VOA News: ព័ត៌មាន: “ព័ត៌មានអន្តរជាតិវីអូអេ ២៩ មករា យប់” plus 1 more |
| ព័ត៌មានអន្តរជាតិវីអូអេ ២៩ មករា យប់ Posted: 29 Jan 2012 08:32 AM PST ស៊ីរី:សម្ព័ន្ធអារ៉ាប់បានផ្អាកបេសកកម្មសង្កេតការរបស់ខ្លួនក្នុងប្រទេសស៊ីរី កាលពីថ្ងៃសៅរ៍ ដោយសារមានកំណើនអំពើហិង្សា ដែលតាមពួកសកម្មជនសិទ្ធិមនុស្សនិយាយថា បានបណ្តាលឱ្យមនុស្សយ៉ាងតិចណាស់៣៦នាក់ស្លាប់នៅទូទាំងប្រទេស។ ភូមា៖ លោកស្រី អង់សាន ស៊ូជី មេដឹកនាំលទ្ធិប្រជាធិបតេយ្យក្នុងប្រទេសភូមា បានចេញទៅធ្វើការឃោសនាបោះឆ្នោតនៅថ្ងៃអាទិត្យនេះ មុនការបោះឆ្នោតមួយដែលគេ យល់ឃើញថាជាការសាក ល្បងធំសំខាន់មួយនៃការប្តេជ្ញារបស់រដ្ឋាភិបាលគាំទ្រដោយយោធា អំពីការកែទម្រង់។ អាឌីស អាបេបា៖ ការប្រកួតដើម្បីដណ្ដើមយកមុខនាទីការទូតថ្នាក់ខ្ពស់នៅតំបន់អាហ្វ្រិក បានត្រូវគេរំពឹងថានឹងក្លាយទៅជារឿងសំខាន់ក្នុងសន្និសិទកំពូលរបស់ឧបទ្វីពអាហ្រ្វិក ដែលបើកកិច្ចប្រជុំនៅក្នុងរដ្ឋធានី អាឌីស អាបេបា (Addis Ababa) នៃប្រទេស អេត្យូពី (Ethiopia)។ រុស្ស៊ី៖ យានអាវកាសដឹកសម្ភារៈ របស់រុស្ស៊ី បានចុះចតនៅស្ថានីយអវកាសអន្ដរជាតិ កាលពីព្រឹកថ្ងៃសៅរ័។ មេបញ្ជការបេសកម្មអវកាសរុស្ស៊ីនិយាយថា យានអាវកាស ប្រូគ្រេស (Progress) បានត្រូវបាញ់បង្ហោះពីមជ្ឈមណ្ឌល បៃកូនឺ (Baikonur) នៅក្នុងប្រទេស កាហ្សាក់ស្ថាន (Kazakhstan) កាលពីព្រឹកថ្ងៃព្រហស្បតិ៍ម៉ោងក្នុងតំបន់។ ក្រិក៖ ប្រទេសក្រិក ព្រមទាំងអ្នកវិនិយោគឯកជនរបស់ខ្លួននិយាយថា ពួកគេខិតជិតមកដល់ការឈោងយកកិច្ចព្រមព្រៀងគ្នាមូយ ដែលនឹងកាត់បន្ថយច្រើនសន្ធឹក នូវបំណុលធំធេងរបស់ប្រទេសជាតិ ហើយបញ្ចៀសមិនឲ្យមានការក្ស័យធុន។ ប៉ាពូអាស៊ី នូវែលហ្គីណេ៖ មន្ដ្រីយោធាចូលនិវត្ដ ដែលព្យាយាមទម្លាក់រដ្ឋាភិបាលនៃប្រទេស ប៉ាពូអាស៊ី នូវែលហ្គីណេ (Papua New Guinea) កាលពីសប្ដាហ៍មុន បានមកបង្ហាញខ្លួននៅមុខតុលាការ កាលពីថ្ងៃអាទិត្យ រួចបានត្រូវដាក់ទោសពីបទបះបោរ។ នីហ្សេរីយ៉ា៖ កម្មករអាមេរិកាំងម្នាក់ ដែលត្រូវបានចាប់ជំរឹត ជាងមួយសប្ដាហ៍ នៅក្នុងប្រទេស នីហ្សេរីយ៉ា បានត្រូវដោះលែង នៅតំបន់ភាគខាងត្បូងប្រទេសសម្បួរទៅដោយប្រេងនេះ។ សូម៉ាលី៖ ក្រុមគាំទ្របណ្ដាញព័ត៌មាន បានថ្កោលទោសឃាតកម្ម មកលើលោក ហាសាន អូសម៉ាន អាប់ឌី (Hassan Osman Abdi) ដែលជានាយកបណ្ដាញព័ត៌មានរបស់ សូម៉ាលី Shabelle Media Network និងជាជនរងគ្រោះទីបី គេតាមសម្លាប់ជាច្រើនឆ្នាំ។ អ៊ីតាលី៖ ក្រុមស្រោចស្រង់នាវា ដែលកំពុងរៀបចំបូមប្រេងច្រើនពាន់តោនចេញពីកាប៉ាលក្រឡាប់នៅជិតឆ្នេរសមុទ្រអ៊ីតាលី បានពន្យាពេលប្រតិបត្ដិការរបស់ខ្លួន ដោយសារតែរលកធំៗនៅលើសមុទ្រ។ This posting includes an audio/video/photo media file: Download Now |
| ព័ត៌មានអន្តរជាតិវីអូអេ ២៩ មករា ព្រឹក Posted: 29 Jan 2012 07:16 AM PST ចិន៖ ការលេចចេញសារធាតុគីមីពុលនៅភាគខាងត្បូងប្រទេសចិនបានបង្កើនការលក់ទឹកសុទ្ធដប។ មនុស្សរាប់លាននាក់ក្នុងប៉ែកខាងត្បូងបានទទួលការព្រមានថាកុំឲ្យបរិភោគទឹកម៉ាស៊ីនកាលពីថ្ងៃសុក្រ ក្រោយពីមានការលេចចេញសារធាតុគីមីនៅឯអណ្តូងរ៉ែមួយដែលបានបង្កើនកម្រិតកាត់ម៉្ញូម (cadmium) ប្រកបដោយគ្រោះថ្នាក់ក្នុងទន្លេលីវជាង។ ភូមា៖ មន្ត្រីជាន់ខ្ពស់ភូមាម្នាក់បាននិយាយប្រាប់សហគមន៍អន្តរជាតិថារដ្ឋាភិបាលរបស់លោកដែលគាំទ្រដោយពួកយោធាមិនទាន់បានធ្វើការកែទម្រង់ប្រជាធិបតេយ្យសព្វគ្រប់នៅទ្បើយទេ។ សហរដ្ឋអាមេរិក៖ របាយការណ៍មួយរបស់បណ្តាញផ្សាយព័ត៌មាននិយាយថាក្រុមយោធាអាមេរិកគ្រោងនឹងបញ្ជូនមូលដ្ឋានបណ្តែតមួយសម្រាប់កងពិសេស commando ទៅកាន់តំបន់មជ្ឈិមបូព៌ា ដែលនៅទីនោះការទាក់ទងជាមួយប្រទេសអ៊ីរ៉ង់មានភាពតានតឹង ហើយប្រទេសឯទៀតៗកំពុងមានចលាចលខាងនយោបាយផងដែរ។ ស៊ីរី៖ សម្ព័ន្ធអារ៉ាប់និយាយថាខ្លួនផ្អាកបេសកកម្មសង្កេតការណ៍របស់ខ្លួននៅស៊ីរីដោយសារមានកំណើនអំពើហិង្សាដែលបានបណ្តាលឲ្យមនុស្សប្រមាណ១០០នាក់ស្លាប់កាលពីថ្ងៃថ្មីៗនេះ។ អាហ្វហ្គានីស្ថាន៖ អង់គ្លេសនិយាយថាខ្លួននឹងឈរជើងជាមួយអាហ្វហ្គានីស្ថានដោយរក្សាទុកទាហាននៅទីនោះរហូតដល់ឆ្នាំ២០១៤។ សេនេហ្កាល់៖ ភាពតានតឹងកំពុងតែកើនខ្លាំងនៅតាមផ្លូវនៃក្រុងដាកា ដែលនៅទីនោះពួកប៉ូលីសប្រុងប្រៀបខ្លួនសម្រាប់មួយយប់ទៀតនៃការប្រឆាំងតវ៉ាដោយហិង្សា។ ប្រេស៊ីល៖ ចំនួនមនុស្សស្លាប់ដោយសារការរលំអាគារបីខ្នងនៅប្រេស៊ីល បានកើនទ្បើងដល់យ៉ាងតិចណាស់១៧នាក់ហើយ។ ពួកមន្ត្រីបាននិយាយថាពួកអ្នកជួយសង្ក្រោះបានទាញសាកសពថែមទៀតពីកម្ទេចអាគារនោះកាលពីថ្ងៃសៅរ៍គឺបីថ្ងៃក្រោយពីអាគារការិយាល័យបានរលំនៅកណ្តាលក្រុង រីយ៉ូ ដឺ ជេនេរ៉ូ Rio de Janeiro។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
