VOA News: ព័ត៌មាន: “ស៊ីរីនិយាយថាមានមនុស្ស៤៤នាក់បានស្លាប់ក្នុងការផ្ទុះគ្រាប់បែកពីរគ្រាប់ផ្ទួនៗគ្នា” plus 2 more |
- ស៊ីរីនិយាយថាមានមនុស្ស៤៤នាក់បានស្លាប់ក្នុងការផ្ទុះគ្រាប់បែកពីរគ្រាប់ផ្ទួនៗគ្នា
- ចិនបញ្ចប់ទស្សនកិច្ចនៅអាមេរិកនៅថ្ងៃសុក្រ
- នួន ជា បដិសេធឯកសារភ័ស្តុតាងប្រឆាំងនឹងខ្លួន
| ស៊ីរីនិយាយថាមានមនុស្ស៤៤នាក់បានស្លាប់ក្នុងការផ្ទុះគ្រាប់បែកពីរគ្រាប់ផ្ទួនៗគ្នា Posted: 17 Feb 2012 07:50 AM PST មន្រ្តីស៊ីរីនិយាយថាការផ្ទុះគ្រាប់បែកអត្តឃាតុ២គ្រាប់ក្នុងរដ្ឋធានីដាម៉ាស (Damascus) បានសម្លាប់មនុស្សយ៉ាងហោចណាស់ក៏៤៤នាក់ហើយនឹងធ្វើឲ្យមនុស្សយ៉ាងហោចណាស់ក៏១៥០នាក់ដែររងរបួស។ ទូរទស្សន៍រដ្ឋរាយការណ៍ថា អ្នកដាក់គ្រាប់បែក២នាក់បានប្រើប្រាស់រថយន្តដែលផ្ទុកទៅដោយគ្រឿងផ្ទុះបានវាយប្រហារអាគារសន្តិសុខរដ្ឋ២កន្លែងនៅក្នុងរដ្ឋធានីនៅថ្ងៃសុក្រនេះ។ ទីភ្នាក់ងារព័ត៌មានរដ្ឋ សាណា (SANA) បានបង្ហាញរូបថតដែលទីភ្នាក់ងារព័ត៌មាននោះបានបង្ហាញជនរងគ្រោះដែលគេហៅថាការវាយប្រហារភេរវកម្ម។ ទីភ្នាក់ងារព័ត៌មាននោះ ក៏បានប្រាប់ឲ្យដឹងទៀតដែរថាជនជាតិស៊ីរី បានប្រមូលផ្តុំគ្នាក្នុងរដ្ឋធានីដាម៉ាសហើយនិងទីក្រុងផ្សេងៗទៀតមួយចំនួនដើម្បីប្រឆាំងតវ៉ានឹងការផ្ទុះគ្រាប់បែកនេះ។ ព័ត៌មានអន្តរជាតិសំខាន់ៗផ្សេងទៀត៖ ចិន/អាមេរិក៖ លោក ហ្សី ជីនពីង (Xi Jinping) អនុប្រធានាធិបតីចិន នឹងបញ្ចប់ដំណើរបំពេញទស្សនកិច្ចរយៈពេល៤ថ្ងៃរបស់លោក មកកាន់សហរដ្ឋអាមេរិកនៅថ្ងៃសុក្រនេះដោយមានការអញ្ជើញចូលរួមក្នុងពិធីនានានៅក្នុងទីក្រុង ឡូស អានជឺឡេស (Los Angeles)។ ថៃ៖ អាជ្ញាធរនៅក្នុងប្រទេសថៃ កំពុងស្វែងរកជនសង្ស័យយ៉ាងហោចណាស់ក៏២នាក់ថែមទៀតដែរ នៅក្នុងការទាក់ទិនជាមួយការផ្ទុះគ្រាប់បែកនៅសប្តាហ៍នេះក្នុងរាជធានីបាងកកដែលប៉ូលីស និយាយថាជាផ្នែកមួយនៃផែនការឃាតុកម្មដែលសំដៅលើអ្នកការទូតអ៊ីស្រាអែល។ លីប៊ី៖ ប្រជាពលរដ្ឋនៅក្នុងប្រទេសលីប៊ី កំពុងប្រារព្ធខួបលើកទីមួយនៃបដិវត្តន៍ដែលបានផ្តួលរំលំរបបរបស់អតីតមេដឹកនាំផ្តាច់ការរបស់លោក មូអាម៉ា កាដាហ្វី (Moammar Gadafhi)។ អ៊ីរ៉ង់៖ ប្រធានាធិបតីអ៊ីរ៉ង់លោក