VOA News: ព័ត៌មាន: “អ្នកកំប្លែងឈ្នះក្តីសង្ឃឹមកីឡាអូឡាំពិករបស់កម្ពុជាបានដោយងាយ” plus 1 more |
| អ្នកកំប្លែងឈ្នះក្តីសង្ឃឹមកីឡាអូឡាំពិករបស់កម្ពុជាបានដោយងាយ Posted: 05 May 2012 01:17 PM PDT ប្រទេសកម្ពុជា បានជ្រើសយកអ្នកកំប្លែងចម្លែកជាតិជប៉ុនម្នាក់ឱ្យទៅប្រកួតកីឡារត់ចម្ងាយម៉ារ៉ាតុង នៅក្នុងកីឡាអូឡាំពិកឆ្នាំ២០១២ ប៉ុន្តែអ្នករត់ចម្ងាយល្អបំផុតរបស់ប្រទេសនេះ មិនពេញចិត្ដនឹងវិធានការនោះទេ។ កំណត់ត្រារត់ចម្ងាយរបស់លោក ប្រហែលជាលឿនជាង៧នាទីប្រៀបជាមួយកំណត់ត្រារបស់តារាទូរទស្សន៍ជាតិជប៉ុនម្នាក់ គឺលោក គូនីអាគី តាគីហ្សាគី (Kuniaki Takizaki) ដែលល្បីឈ្មោះដោយការកំប្លែងត្រាប់តាមសត្វឆ្មា។ ប៉ុន្តែអត្ដពលិកខ្មែរ លោក ហែម ប៊ុនទិញ នឹងមិនទៅប្រកួត នៅក្នុងទីក្រុង ឡុង នាខែកក្កដានោះទេ។ ប៉ុន្តែការជ្រើសរើសអ្នករត់ប្រណាំងបែបនេះបានធ្វើឲ្យមានភាពចម្រូងចម្រាសជាច្រើនរវាងប្រទេសទាំងពីរ ដោយគេឃើញមានការសរសេរនៅក្នុងបណ្ដាញអ៊ីនធឺណេតដែលបានរិះគន់ លោក តាគីហ្សាគី ក្នុងការប្តូរសញ្ជាតិយ៉ាងឆាប់រហ័ស កាលពីឆ្នាំមុន ហើយអ្នករិះគន់និយាយថា កម្ពុជាគួរតែបណ្តុះបណ្តាលទេពកុសលជនជាតិរបស់ខ្លួន ។ ព័ត៌មានអន្តរជាតិសំខាន់ផ្សេងៗទៀត៖ <!--IMAGE-RIGHT-->បារាំង៖ ប្រទេសបារាំងនឹងរៀបចំការបោះឆ្នោតជ្រើសតាំងប្រធានាធិបតី នៅថ្ងៃអាទិត្យនេះ ដោយគេរំពឹងថា ខាងគណបក្សសង្គមនិយម លោក ហ្វ្រង់ស្វ័រ ហូឡេន (francois hollande) នឹងយកជ័យជម្នះលើប្រធានាធិបតីកាន់តំណែងលោក នីកូឡាស សាកូហ្សី (Nicolas Sarkozy)។ អេហ្ស៊ីប៖ មេដឹកនាំយោធានៃប្រទេសអេហ្ស៊ីប បានដាក់បំរាមគោចរនៅពេលយប់ នៅជុំវិញក្រសួងការពារប្រទេស ក្នុងរដ្ឋធានីគែរ (Cairo) ក្រោយពីមានការប៉ះទង្គិចគ្នាដែលបណ្ដាលឲ្យមនុស្សម្នាក់ស្លាប់ និង ៣០០នាក់ទៀតរងរបួស រវាងកងកម្លាំងយោធា និងក្រុមបាតុករដែលទាមទារឲ្យបញ្ឈប់ភ្លាមនូវរបបគ្រប់គ្រងយោធា ។ ជប៉ុន៖ ពលរដ្ឋជប៉ុនច្រើនពាន់នាក់ បាននាំគ្នាដើរក្បួនព្យុហយាត្រា