VOA News: ព័ត៌មាន: “អតីតអ្នកទោសខ្មែរក្រហមទៅមើលការអភិវឌ្ឍប្រទេសកម្ពុជា” plus 3 more |
- អតីតអ្នកទោសខ្មែរក្រហមទៅមើលការអភិវឌ្ឍប្រទេសកម្ពុជា
- កម្ពុជាបដិសេធសំណើរបស់ថៃសុំឲ្យបន្ថយទោស ឬលើកលែងទោសជនជាតិថៃពីរនាក់
- ព័ត៌មានអន្តរជាតិវីអូអេ ២៩ ធ្នូ យប់
- ព័ត៌មានអន្តរជាតិវីអូអេ ២៩ ធ្នូ ព្រឹក
| អតីតអ្នកទោសខ្មែរក្រហមទៅមើលការអភិវឌ្ឍប្រទេសកម្ពុជា Posted: 29 Dec 2011 01:22 PM PST អ្នកស្រី នៅ សារីម អតីតអ្នកទោសមន្ទីរឃុំឃាំងបឹងត្របែកក្នុងរបបខ្មែរក្រហមបានវិលត្រឡប់ទៅប្រទេសកម្ពុជាវិញក្រោយពីចូលនិវត្តន៍ពីការងារជាអ្នកផ្សាយព័ត៌មាននៅវីអូអេសំឡេងសហរដ្ឋអាមេរិក។ អ្នកស្រីបានទៅចូលរួមស្តាប់សវនាការកាត់ទោសមេដឹកនាំខ្មែរក្រហមជាន់ខ្ពស់និងពិនិត្យមើលការអភិវឌ្ឍក្នុងប្រទេសកម្ពុជា។ នេះជាដំណើរត្រឡប់ទៅប្រទេសវិញជាលើកមួយក្រោយពីរយៈពេល១៨ឆ្នាំចាប់តាំងពីប្រទេសកម្ពុជាបានបោះឆ្នោតសាកលលើកទីមួយដែលគាំទ្រដោយអង្គការសហប្រជាជាតិ។ នៅក្នុងបទសម្ភាសន៍ជាមួយលោក ម៉ែន គឹមសេង នៃវីអូអេអ្នកស្រីនៅ សារីម ទទួលស្គាល់ថាប្រទេសកម្ពុជាមានការរីកចម្រើនខុសពីពេលមុនប៉ុន្តែក៏នៅមានចំណុចជាច្រើនដែលត្រូវកែលម្អដូចជាចរាចរណ៍ក្នុងទីក្រុងដែលមានអ្នកបើកបរមិនសូវគោរពច្បាប់ទម្លាប់ជាដើម៕ សូមស្តាប់សំឡេងទាំងស្រុងនៃសម្ភាសន៍៖ <!--AV--> This posting includes an audio/video/photo media file: Download Now |
| កម្ពុជាបដិសេធសំណើរបស់ថៃសុំឲ្យបន្ថយទោស ឬលើកលែងទោសជនជាតិថៃពីរនាក់ Posted: 29 Dec 2011 08:48 AM PST នៅថៃ្ងព្រហស្បតិ៍នេះ ប្រទេសកម្ពុជាបានបដិសេធសំណើរបស់ប្រទេសថៃសុំឲ្យពិចារណាការបន្ថយទោស ឬ ការលើកលែងទោសដល់ជនជាតិថៃពីរនាក់ ដែលជាក្រុមអាវលឿនកំពុងជាប់ពន្ធនាគារនៅកម្ពុជាអំពីបទចារកម្ម។ ការបដិសេធនេះបានធើ្វឡើងភ្លាមៗ បន្ទាប់ពីលោក Surapong Tovichakchaikul រដ្ឋមន្រ្តីការបរទេសថៃបានស្នើសុំឲ្យកម្ពុជាពិចារណាការបន្ថយទោស ឬ ការលើកលែងទោសដោយព្រះមហាក្សត្រដល់អ្នកទោសជនជាតិថៃពីរនាក់។ សកម្មជនអាវលឿងថៃពីរនាក់ គឺលោក Veera Somkwamkit ត្រូវបានកាត់ទោសឲ្យជាប់ពន្ធនាគារចំនួន៨ឆ្នាំ និងអ្នកស្រី Ratree Pipatanapaiboon ឲ្យជាប់ពន្ធនាគារ៦ឆ្នាំកាលពីថៃ្ងទី១ ខែកុម្ភៈ អំពីបទឆ្លងចូលទីតាំងកងទ័ព និងបទចារកម្ម ហើយនៅចុងខែកុម្ភៈ ជនជាប់ចោទទាំងពីរនាក់នេះបានបឹ្តងឧទ្ធរណ៍ប្រឆាំងនឹងសេចក្តីសម្រេចនេះ។ ប៉ុន្តែកាលពីថ្ងៃពុធ Veera និងRatree បានសម្រេចដកពាក្យបណ្តឹងឧទ្ធរណ៍ដោយគ្មានបញ្ជាក់មូលហេតុ។ <!