មាមូដ អាមាដឌីនេចាដ (Mahmoud Ahmadinejad) និយាយថាការជ្រៀតជ្រែករបស់ពួកបរទេសជាប្រភពនៃបញ្ហានៅក្នុងតំបន់។ អាល្លឺម៉ង់៖ ប្រធានាធិបតីអាល្លឺម៉ង់លោក គ្រីស្ទៀន វាហ្វ (Christian Wuff) បានលាលែងចេញពីតំណែងនៅពេលដែលមានការចោទប្រកាន់ថាលោកបានប្រើប្រាស់អំណាចហួសហេតុនៅក្នុងតួនាទីនយោបាយមុនៗដោយមានភាពលំអៀង។ អាល្លឺម៉ង់៖ ពួកអ្នកដំណើរ ដែលប្រើចំណតអាកាសយាន្តក្នុងទីក្រុងហ្វ្រេងហ្វឺដ (Frankfurt)នៃប្រទេសអាល្លឺម៉ង់ ដែលជាចំណតអាកាសយាន្តដ៏មមាញឹកមួយនៅអឺរ៉ុបអាចត្រូវគេរំពឹងថានឹងលុបចោលជើងហោះហើរថ្ងៃទី២ពីព្រោះតែការធ្វើកូដកម្មរបស់អ្នកបើកបរ។ នីហ្សេរីយ៉ា៖ បុរសជនជាតិនីហ្សេរីយ៉ាម្នាក់ដែលរងការចោទប្រកាន់ពីការបំផ្ទុះយន្តហោះដឹកអ្នកដំណើរមួយគ្រឿងរបស់សហរដ្ឋអាមេរិកនៅថ្ងៃបុណ្យណូអែលកាលពីឆ្នាំ២០០៩បានត្រូវតុលាការកាត់ទោសឲ្យជាប់គុកអស់មួយជីវិត។ អ.ស.ប/ភូមា៖ មន្រ្តីកំពូលម្នាក់របស់អង្គការសហប្រជាជាតិ បានជំរុញប្រទេសភូមានៅថ្ងៃសុក្រនេះដើម្បីធ្វើឲ្យប្រាកដប្រជាថាការធ្វើកំណែទម្រង់ថ្មីផ្តល់អត្ថប្រយោជន៍ដល់ប្រជាពលរដ្ឋនៅក្នុងប្រទេសជាតិក្រីក្រនេះនៅក្នុងវិស័យនានាដូចជាការថែទាំសុខភាពនិងការសិក្សាអប់រំជាដើម។ <!--AV--> This posting includes an audio/video/photo media file: Download Now |
| ចិនបញ្ចប់ទស្សនកិច្ចនៅអាមេរិកនៅថ្ងៃសុក្រ Posted: 16 Feb 2012 07:09 PM PST លោកអនុប្រធានាធិបតីចិន ស៊ី ជិនភីង (Xi Jinping) បញ្ចប់ទស្សនកិច្ចរបស់លោកនៅសហរដ្ឋអាមេរិក នៅថ្ងៃព្រហស្បត៍និងថ្ងៃសុក្រ នៅទីក្រុង ឡូសអានជឺឡេស (LosAngeles) ដោយមានព្រឹត្តិការណ៍ផ្សេងៗដើម្បីសង្កត់លើទំនាក់ទំនងសេដ្ឋកិច្ចនិងវប្បធម៌រវាងប្រទេសទាំងពីរ។ នៅក្នុងអំឡុងទស្សនកិច្ច លោកបានទៅមើលកំពុងផែរបស់កុ្រមហ៊ុនចិននៅទីក្រុង ឡូសអានជឺឡេសនិងទស្សនកិច្ចទៅកាន់សភាអាមេរិក ដែលនៅក្នុងឪកាសនោះ សមាជិកព្រឹទ្ធសភា លោក ជន ម៉ាក ខេន (John McCain) បាននិយាយថាគាត់បានលើកយកករណីព្រះសង្ឃដុតខ្លួនដើម្បីប្រឆាំងការគ្រប់គ្រងរបស់ចិននៅដែនដី ទីបេ ការបោះឆ្នោត វេតូ របស់ចិនប្រឆាំងនឹងសេចក្តីសម្រេចចិត្តអង្គការសហប្រជាជាតិអំពីប្រទេសស៊ីរី