VOA News: ព័ត៌មាន: “ហ្វីលីពីនធ្វើសមយុទ្ធជាមួយអាមេរិក ខណៈដែលភាពតានតឹងជាមួយចិនបន្ត” plus 2 more |
- ហ្វីលីពីនធ្វើសមយុទ្ធជាមួយអាមេរិក ខណៈដែលភាពតានតឹងជាមួយចិនបន្ត
- កូរ៉េខាងជើងថាការគំរាមកំហែងពីប្រទេសមហាអំណាចបានកន្លងហួស
- ហេឡូវីអូអេ ១២ មេសា ២០១២៖ ការទប់ស្កាត់អំពើហិង្សាក្នុងប្រទេសកម្ពុជា
| ហ្វីលីពីនធ្វើសមយុទ្ធជាមួយអាមេរិក ខណៈដែលភាពតានតឹងជាមួយចិនបន្ត Posted: 16 Apr 2012 10:26 AM PDT កងកម្លាំងយោធាហ្វីលីពីននិងស.រ.អ. នៅថ្ងៃច័ន្ទនេះបានបើកសមយុទ្ធយោធា១២ថ្ងៃ ចំពេលដែលមានភាពតានតឹងនៅលើសមុទ្រចិនខាងត្បូង។ មេបញ្ជាការពីភាគីទាំងសង្ខាងបានបើកការហាត់ហ្វឹកហ្វឺនយោធាដោយបើកពិធីតាមផ្លូវការនៅក្នុងក្រុងម៉ានីលដោយមេបញ្ជាការយោធាហ្វីលីពីន Jessie Dellosaព្រមានដោយមិននិយាយចំអំពី ការគំរាមកំហែងដោយ «រឿងអន្ដរជាតិមួយចំនួន»។ មេបញ្ជាការយោធាហ្វីលីពីននោះមិនបានបង្ហាញការគំរាមនោះទេ តែកាលពីសប្ដាហ៍មុន នាវាចិនបានរាំងខ្ទប់នាវាចម្បាំងហ្វីលីពីនមិនឲ្យចូលទៅចាប់នាវាចាប់ត្រីច្រើនគ្រឿងរបស់ចិននៅលើសមុទ្រចិនខាងត្បូង។ ព័ត៌មានអន្តរជាតិសំខាន់ៗដទៃទៀត៖ <!--IMAGE-RIGHT--> ខ្មែរ-ចិន៖ យោងទៅតាមទីភ្នាក់ងារព័ត៌មាន ស៊ីនហួ ទីប្រឹក្សារដ្ឋចិន លោក តៃ បាំងគួរ បានចូលទៅគាល់អតីតព្រះមហាក្សខ្មែរ នរោត្ដម សីហនុ និងព្រះមហាក្សត្រីយ៍ នរោត្ដម មុន្នីនាថ នៅក្នុងក្រុងប៉េកាំង ប្រទេសចិន។ ឥណ្ឌូនេស៊ី៖ ទីភ្នាក់ងារព័ត៌មានបារាំង អាអេហ្វប៉េ សរសេរថា ការរញ្ជួយផែនដីកម្រិត ៥,៧ បានធ្វើឲ្យកក្រើកតំបន់ឆ្នេរសមុទ្រនៃប្រទេសឥណ្ឌូនេស៊ីនៅលើកោះស៊ូមាត្រាកាលពីថ្ងៃច័ន្ទ តែគេមិនឃើញមានសេចក្ដីរាយការណ៍និយាយអំពីការខូចខាតទេ។ នេះបើយោងទៅតាមទីភ្នាក់ងារភូគុព្ភសាស្រ្ដ។ អាហ្វហ្គានីស្ថាន៖ ប្រធានាធិបតីអាហ្វហ្គានីស្ថាន លោក ហាមិដ កាសៃ ថ្លែងថា ក្រុមប្រយុទ្ធនិយមជ្រុល បានបើកការវាយប្រហារផ្ទួនៗគ្នាទូទាំងប្រទេសអាហ្វហ្គានីស្ថាន