VOA News: ព័ត៌មាន: “សីលវតីជំទង់ទីបេត៍ដុតខ្លួនឯង” plus 1 more |
| សីលវតីជំទង់ទីបេត៍ដុតខ្លួនឯង Posted: 12 Feb 2012 11:02 AM PST ពួកជនជាតិទីបេត៍និរទេសនៅក្រៅប្រទេសបាននិយាយថា សីលវតីជំទង់ម្នាក់បានដុតខ្លួនឯងនៅក្នុងខេត្ត ស៊ីឈុន (Sichuan) នាប៉ែកនិរតីប្រទេសចិន។ សេចក្តីរាយការណ៍និយាយថា សីលវតីឈ្មោះតេនហ្ស៊ីន ចូដ្រូន (Tenzin Choedron) អាយុ១៨ឆ្នាំបានដុតខ្លួនឯងនៅជិតអាវាសដូនជី ម៉ាមេ (Mamae) នៅខាងក្រៅក្រុង ង៉ាប៉ា (Ngaba) ដែលបានត្រូវទ្បោមព័ទ្ធ។ ពួកអ្នកឃើញហេតុការណ៍ដោយផ្ទាល់និយាយថាសីលវតីនេះមិនស្លាប់ទេ ហើយអាជ្ញាធរចិនបាននាំខ្លួនចេញពីកន្លែងនោះ។ គេមិនបានដឹងអំពីស្ថានភាពសីលវតីនេះទេ។ ក្រុមជនជាតិទីបេត៍និរទេសខ្លូននៅក្រៅប្រទេសអះអាងថា មានមនុស្សប្រមាណ២០នាក់បានដុតខ្លួនឯងចាប់តាំងពីខែមីនាឆ្នាំទៅមិញ ដើម្បីតវ៉ាប្រឆាំងនឹងការបង្ក្រាបរបស់រដ្ឋាភិបាលចិនលើវប្បធ៌ម និងសាសនាទីបេត៍។ ព័ត៌មានអន្តរជាតិសំខាន់ៗផ្សេងទៀត៖ ម៉ាឡេស៊ី៖ អាជ្ញាធរប្រទេសម៉ាឡេស៊ីបាននិយាយថា ពួកគេបានធ្វើបត្យាប័នអ្នកកាសែតជនជាតិ អារ៉ាប៊ី សាអូឌីត (Arabie Saoudite) ដែលបានត្រូវចាប់ខ្លួនក្នុងប្រទេសពូកគេ ពីព្រោះបានធ្វើការកត់សម្គាល់តាមប្រព័ន្ធទ្វីធឺ (Twitter) ចាត់ទុកថាជាការប្រមាថមើលងាយដល់ព្យាការី មូហាម៉ាត់ (Muhammad)។ ជប៉ុន៖ ពួកមន្ត្រីជប៉ុនបាននិយាយថាព្រះចៅអធិរាជអាក់គីហ៊ិតូ (Akihito) នឹងត្រូវវះកាត់បេះដូង ដែលគេហៅថា bypass surgery ក្នុងសប្តាហ៍នេះ ក្រោយពីពួកវេជ្ជបណ្ឌិតបានរកឃើញថាបញ្ហាជំងឺបេះដូងរបស់ព្រះអង្គមានភាពធ្ងន់ធ្ងរជាងមុន។ ក្រិក៖ សភានៃប្រទេសក្រិកបានកំណត់នឹងបោះឆ្នោតនៅថ្ងៃអាទិត្យនេះ អំពីសេចក្តីព្រាងនៃវិធានការចំណាយត្បិតត្បៀត ដែលបានត្រូវទាមទារដោយសហភាពអឺរ៉ុបជាថ្នូរនឹងប្រាក់កម្ចីជួយសង្គ្រោះថ្មីមួយ។ ស៊ីរី៖ ពួករដ្ឋមន្ត្រីការបរទេសអារ៉ាប់បានប្រមូលផ្តុំគ្នាក្នុងក្រុងគែរ (Le Caire) ដើម្បីពិភាក្សាគ្នាអំពីគំនិតនៃការបង្កើតបេសកកម្មសង្កេតការរួមគ្នារវាងអារ៉ាប់ និង អ.ស.ប. សម្រាប់ប្រទេសស៊ីរី។ ស៊ីរី៖ មេដឹកនាំពួកអាល់កៃដា (al-Qaida) ឈ្មោះអាយមែន អាល់ ហ្សាវ៉ាហ៊ីរី (Ayman al-Zawahiri) បានសម្តែងការគាំទ្រដល់ការបះបោរក្នុងប្រទេសស៊ីរី ប្រឆាំងនឹងរដ្ឋាភិបាលប្រធានាធិបតី បាស្សា អាល់ អាសាដ (Bashar al-Assad)។ តួកម៉េនីស្ថាន៖ ក្រុមអ្នកបោះឆ្នោតក្នុងប្រទេស តួកម៉េនីស្ថាន (Turkmenistan) បានទៅបោះឆ្នោតនៅថ្ងៃអាទិត្យនេះ នៅក្នុងការបោះឆ្នោតមួយ ដែលគេរំពឹងថាលោកប្រធានាធិបតី គួបានហ្គូលី បឺឌីមូកហាមេដូវ (Kurbanguly Berdymukhamedov) នឹងចាប់ឆ្នោតជាថ្មី។ This posting includes an audio/video/photo media file: Download Now |
