VOA News: ព័ត៌មាន: “ប្រេសិតអ.ស.ប.៖ គម្លាតអ្នកមាននិងអ្នកក្រកាន់តែធំនៅកម្ពុជា” plus 3 more |
- ប្រេសិតអ.ស.ប.៖ គម្លាតអ្នកមាននិងអ្នកក្រកាន់តែធំនៅកម្ពុជា
- អាជ្ញាធរឥណ្ឌូនេស៊ីកំពុងរុករកយន្តហោះប្រតិកម្មរុស្ស៊ីដែលបាត់ទៅ
- យោងតាមឧសភរាជទំនាយថាពោត និងសណ្តែកឲ្យផលល្អ
- ជនរងគ្រោះរំលោភដីធ្លីនៅបឹងកក់ដាក់ញ្ញតិ្តជូនអ្នករាយការណ៍ពិសេសអ.ស.ប.
| ប្រេសិតអ.ស.ប.៖ គម្លាតអ្នកមាននិងអ្នកក្រកាន់តែធំនៅកម្ពុជា Posted: 10 May 2012 08:26 AM PDT ប្រទេសកម្ពុជាចាំបាច់កាត់ត្រូវបន្ថយគម្លាតអ្នកក្រនិងអ្នកមាន នេះបើតាមលោក ស៊ូរីយ៉ា ស៊ូបេឌី (Surya Subedi) អ្នករាយការណ៍ពិសេសស្តីពីសិទ្ធិមនុស្សដែលតែងតាំងដោយអ.ស.ប។ លោកបានប្រាប់វីអូអេថា លោកមានសេចក្ដីព្រួយបារម្ភថា ការបណ្ដេញពលរដ្ឋចេញពីលំនៅដ្ឋានរបស់ពួកគេកំពុងតែទុកចោលពលរដ្ឋដែលក្រីក្រជាងគេបំផុតនៅប្រទេសកម្ពុជាឲ្យនៅក្រោយគេ។ ព័ត៌មានអន្តរជាតិសំខាន់ៗផ្សេងទៀត៖ <!--IMAGE-RIGHT--> ស៊ីរី៖ បណ្ដាញព័ត៌មានរបស់រដ្ឋនៃប្រទេសស៊ីរីបានឲ្យដឹងថា មនុស្សជាង៤០នាក់ត្រូវបានសម្លាប់នៅពេលដែលមានការផ្ទុះផ្ទួនគ្នាមួយក្នុងភូមិដ្ឋាននៅទីក្រុងដាម៉ាស (Damascus) នៅថ្ងៃព្រហស្បតិ៍។ នៅពេលនេះក្រុមអ្នកសង្កេតការណ៍របស់អ.ស.ប ខិតខំធ្វើឱ្យអនុវត្ដបទឈប់បាញ់គ្នាដែលរង្គោះរង្គើរវាងរដ្ឋាភិបាលនិងក្រុមបះបោរ។ ឥណ្ឌូនេស៊ី៖ ក្រុមអ្នកសង្គ្រោះឥណ្ឌូនេស៊ីនិយាយថា ពួកគេបានរកឃើញសពមនុស្សនៅជិតបំណែកយន្ដហោះមួយគ្រឿងរបស់ប្រទេសរុស្ស៊ី ដែលបានធ្លាក់នៅជ្រោះដ៏ចោតមួយស្ថិតនៅភាគខាងត្បូងនៃរដ្ឋធានីហ្សាការតា (Jarkata) ពេលអ្នកបើកបរបើកដើម្បីសាកល្បងអំពីសមត្ថភាពរបស់យន្តហោះនេះ។ ស.រ.