VOA News: ព័ត៌មាន: “បានគីមូនស្នើកូរ៉េខាងជើងឲ្យពិចារណាឡើងវិញពីការបង្ហោះផ្កាយរណបវិទ្យាសាស្រ្ត” plus 2 more |
- បានគីមូនស្នើកូរ៉េខាងជើងឲ្យពិចារណាឡើងវិញពីការបង្ហោះផ្កាយរណបវិទ្យាសាស្រ្ត
- លោក អូបាម៉ា និង លោក លី បង្ហាញរណសិរ្សរួបរួមប្រឆាំងទៅនឹងការបៀតបៀនជាយថាហេតុដោយនុយក្លេអ៊ែរពីកូរ៉េខាងជើង
- អាមេរិកស្នើឈ្មោះបេក្ខជនដើមកំណើតកូរ៉េសម្រាប់តំណែងប្រធានធនាគារពិភពលោក
| បានគីមូនស្នើកូរ៉េខាងជើងឲ្យពិចារណាឡើងវិញពីការបង្ហោះផ្កាយរណបវិទ្យាសាស្រ្ត Posted: 25 Mar 2012 09:37 AM PDT លោកអគ្គលេខាធិការអង្គការសហប្រជាជាតិបាន គីមូន នៅក្នុងជំនួបមួយជាមួយលោកប្រធានាធិបតីកូរ៉េខាងត្បូង លោកលី យុង ប៉ាក់ (Lee Myung-bak) កាលពីព្រឹកថ្ងៃសៅរ៍បានសុំដល់កូរ៉េខាងជើងឱ្យពិចារណាជាថ្មីអំពីផែនការដែលខ្លួនបានប្រកាសថានឹងបង្ហោះអ្វីដែលហោថា «ផ្កាយរណបវិទ្យាសាស្ត្រអនុវត្ត» នៅខែក្រោយ។ សេចក្តីថ្លែងការណ៍ដែលចេញផ្សាយដោយការិយាល័យរបស់លោកបាននិយាយថាលោកបាន គីមូន បានសុំដល់រដ្ឋាភិបាលក្រុងព្យុងយ៉ាងឱ្យធ្វើតាមឱ្យបានពេញលេញនូវសេចក្តីសម្រេចចិត្តដែលមានពាក់ព័ន្ធរបស់ក្រុមប្រឹក្សាសន្តិសុខអង្គការសហប្រជាជាតិ ជាពិសេសសេចក្តីសម្រេចចិត្តដែលហាមប្រាម «ការបង្ហោះដែលប្រើប្រាស់បច្ចេកទេសកាំជ្រួចផ្លោង»។ លោកក៏បានសុំដល់កូរ៉េខាងជើងដែរឱ្យពិចារណាជាថ្មីអំពីសេចក្តីសម្រេចរបស់ខ្លួន ដែលពាក់ព័ន្ធនឹងកិច្ចព្រមព្រៀងកាលពីពេលថ្មីៗនេះរបស់ខ្លួនក្នុងការទប់ចិត្តមិនបង្ហោះកាំ្រជ្រួចមីស៊ីល មានវង់ប្រតិបត្តិការឆ្ងាយ។ កូរ៉េខាងត្បូង៖ ពួកមេដឹកនាំពិភពលោកបានចាប់ផ្តើមធ្វើដំណើរទៅដល់ក្រុងសេអ៊ូលហើយដើម្បីចូលរួមក្នុងសន្និសីទកំពូលសន្តិសុខបរមាណូនៅសប្តាហ៍ក្រោយ។ លោកនាយករដ្ឋមន្ត្រីឥណ្ឌា មែនមូហាន ស៊ីន (Manmohan Singh) បានធ្វើដំណើរតាមយន្តហោះទៅដល់ជាមួយការយកចិត្តទុកដាក់។ លោកបាន បានព្រមានថាភេរវកម្មបរមាណូជាកង្វល់មួយដែលមានតទៅទៀត ហើយត្រូវតែដោះស្រាយមុនពីលោកចេញដំណើរពីក្រុងពីក្រុងញូវដែលី។ ម៉ាលី៖ លោក អាម៉ាដូ សាណូហ្គូ មេដឹកនាំរដ្ឋប្រហារនៅម៉ាលី បានចេញមកអំពាវនាវឱ្យមានការស្ងប់ស្ងៀម ដោយខិតខំព្យាយាមធានារ៉ាប់រងជាថ្មីដល់សាធារណជនដែលមានការប្រយ័ត្នប្រយែងដោយប្រឈមមុខនឹងការលួចប្លន់និងការខ្វះខាតម្ហូបអាហារនិងប្រេងឥន្ធនៈ ហើយថាបេសកកម្មចម្បងរបស់ពួកបុរសរបស់លោកគឺថែរក្សាបូរណភាពដែនដីម៉ាលីនិង «សន្តិសុខរបស់ប្រជារាស្ត្រនិងទ្រព្យសម្បត្តិរបស់ពួកគេ។» គុយបា៖ សម្តេចប៉ាប Benedict ជួបជាមួយលោកប្រធានាធិបតី Felipe Calderon នៃប្រទេស ម៉ិកស៊ិក កាលពីថ្ងៃសៅរ៍ នៅពេលដែលព្រះប្រមុខព្រះវិហារគ្រឹស្តសាសនានិកាយកាតូលីក បំពេញព្រះរាជទស្សនកិច្ច៥ថ្ងៃក្នុងទ្វីបអាមេរិកទ្បាទីនដែលនឹងនាំព្រះអង្គទៅកាន់គុយបាផងដែរ។ អេហ្ស៊ីប៖ ការប៉ះទង្គិចគ្នាកាលពីពេលថ្មីៗនេះរវាងពួកទាហានអេហ្ស៊ីប និងពួកអ្នកចូលចិត្តកីទ្បាបាល់ទាត់ខឹងសំបាររាប់ពាន់នាក់នៅក្នុងក្រុងកំពង់ផែ ផត សេទ (Port Said) នាប៉ែកខាងជើងនៃប្រទេសជាប់នឹងឆ្នេរសមុទ្រមេឌីទែរ៉ាណេ បានបណ្តាលឱ្យយុវជនម្នាក់ស្លាប់និងមានមនុស្ស៦៨នាក់ទៀតត្រូវរបួស។ This posting includes an audio/video/photo media file: Download Now |
| Posted: 25 Mar 2012 09:30 AM PDT ប្រធានាធិបតីស.រ.អា លោក បារ៉ាក់ អូបាម៉ា និង ប្រធានាធិបតីកូរ៉េខាងត្បូង លោកលី ម្យុង បាក់ បានជួបប្រជុំគ្នានៅក្នុងទីក្រុង សេអ៊ូល កាលពីថ្ងៃអាទិត្យនេះ ហើយ បានបង្ហាញរណសិរ្សរួបរួមមួយ ដើម្បីប្រឆាំងការគម្រាមណាមួយពីប្រទេសកូរ៉េខាងជើង។ នៅក្នុងសន្និសីទកាសែតរួមគ្នាមូយនៅក្រោយកិច្ចប្រជុំ លោក អូបាម៉ា មានប្រសាសន៍ថា កូរ៉េខាងជើងនឹងមិនសម្រេចបានអ្វីសោះ ដោយការគម្រាម ហើយលោកថ្លែងថា ប្រទេសកូរ៉េខាងជើងនឹងធ្លាក់ជ្រៅចូលទៅក្នុងភាពឯកោ បើកាលណាខ្លួនអនុវត្ដការបាញ់បង្ហោះគ្រាប់រុកកែតនៅខែក្រោយ។ លោក លី ម៉្យុង បាក់ យល់ស្របពីអ្វីដែលហៅថា ការបាញ់បង្ហោះកាំជ្រួចរយៈចម្ងាយឆ្ងាយនោះ ជាការញុះញង់ ដែលគម្រាមមកលើសន្ដិសុខសកល ហើយប្រឆាំងនឹងសេចក្ដីសម្រេចរបស់អ.ស.ប និងកិច្ចព្រមព្រាងមួយជាមួយស.