VOA News: ព័ត៌មាន: “លោកពូទីនកំពុងស្វះស្វែងដើម្បីទទួលបានតំណែងប្រធានាធិបតីសារជាថ្មី” plus 1 more |
| លោកពូទីនកំពុងស្វះស្វែងដើម្បីទទួលបានតំណែងប្រធានាធិបតីសារជាថ្មី Posted: 04 Mar 2012 09:09 AM PST ពលរដ្ឋរុស្ស៊ីកំពុងតែទៅបោះឆ្នោតក្នុងការបោះឆ្នោតជ្រើសរើសប្រធានាធិបតី ដែលទំនងជានឹងនាំលោក វ្លាឌីមៀរ ពូទីន (Vladimir Putin) ឱ្យត្រលប់មកកាន់រដ្ឋាភិបាលវិមានក្រិមឡាំង (Kremlin) វិញ សម្រាប់កំណត់ត្រាអណត្តិទី៣របស់លោក។ អ្នកស្ម័គ្រចិត្ដតាមដានមើលការបោះឆ្នោតចំនួនជាង ២០០,០០០នាក់ បានពិនិត្យមើលយ៉ាងដិតដល់ ដល់ការបោះឆ្នោតដោយសង្ឃឹមថានឹងអាចបញ្ចៀសការបន្លំសន្លឹកឆ្នោតបាន ដូចដែលគេធ្លាប់ឃើញមាននៅពេលបោះឆ្នោតតំណាងរាស្ដ្រកាលពីថ្ងៃទី ៤ ខែ ធ្នូ។ អ្នកប្រើប្រាស់បណ្ដាញអ៊ីនធឺណេតជាង ៦ សែននាក់ផ្សេងទៀត បានចុះឈ្មោះដើម្បីតាមដានមើលកាមេរ៉ាដែលបានដំឡើងនៅគ្រប់បណ្តាស្ថានីយ៍បោះឆ្នោតជិត១០០,០០០កន្លែង។ ការស្ទង់មតិមុនការបោះឆ្នោតមួយ ទស្សទាយថាលោក ពូទីន នឹងយកជ័យជម្នះយ៉ាងតិច ទទួលបានសម្លេង៦២ភាគរយ ដែលគ្រប់គ្រាន់ ដោយមិនបាច់បោះឆ្នោតលើកទីពីរ។ ព័ត៌មានអន្តរជាតិសំខាន់ៗផ្សេងទៀត៖ <!--IMAGE-RIGHT-->ស.រ.អា៖ អតីតអភិបាលរដ្ឋ ម៉ាសាឈូសេត (Massachusetts) លោក មិត រ៉មនី (Mitt Romney) បានទទួលជ័យជម្នះយ៉ាងងាយស្រួលនៅក្នុងរដ្ឋវ៉ាស៊ីនតោន (Washington) ក្នុងការបោះឆ្នោតរបស់គណបក្សសាធារណរដ្ឋ នាំឲ្យការឃោសនានយោបាយដ៏មាំទាំរបស់លោកឆ្ពោះទៅរកការប្រកួតប្រជែងមួយដែលហៅថា ថ្ងៃអង្គារដ៏អស្ចារ្យ (Super Tuesday) ក្នុងរដ្ឋចំនួន១០នៅសប្តាហ៍ក្រោយនេះ។ ប៉ូឡូញ៖ មន្ដ្រីសង្គ្រោះបន្ទាន់ក្នុងប្រទេសប៉ូឡូញ និយាយថា មានរទេះភ្លើងពីរគ្រឿងបានប៉ះទង្គិចគ្នា មុខទល់នឹងមុខ បណ្ដាលឲ្យមនុស្ស ១៥ នាក់ស្លាប់ ហើយ ៥៤ នាក់ផ្សេងទៀតរបួស។ កុងហ្គោ៖ ពួកអ្នកសាក្សីនៅក្នុងរដ្ឋធានីរបស់ សាធារណរដ្ឋ កុងហ្គោ និយាយថាមានការផ្ទុះយ៉ាងតិចចំនួន៣ ដែលធ្វើឲ្យកក្រើកទីក្រុង ប្រេស្សាវីល (Brazzaville) កាលពីព្រឹកថ្ងៃអាទិត្យ។ ភូមា៖ លោកស្រី អង់ សាន ស៊ូជី (Aung San Suu Kyi) មេដឹកនាំដែលគាំទ្រលទ្ធិប្រជាធិបតេយ្យបានថ្លែងអំណរគុណដល់ប្រទេស កាណាដា និង បស្ចិមប្រទេសដទៃទៀត ដែលបានរក្សាទណ្ឌកម្ម