VOA News: ព័ត៌មាន: “កម្ពុជានិងថៃយល់ព្រមដកទ័ពចេញពីតំបន់ជាប់ប្រាសាទព្រះវិហារ” plus 4 more |
- កម្ពុជានិងថៃយល់ព្រមដកទ័ពចេញពីតំបន់ជាប់ប្រាសាទព្រះវិហារ
- អាស៊ានមិនទាន់ព្រមព្រៀងលើក្រមប្រតិបត្តិស្តីពីជម្លោះដែនសមុទ្រខណៈជំនួបឈានដល់ទីបញ្ចប់
- ការចរចារបស់អាស៊ានផ្តោតលើជម្លោះក្នុងសមុទ្រចិនខាងត្បូង
- លោកម៉ម សុណង់ដូមកដល់កម្ពុជាវិញបើទោះបីជាមានការគំរាមកំហែង
- ការប្រឈមមុខរបស់អាស៊ាននិងជម្លោះក្នុងតំបន់ (ហេឡូវីអូអេ ១២ មិថុនា ២០១២)
| កម្ពុជានិងថៃយល់ព្រមដកទ័ពចេញពីតំបន់ជាប់ប្រាសាទព្រះវិហារ Posted: 13 Jul 2012 10:53 AM PDT ប្រទេសកម្ពុជានិងថៃបានយល់ព្រមដកកងទ័ពប្រយុទ្ធចេញពីតំបន់ជាប់ប្រាសាទព្រះវិហារហើយដាក់ជំនួសវិញដោយកម្លាំងនគរបាល។ នេះបើតាមការបញ្ជាក់របស់មេដឹកនាំនៃប្រទេសទាំងពីរ។ លោកហេង រស្មី អ្នកឆ្លើយឆ្លងព័ត៌មានវីអូអេបានរាយការណ៍ថាលោកហ៊ុន សែននាយករដ្ឋមន្រ្តីកម្ពុជានិងលោកស្រីយីងឡាក់ ស៊ីណាវ៉ាត់នាយករដ្ឋមន្ត្រីថៃបានជួបប្រជុំគ្នានៅឯកិច្ចប្រជុំក្រៅកិច្ចប្រជុំវេទិការធុរៈកិច្ចអាមេរិកនិងអាស៊ានក្នុងខេត្តសៀមរាបកាលពីថ្ងៃសុក្រនេះ។ ការដកចេញនេះនឹងប្រព្រឹត្តធ្វើឡើងនៅថ្ងៃទី១៨ ខែកក្កដាសម្រាប់ភាគីកម្ពុជាប៉ុន្តែគេនៅមិនទាន់ដឹងថាភាគីថៃនឹងធ្វើនៅពេលណាទេ។ អ្នកឆ្លើយឆ្លងព័ត៌មានវីអូអេបានបញ្ជាក់បន្ថែមទៀតថា ការជួបប្រជុំនេះធ្វើឡើងក្រោយពីប្រទេសកម្ពុជាធ្វើលិខិតតវ៉ាទៅស្ថានទូតថៃនិងក្រឡាបញ្ជីតុលាការក្រុងឡាអេដោយសារទាហានថៃបានរាយលួសបន្លានៅជិតតំបន់ប្រាសាទព្រះវិហារកាលពីពេលថ្មីៗនេះ។ បរិវេណដែលត្រូវដកចេញមិនឱ្យមានវត្តមានកងទ័ពមានចំនួន១៧គីឡូម៉ែត្រដែលដីការបស់បង្គាប់របស់តុលាការក្រុងឡាអេបានធ្វើឡើង៕ <!--AV--> This posting includes an audio/video/photo media file: Download Now |
| អាស៊ានមិនទាន់ព្រមព្រៀងលើក្រមប្រតិបត្តិស្តីពីជម្លោះដែនសមុទ្រខណៈជំនួបឈានដល់ទីបញ្ចប់ Posted: 12 Jul 2012 08:31 PM PDT មន្ត្រីរាដ្ឋាភិបាលមួយរូបនៃប្រទេសជាសមាជិកអាស៊ាន បានស្តីបន្ទោសកាលពីថ្ងៃព្រហស្បតិ៍ដល់សមាគមប្រជាជាតិអាស៊ីអាគ្នេយ៍ចំពោះអ្វីដែលសមាគមនេះមិនអាចឈានទៅដល់កិច្ចព្រមព្រៀងរួមលើក្រមប្រតិបត្តិស្តីពីជម្លោះសមុទ្រចិនខាងត្បូង។ ក្រមប្រតិបត្តិនេះ ដែលត្រូវបានរំពឹងថានឹងក្លាយទៅជាយន្តការសម្រាប់អភិវឌ្ឍដើម្បីបញ្ចៀសជម្លោះដ៏តានតឹងខាងលើ។ ជម្លោះនោះដែលជាប់ទាក់ទងទៅនឹងប្រទេសដែលជាសមាជិកអាស៊ានចំនួនបួនរួមមានប្រទេសវៀតណាម ហ្វីលីពីន ម៉ាឡេស៊ី និងប៊្រុយនេ ជាពិសេសពាក់ព័ន្ធទៅនឹងអាជីវកម្មទៅលើដែនសមុទ្រ។ លោក ម៉ាទី ណាតាឡេហ្គាវ៉ា (Marty M. Natalegawa) រដ្ឋមន្ត្រីការបរទេសឥណ្ឌូនេស៊ីបានបង្ហាញការខកចិត្តចំពោះអាស៊ានដែលមិនបានសម្រេចទៅលើក្រមប្រតិបត្តិលើកិច្ចប្រជុំកាលពីថ្ងៃព្រហស្បតិ៍។ «ខ្ញុំគិថា ពិតជាមិនមែនជាការទទួលខុសត្រូវទេប្រសិនបើយើងមិនអាចឈានទៅដល់ការសម្រេចប្រការរួមស្តីពីបញ្ហាជម្លោះនៃដែនសមុទ្រចិនខាងត្បូងនោះ។ នេះគឺជាពេលវេលាដែលអាស៊ាន ត្រូវតែធ្វើឲ្យគេមើលឃើញថាខ្លួនឯងសកម្មនៅពេលដែលប្រទេសផ្សេងទៀតនៅក្នុងតំបន់រំពឹងថា អាស៊ាននឹងសកម្ម។ ហេតុនេះហើយ វាគួរឲ្យខកចិត្តខ្លាំងណាស់ដែលយើងមិនអាចសម្រេចបញ្ហានេះបាន»។ លោក ម៉ាទី ណាតាឡេហ្កាវ៉ា បានថ្លែងយ៉ាងដូច្នេះនៅពេលដែលក្រុមរដ្ឋមន្ត្រីការបរទេសអាស៊ានបានបញ្ចប់កិច្ចប្រជុំពេញអង្គរបស់ខ្លួន និងវេទិកាប្រចាំតំបន់ដែលចូលរួមដោយរដ្ឋមន្ត្រីការបរទេសអាស៊ីផ្សេងទៀត រួមទាំងមានការចួលរួមរបស់លោកស្រី ហ៊ីឡារី គ្លីនតុន រដ្ឋមន្ត្រីការបរទេសសហរដ្ឋអាមេរិកផងដែរ។ លោក ស៊ុរីន ពិស៊ុវ៉ាន (Surin Pitsuwan) អគ្គលេខាធិការអាស៊ានបានបញ្ជាក់ឡើងវិញថាពាក្យគន្លឹះ និងការប្រើប្រាស់ដែនទឹកស្ថិតនៅក្នុងភាពចម្រូងចម្រាសនៅក្នុងកិច្ចពិភាក្សា។ លោកបញ្ជាក់ថានេះគឺជាបញ្ហាបច្ចេកទេស។ «ពេលនេះគឺជាការយឺតយ៉ាងដោយបញ្ហាបច្ចេកទេសនៅក្នុងចំណោមបណ្តាប្រទេសអាស៊ាន ដែលយើងមិនអាចរកដំណោះស្រាយ ឬជំហររួមលើបញ្ហាតែមួយប៉ុណ្ណោះ។ ខ្ញុំគិតថាដៃគូពិភាក្សាទាំងអស់ និងប្រទេសមហាអំណាចសំខាន់ៗនៅតែគាំទ្រ និងសង្ឃឹមថាអាស៊ានដើរតួនាទីយ៉ាងសំខាន់នៅក្នុងន័យនេះ»។ លោក កៅ គឹមហ៊ួន រដ្ឋលេខាធិការការបរទេសកម្ពុជា និងជាអ្នកនាំពាក្យកិច្ចប្រជុំរដ្ឋមន្ត្រីការបរទេសអាស៊ានទៅក្នុងទីក្រុងភ្នំពេញបានថ្លែងនៅក្នុងសន្និសីទព័ត៌មានថា ការជជែកគ្នារវាងរដ្ឋមន្ត្រីការបរទេសអាស៊ានបានផ្តោតការព្រួយបារម្ភចំពោះការអនុវត្តសេចក្តីប្រកាសប្រតិបត្តិលើក្រមប្រតិបត្តិ និងការគោរពសេរីភាពនៃការធ្វើនាវាចរណ៍នៅដែនសមុទ្រចិនខាងត្បូងរួមទាំងកង្វល់ទៅលើការទទួលស្គាល់ច្បាប់អន្តរជាតិនៅលើដែនសមុទ្រជាដើម។ លោក កៅ គឹមហ៊ួន មិនទាន់សន្និដ្ឋានថាតើកិច្ចប្រជុំលើកនេះអាចឈានទៅដល់កិច្ចព្រមព្រៀងសម្រាប់អនុម័តក្រមប្រតិបត្តិ ឬយ៉ាងណា។ «យើងឃើញថាការចរចានៅពេលនេះ មិនទាន់បានសម្រេចនៅឡើយ។ អញ្ចឹងយើងសង្ឃឹមថា អាចមានការពិភាក្សាបន្តទៅទៀត»។ កាលពីថ្ងៃពុធ ចិនបានទទួចឲ្យអាស៊ានគិតគូរយ៉ាងម៉ត់ចត់នៅក្នុងការសម្រេចទៅលើក្រមប្រតិបត្តិនេះ។ លោកស្រី ហ៊ីឡារី គ្លីនតុន (Hillary Clinton) ប្រមុខការទូតសហរដ្ឋអាមេរិកបានដាក់សម្ពាធលើចិនឲ្យទទួលយកក្រមប្រតិបត្តិនេះ។ លោកស្រី គ្លីនតុន ក៏បានជួបពិភាក្សាជាមួយរដ្ឋមន្ត្រីការបរទេសចិនដាច់ដោយឡែកនៅក្នុងក្របខណ្ឌកិច្ចប្រជុំអាស៊ានផងដែរ។ យោងតាមសេចក្តីប្រកាសព័ត៌មានរបស់ក្រសួងការបរទេសចិន ភាគីទាំងពីរបានលើកពីសារៈសំខាន់នៃសហប្រតិបត្តិការ ការធ្វើទំនាក់ទំនងដោយយោគយល់គ្នា៕ This posting includes an audio/video/photo media file: Download Now |
| ការចរចារបស់អាស៊ានផ្តោតលើជម្លោះក្នុងសមុទ្រចិនខាងត្បូង Posted: 12 Jul 2012 08:20 PM PDT លោកស្រីរដ្ឋមន្រ្តីការបរទេសសហរដ្ឋអាមេរិក ហ៊ីឡារី គ្លីនតុន (Hillary Clinton) បានចូលរួមជាមួយមន្រ្តីជាន់ខ្ពស់តំបន់អាស៊ីអាគ្នេយ៍ដើម្បីពិភាក្សាកម្រិតខ្ពស់នៅកម្ពុជាកាលពីថ្ងៃព្រហស្បតិ៍ម្សិលម៉ិញ។ ជំនួបរបស់អស់លោករដ្ឋមន្រ្តីសមាគមប្រជាជាតិអាស៊ីអាគ្នេយ៍ បាននិយាយសម្រាលការរង្កៀសចិត្តរវាងរដ្ឋជាសមាជិកអាស៊ាននិងចិនអស់រយៈពេលមួយសប្តាហ៍ពេញ។ នៅខាងក្រោយឆាក មានការតានតឹងបន្តិចបន្តួចចាប់តាំងពីជម្លោះផ្លូវនាវាចរណ៍បានបន្តធ្វើឲ្យមានភាពខុសគ្នាជាមួយនឹងការធានាអះអាងជាសាធារណៈនៃកិច្ចសហប្រតិបត្តិការ រវាងគ្នានិងគ្នារបស់អស់លោករដ្ឋមន្រ្តី។ ចូលក្នុងសប្តាហ៍នេះ អ្នកវិភាគ បានព្យាករណ៍ថា ភាពតានតឹងនៅសមុទ្រចិនខាងត្បូងនឹងបង្កើតជាផ្នែកដ៏សំខាន់មួយនៃការពិភាក្សានៅក្នុងទីក្រុងភ្នំពេញ។ ជម្លោះនោះបានដាក់ប្រទេសបួនដែលជាសមាជិក អាស៊ានឲ្យមានការប្រកួតប្រជែងទាមទារទឹកដីនោះប្រឆាំងនឹងចិន ដែលបានទាមទារផ្នែកភាគច្រើននៃដែនទឹកនោះ។ ប៉ុន្តែ នៅសប្តាហ៍នេះ មានការផុសចេញនៃភាពចម្រូងចម្រាសកាន់តែខ្លាំងឡើងហួសពីព្រំដែនអាស៊ាន។ ជប៉ុន បានប្រកាសថាខ្លួន បានចាប់ផ្តើមធ្វើការប្រឆាំងតវ៉ាជាផ្លូវការជាមួយចិន បន្ទាប់ពីនាវាចិន