VOA News: ព័ត៌មាន: “ហេឡូវីអូអេ ២៦ មិនា ២០១២៖ លទ្ធផលសម្រេចបានរបស់ចៅក្រមកាស្ពែ អង់សឺម៉េក្នុងពេលបំពេញការងារនៅតុលាការខ្មែរក្រហម” plus 2 more |
- ហេឡូវីអូអេ ២៦ មិនា ២០១២៖ លទ្ធផលសម្រេចបានរបស់ចៅក្រមកាស្ពែ អង់សឺម៉េក្នុងពេលបំពេញការងារនៅតុលាការខ្មែរក្រហម
- ភាពតានតឹងកាន់តែខ្លាំងឡើងក្នុងជម្លោះសាលាក្តីខ្មែរក្រហម
- ស.រ.អនិងសម្ព័ន្ធមិត្តពិចារណាផ្តល់ជំនួយមិនមែនអាវុធដល់ក្រុមបះបោរស៊ីរី
| Posted: 26 Mar 2012 12:20 PM PDT មានការប្រកាសលាលែងរបស់ចៅក្រមស៊ើបអង្កេតអន្តរជាតិនៅឯសាលាក្តីខ្មែរក្រហម ម្នាក់ហើយម្នាក់ទៀត ដោយលើកឡើងពីហេតុផលប្រហាក់ប្រហែលគ្នា គឺការជ្រៀតជ្រែកពីភាគីកម្ពុជា។ លោកចៅក្រមស៊ើបអង្កេតឡូរ៉ង់ កាស្ពែអង់សឺម៉េ បានមកកាន់តំណែងមួយរយៈពេលខ្លី គឺចាប់ពីចុងឆ្នាំមុន ហើយនៅថ្ងៃទី៤ ខែឧសភាខាងមុខ គឺជាពេលវេលាចុងក្រោយរបស់លោកក្នុងការងារនៅសាលាក្តីនេះ។ តើការកាន់តំណែងរយៈពេលខ្លីនេះលោកបានសម្រេចអ្វីខ្លះ ដែលជាប្រយោជន៍ដល់សាលាក្តីនិងការស្វែងរកយុត្តិធម៌សម្រាប់ជនរងគ្រោះ? លោក អ៊ូ វីរៈ ជាប្រធានមជ្ឈមណ្ឌលសិទ្ធិមនុស្សកម្ពុជាបានចូលរួមវិភាគលើកឡើងពីការសម្រេចបានរបស់លោកចៅក្រមកាស្ពែ អង់សឺម៉េ។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី ២៦ ខែមិនា ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com
This posting includes an audio/video/photo media file: Download Now |
| ភាពតានតឹងកាន់តែខ្លាំងឡើងក្នុងជម្លោះសាលាក្តីខ្មែរក្រហម Posted: 26 Mar 2012 09:14 AM PDT ការខ្វែងគំនិតគ្នារវាងចៅក្រមនៃតុលាការកាត់ក្ដីខ្មែរក្រហម បានផ្ទុះឡើងនៅថ្ងៃច័ន្ទនេះ ដោយចៅក្រមខ្មែរស្វាគមន៍ការលាលែងចេញពីតំណែងរបស់សមភាគីជាតិអឺរុបដែលបានថ្អូញថ្អែរថា មានការជ្រៀតជ្រែកមិនសមរម្យមកលើការស៊ើបអង្កេត។ សហចៅក្រមស៊ើបអង្កេតខ្មែរ លោក យូ ប៊ូនឡេង នៅក្នុងសេចក្ដីថ្លែងការណ៍ដ៏វែងអន្លាយ ថ្លែងថា លោកមានជំនឿច្បាស់ថា ការលាលែងចេញពីតំណែងរបស់ចៅក្រមស្វ៊ីស លោក ឡូរ៉ង់ កាស្ពែរ អង់ស៊ែរម៉េ (Laurent Kaspar-Ansermet) បង្ហាញថា លោក«ទទួលខុសត្រូវចំពោះកំហុសឆ្គងវិជ្ជាជីវៈ ដ៏ដូចជាកំហុសឆ្គងនីតិវិធី»។ កាលពីសប្ដាហ៍មុន លោកអង់ស៊ែរម៉េថ្លែងថា លោកមិនអាចបន្ដកិច្ចការរបស់លោកបានទេ ដោយសារតែមានការប្រឈមមកលើកិច្ចការរបស់លោកពីសំណាក់លោក យូ ប៊ុនឡេង។ ព័ត៌មានអន្តរជាតិសំខាន់ៗដទៃទៀត៖ <!--IMAGE-RIGHT-->ចិន-អាមេរិក៖ មន្ដ្រីស.រ.អ.ថ្លែងថា ស.រ.អ.និងប្រទេសចិនយល់ព្រមនឹងសហការគ្នាដើម្បីឆ្លើយតបទៅនឹងការបាញ់បង្ហោះមីស៊ីលរបស់កូរ៉េខាងជើង ដែលជារឿងគ្របដណ្ដប់មកលើសន្និសីទកំពូលអំពីសន្ដិសុខនៅក្នុងក្រុងសេអ៊ូល។ ប្រធានាធិបតី បារាក់ អូបាម៉ា បានជួបពិភាក្សាជាមួយប្រធានាធបតីចិន លោក ហ៊ូ ជីនតាវ កាលពីថ្ងៃច័ន្ទ នៅក្រៅកិច្ចប្រជុំកំពូលរវាងប្រទេស៥៣ អំពីសន្ដិសុខនុយក្លេអ៊ែរ ក្នុងរដ្ឋធានីសេអ៊ូលប្រទេសកូរ៉េខាងត្បូង។ គេរំពឹងថា មេដឹកនាំប្រទេសទាំងពីររូបនឹងពិភាក្សាគ្នាអំពីរឿងទ្វេភាគី រាប់ទាំងកម្មវិធីអាវុធនុយក្លេអ៊ែររបស់អ៊ីរ៉ងនិងកូរ៉េខាងជើង។ កូរ៉េខាងត្បូង៖ មេដឹកនាំប្រទេស ៥៣បានចាប់ផ្ដើមបើកសន្និសីទកំពូលពីរថ្ងៃក្នុងក្រុងសេអ៊ូល ដោយគេមានការព្រួយបារម្ភអំពីពេលកំណត់នៃការបាញ់បង្ហោះកាំជ្រួចមិស៊ីល។ គោលដៅនៃសន្និសីទកំពូលពីរថ្ងៃនៅក្នុងថ្ងៃច័ន្ទនេះក្នុងក្រុងសេអ៊ូលគឺ ធានាថា សម្ភារៈនុយក្លេអ៊ែរមិនត្រូវធ្លាក់ចូលក្នុងដៃរបស់ភេរវជនទេ។ កូរ៉េខាងជើង៖ រដ្ឋមន្ដ្រីការពារប្រទេសនៃប្រទេសកូរ៉េខាងត្បូងថ្លែងនៅថ្ងៃច័ន្ទនេះថា កូរ៉េខាងត្បូងកំពុងរៀបចំប្រុងប្រៀបបាញ់ទម្លាក់កាំជ្រួចរបស់កូរ៉េខាងជើង ប្រសិនបើវា ហោះចូលក្នុងដែនអាកាសកូរ៉េខាងត្បូង ក្នុងអំឡុងពេលការបាញ់បង្ហោះ ដែលគេគ្រោងធ្វើនៅខែក្រោយ។ អាមេរិក-រុស្ស៊ី៖ ប្រធានាធិបតី បារាក់ អូបាមា ថ្លែងថា នៅមានកន្លែងចន្លោះសម្រាប់កិច្ចព្រមព្រៀងមួយទៀត នៃការកាត់បន្ថយអាវុធបរិមាណូជាមួយរុស្ស៊ី។ ក្រោយពីបានចរចាគ្នាជាមួយប្រធានាធិបតីរុស្ស៊ី លោក Dmitry Medvedev នៅក្នុងទីក្រុងសេអ៊ូលកាលពីថ្ងៃច័ន្ទ លោកអូបាមាថ្លែងថា