VOA News: ព័ត៌មាន: “ហេឡូវីអូអេ ០២ កុម្ភៈ ២០១២៖ សិទ្ធិសេរីភាពក្នុងគោលនយោបាយរដ្ឋាភិបាល” plus 2 more |
- ហេឡូវីអូអេ ០២ កុម្ភៈ ២០១២៖ សិទ្ធិសេរីភាពក្នុងគោលនយោបាយរដ្ឋាភិបាល
- ពលរដ្ឋអេហ្ស៊ីបប្រឆាំងតវ៉ានឹងបញ្ហាខ្វះសន្តិសុខក្រោយគ្រោះមហន្តរាយកីឡាបាល់ទាត់
- វីអូអេសំឡេងសហរដ្ឋអាមេរិកប្រារព្ធខួបឆ្នាំទី៧០
| ហេឡូវីអូអេ ០២ កុម្ភៈ ២០១២៖ សិទ្ធិសេរីភាពក្នុងគោលនយោបាយរដ្ឋាភិបាល Posted: 02 Feb 2012 02:34 PM PST អ្នកវិភាគឯករាជ្យក្នុងប្រទេសកម្ពុជាលោកបណ្ឌិត ឡៅ ម៉ុងហៃបានថ្លែងថាការសំដែងមតិរិះគន់ ការចូលរួមផ្នែកការតស៊ូមតិផ្សេងៗ មិនត្រូវចាត់ទុកថាជាការ«ប្រឆាំង»ទេ។ លោកថ្លែងថា «នេះជាសិទ្ធិសេរីភាពដែលមានចែងក្នុងច្បាប់ រដ្ឋធម្មនុញ្ញ»។ លោកឡៅ ម៉ុងហៃ ថ្លែងដូច្នេះនៅពេលលោកអញ្ជើញជាវាគ្មិន នៃកម្មវិធីហេឡូវីអូអេ កាលពីរាត្រីថ្ងៃព្រហស្បតិ៍ទី២ ខែកុម្ភៈឆ្នាំ២០១២។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី០២ ខែកុម្ភៈ ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| ពលរដ្ឋអេហ្ស៊ីបប្រឆាំងតវ៉ានឹងបញ្ហាខ្វះសន្តិសុខក្រោយគ្រោះមហន្តរាយកីឡាបាល់ទាត់ Posted: 02 Feb 2012 08:49 AM PST អេហ្ស៊ីប៖ ពួកសកម្មជននៅក្នុងប្រទេសអេហ្ស៊ីបបាននាំគ្នាដើរតវ៉ានៅលើដងផ្លូវទាំងឡាយកាលពីថ្ងៃព្រហស្បតិ៍នេះ ដោយបន្ទោសប៉ូលិសដែលខកខានមិនបានបញ្ចៀសអំពើហិង្សានៅឯការប្រកួតបាល់ទាត់មួយ ដែលបណ្ដាលឲ្យមនុស្ស ៧៤នាក់បានស្លាប់និង រាប់រយនាក់ផ្សេងទៀតរងរបួស នៅឯទីក្រុងផត សេត (Port Said) នាភាគខាងជើងប្រទេស។
ក្រុមបាតុករមានការខឹងសម្បាថា ប៉ូលិសកុបកម្មភាគច្រើននៅក្នុងកីឡាដ្ឋាននោះ មើលទៅហាក់ដូចជាបានឈរនៅទ្រឹងមើលព្រឹត្តិការណ៍ដ៏អាក្រក់បំផុតនៃអំពើហិង្សាដែលបង្កឡើងដោយកីឡាបាល់ទាត់ ក្នុងប្រវត្ដិសាស្រ្ដអេហ្ស៊ីបកាលពីយប់ថ្ងៃពុធនេះ។ អ្នកខ្លះទៀតមានការព្រួយបារម្ភថាអ្នកក្រុមអ្នកគាំទ្រខ្លះបានត្រូវអនុញ្ញាតឲ្យកាន់អាវុធចូលទៅក្នុងកីឡាដ្ឋាន។ អំពើហិង្សានោះបានផ្ទុះឡើងនៅពេលដែលក្រុមអ្នកគាំទ្ររបស់ក្រុម អាល មាស្រី (Al Masry) បានរត់ប្រសាចចូលទៅក្នុងទីវាលប្រកួត