បានបើកជិតប្រជុំកោះសិនកាគុ (Senkaku) ដែលជាកោះដាច់ស្រយាលដែលបានទាមទារដោយប្រទេសទាំងពីរ។ ទាំងជប៉ុននិងចិន ជាសមាជិកនៃដៃគូសន្ទនាមិនពេញសិទ្ធិរបស់អាស៊ាន។ ប៉ុន្តែ បញ្ហានេះ នៅតែកើតឡើងក្នុងអំឡុងពេលនៃការពិភាក្សាទ្វេភាគីនៅសប្តាហ៍នេះ។ លោកស្រី ណាអុកុ សាអ៊ីគី (Naoko Saiki) ជាអ្នកនាំពាក្យឲ្យរដ្ឋមន្រ្តីការបរទេសជប៉ុន។ «ដោយផ្អែកលើការពិតនៃប្រវត្តិសាស្រ្តនិងមូលដ្ឋាននៃច្បាប់ប្រវត្តិសាស្រ្ត មិនមានការងឿងឆ្ងល់ថាប្រជុំកោះសិនកាគុ ជាដែនដីពីសម័យបុរាណរបស់ជប៉ុន។ បន្ថែមពីនេះទៀត ជប៉ុន បានរក្សាការត្រួតត្រាប្រកបដោយសុពលភាពលើប្រជុំកោះទាំងនោះ។ » ក្នុងសេចក្តីថ្លែងការណ៍នៅសប្តាហ៍នេះ ស្ថានទូតចិនក្នុងទីក្រុងភ្នំពេញ បានបញ្ជាក់ថា លោក យ៉ាង ជៀជី (Yang Jiechi) បានជួបជាមួយលោក កូអ៊ីឈីរ៉ូ ហ្គេមបា (Koichiro Gemba) រដ្ឋមន្រ្តីការបរទេសជប៉ុននៅខាងក្រៅជំនួប អាស៊ាន សេចក្តីថ្លែងការណ៍ បានប្រាប់ឲ្យដឹងថាលោក យ៉ាងបានបញ្ជាក់ថាប្រជុំកោះដែលគេស្គាល់នៅក្នុងប្រទេសចិនថាជា ដៅយូ (Diaoyu) ជានិច្ចជាកាលបានស្ថិតនៅក្នុងទឹកដីរបស់ចិនចាប់តាំងពីសម័យបុរាណមក ដែលចិន មានអធិបតេយ្យភាពដែលគ្មានប្រទេសណាអាចទាមទារបាន។ ជាសាធារណៈប្រទេសទាំងពីរប្រកាសថាពួកគេនឹងមិនធ្វើឲ្យជម្លោះនោះប៉ះពាល់ដល់ទំនាក់ទំនងរបស់ខ្លួនទេ។ ប៉ុន្តែសម្រាប់ហ្វីលីពីន ដែលជាសមាជិកអាស៊ាន ដែរនោះ បានព្យាយាមធ្វើឲ្យមានការពិភាក្សាជឿនលឿនពីសមុទ្រចិនក្នុងមួយសប្តាហ៍ពេញ វាជាដែននាវាចរណ៍ចម្រូងចម្រាសដ៏ព្រួយកង្វល់មួយទៀតពាក់ព័ន្ធនឹងប្រទេសចិន។ កាលពីថ្ងៃពុធ រដ្ឋមន្រ្តីការបរទេសហ្វីលីពីន អលប៊ត ដែល រ៉ូសារីយ៉ូ (Albert Del Rosario) បានធ្វើការប្រៀបធៀបរវាងប្រជុំកោះចម្រូងចម្រាស សិនកាគុ និងតួនាទីរបស់ចិនក្នុងជម្លោះសមុទ្រចិនខាងត្បូង។ «មើលទៅពួកគេ កាន់តែគឃ្លើនឡើងជារៀងរាល់ថ្ងៃ»។ ជំនួបរបស់អាស៊ាននៅសប្តាហ៍នេះ នឹងបញ្ចប់នៅថ្ងៃសុក្រនេះ។ ប្រែសម្រួលដោយ ជឹង ប៉ូជីន This posting includes an audio/video/photo media file: Download Now |
