VOA News: ព័ត៌មាន: “ហេឡូវីអូអេ ០៥ មិនា ២០១២៖ ការចូលរួមរបស់គណបក្សប្រឆាំងក្នុងការបោះឆ្នោតថ្នាក់ឃុំ សង្កាត់” plus 4 more |
- ហេឡូវីអូអេ ០៥ មិនា ២០១២៖ ការចូលរួមរបស់គណបក្សប្រឆាំងក្នុងការបោះឆ្នោតថ្នាក់ឃុំ សង្កាត់
- ហេឡូវីអូអេ ០១ មិនា ២០១២៖ ការអប់រំកើតចេញពីតុលាការកាត់ទោសខ្មែរក្រហម
- អាស៊ីស្វាគមន៍ការជាប់ឆ្នោតលោកពូទីន តែអឺរ៉ុបរិះគន់ថាជាការបោះឆ្នោតលម្អៀង
- មេដឹកនាំអាហ្រ្វិកខាងកើត ចាប់ផ្តើមគម្រោងសាងសង់ហេដ្ឋារចនាសម្ព័ន្ធសំខាន់ៗ
- វ៉្លាឌីមៀរ ពូទីនជាប់ឆ្នោតប្រវត្តិសាស្រ្តជាប្រធានាធិបតីរុស្ស៊ីក្នុងអាណត្តិទីបី
| ហេឡូវីអូអេ ០៥ មិនា ២០១២៖ ការចូលរួមរបស់គណបក្សប្រឆាំងក្នុងការបោះឆ្នោតថ្នាក់ឃុំ សង្កាត់ Posted: 05 Mar 2012 01:05 PM PST ប្រទេសកម្ពុជានឹងរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់នៅថ្ងៃទី០៣ ខែមិថុនា ដើម្បីជ្រើសរើសតំណាងរបស់ប្រជាពលរដ្ឋនៅថ្នាក់មូលដ្ឋាន។ នេះជាការបោះឆ្នោតមួយដ៏មានសារៈសំខាន់ព្រោះ ក្រុមប្រឹក្សាឃុំសង្កាត់គឺជាអ្នកដែលនៅ កៀកជាប់នឹងពលរដ្ឋ។ មានគណបក្សចំនួន១០បានដាក់បេក្ខភាពរបស់ខ្លួនចូលរួមប្រកួតសម្រាប់តំណែងក្រុមប្រឹក្សានៅក្នុងឃុំសង្កាត់ទាំង១៦៣៣នៅទូទាំងប្រទេស។ នៅថ្ងៃនេះវីអូអេបានអញ្ជើញលោកកឹម សុខាប្រធានគណបក្សសិទ្ធិមនុស្សដែលជាគណបក្សមួយដែលត្រូវចូលរួមការប្រកួតបោះឆ្នោតថ្នាក់មូលដ្ឋាននេះជាលើកដំបូង។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី ០៥ ខែមិនា ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com
This posting includes an audio/video/photo media file: Download Now |
| ហេឡូវីអូអេ ០១ មិនា ២០១២៖ ការអប់រំកើតចេញពីតុលាការកាត់ទោសខ្មែរក្រហម Posted: 05 Mar 2012 12:42 PM PST លោកបណ្ឌិតឡៅ ម៉ុងហៃអ្នកវិភាគឯករាជ្យម្នាក់ក្នុងប្រទេសកម្ពុជាបានអះអាង ថា សាលាក្តីកាត់ទោសខ្មែរក្រហម គឺជាសាកលវិទ្យាល័យបង្រៀនច្បាប់ ប្រវត្តិសាស្ត្រដល់ពលរដ្ឋខ្មែរ និងយុវជនសិស្សានុសិស្សផងដែរ។ លោកបានថ្លែងយ៉ាងដូច្នេះក្នុងកម្មវិធីហេឡូវីអូអេកាលពីថ្ងៃព្រហស្បិ៍ទី០១ ខែមិនា ដែលពិភាក្សាអំពីការអប់រំកើតចេញពីតុលាការកាត់ទោសខ្មែរក្រហម។ «ទុក្ខវេទនារបស់ប្រជាជនដែលរស់នៅក្រោមការគ្រប់គ្រងព្រៃផ្សៃនៃរបបខ្មែរក្រហមមិនអាសារបង់ឡើយ បើអ្នករស់រានមានជីវិតនិងអ្នកជំនាន់ក្រោយបានរៀនសូត្រចេះដឹងច្បាប់ និងប្រវត្តិសាស្ត្រខ្មែរនៅសម័យខ្មែរក្រហមតាមតុលាការ កាត់ទោសខ្មែរក្រហម ហើយយកចំណេះដឹងទាំងនេះទៅជួយកសាងនីតិរដ្ឋ យកច្បាប់ និងតុលាការឯករាជ្យទៅដោះស្រាយជម្លោះ ឬ ផ្តន្ទាទោសអ្នកប្រព្រឹត្តខុសច្បាប់ ហើយដកហូតមេរៀនពីប្រវត្តិសាស្ត្រជៀសវាងប្រព្រឹត្តនូវកំហុសដដែលៗក្នុងប្រវត្តិសាស្ត្រនោះ»។ សូមស្តាប់សំឡេងទាំងស្រុងនៃកម្មវិធីហេឡូវីអូអេថ្ងៃទី ០១ ខែមិនា ឆ្នាំ២០១២៖ <!--AV--> មធ្យោបាយចូលរួមពីប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| អាស៊ីស្វាគមន៍ការជាប់ឆ្នោតលោកពូទីន តែអឺរ៉ុបរិះគន់ថាជាការបោះឆ្នោតលម្អៀង Posted: 05 Mar 2012 09:39 AM PST ក្រុមអ្នកសង្កេតការណ៍បោះឆ្នោតពីប្រទេសអឺរ៉ុបនិយាយថា ការបោះឆ្នោតប្រធានាធិបតីនៅក្នុងប្រទេសរុស្ស៊ី បានត្រូវមើលឃើញច្បាស់ថាលម្អៀងទៅរក នាយករដ្ឋមន្ដ្រី វ៉្លាឌីមៀរ ពូទីន (Vladimir Putin) ដែលបានយកជ័យជម្នះធំធេង។ សេចក្ដីថ្លែងការណ៍មួយពី អង្គការសន្ដិសុខនិងសហប្រតិបត្ដិការអឺរុប (Organization for Security and Cooperation in Europe)និយាយថា គេមិនឃើញមានការប្រកួតប្រជែងពិតប្រាកដណាមួយទេ។ អង្គការនេះនិយាយទៀតថា ការបំពានដោយប្រើប្រាស់ធនធានរបស់រដ្ឋាភិបាល ធ្វើឡើងដើម្បីធានាឲ្យលោកពូទីនយកជ័យជម្នះបាន។ អង្គការនេះនិយាយថា លោក ពូទិន បានត្រូវអនុញាតឲ្យប្រើប្រាស់បណ្ដាញព័ត៌មាន រួចអ្នកបោះឆ្នោតមិនមានជម្រើសរកបេក្ខជនច្រើនទេ ដោយសារតែការតម្រូវដ៏តឹងតែងក្នុងការចុះឈ្មោះបេក្ខជន។ អង្គការនោះក៏បានរាយការណ៍ថា មានភាពមិនប្រក្រតីមួយភាគបី កើតឡើងនៅស្ថានីយ៍បោះឆ្នោត។ អតីតមេដឹកនាំសហភាពសូវៀត លោក Mikhail Gorbachev ថ្លែងប្រាប់បណ្ដាញសារព័ត៌មាន Interfax ថា លោកមានការសង្ស័យថាលទ្ធផលនៃការបោះឆ្នោតមិនបានបង្ហាញឆន្ទៈពិតប្រាកដរបស់ពលរដ្ឋរុស្ស៊ីទេ។ <!--IMAGE-RIGHT--> ប្រតិកម្មរបស់ប្រទេសជិតខាងនៅអាស៊ី ប្រទេសអាស៊ីជិតខាងនៃប្រទេសរុស្ស៊ី និយាយថា ខ្លួនរំពឹងថាទំនាក់ទំនងគ្នានឹងបានត្រូវពង្រឹងដោយការជ្រើសតាំងលោក វ៉្លាឌីមៀរ ពូទីន ជាប្រធានាធិបតីរុស្ស៊ីជាថ្មីម្តងទៀត។ អ្នកនាំពាក្យក្រសួងការបរទេសចិន លោក លូ វៃមិញ (Liu Weimin) ថ្លែងប្រាប់ក្រុមអ្នកកាសែតក្នុងក្រុងប៉េកាំងនៅថ្ងៃច័ន្ទនេះថា ទំនាក់ទំនងចិនជាមួយរុស្ស៊ីបានរក្សាទុកនូវ«សម្ទុះរឹងមាំនៃការអភិវឌ្ឍជាវិជ្ជមាន» ហើយរដ្ឋាភិបាលប៉េកាំងសង្ឃឹមថានឹងធ្វើដូច្នេះតទៅទៀតនៅក្រោមការដឹកនាំរបស់ប្រធានាធិបតីពូទីន។ លោក លូ កត់សម្គាល់ថា រដ្ឋាភិបាលប៉េកាំងនិងមូស្គូមានទស្សនៈដូចគ្នាមកលើនយោបាយការបរទេស។ លោក លូ ថ្លែងថា «ចិននិងរុស្ស៊ីមានការទាក់ទងគ្នាដ៏ល្អ ព្រមទាំងមានកិច្ចសហការគ្នាដ៏ប្រសើរអំពីកិច្ចការអន្ដរជាតិ ហើយមានគោលជំហរដូចគ្នានៅលើរឿងអន្ដរជាតិជាច្រើន។ ចិននិងរុស្ស៊ីជាប្រទេសសមាជិករបស់អង្គការ BRICS ហើយបន្ដសហការគ្នា នៅលើកិច្ចការអន្ដរជាតិ»។ ព័ត៌មានអន្តរជាតិសំខាន់ៗដទៃទៀត៖ ឥណ្ឌា៖ ការរញ្ជួយផែនដីមួយមានកម្រិត ៥,២ បានធ្វើឲ្យកក្រើករដ្ឋធានីនៃប្រទេសឥណ្ឌា។ មនុស្សភិតភ័យរត់ប្រសាចនៅលើផ្លូវនៃទីក្រុង ញូវដែលី និងជាយក្រុង កាលពីល្ងាចថ្ងៃច័ន្ទ ធ្វើឲ្យកក្រើកដីអស់រយៈពេល១០វិនាទី។ ភូមា៖ កាលពីថ្ងៃច័ន្ទ ក្រុមបះបោរអំបូរភាគតិចការេន (Karen) នៃប្រទេសភូមាបានអំពាវនាវឲ្យមានសន្ដិភាពពិតប្រាកដនៅក្នុងប្រទេសភូមា និងការផ្សះផ្សាជាតិដែលនឹងនាំទៅរកការបង្កើតសាមគ្គីភាពសហព័ន្ធ។ អ៊ីរ៉ាក់៖ ប៉ូលីសអ៊ីរ៉ាក់និយាយថា ជនប្រដាប់អាវុធស្លៀកពាក់យោធា បានបាញ់កាំភ្លើងមកលើទីកន្លែងឆែកឆេរពីរនៅក្នុងក្រុងខាងលិចហាឌិថា (Haditha) កាលពីព្រឹកថ្ងៃច័ន្ទ ដោយបានសម្លាប់មនុស្សយ៉ាងតិច២៧នាក់។ អ៊ីស្រាអែល-អាមេរិក៖ ប្រធានាធិបតី បារ៉ាក់ អូបាម៉ា ត្រូវកំណត់នឹងទទួលនាយករដ្ឋមន្ដ្រីអ៊ីស្រាអែលលោក Benjamin Netanyahu ដើម្បីចរចាគ្នាអំពីកម្មវិធីនុយក្លេអ៊ែរ អ៊ីរ៉ង់ មួយថ្ងៃក្រោយពីលោកថ្លែងថា លោកចង់បានការដោះស្រាយតាមការទូតមិនមែនកម្លាំងយោធាទៅនឹងរឿងអ៊ីរងនោះ។ ស.