VOA News: ព័ត៌មាន: “លោកស្រីគ្លីនតុនជួបមេដឹកនាំអាស៊ាននៅមុនពេលកិច្ចប្រជុំសន្តិសុខ” plus 7 more |
- លោកស្រីគ្លីនតុនជួបមេដឹកនាំអាស៊ាននៅមុនពេលកិច្ចប្រជុំសន្តិសុខ
- លោកម៉ម សុណង់ដូនឹងវិលទៅកម្ពុជាវិញបើទោះបីជាលោកហ៊ុនសែនគំរាមចាប់ខ្លួន
- អាស៊ានគួរទទួលកិត្តិយសចំពោះកំណែទម្រង់នៅភូមា
- ស្នាដៃ កំណែទម្រង់ ទណ្ឌកម្មអន្តរជាតិ និងសមាជិកថ្មី របស់អាស៊ាន
- ហ្វីលីពីនជំរុញឲ្យមានការអនុវត្តសេចក្តីប្រកាសប្រតិបត្តិសមុទ្រចិនខាងត្បូងឲ្យបានពេញលេញ
- អាស៊ាននិងដៃគូស្នើឱ្យកូរ៉េខាងជើងឈប់បង្ករឿង
- មន្ត្រីកម្ពុជា៖ ជនជាតិបារាំងដែលជាប់ឃុំ ស្នើសុំឲ្យគេបញ្ជូនខ្លួនទៅប្រទេសចិន
- សកម្មភាពដែលយុវជនអាចធ្វើបានក្នុងការប្រយុទ្ធប្រឆាំងអំពើពុករលួយ (ហេឡូវីអូអេ ០៩ កក្កដា ២០១២)
| លោកស្រីគ្លីនតុនជួបមេដឹកនាំអាស៊ាននៅមុនពេលកិច្ចប្រជុំសន្តិសុខ Posted: 11 Jul 2012 01:09 PM PDT លោកស្រីរដ្ឋមន្រ្តីការបរទេសសហរដ្ឋអាមេរិកហ៊ីលឡារី គ្លីនតុនបានបើកសម័យប្រជុំថ្នាក់រដ្ឋមន្រ្តីអាមេរិកនិងអាស៊ានក្នុងទីក្រុងភ្នំពេញនៅថ្ងៃពុធនេះ។ កិច្ចប្រជុំនេះកើតឡើងនៅមុនពេលវេទិកាសន្តិសុខដ៏សំខាន់ដែលនឹងត្រូវរៀបចំធ្វើនៅថ្ងៃព្រហស្បតិ៍។ អមដំណើរលោកស្រីគ្លីនតុនក៏មានក្រុមអ្នកវិនិយោគអាមេរិកជាច្រើននាក់ដែលត្រូវចូលរួមក្នុងវេទិកាអ្នកជំនួញអាមេរិកនិងអាស៊ានដែលនឹងត្រូវរៀបចំធ្វើនៅថ្ងៃសុក្រក្នុងទីក្រុងសៀមរាប។ លោកហេងរស្មីអ្នករាយការណ៍ព័ត៌មានវីអូអេពិភាក្សាជាមួយនឹងលោកម៉ែន គឹមសេងអំពីបេសកកម្មរបស់លោកស្រីគ្លីនតុននៅកម្ពុជា។ <!--AV--> This posting includes an audio/video/photo media file: Download Now |
| លោកម៉ម សុណង់ដូនឹងវិលទៅកម្ពុជាវិញបើទោះបីជាលោកហ៊ុនសែនគំរាមចាប់ខ្លួន Posted: 11 Jul 2012 01:04 PM PDT រដ្ឋាភិបាលកម្ពុជាបានចោទប្រកាន់ពលរដ្ឋមួយចំនួនក្នុងខេត្តក្រចេះថា បានចូលរួមធ្វើអបគមន៍ហើយបានបង្រ្កាបយ៉ាងសាហាវនិងបានចេញបញ្ជាឱ្យតាមចាប់មេខ្លោងរបស់គេ។ លោកម៉ម សុណងដូ នាយកវិទ្យុសម្បុកឃ្មុំ និងជាប្រធានសមាគមអ្នកប្រជាធិបតេយ្យដែលរដ្ឋាភិបាលតាមរកចាប់ខ្លួនបានសម្រេចវិលទៅប្រទេសកម្ពុជាវិញនៅថ្ងៃពុធនេះ។ លោកម៉ែន គឹមសេងនៃវីអូអេបានសម្ភាសតាមប្រព័ន្ធស្កែព(Skype) ជាមួយនឹងលោកម៉ម សុណង់ដូនៅមុនពេលដែលលោកចេញដំណើរទៅប្រទេសកម្ពុជា។ សូមលោកអ្នកស្តាប់បទសម្ភាសនេះដូចតទៅ៖ <!--AV--> This posting includes an audio/video/photo media file: Download Now |
| អាស៊ានគួរទទួលកិត្តិយសចំពោះកំណែទម្រង់នៅភូមា Posted: 11 Jul 2012 10:24 AM PDT ខណៈដែលរដ្ឋមន្រី្តនៃសមាគមប្រជាជាតិអាស៊ីអាគ្នេយ៍ជួបគ្នានៅក្នុងជំនួបកំពូលមួយនៅកម្ពុជាក្នុងសប្តាហ៍នេះ អ្នកសង្កេតការណ៍មួយចំនួនបានសម្លឹងទៅរកឆ្នាំ២០១៤ស្រេចទៅហើយ ដែលនៅពេលនោះប្រទេសភូមានឹងធ្វើជាប្រធានអាស៊ាន។ នៅក្នុងបទសម្ភាសមួយជាមួយវីអូអេ លោកស៊ុរីន ពិតស៊ុវ៉ាន (Surin