ការជាប់ឃុំក្នុងផ្ទះរបស់ជ័យលាភីរង្វាន់ ណូបែល នឹងមានការគាំទ្ររបបឃោឃៅនៅកូរ៉េខាងជើង។ នៅថ្ងៃសុក្រ លោក ស៊ី ជិនភីង នឹងថ្លែងសន្ទរកថាទៅកាន់ក្រុមប្រឹក្សាពាណិជ្ជកម្មនិងសេដ្ឋកិច្ចចិន-អាមេរិក ហើយចូលរួមក្នុងព្រឹត្តិការណ៍ដទៃទៀតដែលផ្តោតទៅលើពាណិជ្ជកម្មនិងវិនិយោគ។ សហរដ្ឋអាមេរិក៖ នៅពេលលោកអនុប្រធានាធិបតីចិន បញ្ចប់ទស្សនកិច្ចនៅក្នុងសហរដ្ឋអាមេរិក ការស្ទង់មតិថ្មីមួយរបស់អង្គការ ហ្គោលអាប់ (Gallup) បង្ហាញថា ពលរដ្ឋអាមេរិកាំង៥៣% ជឿថា ចិនមានសេដ្ឋកិច្ចធំជាង អាមេរិក ហើយមានតែ ៣៣% ទេដែលយល់ថាសហរដ្ឋអាមេរិកមានសេដ្ឋកិច្ចធំជាងប្រទេសចិន។ ចិន៖ក្រុមហ៊ុនលក់រាយធំបំផុតក្នុងពិភពលោក វ៉លម៉ាត (Wal-Mart) និយាថាខ្លួនសង្ឃឹមទៅលើការលូតលាស់យ៉ាងឆាប់រហ័សនៅចិន នៅពេលដែលក្រុមហ៊ុននេះ ខំស្តារខ្លួនឡើងវិញពីរឿងអាស្រូវដ៏អាម៉ាស់មួយ ទាក់ទងនឹងការលក់សាច់ជ្រូកធម្មតា ចំនួន៦ម៉ឺន៣ពាន់គីឡូក្រាម ដោយដាក់សញ្ញាថាជាសាច់ឥតមានជាតិគីមី។ សហរដុ្ឋអាមេរិក៖ បេក្ខជនប្រធានាធិបតីនៃគណបក្សសាធារណរដ្ឋ លោក រីក សានធឺរ៉ាម់ (Rick Santorum) បានចេញផ្សាយរបាយការណ៍អំពីប្រាក់បង់ពន្ធរបស់លោកក្នុងពេលបួនឆ្នាំកន្លងទៅនេះ ដែលបង្ហាញថា លោកបានទទួលប្រាក់ចំណូល ៣លាន៥សែនដុល្លារ តាំងពីពេលលោកបានឈប់ពីព្រឹទ្ធសភា នោឆ្នាំ២០០៦ ភាគច្រើននៃចំណូលគឺបានតាមរយៈទំនាក់ទំនងរបស់លោកជាមួយក្រុងវ៉ាស៊ីនតោន រួមមាន ការបង្ហាញខ្លួនជាសាធារណៈ ការពិគ្រោះឲ្យយោបល់ និងការលក់ហ៊ុន ។ កូរ៉េខាងជើង៖ ពលរដ្ឋកូរ៉េខាងជើងបានធ្វើពិធីរំលឹកថ្ងៃកំណើតទី ៧០ របស់សពមេដឹកនាំ គីម ជុង អ៊ីល (Kim Jong Il) កាលពីថ្ងៃព្រហស្បត៍នេះ ដោយមានទាហានរាប់ពាន់នាក់ដើរជាក្បួនកាត់ទីក្រុង ព្យុងយ៉ាង (Pyongyang) និងមន្រ្តីជាន់ខ្ពស់រាប់រយនាក់ សម្តែងស្វាមីភក្តិ ចំពោះកូនប្រុសលោក គីម ជុង អ៊ីល គឺ គីម ជុង អាំង (Kim Jong Un)។ ប៉ាគីស្ថាន៖ មន្រ្តីការណ៍សម្ងាត់ប៉ាគីស្ថាន និយាយថា ការវាយប្រហារពីរ ដោយយន្តហោះឥតអ្នកបើករបស់សហរដ្ឋអាមេរិកកាលពីថ្ងៃព្រហស្បត៍ បានសម្លាប់ជនសកម្មប្រយុទ្ធយ៉ាងតិច១៤ នាក់ នៅក្នុងប្រទេសភាគពាយ័ព្យ នៅតាមព្រំដែនអាហ្វហ្គានីស្ថាន ក្នុងតំបន់កុលសម្ព័ន្ធ វ៉ាហ្សីរីស្ថាន (Waziristan) ខាងជើង ដែលចាត់ទុកថាជាទីតាំងមាំមួយរបស់យុទ្ធជន អាល កៃដា (al-Qaida) និងតាលីបាន (Taliban)។ ប៉ាគីស្ថាន៖ មេដឹកនាំ អ៊ីរ៉ង់ លោកម៉ាហម៉ោទ អាហម៉ាឌីនចាទ (Mahmoud Ahmadinejad) និងមេដឹកនាំអាហ្វហ្គានីស្ថានលោក ហាមីត ខាហ្សាយ (Hamid Karzai) បានទៅដល់ប៉ាគីស្ថាន ដើម្បីចូលរួមក្នុងសន្និសីទកំពូលមួយរបស់កុលសម្ព័ន្ធ ស្តីពីការជួយសម្រួលសន្តិភាពជាមួយពួក តាលីបាន់អាហ្វហ្គានីស្ថាន។ អ៊ីរ៉ុង៖ មន្រ្តីការណ៍សម្ងាត់ជាន់ខ្ពស់ម្នាក់របស់សហរដ្ឋអាមេរិកនិយាយថា ប្រទេស អ៊ីរ៉ង់ នឹងឆ្លើយតបបើមានការវាយប្រហារទៅលើសកម្មភាពនុយគ្លេអ៊ែររបស់ខ្លួន តែប្រហែលមិនទំនងនឹងចាប់ផ្តើម ឬបង្កជម្លោះដោយចេតនាមុនគេទេ។ ស៊ីរី៖ លោកអគ្គលេខាធិការអសប បាន គី មូន (Ban Ki-Moon) បានចោទប្រទេស ស៊ីរី អំពីលទ្ធភាពនៃបទឧក្រិដ្ឋកម្មប្រឆាំងមនុស្សជាតិ នៅពេលដែលសកម្មជននិយាយថា កងកម្លាំងសន្តិសុខ ស៊ីរី កំពុងវាយលុកទៅលើទីក្រុង ដារ៉ាក (Daraa) ដែលជាកន្លែងការបះបោរ ចាប់ផ្តើម។ លោកបានទាមទារឲ្យរដ្ឋាភិបាលលោកប្រធានាធិបតី បាសារ អាល អាសាទ (Bashar al-Assad) បញ្ឈប់«ការបាញ់កាំភ្លើងធំនិងការប្រើកម្លាំងទ័ពប្រឆាំងនឹងជនស៊ីវិលជាបន្ទាន់»។ អង្គការអង្កេតសិទ្ធិមនុស្សស៊ីរី (Syrian Observatory for Human Rights) នៅក្រុងឡុងដ៍ បានប្រាប់វីអូអេថា មានមនុស្សយ៉ាងតិច ២៤ នាក់ស្លាប់ នៅពាសពេញប្រទេស កាលពីថ្ងៃព្រហស្បត៍នេះ។ <!--AV--> This posting includes an audio/video/photo media file: Download Now |
| នួន ជា បដិសេធឯកសារភ័ស្តុតាងប្រឆាំងនឹងខ្លួន Posted: 16 Feb 2012 05:39 PM PST អតីតបងធំទី២ នៃរបបខ្មែរក្រហម នួន ជា នៅថ្ងៃព្រហស្បតិ៍នេះ បានច្រានចោលឯកសារនានាដែលប្រឆាំងនឹងខ្លួនដោយសំអាងថា ឯកសារទាំងនោះមានភាពមិនច្បាស់លាស់ និងមិនត្រឹមត្រូវ។ ក្រុមសហព្រះរាជអាជ្ញា និងក្រុមមេធាវីតំណាងឲ្យដើមបណ្តឹងរដ្ឋប្បវេណីនៅក្នុងការកាត់ទោសសំណុំរឿង០០២ ចាប់តាំងពីថ្ងៃច័ន្ទសប្តាហ៍នេះ បានបង្ហាញឯកសារជាច្រើនរួមមានឯកសារប្រតិចរិក