រ.អ.៖ បេក្ខជនប្រធានាធិបតីនៃគណបក្សសាធារណរដ្ឋបានធ្វើចលនាគ្រប់ទីកន្លែងនៃរដ្ឋសំខាន់ៗ ដើម្បីទទួលយកការគាំទ្រនៅពេលមុនទិវាមួយហៅ Super Tuesday ដែលរៀបចំការបោះឆ្នោតបឋម និងកិច្ចប្រជុំគណបក្សហៅ ខឃឹស (Caucus)។ យេម៉ែន៖ មន្ដ្រីនៃប្រទេសយេម៉ែន និយាយថា ការប្រយុទ្ធដ៏សាហាវកើតមានឡើងរវាងទាហានរដ្ឋាភិបាល និងក្រុមអាល់កៃដា នៅក្នុងតំបន់ភាគខាងត្បូងប្រទេស បណ្ដាលឲ្យទាហាន ៧៨នាក់ស្លាប់ និងជនសកម្មប្រយុទ្ធ អាលកៃដា ១០នាក់ស្លាប់។ ប៉ាគីស្ថាន៖ ប៉ាគីស្ថាននិយាយថា ខ្លួនបានធ្វើតេស្ត បាញ់មីស៊ីលរង្វង់ខ្លី ដែលអាចភ្ជាប់ក្បាលបរមាណូ និងអាវុធធម្មតាបាន។ កុងហ្គោ-ចិន៖ ស្ថានទូតចិនប្រចាំទីក្រុង Brazzaville នៃប្រទេសកុងហ្គោ និយាយកាលពីថ្ងៃច័ន្ទថា ជនជាតិចិន៦នាក់ស្លាប់ និងជាង១២នាក់របួសនៅពេលដែលដេប៉ូរំសេវ ផ្ទុះនៅក្នុងរដ្ឋធានីនៃសាធារណរដ្ឋកុងហ្គោ។ ចិន៖ នាយករដ្ឋមន្ដ្រីនៃប្រទេសចិនបានអំពាវនាវដល់ប្រជាពលរដ្ឋឲ្យបង្កើនការប្រើប្រាស់វត្ថុធ្វើនៅក្នុងស្រុក ដើម្បីជួយសេដ្ឋកិច្ចឲ្យរីកធំចម្រើន។ ម៉ិចស៊ិក-ស.រ.អ.៖ អនុប្រធានាធិបតីស.រ.អ. លោក ចូហ បៃឌិន (Joe Biden) បានធ្វើដំណើរមកដល់ទីក្រុងម៉ិកស៊ីកូ កាលពីថ្ងៃអាទិត្យ ដោយលោកកំណត់នឹងជួបប្រជុំដាច់ឡែកជាមួយប្រធានាធិបតី ហ្វេលីព កាលដេរូន (Felipe Calderon) និងបេក្ខជនប្រធានាធិបតីបីនាក់ទៀត ប្រាថ្នាចង់ឡើងជំនួស លោក កាលដេរូន ក្នុងការបោះឆ្នោតប្រធានាធិបតីនៅឆ្នាំនេះ។ វ៉េណេស៊ុយអេឡា៖ ប្រធានាធិបតីនៃប្រទេសវ៉េណេស៊ុយអេឡាបានបង្ហាញឲ្យដឹងថាដុំសាច់មានជំងឺមហារីកដែលត្រូវកាត់ចេញពីកន្លែងត្រគាកកាលពីសប្ដាហ៍មុន មានទំហំប៉ុនដំបងBaseball ដូចសាច់កាត់ចេញកាលពីឆ្នាំមុន។ This posting includes an audio/video/photo media file: Download Now |
