VOA News: ព័ត៌មាន: “ប៉ូលីសម៉ាឡេស៊ីបំបែកហ្វូងបាតុករដោយឧស្ម័នបង្ហូរទឹកភ្នែកនិងកាណុងបាញ់ទឹក” plus 5 more |
- ប៉ូលីសម៉ាឡេស៊ីបំបែកហ្វូងបាតុករដោយឧស្ម័នបង្ហូរទឹកភ្នែកនិងកាណុងបាញ់ទឹក
- លោក ឈិន កុងឈិន បានរត់គេចខ្លួនចេញការឃុំឃាំងក្នុងផ្ទះ
- ជប៉ុនផ្តល់ការគាំទ្រខ្លាំងដល់ប្រទេសក្នុងតំបន់ទន្លេមេគង្គ
- រដ្ឋមន្ត្រីការពារជាតិអាស៊ានបញ្ចប់កិច្ចប្រជុំស្តីពីសន្តិសុខតំបន់លើកទី៦
- ក្រុមសិទ្ធិមនុស្សសុំឱ្យមានការស៊ើបអង្កេតការសម្លាប់លោកឈុត វុទ្ធី
- វិស័យកសិកម្មរបស់ហ្ស៊ីមបាវេកំពុងត្រដាបត្រដួសដើម្បីឆ្លើយតបតាមសេចក្តីត្រូវការ
| ប៉ូលីសម៉ាឡេស៊ីបំបែកហ្វូងបាតុករដោយឧស្ម័នបង្ហូរទឹកភ្នែកនិងកាណុងបាញ់ទឹក Posted: 28 Apr 2012 08:52 AM PDT ប៉ូលីសម៉ាឡេស៊ីបានបាញ់គ្រាប់បែកផ្សែងនិងកាណុងទឹកទៅលើបាតុកររាប់ម៉ឺននាក់ដែលបានសម្រុកចូលក្នុងកណ្តាលរដ្ឋធានី គូឡាឡាំពួ (Kuala Lumpur) នៅថ្ងៃសៅរ៍នេះដើម្បីទាមទារឲ្យមានការធ្វើកំណែទម្រង់ការបោះឆ្នោត។ បាតុករយ៉ាងហោចណាស់ក៏២ម៉ឺន៥ពាន់នាក់ដែរ ដែលបានដើរកាត់របាំងលួសនៅពេលដែលពួកគេសម្រុកចូលក្នុងទីលានឯករាជ្យដែលមានការយាមកាមដ៏តឹងរ៉ឹងដោយបំពានការហាមឃាត់ការប្រជុំមហាជន នៅកណ្តាលរដ្ឋធានីនេះ។ ប៉ូលីសបានរារាំងទីកន្លែងផ្សេងៗទៀតនៅក្នុងរដ្ឋធានី ប៉ុន្តែមេដឹកនាំគណបក្សប្រឆាំងលោក អានវ៉ា អ៊ីប្រាហ៊ីម (Anwar Ibrahim) បាននិយាយកាលពីដំបូងថាបាតុករ មានគោលបំណងដើរជាក្បួនទៅកាន់ទៅកាន់ទីលាន។ ពួកសកម្មជនបានអះអាងថាគណៈកម្មការរៀបចំការបោះឆ្នោតមានភាពលម្អៀង ហើយនោះគឺជាអ្វីដែល គណបក្សចម្រុះរបស់នាយករដ្ឋមន្រ្តីលោក ណាជីប រ៉ាហ្សាក (Najib Razak) ដែលបានកាន់អំណាចជាង៥០ឆ្នាំមកហើយ ដែលនឹងកេងយកប្រយោជន៍ពីការបោះឆ្នោតមិនត្រឹមត្រូវដែលអាចអំពាវនាវឲ្យមានការបោះឆ្នោតមុនពេលកំណត់នៅខែមិថុនា។ ព័ត៌មានអន្តរជាតិសំខាន់ៗផ្សេងទៀត៖ <!--IMAGE-RIGHT-->ភូមា៖ លោកស្រី ខាធឺរីន អាស្តុន(Catherine Ashton) ប្រធានផ្នែកនយោបាយការបរទេសនៃសហភាពអឺរ៉ុបបានជួបជាមួយលោកស្រី អ៊ុង សាន ស៊ូ ជី មេដឹកនាំគណបក្សប្រឆាំងភូមានៅក្នុងទីក្រុងរង់ហ្គូន (Rangoon) កាលពីថ្ងៃសៅរ៍។ អាហ្វហ្គានីស្ថាន៖ ពួកមន្រ្តីក្នុងតំបន់ខាងត្បូងនៃប្រទេសអាហ្វហ្គានីស្ថាននិយាយថា កងកម្លាំងសន្តិសុខអាហ្វហ្គានីស្ថាន បានសម្លាប់ពួកអ្នកវាយប្រហារអត្តឃាត២នាក់។ ប៉ាគីស្ថាន៖ កាសែតដ៏ល្បីល្បាញមួយរបស់សហរដ្ឋអាមេរិក បានប្រាប់ឲ្យដឹងថាការចរចាកម្រិតខ្ពស់ដែលរៀបចំឡើងដើម្បីបញ្ចប់ភាពទាល់ច្រកខាងការទូតរវាងសហរដ្ឋអាមេរិកនិងប៉ាគីស្ថានបានបញ្ចប់ដោយភាពបរាជ័យពីព្រោះប៉ាគីស្ថានទាមទារឲ្យមានការសុំអភ័យទោសដោយគ្មានលក្ខខណ្ឌពីរដ្ឋាភិបាលទីក្រុងវ៉ាស៊ីនតោន (Washington) ចំពោះការវាយប្រហារតាមអាកាស។ ស៊ីរី៖ អង្គការសង្កេតការណ៍សិទ្ធិមនុស្សស៊ីរី បានប្រាប់ឲ្យដឹងថាកងទ័ពស៊ីរីបានសម្លាប់ពួកឧទ្ទាមយ៉ាងហោចណាស់ក៏១០នាក់ដែរ នៅថ្ងៃសៅរ៍នេះនៅក្នុងការប្រយុទ្ធគ្នាមួយនៅក្នុងទីក្រុងដាម៉ាស។ លីប៊ី៖ អង្គការសិទ្ធិមនុស្ស Human Rights Watch ប្រាប់ឲ្យដឹងនៅថ្ងៃសៅរ៍នេះថាប្រទេសលីប៊ីត្រូវតែបញ្ជាក់ឲ្យច្បាស់ពីច្បាប់អ្វីដែលខ្លួនមិនអនុញ្ញាតិឲ្យអ្នកដែលជាប់ពាក់ព័ន្ធនឹងរបបរបស់មេដឹកនាំ លោក ម៉ូអាមែរ កាដាហ្វី (Moamer Kadhafi) ធ្វើការងារនោះ។ អ៊ុយក្រែន៖ តុលាការអ៊ុយក្រែនបានផ្អាកការកាត់ទោសអតីតនាយករដ្ឋមន្រ្តីលោកស្រី យូលា ទីម៉ូសេនកូ (Yulia Tymoshenko) ដែលជាប់ពន្ធនាគារពីបទលួចបន្លំពន្ធដាររហូតដល់ថ្ងៃទី២១ ខែឧសភាដោយសារលោកស្រីធ្វើកូដកម្មបង្អត់អាហារនិងបញ្ហាសុខភាពរបស់លោកស្រី។ រ៉ូម៉ានី៖ លោក វីកទ័រ ផនតា (Victor Ponta) នាយករដ្ឋមន្រ្តីតែងតាំងឆ្វេងនិយមនៃប្រទេស រ៉ូម៉ានី បាននិយាយនៅថ្ងៃសៅរ៍នេះថាលោកនឹងបញ្ជាក់ប្រាប់អង្គការមូលនិធិរូបីយវត្ថុអន្តរជាតិ (IMF) ពីការបន្តធ្វើកំណែទម្រង់របស់លោកដែលបានព្រមព្រៀងគ្នាជាមួយអង្គការនោះ។ <!--AV--> This posting includes an audio/video/photo media file: Download Now |
| លោក ឈិន កុងឈិន បានរត់គេចខ្លួនចេញការឃុំឃាំងក្នុងផ្ទះ Posted: 28 Apr 2012 07:37 AM PDT លោក ឈិន កុងឈិន (Chen Guangchen) មេធាវីប្រឆាំងពិការភ្នែកបានរត់គេចខ្លួនចេញការឃុំឃាំងក្នុងផ្ទះដែលមានគេយាមដោយប្រុងប្រយ័ត្នកាលពីថ្ងៃអាទិត្យនៅក្នុងភូមិ តុងស៊ីហ្គូ ក្នុងខែត្រ សានតុងនាប៉ែកខាងកើតនៃប្រទេសចិន ពួកប៉ូលីសតាមរកលោក,គ្រួសារលោកនិងពួកជនដែលបានជួយលោក។ សាច់ញាតិម្នាក់បាននិយាយប្រាប់វីអូអេថាពួកប៉ូលីសច្រើននាក់ដោយខ្លះមានអាវុធផងបានទៅផ្ទះលោក ឈិនក្នុងភូមិ តុងស៊ីហ្គូ ប៉ុន្តែគេមិនដឹងថាលោកនៅទីណាទេ។មានការនិយាយស្មានៗថាលោកប្រហែលសុំសិទ្ធិជ្រកកោនក្នុងស្ថានទូតស.រ.អ.ក្នុងក្រុងប៉េកាំង ក៏ប៉ុន្តែពួកមន្ត្រីនៅទីនោះបានប្រកែកមិនព្រមធ្វើអត្ថាធិប្បាយឬផ្តល់ព័ត៌មានបន្ថែមទេ។លោក បប ហ្វូ (Bob Fu) នាយកនៃអង្គការសិទ្ធិមនុស្សជំនួយចិនមានមូលដ្ឋានក្នុងស.រ.អ.បាននិយាយកាលពីថ្ងៃសុក្រថាលោក Chen មានសុវត្ថិភាពហើយលោកឋិតក្នុងកន្លែងមួយឆ្ងាយពីភូមិរបស់លោក។ អេស្ប៉ាញ៖ លោករដ្ឋមន្ត្រីការបរទេសនៃប្រទេសនេះនិយាយថាប្រទេសលោកកំពុងប្រឈម មុខនឹង«វិបត្តិមួយដែលមានទំហំធំធេង» ដោយពួកអ្នកធ្វើការរបស់ខ្លួនជិតមួយភាគបួនគ្មានការងារធ្វើទេ គឺជាអត្រាគ្មានការងារធ្វើដ៏អាក្រក់បំផុតនៅក្នុងក្រុមប្រទេស ជាតិ១៧ដែលប្រើប្រាស់ប្រាក់អឺរ៉ូ។ ប៉ាគីស្ថាន៖ លោកនាយករដ្ឋមន្ត្រីប៉ាគីស្ថាន យូស្វ រ៉ាហ្សា ហ្គីឡានី (Yousuf Raza Gilani) បានប្រកែកមិនព្រមចុះចេញពីតំណែង។ មួយថ្ងៃក្រោយពីតុលាការកំពូលបានរកឃើញថាលោកមានទោសក្នុងការប្រមាថមើលងាយតុលាការដោយមិនបានបើកជាថ្មីករណីយពុករលួយប្រឆាំងនឹងប្រធានាធិបតីរបស់ប្រទេស។លោកបានមានប្រសាសន៍ថាឧក្រិដ្ឋកម្មតែមួយរបស់លោកគឺ«ការពាររដ្ឋធម្មនុញ្ញ»។ ប៉ាគីស្ថាន៖ បានបញ្ជូនគ្រួសារ អូសាម៉ា ប៊ីឡាដិន (Osama bin Laden) ទៅកាន់ប្រទេស អារ៉ាប៊ីសាអូឌីត ជិតមួយឆ្នាំក្រោយពីមេដឹកនាំរូបនេះនៃអង្គការ អាល កៃដា បានត្រូវសម្លាប់នៅក្នុងការឆ្មក់វាយប្រហារមួយដោយពួកទាហានអាមេរិក។ ស៊ីរី៖ កាលពីថ្ងៃសុក្រមានការផ្ទុះពីរនៅក្នុងក្រុងដាម៉ាស់បណ្តាលឱ្យមនុស្សយ៉ាងតិចណាស់១០នាក់ស្លាប់នៅពេលដែលមានកង្វល់អន្តរជាតិខ្លាំងទ្បើងៗអំពីកិច្ចឈប់បាញ់គ្នាដែលមានភាពយ៉ាប់យ៉ឺនក្នុងប្រទេសស៊ីរី។រដ្ឋាភិបាលបានចាត់ទុកការផ្ទុះនេះថាជាការបំផ្ទុះគ្រាប់បែកអត្តឃាតមួយដែលបានត្រូវរៀបចំដោយ«ពួកភេរវជន»។ សហរដ្ឋអាមេរិក៖ ការលូតលាស់សេដ្ឋកិច្ចស.រ.អ.