VOA News: ព័ត៌មាន: “អាមេរិកនិងកូរ៉េខាងត្បូងចាប់ផ្តើមសមយុទ្ធយោធារួមទោះបីជាមានការគំរាមកំហែងពីកូរ៉េខាងជើង” plus 1 more |
| អាមេរិកនិងកូរ៉េខាងត្បូងចាប់ផ្តើមសមយុទ្ធយោធារួមទោះបីជាមានការគំរាមកំហែងពីកូរ៉េខាងជើង Posted: 27 Feb 2012 07:00 AM PST កូរ៉េខាងត្បូង និងស.រ.អាបានចាប់ផ្ដើម ការធ្វើសមយុទ្ធយោធារួមប្រចាំឆ្នាំនៅថ្ងៃច័ន្ទនេះទោះបីជាមានការគម្រាមពីកូរ៉េខាងជើងកាលពីសប្ដាហ៍មុនថានឹងបើកសង្រ្គាមពិសិដ្ធ បើប្រសិនជាដែនដីរបស់ខ្លួនបានត្រូវបំពាន។ អ្នកនាំពាក្យនៃក្រសួងការពារប្រទេសកូរ៉េខាងត្បូង លោក គីម មិន ស៊ូក បានហៅសមយុទ្ធនោះថា ជាសមយុទ្ធប្រក្រតី ដោយលោកនិយាយពន្យល់ទៀតថាជាសមយុទ្ធដូចគ្នាកាលពីឆ្នាំមុនៗ។ លោកថ្លែងថា កូរ៉េខាងជើង បានគម្រាមយើងរាល់ៗឆ្នាំ នៅមុនពេលធ្វើសមយុទ្ធ ដែលដាក់ឈ្មោះថា សមយុទ្ធដោះស្រាយជាគន្លឹះ (Key Resolve Exercise)។ តែយើងធ្វើសមយុទ្ធដូចបានត្រូវគ្រោងទុកជាមុន ដោយមិនខ្វាយខ្វល់ទៅនឹងការគម្រាមទេ។ បណ្ដាញព័ត៌មានរដ្ឋរបស់កូរ៉េខាងជើងនិយាយថាមេបញ្ជាការកំពូល គីម ចុង អ៊ុនបានចេញបញ្ជាឲ្យមានការប្រុងប្រៀបរៀបចំសម្រាប់សង្រ្គាម។ ព័ត៌មានអន្តរជាតិខំខាន់ៗផ្សេងទៀត៖ <!--IMAGE-RIGHT--> អាមេរិក៖ ភាពយន្ដពណ៌សខ្មៅ មានចំណងជើងថា សិល្បករ (The Artist) បានទទួលជ័យជម្នះធំធេង នៅក្នុងការផ្ដល់រង្វាន់ខ្សែភាពយន្ដអូស្ការ (Oscar)ទី៨៤កាលពីថ្ងៃអាទិត្យដោយសាររូបភាពប្រសើរជាងគេ និងរង្វាន់ធំឲ្យដល់នាយកថតភាពយន្ដនិងសិល្បករនាំមុខ។ ថៃ៖ បើយោងទៅតាមទីភ្នាក់ងារសារព័ត៌មានបារាំង AFP ប៉ូលិសថៃថ្លែងនៅថ្ងៃច័ន្ទនេះថាបានចាប់ឃុំជនជាតិអ៊ីរ៉ង់ទីបីដើម្បីសួរចម្លើយពាក់ព័ន្ធនឹងផែនការឃាតកម្មលើអ្នកការទូតអ៊ីស្រាអែលនៅក្នុងទីក្រុងបាងកក។ អាហ្វហ្គានីស្ថាន៖ ប៉ូលិសក្នុងប្រទេសអាហ្វហ្គានីស្ថាន និយាយថាមានមនុស្ស ៩នាក់បានស្លាប់ដោយសាររថយន្ដគ្រាប់បែកអត្ដឃាតមួយ នៅក្រោយអាកាសយានដ្ឋានមួយ សម្រាប់ការហោះហើរស៊ីវិល និង យោធា នាភាគខាងកើតប្រទេសអាហ្វហ្គានីស្ថាន ។ ចិន៖ ចិនបានរិះគន់ ឆ្លើយតបទៅនឹងលោកស្រីរដ្ឋមន្ដ្រីការបរទេស ស.រ.