ដោយសារតែការខកខានមិនបានទទួលយកព័ត៌មានសម្ងាត់ ជាពិសេសពីសំណាក់ អង្គការអូតង់ហើយនិងពីប្រទេសរបស់លោកដែរ។ អូស្ត្រាលី៖ ប្រទេសអូស្រាលីបានប្រកាសនៅថ្ងៃច័ន្ទនេះថា នឹងដកចេញនូវការដាក់ទណ្ឌកម្មខ្លះមកលើប្រទេសភូមាក្នុងការឆ្លើយតបទៅនឹងការកែទម្រង់របស់រដ្ឋាភិបាលភូមាធ្វើឡើងកាលពីឆ្នាំមុន។ កូរ៉េខាងជើង៖ បណ្ដាញព័ត៌មានរដ្ឋចិនអំពាវនាវដល់ពិភពលោកឲ្យលើកទឹកចិត្ដការប្រែប្រួលនៅក្នុងប្រទេសកូរ៉េខាងជើង ដោយបាននិយាយថា សន្ទរកថាទៅកាន់សាធារណជនរបស់មេដឹកនាំថ្មី គីម ចុងអ៊ុន ជាសញ្ញាបង្ហាញថា រដ្ឋកុម្មុយនីស្ដនិយមស្ដាលីន តែលតោលតែឯកឯងនោះ មានចិត្ដចង់ពាក់ព័ន្ធជាមួយប្រទេសដទៃ។ កូរ៉េខាងជើង៖ អ្នកការទូតអ.ស.ប. ថ្លែងថានឹងប្រកាសសេចក្ដីថ្លែងការណ៍របស់ក្រុមប្រឹក្សាសន្ដិសុខអ.ស.ប.នៅថ្ងៃច័ន្ទនេះ ដើម្បីថ្កោលទោសការប៉ុនប៉ងរបស់កូរ៉េខាងជើងដើម្បីបាញ់បង្ហោះកាំជ្រួចរង្វង់ឆ្ងាយកាលពីសប្ដាហ៍មុន។ ស៊ីរី៖ ក្រុមអ្នកសង្កេតការណ៍៦នាក់របស់អ.ស.ប. នឹងចាប់ផ្ដើមការតាមឃ្លំាមើលបទឈប់បាញ់គ្នា មួយដែលមិននឹងនរនៅក្នុងប្រទេសស៊ីរីចំពេលដែលក្រុមសកម្មជននិយាយថា ទាហានរដ្ឋាភិបាលនៅតែបន្ដបាញ់ទម្លាក់គ្រាប់ផ្លោងមកលើតំបន់កាន់កាប់ដោយក្រុមបះបោរ នៅក្នុងទីក្រុងហូមស៍ហើយនៅមានការប៉ះទង្គិចគ្នាជាច្រើនកន្លែង។ ទីម័រខាងកើត៖ ពលរដ្ឋនៃប្រទសទីម័រខាងកើត បានធ្វើការបោះឆ្នោតជាលើកទីពីរកាលពីថ្ងៃច័ន្ទនេះ ដើម្បីជ្រើសតាំងអតីតមេដឹកនាំម្នាក់ក្នុងចំណោមពីរនាក់ដែលបានតស៊ូដើម្បីឯករាជ្យនៅក្នុងសង្រ្គាមនៅអតីតកាល។ ចិន៖ ឯកអគ្គរដ្ឋទូតអាមេរិកប្រចាំប្រទេសចិនបានអំពាវនាវដល់រដ្ឋាភិបាលក្រុងប៉េកាំងឲ្យដោះលែងមេធាវីការពារសិទ្ធិមនុស្ស ដែលពិការ លោក នី យូឡង់ និង ស្វាមីដែលបានត្រូវចាប់ដាក់គុកតាមបទបង្កភាពច្របូកច្របល់និងប្រព្រឹត្ដការកេងបន្លំ។ This posting includes an audio/video/photo media file: Download Now |