មានដំណើរយឺតក្នុងរយៈពេលបីខែដំបូងនៃឆ្នាំនេះដោយចុះមកនៅត្រឹមអត្រាប្រចាំឆ្នាំចំនួន២,២ភាគរយ។ការលូតលាស់បានត្រូវកាត់បន្ថយចំនួន៨ភាគ១០នៃ១ភាគរយនៅពេលដែលរដ្ឋាភិបាលកាត់បន្ថយចំណាយហើយការដឹកជញ្ជូនទំនិញចូលក្នុងប្រទេសមានច្រើនជាងការដឹកជញ្ជូនទំនិញចេញទៅលក់ឯប្រទេសក្រៅ។ សហរដ្ឋអាមេរិក៖ លោកប្រធានាធិបតីស.រ.អ.បារ៉ាក់អូបាម៉ាចុះហត្ថលេខាលើបទបញ្ញ័ត្តិនីតិប្រតិបត្តិមួយដែលជួយការពារពួកទាហានដែលកំពុងកាន់តំណែងនិងពួកទាហានជើងចាស់ពីការជ្រើសរើសឱ្យទៅរៀនក្នុងមហាវិទ្យាល័យដែលមិនសុចរិតនិងនាំឱ្យយល់ខុសហើយដែលយកប្រាក់បំណាច់សហព័ន្ធសម្រាប់ការសិក្សាអប់រំរបស់ពួកគេជាទីដៅ។ អ៊ុយក្រែន៖ មនុស្ស២៧នាក់បានត្រូវរបួសដោយសារការផ្ទុះនៅក្នុងក្រុង Dnipropetrovsk នៅក្នុងអ្វីដែលអាជ្ញាធរហៅថាជាការវាយប្រហារភេរវកម្ម។ អាហ្វហ្គានីស្ថាន៖ ពួកមន្ត្រីអាហ្វហ្គានីស្ថាន, ប៉ាគីស្ថាននិងស.រ.អ.ជំរុញឱ្យមានកិច្ចចរចាជាថ្មីជាមួយពួកតាលីបាន់នៅក្នុងកិច្ចខិតខំប្រឹងប្រែងមួយដើម្បីស្វែងរកដំណោះស្រាយនយោបាយមួយដល់សង្គ្រាមអាហ្វហ្គានីស្ថាន ដែលមានរយៈពេលជាង១០ឆ្នាំមកហើយ។ <!--AV--> This posting includes an audio/video/photo media file: Download Now |
| ជប៉ុនផ្តល់ការគាំទ្រខ្លាំងដល់ប្រទេសក្នុងតំបន់ទន្លេមេគង្គ Posted: 28 Apr 2012 07:49 AM PDT ប្រទេសជប៉ុននៅសប្តាហ៍នេះប្រកាសសន្យាផ្តល់ថវិកាដល់ប្រទេសស្ថិតក្នុង តំបន់ទន្លេមេគង្គ៥ប្រទេសគឺកម្ពុជា ឡាវ ថៃ ភូមា វៀតណាមនូវចំនួនទឹកប្រាក់៧,៤ពាន់លានដុល្លារសម្រាប់ការអភិវឌ្ឍនសេដ្ឋកិច្ចក្នុងតំបន់ទន្លេមេគង្គ ដែលមានពលរដ្ឋជាច្រើនរយលាននាក់។ តែក្រុមអ្នកវិភាគនៅកម្ពុជានិង សរអាបានអះអាងថាការពង្រីកឥទ្ធិពលជប៉ុននៅតំបន់ដែលមានកំណើនឥទ្ធិពលចិននោះក៏ជារឿងមួយផ្នែកដែរ។ លោក ឈាង វណ្ណារិទ្ធ នាយកប្រតិបត្តិនៃវិទ្យាស្ថានកម្ពុជាដើម្បីកិច្ចសហប្រតិ បត្តិការនិងសន្តិភាពបានថ្លែងថាតួនាទីរបស់ជប៉ុននៅក្នុងតំបន់អាស៊ីអាគ្នេយ៍ មានការកើនឡើងជាពិសេសក្នុងតំបន់ទន្លេមេគង្គដែលជាតំបន់ក្រីក្រជាង គេក្នុងប្លុកអាស៊ាន។ដូច្នេះជំនួយជប៉ុនគឺភ្ជាប់បណ្តាញសេដ្ឋកិច្ចក្នុងតំបន់និងធ្វើឲ្យ មានតុល្យភាពនៃឥទ្ធិពលជាមួយចិនផង។ «នេះក៏ជាសញ្ញាមួយដែលយើងយល់ថាជប៉ុនមានការព្រួយបារម្ភច្រើនទាក់ទង ទៅហ្នឹងការកើនឡើងនៃឥទ្ធិពលចិនក្នុងតំបន់អាស៊ីអាគ្នេយ៍យើងនេះជាពិសេស ក្នុងតំបន់ទន្លេមេគង្គ។ ដូច្នេះការចូលមកដល់នៃជប៉ុនគឺដើម្បីជំរុញឲ្យមាន តុល្យភាពផ្នែកយុទ្ធសាស្ត្រក៏ដូចជាសេដ្ឋកិច្ចក្នុងតំបន់ហ្នឹងដែរព្រោះជប៉ុនឲ្យ តម្លៃក្នុងតំបន់មេគង្គហ្នឹងមានកម្រិតខ្ពស់ជាងតំបន់ផ្សេងៗទៀតក្នុងតំបន់ អាស៊ីប៉ាស៊ីហ្វិកយើងនេះ»។ លោកឈាង វណ្ណារិទ្ធិថ្លែងថាគម្រោងរបស់ជប៉ុនមើលទៅគឺដើម្បីធ្វើសមា ហរណកម្មសេដ្ឋកិច្ចឲ្យមានប្រសិទ្ធភាពចំពោះប្រទេសក្នុងតំបន់ទន្លេមេគង្គ ធ្វើឲ្យមានការរីកចម្រើនអាចដើរទាន់គេសម្រេចបាននូវសហគមន៍សេដ្ឋកិច្ចអាស៊ាន ភ្ជាប់បណ្តាញផ្លូវថ្នល់នៅក្នុងតំបន់មេគង្គជាដើម។ ជប៉ុនក៏ជួយផ្នែក ធនធានមនុស្សហើយនឹងផ្នែកបរិដ្ឋានជាដើម។ «និយាយឲ្យចំទៅនយោបាយរបស់ជប៉ុនគឺនយោបាយសេដ្ឋកិច្ច។ ជប៉ុនដាក់ ផលប្រយោជន៍សេដ្ឋកិច្ចជាចម្បង។ ហើយតំបន់ទន្លេមេគង្គ៥ប្រទេសហ្នឹងគឺជា Production Network ឬ Production base មួយដែរ គឺជាទីតាំងនៃការផលិត»។ លោកវណ្ណារិទ្ធបានបន្ថែមទៀតថាជប៉ុនអាចពង្រីកចង្វាក់ផលិតកម្មទៅបណ្តាប្រទេសផ្សេងៗទៀតដូចជាភូមាដែលមានសក្តានុពលខ្ពស់និងភ្ជាប់ពាណិជ្ជកម្មជាមួយតំបន់ផងដែរដោយសារជប៉ុនត្រូវការទីផ្សារដែរដើម្បីនាំនូវផលិតផល