អា៖ លោកប្រធានាធិបតី បារ៉ាក់ អូបាម៉ា មានប្រសាសន៍ថាឥឡូវនេះលោកជឿថាគូស្រករណាដែលមានភេទដូចគ្នាគួរតែទទួលការអនុញ្ញាតឲ្យរៀបមង្គលការ។ សេចក្ដីសម្រេចនេះបានបើកឲ្យមានបញ្ហាមានសក្ដានុពលអាចធ្វើឲ្យមានការខ្វែងគំនិតគ្នាមុនការបោះឆ្នោតជ្រើសរើសប្រធានាធិបតីនៅខែវិច្ឆិកានេះ។ ចិន៖ សេវាកម្មសរសេរប្លុក (blog) លើប្រព័ន្ធអ៊ីនធឺណេតដ៏ធំបំផុតរបស់ចិនកំពុងតែបញ្ចេញគោលការណ៍ណែនាំថ្មីមួយចំនួនយ៉ាងចម្រូងចម្រាស់ដែលមានគោលដៅដាក់កម្រិតជាផ្លូវការទៅលើអ្វីដែលអ្នកប្រើសេវានោះអាចផ្សាយបានតាមប្រព័ន្ធអ៊ីនធឺណេត។ ហ្វីលីពីន៖ ទីភ្នាក់ងារទេសចរណ៍ចិនជាច្រើនបានផ្អាកការធ្វើដំណើរទៅកាន់ប្រទេសហ្វីលីពីន នៅពេលដែលមានការប្រឈមមុខដាក់គ្នាកើនឡើងរយ:ពេលជាច្រើនខែមកនេះអំពីប្រជុំកោះដែលគ្មានមនុស្សរស់នៅ នៅសមុទ្រចិនខាងត្បូង។ យេម៉ែន៖ ការវាយប្រហារដោយកាំជ្រួចផ្លោងបានសម្លាប់ជនសកម្មប្រយុទ្ធប្រាំបីនាក់នៅក្នុងតំបន់ការពាររឹងមាំរបស់ពួកអាល់កៃដានៅប្រទេសយេម៉ែន។ ក្រិក៖ លោក អាឡិចស៊ីស ធីស៊ីផ្រាស (Alexis Tsipras) មេដឹកនាំឆ្វេងនិយមជ្រុលនៃប្រទេសក្រិកបានបោះបង់ចោលការខំប្រឹងប្រែងរបស់លោកចង់បង្កើតរដ្ឋាភិបាលថ្មីមួយ ក្រោយពីការបោះឆ្នោតជ្រើសរើសតំណាងរាស្ដ្រនៅនៅថ្ងៃអាទិត្យដែលបានចប់ទៅដោយមានភាពជាប់គាំង។វៀតណាម៖ នៅប្រទេសវៀតណាមមានការប្រយុទ្ធគ្នារវាងអ្នកយកព័ត៌មានពីរនាក់ដែលយកព័ត៌មានឲ្យវិទ្យុរបស់រដ្ឋហើយនឹងភ្នាក់ងារប៉ូលិស ហើយដែលការប្រយុទ្ធគ្នានេះបានធ្វើឲ្យមានការយកចិត្ដទុកដាក់ជាថ្មីទៀតអំពីបញ្ហាប្រើដីធ្លីនៅក្នុងប្រទេសវៀតណាម។ <!--AV--> This posting includes an audio/video/photo media file: Download Now |
| អាជ្ញាធរឥណ្ឌូនេស៊ីកំពុងរុករកយន្តហោះប្រតិកម្មរុស្ស៊ីដែលបាត់ទៅ Posted: 10 May 2012 06:37 AM PDT ឥណ្ឌូនេស៊ីបានបញ្ជូនក្រុមរុករកនិងជួយសង្គ្រោះទៅកាន់តំបន់ភ្នំមួយនៅជិតក្រុងចាកាតា ដើម្បីរកយន្តហោះប្រតិកម្មរុស្សីមួយគ្រឿងដែលបានបាត់ពីរ៉ាដាកាលពីថ្ងៃពុធជាមួយមនុស្សយ៉ាងតិចណាស់៤៤នាក់ជិះក្នុងនោះ។ កាសែត Jakarta Post