VOA News: ព័ត៌មាន: “អ្នកគ្រប់គ្រងការអភិវឌ្ឍទន្លេក្នុងពិភពលោកជួបប្រជុំគ្នានៅប្រទេសថៃ” plus 2 more |
- អ្នកគ្រប់គ្រងការអភិវឌ្ឍទន្លេក្នុងពិភពលោកជួបប្រជុំគ្នានៅប្រទេសថៃ
- ខណៈដែលពួកគេកាន់ទុក្ខ ជនជាតិទីបេនិរទេសខ្លួនបង្រៀនក្មេងៗអំពីការតវ៉ា ដោយធ្វើអត្តឃាត
- លោកបាន គីមូនធ្វើទស្សនកិច្ចភូមាដើម្បីធ្វើកិច្ចពិភាក្សា
| អ្នកគ្រប់គ្រងការអភិវឌ្ឍទន្លេក្នុងពិភពលោកជួបប្រជុំគ្នានៅប្រទេសថៃ Posted: 30 Apr 2012 12:15 PM PDT អ្នកគ្រប់គ្រងកិច្ចការទន្លេនៅជុំវិញពិភពលោកបានមកប្រមូលផ្ដុំគ្នានៅក្នុងប្រទេសថៃ ដើម្បីវែកញែកដេញដោលគ្នារកមធ្យោបាយប្រសើរក្នុងការបំពេញសេចក្ដីត្រូវការ អាហារ ទឹក និងថាមពលដល់ប្រជាពលរដ្ឋដោយមិនធ្វើឲ្យខូចខាតច្រើនដល់បរិស្ថាន។ សន្និសីទអន្ដរជាតិដែលមានឈ្មោះថា «Mekong2Rio» នឹងបើកទ្វារនៅថ្ងៃអង្គារនៅក្នុងទីកន្លែងរមនីយដ្ឋានលើកោះភូកេតនៅភាគខាងត្បូងប្រទេសថៃ។ លោក Hans Guttman នាយកគណៈកម្មការទន្លេមេគង្គ (MRC) ថ្លែងថា សន្និសីទនោះ នឹងបើកឱកាសឲ្យអ្នកចូលរួម៣០០នាក់អាចផ្លាស់ប្ដូរគំនិតគ្នាទៅវិញទៅមក។ លោកថ្លែងទៀតថា វេទិកានោះជាឱកាសល្អដល់អ្នកចូលរួមដើម្បីរៀនអំពីទន្លេដទៃ ហើយដើម្បីចាត់ចែងទន្លេនោះឲ្យមានប្រសិទ្ធភាពឡើង។ សមាជិករបស់គណៈកម្មការទន្លេមេគង្គ រួមមាន ប្រទេសកម្ពុជា ឡាវ ថៃ និងវៀតណាម។ ក្រុមអ្នកតំណាងមកពីបណ្តាប្រទេសនៅទ្វីប អាហ្វ្រិក អូស្រាលី អឺរុប និង អាមេរិក ក៏បានចូលរួមក្នុងសន្និសីទនោះដែរ។ ព័ត៌មានអន្តរជាតិសំខាន់ៗដទៃទៀត៖ <!--IMAGE-RIGHT--> ភូមា៖ មេដឹកនាំលទ្ធិប្រជាធិបតេយ្យ លោកស្រី អ៊ុងសាន ស៊ូជី និងគណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យ បានបញ្ចប់ពហិការមិនចូលរួមក្នុងរដ្ឋសភាអស់១សប្ដាហ៍ ក្រោយពីបានទទួលយកការប្រើពាក្យស្បថចូលកាន់តំណែង ដែលអំពាវនាវឲ្យគណបក្សរបស់លោកស្រី«ការពារ»រដ្ឋធម្មនុញ្ញ។ ជប៉ុន៖ ក្រុមមេដឹកនាំពីស.