បច្ចេកវិទ្យាក៏ដូចជាគ្រឿងម៉ាស៊ីនរថយន្តជាដើមក្រៅពីសម្លឹងឃើញធនធានដ៏សម្បូរណ៍បែបនៅក្នុងតំបន់ទន្លេមេគង្គដែលអាចផ្គត់ផ្គង់វត្ថុធាតុដើមដល់រោងចក្រជប៉ុននោះ។ លោក Richard Cronin នាយកកម្មវិធីកិច្ចការតំបន់អាស៊ីអាគ្នេយ៍នៃអង្គការស្រាវជ្រាវគោលនយោបាយមួយក្នុងរដ្ឋធានីវ៉ាស៊ីនតោនហៅថា Stimson Center បានថ្លែងប្រាប់វីអូអេថា ប្រទេសជប៉ុនព្យាយាមផ្សារភ្ជាប់ជាមួយប្រទេសក្នុងតំបន់ទន្លេមេគង្គនិងអាស៊ានឡើងវិញទាំងសេដ្ឋកិច្ចនយោបាយនិងជាការប្រជែងឥទ្ធិពលចិនផងដែរក្រោយពីជប៉ុនបានឃើញកំណើនឥទ្ធិពលចិនខ្លាំងនោះ។ «មួយផ្នែកការភ្ជាប់ដៃគូជាមួយប្រទេសនៅតំបន់ទន្លេមេគង្គរបស់ប្រទេសជប៉ុនគឺដើម្បីរួបរួម គាំទ្រនិងពង្រីកទំនាក់ទំនងជប៉ុនទាំងទំនាក់ទំនងពាណិជ្ជកម្ម និង នយោបាយជាមួយបណ្តាប្រទេសក្នុងតំបន់ទន្លេមេគង្គ។ជាមួយគ្នាដែរ ជប៉ុនកំពុងសំឡឹងមើលប្រទេសចិនដែលកំពុងរីកចម្រើនឥទ្ធិពលក្នុងតំបន់ដែរ»។ នៅក្នុងសេចក្តីថ្លែងការណ៍មួយបន្ទាប់ពីកិច្ចប្រជុំកំពូលស្តីពីទន្លេមេគង្គលើកទី៤ នាយករដ្ឋមន្ត្រីជប៉ុន Yoshihiko Noda បានប្រកាសសន្យាផ្តល់ជំនួយ៧,៤ពាន់លាននេះគឺផ្តោតលើការអភិវឌ្ឍហេដ្ឋារចនាសម្ព័ន្ធការដឹកជញ្ជូនក្នុងប្រទេស៥នៃតំបន់ទន្លេមេគង្គរួមទាំងកម្ពុជាផង។ លោកថ្លែងថាស្ថិរភាពនិងការអភិវឌ្ឍតំបន់អាស៊ីខាងកើតមិនអាចដំណើរការ បានដោយគ្មានស្ថិរភាពនិងការអភិវឌ្ឍតំបន់ទន្លេមេគង្គទេ។ ទោះជាយ៉ាងណាក៏ដោយលោក ឈាង វណ្ណារិទ្ធបានអះអាងថា៖ ប្រទេសមួយចំនួនក្នុងតំបន់ទន្លេមេគង្គកំពុងគិតពីផលប្រយោជន៍ជាតិលាយឡំនឹងផលប្រយោជន៍តំបន់ផងដែរ ដំណាលគ្នាដែលមានការអះអាងពីការជំរុញឲ្យបានសហប្រតិបត្តិការល្អ។ «តែបច្ចុប្បន្ននេះផលប្រយោជន៍ជាតិនៅតែជាផលប្រយោជន៍ធំនៅឡើយទេ។ តែយើងមើលនិន្នាការទៅប្រហែលជាយើងអាចនឹងយ៉ាងហោចណាស់ក៏គិតគូរួមបញ្ចូលផលប្រយោជន៍តំបន់ចូលក្នុងផលប្រយោជន៍ជាតិដែរ។ បើមានវប្បធម៌ ការគិតគូរនយោបាយការបរទេសអញ្ចឹង ជម្លោះនៅក្នុងតំបន់ក៏វាអាចកាត់បន្ថយ បានច្រើនមែនទែន»។ លោកវណ្ណារិទ្ធិមើលឃើញថាតួនាទីជប៉ុនអាចភ្ជាប់នូវបណ្តាប្រទេសទាំងអស់ ក្នុងតំបន់ទន្លេមេគង្គជាមួយគ្នា ហើយបង្កនូវការយល់យោគគ្នាបន្ថែមទៀត។ ប្រទេសឡាវត្រូវគេរាយការណ៍មកថាបន្តសាងសង់ទំនប់វារីអគ្គិសនីសាយាបូរី ដ៏ ចម្រូងចម្រាសដែលធ្វើឲ្យពលរដ្ឋប្រទេសមួយចំនួនរួមទាំងថៃនិងប្រទេស កម្ពុជាផងមិនសប្បាយចិត្ត៕ This posting includes an audio/video/photo media file: Download Now |
| រដ្ឋមន្ត្រីការពារជាតិអាស៊ានបញ្ចប់កិច្ចប្រជុំស្តីពីសន្តិសុខតំបន់លើកទី៦ Posted: 27 Apr 2012 06:03 PM PDT មន្ត្រីជាន់ខ្ពស់ការពារជាតិអាស៊ាននិងដៃគូសន្ទនាមកពី៨ប្រទេសទៀត នៅថ្ងៃសុក្រនេះបានបញ្ចប់ហើយនូវកិច្ចប្រជុំប្រចាំឆ្នាំរយៈពេលបួនថ្ងៃស្តីពីបញ្ហាសន្តិសុខក្នុងតំបន់របស់ខ្លួន។ កិច្ចប្រជុំលើកទី៦នេះបានចាប់ផ្តើមធ្វើឡើងកាលពីថ្ងៃទី២៤ខែមេសានៅក្នុង ខេត្តសៀមរាបប្រទេសកម្ពុជាដោយមានការចូលរួមពីមន្ត្រីជាន់ខ្ពស់ការពារ ជាតិអាស៊ានទាំងដប់និងមន្ត្រីការពារជាតិពីប្រទេស៨ទៀតដូចជា ចិន រុស្ស៊ី កូរ៉េខាងត្បូង ជប៉ុន ឥណ្ឌា អូស្ត្រាលី ណូវែលហ្ស៊េឡង់និងសហរដ្ឋអាមេរិកចំនួនជិត២០០នាក់។ លោកឧត្តមសេនីយ៍ឯកណឹម