ឯកសារជាសំឡេង និងឯកសារជាវីដីអូខ្លី សរុបចំនួន៩៥ឯកសារ ប្រឆាំងនឹងជនជាប់ចោទទាំងបីនាក់គឺនួន ជា ខៀវ សំផន និង អៀង សារី។ ឯកសារទាំងនោះដែលបង្ហាញពីការដឹកនាំ និងការទទួលខុសត្រូវជាខ្សែសង្វាក់របស់អតីតមេដឹកនាំកំពូលខ្មែរក្រហមទាំងបី។ ថ្លែងនៅក្នុងឱកាសចាប់ផ្តើមបើកសវនាការនៅព្រឹកថ្ងៃនេះ អតីតប្រធានសភាខ្មែរក្រហមបានបង្ហាញពីការសង្ស័យលើឯកសារមួយចំនួន រួមទាំងទាត់ចោលភស្តុតាងដែលស្រង់ជាសម្តីបុគ្គល។ «ការដែលរៀបរាប់ពីគណៈយោធាក្តី គណៈអចិន្ត្រៃយ៍ក្តី ដែលយកចេញពីបុគ្គលមួយចំនួននោះគឺមិនត្រឹមត្រូវទេ។ ចំណែកបទសម្ភាសផ្សេងៗជាមួយរូបខ្ញុំគឺជាការចាំបាច់ ត្រូវតែស្តាប់ខ្សែអ័ដ្ស ដែលបានថតនោះ ដើម្បីឲ្យដឹងថា ជាសម្តីរបស់ខ្ញុំមែនដែរ ឬទេ»។ ក្រុមមេធាវីរបស់ជនជាប់ចោទអៀង សារី លោក ម៉ៃឃើល កាណាវ៉ាស (Michael KANAVAS) និងមេធាវីរបស់ខៀវ សំផន លោក គង់ សំអុន ក៏បានបង្ហាញការជំទាស់ដែរ។ សហមេធាវីទាំងពីរ ក៏បានទាមទារឲ្យផ្ទៀងផ្ទាត់ឯកសារ ដែលត្រូវបានបង្ហាញនោះជាមួយនឹងឯកសារដើមផងដែរ។ ជាមួយគ្នានេះលោក គង់ សំអុន បានបង្ហាញថា ឯកសារដែលបានមកពីមជ្ឈមណ្ឌលកម្ពុជាមានភាពលម្អៀង ហើយឯកសារទាំងនោះសម្រាប់តែធ្វើការដាក់បន្ទុកលើជនជាប់ចោទតែប៉ុណ្ណោះ។ នៅក្នុងសេចក្តីថ្លែងការណ៍រយៈពេល១៥នាទី នួន ជា ចោទប្រកាន់ការិយាល័យសហចៅក្រមស៊ើបអង្គេតថា មានភាពលម្អៀង និងបានទាមទារឲ្យអង្គជំនុំជម្រះសាលាដំបូង នៃសាលាក្តីខ្មែរក្រហមទទួលយកសាក្សីដែលខ្លួនបានស្នើសុំ។ លោកបានសុំដាក់ភស្តុតាងបន្ថែមសម្រាប់ការពារខ្លួន។ នួន ជា ក៏បានចោទសួរពីមូលហេតុ ដែលថា ហេតុអ្វីបានជាអង្គជំនុំជម្រះសាលាដំបូងមិនធ្វើការសួរដេញដោលពីការជាប់ពាក់ព័ន្ធនឹងការទម្លាក់គ្រាប់បែករបស់សហរដ្ឋអាមេរិកនៅកម្ពុជា និងចេតនារបស់ប្រទេសជិតខាងមកលើកម្ពុជា។ ជនជាប់ចោទរូបនេះអះអាងថា កត្តាពីរចុងក្រោយ គឺជាមូលហេតុសំខាន់នៃប្រវត្តិសាស្ត្រទាក់ទងនឹងរបបខ្មែរក្រហម។ សូមបញ្ជាក់ថា ការកាត់ទោសនៅក្នុងសំណុំរឿង០០២នឹងផ្អាកដំណើរការនៅសប្តាហ៍ក្រោយមុននឹងបន្តឡើងវិញនៅថ្ងៃទី១២ ខែមិនា៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
