជនមើល។ ឥណ្ឌា៖ និយាយថា ខ្លួនបានទទួលជោគជ័យក្នុងការបាញ់បង្ហោះ ធ្វើតេស មីសិល ថ្មី ដែលអាចដឹកក្បាលអាវុធ នុយក្លេអែរ មានរង្វង់ឆ្ងាយរហូតដល់ក្រុង ប៉េកាំង ។ ប្រទេសនោះបានប្រកាសខ្លួនឯងថា ជាប្រទេស មហាអំណាច មីសិល មូយផងដែរ។ ហ្គីណេប៊ីហ្សូ៖ គណបក្សដឹកនាំប្រទេស ហ្គីណេប៊ីហ្សូនិយាយថា ខ្លួន នឹងមិនទទួលស្គាល់ជាដាច់ខាត នូវ កិច្ចព្រមព្រាងប្រគល់អំណាច ទទួលបានដោយ ក្រុមយោធា អ្នករដ្ឋប្រហារដែលបានកាន់កាប់ប្រទេសកាលពីសប្ដាហ៍មុន និងក្រុមគណបក្សជំទាស់មួយចំនួន។ វិមានវ៉ាទីកង៖ បានចេញបញ្ជាឲ្យ សើរើ ឡើងវិញ នូវក្រុមធំមួយ នៃ ដូនជី អាមេរិកាំងដោយចោទក្រុមនោះថា បានប្រកាន់យកគោលជំហរ អិរិយាបថស្ដ្រី និង សេរីនិយម ដូចជា ការស្រឡាញ់ភេទដូចគ្នា និង រឿងឃាតកម្មមិនឈឺចាប់ មិនសមស្របតាមការបង្រៀនរបស់គ្រីស្ដសាសនា ជាមួយវិហារ កាតុលិច។ <!--AV--> This posting includes an audio/video/photo media file: Download Now |
| កងរក្សាសន្តិភាពខ្មែរទៅដល់ស៊ូដង់ខាងត្បូង Posted: 19 Apr 2012 03:28 PM PDT កងរក្សាសន្តិភាពអ.ស.បមកពីប្រទេសកម្ពុជាបានមកដល់តំបន់ឯករាជ្យថ្មីៗរបស់ប្រទេស ស៊ូដង់ខាងត្បូងហើយ។ មន្ត្រីកម្ពុជានិយាយថា កងកម្លាំងរក្សាសន្តិសុខទាំងនោះ រាប់បញ្ជូលទាំងយោធា ប៉ូលីល និងពេទ្យផងដែរ។ កងកម្លាំងរក្សាសន្តិភាពកម្ពុជានឹងចាប់ផ្តើមផ្តល់សេវាកម្មសុខាភិបាលដល់ពលរដ្ឋក្នុងប្រទេសស៊ូដង់ខាងត្បូងនៅក្នុងសប្តាហ៍នេះ។ ក្រុមប្រឹក្សាសន្តិសុខអ.ស.ប. បានបង្កើតបេសកកម្មរក្សាសន្តិភាពក្នុងប្រទេសស៊ូដង់ខាងត្បូងកាលពីឆ្នាំទៅ។ ព័ត៌មានអន្តរជាតិសំខាន់ៗដទៃទៀត៖ <!--IMAGE-RIGHT--> ស៊ីរី៖ លោកអគ្គលេខាធិការអ.ស.ប បាន គី ម៊ូន (Ban Ki-moon) ថ្លែងថា ប្រទេសស៊ីរីមិនទាន់អនុវត្តពេញលេញទៅនឹងកិច្ចព្រមព្រៀងបទឈប់បាញ់គ្នាទាំងស្រុងទេ ប៉ុន្តែលោកបានអំពាវនាវដល់ក្រុមប្រឹក្សាសន្តិសុខអ.ស.ប. ឱ្យអនុញ្ញាតឲ្យមានបេសកកម្មអ្នកសង្កេតការណ៍៣ខែ។ ចិន/ហ្វីលីពីន៖ ភាពតានតឹងរយៈពេល៩ថ្ងៃផ្នែកកងទ័ពជើងទឹកចិននិងហ្វីលីពីនមិនបានបង្ហាញសញ្ញានៃការធូរស្រាលជាងមុនទេនៅថ្ងៃព្រហស្បតិ៍នេះ ខណៈពេលដែលក្រុងប៉េកាំងបញ្ជូនកងនាវាចម្បាំងដ៏មានឥទ្ធិពលទៅកាន់ទីប្រជុំកោះនៃសមុទ្រចិនខាងត្បូងដែលមានជម្លោះនោះ។ អ៊ីរ៉ាក់៖ អាជ្ញាធរអ៊ីរ៉ាក់និយាយថា ការវាយប្រហារដ៏ខ្លាំងមួយបានសម្លាប់មនុស្ស យ៉ាងតិច៣៥នាក់ និង ធ្វើឲ្យរបួសជាង១០០នាក់។ ព្រឹត្តិការណ៍នេះកើតឡើងនៅក្នុងរដ្ឋធានីនិងទីក្រុងនានាស្ថិតនៅភាគខាងជើងប្រទេស។ កូរ៉េ៖ កូរ៉េខាងត្បូងនិយាយថា ខ្លួននឹងដាក់ពង្រាយកាំជ្រួចផ្លោងថ្មីតាមសមុទ្រដែលអាចវាយប្រហារកូរ៉េខាងជើងនិងទីតាំងកាំជ្រួចរបស់កូរ៉េខាងជើងបាន។ ឥណ្ឌា៖ ឥណ្ឌានិយាយនៅថ្ងៃព្រហស្បតិ៍នេះថា ខ្លួនបានសាកល្បងកាំជ្រួចប្រកបដោយជោគជ័យដែលកាំជ្រួចនោះអាចផ្ទុកក្បាលគ្រាប់នុយក្លេអ៊ែរបានចម្ងាយរហូតដល់ក្រុងប៉េកាំង។ ឥណ្ឌាបានប្រកាសថាខ្លួនជាប្រទេសមានឥទ្ធិពលខាងកាំជ្រួចមីស៊ីលដ៏ខ្លាំងក្លាមួយ។ បាគីស្ថាន/ឥណ្ឌា៖ អគ្គមេបញ្ជាការទ័ពបាគីស្ថាន លោកឧត្តមសេនីយ៍ អាហ្វាក ប៉ាវ៉េ កាយានី (Ashfaq Parvez Kayani) អំពាវនាវឲ្យមានការដកកងទ័ពក្នុងតំបន់ភ្នំទឹកក ស៊ីអាចិន (Siachen) ដែលមានកងទ័ពបាគីស្ថាន និងកងទ័ពឥណ្ឌារាប់ពាន់នាក់ ដែលឈរបោះទីតាំងរយៈពេលជាច្រើនទសវត្សរ៍កន្លងមក។ ភូមា៖ ស.រ.អា អង់គ្លេស អូស្រ្តាលី និងបណ្តាប្រទេសអឺរ៉ុបដទៃទៀតបានឆ្លើយតបទៅនឹងកំណែទម្រង់នយោបាយនិងការបោះឆ្នោតថ្មីៗក្នុងប្រទេសភូមា ដោយបានលើកលែងការដាក់កម្រិតទិដ្ឋាការ និងការរឹតត្បិតផ្នែកហិរញ្ញវត្ថុខ្លះដែលត្រូវបានដោយសារតែការរំលោភសិទ្ធិមនុស្ស។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