Pitsuwan) ដែលជាអគ្គលេខាធិការអាស៊ាន បានមានប្រសាសន៍ថា ប្លុកអាស៊ានគួរទទួលបានកិត្តិយសម្រាប់ការលើកទឹកចិត្តដល់កំណែទម្រង់នៅភូមា។ លោកបានសម្តែងភាពតានតឹងក្នុងចិត្តដែលការដាក់ទណ្ឌកម្មរបស់អន្តរជាតិមិនត្រូវបានលុបចោល។ នៅពេលដែលមេដឹកនាំអាស៊ានជួបជុំគ្នានៅភ្នំពេញនៅដើមខែមេសាកន្លងទៅនេះ មានសំណួរជាច្រើនផ្តោតលើប្រទេសភូមានៅពេលដែលទណ្ឌកម្មអន្តរជាតិនឹងត្រូវបានដក។ ភូមាទើបតែមានការបោះឆ្នោតពាក់កណ្តាលអាណត្តិ ដែលក្នុងពេលនោះលោកស្រីអង់ សានស៊ូជី ទទួលបានជ័យជម្នះ។ សហគមន៍អន្តរជាតិដែលរួមទាំងសហរដ្ឋអាមេរិក អូស្រា្តលី និងសភាពអឺរ៉ុប បានប្រកាសអំពីការបន្ធូរបន្ថយទណ្ឌកម្ម។ ប៉ុន្តែសម្រាប់អាស៊ាន គោលបំណងនោះគឺថា ចង់ឲ្យទណ្ឌកម្មនោះត្រូវបានលុបចោលទាំងស្រុង។ ទោះបីជាមានការជជែកជាសាធារណតិចតួចអំពីប្រទេសភូមានៅក្នុងកិច្ចប្រជុំថ្នាក់រដ្ឋមន្រ្តីនៅសប្តាហ៍នេះ លោកស៊ុរីន ពិតស៊ុវ៉ាន ដែលជាអគ្គលេខាធិការអាស៊ាន មានប្រសាសន៍ថា មេដឹកនាំតំបន់នៅតែយកចិត្តទុកដាក់លើបញ្ហានេះ។ «ខ្ញុំគិតថាសហរដ្ឋអាមេរិក និងសភាពអឺរ៉ុបបានអនុម័តយុទ្ធសាស្រ្តពីរដាច់ពីគ្នា។ សភាពអឺរ៉ុបព្យូរទណ្ឌកម្ម គឺមានន័យថា អាចដំណើរការទៅបាន ប៉ុន្តែទណ្ឌកម្មអាចត្រូវបានដាក់ឡើងវិញ។ សហរដ្ឋអាមេរិកបន្ធូរបន្ថយមួយជំហានម្តងមួយជំហានម្តង។ ដូច្នេះមានយុទ្ធសាស្ត្រពីរ។ យើងសូមសរសើរ។ ប៉ុន្តែយើងសង្ឃឹមថា វិធានការនេះនឹងចាត់ឲ្យបានឆាប់រហ័ស ហើយការវិវត្តនៅក្នុងប្រទេសភូមានឹងធានាដល់ការពិចារណាដ៏ជាក់លាក់នៃវិធានការសម្រាប់ទណ្ឌកម្ម»។ លោកស៊ូរិន បដិសេធយោបល់ដែលថា ភាពអល់ឯកនៃសហគមន៍អន្តរជាតិក្នុងការលុបចោលទណ្ឌកម្មទាំងស្រុងនឹងបណ្តាឲ្យមានការបែកបាក់ជាមួយអាស៊ាន។ «ខ្ញុំហៅវាថា ភាពតានតឹងក្នុងចិត្តដោយសារអ្វីៗដំណើរការមិនបានលឿនដូចការគិត។ ប៉ុន្តែដូចដែលខ្ញុំបាននិយាយមកហើយថា ទីបំផុត យើងត្រូវតែបណ្តោយតាមហ្នឹង។ វាជាសិទ្ធិផ្តាច់មុខនៃដៃគួចរចា នៃក្រុម និងប្រទេសធំក្នុងការសម្រេច។ ប៉ុន្តែអ្វីដែលយើងអាចធ្វើបាននោះគឺថា យើងអាចបង្ហាញដល់ពួកគេនូវអ្វីដែលយើងយល់ឃើញដែលថា អ្វីៗមានដំណើរតាមគន្លងត្រឹមត្រូវ។ យើងជឿជាក់ថា វានឹងមិនត្រឡប់ក្រោយវិញនោះទេ។ រដ្ឋាភិបាលភូមា ប្រជាពលរដ្ឋភូមា គួរទទួលបានការបន្ធួរបន្ថយក្នុងកម្រិតណាមួយ។ ដំណើរការគួរត្រូវបានធ្វើឡើងឲ្យបានលឿនជាងនេះ។ ប៉ុន្តែ អ្នកសង្កេតការណ៍មួយចំនួនវាយតម្លៃផ្សេង។ «អាស៊ានចង់ឲ្យទណ្ឌកម្មប្រឆាំងនឹងភូមាត្រូវបានលុបចោលពីព្រោះវាជាការរើសអើងប្រឆាំងនឹងសមាជិកមួយរបស់ខ្លួន។ គេឃើញកំណែទម្រង់មានដំណើរការប្រកបដោយភាពវិជ្ជមាន។ សហភាពអឺរ៉ុប សហរដ្ឋអាមេរិក អូស្រា្តលី និងប្រទេសណ័រវ៉េ បានដក និងព្យួរទណ្ឌកម្មរបស់ខ្លួន ប៉ុន្តែមិនបានលុបចោលទណ្ឌកម្មនោះទេ ដូច្នេះនៅពេលដែលមានដំណើរថយក្រោយណាមួយគេនឹងដាក់ទណ្ឌកម្មនោះត្រឡប់មកវិញ»។ លោក ថេយ័រ មានប្រសាសន៍ថា បញ្ហានោះគឺថាការបញ្ចប់ទណ្ឌកម្មមានភាពស្មុគស្មាញជាងការដាក់ទណ្ឌកម្មពីដំបូង។ «ទណ្ឌកម្មមានភាពស្មុគស្មាញពីព្រោះអ្នកត្រូវមានការយល់ព្រមជាឯកច្ឆន្ទនៅសហភាពអឺរ៉ុប ហើយនៅសហរដ្ឋអាមេរិក ទណ្ឌកម្មត្រូវបានដាក់ដោយសភា និងបញ្ជាប្រតិបត្តិរបស់ប្រធានាធិបតី។ ដូច្នេះទាំងពីរគឺមានភាពរញ៉េរញ៉ៃខ្លាំងណាស់។ វាជាការងាយស្រួលក្នុងការព្យួរជាជាងការទទួលបានការយល់ព្រមជាឯកច្ឆន្ទ»។ ប៉ុន្តែសម្រាប់ពេលនេះ លោក ស៊ូរីន មានប្រសាសន៍ថា លោកសម្លឹងទៅរកឆ្នាំ ២០១៤ ជាពេលដែលប្រទេសភូមានឹងធ្វើជាប្រធានអាស៊ាន។ «វាជាការលើកទឹកចិត្តរបស់យើងដែលថាប្រសិនបើអ្នកចង់ធ្វើជាប្រធានអាស៊ាន ដែលមានទាំងការទទួលខុសត្រូវ កិត្យានុភាព និងកិត្តិយស អ្នកត្រូវតែធ្វើកិច្ចការជាច្រើន។ ខ្ញុំគិតថា អាស៊ានមានតួនាទីសំខាន់ណាស់។ ពេលនេះយើងកំពុងជួយគេ។ យើងផ្តល់ឱកាសឲ្យគេ។ គេមកសង្កេតកិច្ចប្រជុំបែបនេះ។ កិច្ចប្រជុំដូចជានៅប្រទេសឥណ្ឌូណេស៊ី។ គេធ្វើកិច្ចការដើម្បីឆ្ពោះទៅរកឆ្នាំ២០១៤»។ ទោះបីជាអាស៊ានមានតួនាទីធំដុំក្នុងការធានាអធិបតីភាពរបស់ប្រទេសភូមា ឲ្យជៀសផុតពីបញ្ហាក៏ដោយ ក៏រដ្ឋាភិបាលភូមាត្រូវមានជំហរធ្វើកិច្ចការដើម្បីប្រយោជន៍ប្រទេសពីការដែលធ្វើជាប្រធានអាស៊ាននេះ។ ការបោះឆ្នោតជាទួទៅត្រូវបានគ្រោងនឹងធ្វើនៅឆ្នាំ២០១៥។ លោក ផាវីន ឆាឆាវ៉ាលភុងភុន (Pavin Chachavalpongpun) គឺជាអ្នកវិភាគនយោបាយនៅសាកល វិទ្យាល័យគីយ៉ូតុ (Kyoto)។ លោកមានប្រសាសន៍ថា ប្រសិនបើភូមាប្រាកដប្រជាក្នុងការរៀបចំការបោះឆ្នោតត្រឹមត្រូវ និងយុត្តិធម៌នោះ ភាពជាប្រធានអាស៊ាននឹងជួយលើកមុខមាត់របស់រដ្ឋាភិបាលភូមានៅក្នុងប្រទេស។ «ខ្ញុំគិតថា ឆ្នាំ ២០១៤គឺជាឆ្នាំដ៏សំខាន់សម្រាប់ទាំងប្រទេសភូមា និងអាស៊ាន។ ឆ្នាំ ២០១៤ គឺមួយឆ្នាំគត់មុនពេលបោះឆ្នោតទូទៅនៅភូមា។ ការដែលភូមាចង់ធ្វើជាប្រធានអាស៊ាននោះគឺពីព្រោះវាអាចដាក់ឲ្យរបបនេះស្របច្បាប់ និងអាចឈ្នះឆ្នោតឆ្នាំ២០១៥។ ប្រជាពលរដ្ឋអាចយល់ថា វាមិនមែនជារឿងសំខាន់ ប៉ុន្តែវាសំខាន់ណាស់ក្នុងបរិបទនយោបាយភូមា។ ដើម្បីមានលទ្ធភាពបើកទ្វារប្រទេស ដើម្បីនាំអ្នកវិនិយោគក្នុងតំបន់អាស៊ានប្រកបដោយសក្តានុពលជាច្រើនដែលរួមទាំងដៃគួចរចាអាស៊ានចូលវិនិយោគក្នុងប្រទេសភូមា ឱកាសនេះអាចជាពេលដែលភូមាត្រូវបង្ហាញ។ ដូច្នេះវាសំខាន់សម្រាប់ភូមាខ្លាំងណាស់»។ លោក ផាវីន មានប្រសាសន៍ថា ដូចគ្នានេះដែរ អាស៊ានចង់ធានាថា ភូមានឹងធ្វើជាប្រធានអាស៊ានដោយរលូន។ ហើយនេះប្រហែលជាមានន័យថា អាទិភាពសម្រាប់បញ្ហាផ្សេងៗទៀត ដូចជាសិទ្ធិមនុស្សនឹងទុកដោយឡែក។ ប្រែសម្រួលដោយ អ៊ឹម សុធារិទ្ធ This posting includes an audio/video/photo media file: Download Now |