| កូរ៉េខាងជើងថាការគំរាមកំហែងពីប្រទេសមហាអំណាចបានកន្លងហួស Posted: 16 Apr 2012 06:41 AM PDT លោកគីម យុងអ៊ុន មេដឹកនាំថ្មីនៃប្រទេសកូរ៉េខាងជើងបានថ្លែងសុន្ទរកថាជាសាធារណៈលើកទីមួយរបស់លោកចាប់តាំងពីលោកទ្បើងមកកាន់តំណែងដោយលោកបានសន្យាថានឹងណែនាំប្រទេសលោកដែលក្រីក្រឱ្យទៅកាន់ «ជ័យជំនះជាទីបញ្ចប់» នៅពេលដែលកងទ័ពបានបង្ហាញអ្វីដែលហាក់ដូចជាកាំជ្រួចផ្លោងថ្មីមួយដែលមានវង់ប្រតិបត្តិការឆ្ងាយ។ លោកគីម យុងអ៊ុន ដែលស្លៀកសម្លៀកបំពាក់ខ្មៅបាននិយាយកាលពីថ្ងៃអាទិត្យអំពីបញ្ហានានាចាប់តាំងពីគោលនយោបាយការបរទេសរហូតដល់សេដ្ឋកិច្ច។ នៅត្រង់ចំណុចមួយនោះ លោកបានព្រមានថាការប៉ុនប៉ងដោយពួកប្រទេសមហាអំណាចបរទេសក្នុងការបំភិតបំភ័យប្រទេសលោកលែងបានការទៀតហើយ។ កាំជ្រួចផ្លោងដែលបានដាក់បង្ហាញនៅក្នុងក្បួនព្យុហយាត្រាកាត់ទីលានមួយក្នុងតំបន់កណ្តាលក្រុង ព្យុងយ៉ាងហាក់ដូចជាស្រដៀងគ្នានឹងកាំជ្រួចផ្លោងមួយគ្រឿងដែលបានបាក់បែកក្នុងរយៈពេលខ្លីក្រោយពីបានបង្ហោះកាលពីថ្ងសុក្រនៅលើសមុទ្រលឿង។ អង់គ្លេស៖ ថ្ងៃអាទិត្យម្សិលមិញជាខួបឆ្នាំទីមួយរយនៃការលិចនាវាTitanic។ នាវាបើកកាត់មហាសមុទ្រនេះដែលជាកប៉ាល់ធំបំផុតក្នុងពិភពលោក, ប្រណីតបំផុតនិងបានត្រូវសន្មតថាមិនលិចបានធ្វើដំណើរពីក្រុង Southampton នៃប្រទេសអង់គ្លេសទៅកាន់បូរីញូយ៉ក នៅក្នុងការធ្វើដំណើរដំបូងរបស់ខ្លួនកាលពីមួយសតវត្សរ៍មុននេះ នៅពេលដែលវាបានទង្គិចនឹងផ្ទាំងទឹកកកធំមួយនៅក្នុងប៉ែកខាងជើងនៃមហាសមុទ្រអាត្លង់ទិក។កប៉ាល់នេះបានលិចក្នុងរយៈពេលតិចជាងបីម៉ោង។ មនុស្សជាង១ពាន់៥រយនាក់បានស្លាប់។ អាហ្វហ្គានីស្ថាន៖ ពួកជនសកម្មប្រយុទ្ធតាលីបាន់បានធ្វើការវាយប្រហារដោយមានការសម្របសម្រួលនៅក្នុងរដ្ឋធានីកាប៊ុលនិងខែត្របីនាប៉ែកខាងកើតប្រទេសជាផ្នែកមួយនៃអ្វីដែលពួកគេហៅថា «ការវាយលុកនៅនិទាឃរដូវ» របស់ពួកគេ។ ស៊ីរី៖ លោកអគ្គលេខាធិការអ.ស.ប.