| មេដឹកនាំអាហ្រ្វិកខាងកើត ចាប់ផ្តើមគម្រោងសាងសង់ហេដ្ឋារចនាសម្ព័ន្ធសំខាន់ៗ Posted: 05 Mar 2012 06:54 AM PST មេដឹកនាំប្រទេសកេនយ៉ា(Kenya) អេត្យូពី(Ethiopia) និងស៊ូដង់ខាងត្បូង(South Sudan) បានបើកសម្ពោធការសាងសង់កំពង់ផែ ដែលជាផ្នែកមួយនៃគម្រោងហេដ្ឋារចនាសម្ព័ន្ធយ៉ាងធំសម្បើម ដើម្បីភ្ជាប់ប្រទេសទាំងបី។ ផែនការនេះ រាប់បញ្ចូលទាំងប្រព័ន្ធបំពង់បង្ហូរប្រេងថ្មីមួយ ពីស៊ូដង់ខាងត្បូង ដែលនឹងអនុញ្ញាតឲ្យប្រទេសនេះគេចផុតពីការដឹកជញ្ជូនប្រេងឆៅឆ្លងកាត់តាមប្រទេសជិតខាងនិងគូប្រជែងរបស់ខ្លួន គឺប្រទេសស៊ូដង់(Sudan)។ កំពង់ផែ ឡាមូ (Lamu) គឺជាផ្នែកមួយដ៏សំខាន់សម្រាប់គម្រោងសាងសង់ហេដ្ឋារចនាសម្ព័ន្ធ ដែលត្រូវបានស្គាល់ថាជា ច្រករបៀង ឡាបសេត (Lapsset) ដែលមានគោលដៅជំរុញពាណិជ្ជកម្មរវាងប្រទេសកេនយ៉ា អេត្យូពី និងស៊ូដង់ខាងត្បូង។ បន្ទាប់ពីបានថ្លែង កាលពីថ្ងៃសុក្រ នៅឯពិធីបញ្ចុះបឋមសិលា ក្នុងទីក្រុង ឡាមូ លោកប្រធានាធិបតីកេនយ៉ា វ៉ាយ គីបាគី មានប្រសាសន៍ថា គម្រោងនេះ បង្ហាញឲ្យឃើញពីការបោះជំហានទៅមុខដ៏សំខាន់ សម្រាប់ការធ្វើសមាហរណកម្មសេដ្ឋកិច្ចរបស់តំបន់។ <!--IMAGE-RIGHT--> «ខ្ញុំជឿជាក់ថា ថ្ងៃនេះ នឹងត្រូវបានចារទុកក្នុងប្រវត្តិសាស្រ្ត ថាជាពេលវេលាកំណត់មួយ ដែលយើងធ្វើការអភិវឌ្ឍន៍យ៉ាងធំធេង ដើម្បីភ្ជាប់ប្រជាពលរដ្ឋរបស់យើង ជាមួយនឹងឱកាសជាច្រើនក្នុងវិស័យសេដ្ឋកិច្ចនិងសង្គម នៅពេលខាងមុខ។» ដោយត្រូវចំណាយទឹកប្រាក់អស់ជិត ២៥ ពាន់លានដុល្លារអាមេរិក គម្រោងនេះមិនមែនជាគម្រោងតូចតាចឡើយ។ ក្រៅពីកំពង់ផែ ច្រករបៀង ឡាបសេត (Lapsset) ក៏ត្រូវបានរំពឹងថានឹងមានផ្លូវរថភ្លើងទំនើបចម្ងាយ១ពាន់៦០០គីឡូម៉ែត្រ ផ្លូវហៃវ៉េចម្ងាយ១ពាន់៧០០គីឡូម៉ែត្រ និងអាកាសយានដ្ឋានអន្តរជាតិចំនួនបីទៀតផង។ គម្រោងនេះ ក៏នឹងអំពាវនាវសុំឲ្យមានបំពង់បង្ហូរប្រេងថ្មីមួយ ដែលនឹងនាំប្រេងរបស់ប្រទេសស៊ូដង់ខាងត្បូង ទៅកាន់កំពង់ផែថ្មីដែរ។ ស៊ូដង់ខាងត្បូង ត្រូវបានបង្ខំឲ្យពឹងផ្អែកលើបំពង់បង្ហូរប្រេង