រ.អ. និងជប៉ុននឹងជួបប្រជុំគ្នានៅថ្ងៃច័ន្ទនេះ ដើម្បីពិនិត្យមើលមធ្យោបាយថ្មីក្នុងកិច្ចសហប្រតិបត្តិការសន្តិសុខ ដោយគេសង្ឃឹមថានឹងបង្ហាញថាសម្ព័ន្ធភាពរវាងប្រទេសទាំងពីរបានវិលត្រឡប់មកភាពធម្មតាវិញហើយ ក្រោយពី មានភាពរកាំរកូស។ ឥណ្ឌូនេស៊ី-រុស្ស៊ី៖ ទីភ្នាក់ងារពត័មានបារាំង សរសេរថា ជនជាតិរុស្សីពីរនាក់ដែលបានលេបគ្រាប់ផ្ទុកកញ្ឆាចូលទៅក្នុងពោះ ប្រឈមមុខនឹងការកាត់ទោសប្រហារជីវិត ក្រោយពីបានត្រូវចាប់ខ្លួនតាមបទសង្ស័យថាបានរត់ពន្ធគ្រឿងញៀននៅលើកោះបាលី។ ម៉ាឡេស៊ី៖ ការចាប់ពង្រត់កុមារជនជាតិហុល្លង់ម្នាក់នៅក្នុងប្រទេសម៉ាឡេស៊ី បានបណ្ដាលឲ្យមានយុទ្ធនាការបណ្តាញផ្សាយព័ត៌មានសាកល រៀបចំឡើងដោយឪពុកម្ដាយរបស់ក្មេងនោះ និងនាយករដ្ឋមន្ដ្រីម៉ាឡេស៊ី ដែលអំពាវនាវឲ្យប្រគល់កុមារនោះមកវិញ ដោយសវុត្ថិភាព។ ចិន៖ រដ្ឋាភិបាលទីក្រុងវ៉ាស៊ីនតោនបានបញ្ជូនអ្នកការទូតថ្នាក់ខ្ពស់ម្នាក់ទៅកាន់រដ្ឋធានីបេកាំង ដើម្បីបន្ធូរវិបត្ដិការទូត ក្រោយពីមានសកម្មជនចិនខ្វាក់ភ្នែកម្នាក់ គឺលោក ចេន គួងចេង បានរត់រួចចេញពីគុកហើយស្ថិតនៅក្រោមការការពាររបស់ ស.រ.អ.។ នេប៉ាល់៖ មន្ដ្រីនៅតំបន់ភាគខាងត្បូងប្រទេសនេប៉ាល់ និយាយថា មានការផ្ទុះគ្រាប់ដែលបានសម្លាប់មនុស្ស៤នាក់នឹងធ្វើឲ្យរបួសយ៉ាងតិច២០នាក់។ អាជ្ញាធរនិយាយថា ការផ្ទុះនោះកើតឡើងកាលពីថ្ងៃច័ន្ទ នៅតំបន់ ចាណាកពួរ (Janakpur) នៅពេលមានការដើរតវ៉ារបស់ក្រុមមួយហៅ គណៈកម្មាធិការតស៊ូមីធីឡា (Mithila Struggle Committee) ប្រឆាំងនឹងសេចក្ដីស្នើមួយដែលបែងចែកប្រទេសជាខេត្ដសហព័ន្ធ។ ស៊ីរី៖ អង្គការការពារសិទ្ធិមនុស្សរបស់សកម្មជននៅក្នុងប្រទេសស៊ីរីនិយាយថា ការផ្ទុះគ្រាប់បែកមួយបានបណ្ដាលឲ្យមនុស្សស្លាប់យ៉ាងតិច២០នាក់ នៅជិតអគារការពារសន្ដិសុខនៃក្រុងអ៊ីដលីប (Idlib) នៅចំពេលយុទ្ធនាការប្រឆាំងរដ្ឋាភិបាលស៊ីរីកាន់តែកើនឡើង។ ស៊ូដង់ខាងត្បូង៖ ប្រទេសស៊ូដង់បានប្រកាសភាពអាសន្ននៅតំបន់ព្រំដែនភាគខាងត្បូង ជាមួយប្រទេសស៊ូដង់ខាងត្បូង ដែលជាសញ្ញានៃចលនាឆ្ពោះទៅរកសង្គ្រាមពេញលេញ នៅចំពេលដែលភាពតានតឹងកាន់តែកើនរវាងប្រទេសជិតខាងទាំងពីរ។ អាល់កៃដា៖ សេចក្ដីថ្លែងការណ៍មួយចុះផ្សាយនៅក្នុងគេហទំព័រ និយាយថា សាខា របស់ក្រុមអាល់កៃដានៅតំបន់អាហ្វ្រីកខាងជើង បានស្នើនឹងធ្វើការដោះលែងចំណាប់ខ្មាំងជាតិអង់គ្លេសម្នាក់ដែលត្រូវចាប់ខ្លួននៅក្នុងប្រទេសម៉ាលី ប្រសិនណារដ្ឋាភិបាលអង់គ្លេសដោះលែងអាចារ្យអ៊ីស្លាមនិយមជ្រុល អាប៊ូ កាតាដា (Abu Qatada)។ This posting includes an audio/video/photo media file: Download Now |
| Posted: 30 Apr 2012 04:01 AM PDT រយៈពេលមួយឆ្នាំនៃការតវ៉ាប្រឆាំងដោយដុតខ្លួនរបស់ជនជាតិទីបេ បានរីកសាយភាយទៅដល់ក្រុមអ្នកនិរទេស នៅប្រទេសឥណ្ឌា( India) នៅពេលដែលជនជាតិទីបេម្នាក់បានដុតខ្លួនកាលពីខែមុន។ ជនជាតិទីបេក្មេងៗ កំពុងលេងកំសាន្តពេលសម្រាកនៅតាមសាលារៀន ក្រោមកំដៅថ្ងៃក្នុងខែមេសា។ ពួកគេ ស្លៀកសម្លៀកបំពាក់ប្រពៃណីនៃទឹកដីកំណើត ដែលគេពុំដែលឃើញពីមុនមក។ នេះជាទីក្រុងដារ៉ាមសាលា(Dharamsala) នៅក្នុងប្រទេសឥណ្ឌា។ មេដឹកនាំសាសនាទីបេ សម្តេចសង្ឃដាឡៃ ឡាម៉ា (Dalai Lama) បានមកទីនេះតាំងពីឆ្នាំ១៩៥៩មកម៉្លេះ រួមជាមួយអ្នកស្មោះស្ម័គ្ររាប់ម៉ឺននាក់ និងបានសាងសង់រដ្ឋធានីនិរទេសស្របច្បាប់មួយ។ <!--IMAGE-RIGHT--> ការស្លៀកពាក់និងកិច្ចប្រឹងប្រែងកាន់តែខ្លាំងឡើងដើម្បីនិយាយភាសាទីបេ ក្លាយជាផ្នែកមួយនៃអ្វីដែលហៅថាជាពិធីបុណ្យ«ថ្ងៃពុធពណ៌ស» ឬហៅជាភាសាអង់គ្លេសថា White Wednesday ដែលឆ្លុះបញ្ចាំងអំពីចលនាស្របគ្នានៃការតស៊ូដោយសន្តិវិធី នៅក្នុងតំបន់ទីបេ ដែលស្ថិតនៅក្រោមការគ្រប់គ្រងរបស់ប្រទេសចិន។ កាលពីពេលថ្មីៗនេះ កុមារទាំងឡាយ បានរៀនសូត្រអំពីវិធីសាស្ត្រតស៊ូប្រឆាំង ពីសំណាក់ជនជាតិទីបេ ដែលបានជ្រើសរើសយកវិធីសាស្ត្រដុតខ្លូនឯង។ កាលពីឆ្នាំទៅមុន