VOA News: ព័ត៌មាន: “ព័ត៌មានអន្តរជាតិវីអូអេ ១៥ មករា យប់” plus 1 more |
| ព័ត៌មានអន្តរជាតិវីអូអេ ១៥ មករា យប់ Posted: 15 Jan 2012 07:16 AM PST អ៊ីតាលី៖ ពួកបុគ្គលិកជួយសង្គ្រោះកប៉ាល់ជិះកំសាន្តអ៊ីតាលី កូស្តា កូនខរដៀ (Costa Concordia) ដែលបាក់បែកនោះ បាននិយាយថាពួកគេបានធ្វើការទាក់ទងជាសំឡេងជាមួយអ្នកនៅរស់រានមានជីវិតទី៣ហើយ។ អ្នកនាំពាក្យក្រុមជួយសង្គ្រោះនេះបាននិយាយនៅថ្ងៃអាទិត្យនេះថាពួកបុគ្គលិក មិនទាន់អាចយកមនុស្សចេញពីកប៉ាល់ជិះកំសាន្តដែលក្រឡាប់នោះទេ។ អង្គការសហប្រជាជាតិ៖ លោក បាន គីមួន (Ban Ki-moon) អគ្គលេខាធិការអង្គការសហប្រជាជាតិបានចេញសេចក្តីអំពាវនាវមួយដល់ប្រធានាធិបតីស៊ីរីលោក បាស្សា អាល អាសាដ ( Bashar al-Assad) ដែលមានកង្វល់នៅថ្ងៃអាទិត្យនេះឲ្យបញ្ឈប់ការសម្លាប់ប្រជាពលរដ្ឋរបស់លោកផ្ទាល់ទៀតទៅ។ អ៊ីរ៉ង់៖ អ្នកតំណាងរបស់ប្រទេសអ៊ីរ៉ង់ប្រចាំអង្គការនៃប្រទេសនាំប្រេងចេញ (OPEC) បានកំពុងព្រមានថាប្រទេសជិតខាងអារ៉ាប់របស់ខ្លួន នឹងប្រឆាំងការដំឡើងទិន្នផលប្រេងឆៅរបស់ពួកគេដើម្បីជំនួសប្រេងអ៊ីរ៉ង់នៅក្នុងពេលមានការដាក់ទណ្ឌកម្មពីប្រទេសលោកខាងលិច។ អាមេរិក៖ លោកស្រី ហ៊ីឡារី រដហាម គ្លីនតុន (Hillary Rodham Clinton) រដ្ឋមន្រ្តីក្រសួងការបរទេសសហរដ្ឋអាមេរិកបានមានប្រសាសន៍ថា ភូមាអាចធ្វើឲ្យល្អប្រសើរនូវទំនាក់ទំនងជាមួយសហរដ្ឋអាមេរិក ប្រសិនបើខ្លួនដោះលែងអ្នកទោសនយោបាយដែលនៅសេសសល់ទាំងអស់ បញ្ចប់អំពើហិង្សារប្រឆាំងជនជាតិភាគតិច និងកាត់ផ្តាច់ចំណងទាក់ទងខាងយោធាជាមួយប្រទេសកូរ៉េខាងជើង។ តៃវ៉ាន់៖ លោក មា យីង ជូ (Ma ying-jeou) ប្រធានាធិបតីតៃវ៉ាន់បាននិយាយថាជ័យជំនះនៃការបោះឆ្នោតអាណត្តិទី២របស់លោកនឹងធ្វើឲ្យមានចំណងទាក់ទងកាន់តែរលូនឡើងថែមទៀតជាមួយប្រទេសចិនដីគោក។ ចិន/មជ្ឍឹមបូព៌ា៖ លោកនាយករដ្ឋមន្រ្តីចិន វេន ជៀបាវ (Wen Jiabao) បានទៅដល់ប្រទេសអារ៉ាប់ប៊ីសាអូឌីតកាលពីថ្ងៃសៅរ៍នេះដែលជាដំណើរបំពេញបេសកម្មខាងការទូតដំបូង មុនពេលដែលលោកអញ្ជើញចេញទៅកាន់ប្រទេស កាតា (Qatar) និងអេមីរ៉ាតអារ៉ាប់រួម (United Arab Emirates)។ អ៊ីរ៉ាក់៖ ពួកមន្រ្តីអ៊ីរ៉ាក់បាននិយាយថាជនប្រដាប់អាវុធបានវាយសង្គ្រប់អាគាររបស់ប៉ូលីសមួយកណ្លែងនៅក្នុងទីក្រុង រ៉ាម៉ាឌី (Ramadi) ភាគខាងលិចប្រទេសនៅថ្ងៃអាទិត្យនេះ នៅពេលដែលអ្នកដាក់គ្រាប់បែកអត្តឃាតយ៉ាងហោចណាស់ក៏ម្នាក់ដែរបានចុចបំផ្ទុះគ្រឿងផ្ទុះនៅខាងក្រៅអាគារនោះ។ ឥណ្ឌា៖ ពួកមន្រ្តីដឹកជញ្ជូនឥណ្ឌាបាននិយាយថាសមាជិកនាវិកឥណ្ឌា២១នាក់នៃកប៉ាល់ដឹកប្រេងគីមីមួយ ដែលបានត្រូវចាប់ជំរិតដោយពួកចោរសមុទ្រសូម៉ាលីកាលពីខែសីហានេះបានត្រូវដោះលែងហើយ។ កូរ៉េខាងត្បូង៖ ពួកអាជ្ញាធរនាវាចរណ៍បាននិយាយថាមានមនុស្សយ៉ាងហោចណាស់ក៏៣នាក់ដែរបានស្លាប់ហើយ៨នាក់ផ្សេងទៀតកំពុងបាត់ខ្លួនបន្ទាប់ពីកប៉ាល់ដឹកប្រេងកូរ៉េខាងត្បូងមួយគ្រឿងបានផ្ទុះ។ This posting includes an audio/video/photo media file: Download Now |