--AV--> ក្រោយកិច្ចប្រជុំ លោកហោ ណាំហុង រដ្ឋមន្ត្រីការបរទេសកម្ពុជា បានថ្លែងប្រាប់សន្និសីទកាសែតរួមជាមួយសមភាគីថៃរបស់លោកថា តាមច្បាប់កម្ពុជា អ្នកទោសត្រូវជាប់ពន្ធនាគារចំនួន២ភាគ៣នៃទោសជាប់ពន្ធនាគារសរុប មុននឹងពិចារណាការលើកលែងទោសពីព្រះមហាក្សត្រ។ «បញ្ហាលើកលែងទោសកម្ពុជាយើងមានបញ្ហាមួយគឺច្បាប់ ទាល់តែទណ្ឌិតហ្នឹងជាប់ទោសបាន២ភាគ៣សិន ទើបព្រះមហាក្សត្រលើកលែងទោសបាន។ ប៉ុន្តែខ្ញុំបានជម្រាបឯឧត្តមសូរ៉ាពង្សថា បើភាគីថៃមានសំណូមពរផ្លាស់ប្តូរអ្នកទោសកម្ពុជា និងថៃជាកញ្ចប់ នោះរាជរដ្ឋាភិបាលកម្ពុជានឹងយកមកពិចារណា»។ លោករដ្ឋមន្រ្តីការបរទសថៃសូរ៉ាពង្សបានថ្លែងអំណរគុណដល់រដ្ឋាភិបាលកម្ពុជាចំពោះការថែទាំអ្នកទោសថៃទាំងពីរនាក់នេះយ៉ាងល្អនៅក្នុងពន្ធនាគារព្រៃស។ Veera និង Ratree ត្រូវបានចាប់ខ្លួននៅថ្ងៃទី២៩ ខែធ្នូ ឆ្នាំ២០១០ ជាមួយជនជាតិថៃ៥នាក់ទៀត រួមមានលោក Panich Vikitsreth សមាជិកសភាខាងគណបក្សប្រជាធិបតេយ្យ បន្ទាប់ពីបានឆ្លងចូលទឹកដីកម្ពុជាដោយខុសច្បាប់ ដើម្បីត្រួតពិនិត្យបង្គោលព្រំដែន នៅខេត្តបន្ទាយមានជ័យរបស់ប្រទេសកម្ពុជា។ ក្នុងជំនួបពិភាក្សានេះ លោករដ្ឋមន្រ្តីការបរទសទាំងពីររូបនះបានយល់ព្រមជំរុញកិច្ចសហប្រតិបត្តិការទេ្វភាគីលើគ្រប់វិស័យ ដើម្បីផលប្រយោជន៍នៃប្រទេស និងប្រជាពលរដ្ឋទាំងពីរ។ លោករដ្ឋមន្រ្តីការបរទសថៃ សូរ៉ាពង្ស បានបញ្ជាក់ថា ភាគីទាំងពីរបានយល់ព្រមគ្នាអនុវត្តបញ្ជារបស់តុលាការយុត្តិធម៌អន្តរជាតិកាលពីថៃ្ងទី១១ ខែកក្កដា ឆ្នាំ២០១១ ដែលតម្រូវឲ្យដកកងទ័ពកម្ពុជា និងថៃចេញពីតំបន់គ្មានកងទ័ព នៅតំបន់ជម្លោះព្រំដែនក្បែរប្រាសាទព្រះវិហារ និងអនុញ្ញាតឲ្យអ្នកសង្កេតការណ៍ឥណ្ឌូនេស៊ីចូលមកត្រួតពិនិត្យបទឈប់បាញ់នៅក្នុងតំបន់ជម្លោះនោះ។ «យើងទាំងពីរភាគីសូមអះអាងថា យើងនឹងអនុវត្តទៅតាមអី្វដែលតុលាការយុត្តិធម៌អន្តរជាតិបានកំណត់ យ៉ាងមានតម្លាភាព និងយុត្តិធម៌ ហើយអាចត្រួតពិនិត្យបាន»។ លោករដ្ឋមន្រ្តីការបរទសនៃប្រទេសទាំងពីរក៏បានប្តេជ្ញាចិត្តជំរុញការចរចាលើការអភិវឌ្ឍរួមនៅតំបន់ត្រួតគ្នាក្នុងឈូងសមុទ្រថៃ ដែលគេជឿថា សំបូរប្រេង និងឧស្ម័ន។ This posting includes an audio/video/photo media file: Download Now |