មានការដុតខ្លូនបណ្តាលឲ្យស្លាប់ចំនួន៣៤នាក់ ដើម្បីតវ៉ាប្រឆាំងគោលនយោបាយចិន។លោកគ្រូ ដុលម៉ា យីម៉ា (Dolma Nyima) បានជួបប្រទះនូវបញ្ហាប្រឈមក្នុងការបង្រៀនកុមារស្តីពីថាតើហេតុអ្វីបានជា មនុស្សទាំងឡាយចាត់វិធានការយ៉ាងខ្លាំងក្លាបែបនេះទៅវិញ។ «ក្នុងពេលជួបជុំគ្នា យើងបានបង្ហាញរូបភាពដល់សិស្សស្តីពីថាតើអ្នកទាំងនោះដុតខ្លូនឯងយ៉ាងដូចម្តេច។ ហើយនៅពេលដែលសិស្សបានឃើញរូបភាពនោះ ពួកគេបានបង្ហាញពីអារម្មណ៍ក្តុកក្តួលជាពន់ពេក។ ទង្វើនេះបានផ្លាស់ប្តូរទឹកមុខពួកគេទាំងស្រុង។ មានសិស្សខ្លះបានសួរថា៖ «អូហ៍! លោកគ្រូ តើយើងត្រូវធ្វើដូចគ្នាអីចឹងដែរ?» លោក ចាំផេល យេស៊ី (Jamphel Yeshi) មានវ័យ២៧ឆ្នាំ បានក្លាយជាជនដំបូងបង្អស់សម្រាប់ឆ្នាំនេះ ដែលផ្តាច់ជីវិតខ្លូនឯង នៅលើទឹកដីឥណ្ឌា។ លោក បានរត់តាមផ្លូវទាំងខ្លូនកំពុងឆេះសន្ធោរសន្ធៅ នៅទីក្រុងញូវដេលី (New Delhi) កាលពីថ្ងៃទី២៦ ខែមីនា ដែលមានរយៈពេលតែប៉ុន្មានថ្ងៃប៉ុណ្ណោះមុនការមកដល់របស់លោកប្រធានាធិបតីចិន ហ៊ូ ជិនតាវ (Hu Jintao) ដូចបានគ្រោងទុក។ ផ្ទាំងផ្សព្វផ្សាយរបស់សកម្មជន ដែលបានបិទពាសពេញទីក្រុងដារ៉ាមសាលា លើកតម្កើងលោកជា«វីរជន»។ លោក តេនហ្ស៊ីនឆុគី (Tenzin Chokey) អគ្គលេខាធិការសន្និបាតយុវជនទីបេ (Tibetan Youth Congress) ក៏បានជួយបោះពុម្ពបណ្ណផ្សព្វផ្សាយផងដែរ។ លោកថ្លែងថា៖ «ខ្ញុំជឿជាក់ថា ក្នុងបរិបទលោកខាងលិច រូបភាពទាំងនេះមិនត្រូវបានអនុញ្ញាតឲ្យបង្ហាញដល់កុមារនោះទេ។ ប៉ុន្តែអ្នកដឹងទេថា យើងនៅទីនេះ វាជាទិដ្ឋភាពជាក់ស្តែង។» សិស្សសាលា ស្ថិតក្នុងចំណោមមនុស្សរាប់ពាន់នាក់ ដែលឈរតម្រៀបគ្នាជាជួរនៅតាមដងផ្លូវនៃពិធីបុណ្យសពកាលពីពេលថ្មីៗនេះ របស់លោក ចាំផេល យ៉ាស៊ីតាម នៅតាមដងវិថីក្នុងទីក្រុងដារ៉ាមសាឡា។ «យើងសង្ឃឹមថាមានមនុស្សជាច្រើនឈរតម្រៀបគ្នាជាជួរ។ ហើយខ្ញុំដឹងថា សិស្សសាលានឹងចូលរូមផងដែរ។ ប៉ុន្តែ អ្នកដឹងទេថា ការដែលឃើញពួកគេដោយមានកាន់ទុងជ័យផងនោះ ធ្វើឲ្យខ្ញុំមានចិត្តរំភើបណាស់។» រដ្ឋាភិបាលសហរដ្ឋអាមេរិក បានផ្តល់មូលនិធិបើកមជ្ឍមណ្ឌលបដិសណ្ឋារកិច្ច នៅទីក្រុងដារ៉ាមសាឡា សម្រាប់ជនជាតិទីបេ ដែលគេចចេញពីការចោទប្រកាន់នៅឯស្រុកកំណើត។ យុវជនម្នាក់វ័យ២៧ឆ្នាំ ដែលបានមកដល់ទីនេះប្រហែលមួយខែកន្លះមកហើយ និយាយថា អ្វីដែលជំរុញទឹកចិត្តលោកឲ្យមកទីនេះ បណ្តាលមកពីការគាបសង្កត់ខាងវប្បធម៌។ លោកថ្លែងថា លោកមានរូបភាពតូចមួយនៃសម្តេចសង្ឃដាឡៃ ឡាម៉ា ពាក់នៅករបស់លោក។ ទាហានចិន បានបណ្តាច់រូបនេះចេញ។ លោកនិយាយទៀតថា ពួកគេបានវាយដំនិងសួរចម្លើយរូបលោក។ ជនជាតិទីបេដែលនិរទេសខ្លួន បានចាត់ទុកខ្លូនឯងថាជាអ្នកទទួលជ័យជម្នះឲ្យខាងតែបាន ចំពោះការតស៊ូខាងប្រវត្តិសាស្ត្រ ប្រឆាំងនឹងបក្សកុម្មុយនីស្តចិន (Chinese Communist Party)។ ប៉ុន្តែប្រសិនបើសម្តេចសង្ឃ ដាឡៃ ឡាម៉ា ក្នុងព្រះជន្ម៧៦វស្សា សុគតទៅដោយមិនអាចវិលត្រលប់ទៅកាន់ស្រុកកំណើតនៅទីបេវិញទេ វាជាបញ្ហាមួយយ៉ាងធំធេងថាតើយុវជនទីបេ ដែលរស់នៅនិរទេសខ្លួនឬនៅឯស្រុកកំណើត អាចទប់កំហឹងរបស់ពួកគេបានដែរទេ? ប្រែសម្រួលដោយ គឹង ភិរុណ This posting includes an audio/video/photo media file: Download Now |
| លោកបាន គីមូនធ្វើទស្សនកិច្ចភូមាដើម្បីធ្វើកិច្ចពិភាក្សា Posted: 30 Apr 2012 02:17 AM PDT លោកអគ្គលេខាធិការអង្គការសហប្រជាជាតិបានគីមូនកំពុងស្ថិតនៅក្នុង ភូមាដើម្បីធ្វើការចរចាដែលមានគោលដៅលើកទឹកចិត្តរដ្ឋាភិបាលឱ្យបន្តធ្វើការកែទម្រង់ប្រជាធិបតេយ្យតទៅទៀត។ លោកបានគីមូនបានអញ្ជើញទៅដល់ក្រុងរ៉ង់ហ្គូនដែលជាក្រុងធំជាងគេនៃប្រទេសភូមាកាលពីថ្ងៃអាទិត្យ ហើយលោកមានកំណត់នឹងធ្វើដំណើរទៅកាន់រដ្ឋធានីរដ្ឋបាលណៃពីដាវ នៅពេលបន្ទាប់ក្នុងថ្ងៃនោះ។ គេរំពឹងថាលោកនឹងជួបជាមួយលោកប្រធានាធិបតី ធាន ស៊ាន នៅថ្ងៃច័ន្ទនេះរួចនឹងថ្លែងសុន្ទរកថាទៅកាន់សភានៃប្រទេសភូមា-សុន្ទរកថាបែបនេះជាលើកទីមួយ ហើយដែលធ្វើឡើងឥស្សរជនបរទេសម្នាក់ក្នុងការបំពេញទស្សនកិច្ចនៅប្រទេសនេះ។ លោកស្រី កាធឹរីន អាស្តុន ប្រធានគោលនយោបាយការបរទេសសហភាពអឺរ៉ុបក៏ស្ថិតក្នុងប្រទេសភូមាដែរ នៅក្រោយសហភាពអឺរ៉ុបពេលថ្មីៗនេះបានព្យួរនូវការដាក់ទ័ណ្ឌកម្មប្រឆាំងនឹងប្រទេសភូមាដែលនៅឯកោពីគេយូរមកហើយ។ លោកបានគីមូននិងលោកស្រីអាស្តុន Ashton មានកំណត់នឹងជួបជាមួយលោកប្រធានាធិបតីធាន ស៊ាន Thein Sein នៅថ្ងៃច័ន្ទនេះ។ គេដឹងមិនច្បាស់លាស់ទេថាតើឥស្សរជនទាំងពីរនាក់នេះនឹងជួបជាមួយលោកធាន ស៊ាន ជាមួយគ្នាឬដាច់ដោយទ្បែកពីគ្នា។ នៅថ្ងៃអង្គារ លោកអគ្គលេខាធិការអង្គការសហប្រជាជាតិនឹងជួបជាមួយលោកស្រីអោងសានស៊ូជីដែលដឹកនាំគណបក្សសម្ព័ន្ធជាតិដើម្បីលទ្ធិប្រជាធិបតេយ្យដែលជាក្រុមប្រឆាំងនៅភូមា។ <!--IMAGE-RIGHT--> ម៉ាឡេស៊ី៖ ប៉ូលីសម៉ាឡេស៊ី បាននិយាយថាពួកគេបានដោះលែងមនុស្សប្រមាណ៥០០នាក់ដែលបានត្រូវចាប់ខ្លួននៅក្នុងបាតុកម្មមួយទាមទារឱ្យមានការកែទម្រង់ការបោះឆ្នោត។ ពួកមន្ត្រីបាននិយាយថាពួកគេនឹងសម្រេចចិត្តនៅពេលបន្ទាប់មកទៀតថាតើនឹងធ្វើការចោទប្រកាន់ប្រឆាំងជនណាខ្លះក្នុងបណ្តាពួកជនទាំងនេះ។ កាលពីថ្ងៃសៅរ៍បាតុកររាប់ម៉ឺននាក់បានប្រមូលផ្តុំគ្នាក្នុងទីលានឯករាជ្យក្នុងក្រុងគូឡា ឡាំពួរ ទោះណាជាមានការហាមប្រាមមិនឱ្យមានការធ្វើប្រជុំមហាជននៅទីនោះក៏ដោយ។ ពួកសកម្មជនបាននិយាយថាគណៈកម្មការរៀបចំការបោះឆ្នោតរបស់ប្រទេសមានការលម្អៀង ហើយថាក្រុមចម្រុះគ្រប់គ្រងប្រទេសរបស់លោកនាយករដ្ឋមន្ត្រីណាជីប រាហ្សាក់ Najib Razak ដែលកាន់អំណាចជាង៥០ឆ្នាំមកហើយ នឹងមានប្រៀបដោយអយុត្តិធម៌នៅក្នុងការបោះឆ្នោតដែលអាចនឹងមានធ្វើនៅខែមិថុនាខាងមុខនេះ។ ស៊ីរី៖ ឧត្តមសេនីយជនជាតិនរវ៉េសម្នាក់ដែលបានត្រូវតែងតាំងដោយអ.ស.ប.