| ស្នាដៃ កំណែទម្រង់ ទណ្ឌកម្មអន្តរជាតិ និងសមាជិកថ្មី របស់អាស៊ាន Posted: 11 Jul 2012 09:45 AM PDT រដ្ឋមន្ត្រីការបរទេសសមាគមប្រជាជាតិអាស៊ីអាគ្នេយ៍ជួបប្រជុំនៅទីក្រុងភ្នំពេញសប្តាហ៍នេះដើម្បីពិភាក្សាថ្នាក់ខ្ពស់។ លោក Surin Pitsuwan អគ្គលេខាធិការអាស៊ាន ដែលនឹងត្រូវចប់អាណត្តិនៅឆ្នាំនេះ និយាយជាមួយវីអូអេនៅក្នុងព្រឹត្តការណ៍ដោយឡែកមួយ។ លោកបានចែករំលែកទស្សនៈរបស់លោកស្តីអំពីស្នាដៃដែលអាស៊ានទទួលបានក្នុងអាណតិ្តរបស់លោកក្នុងនាមជាអគ្គលេខាធិការអាស៊ាន ជំហាននៃកំណែទម្រង់ ការបញ្ចប់ទណ្ឌកម្មអន្តរជាតិប្រឆាំងនឹងភូមា និងលទ្ធភាពនៃការចូលជាសមាជិកថ្មីរបស់ប្លុកអាស៊ាន។ សំណួរ៖ តើលោកមានស្នាដៃអ្វីខ្លះក្នុងអាណត្តិរបស់លោកជាអគ្គលេខាធិការអាស៊ាន? ចម្លើយ៖ សំខាន់បំផុតគឺអាស៊ានបានកើនមុខមាត់ថ្មី និងខ្ពស់ត្រដែតរបស់ខ្លួន។ មិនមែនដោយសារតែខ្ញុំទេ ប៉ុន្តែពីព្រោះតែមេដឹកនាំបានសម្រេចថា យើងនឹងចាប់ផ្តើមកសាងសហគមន៍។ យើងមានធម្មនុញ្ញ ហើយយើងមានរចនាសម្ព័ន្ធ ដើម្បីជំរុញគ្រប់វិស័យក្នុងកម្រិតមួយឆ្ពោះទៅរកការបង្កើតសហគមន៍មួយត្រឹមឆ្នាំ ២០១៥។ ដូច្នេះយើងមានប្រទេសចំនួន៦៤ឬ៦៥ ដែលបានបញ្ជូនឯកអគ្គរដ្ឋទូតមកធ្វើការជាមួយយើងនៅអគ្គលេខាធិការដ្ឋាន។ យើងមានអង្គការអន្តរជាតិ និងផ្នែកឯកជនដែលបានដឹងអំពីផ្លែផ្កានៃកិច្ចខិតខំប្រឹងប្រែងរបស់យើង។ ទីផ្សារនឹងត្រូវធ្វើសមារណកម្ម ហើយបើអ្នកវិនិយោគនៅក្នុងប្រទេសមួយក្នុងតំបន់ អ្នកអាចទាញយកប្រយោជន៍ពីតំបន់ទាំងមូល។ ពាណិជ្ជកម្មមានការរីកចម្រើន។ ពេលនេះពាណិជ្ជកម្មមានតម្លៃ២លាន៦សែនលានដុល្លារសហរដ្ឋអាមេរិក។ ប្រសិនបើយើងជាប្រទេសមួយ យើងនឹងឈរនៅលេខ៩ គឺលេខ៩ក្នុងបញ្ជីនៃប្រទេសដែលមានផលិតផលក្នុងស្រុកសរុប ឬGDP ខ្ពស់ជាងគេ។ ដូច្នេះខ្ញុំគិតថា វាមិនគា្រន់តែជាមុខមាត់នោះទេ តែជាការពិត។ វាមិនគ្រាន់តែជាការរំពឹងទុកប៉ុណ្ណោះទេ តែវាជាការទទួលបាន ដែលយើងកំពុងធ្វើកិច្ចការដើម្បីឆ្ពោះទៅរកការបង្កើតសហគមន៍ថ្មីមួយនៅក្នុងតំបន់។ ហើយប្រទេសដ៏ទៃអាចមកចាប់យកប្រយោជន៍ពីតំបន់ដែលកំពុងធ្វើសមាហរណកម្មបន្ថែមទៀត បង្កើនចំនួនប្រជាពលរដ្ឋថ្នាក់កណ្តាល និងលើកកម្ពស់អំណាចទិញ។ ដូច្នេះមិនមែនខ្ញុំទេដែលទទួលបានស្នាដៃនេះ ប៉ុន្តែខ្ញុំគ្រាន់តែជាអ្នកនាំពាក្យដែលពាំនាំព័ត៌មានចេញទៅក្រៅ ព្យាយាមផ្សព្វផ្សាយ ហើយពិភពលោកទទួលយកវា។ សំណួរ៖ តើលោកអាចបរិយាយពីកំណែទម្រង់ដែលត្រូវបានធ្វើនៅភូមាយ៉ាងដូចម្តេច? ហើយតើអាស៊ានមានតួនាទីអ្វីខ្លះក្នុងការលើកទឹកចិត្តដល់កំណែទម្រង់នេះ? ចម្លើយ៖ វាជាគំនិតរបស់យើង និងការលើកទឹកចិត្តរបស់យើងដែលថា គេគួរបើកចំហរ និងអញ្ជើញអ្នកសង្កេតការណ៍អន្តរជាតិពីក្រៅ ប្រព័ន្ធផ្សព្វផ្សាយពីក្រៅដើម្បីពិនិត្យស្ថានភាព ហើយវាជាការលើកទឹកចិត្តរបស់យើង ដែលថា ប្រសិនបើអ្នកចង់ធ្វើជាប្រធានអាស៊ាន ដែលមានទាំងការទទួលខុសត្រូវ កិត្យានុភាព និងកិត្តិយស អ្នកត្រូវតែធ្វើកិច្ចការជាច្រើន។ មិនគ្រាន់តែហេដ្ឋារចនាសម្ព័ន្ធប៉ុណ្ណោះទេ ប៉ុន្តែថែមទាំងរចនាសម័ន្ធផ្នែកច្បាប់ទំលាប់ទៀតផង។ ច្បាប់វិនិយោគ និងច្បាប់ប្រព័ន្ធផ្សព្វផ្សាយ ត្រូវតែរៀបចំឡើង ហើយរៀបចំឡើងឲ្យបានឆាប់។ ខ្ញុំគិតថា អាស៊ានមានតួនាទីសំខាន់ណាស់។ ពេលនេះយើងកំពុងជួយគេ។ យើងផ្តល់ឱកាសឲ្យគេ។ គេមកសង្កេតកិច្ចប្រជុំបែបនេះ។ កិច្ចប្រជុំដូចជានៅប្រទេសឥណ្ឌូណេស៊ី។ គេធ្វើកិច្ចការដើម្បីឆ្ពោះទៅរកឆ្នាំ ២០១៤។ ដូច្នេះអ្វីៗកំពុងមានដំណើរទៅរកទិសដៅត្រឹមត្រូវ។ ហើយយើងត្រេកអរដែលការផ្សះផ្សារកំពុងដំណើរការ។ វាដំណើរការក្នុងកម្រិតពីរ។ ទី១ គឺក្នុងកម្រិតជាតិក្នុងរង្វង់នយោបាយនៃគណបក្សប្រឆាំងនិងរដ្ឋាភិបាលភូមា។ ហើយមួយទៀតគឺការផ្សះផ្សាររវាងជាតិនិងជាតិ។ ខ្ញុំគិតថា វាមានដំណើរការទៅមុខ។ មានចន្លោះប្រហោងមួយចំនួន។ ប៉ុន្តែខ្ញុំគិតថា មានដំណើរការទៅល្អ។ នៅពេលដែលគេអាចផ្សះផ្សារក្នុងកម្រិតទាំងពីរនេះបាន ខ្ញុំគិតថា ភូមានឹងអាចចេញដំណើរបានហើយ។ សំណួរ៖ មានបញ្ហាជាក់លាក់មួយចំនួនទាក់ទងនឹងជម្លោះជាតិពន្ធ។ តើអាស៊ានមានចំណាប់អារម្មណ៍យ៉ាងម៉េចដែរ ហើយអាស៊ាននិយាយទៅកាន់ភូមាដូចម្តេចទៅ? ចម្លើយ៖ ភូមាគឺជាសមាជិកអាស៊ាន សមាជិកសហគមន៍អន្តរជាតិ ហើយអាស៊ានបានសម្តែងការចាប់អារម្មណ៍យ៉ាងប្រាកដប្រជាអំពីអ្វីដែលកំពុងកើតឡើង។ ប៉ុន្តែនោះ គឺជាអ្វីដែលភូមាកំពុងធ្វើដែលព្យាយាមស្វែងយល់អំពីអ្វីដែលជាមូលហេតុ និងអ្វីដែលជាមធ្យោបាយក្នុងការជៀសវាងបញ្ហាដដែលៗ។ អាស៊ានបានចាត់វិធានការដោះស្រាយបញ្ហានេះហើយ ជាពិសេសករណីជនជាតិរ៉ូហ៊ីងីយ៉ា (Rohingyas) នៅរដ្ឋ រ៉ាកហ៊ីន (Rakhine) តាំងពីឆ្នាំ២០១០។ យើងចង់ទទួលបានព័ត៌មានពិត និងមានជំហររួមស្តីពីបញ្ហានេះ។ ពេលនេះសហគមន៍អន្តរជាតិផុសផុលឡើង ហើយទីភ្នាក់ងារអង្គការសហប្រជាជាតិកំពុងពិនិត្យមើលបញ្ហានេះ។ យើងសង្ឃឹមថា ប្រទេសភូមានឹងមានចម្លើយសម្រាប់អាស៊ាន និងពិភពលោក។ សំណួរ៖ ទាក់ទងនឹងទណ្ឌកម្ម អាស៊ានបានរិះគន់ទណ្ឌកម្មអន្តរជាតិប្រឆាំងនឹងភូមាជាយូរមកហើយ។ ពេលនេះយើងឃើញថា សហរដ្ឋអាមេរិក អូស្រ្តាលី សភាពអឺរ៉ុប បានដកទណ្ឌកម្មប្រឆាំងនឹងភូមា។ ប៉ុនពួកគេមិនលុបចោលទេ។ តើអាស៊ានយល់យ៉ាងម៉េចដែរចំពោះបញ្ហានេះ? ចម្លើយ៖ យើងចង់ឲ្យទណ្ឌកម្មត្រូវបានលុបចោលទាំងស្រុង។ ប៉ុន្តែយើងក៏យល់ផងដែរថា ក្នុងករណីមួយចំនួន រដ្ឋាភិបាលខ្លះចង់ឃើញមានការវិវត្តបន្ទាប់ពីការបន្ធូរបន្ថយមួយកម្រិតនៃការរិតត្បិតទណ្ឌកម្ម។ ខ្ញុំគិតថា ទាំងនេះគឺជាគោលនយោបាយរបស់រដ្ឋាភិបាលនីមួយៗ។ ខ្ញុំគិតថាសហរដ្ឋអាមេរិក និងសភាពអឺរ៉ុបបានអនុម័តយុទ្ធសាស្រ្តពីរដាច់ពីគ្នា។ សភាពអឺរ៉ុបព្យូរទណ្ឌកម្ម គឺមានន័យថា អាចដំណើរការទៅបាន ប៉ុន្តែទណ្ឌកម្មអាចត្រូវបានដាក់ឡើងវិញ។ សហរដ្ឋអាមេរិកបន្ធូរបន្ថយមួយជំហានម្តងមួយជំហានម្តង។ ដូច្នេះមានយុទ្ធសាស្ត្រពីរ។ យើងសូមសរសើរ។ ប៉ុន្តែយើងសង្ឃឹមថា វិធានការនេះនឹងត្រូវធ្វើឡើងបានឆាប់រហ័ស ហើយការវិវត្តនៅក្នុងប្រទេសភូមានឹងធានាដល់ការពិចារណាដ៏ជាក់លាក់លើវិធានការសម្រាប់ទណ្ឌកម្ម»។ សំណួរ៖ ក្នុងករណីសមាជិកថ្មីរបស់អាស៊ាន តើពេលនេះពាក្យសុំនោះដល់ដំណាក់កាលណាហើយ? ចម្លើយ៖ ប្រទេសជាសមាជិកចង់ធ្វើឲ្យប្រាកដថា ការពង្រីកមិនត្រឹមតែប្រទេសទីម័រខាងកើតប៉ុណ្ណោះទេគឺការពង្រីកណាមួយក្នុងកាលទេសៈនេះ នឹងនាំប្រយោជន៍ដល់តំបន់ទាំងមូលជាជាងនំាំការគាបសង្កត់ និងបញ្ហាដែលអាចបង្កឲ្យមានការបំបែកកិច្ចប្រឹងប្រែងក្នុងការកសាងសហគមន៍។ ដូច្នេះគេបានបង្កើតក្រុមការងារដើម្បីពិនិត្យមើលបញ្ហាបន្ថែមនៃសមាជិកភាពអាស៊ាននេះ។ ប្រទេសទីម័រខាងកើតបានដាក់ពាក្យសុំធ្វើជាសមាជិក ដែលកំពុងត្រូវបានពិចារណា។ ហើយយើងគ្រាន់តែចង់ធ្វើឲ្យប្រាកដថា ដំបូង ទីម័រខាងកើតត្រូវរៀបចំខ្លួនរួចរាល់ក្នុងការចូលរួមគ្រប់សកម្មភាពរបស់អាស៊ាន។ វាជាសហគ្រាសដែលត្រូវការចំណាយច្រើន។ វាត្រូវការធនធានមនុស្សច្រើន។ វាត្រូវការធនធានហិរញ្ញវត្ថុច្រើន។ វាត្រូវការសហគមន៍ដែលមានការតាំងចិត្តផ្នែកនយោបាយ។ ដូច្នេះអាស៊ានសូមប្រយ័ត្នប្រយែងលើបញ្ហានេះ។ រដ្ឋជាសមាជិកអាស៊ានមួយចំនួនដូចជាឥណ្ឌូណេស៊ីន រៀបចំខ្លួនរួចហើយ។ ប៉ុន្តែ មានសមាជិកមួយចំនួនចង់ពិនិត្យឡើងវិញ។ ខ្ញុំគិតថាវាស្រ័យលើពេលវេលា។ ប្រែសម្រួលដោយ លោកអ៊ឹម សុធារិទ្ធ This posting includes an audio/video/photo media file: Download Now |
| ហ្វីលីពីនជំរុញឲ្យមានការអនុវត្តសេចក្តីប្រកាសប្រតិបត្តិសមុទ្រចិនខាងត្បូងឲ្យបានពេញលេញ Posted: 10 Jul 2012 05:38 PM PDT រដ្ឋមន្ដ្រីការបរទេសហ្វ៊ីលីពីនលោក Albert F. Del Rosario បានជំរុញក្នុងកិច្ចប្រជុំរដ្ឋមន្ដ្រីការបរទេសអាស៊ានបូក៣ កាលពីល្ងាចថ្ងៃអង្គារ៍ ឲ្យមានការអនុវត្តសេចក្ដីប្រកាសប្រតិបត្តិ (Declaration of Conduct) ឲ្យបានពេញលេញដើម្បីជំនួយដល់ការ តាក់តែងក្រមប្រតិបត្តិ (Code of Conduct) ស្ដីពីជម្លោះលើដែនសមុទ្រចិនខាងត្បូង។ ជម្លោះដែនដីនេះដែលជាប់ពាក់ព័ន្ធនឹងប្រទេសចំនួនបួន ហើយប្រទេសពីរក្នុងនោះគឺហ្វ៊ីលីពីននិងវៀតណាមបានធ្វើការតស៊ូយ៉ាងខ្លាំងក្លា។ លោកបញ្ជាក់ថា លោក Albert F. Del Rosario គ្រាន់តែចង់ឲ្យមាន «ការអនុវត្តប្រកបដោយប្រសិទ្ធភាពនៃសេចក្ដីប្រកាសប្រតិបត្តិ (Declaration of Conduct) ដើម្បីជំរុញឆ្លោះទៅរកការបញ្ចប់ក្រមប្រតិបត្តិ»។ ឆ្លើយទៅនឹងសំណួររបស់អ្នកកាសែតជាភាសាចិន លោក Yang Gie Chi រដ្ឋមន្ដ្រីការបរទេសចិនបញ្ជាក់ថា ប្រទេសចិនមានជំនឿថា«សន្ទុះជាវិជ្ជមាននិងសហប្រតិបត្តិការក្នុងបញ្ហាសមុទ្រចិនខាងត្បូងនេះ» នឹងមានការគាំទ្រ ហើយភាពជឿនលឿន «ក្នុងការរក្សាសន្តិភាព ស្ថេរភាពក្នុងតំបន់នឹងមិនត្រូវប៉ះពាល់ឬរារាំងនោះទេ»៕ This posting includes an audio/video/photo media file: Download Now |
| អាស៊ាននិងដៃគូស្នើឱ្យកូរ៉េខាងជើងឈប់បង្ករឿង Posted: 10 Jul 2012 09:00 PM PDT សមាគមប្រជាជាតិអាស៊ីអាគ្នេយ៍ហៅថាអាស៊ាននិងប្រទេសបីទៀតគឺចិន ជប៉ុន និងកូរ៉េខាងត្បូងជំរុញឲ្យកូរ៉េខាងជើងបញ្ចប់ជម្លោះនិងបញ្ឈប់ការបង្ករឿងក្នុង ឧបទ្វីបកូរ៉េ។ នៅក្នុងសេចក្តីប្រកាសព័ត៌មាននៃកិច្ចប្រជុំអាស៊ានបូក៣ដែលមានរដ្ឋមន្ត្រីការ បរទេស១០ប្រទេសរបស់អាស៊ាននិងរដ្ឋមន្ត្រីការបរទេសចិន ជប៉ុន កូរ៉េខាងត្បូង ក្រោមអធិបតីភាពរបស់លោកឧបនាយករដ្ឋមន្ត្រី ហោ ណាំហុងរដ្ឋមន្ត្រីការ បរទេសកម្ពុជាបានបញ្ជាក់ថា៖ «រដ្ឋមន្ត្រីការបរទេសបានគូសបញ្ជាក់ពីសារៈសំខាន់នៃសន្តិភាព សន្តិសុខ និង ស្ថិរភាពក្នុងឧបទ្វីបកូរ៉េ ហើយជំរុញដល់ភាគីពាក់ព័ន្ធមិនត្រូវធ្វើឲ្យមានការ បង្កជម្លោះបន្ថែមទៀតទេ តែត្រូវធ្វើតាមកាត្វកិច្ចរបស់ខ្លួនតាមសេចក្តីសម្រេចនានារបស់ក្រុមប្រឹក្សាសន្តិសុខអសបដែលទាក់ទងរឿងនេះរួមទាំងការប្តេជ្ញា ចិត្តរបស់ខ្លួនតាមសេចក្តីថ្លែងការណ៍រួមនៃកិច្ចចរចា៦ភាគីដែលរៀបចំដោយក្រុមប្រឹក្សាសន្តិសុខអ.ស.បកាលពីឆ្នាំ២០០៥»។ សេចក្តីថ្លែងការណ៍ដដែលបានបញ្ជាក់បន្ថែមថា៖«ក្រុមរដ្ឋមន្ត្រីការបរទេស ទាំងនោះបានអំពាវនាវដល់គ្រប់ភាគីជាពិសេសកូរ៉េខាងជើងឲ្យចូលរួមរកគ្រប់លទ្ធភាពក្នុងការចូលរួមកិច្ចពិភាក្សាដោយសន្តិភាពដែលអាចនាំទៅដល់ ការបង្កើតបរិយាកាសទុកចិត្តគ្នាក្នុងចំណោមភាគីពាក់ព័ន្ធ»។ ប្រទេសកូរ៉េខាងជើងកាលពីខែមេសានិងថ្មីៗបានបាញ់សាកល្បងកាំជ្រួចហើយ គំរាមសាកល្បងកាំជ្រួចប្រល័យលោករបស់ខ្លួនដែលធ្វើឲ្យមានការបារម្ភពី ប្រទេសនានាក្នុងតំបន់។ រដ្ឋមន្ត្រីការបរទេសមកពីប្រទេសជិត៣០រួមទាំងលោកស្រី ហ៊ីលឡារី គ្លីនតុន គ្រោងនឹងជួបប្រជុំគ្នានៅថ្ងៃទី១២ខែកក្កដាខាងមុខក្នុងរាជធានីភ្នំពេញដើម្បីជជែកពីបញ្ហាសន្តិសុខតំបន់ដូចជាបញ្ហាឧបទ្វីបកូរ៉េ និងបញ្ហាជម្លោះដែន សមុទ្រភាគខាងត្បូងប្រទេសចិន។ រដ្ឋមន្ត្រីការបរទេសកូរ៉េខាងជើង Pak Ui Chun គ្រោងនឹងចូលរួមក្នុងកិច្ចប្រជុំ ដែលកម្ពុជាជាម្ចាស់ផ្ទះនោះដែរ ដោយបង្ហាញពីបំណងព្រមចរចា៦ភាគី ឡើងវិញបន្ទាប់ពីដកខ្លួនថយកាលពីខែមេសាឆ្នាំ២០០៩ ឈប់ចរចាជាមួយសរអា រុស្ស៊ី ចិន ជប៉ុន កូរ៉េខាងត្បូង។ នៅក្នុងកិច្ចប្រជុំអាស៊ានបូក៣ក្រុមរដ្ឋមន្ត្រីការបរទេសបានព្រមព្រៀងគ្នាលើ បញ្ហាជាច្រើនទៀតរួមទាំងការប្តេជ្ញាធានាដល់សន្តិសុខស្បៀងក្នុងតំបន់ និងការព្រមព្រៀងតាមសំណើកម្ពុជាក្នុងការដាក់ទីក្រុងសៀមរាបជា «តំបន់ វប្បធម៌អាស៊ីបូព៌ាឆ្នាំ២០១២» ផងដែរ។ ក្រុងសៀមរាបដែលមានប្រាសាទអង្គរជាបេតិកភណ្ឌពិភពលោករួចទៅហើយនោះត្រូវគេចាត់ទុកថាជាតំបន់ទេសចរណ៍ដ៏ធំហើយរកចំណូលថវិកាជាតិរាប់លានដុល្លារក្នុងមួយឆ្នាំៗ៕ This posting includes an audio/video/photo media file: Download Now |
| មន្ត្រីកម្ពុជា៖ ជនជាតិបារាំងដែលជាប់ឃុំ ស្នើសុំឲ្យគេបញ្ជូនខ្លួនទៅប្រទេសចិន Posted: 10 Jul 2012 05:42 PM PDT មន្ត្រីជាន់ខ្ពស់រដ្ឋាភិបាលកម្ពុជាបាននិយាយថា ជនជាតិបារាំងដែលរដ្ឋាភិបាលបានចាប់ខ្លួនពីបទសង្ស័យថាជាប់ពាក់ព័ន្ធនឹងលោក Bo Xilaiអ្នកនយោបាយដែលមានកេរ្តិ៍ឈ្មោះមិនល្អនៅក្នុងប្រទេសចិន បានស្នើសុំមករដ្ឋាភិបាលឲ្យបញ្ជូនខ្លួនទៅកាន់ប្រទេសចិនដើម្បីធ្វើការជំនុំជម្រះទោសនៅទីនោះ។ លោកប៉ាទ្រិក ដេវីល្ល័រ(Patrick Devellers) អាយុ៥២ឆ្នាំត្រូវបានអាជ្ញាធររដ្ឋាភិបាលកម្ពុជាចាប់ខ្លួនកាលពីថ្ងៃទី១៣ខែមិថុនា តាមសំណើមួយរបស់រដ្ឋាភិបាលនៃប្រទេសចិន ពីបទសង្ស័យថាលោកមានទំនាក់ទំនងយ៉ាងជិតស្និទ្ធិជាមួយលោក Bo Xilai