រ.អា។ ព័ត៌មានអន្តរជាតិសំខាន់ៗផ្សេងទៀត៖ ស.រ.អា/បាគីស្ថាន៖ មន្ដ្រីយោធាស.រអានិយាយថា មិនមានទាហានអាមេរិកំាងណាមួយទេ ដែលត្រូវបានដាក់ទណ្ឌកម្មវិន័យពាក់ព័ន្ធនឹងការវាយប្រហារដោយយន្ដហោះនៅខែវិច្ឆិកា ដែលសម្លាប់ទាហានបាគីស្ថាន ២៤ នាក់ បណ្ដាលឲ្យទំនាក់ទំនងរវាងប្រទេសទាំងពីរធ្លាក់ចុះដុនដាប។ <!--IMAGE-RIGHT-->ស.រ.អា៖ បេក្ខជនប្រធានាធិបតីពីគណបក្សសាធារណរដ្ឋ លោក រីក សង់តូរូម (Rick Santorum) បានថ្លែងអំណរគុណក្រុមអ្នកគាំទ្ររបស់លោក ក្រោយពីបានយកជ័យជម្នះក្នុងរដ្ឋលូអ៊ីស្យាណា (Louisiana) ជ័យជម្នះលើកទី១១ ក្នុងចំណោមការប្រកួត៣៤លើក ដើម្បីទទួលបានការតែងតាំងជាបេក្ខជនប្រធានាធិបតីរបស់គណបក្សសាធារណរដ្ឋ។ ឥណ្ឌា៖ ក្រុមបះបោរម៉ៅនិយមនៅក្នុងប្រទេសឥណ្ឌា បានដោះលែងជនជាតិអ៊ីតាលីពីរនាក់ ដែលខ្លួនបានចាប់ធ្វើជាចំណាប់ខ្មាំង កាលពីពីរសប្ដាហ៍មុននៅក្នុងរដ្ឋអូរីសា (Orissa)។ ម៉ិកសិច៖ ពួកអ្នកកាន់សាសនាគ្រិស្តនិកាយរូម៉ាំងកាតូលិករាប់ពាន់ម៉ឺននាក់នៅក្នុងប្រទេសម៉ិកសិកបានត្រូវគេរំពឹងថានឹងមកចូលរួមក្នុងពិធី ម៉ាស (Mass) ជាមួយសម្ដេចប៉ាប បេណេដិច (Pope Benedict) នៅថ្ងៃអាទិត្យនេះ នៅលើទីវាលឡេអន (Leon) ជាថ្ងៃទីបីនៃដំណើរទស្សនកិច្ច៥ថ្ងៃ របស់សម្ដេចប៉ាបនៅក្នុងតំបន់អាមេរិកឡាទីន ដែលព្រះអង្គនឹងទៅទស្សនាប្រទេសគុយបាផងដែរ។ ជប៉ុន៖ ទូកនេសាទត្រីដ៏ធំមូយ ដែលបានត្រូវរលកយក្សស៊ូណាមីនាំចេញពីប្រទេសជប៉ុន បានត្រូវគេមើលឃើញនៅជិតឆ្នេរសមុទ្រប្រទេសកាណាដាភាគខាងលិច។ ជប៉ុន/កាណាដា៖ ជប៉ុននិងកាណាដាបានព្រមព្រាងគ្នាកាលពីថ្ងៃអាទិត្យថា នឹងបើកការចរចាអំពីកិច្ចព្រមព្រាងពាណិជ្ជកម្មសេរី ដែលគេរំពឹងថានឹងនាំទៅរកកតិកាសញ្ញាមួយរវាងជប៉ុននិងក្រុមប្រទេសទាំង៨ ដែលមានសេដ្ឋកិច្ចធំជាងគេបង្អស់។ កូរ៉េខាងត្បូង៖ សកម្មជនការពារបរិស្ថាននៃប្រទសកូរ៉េខាងត្បូងបានធ្វើការតវ៉ាកាលពីថ្ងៃអាទិត្យនេះ ដោយអំពាវនាវដល់មេដឹកនាំពិភពលោក ដែលចូលរួមក្នុងសន្និសីទកំពូលក្នុងក្រុងសេអ៊ូល