| អ៊ីរ៉ង់នឹងបង្ហាញសមិទ្ធិថ្មីៗខាងបរមាណូឆាប់ៗនេះ Posted: 12 Feb 2012 06:50 AM PST អ៊ីរ៉ុង៖ កាលពីថ្ងៃសៅរ៍ ប្រធានាធិបតីអ៊ីរ៉ង់ ម៉ាមូដ អាម៉ាឌិននីចាដ (Mahmoud Ahmadinejad) បានប្រកាសថាប្រទេសអ៊ីរ៉ង់នឹងលាតត្រដាងឱ្យដឹងក្នុងពេលឆាប់ៗនេះអំពីសមិទ្ធិថ្មីៗខាងបរមាណូ។ ក្នុងការប្រជុំមហាជនមួយដើម្បីប្រារព្ធខួបឆ្នាំទី៣៣នៃការបដិវត្តន៍អ៊ីស្លាមរបស់ប្រទេសនេះក្នុងទីលាន អាហ្សាឌី (Azadi) ដ៏ល្បីល្បាញនៃក្រុង តេហេរ៉ង់ (Teheran) លោកអាម៉ាឌិននីចាដ បាននិយាយថា៖ «តាមបំណងព្រះអាទិទេព ក្នុងរយៈពេលប៉ុន្មានថ្ងៃខាងមុខនេះពិភពលោកនឹងឃើញអ៊ីរ៉ង់បង្ហាញសមិទ្ធិផលខាងបរមាណូធំៗខ្លះ។» ភូមា៖ មនុស្សរាប់ពាន់នាក់បានឈរតាមដងផ្លូវក្នុងប្រទេសភូមាដោយគ្រវីទង់និងបដាសម្រាប់លោកស្រីអង សានស៊ូជី នៅពេលលោកស្រីធ្វើដំណើរពីក្រុង យ៉ាងហ្គូន (Yangoon) ទៅកាន់ទីប្រជុំជន ខោហ៍មូ (Kawhmu) ក្នុងតំបន់ជនបទដើម្បីឃោសនាបោះឆ្នោតសម្រាប់អាសនៈក្នុងសភា។ ស៊ីរី៖ ទីភ្នាក់ងារព័ត៌មានរបស់រដ្ឋស៊ីរីបានផ្សាយថាពួកជនប្រដាប់អាវុធបានបាញ់សម្លាប់នាយទាហានស៊ីរីម្នាក់នៅក្នុងរដ្ឋធានីដាម៉ាស់។ អេហ្ស៊ីប៖ ក្រុមសកម្មជននៅទូទាំងអេហ្ស៊ីបបានធ្វើកូដកម្មនិងបាតុកម្មកាលពីថ្ងៃសៅរ៍ដើម្បីប្រារព្ធខួបឆ្នាំទីមួយនៃការបណ្តេញលោកប្រធានាធិបតី ហសនី ម៉ូបារ៉ាក (Hosni Mubarak) ចេញពីតំណែង តែមានមនុស្សមិនច្រើនពេកទេដែលចូលរួមក្នុងព្រឹត្តិការណ៍ទាំងនេះ។ ក្រិក៖ ពួកមេដឹកនាំក្រិកដែលរួមមានលោក ជដ ផាផៀនដ្រឹក (George Papandreou) មេដឹកនាំគណបក្សសង្គមនិយមនិងលោក អានតូនីស សាម៉ារ៉ាស (Antonis Samaras) មេដឹកនាំគណបក្សប្រជាធិបតេយ្យថ្មីបានធ្វើការអង្វរថ្មីៗសុំឲ្យមានការគាំទ្រដល់ការកាត់បន្ថយថវិកាពីសមាជិកសភា។ លោកផាផៀនដ្រឹក បានព្រមានថាការគ្មានជោគជ័យក្នុងការអនុម័តិវិធានការត្បិតត្បៀតចំណាយនឹងនាំទៅកាន់មហន្តរាយចំពោះប្រទេស។ អឺរ៉ុប៖ ប្រធានាធិបតីមកពីប្រទេស៨ជាសមាជិកនៃសហភាពអឺរ៉ុបបាននិយាយថាពួកគេធុញទ្រាន់ដោយឃើញ«វិបត្តិ»ពិភពលោកចងភ្ជាប់ជាមួយការចរចាទាំងអស់ដែលទាក់ទិនជាមួយតំបន់ប្រើប្រាស់ប្រាក់អឺរ៉ូ ហើយសហភាពអឺរ៉ុបគួរតែបំបាត់ចោលវិបត្តិនេះហើយដោះស្រាយបញ្ហាឯទៀតៗវិញ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