ហើយគ្រវីបដាដែលសរសេរថា "គ្មាននុយក្លេរអ៊ែរ" ដើម្បីអបអរការបិទរោងចក្រនុយក្លេអ៊ែរចុងក្រោយនៃការបិទរោងចក្ររ៉េអាទ័រទាំង៥០ក្នុងប្រទេសនេះ កាលពីថ្ងៃសៅរ៍នេះ។ ស៊ីរី៖ មន្ដ្រីការពារសន្ដិសុខនៅក្នុងប្រទេសស៊ីរី និយាយថាការវាយប្រហារដោយយន្ដហោះគ្មានមនុស្សបើកអាមេរិកាំង បានសម្លាប់មនុស្សយ៉ាងតិច៨នាក់ ដែលជាជនសង្ស័យថាជាក្រុមបះបោរ។ អាមេនី៖ ពួកមន្ដ្រីក្នុងប្រទេស អាមេនី (Armenia) និយាយថាមានមនុស្សយ៉ាងតិច១៤៤នាក់ បាន រងរបួសកាលពីថ្ងៃសុក្រ នៅពេលដែលបាឡុងផ្ទុកឧស្ម័ន បានផ្ទុះឡើងនៅឯការប្រគុំតន្ត្រីយុទ្ធនាការឃោសនារកសម្លេងឆ្នោតមួយ ក្នុងរដ្ឋធានី យ៉េរ៉េវ៉ាន់ (Yerevan)។ នីសេរីយ៉ា៖ ពួកមន្ដ្រីនៃប្រទេសនីសេរីយ៉ា បានទម្លាក់កំហុសលើក្រុមអ៊ីស្លាមនិយមជ្រុលបូកូ ហារាម (Boko Haram) ដែលបានវាយបំបែកគុកនៅតំបន់ឦសានប្រទេស ។
|
| អង្គការសហប្រជាជាតិស្ថិតក្រោមសម្ពាធឱ្យតែងតាំងចៅក្រមថ្មី Posted: 04 May 2012 10:25 PM PDT ក្រុមអ្នកឃ្លាំមើលសាលាក្តីខ្មែរក្រហមក្នុងប្រទេសកម្ពុជាទទូចដល់អសបនិងកម្ពុជាធ្វើការតែងតាំងចៅក្រមថ្មីដើម្បីធ្វើកិច្ចការសំណុំរឿងបន្ថែមពីរទៀតគឺសំណុំរឿង០០៣និង០០៤នៅពេលដែលសំណុំរឿងទាំងនេះត្រូវគេមើលឃើញថាមានការអាក់ខាន មិនដំណើរការទៅមុខដោយសារតែមានការលាលែងពីក្រុមចៅក្រមបរទេសដែលអះអាងពីការជ្រៀតជ្រែកផ្នែកនយោបាយ។ សំណុំរឿង០០៣ និង០០៤ ដែលមានជនសង្ស័យ៥នាក់ជាអតីតកម្មាភិបាលខ្មែរក្រហមថ្នាក់កណ្តាលត្រូវចោទប្រកាន់ដោយសហព្រះរាជអាជ្ញាតាំងពីខែវិច្ឆិកា ឆ្នាំ២០០៨ម្ល៉េះពីបទឧក្រិដ្ឋកម្មសង្រ្គាម ឧក្រិដ្ឋកម្មប្រឆាំងនឹងមនុស្សជាតិនិងឧក្រិដ្ឋកម្មផ្សេងៗទៀតដែលបានប្រព្រឹត្តក្នុងរបបខ្មែរក្រហមចន្លោះឆ្នាំ១៩៧៥ ដល់១៩៧៩។ លោកសហចៅក្រម Laurent Kasper-Ansermet បានចាប់ផ្តើមស៊ើបអង្កេតហើយបានជូនដំណឹងពីបទចោទដល់ជនសង្ស័យកាលពីថ្ងៃទី២៨ខែកុម្ភៈកន្លងទៅតែលោកបានដាក់ពាក្យលាឈប់ដូចលោកសហចៅក្រមស៊ើបអង្កេត ស៊ិកហ្រិ្វក