មកលើភូមាដោយលោកស្រីមានប្រសាសន៍ថាប្រទេសទាំងនោះបានជួយសម្រួលការផ្លាស់ប្តូររបស់ប្រទេសនេះទៅរកលទ្ធិប្រជាធិបតេយ្យ។ ហ្គីណេ៖ មនុស្សប្រមាណ ៥០ នាក់ បានស្លាប់ និង ២០ នាក់ទៀតរបួសក្នុងគ្រោះថ្នាក់មួយនៅក្នុងប្រទេសហ្គីណេភាគខាងកើតកាលពីថ្ងៃសៅរ៍។ ចិន៖ អ្នកភូមិដែលបានបះបោរប្រឆាំងនឹងមេដឹកនាំពុករលួយកុម្មុយនិស្ដចិនបានទៅបោះឆ្នោតក្នុងជុំទីពីរ កាលពីថ្ងៃអាទិត្យនេះ ក្នុងការបោះឆ្នោតពីរថ្ងៃដែលជាកំណត់សម្គាល់ ក្នុងរបបផ្តាច់ការក្នុងរដ្ឋដែលមានគណបក្សតែមួយគត់។ ហ្វីលីពីន៖ ប៉ូលិសនិយាយថា មានអ្នកទេសចរណ៍ជាតិន័វវែសម្នាក់និងអ្នកបើកបរយន្ដហោះហ្វីលីពីនម្នាក់បានស្លាប់និង បរទេស៣នាក់ទៀត របួស ក្នុងគ្រោះថ្នាក់ធ្លាក់យន្ដហោះនៅតំបន់កណ្ដាលប្រទេសហ្វីលីពីន កាលពីថ្ងៃអាទិត្យ។ ចិន៖ បណ្ឌិតសភារបស់ប្រទេសចិន ថ្លែងនៅថ្ងៃអាទិត្យនេះថាការតម្លើងចំណាយយោធា របស់ប្រទេសចិន គឺសមហេតុសមផល បើយោងទៅតាមកត្ដាជាច្រើន។ This posting includes an audio/video/photo media file: Download Now |
| កូរ៉េខាងជើងចោទអាមេរិកថាមានយុទ្ធសាស្ត្រមុខ២ Posted: 04 Mar 2012 07:19 AM PST ក្នុងសន្និសីទកាសែតមួយក្នុងក្រុងព្យុងយ៉ាងកាលពីថ្ងៃសៅរ៍ កូរ៉េខាងជើងបានបរិហាររិះគន់អាមេរិក ដោយចោទប្រកាន់ថាសមយុទ្ធជាមួយកូរ៉េខាងត្បូងបង្ហាញថារដ្ឋាភិបាលក្រុងវ៉ាស៊ីនតោនមិនម៉ត់ចត់ទេអំពីសន្តិភាព។ លោកឧត្តមសេនីយ៍ទោ ខ្វាក ឆុយ ហ៊ុយ នៃគណកម្មការការពារជាតិរបស់កូរ៉េខាងជើងបានមានប្រសាសន៍ថា «អាកប្បកិរិយាពិតប្រាកដរបស់អាមេរិកគឺមានមុខពីរ ដោយទាមទារឱ្យមានកិច្ចចរចាគ្នានៅលើផ្ទៃខាងលើ នៅពេលដែលមានគោលដៅរំលំខាងយោធាដៃគូសន្ទនារបស់ខ្លួនពីក្រោយខ្នង។» លោកក៏បានព្រមានដែរថាក្រុមទាហានកូរ៉េខាងជើងប្រុងប្រៀបរួចស្រេចហើយដើម្បី «ស្រោចភ្លើងនៃការសងសឹក» ទៅលើកងកម្លាំងអាមេរិក។ កាលពីថ្ងៃសៅរ៍ ទូរទស្សន៍របស់រដ្ឋរបស់ប្រទេសនេះបានបង្ហាញរូបនៃមេដឹកនាំកូរ៉េខាងជើង គឺម ជុង អ៊ុន ទៅទស្សនាទីបញ្ជាការកាំជ្រួចមីស៊ីលយុទ្ធសាស្ត្ររបស់ប្រទេស។ <!