VOA News: ព័ត៌មាន: “កម្ពុជាស្នើសុំអាមេរិកផ្តល់ថវិកាបន្ថែមសម្រាប់តុលាការខ្មែរក្រហម” plus 4 more |
- កម្ពុជាស្នើសុំអាមេរិកផ្តល់ថវិកាបន្ថែមសម្រាប់តុលាការខ្មែរក្រហម
- កម្ពុជាសុំឱ្យអាមេរិកបញ្ចប់ករណីប្រាក់បំណុលឱ្យបានឆាប់
- រដ្ឋាភិបាលផ្តល់ដីសម្បទានដល់ក្រុមហ៊ុនឯកជនឡើងវិញ
- ជនរងគ្រោះត្រូវបានទប់ស្កាត់មិនឲ្យដាក់ញ្ញត្តិជូននាយករដ្ឋមន្ត្រី
- ហេឡូវីអូអេ ១៤ មិថុនា ២០១២៖ ការតវ៉ានិងដំណោះស្រាយរឿងការបណ្តេញចេញពីលំនៅដ្ឋានដោយបង្ខំចំពោះអ្នកភូមិបឹងកក់
| កម្ពុជាស្នើសុំអាមេរិកផ្តល់ថវិកាបន្ថែមសម្រាប់តុលាការខ្មែរក្រហម Posted: 14 Jun 2012 08:33 PM PDT ឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេសទទូចឲ្យមានជំនួយសរអាបន្ថែមទៀត សម្រាប់បញ្ចប់ការកាត់ទោសពួកអតីតមេដឹកនាំខ្មែរក្រហមមុនពួកគេអាចស្លាប់ដោយមិនបានរកយុត្តិធម៌។ «ខ្ញុំសង្ឃឹមថាស.រ.អានឹងបន្តផ្តល់ការគាំទ្រចំពោះការបន្តដំណើរការកាត់ទោសចំពោះមេដឹកនាំ ខ្មែរក្រហមដែលទទួលខុសត្រូវខ្ពស់បំផុតដែលខ្ញុំសង្ឃឹមថានឹងបញ្ចប់ឆាប់ៗ។ ពួកគេឥឡូវមានវ័យ ចំណាស់ខ្លាំងក្នុងការអង្គុយហើយអាចស្លាប់មុនពេលកាត់ទោស»។ លោកហោ ណាំហុងថ្លែងដូច្នេះក្នុងពេលលោកផ្តល់បាឋកថាកាលពីថ្ងៃអង្គារនៅឯវិទ្យាស្ថានស្រាវជ្រាវ គោលនយោបាយស.រ.អាហៅថាមជ្ឈមណ្ឌលស្រាវជ្រាវយុទ្ធសាស្ត្រនិងការសិក្សាកិច្ចការអន្តរជាតិ (CSIS) ទាក់ទងនឹងបញ្ហារីកចម្រើនខ្លាំងចុងក្រោយរវាងកម្ពុជានិងសរអាក្នុងទំនាក់ទំនងទ្វេភាគី រួមទាំងប្រវត្តិសាស្ត្រកម្ពុជាផងដែរ។ លោកក៏បានសម្តែងការអរគុណដល់ស.រ.អាចំពោះជំនួយសរអាមុនៗដែល ផ្តល់ជូនសាលាក្តីខ្មែរក្រហមផងដែរ។ លោកថ្លែងដូច្នេះក្នុងដំណើរទស្សនកិច្ចផ្លូវការកាល ពីថ្ងៃអង្គារនៅក្នុងរដ្ឋធានីវ៉ាស៊ីនតោនដើម្បីជួបជាមួយលោកស្រីហ៊ីលឡារី គ្លីនតុនរដ្ឋមន្ត្រីការបរទេស អាមេរិកាំង ដើម្បីពិភាក្សាពីបញ្ហាធ្វើឲ្យ មានទំនាក់ទំនងស៊ីជម្រៅរវាងសរអា និងកម្ពុជា បញ្ហាលុប បំណុល ៤៤៥លានដុល្លារដែលកម្ពុជាជំពាក់ស.រ.