បានដកស្រង់ពាក្យសំដីអាជ្ញាធរដែលបាននិយាយថាក្រុមប្រតិបត្តិការលើដីដោយមានកងយោធាផងបានចាកចេញពីរដ្ឋធានីទៅកាន់ភ្នំសាឡាក់ Salakបន្ទាប់ពីកងឧទ្ធម្ភាគចក្រស្វែងរកបានជួបប្រទះធាតុអាកាសមិនល្អហើយបានត្រូវបង្ខំឱ្យវិលមកកាន់មូលដ្ឋានវិញ។ អាជ្ញាធរនិយាយថាយន្តហោះធុនSukhoi Superjet 100 បានបាត់នៅពេលធ្វើការហោះហើរបង្ហាញនៅក្រោយម៉ោង២រសៀលតាមពេលវេលាក្នុងមូលដ្ឋាន។គេបានពណ៌នាអ្នកជិះទាំងអស់ថាជាពួកភ្ញៀវដែលបានទទួលសេចក្តីអញ្ជើញ។ ក្រសួងដឹកជញ្ជូននៃប្រទេសឥណ្ឌូនេស៊ី Indonesie បាននិយាយថាយន្តហោះប្រតិកម្មនេះដែលមានកៅអី១០០និងមានវង់ប្រតិបត្តិការមធ្យមបានធ្វើការហោះបង្ហាញលើកទីពីរក្នុងការហោះបង្ហាញពីរលើករួចក៏បាត់នៅក្នុងតំបន់បូហ្កូ Bogor។ ស៊ីរី៖ គ្រាប់បែកនៅតាមដងផ្លូវមួយបានផ្ទុះក្នុងប្រទេសស៊ីរីនៅជិតក្បួនកុងវ័រមួយដែលមានរួមបញ្ចូលពួកអ្នកសង្កេតការរបស់អ.ស.ប.។ការផ្ទុះនេះបានធ្វើឱ្យទាហានស៊ីរីដែលស្ថិតក្នុងរថយន្តយ៉ាងតិចណាស់៦នាក់ត្រូវរបួស។ ការផ្ទុះគ្រាប់បែកកាលពីថ្ងៃពុធបានកើតមានទ្បើងនៅក្នុងក្រុងដារ៉ា Dara'a ដែលជាកន្លែងមានចលាចលក្នុងប៉ែកខាងត្បូងប្រទេសក្នុងរយៈពេលខ្លីក្រោយពីពួកអ្នកសង្កេតការអ.ស.ប.បានជិះរថយន្តកាត់ទីនោះ។ លោកឧត្តមសេនីយទោ រ៉ូបឹត មូតRobert Mood នៃប្រទេសណរវ៉េស Norvege ដែលជាប្រធានគណៈបេសកកម្មសង្កេតការនេះបានស្ថិតក្នុងក្បួនកុងវ័រនេះ ក៏ប៉ុន្តែលោកមូត Mood និងពួកអ្នកសង្កេតការមិនបានរងរបួសទេ។ការផ្ទុះគ្រាប់បែកនេះគូសបញ្ជាក់អំពីគ្រោះថ្នាក់ដល់បេសកកម្មនេះរបស់អ.ស.ប.ដែលព្យាយាមពង្រឹងកិច្ចឈប់បាញ់គ្នាដែលមិនមាំទាំរវាងកងកម្លាំងរដ្ឋាភិបាលនិងពួកឧទ្ទាម។ សូម៉ាលី៖ សមាជិកម្នាក់នៃសភាប្រទេសសូម៉ាលីបាននិយាយថាមានយុទ្ធជនយ៉ាងតិចណាស់១៧នាក់នៃក្រុមជនសកម្មប្រយុទ្ធអាល់សាបាប់ al-Shabab បានត្រូវសម្លាប់នៅក្នុងការប្រយុទ្ធគ្នាជាមួយពួកទាហាន អេត្យូពីEthiopie និងពួកទាហានរដ្ឋាភិបាលសូម៉ាលី។ អាហ្វហ្កានីស្ថាន៖ មន្ត្រីអ.