VOA News: ព័ត៌មាន: “ហេឡូវីអូអេ ១៣ កុម្ភៈ ២០១២៖ ការចូលរួមរបស់យុវជនក្នុងការតាមដានការគ្រប់គ្រងចំណូលប្រេង រ៉ែនិងឧស្ម័ននៅកម្ពុជា” plus 1 more |
| Posted: 13 Feb 2012 09:18 AM PST ការស្ទង់មតិថ្មីមួយបង្ហាញថា និស្សិតសាកលវិទ្យាល័យនៅកម្ពុជាភាគច្រើន មិនដឹងអំពីការគ្រប់គ្រងប្រាក់ចំណូលដែលបានពីវិស័យប្រេង រ៉ែនិងឧស្ម័នទេ។ ហេតុអ្វីបានជាពួកគេមិនដឹង? តើវាមានសារៈសំខាន់យ៉ាងដូចម្តេចនៅពេលដែលពួកគេដឹងអំពីចំណូលទាំងនោះ? លោកឆាយ សារ៉ាត អ្នកសម្របសម្រួលសម្ព័ន្ធភាព ដើម្បីតម្លាភាពចំណូលធនធាន បានចូលរួមជាវាគ្មិន ដើម្បីបកស្រាយអំពីចំងល់ក្នុងកម្មវិធីហេឡូវីអូអេ នៅថ្ងៃនេះ។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី០៩ ខែកុម្ភៈ ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| សហភាពអឺរ៉ុបសន្យាផ្តល់ជំនួយបន្ថែមទៀតដល់ប្រទេសភូមា Posted: 13 Feb 2012 07:37 AM PST ពួកមន្ដ្រីនៃសហភាពអឺរ៉ុប ដែលកំពុងធ្វើទស្សនកិច្ចក្នុងប្រទេសភូមា បានបង្ហើបថាខ្លួននឹង បន្ធូរការដាក់ទណ្ឌកម្មមកលើប្រទេសនេះបន្ថែមទៀត នៅក្នុងកិច្ចប្រជុំមូយ កាលពីថ្ងៃច័ន្ទនេះ ជាមួយរដ្ឋាភិបាលស៊ីវិលនៃប្រជាជាតិអាស៊ីអាគ្នេយ៍មួយនេះ។ លោក អង់ឌ្រីស ផាយបេក (Andris Piebags) ស្នងការនៃសហភាពអឺរ៉ុបសម្រាប់ការរអភិវឌ្ឍ បានប្រកាសអំពីកិច្ចសន្យាមួយរបស់សហភាពអឺរ៉ុបថានឹងផ្ដល់ជំនួយជាទឹកប្រាក់ជិត ២០០លានដុល្លារ ក្នុងរយៈពេល២ឆ្នាំខាងមុខនេះ។ លោក ស្វេ ម៉ាន់ (Shwe Mann) ប្រធានសភាជាន់ទាបរបស់ប្រទេសភូមា បានសន្យាជាមួយលោក ផាយបេក ថាការបោះឆ្នោតនៅខែមេសាខាងមុខនេះនឹងប្រកបដោយភាពសេរី ហើយយុត្ដិធម៌។ សហភាពអឺរ៉ុប បានបន្ធូរបម្រាមធ្វើដំណើរប្រឆាំងនឹងមេដឹកនាំភូមានានា នៅខែមករា ហើយសន្យាថានឹងចាត់វិធានការបន្ថែមទៀត ប្រសិនបើភូមាបន្ដកំណែទម្រង់។ ព័ត៌មានអន្តរជាតិសំខាន់ៗផ្សេងទៀត៖ ស៊ីរី៖ សកម្មជនការពារសិទ្ធិមនុស្សនៅក្នុងប្រទេសស៊ីរី និយាយថាកងកម្លាំងសន្ដិសុខរបស់រដ្ឋាភិបាលបានបន្តការវាយលុកជាថ្មីមកលើទីក្រុងហូម ដែលជាមជ្ឍមណ្ឌលនៃការប្រឆាំងរដ្ឋាភិបាលហើយ ពោលគឺមួយថ្ងៃក្រោយពី សម្ព័ន្ធអារ៉ាប់ បានយល់ព្រមគ្នា ដើម្បីអំពាវនាវឲ្យមានកងកម្លាំងការពារសន្ដិភាពមួយ ហើយនិងបង្កើនការគាំទ្រដល់ក្រុមបះបោរប្រឆាំងនឹងលោកប្រធានាធិបតី បាស្សា អាល អាសាដ ។ ស.