ដែលឆ្លងកាត់តាមប្រទសស៊ូដង់ ប៉ុន្តែកាលពីខែមករា បានបញ្ឍប់ការផលិតប្រេង ដោយសារមានជម្លោះជាមួយស៊ូដង់ខាងជើង ទាក់ទងនឹងតម្លៃសម្រាប់ការបង្ហូរប្រេងឆ្លងកាត់។ មានការព្រួយបារម្ភជាច្រើនទៀតទៅលើកំពង់ផែ ឡាមូ។ ប្រជាពលរដ្ឋមួយចំនួននៃសហគមន៍ស្វាហ៊ីលី (Swahili) នៃតំបន់ឆ្នេរយ៉ាងស្ងប់ស្ងាត់និងគួរឲ្យចាប់អារម្មណ៍ បានជំទាស់ទៅនឹងការសាងសង់នេះ។ ញាត្តិមួយ ដែលត្រូវបានផ្សព្វផ្សាយដោយអង្គការមួយ ឈ្មោះថា«ជួយសង្គ្រោះទីក្រុងឡាមូ» ឬហៅជាភាសាអង់គ្លេសថា Save Lamu លើកឡើងពីភាពខ្វះការសម្របសម្រួលជាមួយអជ្ញាធរមូលដ្ឋាន និងព្រួយបារម្ភពីការបំផ្លិចបំផ្លាញបរិស្ថាន។ អ្នកដទៃទៀត បារម្ភថា ដីធ្លីរបស់ខ្លួន នឹងត្រូវរឹបអូសដោយ ក្រុមអ្នកវិនិយោគដែលអន្ទះសារចង់បានខ្លាំង។ លោកប្រធានាធិបតី គីបាគី បានព្យាយាមនិយាយសម្រាលចំពោះភាពមន្ទិលសង្ស័យនោះ ដោយប្រាប់អ្នកតាំងលំនៅក្នុងទីក្រុងឡាមូថា កម្មសិទ្ធិលើទ្រព្យសម្បត្តិរបស់ពួកគេ ត្រូវបានការពារ នៅក្នុងរដ្ឋធម្មនុញ្ញថ្មី៕ ប្រែសម្រួលដោយ គឹង ភិរុណ This posting includes an audio/video/photo media file: Download Now |
| វ៉្លាឌីមៀរ ពូទីនជាប់ឆ្នោតប្រវត្តិសាស្រ្តជាប្រធានាធិបតីរុស្ស៊ីក្នុងអាណត្តិទីបី Posted: 04 Mar 2012 10:42 PM PST លោក វ៉្លាឌីមៀរ ពូទីន មានកំណត់នឹងវិលត្រទ្បប់មកកាន់តំណែងប្រធានាធិបតីវិញសម្រាប់អណត្តិទីបីក្រោយពីបានកាន់តំណែងជានាយករដ្ឋមន្ត្រីបួនឆ្នាំដែលដែលជាតំណែងមួយដែលមនុស្សច្រើននាក់បាននិយាយថាលោកបានកាន់អំណាចពិតប្រាកដ។ លោកពូទីន បានជាប្រធានាធិបតីពីឆ្នាំ២០០០ដល់២០០៨ ដែលជាពេលវេលាមួយគេបានសរសើរលោកថាបានធ្វើឱ្យប្រទេសនិងសេដ្ឋកិច្ចរុស្ស៊ីមានស្ថេរភាពជាងមុន។ តែដោយសារការកម្រិតអណត្តិក្នុងរដ្ឋធម្មនុញ្ញដែលរារាំងលោកមិនឱ្យបម្រើការក្នុងអណត្តិទីបីបន្តបន្ទាប់គ្នា លោកបានទទួលការតែងតាំងជានាយករដ្ឋមន្ត្រី នៅក្រោមអ្នកបន្តតំណែងពីលោកនិងជាសម្ព័ន្ធមិត្តយូរយារមកហើយគឺ លោកឌីមីទ្រី មេដ្វេដេវ។ នៅពេលដែលលោកកាន់តំណែង គេឃើញថាលោកពូទីន