សុំឲ្យបោះបង់ចោលថាមពលនុយក្លេអ៊ែរទាំងស្រុង។ បារាំង៖ ចៅក្រមបារាំងបានចេញដីកាឲ្យចាប់ខ្លួនដាក់គុកបងប្រុសរបស់ឃាតករម្នាក់ដែលបានសម្លាប់មនុស្ស៤នាក់នៅក្នុងសាលារៀនជ្វីបក្នុងក្រុងទូលូស កាលពីសប្ដាហ៍មុនខណៈដែលព្រះរាជអាជ្ញា ធ្វើការស៊ើបអង្កេតមកលើលទ្ធភាពនៃការឃុបឃិត។ This posting includes an audio/video/photo media file: Download Now |
| អាមេរិកស្នើឈ្មោះបេក្ខជនដើមកំណើតកូរ៉េសម្រាប់តំណែងប្រធានធនាគារពិភពលោក Posted: 25 Mar 2012 08:59 AM PDT លោកប្រធានាធិបតីអាមេរិក បារ៉ាក់ អូបាម៉ាបានស្នើឈ្មោះលោក ជីម យុង គីម (Jim Yong Kim) ប្រធានមានដើមកំណើតកូរ៉េនៃមហាវិទ្យាល័យ ដាតមោទ (Dartmouth) ឱ្យកាន់តំណែងជាប្រធានធនាគារពិភពលោកជំនួសលោក រ៉ូប៊ីត ហ្សូលីខ (Robert Zoellick) ដែលបានប្រកាសអំពីការចុះចេញពីតំណែងរបស់លោកចាប់តាំងពីដំណាច់ខែមិថុនា។ នេះជាការភ្ញាក់ផ្អើលមួយ នៅពេលជនជាតិអាមេរិកាំងម្នាក់តែងតែកាន់តំណែងជាប្រធានធានាគារពិភពលោក។ លោកអូបាម៉ាបានមានប្រសាសន៍កាលពីថ្ងៃសុក្រថាលោក Kim មានគុណវុឌ្ឍិល្អ មានការពិសោធន៍សាកលដោយពិតប្រាកដ ដែលបានធ្វើការពីទ្វីបអាស៊ី ទៅដល់ទ្វីបអាហ្វ្រ៊ិក ដល់ទ្វីបអាមេរិក ពីរដ្ឋធានីដល់ភូមិតូចតាច។ ហើយនេះជានិមិត្តរូបមួយនៃភាពប្លែកៗគ្នារបស់ប្រជារាស្ត្រអាមេរិកាំង ជាមួយនឹងជំនាញទូលំទូលាយខាងការថែរក្សាសុខភាពនៅទូទាំងពិភពលោក។ លោកប្រធានាធិបតីបានបន្តមានប្រសាសន៍ថាលោកជាឧទាហរណ៍មួយនៃភាពប្លែកគ្នាដ៏ធំនៃប្រទេសរបស់យើង និងការពិតជាក់ស្ដែងដែលថានរណាក៏អាចសម្រេចបំណងបានដែរដរាបណាគេធ្វើការច្រើននិងជួយអ្នកឯទៀត។ <!--IMAGE-RIGHT--> ជប៉ុន៖ បាននិយាយថាខ្លួនប្រុងប្រៀបប្រព័ន្ធការពារនឹងកាំជ្រួចផ្លោងរបស់ខ្លូនហើយដើម្បីបាញ់ទម្លាក់កាំជ្រួចកូរ៉េខាងជើងណាមួយដែលគំរាមកំហែងទឹកដីជប៉ុន។ ចិន៖ និយាយថាខ្លួននឹងបំបាត់ចោលការយកសរីរាង្គមនុស្សពីពួកអ្នកទោសត្រូវប្រហារជីវិតក្នុងរយៈពេលពី៣ទៅ៥ឆ្នាំទៀត។ បារំាង៖ លោកនាយករដ្ឋមន្ត្រីបារាំង Francois Fillon