| ព័ត៌មានអន្តរជាតិវីអូអេ ២៩ ធ្នូ យប់ Posted: 29 Dec 2011 08:09 AM PST កូរ៉េខាងជើង៖ លោក គីម ជុង អ៊ុន (Kim Jong Un) ត្រូវបានប្រកាសថា ជាមេដឹកនាំកំពូលរបស់គណបក្សគ្រប់គ្រងអំណាច និងជាអគ្គមេបញ្ជាការកងទ័ពនៅប្រទេសកូរ៉េខាងជើង អំឡុងពេលពិធីបុណ្យសពឪពុករបស់លោកគឺ លោកគីម ជុង អ៊ីល (Kim Jong Il) នៅទីក្រុងព្យុងយ៉ាង។ ស៊ីរី៖ ក្រុមអ្នកអង្កេតការណ៍របស់សម្ព័ន្ធអារ៉ាប់ (Arab League) នឹងទៅធ្វើទស្សនកិច្ចក្នុងតំបន់សំខាន់ៗចំនួន៣ នៅប្រទេសស៊ីរី ដែលជាទីកន្លែងដែលកម្លាំងសន្តិសុខស៊ីរីបានប្រើអំពើហិង្សាដ៏ឃោរឃៅលើហ្វូងបាតុករប្រឆាំងរដ្ឋាភិបាល ស្របពេលដែលមានចម្ងល់មួយថាតើក្រុមអ្នកសង្កេតការណ៍នេះអាចទុកចិត្តបានឬុយ៉ាងណា។ តួកគី៖ កងទ័ពតួកគីបាននិយាយថា ខ្លួនបានធ្វើការវាយប្រហារតាមអាកាសប្រឆាំងនឹងក្រុមបះបោរជនជាតិឃឺត (Kurdistan) នៅក្បែរព្រំដែនជាមួយប្រទេសអ៊ីរ៉ាក់ ប៉ុន្តែមិនបានបញ្ជាក់របាយការណ៍ពីមន្ត្រីមូលដ្ឋានដែលថា មានជនស៊ីវិលយ៉ាងតិច២៣នាក់បានស្លាប់ក្នុងការវាយប្រហារនោះទេ។ កៀហ្ស៊ីស៊ីស្ថាន៖ លោក អាលម៉ាហ្សបេក អាតាមបាយេវ (Almazbek Atambayev) ប្រធានាធិបតីរបស់ប្រទេសកៀហ្ស៊ីស៊ីស្ថាន បាននិយាយថា ការរក្សាទុកមូលដ្ឋានយោធាស.រ.អ នៅជិតអាកាសយានដ្ឋានស៊ីវិលរបស់ប្រទេសលោកគឺជារឿងគ្រោះថ្នាក់ខ្លាំងណាស់។ អូតង់/អាហ្វហ្គានីស្ថាន៖ អង្គការអូតង់បាននិយាយថា មានបុរសម្នាក់បានស្លៀកពាក់ឯកសណ្ឋានកងទ័ពឯកភាពជាតិរបស់អាហ្វហ្គានីស្ថាន បានសម្លាប់បុគ្គលិក២នាក់របស់ខ្លួនក្នុងប្រទេសអាហ្វហ្គានីស្ថានភាគខាងកើត។ ភូមា៖ ការផ្ទុះដ៏ខ្លាំងខ្លានៅឃ្លាំងមួយក្នុងទីក្រុងរង់ហ្គូន នៃប្រទេសភូមា បានសម្លាប់មនុស្សយ៉ាងតិច១៧នាក់ និងធ្វើ់ឲ្យរបួស៨០នាក់ផ្សេងទៀត។ សាក្សីបាននិយាយថា គេបានឮសំឡេងផ្ទុះយ៉ាងខ្លាំងនៅព្រឹកថ្ងៃព្រហស្បតិ៍នេះ នៅកន្លែងមួយដែលទំនងជាឃ្លាំងថ្នាំនៅក្នុងតំបន់ឧស្សាហកម្មមួយនាភាគខាងកើតនៃក្រុងរង់ហ្គូន។ <!--AV--> This posting includes an audio/video/photo media file: Download Now |