អា លោកស្រី ហ៊ីឡារី ក្លីនតុន ដែលបានបន្ទោស គោលជំហររបស់ ចិននិងរុស្ស៊ីមកលើរឿងនៅក្នុងប្រទេសស៊ីរី។ អូស្រ្តាលី៖ នាយករដ្ឋមន្ដ្រីនៃប្រទេស អូស្រ្តាលី លោកស្រី ជូលា ហ្គីឡាដ (Julia Gillard) កាលពីថ្ងៃច័ន្ទបានប្រកាស រឿងល្ខោននយោបាយ បានត្រូវចប់ហើយ ក្រោយពីលោកស្រីយកជ័យជម្នះលើគូប្រជែងនយោបាយ លោក ខេវិន រ៉ាដ (kevin Rudd) ដែលលោកស្រីបានឈ្នះឡើងជានាយករដ្ឋមន្ដ្រី កាលពីខែ មិថុនា ឆ្នាំ ២០១០។ រុស្ស៊ី៖ ទូរទស្សន៍ជាតិ រុស្ស៊ីនិយាយថា អាជ្ញាធររុស្ស៊ី និងអ៊ុយក្រែនបានចាប់ខ្លួនជនសង្ស័យមូយក្រុម ពីបទ ប៉ុនប៉ងធ្វើឃាតលោកនាយករដ្ឋមន្ដ្រី វលាឌីមៀរ ពូទីន (Vladimir Putin)។ អឺរ៉ុប៖ ក្រុមរដ្ឋមន្ដ្រីហិរញ្ញវត្ថុមកពីប្រទេសមានសេដ្ឋកិច្ចជឿនលឿន២០ និយាយថាសហភាពអឺរ៉ុបត្រូវប្ដេជ្ញាដាក់ថិវិកាបណ្ថែមទៀតទៅក្នុងមូលនិធិដើម្បីទប់ស្កាត់វិបត្ដិបំណុលនៅតំបន់ប្រើប្រាក់អឺរ៉ូមុននឹងប្រទេសដទៃ ផ្ដល់ប្រភពបន្ថែមទៅឲ្យអង្គការមូលនិធិរូបីយវត្ថុអន្ដរជាតិ។ ចិន៖ សេចក្ដីរាយការណ៍ថ្មីមូយនិយាយថា ការលូតលាស់សេដ្ឋកិច្ចដ៏លឿនរបស់ប្រទេសចិនមិនមាននិរន្ដរភាព ដរាបណាប្រទេសនោះ រៀបចំបង្កើតកំណែទម្រង់ទីផ្សារសេរីសំខាន់ៗ។ សេណេហ្គាល់៖ មន្ដ្រីរៀបចំការបោះឆ្នោតនៅក្នុងប្រទេសសេណេហ្គាល់ បានចាប់ផ្ដើមរាប់សន្លឹកឆ្នោត ក្នុងការបោះឆ្នោតជ្រើសរើសប្រធានាធិបតី កាលពីថ្ងៃអាទិត្យ។ This posting includes an audio/video/photo media file: Download Now |
| ទំព័រ Google+ របស់ប្រធានាធិបតីអាមេរិកមានប្រជាប្រិយភាពនៅប្រទេសចិន Posted: 27 Feb 2012 12:37 AM PST ពលរដ្ឋចិនរាប់រយនាក់បានពពាក់ពពូនគ្នាមើលសារនៃគេហទំព័រ Google+ របស់ប្រធានាធិបតីសហរដ្ឋអាមេរិក បារ៉ាក់ អូបាម៉ា បន្ទាប់ពីចិនដែលទំនងជាមិនបានរារាំងសេវាកម្មសង្គមនេះ។ Google+ មិនអាចមើលឃើញនៅក្នុងប្រទេសនេះចាប់តាំងពីសេវាកម្មនេះ បានចាប់ផ្តើមបង្ហោះកាលពីឆ្នាំទៅទំនងត្រូវបានរាំងខ្ទប់ដោយប្រព័ន្ធត្រួតពិនិត្យដ៏តឹងតែងរបស់ប្រទេសជាតិកុម្មុយនិស្តនេះ។ តែក្នុងរយៈពេល៣-៤ ថ្ងៃកន្លងមកនេះគេអាចមើលប្រព័ន្ធនេះបានវិញអាចដោយសារចិនបានលុបចោលការរាំងខ្ទប់នោះ។ ការផ្តល់មតិលើលោកអូបាម៉ា ភាគច្រើនផ្តោតលើសេរីភាពនៃការបញ្ចេញមតិហើយនិងសិទ្ធិមនុស្ស រួមទាំងប្រធានបទក្នុងជីវភាពប្រចាំថ្ងៃដូចជាថាតើធ្វើយ៉ាងដូចម្តេចឲ្យបានទទួល Green Card សហរដ្ឋអាមេរិក ដើម្បីធ្វើការងារស្របច្បាប់នៅក្នុងសហរដ្ឋអាមេរិកជាដើម។ អាហ្វហ្គានីស្ថាន៖ ពួកអាជ្ញាធរអាហ្វហ្គានីស្ថានបាននិយាយកាលពីថ្ងៃអាទិត្យថា ពួកគេកំពុងស្វែងរកមន្រ្តីស៊ើបការណ៍សម្ងាត់អាហ្វហ្គានីស្ថានម្នាក់ដែលពួកគេ ជឿជាក់ថា អាចជាអ្នកទទួលខុសត្រូវចំពោះការបាញ់ប្រហារមន្រ្តីសហរដ្ឋអាមេរិកនៅខាងក្នុងមជ្ឈមណ្ឌលទីបញ្ជាការ ដែលមានការយាមកាមដ៏តឹងតែងនៅក្រសួងមហាផ្ទៃក្នុងរដ្ឋធានីកាប៊ុល។ អ៊ីស្រាអែល ៖ នាយករដ្ឋមន្រ្តីអ៊ីស្រាអែល បេនយ៉ាមីន នេតាន់យ៉ាហ៊ូ Benjamin Netanyahu និយាយថាកម្មវិធីនុយក្លែអ៊ែរបស់ប្រទេសអ៊ីរ៉ង់នឹងស្ថិតនៅក្នុងរបៀបវារៈខ្ពស់ជាងគេ នៅពេលលោកជួបជាមួយលោកប្រធានាធិបតីសហរដ្ឋអាមេរិក បារ៉ាក់ អូបាម៉ានៅថ្ងៃទី៥ ខែមិនា សប្តាហ៍ក្រោយនៅសេតវិមាន។ ស៊ីរី៖ មានជនស៊ីវិលនិងទាហានស៊ីរីយ៉ាងហោចណាស់ក៏៣១នាក់ដែរបានត្រូវសម្លាប់នៅក្នុងការប្រយុទ្ធដែលរាលដាលកាន់តែធំឡើងកាលពីថ្ងៃអាទិត្យ នៅពេលដែលពួកអ្នកបោះឆ្នោតបានបោះឆ្នោតពង្រាងរដ្ឋធម្មនុញ្ញថ្មីមួយរីឯពួកប្រឆាំងបានអំពាវនាវឲ្យធ្វើពហិការការបោះឆ្នោតនេះ។ សេនេហ្គាល់៖ ការបោះឆ្នោតប្រធានាធិបតី បានបិទនៅសេនេហ្គាល់ បន្ទាប់ពីបាតុកម្មហិង្សាអស់រយៈពេលជាច្រើនសប្តាហ៍ ដែលបណ្តាលមកពីការសម្រេចចិត្តរបស់ប្រធានាធិបតីកំពុងកាន់អំណាចស្វះស្វែងដើម្បីអាណត្តិទី៣។ អេហ្ស៊ីប៖ តុលាការប្រទេសអេហ្ស៊ីប បានបើកការកាត់ទោសជនជាតិអាមេរិកាំង១៦នាក់និងបុគ្គលិកអង្គការមិនគិតប្រាក់ចំណេញរបស់បរទេសចំនួន២៧នាក់ នៅក្នុងរឿងក្តីដែលបានគម្រាមកំហែងទំនាក់ទំនងរវាងរដ្ឋាភិបាលទីក្រុងឡឺគែរនិងរដ្ឋាភិបាលទីក្រុងវ៉ាស៊ីនតោន ព្រមទាំងជំនួយយោធាសហរដ្ឋអាមេរិកប្រចាំឆ្នាំដែលមានទឹកប្រាក់ចំនួន១,៣ពាន់លានដុល្លារ។ នីហ្សេរីយ៉ា៖ ការផ្ទុះរថយន្តអត្តឃាតនៅខាងក្រៅព្រះវិហារគ្រឹស្តសាសនាដ៏សំខាន់មួយនៅតំបន់ភាគកណ្តាលនីហ្សេរីយ៉ា បានសម្លាប់មនុស្សយ៉ាងហោចណាស់៣នាក់និងធ្វើឲ្យមនុស្ស៣៨ នាក់ទៀតរងរបួស។ រុស្ស៊ី៖ ជនជាតិរុស្ស៊ីរាប់ពាន់នាក់បានកាន់ដៃគ្នាបង្កើតរង្វង់មួយព័ទ្ធជុំវិញកណ្តាលទីក្រុងម៉ូស្គូដើម្បីប្រឆាំងតវ៉ានាយករដ្ឋមន្រ្តីវ្លាដឺមៀរ ពូទីន Vladimir Putin ដែលទំនងជាវិលត្រឡប់មកធ្វើជាប្រធានាធិបតីនៅក្នុងការបោះឆ្នោតនៅចុងសប្តាហ៍ក្រោយ។ កូឡុំប៊ី៖ ក្រុមឧទ្ទាមដ៏សំខាន់មួយនៃប្រទេសកូឡុំប៊ី ដែលគេស្គាល់ថាហ្វាក FARC បានប្រកាសផែនការដើម្បីដោះលែងចំណាប់ខ្មាំងរដ្ឋាភិបាលនៅសេសសល់ ដែលខ្លួនកំពុងឃុំឃាំងហើយមានបំណងបញ្ឈប់ការចាប់ជំរិតជាថ្នូរនឹងប្រាក់លោះ។ ប៉ាគីស្ថាន៖ កាលពីថ្ងៃអាទិត្យប៉ាគីស្ថានបានបន្តកំទេចគេហដ្ឋានដែលជាទីកន្លែងដែលមេដឹកនាំអាល់ កៃដាគឺលោកអូសាម៉ា ប៊ីនឡាដេន បានរស់នៅអស់រយៈពេលជាច្រើនឆ្នាំហើយត្រូវបានកងកុម្មង់ដូ សហរដ្ឋអាមេរិកសម្លាប់។ <!--AV--> This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