ស.ប.ជាន់ខ្ពស់ម្នាក់បាននិយាយថាស្ថានភាពរបស់ប្រជារាស្ត្រអាហ្វហ្កានិស្ថានដែលខ្ចាត់ព្រាត់ពីផ្ទះសំបែងនៅក្នុងប្រទេសជាការ«គួរឱ្យរន្ធត់»។ ស៊ូដង់/ស៊ូដង់ខាងត្បូង៖ ប្រទេសស៊ូដង់ខាងត្បូងបាននិយាយថាប្រទេសស៊ូដង់បានធ្វើការវាយប្រហារតាមអាកាសឆ្លងកាត់ព្រំដែនដោយរំលោភលើកិច្ចឈប់បាញ់គ្នាដែលគាំទ្រអ.ស.ប.។ ក្រិច៖ ចលាចលខាងនយោបាយក្នុងប្រទេសក្រិកអំពីការបង្កើតរដ្ឋាភិបាលចម្រុះមួយបានបង្កើនកង្វល់ជាថ្មីទៀតអំពីការដែលថាប្រទេសនេះអាចក្លាយទៅជាប្រទេសទីមួយដែលនឹងចាកចេញពីក្រុមប្រទេសជាតិ១៧ដែលប្រើប្រាស់ប្រាក់អឺរ៉ូ។ បារាំង៖ លោក ហ្វ្រង់ស្វ័រ ហូឡង់Francois Hollande ប្រធានាធិបតីជាប់ឆ្នោតនៃប្រទេសបារាំងបានចាប់ផ្តើមធ្វើកិច្ចចរចាជាមួយពួកមេដឹកនាំអឺរ៉ុបអំពីផែនការរបស់លោកក្នុងការយកចិត្តទុកដាក់ជាថ្មីលើគោលនយោបាយអឺរ៉ុបអំពីការលូតលាស់។ រុស្ស៊ី៖ ពួកប៉ូលីសរុស្សីក្នុងក្រុងម៉ូស្គូបានឃាត់ខ្លួនពួកសកម្មជនប្រឆាំងរាប់សិបនាក់ដែលបានព្យាយាមធ្វើបាតុកម្មប្រឆាំងនឹងលោកប្រធានាធិបតីរុស្ស៊ីវ៉្លាដឹមៀរ ពូទីន Vladimir Putin ដែលទើបបានសម្ពោធតំណែងកាលពីពេលថ្មីៗនេះ។ This posting includes an audio/video/photo media file: Download Now |
| យោងតាមឧសភរាជទំនាយថាពោត និងសណ្តែកឲ្យផលល្អ Posted: 09 May 2012 07:49 PM PDT ដាំណាំពោត សណ្ដែក នឹងផ្តល់ផលល្អប្រសើរសម្រាប់រដូវប្រមូលផលកសិកម្មឆ្នាំ ២០១២។ នេះគឺជាទំនាយបានមកពីការផ្សងតាមរបៀបប្រពៃណីបុរាណនៅក្នុងព្រះរាជពិធីច្រត់ព្រះនង្គ័លនៅកាលពីព្រឹកថ្ងៃពុធនេះ។ ក៏ប៉ុន្ដែមិនមានការទស្សទាយពីផលស្រូវនោះទេ។ លោក កង កេន ដែលជាអាចារ្យព្រហ្មប្រឡោហិត បានប្រកាសនៅទីបញ្ចប់នៃព្រះរាជពិធីច្រត់ព្រះនង្គ័លលើវាលព្រះមេរុ ខាងជើងជាប់ព្រះបរមរាជវាំងក្រុងភ្នំពេញ ដោយផ្អែកតាមការបរិភោគចំណីរបស់ឧសភរាជ។