នៅពេលបញ្ចប់នៃការប្រកួត ហើយបានវាយទៅលើពួកកីឡាករនិងអ្នកគាំទ្រនៃក្រុមភ្ញៀវ អាល អាលី (Al Ahly)។ Elizabeth Arrott នៃវីអូអេរាយការណ៍ថា បរិយាកាសនៅថ្ងៃព្រហស្បតិ៍នេះមានភាពតានតឹងនៅទីនោះ ដោយគេឃើញមានការពង្រាយទាហានដើម្បីការពារមិនឲ្យមានអំពើឃោរឃៅតទៅទៀត។ ព័ត៌មានអន្តរជាតិសំខាន់ៗដទៃទៀត៖ អូតង់/អាហ្វហ្គានីស្ថាន៖ ក្រុមរដ្ឋមន្ដ្រីការពារប្រទេសនៃអង្គការអូតង់នឹងជួបពិភាក្សាគ្នានៅក្នុងទីក្រុង ព្រុចសែលនៅថ្ងៃព្រហស្បតិ៍នេះ ដើម្បីពិភាក្សាអំពីការផ្លាស់ប្តូរដែលអាចទៅរួចមួយចំនួនសម្រាប់ផែនការយុទ្ធសាស្ត្ររបស់ក្រុមសម្ព័ន្ធមិត្ដនៅក្នុងប្រទេស អាហ្វហ្គានីស្ថាន រាប់បញ្ចូលទាំងការបញ្ចប់កិច្ចប្រតិបត្ដិការយោធាមុនពេលកំណត់ផងដែរ។ បាគីស្ថាន៖ តុលាការកំពូលនៃប្រទេសបាគីស្ថាន បានចេញបញ្ជាឲ្យលោកនាយករដ្ឋមន្ដ្រី យូសូហ្វ រ៉ាហ្សា ហ្គីឡានី (Yusuf Raza Gilani) ចូលមកបង្ហាញខ្លួននៅមុខតុលាការ នៅថ្ងៃទី ១៣ ខែ កុម្ភៈនេះដើម្បីកាត់ទោសពីបទមិនគោរពសាលក្រមតុលាការ។ អ.ស.ប/ស៊ីរី៖ ក្រុមអ្នកការទូតនៃក្រុមប្រឹក្សាសន្ដិសុខ អ.ស.ប.បានបន្ដកិច្ចចរចារបស់ខ្លួននៅថ្ងៃព្រហស្បតិ៍នេះ ដែលមានគោលដៅនឹងបញ្ចុះបញ្ចូលឲ្យរុស្ស៊ីគាំទ្រដល់សេចក្ដីសម្រេចមូយដែលគាំទ្រដោយផែនការនៃសម្ពន្ធអារ៉ាប់ដើម្បីបញ្ចប់អំពើឃោរឃៅដ៏ប្រល័យជាច្រើនខែកន្លងមកនេះនៅក្នុងប្រទេសស៊ីរី។ ប៉ាពូអាស៊ីនូវែលហ្គីណេ៖ ក្រុមអ្នកដំណើរប្រមាណជាង២០០នាក់ បានត្រូវគេជួយសង្គ្រោះជីវិតពីសាឡាងមួយ ដែលបានលេចនៅដើមថ្ងៃព្រហស្បតិ៍នេះ នៅជិតឆ្នេរសមុទ្រ ភាគខាងជើងនៃប្រទេស ប៉ាពួ នូវែលហ្គីណេ (Papua New Guinea)។ ហ្វីលីពីន៖ យោធាហ្វីលីពីនបាននិយាយថាមេដឹកនាំជាន់ខ្ពស់បីរូប នៃក្រុមភេរវកម្មដែលជាបណ្តាញរបស់ក្រុមអាលកៃដា (al-Qaida) ពីរក្រុមបានស្លាប់ក្នុងការវាយប្រហារតាមយន្ដហោះនៅកម្រងកោះជនបទ ចូឡូ (Jolo) នៃភាគខាងត្បូងប្រទេស។ សូម៉ាលី៖ គណកម្មាធិការ កាកបាទក្រហមអន្ដរជាតិ បានបដិសេធការចោទប្រកាន់មកលើខ្លួនដោយក្រុមបះបោរមួយក្រុមនៅក្នុងប្រទេសសូម៉ាលី ថាបានចែកចាយអាហារខូចគុណភាពដល់អ្នកទទួលអំណោយនៅតំបន់ភាគខាងត្បូងប្រទេស។ ជប៉ុន៖ កាលពីថ្ងៃពុធនេះ រោងចក្រនុយក្លែអ៊ែរជប៉ុន ហ្វូគូហ្សីម៉ា (Fukushima) ដែលបានបាក់បែកនោះ បានលេចចេញជាតិវិទ្យុសកម្មម្តងទៀតហើយ ដោយបានបញ្ចេញទឹកដែលមានជាតិវិទ្យុសកម្ម ប្រមាណ ៨ តោន។ តែក្រុមមន្ដ្រីរបស់ក្រុមហ៊ុនអគ្គីសនីតូក្យូ (TEPCO) ដែលជាអ្នកគ្រប់គ្រងរោងចក្រនោះបាននិយាយថា ទឹកនោះមិនបានហូរចូលទៅក្រៅរោងចក្រទេ។ <!--AV--> This posting includes an audio/video/photo media file: Download Now |
| វីអូអេសំឡេងសហរដ្ឋអាមេរិកប្រារព្ធខួបឆ្នាំទី៧០ Posted: 01 Feb 2012 11:01 PM PST សហរដ្ឋអាមេរិក៖ វីអូអេសម្លេងសហរដ្ឋអាមេរិកប្រារពធ្វើពិធីបុណ្យខួបឆ្នាំទី៧០ កាលពីថ្ងៃអង្គារនេះ។ វីអូអេបានបើកកម្មវិធីផ្សាយនៅថ្ងៃទី១ កុម្ភៈ ឆ្នាំ១៩៤២ ជិតពីរខែបន្ទាប់ពីប្រទេស ជប៉ុនបានទម្លាក់គ្រាប់បែកលើកំពង់ផែភៀល ហាប៊័រ Pearl Harbor ដែលទាញសហរដ្ឋអាមេរិកឲ្យចូលក្នុងសង្គ្រាមលោកលើកទីពីរ។ ដោយនិយាយជាភាសាអាល្លឺម៉ង់ អ្នកសារព័ត៌មានអាមេរិកាំងវីល្លៀម ហាឡាន ហេល William Harlan Hale បានអានកម្មវិធីផ្សាយទីមួយរបស់ វីអូអេពីទីក្រុង ញូវ យ៉ក New York តាមរលកវិទ្យុខ្លី។ «នេះជាសម្លេងមួយដែលនិយាយចេញពីប្រទេសអាមេរិក។ រាល់ថ្ងៃនៅម៉ោងដដែលយើងនឹងនិយាយមកកាន់លោកអ្នកអំពីប្រទេសអាមេរិកនិងអំពីសង្គ្រាម។ ព័ត៌មានអាចល្អឬអាចអាក្រក់។ យើងនឹងជម្រាបលោកអ្នកអំពីរឿងពិត»។ លោកនាយកដេវីឌ អេនសឹរ David Ensor នៃវីអូអេ ថ្លែងថា ពាក្យពេចន៍ទាំងនេះនៅតែមានឥទ្ធិពលរហូតមកដល់សព្វថ្ងៃនេះទៀត។ សហរដ្ឋអាមេរិក៖ លោក មិត រ៉មនី Mitt Romney គូប្រជែងតំណែងប្រធានាធិបតី អាមេរិកបានឈានទៅរកដំណែងនាំមុខគេជាថ្មីវិញនៅក្នុងការប្រកួតតូចៗមួយចំនួនដើម្បីការតែងតាំង (ជាបេក្ខជនប្រធានាធិបតី) ចាប់ផ្តើមពីចុងសប្តាហ៍នេះនៅក្នុងរដ្ឋនេវ៉ាដា Nevada។ សហរដ្ឋអាមេរិក៖ តួលេខទិន្និន័យដែលទើបតែចេញផ្សាយថ្មីៗនេះបង្ហាញថា ការកែប្រែច្បាប់សហរដ្ឋអាមេរិកថ្មីៗនេះមានន័យថា អ្នកមានស្តុកស្តមអាមេរិកាំងមួយចំនួនតូចអាចផ្លាស់ប្តូរការប្រកួតយកតំណែងប្រធានាធិបតី ដោយប្រើ គណកម្មាធិការឈ្មោះ Super