រ.អា៖ លោក បារ៉ាក់ អូបាម៉ា ប្រធានាធិបតីស.រ.អា. កំពុងតែស្នើអ្វីដែលសេតវិមានហៅថា «វិធានការដែលមានតុល្យភាព»មួយ នៃការបង្កើនពន្ធដារ និងបន្ថយចំណាយ នាពេលដែលលោកបញ្ជូនផែនការសហព័ន្ធឆ្នំា២០១៣ទៅឲ្យរដ្ឋសភា។ ចិន/អាមេរិក៖ លោក ហ្សី ជីនពីង (Xi Jinping) អនុប្រធានាធិបតីចិនបានកំពុងតែព្រមានស.រ.អា. ប្រឆាំងនឹងការបង្កើនកងទ័ពយោធា នៅតំបន់អាស៊ីមួយ មុនពេលការមកដល់របស់លោកក្នុងរដ្ឋធានី វ៉ាស៊ីនតោន នៅថ្ងៃច័ន្ទនេះ សម្រាប់ការទស្សនកិច្ចរយៈពេល៤ថ្ងៃ។ អ.ស.ប/ភូមា៖ មន្ដ្រីថ្នាក់ខ្ពស់ម្នាក់របស់អ.ស.ប បាននិយាយធានាប្រាប់ក្រុមមន្ដ្រីភូមាថាការប្ដេជ្ញារបស់អ.ស.បក្នុងកំណែទម្រង់នានានៅក្នុងប្រជាជាតិអាស៊ីអាគ្នេយ៍មួយនេះ គឺមានភាពរឹងមាំ។ ឥណ្ឌូនេស៊ី៖ ជនសកម្មប្រយុទ្ធអ៊ីស្លាមម្នាក់ដែលត្រូវបានជាប់សង្ស័យពីបទឆ្នៃគ្រាប់បែកសម្រាប់ប្រើប្រាស់ក្នុងការវាយប្រហារមកលើកោះបាលី កាលពីឆ្នាំ២០០២ បានទៅបង្ហាញខ្លួននៅមុខតុលាការក្នុងប្រទេសឥណ្ឌូនេស៊ី។ កូរ៉េខាងត្បូង/វៀតណាម៖ ប្រទេសកូរ៉េខាងត្បូងនិយាយថា ខ្លួនកំពុងតែរៀបចំដើម្បីចូលរួមក្នុងកិច្ចចរចា អំពីពាណិជ្ជកម្មសេរីមួយជាមួយប្រទេសវៀតណាម។ ម៉ាឡេស៊ី៖ ប្រទេសម៉ាឡេស៊ី បានចេញមកការពារវិធានការបញ្ជូនអ្នកកាសែតជនជាតិអារ៉ាប៊ី សាអូឌីត ម្នាក់ ដែលត្រូវបានតាមចាប់នៅឯប្រទេសរបស់លោក ពីបទចោទប្រកាន់អំពីការប្រមាថមើលងាយព្យាការីមហាមាដក្នុងទំព័រ ទ្វីតធឺ (Twitter)។ បាគីស្ថាន៖ តុលាការកំពូលរបស់ប្រទេសបាគីស្ថាន បានកាត់ទោសលោកនាយករដ្ឋមន្ដ្រី យូសូហ្វ រ៉ាហ្សា ហ្គីឡានី (Yusuf Raza Gilani) ពីបទមិនគោរពតុលាការកាលពីថ្ងៃច័ន្ទនេះ។ លោកនាយករដ្ឋមន្ត្រីរូបនេះបានតវ៉ាថាលោកគ្មានកំហុសទេ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