«ពោតក្នុងឆ្នាំនេះទទួលផលបានល្អប្រសើរ។ សណ្ដែកទទួលផលបានល្អ។ ក្នុងឱកាសនេះដែលគោ ឧសភរាជ បានបរិភោគស្មៅបានសេចក្ដីថា ឆ្នាំនេះកម្លាំងអូសទាញទាំងអស់មានគោក្របី និងសេះត្រូវជួបប្រទះនឹងជំងឺបៀតបៀនបន្តិចបន្តួច»។ ព្រះរាជពិធីច្រត់ព្រះនង្គ័លធ្វើឡើងជារៀងរាល់ឆ្នាំនៅថ្ងៃទី៤រោច ខែពិសាខ ឬត្រូវនឹងខែឧសភា ដើម្បីជានិមិត្តរូបនៃការចាប់ផ្តើមការភ្ជួររាស់ដាស់ដីធ្វើស្រែចម្ការរបស់ប្រជាកសិករខ្មែរ និងសម្រាប់ទស្សទាយទុកពីទិន្នផលដំណាំកសិកម្មប្រចាំឆ្នាំ។ ការទស្សទាយតាមរយៈការផ្សងឲ្យឧសភារាជបរិភោគចំណីចំនួនប្រាំពីរមុខ មានពោត សណ្ដែក ល្ង ស្រូវ ទឹក ស្រា និងស្មៅ។ ប្រសិនបើគោស៊ីស្រូវច្រើនទំនាយថា ប្រជាកសិករនឹងប្រមូលផលស្រូវបានបរិបូណ៌។ ក្រោមព្រះរាជាធិបតីរបស់ព្រះមហាក្សត្រសម្តេចព្រះបរមនាថ នរោត្តម សីហមុនី ស្ដេចនាគក្នុងព្រះរាជពិធីច្រត់ព្រះនង្គ័លឆ្នាំនេះ តំណាងដោយព្រះអង្គម្ចាស់ នរោត្តម ចក្រាវុឌ្ឍ និងព្រះអង្គម្ចាស់ក្សត្រី ស៊ីសុវត្ថិ ចាន់ស៊ីដា ជាព្រះនាងមេហួ។ ស្តេចនាគ និងព្រះនាងមេហួ ត្រូវភ្ជួរនិងសាបស្រូវលើព្រះស្រែចំនួនបីជុំ រួចទើបលែងឧសភារាជចំនួនពីរក្បាលឲ្យស៊ីចំណីទាំងប្រាំពីរមុខ ដែលគេដំកល់លើជើងពានរួចជាស្រេច។ ឧសភរាជមិនបានបរិភោគចំណីផ្សេងក្រៅពីស្មៅ ពោត និងសណ្ដែកនោះទេ។ អ្នកស្រី ប្រែង រាប អាយុ៧៨ឆ្នាំ មកពីស្រុកបាភ្នំ ខេត្ពព្រៃវែង។ អ្នកស្រីបានមកទស្សនាព្រះរាជពិធីជាប្រពៃណីនេះជាលើកទី១។ អ្នកស្រីខ្វាយខ្វល់ពីទិន្នផលស្រូវនៅពេលដែលគោឧសភរាជ មិនបានស៊ីស្រូវដែលគាត់គិតថា វាអាចជាប្រថ្នូលមួយមិនល្អសម្រាប់ផលស្រូវឆ្នាំនេះ។ «ខ្ញុំធ្វើតែស្រែអត់មានចម្ការពោត សណ្ដែកអ្វីហ្នឹងគេទេ។ ហើយដល់ពេលគោមិនស៊ីស្រូវអញ្ចឹង ព្រួយបារម្ភដែរ។ កន្លងមកដូចជាត្រូវៗ ហើយខ្ញុំជឿដែរ»។ លោកនាយករដ្ឋមន្ដ្រីកម្ពុជា ហ៊ុន សែន ធ្លាប់បានរិះគន់លើការទស្សទាយមិនសុក្រិត ដោយព្រះរាជពិធីច្រត់ព្រះនង្គ័លនេះ ហើយលោកមិនបានមានវត្តមានក្នុងពិធីនេះទេ។ លោកអាចារ្យព្រហ្មប្រឡោហិត កង កេន បានបញ្ជាក់ក្នុងពិធីច្រត់ព្រះនង្គ័លនេះថា ការទស្សទាយនេះគ្រាន់តែជាការផ្សងប្រថ្នូលតាមទម្លាប់ព្រះរាជប្រពៃណីយ៍ពីបុរាណតែប៉ុណ្ណោះ ប៉ុន្ដែជាមួយគ្នានេះព្រះរាជពិធីនេះក៏ជាសារមួយដល់ប្រជាកសិករថា រដូវបង្កបង្កើនផលបានមកដល់ហើយ៕ This posting includes an audio/video/photo media file: Download Now |
| ជនរងគ្រោះរំលោភដីធ្លីនៅបឹងកក់ដាក់ញ្ញតិ្តជូនអ្នករាយការណ៍ពិសេសអ.ស.ប. Posted: 09 May 2012 07:06 PM PDT សំឡេងទះដៃបានលាន់ឮយ៉ាងកងរំពងឡើងខណៈពេលដែលមន្ត្រីជាន់ខ្ពស់របស់អគ្គលេខាធិការអង្គការសហប្រជាជាតិទៅដល់តំបន់សហគមន៍បុរីកីឡាដែលរងគ្រោះ ដោយសារតែការបណ្តេញចេញ។ លោកសុរិយា ប្រាសាទស៊ូប៊ែឌី អ្នករាយការណ៍ពិសេសរបស់លោក បានគីម៉ូន អគ្គលេខាធិការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាត្រូវបានទទួលស្វាគមន៍ដោយកម្រងផ្កា និងបាច់ផ្កាពីប្រជាពលរដ្ឋនៃសហគមន៍បុរីកីឡា និងតំបន់បឹងកក់។ ប្រជាពលរដ្ឋដែលរងគ្រោះដោយសារតែការបណ្តេញចេញដោយបង្ខំទាំងពីរមានឱកាសបានដាក់ញត្តិដោយផ្ទាល់ដៃជួនលោកតំណាងពិសេសរបស់អង្គការសហប្រជាជាតិ នៅក្នុងខណៈពេលដែលលោកបានចុះទៅធ្វើទស្សនកិច្ចដោយផ្ទាល់នៅកន្លែងដែលមានការបណ្តេញចេញ។ លោកសុរិយា ប្រាសាទស៊ូប៊ែឌី បានឡោមព័ទ្ធជុំជិតដោយប្រជាពលរដ្ឋ និងមួយចំនួនទៀតបានស្រែកទ្រហូរយំ ព្រមទាំងជំរុញឲ្យលោកជួយរកដំណោះស្រាយផ្តល់ទីជម្រកដល់ពួកគេ បន្ទាប់ពីក្រុមហ៊ុនផានអ៊ីម៉ិចរបស់លោកស្រីស៊ុយ ស៊ីផាន បានបណ្តេញចេញដោយបង្ខំកាលពីឆ្នាំទៅ។ «ពួកខ្ញុំមកជ្រកនៅកន្លែងនេះហើយ គេ [រកកល] កម្ទេចពួកខ្ញុំទៀត»។ ដើរកាត់តង់កៅស៊ូដែលប្រជាពលរដ្ឋកំពុងស្នាក់នៅ ក្បែរអគារខ្ពស់ៗ និងកំពុងតែរស់នៅក្បែរគំនរសំរាមដែលមានឃ្លិនស្អុយ ស្ទើរតែទ្រាំពុំបាន