PACs ដើម្បីរៃអង្គាសប្រាក់រាប់ម៉ឺនលានដុល្លារ នៅក្នុងវិភាគទានសម្រាប់យុទ្ធនាការ។ រុស្ស៊ី៖ អ្នកការទូតរុស្ស៊ីម្នាក់ថ្លែងថាផែនការរបស់បស្ចឹមប្រទេសដែលមានការគាំទ្រពីប្រទេសអារ៉ាប់ដើម្បីដោះស្រាយជម្លោះរវាងរដ្ឋាភិបាលនិងពួកឧទ្ទាមនៅក្នុងស៊ីរី ដែលរីកកាន់តែធំឡើងនឹងគ្មានវាសនាអាចទទួលការយល់ព្រមពីក្រុមប្រឹក្សាសន្តិសុខអង្គការសហប្រជាជាតិបានទេពីព្រោះក្រុងម៉ូស្គូជឿថាឯកសារនោះមិនបានបដិសេធអន្តរាគមន៍យោធាបរទេសទេ។ អ៊ីរ៉ង់៖ អធិការនាយកនៃទីភ្នាក់ងារនុយក្លេអ៊ែររបស់អង្គការសហប្រជាជាតិ IAEA ថ្លែងថា លោកបានបំពេញទស្សនកិច្ចដ៏«ល្អ»មួយនៅអ៊ីរ៉ង់ ហើយបម្រុងនឹងធ្វើដំណើរមួយទៀត នៅក្នុង«អនាគតដ៏ខ្លីបំផុត» ដើម្បីពិភាក្សាអំពីកម្មវិធីនុយក្លេអ៊ែរចម្រូងចម្រាស់។ ប៉ាគីស្ថាន៖ បានច្រានចោលសេចក្តីរាយការណ៍មួយរបស់អង្គការអូតង់ដែលគេបានលួចបង្ហើបឲ្យដឹងថាបានចោទថាប្រទេសនេះបានលួចជួយពួកតាលីបានដោយសម្ងាត់។ ប៉ាគីស្ថាន៖ មន្រ្តីប៉ាគីស្ថានម្នាក់និយាយថាកញ្ចប់មួយមានដាក់ជាតិម្សៅពុលអានហ្ស្រាក់ anthrax ត្រូវបានផ្ញើទៅការិយាល័យលោកនាយករដ្ឋមន្រ្តី យួស៊ូហ្វ រាហ្សា ជិឡានី Yousuf Raza Gilani នៃប្រទេសនេះកាលពីឆ្នាំមុន។ សេណេហ្កាល់៖ អគ្គលេខាធិការអង្គការសហប្រជាជាតិ លោកបាន គីមូន Ban Ki-moon បានសុំឲ្យមានសេចក្តីស្ងប់ស្ងៀម នៅសេណេហ្កាល់ នៅកន្លែងដែលក្រុមភ្នាក់ងារប៉ូលីសកូដកម្ម បានប៉ះទង្គិចជាមួយពួកបាតុករ ដែលទាមទារមិនឲ្យលោកប្រធានាធិបតី អាបឌុឡាយេ វេឌ Abdoulaye Wade ឈរឈ្មោះសម្រាប់អាណត្តិទីបី។ ភូមា៖ អ្នកសម្របសម្រួលសន្តិភាពនិយាយថា អ្នកចចារដ្ឋាភិបាលភូមានិងអ្នកបំបែកខ្លួនភាគតិចជាតិ មន បានសម្រេចកិច្ចព្រមព្រៀងដំបូងមួយ ដើម្បីបញ្ចប់សង្គ្រាមមានកំរិតទាបក្នុងពេលជាច្រើនទសវត្សរ៍កន្លងទៅនេះ។ ប៉ាគីស្ថាន៖ និយាយថាយន្តហោះចម្បាំងរបស់ខ្លួនបានទម្លាក់គ្រាប់បែក ទៅលើកន្លែងលាក់ខ្លួនរបស់ជនសកម្មប្រយុទ្ធនៅក្នុងភាគពាយ័ព្យនៃប្រទេស នៅតាមព្រំដែនជាមួយប្រទេសអាហ្វហ្គានីស្ថាន ដោយបានសម្លាប់ពួកឧទ្ទាម១៨នាក់។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