បានគីមូនបានអំពាវនាវដល់រដ្ឋាភិបាលស៊ីរីឱ្យថែរក្សាកិច្ចឈប់បាញ់គ្នាដែលមិនមាំទាំនៅក្នុងប្រទេសនេះដែលដាច់ដាចដោយសារសង្គ្រាមតែប៉ុន្មានម៉ោងមុនពួកអ្នកសង្កេតការអន្តរជាតិមួយក្រុមមានកំណត់នឹងធ្វើដំណើរទៅដល់ក្រុងដាម៉ាស់។ កូឡុំប៊ី៖ ពួកមេដឹកនាំមកពីទូទាំងទ្វីបអាមេរិកបានបញ្ចប់ការប្រជុំក្នុងតំបន់២ថ្ងៃកាលពីថ្ងៃអាទិត្យនៅកូឡុំប៊ីជាមួយការដាក់គុយបាឱ្យនៅដាច់ពីគេដែលមានរយៈពេលច្រើនទសវត្សរ៍មកហើយ ឋិតនៅមុខគេនៃការពិភាក្សាគ្នា។ ខ្យល់ព្យុះកំបុតត្បូងរាប់សិបបានកើតមានទ្បើងនៅទូទាំងផ្នែកកណ្តាលនៃស.រ.អ.កាលពីព្រឹកថ្ងៃអាទិត្យបណ្តាលឱ្យមនុស្សយ៉ាងតិចណាស់៥នាក់ស្លាប់ក្នុងរដ្ឋ Oklahoma។ បេឡារុស៖ អាជ្ញាធរបេឡារុសបានដោះលែងអតីតបេក្ខជនប្រធានាធិបតីម្នាក់និងអ្នកចាត់ចែងការឃោសនាបោះឆ្នោតរបស់លោកឱ្យចេញពីគុកនៅក្រោយមានការដាក់ទ័ណ្ឌកម្មសេដ្ឋកិច្ចដោយពួកបស្ចឹមប្រទេសលើរដ្ឋាភិបាលក្រុង Minsk ដោយសារមានការរំលោភយ៉ាងធ្ងន់ធ្ងរលើសិទ្ធិមនុស្ស។ This posting includes an audio/video/photo media file: Download Now |
| ហេឡូវីអូអេ ១២ មេសា ២០១២៖ ការទប់ស្កាត់អំពើហិង្សាក្នុងប្រទេសកម្ពុជា Posted: 16 Apr 2012 06:35 AM PDT អំពើហិង្សាក្នុងប្រទេសកម្ពុជាមានទម្រង់ច្រើនយ៉ាងក្រោយពីសង្រ្គាមនិងរបប ខ្មែរក្រហមដែលបានធ្វើបាបដល់ពលរដ្ឋកម្ពុជា។ នេះបើតាមលោកស្រី ពុង ឈីវហ្គេច នាយិកាអង្គការសិទ្ធិមនុស្សលីកាដូដែលបានថ្លែងក្នុងកម្មវិធីហេឡូវីអូអេកាលពីថ្ងៃព្រហស្បតិ៍ទី១២ខែមេសាឆ្នាំ២០១២ មុនពេលដែលកម្ពុជាប្រារព្ធពីធីបុណ្យចូលឆ្នាំប្រពៃណីខ្មែរ ដែលពិភាក្សាអំពីប្រធានបទ «ការទប់ស្កាត់ អំពើហិង្សាក្នុងប្រទេសកម្ពុជា»។ លោកស្រី ពុង ឈីវហ្គេច អះអាងថា លោកស្រីបានទទួលករណីអំពើហិង្សាជាង ២០០ កើតឡើងក្នុងប្រទេសកម្ពុជា រាប់ទាំងអំពើហិង្សាក្នុងគ្រួសារ ក្នុងសង្គមជាដើម កើតឡើងលើរាងកាយ ផ្លូវចិត្ត សេដ្ឋកិច្ច និងពាក្យសម្តីជាដើម។ លោស្រីអះអាងថា ពលរដ្ឋកម្ពុជាត្រូវចេះអន់ឱនឲ្យគ្នាទៅវិញទៅមក មិនត្រូវប្រើអំពើហិង្សាដោះស្រាយបញ្ហា។ «ព្រោះបើមានអំពើហិង្សានៅក្នុងគ្រួសារក្តី នៅក្រៅគ្រួសារក្តី ប្រទេសហ្នឹងនឹង អស្ថេរភាព។ បើអស្ថេរភាពហើយពិបាកអភិវឌ្ឍប្រទេសជាតិណាស់។ អ្នកដែល គេដាក់វិនិយោគទុន គេមើលតែឃើញកន្លែងណាមានអំពើហិង្សាច្រើនអី គេមិន ចូលចិត្តដាក់វិនិយោគទុនទេ។ អញ្ចឹងប្រទេសយើងមិនសូវបានអភិវឌ្ឍល្អទេ»។ ទោះជាយ៉ាងណាក៏ដោយ លោកឧត្តមសេនីយ៍ឯក គាត ចន្ថារិទ្ធ អ្នកនាំពាក្យ ប៉ូលីសកម្ពុជាបានអះអាងថា អគ្គស្នងការនគបាលជាតិនាយឧត្តមសេនីយ៍ នេត សាវឿន បានណែនាំបទបញ្ជាដល់អាជ្ញាធរប៉ូលីសខេត្តក្រុងមូលដ្ឋាន ដើម្បីឲ្យ មានការរិតបណ្តឹងសន្តិសុខសណ្តាប់ធ្នាប់ពេលចូលឆ្នាំប្រពៃណីខ្មែរឲ្យប្រព្រឹត្ត ទៅដោយក្តីសប្បាយរីករាយសុខសាន្ត។ «សំខាន់យើងប្រមូលផ្តុំលើការចាត់វិធានការការពារតាមពិធីកន្លែងលេងសប្បាយ របស់ប្រជាពលរដ្ឋយើង។ បង្កើនសកម្មភាពយាមកាមកុំឲ្យមានការឈ្លោះទាស់ ទែងគ្នាឬកុំឲ្យមានជនខិលខូចឆ្លៀតឱកាសដើម្បីឆក់លួចទ្រព្យសម្បត្តិរបស់ ប្រជាពលរដ្ឋយើងក្នុងពេលចូលឆ្នាំដែលកំពុងតែសប្បាយរីករាយហ្នឹង»។ លោកបានបន្ថែមដែរថា បញ្ហាអគ្គីភ័យនិងសន្តិសុខថ្នាក់ដឹកនាំចោរកម្មផ្សេងៗ ក៏ស្ថិតក្នុងការយកចិត្តទុកដាក់របស់អាជ្ញាធរដែរក្រៅពីសកម្មភាពក្មេងទំនើង ដែលលោកឧត្តមសេនីយ៍ឯក គាត ចន្ថារិទ្ធអះអាងពីការថយចុះហើយនោះ។ «អំពើហិង្សាទាក់ទងនឹងក្មេងទំនើងនេះគឺយើងឃើញថាមានការថយចុះគួរឲ្យ មានការកត់សម្គាល់។តែយើងនៅតែបង្កើតសកម្មភាពថែមទៀត។ យើងក៏កត់ សម្គាល់ផងដែរថាអំពើហិង្សាក្នុងគ្រួសារក៏មានការកើតឡើងមួយចំនួនដែរ ជា ពិសេសពាក់ព័ន្ធនឹងការទទួលទានស្រា ទទួលទានច្រើនទៅគ្រប់គ្រងខ្លួន មិនបានពាក់ព័ន្ធនឹងរឿងហ្នឹង»។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី១២ ខែមេសា ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