| ព័ត៌មានអន្តរជាតិវីអូអេ ១៥ មករា ព្រឹក Posted: 15 Jan 2012 07:46 AM PST តៃវ៉ាន់៖ ប្រធានាធិបតីតៃវ៉ាន់ ម៉ាអ៊ីងជាវ (MaYing-jeou) បានទទួលជ័យជំនះនៅក្នុងការបោះឆ្នោតកាលពីថ្ងៃសៅរ៍ ដោយបានទទួលសន្លឹកឆ្នោតគាំទ្រ៥១ភាគរយ ច្រើនជាងលោកស្រី ឆាយ អ៊ីនវិន (Tsai Ing-wen) មេដឹកនាំក្រុមប្រឆាំងដែលបានទទួល៤៦ភាគរយ។ លោក ម៉ាបាននិយាយប្រាប់ពួកអ្នកគាំទ្រលោកថាចំណងទាក់ទងជាមួយប្រទេសចិននឹងរលូនជាងមុននៅក្នុងអណត្តិខាងមុខរបស់លោក ដែលពោរពេញទៅដោយការទុកចិត្តគ្នាទៅវិញទៅមក និងការទាក់ទងគ្នានឹងប្រកបដោយសន្តិវិធីជាងមុន។ នីហ្សេរីយ៉ា៖ មានមនុស្សយ៉ាងតិចណាស់៤នាក់បានស្លាប់នៅក្នុងអំពើហិង្សាថ្មីៗបំផុតក្នុងប្រទេសនីហ្សេរីយ៉ា។ អាជ្ញាធរនិយាយថាជនរងគ្រោះទាំង៤នាក់នេះបានត្រូវសម្លាប់កាលពីយប់ថ្ងៃសុក្រនៅក្នុងការវាយប្រហារ២ដោយពួកជនប្រដាប់អាវុធជិះម៉ូតូទៅលើកន្លែងលក់ស្រាបៀរក្រៅអាគារ។ សហរដ្ឋអាមេរិក៖ លោកប្រធានាធិបតីបារ៉ាក់អួបាម៉ាបានសន្យាថានឹងផ្តល់ការលើកទឹកចិត្តដល់ក្រុមហ៊ុនដែលបង្កើតការងារក្នុងសហរដ្ឋអាមេរិកនិងដាក់ទ័ណ្ឌកម្មចំពោះក្រុមហ៊ុនដែលបញ្ជូនការងារទៅប្រទេសក្រៅ។ អ៊ីរ៉ាក់៖ ការបំផ្ទុះគ្រាប់បែកអត្តឃាតមួយនៅនៅជិតក្រុង បាសរ៉ា (Basra) ក្នុងផ្នែកខាងត្បូងអ៊ីរ៉ាក់បានបណ្តាលឱ្យពួកអ្នកធ្វើធម្មយាត្រាស៊ីអ៊ីត (Shi'tes) យ៉ាងតិចណាស់៥៣នាក់ស្លាប់។ នេះជាការវាយប្រហារថ្មីៗបំផុតក្នុងបណ្តាការវាយប្រហារមួយចំនួនលើពួក ស៊ីអ៊ីតកាលពីប៉ុន្មានសប្តាហ៍ថ្មីៗនេះ។ អ៊ីតាលី៖ ពួកមន្ត្រីអ៊ីតាលីបាននិយាយថាពួកអ្នកធ្វើការគ្រាមានអាសន្នស្វែងរកគ្រប់សព្វក្នុងនាវាកម្សាន្តដ៏ប្រណីតឈ្មោះកុនកូដាយ (Costa Concordia) ដែលលិចពាក់កណ្តាលនិងនៅក្នុងផ្ទៃសមុទ្រជុំវិញកប៉ាល់នេះដើម្បីរកមនុស្សរាប់សិបនាក់ដែលបានបាត់ខ្លួនក្រោយពីនាវានេះបានគឿងនៅទល់មុខឆ្នេរសមុទ្រ ទូសខេនណី (Tuscany)។ អាល្លឺម៉ង់៖ លោកស្រី អែនជេឡា មឺខែល (Angela Merkel) អធិការបតីនៃប្រទេសអាល្លឺម៉ង់បានមានប្រសាសន៍ថាការបន្ថយពិន្ទុឥណទាននៃប្រទេស៩ក្នុងទ្វីបអឺរ៉ុបបង្ហាញថាសហភាពអឺរ៉ុបមាន «ពេលយ៉ាងយូរ» នៅខាងមុខដើម្បីធ្វើឱ្យពួកអ្នកបណ្តាក់ទុនមានការទុកចិត្តទ្បើងវិញ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