ប្រទេសទាំងពីរអាចបន្ដឲ្យមានការជឿនលឿនទៅមុខនូវការកាត់បន្ថយចំនួនឃ្លាំងអាវុធបរិមាណូ។ អាហ្វហ្គានីស្ថាន៖ អង្គការអូតង់ (Nato) និយាយថា មនុស្សម្នាក់ស្លៀកពាក់ឯកសណ្ឋានទាហានអាហ្វហ្គានីស្ថានបានបាញ់កាំភ្លើងមកលើកងកម្លាំងចម្រុះនៅតំបន់ភាគខាងត្បូង ដោយបានសម្លាប់ទាហានពីរនាក់។ ស៊ីរី៖ ប្រទេសតួកគីបានបិទទ្វារស្ថានទូតរបស់ខ្លួនប្រចាំប្រទេសស៊ីរី ដោយសារអ្វីមួយដែលមន្ដ្រីតួកគីនិយាយថាជាស្ថានការសន្ដិសុខកាន់តែធ្ងន់ធ្ងរ។ សេណេហ្គាល់៖ បេក្ខជននៃគណបក្សជំទាស់លោក Macky Sall ថ្លែងថា យុគថ្មីមួយបានចាប់ផ្ដើមនៅក្នុងប្រទេសសេណេហ្គាល់ ក្រោយពីលោកទទួលជ័យជម្នះក្នុងការបោះឆ្នោតវគ្គទីពីរ ក្នុងការជ្រើសតាំងប្រធានាធិបតី។ គុយបា៖ ខណៈដែលមេដឹកនាំនិកាយវិហាររូម៉ង់កាតូលិក (Roman Catholic Church)ធ្វើដំណើរមកដល់ប្រទេសគុយបានៅថ្ងៃច័ន្ទ ក្រុមសកម្មជននៅមានសេចក្ដីសង្ឃឹមថានឹងអាចបង្ហាញទស្សនៈរបស់ខ្លួន អំពីរដ្ឋាភិបាលកុម្មុយនីស្ដនេះ។ អាមេរិក៖ ច្បាប់ថែទាំសុខភាពមួយរបស់ប្រធានាធិបតី បារាក់ អូបាមា ដែលធ្វើឲ្យមានការខ្វែងគំនិតគ្នា បានធ្វើមកដល់តុលាការកំពូលនៅថ្ងៃច័ន្ទនេះ ខណៈដែលក្រុមជំទាស់បានថ្លែងអះអាងថា វិធានការដូច្នោះជាការបំពានលើរដ្ឋធម្មនុញ្ញ ហើយជាន់ឈ្លី សេរីភាពបុគ្គល។ ទីបេតិ៍៖ ជនជាតិទីបេតិ៍ម្នាក់បានយកភ្លើងមកដុតខ្លួនឯង នៅមុនដំណើរទស្សនកិច្ចរបស់ប្រធានាធិបតីចិនទៅឥណ្ឌា។ ជននោះបានត្រូវភ្លើងឆេះទ្រលោមនៅថ្ងៃច័ន្ទនេះ ក្នុងក្រុងញូវដែលី មុននឹងមិត្ដភក្ដិចូលមកពន្លត់ភ្លើង។ ស៊ីរី៖ សេតវិមាននិយាយថា ប្រធានាធិបតី បារាក់ អូបាមា កំពុងពិចារណាផ្ដល់ជំនួយដែល«មិនសម្លាប់មនុស្ស» ដល់ក្រុមបះបោរស៊ីរីដែលកំពុងតស៊ូប្រឆាំងនឹងមេដឹកនាំកាន់អំណាចផ្ដាច់ការ លោក Bashar al Assad។ គុយបា៖ ប្រធានាធិបតីនៃប្រទេស វ៉េណេស៊ុយអេឡា លោក Hugo Chavez បានវិលត្រឡប់មកប្រទេសគុយបាវិញដើម្បីព្យាបាលជំងឺមហារីកក្នុងវគ្គទីពីរ។ លោកបានជួបពិភាក្សាជាមួយប្រធានាធិបតីគុយបា លោក Raul Castro កាលពីយប់ថ្ងៃសៅរ៍នៅក្នុងអាកាសយានដ្ឋាន ឡាហាវ៉ាន (Havanna)។ This posting includes an audio/video/photo media file: Download Now |
| ស.រ.អនិងសម្ព័ន្ធមិត្តពិចារណាផ្តល់ជំនួយមិនមែនអាវុធដល់ក្រុមបះបោរស៊ីរី Posted: 26 Mar 2012 01:38 AM PDT សេតវិមាននិយាយថាលោកប្រធានាធិបតីបារ៉ាក់ អូបាម៉ាពិចារណាផ្តល់ជំនួយ «មិនមែនជាអាវុធ» ទៅឱ្យពួកឧទ្ទាមស៊ីរីនៅក្នុងការបះបោររបស់ពួកគេដែលមានរយៈពេលមួយឆ្នាំមកហើយ ដែលប្រឆាំងនឹងមេដឹកនាំផ្តាច់ការរបស់ប្រទេសឈ្មោះបាសារ អាល់ អាសាដ។ លោកអូបាម៉ាបានពិភាក្សាអំពីវិធីជួយពួកឧទ្ទាមជាមួយលោកនាយករដ្ឋមន្ត្រី រីស៊ីប តាយីប អេដូហ្កាន នៃប្រទេសតួកគីកាលពីថ្ងៃអាទិត្យក្នុងក្រុងសេអ៊ូល ដែលនៅទីនោះលោកទាំងពីរនាក់នឹងចូលរួមក្នុងសន្និសីទកំពូលសន្តិសុខបរមាណូ។ លោកបេន រ៉ូដស៍ ទីប្រឹក្សារងខាងសន្តិសុខជាតិអាមេរិក បាននិយាយថាមេដឹកនាំទាំងពីរនាក់នេះបានយល់ស្របគ្នាថានឹងលើកយកបញ្ហាផ្តល់ជំនួយមិនមែនជាអាវុធទៅនិយាយនៅក្នុងការប្រជុំមួយនៃ «ក្រុមប្រទេសជាមិត្តរបស់ស៊ីរី» នៅក្នុងប្រទេសតួកគីនៅថ្ងៃទីមួយខែមេសា។ លោក រ៉ូដស៍ បានថ្លែងថាជំនួយបែបនេះអាចមានរួមបញ្ចូលឧបករណ៍ពេទ្យនិងឧបករណ៍ទំនាក់ទំនង តែមិនមែនអាវុធទេ។ កូរ៉េខាងត្បូង៖ លោកប្រធានាធិបតីអាមេរិក បារ៉ាក់ អូបាម៉ានិងលោកប្រធានាធិបតីកូរ៉េខាងត្បូង លីម្យុង បាក់ បានជួបគ្នានៅក្នុងក្រុងសេអ៊ូលកាលពីថ្ងៃអាទិត្យហើយបានបង្ហាញរណសិរ្សរួបរួមមួយប្រឆាំងនឹងលទ្ធភាពនៃការគំរាមកំហែងពីប្រទេសកូរ៉េខាងជើង។ នៅក្នុងសន្និសីទកាសែតរួមគ្នាមួយនៅក្រោយជំនួបរបស់លោកទាំងពីរ លោកអូបាម៉ាបានមានប្រសាសន៍ថាកូរ៉េខាងជើងនឹងមិនបានសម្រេចអ្វីទ្បើយដោយធ្វើការគំរាមកំហែង ហើយលោកបានមានប្រសាសន៍ទៀតថាកូរ៉េខាងជើងនឹងឋិតនៅឯកោដាច់ពីគេជាងមុនថែមទៀត បើខ្លួនបង្ហោះកាំជ្រួចផ្លោងតាមការប្រកាសនៅខែក្រោយ។ លោកលីយល់ស្របជាមួយលោកអូបាម៉ាដោយបានហៅការបង្ហោះកាំជ្រួចមានវង់ប្រតិបត្តិការឆ្ងាយដែលកូរ៉េខាងជើងគ្រោងនឹងអនុវត្ត ថាជាសកម្មភាពបង្ករឿងដែលគំរាមកំហែងដល់សន្តិភាពសាកលលោក