--IMAGE-RIGHT--> ភូមា៖ លោកស្រីអោងសាន ស៊ូជី មេដឹកនាំក្រុមប្រឆាំងភូមាបានចាកចេញពីការប្រជុំមហាជនធំបំផុតមួយ នៅក្នុងក្រុងធំទី២របស់ប្រទេសគឺក្រុងមែនដាឡេយ ក្នុងបណ្តាការប្រជុំធំបំផុតនៃការឃោសនាបោះឆ្នោត ដោយបានមានប្រសាសន៍ប្រាប់ពួកសហការីថាលោកស្រីមិនស្រួលខ្លួន ក្រោយពីបានមានប្រសាសន៍ទៅហ្វូងមនុស្សបានបីបួននាទី។ ពួកវេជ្ជបណ្ឌិតនិងពួកសហការីបាននិយាយថាគេបាននាំលោកស្រីទៅកាន់បន្ទប់មួយក្នុងសណ្ឋាគារដើម្បីសម្រាក ហើយលោកស្រីមានស្ថានភាពល្អប្រសើរជាងមុន។ ប៉ាគីស្ថាន៖ មានការវាយប្រហារដោយគ្រាប់បែកអត្តឃាតមួយ បានកើតមានឡើងនៅក្នុងផ្នែកពាយ័ព្យប្រទេសកាលពីថ្ងៃសៅរ៍ បណ្តាលឱ្យប៉ូលីសម្នាក់ស្លាប់និងធ្វើឱ្យរបួសសមាជិកសភាក្នុងមូលដ្ឋានម្នាក់។ ការផ្ទុះនេះ ត្រូវបានរាយការណ៍ឲ្យដឹងថាបានកើតឡើងនៅជិតក្បួនកុងវ័ររបស់លោក អាហ្វថេប ខាន សឺបោប នៅក្នុងដំណើរវិលត្រទ្បប់មកពីការធ្វើការប្រជុំមហាជនខាងនយោបាយមួយ។ អាហ្វហ្គានីស្ថាន៖ កាសែតរបស់អាមេរិកដ៏សំខាន់មួយផ្សាយថាព្រឹត្តិការណ៍មួយចំនួនដែលនាំទៅកាន់ការដុតគម្ពីរ កូរ៉ាន នៅឯមូលដ្ឋានមួយនៃអង្គការអូតង់នៅអាហ្វហ្គានីស្ថានកាលពីខែមុនអាចត្រូវបញ្ឈប់បាន «ជាមួយគ្រោះថ្នាក់អកុសល ការវិនិច្ឆ័យមិនបានដិតដល់និងការមិនអើពើដល់ទម្រង់ការ។» ស៊ីរី៖ គណៈកម្មាធិការអន្តរជាតិកាកបាទក្រហមបានជំរុញអាជ្ញាធរស៊ីរីឱ្យអនុញ្ញាតឱ្យក្រុមអ្នកធ្វើការផ្នែកផ្តល់ជំនួយចូលទៅក្នុងសង្កាត់ Baba Amr ដែលមានវិបត្តិនៃក្រុងហូម (Homs) ក្នុងប្រទេស នៅពេលដែលកងកម្លាំងរដ្ឋាភិបាលនៅតែបន្តបាញ់ផ្តក់លើក្រុងនេះកាលពីថ្ងៃសៅរ៍។ រុស្ស៊ី៖ ប្រជារាស្ត្រកំពុងទៅបោះឆ្នោតនៅថ្ងៃអាទិត្យនេះ តាមពេលវេលាក្នុងមូលដ្ឋាននៅរុស្ស៊ី នៅក្នុងការបោះឆ្នោតប្រធានាធិបតីដែលគេរំពឹងថាលោកនាយករដ្ឋមន្ត្រី វីឡាមែរ ពូទីន នឹងឈ្នះឆ្នោតវិលត្រទ្បប់មកកាន់តំណែងប្រធានាធិបតីវិញ ទោះណាជាមានបាតុកម្មមិនធ្លាប់មានពីពេលមុនប្រឆាំងនឹងលោកនិងគណបក្ស រួបរួមរុស្ស៊ី (United Russia Party) ដែលជាគណបក្សគ្រប់គ្រងប្រទេសរបស់លោកក៏ដោយ។ សហរដ្ឋអាមេរិក៖ ក្រុមអ្នកជួយសង្គ្រោះកំពុងស្វះស្វែងរកពួកអ្នកនៅរស់ពីខ្យល់ព្យុះកំបុតត្បូងកាលពីថ្ងៃសៅរ៍ ដែលបានបណ្តាលឱ្យមនុស្សយ៉ាងតិចណាស់ជាង៣០នាក់ស្លាប់នៅក្នុងរដ្ឋមួយចំនួននាប៉ែកខាងកើត និងបណ្តាលឱ្យមានការខូចខាតជាច្រើនផងដែរនៅក្នុងតំបន់ខ្លះ។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