| លោកម៉ម សុណង់ដូមកដល់កម្ពុជាវិញបើទោះបីជាមានការគំរាមកំហែង Posted: 12 Jul 2012 07:54 PM PDT នាយកវិទ្យុសម្បុកឃ្មុំនិងជាប្រធានសមាគមអ្នកប្រជាធិបតេយ្យគឺលោកម៉ម សុណង់ដូបានមកដល់ប្រទេសកម្ពុជាវិញហើយនៅល្ងាចថ្ងៃព្រហស្បតិ៍បន្ទាប់ពីធ្វើដំណើរនៅក្រៅប្រទេសអស់ជាច្រើនខែ។ ការវិលត្រឡប់របស់លោកត្រូវបានក្រុមអ្នកសង្កេតការណ៍សិទ្ធិមនុស្សនិងមជ្ឈដ្ឋានជាតិនិងអន្តរជាតិតាមដានយកចិត្តទុកដាក់យ៉ាងខ្លាំងបន្ទាប់ពីលោកនាយករដ្ឋមន្ត្រី ហ៊ុន សែនប្រកាសតាមរកចាប់ខ្លួនដោយសារតែសង្ស័យថាមានជាប់ពាក់ព័ន្ធក្នុងចលនាដែលរដ្ឋាភិបាលចាត់ទុកថាជាការធ្វើអបគមន៍ក្នុងខេត្តក្រចេះ។ លោកម៉ម សុណង់ដូបានថ្លែងប្រាប់ក្រុមអ្នកយកព័ត៌មាននិងប្រជាពលរដ្ឋអ្នកគ្រាំទ្ររាប់រយនាក់ដែលបានមកទទួលនៅ ចំណតអាកាសយានដ្ឋានក្រុងភ្នំពេញថាលោកមិនមានកំហុសអ្វីទេហើយលោកសប្បាយចិត្តដែលបានវិលត្រឡប់មកប្រទេសវិញ។ យ៉ាងណាក៏ដោយលោកបានបញ្ជាក់ថារដ្ឋាភិបាលនឹងមិនបំបាត់ចោលចេតនាចង់បង្រ្កាបក្រុមអ្នកប្រជាធិបតេយ្យឡើយ៕ This posting includes an audio/video/photo media file: Download Now |
| ការប្រឈមមុខរបស់អាស៊ាននិងជម្លោះក្នុងតំបន់ (ហេឡូវីអូអេ ១២ មិថុនា ២០១២) Posted: 12 Jul 2012 05:23 PM PDT <!--AV--> ជម្លោះរវាងសមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន)និងប្រទេសចិនលើបញ្ហាដែនសមុទ្រភាគខាងត្បូងប្រទេសចិន អាចមានកំណើននៅឆ្នាំបន្តបន្ទាប់ទៀត ដោយសារការចូលរួមពាក់ព័ន្ធរបស់ប្រទេសមហាអំណាចដូចជាសហរដ្ឋអាមេរិកនិងជប៉ុន។ នេះជាការថ្លែងរបស់លោកវាគ្មិន ផាត់ កុសល អ្នកស្រាវជ្រាវតំបន់អាស៊ីនៃសាកលវិទ្យាល័យ University of Southern Californiaសហរដ្ឋអាមេរិក ក្នុងកម្មវិធីហេឡូវីអូអកាលពីយប់ថ្ងៃព្រហស្បតិ៍ទី១២ ខែកក្កដាឆ្នាំ២០១២ ដែលពិភាក្សាអំពី «ការប្រឈមមុខរបស់អាស៊ាននិងជម្លោះក្នុងតំបន់»។ លោកមានប្រសាសន៍ថា៖ «ព្រោះថាបច្ចុប្បន្នយើងឃើញថាការវិវត្តន៍នៅក្នុងតំបន់ខុសពីមុន គឺថាសរអាជាមហាអំណាចកំពូល បានចូលរួមជាមួយប្រទេសជប៉ុនក៏បានចាប់ផ្តើមចូលពាក់ព័ន្ធក្នុងបញ្ហានេះ ដូចថាចូលពិភាក្សានិង លើកឡើងអំពីបញ្ហានេះ។ ទន្ទឹមនេះដែរប្រទេសចិនក៏មានផលប្រយោជន៍ច្រើនណាស់ក្នុងការការពារការគ្រប់គ្រងនៅតំបន់ឈូងសមុទ្រនេះ។ ដូច្នេះហើយខ្ញុំគិតថាបញ្ហាទៅខាងមុខនឹងមានចម្រូងចម្រាសច្រើន។ ហើយប្រទេសកម្ពុជាក្នុងហ្នឹងគឺជាអ្នកចាប់ផ្តើមនៃការពិភាក្សា មិនមែនខ្លួនអាចដោះស្រាយបានជាដុំកំភួនទេនៅក្នុងឆ្នាំនេះ»។ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