អ្នកនយោបាយដែលមានកេរ្តិ៍ឈ្មោះមិនល្អក្នុងប្រទេសចិន។ លោកPatrick Devellers កំពុងស្ថិតនៅក្រោមការគ្រប់គ្រងរបស់នាយកដ្ឋានអន្តោប្រវេសន៍នៃក្រសួងមហាផ្ទៃ។ ក៏ប៉ុន្តែរដ្ឋាភិបាលកម្ពុជាបានអះអាងថា នឹងដោះលែងលោក Patrick ឲ្យមានសេរីភាពឡើងវិញ ប្រសិនណាបើពុំមានការរកឃើញថា លោកមានទោសកំហុសនៅក្នុងអំឡុងពេលនៃការឃុំខ្លួនបានរយះពេលពីរខែ។ លោកឧត្តមសេនីយ៍ឯក ខៀវ សុភ័ក្រ អ្នកនាំពាក្យក្រសួងមហាផ្ទៃបានមានប្រសាសន៍ថា កម្ពុជាមិនជំទាស់ទេប្រសិនណាបើភាគីសាមីសុំធ្វើបត្យាប័នទៅកាន់ប្រទេសណានោះ។ លោកបានមានប្រសាសន៍ថា តាមដំណឹងលោក Patrick Devellers ខ្លួនឯងមានទំនោរស្នើសុំបត្យាប័នទៅកាន់ប្រទេសចិន ហើយកម្ពុជាត្រូវការឲ្យលោកPatrickបំពេញឯកសារមុននឹងសម្រេចបញ្ជូនចេញពីប្រទេសកម្ពុជា។ «គាត់ដូចជាមានទំនោរទៅចិន គាត់ខ្លួនគាត់នោះណា។ អញ្ជើញទៅណាតាមការសម្រេចរបស់ខ្លួនគាត់ទេ។ ហើយបើគាត់សម្រេចទៅចិន OK យើងក៏ផ្តល់ជូនទៅតាមអ្វីដែលគាត់សម្រេចផ្ទាល់ខ្លួន ក៏ប៉ុន្តែត្រូវមានការជាលាយល័ក្ខណ៍អក្សរ។ យើងទាំងអស់គ្នាត្រូវតែមានតម្លាភាព»។ លោកស្រី Laurence Bernardi អ្នកនាំពាក្យស្ថានទូតបារាំងប្រចាំប្រទេសកម្ពុជាបាននិយាយថា លោកស្រីគ្មានព័ត៌មានអ្វីដែលត្រូវធ្វើអត្ថាធិប្បាយបន្ថែមទៀតទេ។ ក៏ប៉ុន្តែទោះជាយ៉ាងណាក៏ដោយ ក៏លោក Bernard Valeroអ្នកនាំពាក្យក្រសួងការបរទេសបារាំងកាលពីខែមុន បានបញ្ចាក់នៅក្នុងសេចក្តីប្រកាសព័ត៌មានរបស់ខ្លួន ថាបារាំងនឹងតាមដានយ៉ាងដិតដល់បំផុតចំពោះលោក Patrick Devellers។ លោក Patrick Devellers ធ្លាប់បានមករស់នៅទីក្រុងភ្នំពេញ ហើយលោកក៏ជាម្ចាស់កម្មសិទ្ធិដីមួយកន្លែងនៅទីក្រុងកែប ដែលកន្លងមកលោកមិនធ្លាប់ត្រូវបានចោទប្រកាន់អ្វីទាំងអស់ពាក់ព័ន្ធនឹងបទឧក្រិដ្ឋ។ លោក ប៉ាទ្រិក ដេវីល្ល័រ ធ្លាប់មានទំនាក់ទំនងយ៉ាងជិតស្និទ្ធជាមួយនឹងលោកអ្នកស្រី ហ្គូ កៃឡៃ (Gu Kailai) ភរិយាលោក Bo Xilai អតីតអ្នកនយោបាយប្រឆាំងនឹងរដ្ឋាភិបាលចិនមួយរូប ហើយលោក Bo Xilai កំពុងជាប់ឃុំឃាំងពីបទធ្វើចារកម្មលើមន្ត្រីចិនជាន់ខ្ពស់ ដោយខុសច្បាប់។ អ្នកស្រី ហ្គូ កៃឡៃ ត្រូវបានអាជ្ញាធរចាប់ខ្លួនកាលពីអំឡុងខែមេសា ពីបទសង្ស័យថាជាប់ពាក់ព័ន្ធនឹងការធ្វើឃាតលោក ណេល ហេវូដ (Neil Heywood) ពាណិជ្ជករជនជាតិអង់គ្លេសមួយរូប៕ This posting includes an audio/video/photo media file: Download Now |
| Posted: 10 Jul 2012 04:38 PM PDT យុវជនមានចំនួនភាគច្រើននៅក្នុងប្រទេសកម្ពុជា។ ខណៈដែលអំពើពុករលួយកំពុងរីករាលដាលពាសពេញប្រទេស តើក្រុមពលរដ្ឋវ័យក្មេងទាំងនោះ អាចធ្វើអ្វីបានខ្លះនិងដោយរបៀបណា ដើម្បីជួយដោះស្រាយបញ្ហានេះ? <!--IMAGE-LEFT--> វាគ្មិនដែលចូលមកបកស្រាយប្រធានបទនេះគឺ លោក ព្រាប កុល នាយកប្រតិបត្តិនៃអង្គការតម្លាភាពអន្តរជាតិកម្ពុជា។ សូមស្តាប់សំឡេងទាំងស្រុងនៃកម្មវិធី «សំឡេងយុវជន» (ហេឡូវីអូអេ) ដូចតទៅ៖ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