ហើយជាការប្រឆាំងនឹងសេចក្តីសម្រេចរបស់អង្គការសហប្រជាជាតិនិងកិច្ចព្រមព្រៀងមួយជាមួយអាមេរិក។ លោកអូបាម៉ាក៏បានមានប្រសាសន៍ដែរថាប្រទេសចិន «ផ្តល់រង្វាន់ដល់ទង្វើអាក្រក់» ដោយ «ធ្វើមិនឃើញការបង្ករឿងដោយចេតនា» របស់កូរ៉េខាងជើង។ លោកប្រធានាធិបតីបានសុំដល់ចិនឱ្យប្រើឥទ្ធិពលរបស់ខ្លួនដើម្បីលើកទឹកចិត្តកូរ៉េខាងជើងឱ្យបញ្ឈប់អាកប្បកិរិយាបែបនេះ។ អាហ្វហ្គានីស្ថាន៖ អាជ្ញាធរអាហ្វហ្គានីស្ថាននិយាយថាអាមេរិកបានបង់ប្រាក់រាប់ម៉ឺនដុល្លារទៅឱ្យគ្រួសារនៃពួកជនរងគ្រោះដែលបានត្រូវបាញ់សម្លាប់ដោយទាហានអាមេរិកាំងម្នាក់។ អាហ្វហ្គានីស្ថាន៖ ពួកមន្ត្រីនៅអាហ្វហ្គានីស្ថាននិយាយថាការផ្ទុះគ្រាប់បែកមួយគ្រាប់បានបណ្តាលឱ្យមនុស្សយ៉ាងតិចណាស់៨នាក់ស្លាប់ ដោយមានរួមបញ្ចូលទាំងប៉ូលីសមួយចំនួនផងដែរ។ អាជ្ញាធរថ្លែងថាការផ្ទុះនេះបានកើតមានទ្បើងកាលពីថ្ងៃសៅរ៍នៅក្នុងក្រុងអាហ្កាដាប់ ក្នុងខេត្ត Kandahar នាប៉ែកខាងត្បូងប្រទេស។ សេណេហ្កាល់៖ ធ្វើការបោះឆ្នោតប្រធានាធិបតីជុំទីពីរកាលពីថ្ងៃអាទិត្យដែលជាការប្រកួតប្រជែងរវាងប្រធានាធិបតីអាយុ៨៥ឆ្នាំនិងគូប្រជែងម្នាក់ដែលមានការគាំទ្រពីពួកមេដឹកនាំក្រុមប្រឆាំង១២នាក់ទៀត។ មិចស៊ិក៖ សម្តេចប៉ាប បេណេឌិក Benedict បានប្រារព្ធពិធីសូត្រធម៌ម៉ាស Mass នៅមុខក្រុមអ្នកកាន់គ្រឹស្តសាសនានិកាយ កាតូលិក រាប់ម៉ឺននាក់ក្នុងក្រុងស៊ីឡាវ នាប៉ែកកណ្តាលនៃប្រទេសមិចស៊ិក។ អេហ្ស៊ីប៖ ពួកអ៊ីស្លាមនិយមអេហ្ស៊ីបបានទទួលកៅអីភាគច្រើន នៅក្នុងគណៈកម្មការមួយមានសមាជិក១០០នាក់ដែលបានត្រូវចាត់ឱ្យព្រាងរដ្ឋធម្មនុញ្ញថ្មីមួយដែលក្រុមមិនមានសាសនាជាធំនិងពួកអភិរក្សនិយមព្រួយបារម្ភថានឹងបង្កើនមុខនាទីរបស់សាសនាអ៊ីស្លាមក្នុងសង្គម។ បារាំង៖ ពួករដ្ឋអាជ្ញាបានដាក់ពាក្យចោទប្រកាន់ដំបូងប្រឆាំងនឹងបងប្រុសរបស់ជនប្រដាប់អាវុធអ៊ីស្លាមនិយមម្នាក់ដែលបានបាញ់សម្លាប់មនុស្ស៧នាក់ក្នុងការបាញ់កាំភ្លើងដូចកម្រោលចូលក្នុងប៉ែកនិរតីនៃប្រទេសបារាំងកាលពីពេលមុននេះក្នុងខែនេះ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