ប្លុងដោយសារតែការជ្រៀតជ្រែកផ្នែកនយោបាយនិងការមិន សហការពីភាគីកម្ពុជា។ លោក ឡាត់ គីមន្ត្រីឃ្លាំមើលសាលាក្តីខ្មែរក្រហមបានអះអាងថាអសបនិងកម្ពុជាគួរធ្វើការ ជ្រើសរើសនិងតែងតាំងចៅក្រមបរទេសឲ្យបានឆាប់ដើម្បីបន្តដំណើរការនីតិវិធីបើពុំដូច្នោះទេដំណើរការនេះគ្មានការជឿនលឿនទៅមុខទេ។ «ទាក់ទិនជាមួយសំណុំរឿងនេះខាងយើងខ្ញុំពុំបានទទួលព័ត៌មានណាមួយថា មានភាពរីកចម្រើននៅលើកិច្ចការងារហ្នឹងទេ។អញ្ចឹងយើងមានតែទន្ទឹងរង់ចាំ ចំពោះការតែងតាំងចៅក្រមថ្មីក្រែងលោថាកិច្ចការងារនេះអាចបន្តទៅមុខទៀតបាន»។ លោកថ្លែងថាជនរងគ្រោះជាច្រើនកំពុងចង់ឃើញដំណើរការវិវត្តន៍ទៅមុខដោយរលូនមានកិច្ចសហការល្អរវាងអសបនិងភាគីកម្ពុជាដែលអាចឲ្យពួកគេជាជនរងគ្រោះមានព័ត៌មានចេញពីតុលាការ ហើយនឹងដាក់ពាក្យប្តឹងឲ្យបានត្រឹមត្រូវប្រឆាំងនឹងជនជាប់ចោទ។ ក្រៅពីលោកបញ្ជាក់ថារដ្ឋាភិបាលកម្ពុជានឹងគ្មានហេតុផលអ្វីជំទាស់ការតែងតាំងដូចជាលោក Laurent Kasper-Ansermet។ អ្នកឃ្លាំមើលសាលាក្តីខ្មែរក្រហមម្នាក់ទៀតបានទទូចថារដ្ឋាភិបាលកម្ពុជានិងអសបត្រូវតែងតាំងចៅក្រមឲ្យបានឆាប់ ហើយជៀសវាងការអូសបន្លាយពេលតទៅមុខ។ តែលោកបានពន្យល់ថាការតែងតាំងនោះត្រូវមានលក្ខខណ្ឌនានារួមទាំងការសន្យាថាកម្ពុជាត្រូវតែសហការជាមួយអសប ត្រូវបញ្ជាក់ពីពេលវេលានៃការតែងតាំងចៅក្រមថ្មីដើម្បីធ្វើការងារបន្តសំណុំរឿង០០៣ និង០០៤ដែលលោកនាយករដ្ឋមន្ត្រីហ៊ុន សែនបានជំទាស់ដាច់អហង្ការ។ ទាំងលោក ឡាស អូលសិន និងលោក នេត្រ ភ័ក្រត្រាអ្នកនាំពាក្យ សាលាក្តីខ្មែរក្រហម ពុំបានបញ្ជាក់ថាតើដំណើរការតែងតាំងនោះអាចកើតពេលណាទេ។ តែបានបញ្ជាក់ព្រមគ្នាថាលោក Laurent Kasper-Ansermet នឹងចប់តួនាទីក្នុងសាលាក្តីនៅថ្ងៃសុក្រទី៤ ខែឧសភា។ ដោយឡែកលោក អេវ៉ាដូ ដែលបូយ អ្នកនាំពាក្យរងរបស់លោកបាន គីមូនអគ្គលេខាធិការអសប បានថ្លែងប្រាប់វីអូអេ ថា ពុំទាន់មានការជ្រើសតាំងនៅឡើយទេ។ «ឥឡូវនេះលោកអគ្គលេខាធិការអសបកំពុងពិចារណាពីការជ្រើសតាំងរបស់លោក។ ហើយពេលណាដែលយើងមានព័ត៌មានអ្វីត្រូវប្រកាសយើងនឹងប្រកាស»។ លោកថ្លែងថាលោកពុំមានក្តីបារម្ភពីការពន្យាពេលសំណុំរឿង០០៣ និង០០៤ ក្នុងតុលាការខ្មែរក្រហមទេ។ លោក នេត្រ ភក្រ័ត្រាអ្នកនាំពាក្យសាលាក្តីខ្មែរក្រហមភាគីកម្ពុជាបានអះអាងថាការចាកចេញ របស់លោកចៅក្រម Kasper មិនមានអ្វីប៉ះពាល់ដល់ដំណើរការសំណុំរឿង០០៣និង០០៤ទេ។ សំណុំរឿងនេះរង់ចាំរហូតទាល់មានចៅក្រមថ្មីមកជំនួស។ «គឺអាស្រ័យទៅលើសហចៅក្រមស៊ើបអង្កេតទាំងជាតិនិងអន្តរជាតិដែលគាត់នឹងធ្វើការជាមួយគ្នានៅពេលដែលមានការតែងតាំងជាផ្លូវការនូវចៅក្រមអន្តរជាតិមកបំពញការងារក្នុងតុលាការខ្មែរក្រហម»។ លោក ឡាស អូលសិនអ្នកនាំពាក្យសាលាក្តីបានអះអាងថាលោកនឹងមិនដឹងថាសំណុំរឿង០០៣ និង០០៤វិវត្តន៍ទៅយ៉ាងណាទេមុនពេលដែលចៅក្រមថ្មីចូលកាន់កិច្ចការ។ ទោះជាគ្មានការបញ្ជាក់ថាពេលណាដែលកម្ពុជានិងអសបត្រូវតែងតាំងចៅក្រមថ្មីក៏ដោយតែអ្នកជំនាញការពិសេសអសបលោក ដេវីដ សេ្សហ្វ៊័ បានធ្វើដំណើរទៅដល់ប្រទេសកម្ពុជាហើយដើម្បីជួបប្រជុំជាមួយមន្ត្រីរដ្ឋាភិបាល មន្ត្រីសង្គមស៊ីវិលនិងភាគីពាក់ព័ន្ធមួយចំនួនទៀត។ នេះបើតាមការអះអាងរបស់លោកឡាស អូលសិន។ ក្រុមអ្នកតាមដានក្នុងប្រទេសកម្ពុជាខ្លះនិយាយថាបញ្ហាសមាសភាពចៅក្រម ការតែងតាំងចៅក្រមថ្មី និងការបន្តកិច្ចការសំណុំរឿងបន្ថែមរវាងកម្ពុជាអាចជា ប្រធានបទដែលលោក ដេវីដ ស្សេហ្វ៊័នឹងពិភាក្សាជាមួយតំណាងរដ្ឋាភិបាល។ ចៅក្រមអសបជាច្រើននាក់បានលាលែងជាបន្តបន្ទាប់ដូចជាលោក Marcel Lemonde លោក Siegefried Blunk លោក Laurent Kasper–Ansermet និងមន្ត្រីក្នុងតុលាការមួយចំនួនទៀតដោយសារបញ្ហាភាគច្រើនគឺការជ្រៀតផ្នែកនយោបាយ ការមិនអាចសហការពីរដ្ឋាភិបាលកម្ពុជា។ សាលាក្តីខ្មែរក្រហមកំពុងកាត់ទោសជនជាប់ចោទបីនាក់ក្នុងសំណុំរឿង០០២ឬមេដឹកនាំកំពូលៗដែលជាប់សង្ស័យពីបទពាក់ព័ន្ធនឹងការកាប់សម្លាប់ពលរដ្ឋកម្ពុជាជាង១,៧លាននាក់ក្នុងពេលកាន់កាប់អំណាច៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