| ព័ត៌មានអន្តរជាតិវីអូអេ ២៩ ធ្នូ ព្រឹក Posted: 28 Dec 2011 08:10 PM PST ឥណ្ឌា៖ សកម្មជនល្បីល្បាញម្នាក់របស់ឥណ្ឌាដែលបានធ្វើយុទ្ធនាការដ៏ខ្លាំងក្លាដោយបង្ខំឲ្យក្រុមអ្នកតែងច្បាប់ប្រឈមមុខដោះស្រាយអំពើពុករលួយដែលកំពុងរីករាលដាលពាសពេញនោះបានបញ្ចប់កូដកម្មបង្អត់អាហាររបស់លោកមុនពេលកំណត់មួយថ្ងៃ។ កូរ៉េខាងជើង៖ ពលរដ្ឋកូរ៉េខាងជើងរាប់ម៉ឺននាក់បាននាំគ្នាយំសម្រក់ទឹកភ្នែក ដើម្បីសម្តែង គារវកិច្ចជាចុងក្រោយចំពោះសពលោកគីម យុងអ៊ីល មេដឹកនាំដ៏យូររបស់ខ្លួនកាលពីថ្ងៃពុធនេះ នៅពេលដែលរថយន្តដឹកសពពណ៌ខ្មៅមួយគ្រឿងបានដឹកម្ឈូសរបស់លោកកាត់តាមទីរដ្ឋធានីព្យុងយ៉ាង។ ភូមា៖ រដ្ឋមន្រ្តីការបរទេសឥណ្ឌូនេស៊ីបានសម្តែងការគាំទ្រចំពោះកិច្ចប្រឹងប្រែងរបស់ភូមា ដើម្បីប្តូរទៅរកលទ្ធិប្រជាធិបតេយ្យ តែលោកបន្ថែមថានៅមានកិច្ចការត្រូវធ្វើថែមទៀត។ អ៊ីរ៉ង់៖ កងយោធាអាមេរិកនិយាយថាខ្លួនមិនអាចអនុញ្ញាតឲ្យមានការអាក់ខាននៃចរាចរនៅក្នុងច្រកសមុទ្រអរមុសបានទេ ពេលដែលអ៊ីរ៉ង់បានគំរាមថានឹងរារាំងផ្លូវការដឹកនាំប្រេងឆ្លងកាត់តាមច្រកសមុទ្រនេះ។ ឥណ្ឌា៖ ជប៉ុនបានយល់ព្រមផ្តល់ជំនួយខ្លះៗដើម្បីជួយសង្គ្រោះរូបីយប័ណ្ណឥណ្ឌា ដែលកំពុងមានវិបត្តិ។ ស៊ីរី៖ សកម្មជននិយាយថា កងកម្លាំងសន្តិសុខស៊ីរីបានបាញ់កាំភ្លើងទៅលើក្រុមបាតុករនៅទីក្រុងហាម៉ាកាលពីថ្ងៃពុធ នៅពេលដែលក្រុមអ្នកសង្កេតការណ៍របស់សម្ព័ន្ធអារ៉ាប់កំពុងធ្វើទស្សនកិច្ចនៅទីក្រុងដទៃទៀត ដើម្បីពិនិត្យមើលសញ្ញានៃការបង្ក្រាបរបស់រដ្ឋាភិបាលទៅលើក្រុមអ្នកប្រឆាំង។ អេហ្ស៊ីប៖ អតីតប្រធានាធិបតីអេហ្ស៊ីប ហូស្ន៊ី មូបារ៉ាក់ បានឡើងតុលាការជាលើកដំបូងក្នុងពេលបីខែកន្លងទៅនេះ អំពីបទចោទប្រកាន់ទាក់ទងនឹងការស្លាប់របស់ក្រុមបាតុករប្រឆាំងរដ្ឋាភិបាលជាច្រើនរយនាក់នៅដើមឆ្នាំនេះ។ នីហ្សេរីយ៉ា៖ ភ្នាក់ងារនគរបាលនៅនីហ្សេរីយ៉ាភាគខាងត្បូង និយាយថាពួកអ្នកវាយប្រហារបានចោលគ្រាប់បែកមួយគ្រាប់ទៅលើសាលារៀនអារ៉ាប់មួយ បណ្តាលឲ្យរបួសមនុស្ស៧នាក់ ក្នុងពេលប៉ុន្មានថ្ងៃ ក្រោយពីមានការបំផ្ទុះគ្រាប់បែកជាច្រើនលើកនៅក្នុងវិហារគ្រឹស្តសាសនានៅពាសពេញប្រទេសរួចមក។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