ដើម្បីដឹកនាំបេសកកម្មមួយរបស់ពួកអ្នកសង្កេតការនៅស៊ីរីបានទទួលកិច្ចបញ្ជាការនៃកិច្ចប្រតិបត្តិការនេះហើយលោកបានអំពាវនាវដល់ភាគីទាំងអស់នៅក្នុងជម្លោះមួយឆ្នាំកន្លងមកក្នុងប្រទេសនេះឱ្យបញ្ឈប់អំពើហិង្សា។ ប៉ាគីស្ថាន៖ គេបានរកឃើញសាកសពកំបុតក្បាលរបស់វេជ្ជបណ្ឌិតអង់គ្លេសម្នាក់ដែលធ្វើការឱ្យអង្គការកាកបាទក្រហមនៅតាមដងផ្លូវមួយក្នុងក្រុង កេតាQuetta នៃប្រទេសប៉ាគីស្ថាននៅពេលជិត៤ខែក្រោយពីលាកបានត្រូវចាប់ពង្រត់ដោយពួកជនជាប់សង្ស័យថាជាពួកជនសកម្មប្រយុទ្ធ។ នីហ្សេរីយ៉ា៖ សាក្សីឃើញហេតុការណ៍ផ្ទាល់ក្នុងប៉ែកខាងជើងនៃប្រទេសនិហ្សេរីយ៉ា Nigeria បាននិយាយថាពួកអ្នកវាយប្រហារបានគប់គ្រាប់បែកច្នៃផ្ទាល់ខ្លួនដាក់បណ្តាសាសនិកក្នុងពិធីគ្រឹស្តសាសនាមួយ ហើយបានបាញ់កាំភ្លើងនៅពេលដែលពួកគេព្យាយាមរត់គេចខ្លួនចេញបណ្តាលឱ្យមានមនុស្សយ៉ាងតិចណាស់១៥នាក់ស្លាប់។ កេនយ៉ា៖ ពួកប៉ូលីសកេនយ៉ាKenya បាននិយាយថាការវាយប្រហារដ៏ប្រល័យដោយគ្រាប់បែកដៃមួយគ្រាប់ក្នុងព្រះវិហារគ្រឹស្តសាសនាមួយនាកណ្តាលក្រុងណៃរូប៊ី Nairobi «មិនទំនង»ជាមានពាក់ព័ន្ធជាមួយក្រុមជនសកម្មប្រយុទ្ធអ៊ីស្លាមនិយមអាល់ ស្ហាបាប់ al-Shabab ទេ។ ស៊ូដង់៖ ប្រទេសស៊ូដង់បានប្រកាសស្ថានភាពមានអាសន្ននៅតាមព្រំដែនជាមួយប្រទេសស៊ូដង់ខាងត្បូងដោយផ្តល់ឱ្យរដ្ឋាភិបាលក្រុងខាទុម Khartoum នូវអំណាចធំទូលាយជាងមុនដើម្បីចាប់ខ្លួននិងកាត់ទោសពួកជនជាប់សង្ស័យនៅក្នុងតំបន់មានចលាចលនោះ។ ជប៉ុន៖ ទីភ្នាក់ងារព័ត៌មានបារាំង AFP បានផ្សាយថាកាលពីថ្ងៃអាទិត្យថាលោកនាយករដ្ឋមន្ត្រីជប៉ុនយូស៊ិហ៊ីកូ ណូដា Yoshihiko Noda បានចាប់ផ្តើមទស្សនកិច្ចក្នុងស.រ.អ.ដែលមានគោលដៅបញ្ចប់រយៈពេលពីរបីឆ្នាំនៃការរអាក់រអួលនៅក្នុងសម្ព័ន្ធភាពប្រទេសទាំងនេះ តែប៉ុន្មានថ្ងៃប៉ុណ្ណោះក្រោយពីមានកិច្ចព្រមព្រៀងមួយអំពីជម្លោះស្តីពីក្រុមទាហាន។ លីប៊ី៖ គេបានរកឃើញសាកសពលោក ស៊ូគ្រី ហ្គានេមShukri Ghanem អតីតរដ្ឋមន្ត្រីប្រេងនៃប្រទេសលីប៊ីអណ្តែតក្នុងទន្លេ ដានុបDanube ក្នុងក្រុង វ្យែនVienne កាលពីព្រឹកថ្ងៃអាទិត្យ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