បានច្រានចោលការចោទប្រកាន់ដែលថារដ្ឋាភិបាលលោកអាចបញ្ចៀសមិនឱ្យមានការបាញ់សម្លាប់ដោយអ្នកកាន់សាសនាអ៊ីស្លាមនិយមជ្រុលម្នាក់ដែលបានបណ្តាលឱ្យមនុស្ស៧នាក់ស្លាប់។ ម៉ាលី៖ សហភាពអាហ្វ្រ៊ិកបាននិយាយថាលោកប្រធានាធិបតីម៉ាលី អាម៉ាដូ ទួម៉ានី ទួរ (Amadou Toumani Toure) មានសុវត្ថិភាពមួយថ្ងៃក្រោយពីពួកទាហានប្រព្រឹត្តតាមតែអំពើចិត្តបានប្រកាសថាពួកគេបានទម្លាក់រដ្ឋាភិបាលរបស់លោកហើយ។ សហភាពអាហ្វ្រ៊ិក៖ នឹងបញ្ជូនទាហានបន្ថែម៥ពាន់នាក់ទៀតដើម្បីស្វែងរក ជួសេផ កូនី (Joseph Kony) មេដឹកនាំឧទ្ទាមរត់គេចខ្លួនដែលជាប្រធាននៃកងទ័ពតស៊ូរបស់ព្រះអាទិទេពដែលហៅកាត់ថា LRA។ រុស្ស៊ី៖ ឯកអគ្គរដ្ឋទូតថ្មីប្រចាំប្រទេសរុស្ស៊ី លោកមីឆែល ម៉ាក់ ហ្វល បាននិយាយថាលោកមានការភ្ញាក់ផ្អើល ដោយមនោសញ្ចេតនាប្រឆាំងនឹងអាមេរិកាំងដែលលោកបានជួបប្រទះ នៅពេលលោកកាន់តំណែងថ្មីរបស់លោក តែពួកមន្ត្រីរុស្ស៊ីនិងអាមេរិកាំងមិនចង់វិលត្រទ្បប់ទៅកាន់ភាពតានតឹងខាងការទូត នៅពេលមានការប្រកួតប្រជែងអាវុធបរមាណូកាលពីពាក់កណ្តាលសតវត្សរ៍ទី២០ទេ។ រុស្សី៖ លោកប្រធានាធិបតីរុស្សី ឌីមីទ្រី មេដវីដេវ (Dmitry Medvedev) បានមានប្រសាសន៍ថា ជិតអស់ពេលវេលាហើយសម្រាប់អាមេរិកដាក់ស្នើផែនការមួយដើម្បីឱ្យមានការយល់ព្រមពីរុស្ស៊ីដល់ប្រព័ន្ធការពារនឹងកាំជ្រួចផ្លោងរបស់អង្គការអូតង់ដែលដឹកនាំដោយសហរដ្ឋអាមេរិកក្នុងទ្វីបអឺរ៉ុប។ គុយបា៖ សម្តេចប៉ាប បេនីឌីក (Benedict) បានមានបន្ទូលថាព្រះវិហារគ្រឹស្តសាសនា កាតូលីក (Catholic) ប្រុងប្រៀបជួយប្រទេស នេះឱ្យងាកចេញពីលទ្ធិកុម្មុយនិស្តដោយព្រះអង្គបានមានបន្ទូលថាមនោគមវិជ្ជាម៉ាស៊ីស លែងស៊ីគ្នានឹងការពិតជាក់ស្តែងហើយ។ ស៊ីរី៖ សហភាពអឺរ៉ុបបានដាក់ការហាមប្រាមមិនឱ្យធ្វើដំណើរ និងផ្អឹបទ្រព្យសម្បតិ្តទៅលើប្រពន្ធរបស់ប្រធានាធិបតី បាសារ អាល អាសាទ (Bashar al-Assad) ដែលកើតក្នុងប្រទេសអង់គ្លេសនិងសមាជិកមួយចំនួននៃគ្រួសារនិងរដ្ឋបាលរបស់លោកកាលពីថ្ងៃសុក្រ។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