ក្នុងអាយុ៥៩ឆ្នាំជាអ្នកនយោបាយម្នាក់ក្នុងបណ្តាពួកអ្នកនយោបាយមានប្រជាប្រិយភាពបំផុតនៃប្រទេសរុស្ស៊ី ដោយសាររបៀបដោះស្រាយតឹងរ៉ឹងរបស់លោកនៃយុទ្ធនាការរបស់រុស្ស៊ីប្រឆាំងនឹងពួកឧទ្ទាមទាមទារបំបែករដ្ឋក្នុងសាធារណរដ្ឋ ឆេកនីយ៉ា។ តែទោះជាយ៉ាងណាក៏ដោយ ក៏ពួកមេដឹកនាំប្រឆាំងបានស្តីបន្ទោសការដឹកនាំរបស់លោក ដោយលោកបានតវ៉ាប្រឆាំងនឹងការកែទម្រង់ប្រជាធិបតេយ្យនិងថាលោកគ្មានជោគជ័យក្នុងការដោះស្រាយអំពើពុករលួយដ៏រាលដាលនោះទេ។ <!--IMAGE-RIGHT--> អ៊ីរ៉ង់៖ លោកប្រធានាធិបតី បារ៉ាក់ អូបាម៉ា បានបញ្ជាក់ជាថ្មីពីការប្តេជ្ញារបស់លោកក្នុងការលើកឡើងជម្រើសទាំងអស់មកពិភាក្សា ដោយមានរួមបញ្ចូលទាំងជម្រើសការប្រើយោធាផងដែរ នៅពេលមួយដែលគេត្រូវរារាំងអ៊ីរ៉ង់មិនឱ្យមានអាវុធបរមាណូ។ ស៊ីរី៖ គណៈកម្មាធិការកាកបាទក្រហមអន្តរជាតិបាននិយាយថាពួកអ្នកធ្វើការផ្នែកផ្តល់ជំនួយនៅស៊ីរីបានចាប់ផ្តើមប្រគល់ជំនួយសង្គ្រោះឱ្យដល់ភូមិមួយដែលផ្តល់ជម្រកឱ្យដល់ក្រុមជនភៀសខ្លួនពីការវាយលុករបស់រដ្ឋាភិបាលអស់មួយខែមកហើយទៅលើសង្កាត់បាបា អាមរ៍ Baba Amr នៃក្រុងហោមស៍។ កុងហ្គោ៖ ពួកមន្ត្រីរដ្ឋាភិបាលនិងពួកមន្ត្រីមន្ទីរពេទ្យក្នុងសាធារណរដ្ឋកុងហ្គោ និយាយថាការផ្ទុះជាបន្តបន្ទាប់នៅក្នុងឃ្លាំងអាវុធមួយក្នុងរដ្ឋធានីប្រាហ្សាវីល បានបណ្តាលឱ្យមនុស្សប្រមាណ២០០នាក់ស្លាប់និងរងរបួសជិត២០០នាក់ទៀត។ អ៊ីរ៉ង់៖ ពួកអ្នកអភិរក្សនិយមអ៊ីរ៉ង់ដែលជាអ្នករិះគន់លោកប្រធានាធិបតីម៉ាម៉ូឌ អាម៉ាឌីណាចាត បានទទួលជ័យជំនះលើពួកអ្នកគាំទ្រលោកប្រធានាធិបតីនៅក្នុងអាសនៈច្រើនបំផុតក្នុងសភាដែលពួកអ្នកមានជ័យជំនះបានត្រូវប្រកាសនៅក្នុងការបោះឆ្នោតសភារបស់ប្រទេស។ យេម៉ែន៖ មន្ត្រីយេម៉ែន និងពួកពេទ្យបាននិយាយថាការប្រយុទ្ធគ្នាយ៉ាងសាហាវមួយរវាងពួកទាហានរដ្ឋាភិបាលនិងពួកសកម្មប្រយុទ្ធអាល់កៃដា នៅក្នុងផ្នែកខាងត្បូងប្រទេសបានបណ្តាលឱ្យទាហានយ៉ាងតិចណាស់៣៥នាក់និងពួកជនសកម្មប្រយុទ្ធ២០នាក់ស្លាប់។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