សុវត្ថិ អគ្គនាយកនៃអគ្គនាយកដ្ឋាននយោបាយ និងការបរទេសក្រសួងការពារជាតិកម្ពុជាបានថ្លែងថាកិច្ចប្រជុំនោះបានបញ្ចប់ទៅដោយមានការជជែកពិភាក្សាគ្នាយ៉ាងច្រើនពាក់ព័ន្ធទៅនឹងការងារ រក្សាសន្តិសុខក្នុងតំបន់អាស៊ាននិងអន្តរជាតិផងដែរ។ លោកឧត្តមសេនីយ៍ឯកបានមានប្រសាសន៍ថាកិច្ចប្រជុំក៏បានផ្លាស់ប្តូរទស្សនៈ និងយោបល់ផងដែរជុំវិញសភាពការណ៍នយោបាយតំបន់និងអន្តរជាតិព្រមទាំងទិដ្ឋភាពនៃទំនាក់ទំនងការងារនៅក្នុងអាស៊ាននិងប្រទេសបូកទាំង៨។ "នៅក្នុងកិច្ចការផ្លាស់ប្តូរទស្សនៈយោបល់អំពីការផ្លាស់ប្តូរសភាពការណ៍នេះ បានលើកឡើងនូវបញ្ហាជាច្រើនដែលក្នុងនោះមានទិដ្ឋភាពនៃសភាពការណ៍សន្តិសុខសមុទ្រ សភាពការណ៍រក្សាសន្តិភាពសភាពការណ៍នៅឧបទ្វីបកូរ៉េសភាពការណ៍វិវឌ្ឍន៍នៅប្រទេសភូមា សភាពការណ៍កើនឡើងនូវទិដ្ឋភាពគ្រោះមហន្តរាយដោយព្យុះទឹកជនន់នឹងដោយរញ្ជួយដី សន្តិសុខមិនមែនប្រពៃណីបញ្ហាទឹកនិងបញ្ហាមេគង្គដទៃទៀតដែលអាចធ្វើឱ្យប៉ះពាល់ដល់សន្តិសុខតំបន់រួមទាំងបញ្ច័យនៃការវិវឌ្ឍន៍សេដ្ឋកិច្ចនិងសង្គមផងដែរ»។ លោកឧត្តមសេនីយ៍ឯកណឹមសុវត្ថិបានថ្លែងទៀតថាក្រៅពីនេះអង្គប្រជុំក៏បានបញ្ជាក់បង្ហាញនូវទិដ្ឋភាពបច្ចុប្បន្នភាពនៃការវិវឌ្ឍន៍និងការអភិវឌ្ឍន៍សេដ្ឋកិច្ចតំបន់អាស៊ាន រួមទាំងទិដ្ឋភាពនយោបាយសេដ្ឋកិច្ចសង្គមនិងផែនការនានាដែលអាស៊ានបានធ្វើកំពុងធ្វើនិងបន្តធ្វើ។ ក្រៅពីនេះក៏នៅមានបញ្ហាស្រដៀងគ្នានេះផ្សេងច្រើនទៀតដែលត្រូវបានសម្រេចក្នុងអង្គប្រជុំដើម្បីដាក់ជូនទៅអង្គប្រជុំរដ្ឋមន្ត្រីការពារជាតិអាស៊ាននៅខែក្រោយនេះ បើតាមការឱ្យដឹងពីលោកឧត្តមសេនីយ៍ឯក៕ This posting includes an audio/video/photo media file: Download Now |
| ក្រុមសិទ្ធិមនុស្សសុំឱ្យមានការស៊ើបអង្កេតការសម្លាប់លោកឈុត វុទ្ធី Posted: 27 Apr 2012 05:53 PM PDT មន្ត្រីការពារសិទ្ធមនុស្សនិងមន្ត្រីការពារធនធានធម្មជាតិក្នុងប្រទេសកម្ពុជាសង្ស័យការបាញ់សម្លាប់អ្នកការពារធនធានធម្មជាតិព្រៃឈើដ៏ឆ្នើមគឺលោក ឈុត វុទ្ធីមានពាក់ព័ន្ធនឹងឧក្រិដ្ឋជនព្រៃឈើដោយបានទទូចដល់អាជ្ញាធរស៊ើបអង្កេតឲ្យបានដិតដល់ក្នុងការនាំខ្លួនជនប្រព្រឹត្តល្មើសមកកាត់ទោសតាមច្បាប់។ មន្ត្រីការពារធនធានធម្មជាតិនិងសិទ្ធិមនុស្សថ្លែងថាលោក ឈុត វុទ្ធីអាយុ៤៣ឆ្នាំ មានជម្លោះជាមួយមន្ត្រីប៉េអឹមម្នាក់ដែលបាញ់សម្លាប់លោកកាលពីថ្ងៃព្រហស្បតិ៍ក្រោយរយៈពេល៣ថ្ងៃដែលលោកវុទ្ធីធ្វើដំណើរទៅកាន់ខេត្តកោះកុងដើម្បីស៊ើបអង្កេតរឿងកាប់ឈើខុសច្បាប់យ៉ាងអនាធិបតេយ្យក្នុងតំបន់សោមខេត្តកោះ កុង។ នេះបើតាមការអះអាងរបស់មន្ត្រីអាជ្ញាធរនិង មន្ត្រីសិទ្ធិមនុស្ស។ លោក សុខ ហេង នៃអង្គការបណ្តាញសហគមន៍កម្ពុជាជាដៃគូជាមួយ លោក ឈុត វុទ្ធីបានថ្លែងថាការស៊ើបអង្កេតមួយដ៏មានតម្លាភាពនិងចាប់ខ្លួនអ្នកនៅពីក្រោយនៃការបាញ់ប្រហារដើម្បីបំបាត់វប្បធម៌គ្មានទោសពៃរ៍គឺជារឿងសំខាន់សម្រាប់ក្រុមអ្នកសេ្នហាជាតិ អ្នកតស៊ូដើម្បីការពារធនធានធម្មជាតិ។ លោក សុខ ហេងបានផ្តល់តម្រុយថាលោក ឈុត វុទ្ធីស្ថិតក្នុងបញ្ជីឈ្មោះនៃការយាយីអាយុ ជីវិតពីឧក្រិដ្ឋជនព្រៃឈើតាំងពីគាត់ប្រឡូកចូលក្នុងកិច្ចការការពារធនធានធម្មជាតិនេះ។ «តាមពិតខ្ញុំដឹងគាត់ធ្លាក់ក្នុងបញ្ជីខ្មៅរបស់ក្រុមល្មើស ក្រុមឧក្រិដ្ឋកម្មព្រៃឈើយូរ ហើយតាមខ្ញុំដឹង។ យើងដើរជាមួយគាត់ច្រើនទៅយើងដឹង»។ លោកថ្លែងយ៉ាងដូច្នេះដោយយោងថាបញ្ហាបង្កទៅជាជម្លោះនោះគ្រាន់តែជាមូលហេតុដើម្បីបង្កហេតុដើម្បីឲ្យមានការបាញ់សម្លាប់ប៉ុណ្ណោះនៅពេល លោក ឈុត វុទ្ធីជាគោលដៅយូរហើយនោះ។ ក្រុមមន្ត្រីសិទ្ធិមនុស្សក្នុងខេត្តកោះកុងបានរាយការណ៍ថាលោក ឈុត វុទ្ធី ត្រូវមន្ត្រី ប៉េអឹមម្នាក់ឈ្មោះ អ៊ិន រតនាបាញ់សម្លាប់ពេលលោកវុទ្ធីបដិសេធមិនព្រមឲ្យកាតមែមម៉ូរីក្នុងម៉ាស៊ីនថតរូបរបស់លោកដែលលោកបានថតរូបនានាទាក់ទងនឹងសកម្មភាពបទល្មើសព្រៃឈើនោះ។ ហើយមន្ត្រីប៉េអឹមនោះត្រូវស្លាប់ក្នុងហេតុការណ៍នោះដែរ។ អ្នកសារព័ត៌មាន The Cambodia Daily ២នាក់មានបរទេសម្នាក់ដែលរួមដំណើរនោះមានសុវត្ថិភាពក្រោយពីត្រូវឃាត់ខ្លួនមួយរយៈពេលខ្លី។ ការបាញ់សម្លាប់នោះគឺកើតឡើងនៅតំបន់វាលបី ភូមិកោះប៉ោ ឃុំបាក់ខ្លង ស្រុកមណ្ឌលសីម៉ា ខេត្តកោះកុងនៅតាមផ្លូវមកពីកន្លែងកាប់បំផ្លាញព្រៃឈើ។ លោក អ៊ិន គង់ជិត មន្ត្រីសម្របសម្រួលសិទ្ធិមនុស្សលីកាដូក្នុងខេត្តកោះកុង បានរៀបរាប់ពីសកម្មភាពរបស់លោក ឈុត វុទ្ធីថា៖ «គាត់បានចុះមកខេត្តកោះកុងនេះបីថ្ងៃហើយៗតាំងពីថ្ងៃច័ន្ទមក។ ហើយពីម្ស៉ិលម៉ិញព្រឹកគាត់ទៅចំណុចអូសោម គឺជាតំបន់ដែលរងការកាប់បំផ្លាញព្រៃឈើ ច្រើន បាននាំអ្នកសារព័ត៌មានយើងចុះទៅយកព័ត៌មាននៅតំបន់នោះបាទហើយជាអកុសលនៅពេលព្រឹកម៉ិញម៉ោង៩ ចេញពីអូសោមហ្នឹង មកដល់ចំណុចហ្នឹងក៏មានរឿងហ្នឹងកើតហេតុតែម្តង»។ លោក អ៊ូ វីរៈ នាយកមជ្ឈមណ្ឌលសិទ្ធិមនុស្សដែលធ្លាប់បានធ្វើការជាមួយលោកឈុត វុទ្ធីបានអះអាងថាឃាតកម្មនេះមានការសង្ស័យច្រើន ហើយជាការបាត់បង់សម្រាប់ធនធានធម្មជាតិប្រទេសកម្ពុជា។ «ជារឿងមួយដែលខ្ញុំមើលទៅយើងបាត់បង់មនុស្សដ៏ក្លាហានម្នាក់ដែលមានឆន្ទៈចង់ការពារព្រៃឈើប្រទេសកម្ពុជាយើង។ គាត់ធ្លាប់និយាយជាច្រើនដងថាគាត់ប្រហែលជាបើមិនជាប់គុកទេប្រហែលជាគេសម្លាប់»។ ក្រៅពីបន្ថែមថាអ្នកសារព័ត៌មានពីរនាក់គឺនាង ភន បុប្ផា និង ស្រីជនបរទេសម្នាក់ជាសាក្សីដ៏សំខាន់ដែលរដ្ឋាភិបាលត្រូវការពារពួកគាត់ លោក អ៊ូ វីរៈបានអំពាវនាវឲ្យមានការស៊ើបអង្កេតឯករាជ្យមួយក្នុងរឿងឃាតកម្មនេះដែលដឹកនាំដោយអាជ្ញាធរថ្នាក់ជាតិ។ «ព្រោះអីបើសិនយើងពឹងផ្នែកទៅលើអាជ្ញាធរនៅខេត្តកោះកុង ខ្ញុំថាពួកគាត់មិនអាចធ្វើដោយឯករាជ្យបានទេបាទ។ ដោយសារប៉េអឹមជាភាគីមួយក្នុងបញ្ហានេះផងដែរ។ដូច្នេះបើមានអាជ្ញាធរមូលដ្ឋាន ទោះជាគាត់អត់មានការពាក់ព័ន្ធក៏គាត់មិនហ៊ានស៊ើបអង្កេតឲ្យបានត្រឹមត្រូវដែរ»។ លោក Partric Alley នាយកនៃអង្គការការពារបរិដ្ឋានពិភពលោក ហៅថា Global Witness បានហៅការបាញ់សម្លាប់លោក ឈុត វុទ្ធីជាព្រឹត្តិការណ៍រន្ធត់និងសោកនាដកម្ម ដោយចាត់ទុកថាលោក ឈុត វុទ្ធីជាសកម្មជនដ៏កម្រផ្នែកការពារបរិដ្ឋានធនធានធម្មជាតិ ក្នុងប្រទេសកម្ពុជា។ លោកបានអំពាវនាវដល់សហគមន៍អន្តរជាតិមិនត្រូវឈរឱបដៃមើលទេ តែត្រូវមានសកម្មភាពជាបន្ទាន់ចំពោះអ្នកមានអំណាចជនកាប់ឈើខុសច្បាប់និងអ្នករឹបអូសដីធ្លីប្រជាពលរដ្ឋ។ «រដ្ឋាភិបាលថ្នាក់ជាតិនិងក្រុមប្រទេសអ្នកផ្តល់ជំនួយត្រូវតែថ្កោលទោសជាសាធារណៈ ចំពោះការសម្លាប់លោក ឈុត វុទ្ធី ហើយចាត់វិធានការបន្ទាន់ដើម្បីនាំខ្លួនជនល្មើសមកកាត់ទោស»។ លោក វរៈសេនីយ៍ឯកខេង ទីតូ មន្រ្តីអ្នកនាំពាក្យកងរាជអាវុធហត្ថផ្ទៃប្រទេស ឬប៉េអឹមផ្ទៃប្រទេសអះអាងថាមន្ត្រីអាវុធហត្ថកំពុងស៊ើបអង្កេតដើម្បីឈានដល់ចំណុចសន្និដ្ឋានជូនអ្នកដឹកនាំមេបញ្ជាការកងរាជអាវុធហត្ថផ្ទៃប្រទេស។ លោកអះអាងថាលោកពុំទាន់បានទទួលព័ត៌មានអ្វីជាលាយល័ក្ខអក្សរដែរមកដល់ពេលនេះ។ «តាមព័ត៌មានជំហានដំបូងដែលខ្ញុំបានទទួលនៅកន្លែងកើតហេតុនោះគេបានឲ្យដឹងថាមានជម្លោះរវាងមន្ត្រីអាវុធហត្ថដែលចុះអនុវត្តច្បាប់ចុះអនុវត្តភារកិច្ចហ្នឹង គាត់ក៏ប៉ះពាក្យសំដីជាមួយខាងមន្ត្រីការពារ ធនធានធម្មជាតិរហូតដល់ ជម្លោះហ្នឹងមានការផ្ទុះអាវុធ»។ ទោះជាយ៉ាងណាក៏ដោយលោក បណ្ឌិ ឡៅ ម៉ុងហៃអ្នកវិភាគឯករាជ្យក្នុងប្រទេសកម្ពុជាបានសង្កេតឃើញមានកំណើននៃអំពើហិង្សាទាក់ទងនឹងការបាញ់ប្រជាពលរដ្ឋនៅខេត្តក្រចេះរឿងដីធ្លី បាញ់កម្មករនៅខេត្តស្វាយរៀង និង បាញ់ សម្លាប់អ្នកការពារបរិដ្ឋាននៅកោះកុងក្រៅពីអំពើហិង្សាដទៃទៀត។ លោកទទូចឲ្យមាន ការបញ្ឈប់ការប្រើអំពើហិង្សាក្នុងប្រទេសដែលនាំឲ្យ មានកង្វល់ ពីប្រជាពលរដ្ឋទាក់ទងនឹងសន្តិសុខ។ លោក ឈុត វុទ្ធីប្រធានអង្គការការពារធនធានធម្មជាតិបានចូលរួមដឹកនាំប្រជាពលរដ្ឋក្នុងការតវ៉ាការកាប់បំផ្លាញព្រៃឈើនិងការរឹបអូសដីធ្លីផ្ទះសម្បែងប្រជាពលរដ្ឋ ជាច្រើនខេត្តជាពិសេសនៅតំបន់ព្រៃឡង់ ខេត្តកំពង់ធំ កាលពីខែថ្មីៗនេះ៕ This posting includes an audio/video/photo media file: Download Now |
| វិស័យកសិកម្មរបស់ហ្ស៊ីមបាវេកំពុងត្រដាបត្រដួសដើម្បីឆ្លើយតបតាមសេចក្តីត្រូវការ Posted: 28 Apr 2012 07:56 AM PDT ប្រទេសហ្ស៊ីមបាវេ (Zimbabwe) ធ្លាប់ជាប្រទេសផលិតអាហារធំបំផុតមួយនៅក្នុងទ្វីបអាហ្រ្វិកខាងត្បូង។ ប៉ុន្តែ សព្វថ្ងៃនេះ វាជាប្រទេសមានវិបត្តិសេដ្ឋកិច្ច ដែលប្រជាពលរដ្ឋត្រូវពឹងផ្អែកលើការឧបត្ថម្ភស្បៀងអាហារទៅវិញ។ អស់រយៈពេលជាង១០ឆ្នាំបន្តបន្ទាប់គ្នា ចាប់តាំងពីរដ្ឋាភិបាលរបស់លោកប្រធានាធិបតី រ៉ូប៊ឺត មូហ្គាប៊ី（Robert Mugabe）អនុវត្តកម្មវិធីកំណែទម្រង់ដីធ្លី ដែលផ្តោតសំខាន់ទៅលើកសិករស្បែកស ហ្ស៊ីមបាវេ ត្រូវនាំចូលស្បៀងអាហារដើម្បីបញ្ចៀសគ្រោះអត់ឃ្លាន ខណៈពេលដែលកសិករថ្មីរបស់ប្រទេសនេះ មិនអាចផលិតអង្ករឲ្យបានគ្រប់គ្រាន់។ កាលពីថ្ងៃអង្គារ លោក ថេនដាយ ប៊ីទី (TendaiBiti) រដ្ឋមន្ត្រីហិរញ្ញវត្ថុ មានប្រសាសន៍ថា រតនគារជាតិ បានបញ្ចេញទឹកប្រាក់ចំនួន២០លានដុល្លារ ទៅដល់ប្រជាជន ដើម្បីទិញវត្ថុធាតុដើម មានដូចជា គ្រាប់ពូជ ជីនិងសម្ភារៈកសិកម្មដទៃទៀត។ នៅក្នុងសន្និសីទសារព័ត៌មានដដែលនេះដែរ លោក ចូសិប មែដ (Joseph Made) រដ្ឋមន្រ្តីកសិកម្ម បានថ្លែងថា ១ភាគ៣នៃដំណាំដែលបានដាំដុះរបស់ប្រទេសនេះ ក្នុងរដូវធ្វើកសិកម្មឆ្នាំ២០១២ ត្រូវបានបំផ្លាញ ដោយសារតែកសិករគ្មានប្រព័ន្ធធារាសាស្រ្ត និងក្រីក្រខ្លាំងពេករហូតដល់គ្មានលទ្ធភាពទិញវត្ថុធាតុដើមឲ្យបានទាន់ពេលវេលា។ «វាជាការច្បាស់ណាស់ថា ប្រសិនបើអ្នកនាំយកវត្ថុធាតុដើមយឺតយ៉ាវ នៅក្នុងរដូវធ្វើកសិកម្ម អ្នកពិតជាមិនអាចទាញយកគុណប្រយោជន៍បានទេ។ ការដាំដុះ គឺពឹងផ្អែកលើពេលវេលា។ រដូវធ្វើកសិកម្ម មិនអាចរង់ចាំបានទេ។ ខ្ញុំសង្ឃឹមលើអ្វីដែលយើងអនុវត្ត គឺការកែតម្រូវស្ថានភាព។ ដូច្នេះ ការផ្គត់ផ្គង់វត្ថុធាតុដើម នឹងមិនត្រូវពន្យាពេលទៀតទេ។ ចំណុចទី២ គឺថានៅពេលយើងនិយាយអំពីវិស័យកសិកម្ម កសិករតែងតែទទួលរងគ្រោះពីការប្រែប្រួលអាកាសធាតុ។ ការប្រែប្រួលនេះ គ្មាននរណាអាចគ្រប់គ្រងបានឡើយ។ មធ្យោបាយដ៏ប្រសើរបំផុត គឺត្រូវជួយកសិករ តាមរយៈការអភិវឌ្ឍន៍ប្រព័ន្ធធារាសាស្រ្ត។» ហ្ស៊ីមបាវេ ធ្លាប់មានស្បៀងអាហារយ៉ាងច្រើន រហូតដល់ឆ្នាំ២០០០។ ប៉ុន្តែ ចាប់តាំងពីពេលនោះមក ស្ថានភាព មានភាពខុសប្លែកទំាងស្រុង ដោយសាររដ្ឋាភិបាលរបស់លោកប្រធានាធិបតី មូហ្គាបេ អនុវត្តកម្មវិធីកំណែទម្រង់ដីធ្លី។ កសិករស្បែកសដែលធ្វើជំនួញអង្ករស្ទើរតែទាំងអស់ ត្រូវបានជំនួសដោយកសិករដែលគ្មានបទពិសោធន៍ ពោលគឺក្រុមអ្នកគំាទ្រគណបក្សរណសិរ្សអ្នកសេ្នហាជាតិនៃសហភាពប្រជាជាតិអាហ្រ្វិកហ្ស៊ីមបាវេ ឬហៅកាត់ថាZANU-PF របស់លោក មូហ្គាបេ។ ហើយ នេះជាក្រុមកសិករ ដែល លោក មែដ ត្រូវជួយកសាងប្រព័ន្ធធារាសាស្រ្តដើម្បីស្រោចស្រប់ដំណាំរបស់ពួកគេ។ កសិករដាំស្រូវដែលត្រូវបានបណ្តេញចេញ ធ្លាប់មានប្រព័ន្ធធារាសាស្ត្រ ប៉ុន្តែកសិករថ្មីទាំងនេះ បានបំផ្លាញប្រព័ន្ធធារាសាស្ត្រទាំងនោះស្ទើរគ្មានសល់ នៅពេលពួកគេដណ្តើមកាន់កាប់ដីកសិកម្មដោយប្រើកម្លាំង។ នេះគឺលោក ប៊ីធី រដ្ឋមន្ត្រីហរិញ្ញវត្ថុ ដែលធ្វើអត្ថាធិប្បាយស្តីពីការអំពាវនាវឲ្យបន្តជួយប្រជាកសិករថែមទៀត។ «មានវិធានការឆ្ពោះទៅរកដំណោះស្រាយដែលទាក់ទងនឹងទីផ្សាសម្រាប់វិស័យកសិកម្ម ដោយមាននៅក្នុងចិត្តរបស់យើងនូវភាពអសមត្ថភាពក្នុងនាមជាប្រទេសមួយ ដើម្បីថែរក្សាប្រជាពលរដ្ឋរបស់យើងយ៉ាងពេញលេញ។ នេះជាវិធានការមួយដែលយើងកំពុងអនុវត្ត ដែលឆ្លុះបញ្ចាំងនៅក្នុងកម្មវិធីដែលយើងកំពុងដំណើរការជារៀងរាល់ថ្ងៃ។» មានការរង់ចាំមើលថាតើកសិករគ្មានការបណ្តុះបណ្តាលទាំងនេះមានលទ្ធភាពរស់ដោយខ្លួនឯងដោយមិនចាំបាច់មានជំនួយពីរដ្ឋាភិបាល ដូចធ្លាប់កើតមានចាប់តាំងពីកំណែទម្រង់ដីធ្លីបានចាប់ផ្តើម។ ក្រុមអ្នករិះគន់បាននិយាយថា រដ្ឋាភិបាលហ្ស៊ីមបាវេ គួរតែបានបណ្តុះបណ្តាលកសិករ មុនពេលចែកដីធ្លីទៅឲ្យពួកគេ។ កាលពីថ្ងៃអង្គារ នៅពេលស្នើសុំឲ្យលាតត្រដាងស្តីពីថាតើកសិករបំពេញការងារយ៉ាងដូចម្តេច និងថាតើប្រទេសហ្ស៊ីមបាវេ ត្រូវតែនាំចួលស្បៀងអាហារនៅឆ្នាំ២០១២ដែរឬទេ លោក មែដ រដ្ឋមន្រ្តីកសិកម្ម បានថ្លែងថា តួលេខពិតប្រាកដ មិនទាន់អាចរកបាននៅឡើយទេ ប៉ុន្តែផលិតកម្ម នឹងមិនដូចអ្វីដែលយើងត្រូវបានរំពឹងទុកនោះទេ។ «ខ្ញុំដឹងថា អ្នកប្រហែលជាកំពុងស្វែងរកតួលេខពិតប្រាកដ។ អ្នកត្រូវរង់ចាំបន្តិចសិន។ តួលេខទាំងនោះ ត្រូវបានសង្ខេបដើម្បីផ្ញើជូនទៅគណៈរដ្ឋមន្រ្តីជាមុនសិន។ ប៉ុន្តែ ក្នុងចំណោមផ្ទៃដីចំនួន១.៧លានហិកតាដែលត្រូវបានដំាដុះ ផ្ទៃដីចំនួនប្រាំសែនហិកតា នឹងត្រូវបានខូចខាត»។ ជំនួយថវិកាចំនួន២០លានដុល្លារសម្រាប់កសិករ ដែលត្រូវបានប្រកាសកាលពីថ្ងៃអង្គារ សំដៅបង្កើនបរិមាណផលដំណាំក្នុងរដូវរងារ ជាពិសេសស្រូវសាលី។ ប្រទេសអាហ្រ្វិកភាគខាងត្បូងមួយនេះ ត្រូវការស្រូវសាលីចំនួន ៤សែន ៦ពាន់តោនម៉ែត្រជារៀងរាល់ឆ្នាំ ដើម្បីបំពេញសេចក្តីត្រូវការនៅតាមមូលដ្ឋាន។ លោក មែដ បានឲ្យដឹងទៀតថា មូលនិធិនេះ នាំឲ្យផលិតផលស្រូវសាលី កើនឡើងដល់ចំនួន៧ម៉ឺន៦ពាន់តោនម៉ែត្រ។» អង្គការសហប្រជាជាតិ បានប៉ាន់ប្រមាណថា យ៉ាងហោចណាស់ក៏មានប្រជាពលរដ្ឋចំនួន១.៥លាននាក់ត្រូវការជំនួយស្បៀងអាហារ នៅហ្ស៊ីមបាវេ។ ដោយមានការលាតត្រដាងឲ្យដឹងថ្មីបំផុត ចំនួនប្រជាពលរដ្ឋដែលត្រូវការជំនួយស្បៀងអាហារ ស្ទើរតែប្រាកដថានឹងកើនឡើងជាក់ជាពុំខាន។
ប្រែសម្រួលដោយ សៀក អេង This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