លោកសុរិយា ប្រាសាទស៊ូប៊ែឌី បានពិនិត្យមើលទីតាំងស្នាក់នៅដោយផ្ទាល់ ហើយលោកបានថ្លែងទៅកាន់ប្រជាពលរដ្ឋថាលោកនឹងដាក់ចូលបញ្ហាទាំងនេះទៅក្នុងរបាយការណ៍របស់លោក។ លោកបានមានប្រសាសន៍ថាអ្វីដែលលោកមើលឃើញព្រឹត្តិការណ៍នៅថ្ងៃនេះ ធ្វើឲ្យលោកបារម្ភយ៉ាងខ្លាំងចំពោះស្ថានភាពរស់នៅរបស់ប្រជាជន។ លោកបានមានប្រសាសន៍តាមរយៈអ្នកបកប្រែថា បញ្ហានេះមិនត្រឹមតែមានការរំលោភសិទ្ធិមនុស្សទេវាថែមទាំងរំលោភផ្នែកមនុស្សធម៌ទៀតផង។ «ជានិច្ចកាលគាត់តែងតែលើកពីបញ្ហាហ្នឹងដល់រដ្ឋាភិបាល។ ហើយគាត់សូមធានាថា គាត់នឹងលើករឿងនេះតទៅទៀត ដើម្បីឲ្យរដ្ឋាភិបាលថ្នាក់ជាតិបាន ដឹងឮ»។ នៅមុនពេលដំណើរទស្សនកិច្ចរបស់លោកសុរិយា ប្រាសាទស៊ូប៊ែឌី ប្រជាពលរដ្ឋនៅសហគមបុរីកីឡាជាង១០០នាក់ បានប្រមូលផ្តុំគ្នាតវ៉ាប្រឆាំងនឹងក្រុមហ៊ុនផានអ៊ីម៉ិច របស់លោកស្រីស៊ុយ ស៊ីផាន ដែលពុំបានសាងសង់អគារពីរបន្ថែមទៀតសម្រាប់ឲ្យពួកគេស្នាក់នៅ។ «ត្រូវការទីជម្រក ត្រូវការសាលារៀន។ រាល់ថ្ងៃនេះហូបបាយក៏មិនចូលដែរ រុយហើរចូលពេញ។ ខ្ញុំមានការឈឺចាប់ណាស់! សុំឲ្យក្រុមហ៊ុនផានអ៊ីម៉ិច សាងសង់ ១០អគារជូនពួកខ្ញុំវិញ»។ អ្នកស្រី ស៊ូ អ៊ីម អាយុ៥៨ឆ្នាំ រស់នៅសហគមបុរីកីឡាបាននិយាយថា ក្រុមហ៊ុនត្រូវតែគោរពតាមគោលការណ៍របស់លោកនាយករដ្ឋមន្ត្រីហ៊ុន សែន ដែលតម្រូវឲ្យក្រុមហ៊ុននេះសាងសង់អគារពីរបន្ថែមទៀត។ «ជួយធ្វើយ៉ាងណាឲ្យក្រុមហ៊ុនសាងសង់អគារទី៩ ទី១០ ឲ្យប្រជាពលរដ្ឋឡើងវិញ ដែលគាត់ធ្លាប់បានសន្យាជាមួយប្រជាពលរដ្ឋ»។ បន្ទាប់ពីមានការបណ្តេញចេញដោយបង្ខំកាលពីថ្ងៃទី៣ ខែមករា ឆ្នាំ២០១២ក្រុមហ៊ុនផានអ៊ីម៉ិចមិនទាន់រកដំណោះស្រាយឲ្យប្រជាពលរដ្ឋដែលនៅសេសសល់ប្រមាណ១១៧គ្រួសារទៀតនៅឡើយទេ។ វីអូអេមិនអាចទាក់ទងអ្នកស្រី ស៊ុយ ស៊ីផាន ប្រធានក្រុមហ៊ុនផានអ៊ីម៉ិចនៅថ្ងៃពុធនេះដើម្បីសុំសេចក្តីបំភ្តឺបានទេ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
