VOA News: ព័ត៌មាន: “ព័ត៌មានអន្តរជាតិ៖ ២៦ វិច្ឆិកា” plus 1 more |
| ព័ត៌មានអន្តរជាតិ៖ ២៦ វិច្ឆិកា Posted: 27 Nov 2011 07:37 AM PST អាល្លឺម៉ង់៖ ប៉ូលីសអាល្លឺម៉ង់បានបាញ់ទឹកលើបាតុករប្រឆាំងនុយក្លេអ៊ែរកាលពីថ្ងៃសុក្រ ពេលដែលរទេះភ្លើងដឹកកាកសំណល់ជាតិវិទ្យុសកម្មនុយក្លេអ៊ែរបានបើកខិតចូលកាន់តែជិតទីកន្លែងចាក់កាកសំណល់ដ៍ចម្រូងចម្រាស់។ កូរ៉េខាងជើង៖ រដ្ឋាភិបាលបានអនុញ្ញាតិឲ្យមន្រ្តីកូរ៉េខាងត្បូងម្នាក់ឃ្លាំមើលការចែកចាយជំនួយនៅក្នុងប្រទេសរបស់ខ្លួនជាលើកទីមួយចាប់តាំងពីរដ្ឋាភិបាលអភិរក្សនិយមបានកាន់អំណាចក្នុងទីក្រុងសេអ៊ូលតាំងពីឆ្នាំ២០០៨មក។ អ៊ីតាលី៖ ត្រូវសងការប្រាក់ជិតទ្វេដងដើម្បីខ្ចីប្រាក់នៅក្នុងការដេញថ្លៃសញ្ញាប័ណ្ណបំណុលក្នុងរយៈពេល៦ខែ ដែលកំពុងឆ្លុះបញ្ចាំងនូវការភ័យខ្លាចថ្មីអំពីបញ្ហាសេដ្ឋកិច្ចនៅក្នុងប្រទេសនានាដែលប្រើប្រាស់រូបិយប័ណ្ណរួមអឺរ៉ុប។ អេហ្ស៊ីប៖ ប្រជាពលរដ្ឋអេហ្ស៊ីបរាប់ម៉ឺននាក់បានប្រមូលផ្តុំគ្នានៅទីលាន Tahrir នៃទីក្រុងឡឺគ័រកាលពីថ្ងៃសុក្រ ជាទីកន្លែងដែលពួកគេដាក់ការគៀបសង្កត់ឲ្យបញ្ចប់ការគ្រប់គ្រងរបស់ពួកយោធា ទោះបីពួកយោធាបានតែងតាំងនាយករដ្ឋមន្រ្តីថ្មីហើយក៍ដោយ។ អេហ្ស៊ីប៖ ក្រុមប្រឹក្សាជាន់ខ្ពស់នៃកងកម្លាំងប្រដាប់អាវុធដែលកំពុងគ្រប់គ្រងប្រទេសអេហ្ស៊ីប បានប្រកាសកាលពីថ្ងៃសុក្រថាខ្លួនបានជ្រើសរើសលោក Kamal el- Ganzouri ជានាយករដ្ឋមន្រ្តី។ ស៊ីរី៖ បានខិតចូលកាន់តែជិតទៅនឹងការដាក់ទ័ណ្ឌកម្មពីសម្ព័ន្ធភាពអារ៉ាប់ ពេលដែលចំនួនមនុស្សស្លាប់របស់ប្រទេសនោះពីភាពចលាចលដែលពាក់ព័ន្ធការប្រឆាំងតវ៉ាបន្តកើនឡើងយ៉ាងខ្លាំងនោះ។ កុងហ្គោ៖ ពួកមន្រ្តីរៀបចំការបោះឆ្នោតក្នុងសាធារណរដ្ឋប្រជាធិបតេយ្យកុងហ្គោ និយាយថា ពួកគេប្រុងប្រៀបជាស្រេចហើយសម្រាប់ការបោះឆ្នោតប្រធានាធិបតីនិងសភានៅថ្ងៃច័ន្ទខាងមុខនេះ។ សហរដ្ឋអាមេរិក៖ រដូវទិញអីវ៉ាន់ក្នុងពេលឈប់សម្រាកក្នុងសហរដ្ឋអាមេរិក បានចាប់ផ្តើមជាផ្លូវការ ដោយមានអ្នកទិញទំនិញពពាក់ពពូនគ្នានៅតាមហាងទំនិញនានាបន្ទាប់ពីការលក់ទំនិញក្រោយពេលបុណ្យថ្លែងអំណរគុណ Thanksgiving ដែលជាពិធីធ្វើឡើងជារៀងរាល់ឆ្នាំដែលគេហៅថា Black Friday។ សហរដ្ឋអាមេរិក៖ លោកជំទាវមីឆែល អូបាម៉ា សហរដ្ឋអាមេរិកបានទទួលដើមឈើ គ្រីស្តម៉ាស នៅសេតវិមានជាផ្លូវការកាលពីថ្ងៃសុក្រ។ ប៉ាគីស្ថាន៖ សកម្មជនអ៊ីស្លាមរាប់រយនាក់ បានធ្វើបាតុកម្មនៅតាមផ្លូវនានានៅក្នុងតំបន់កាស្សមៀរដែលត្រួតត្រាដោយប៉ាគីស្ថាន កាលពីថ្ងៃសុក្រដើម្បីប្រឆាំងតវ៉ាផែនការរបស់រដ្ឋាភិបាលដើម្បីធ្វើឲ្យប្រសើរឡើងនូវទំនាក់ទំនងពាណិជ្ជកម្មជាមួយគូប្រកួតប្រជែងដ៍យូរអង្វែងរបស់ខ្លួន។ This posting includes an audio/video/photo media file: Download Now |
| ព័ត៌មានអន្តរជាតិ៖ ២៧ វិច្ឆិកា Posted: 27 Nov 2011 07:45 AM PST ប៉ាគីស្ថាន៖ និយាយថាខ្លួនគ្រោងនឹងពិនិត្យមើលជាថ្មីទំនាក់ទំនងទាំងស្រុងរបស់ខ្លួនជាមួយសហរដ្ឋអាមេរិកនិងអង្គការអូតង់ ជាការឆ្លើយតបនឹងការវាយប្រហារតាមអាកាសដ៏ប្រល័យរបស់អង្គការអូតង់ឆ្លងកាត់ព្រំដែនកាលពីព្រឹកថ្ងៃសៅរ៍។ អេហ្ស៊ីប៖ ការប៉ះទង្គិចគ្នាថ្មីៗបានកើតមានទ្បើងនៅក្នុងទីលានតាហ៍រៀរនៃក្រុងឡឺគែរ ដែលនៅទីនោះក្រុមបាតុករបានជំរុញការទាមទាររបស់ពួកគេឱ្យពួកមេដឹកនាំយោធារបស់ប្រទេសចុះចេញពីតំណែង។ ស៊ីរី៖ សម្ព័ន្ធអារ៉ាប់ប្រជុំគ្នាដើម្បីពិចារណាអំពីការដាក់ទ័ណ្ឌកម្មប្រឆាំងនឹងប្រទេសស៊ីរីដែលនៅទីនោះចំនួនមនុស្សស្លាប់ដោយសារការបង្ក្រាបរបស់រដ្ឋាភិបាលលើក្រុមប្រឆាំងនៅតែកើនទ្បើងតទៅទៀត។ យេម៉ែន៖ បានប្រកាសយកថ្ងៃទី២១ខែកុម្ភៈជាថ្ងៃបោះឆ្នោតប្រធានាធិបតី តែប៉ុន្មានថ្ងៃក្រោយពីលោកប្រធានាធិបតី Ali Abdullah Saleh បានទទួលយកកិច្ចព្រមព្រៀងមួយដែលអំពាវនាវឱ្យលោកផ្ទេរអំណាចទៅឱ្យភូឈួយម្នាក់។ កុងហ្គោ៖ ពួកប៉ូលីសនៅក្នុងរដ្ឋធានីនៃសាធារណរដ្ឋប្រជាធិបតេយ្យកុងហ្គោបានហាមប្រាមមិនឱ្យមានការប្រជុំមហាជនខាងនយោបាយកាលពីថ្ងៃសៅរ៍ ក្រោយពីមានមនុស្សម្នាក់បានត្រូវសម្លាប់នៅក្នុងថ្ងៃចុងក្រោយបង្អស់នៃយុទ្ធនាការឃោសនា នៅមុនការបោះឆ្នោតជាតិនៅថ្ងៃច័ន្ទ។ ម៉ារ៉ុក៖ គណបក្សអ៊ីស្លាមមិននិយមជ្រុលមួយបានឈ្នះឆ្នោតទទួលអាសនៈច្រើនបំផុតក្នុងការបោះឆ្នោតសភានៃប្រទេសម៉ារ៉ុកហើយនឹងទទួលភារៈដឹកនាំប្រទេសក្នុងការបង្កើតរដ្ឋាភិបាលថ្មីមួយ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