អាក្នុងសម័យសង្រ្គាមទសវត្សរ៍១៩៧០ និងបញ្ហាតំបន់ឬ បញ្ហាឧបទ្វីបកូរ៉េ។ សេចក្តីអំពាវនាវរបស់ លោក ហោ ណាំហុងរឿងថវិកាសាលាក្តីខ្មែរក្រហម កើតឡើងដំណាលគ្នា ដែលសាលាក្តីខ្មែរក្រហមត្រូវការ ទឹកប្រាក់ ៩០លានដុល្លារ សម្រាប់ទ្រទ្រង់ការ កាត់ទោសសម្រាប់ឆ្នាំ២០១២ដល់ឆ្នាំ២០១៣។នេះបើតាមសំណើថវិកាដែលវីអូអេទទួលបានក្នុងកិច្ច ប្រជុំក្រុមប្រទេសអ្នកផ្តល់ជំនួយកាលពីដើមឆ្នាំ។ ភាគីកម្ពុជានិងអ.ស.បមិនទាន់បាន ទទួលការសន្យា ឬទទួលប្រាក់គ្រប់គ្រាន់ពីក្រុមប្រទេសអ្នកផ្តល់ជំនួយនៅឡើយសម្រាប់ទ្រទ្រង់ ដំណើរការសាលាក្តី ក្នុងពេលដែលមានការចោទប្រកាន់ពីអំពើពុករលួយ បញ្ហាឯករាជ្យភាព និងការជ្រៀតជ្រែកផ្នែក នយោបាយលើដំណើរការនីតិវិធីសំណុំរឿងបន្ថែម០០៣និង០០៤។ <!--AV--> <!--AV--> <!--AV--> <!--AV--> <!--AV--> <!--AV--> ប្រទេសមួយចំនួនបានផ្តល់ថវិកាភ្លាមៗដល់ភាគីអ.ស.ប ឬភាគីកម្ពុជា ប្រទេសមួយចំនួន រួមទាំង ស.រ.អាស្ថិតក្នុងការពិចារណានៅឡើយ។ មន្ត្រីក្រសួងការបរទេសស.រ.អាបានអះអាងប្រាប់វីអូអេក្នុងលក្ខខណ្ឌមិនឲ្យបញ្ចេញឈ្មោះប៉ុន្មានម៉ោង មុននេះថាសរអាបានសម្រចផ្តល់ ថវិកាចំនួន៥លានដុល្លារសម្រាប់គាំទ្រដំណើរកាត់ទោសក្នុងឆ្នាំ ២០១២។ មន្ត្រីដដែលនោះបានអះអាងថា សភាស.រ.អាបានយល់ព្រមលើថវិកា៥លានដុល្លា នោះហើយ ក្រោយពីរដ្ឋាភិបាលបានស្នើសុំ។ ចំណែកឆ្នាំ២០១៣ រដ្ឋាភិបាលសរអានឹងស្នើសុំ សភា៥លានដុល្លារទៀតទៅកាន់សភា។ សាលាក្តីខ្មែរក្រហមកំពុងកាត់ទោសជនជាប់ចោទចំណាស់ៗ៣នាក់ជាមេដឹកនាំ កំពូលៗនៃរបប ខ្មែរក្រហម ពីបទឧក្រិដ្ឋកម្ម ប្រឆាំងមនុស្សជាតិ ឧក្រិដ្ឋកម្មសង្គាម ដែលទាក់ទងនឹងការសម្លាប់ ពលរដ្ឋខ្មែរស្លូតត្រង់ជាង ១លាន៧សែននាក់ក្នុងទសវត្សរ៍១៩៧០៕ This posting includes an audio/video/photo media file: Download Now |
| កម្ពុជាសុំឱ្យអាមេរិកបញ្ចប់ករណីប្រាក់បំណុលឱ្យបានឆាប់ Posted: 14 Jun 2012 08:31 PM PDT ប្រទេសកម្ពុជាបានស្នើសុំឱ្យអាមេរិកចរចាឡើងវិញលើប្រាក់បំណុលដែលកម្ពុជាជំពាក់និងលើកលែងពន្ធលើទំនិញនាំចូលសហរដ្ឋអាមេរិកដោយសារប្រទេសកម្ពុជាស្ថិតនៅក្នុងចំណោមប្រទេសដែលមានការអភិវឌ្ឍតិចនៅឡើយ។ លោកហោ ណាំហុងរដ្ឋមន្ត្រីការបរទេសកម្ពុជាបានលើកឡើងនូវសំណើនេះក្នុងជំនួបជាមួយនឹងលោកជីម វ៉េបសមាជិកព្រឹទ្ធសភាសហរដ្ឋអាមេរិកដ៏មានឥទ្ធិពលម្នាក់ដើម្បីស្នើសុំឱ្យស្ថាប័ននីតិប្បញ្ញតិលើកយកបញ្ហាបំណុលដែលកម្ពុជាជំពាក់ក្នុងពេលសង្រ្គាមទសវត្សរ៍១៩៧០មកដោះស្រាយឱ្យបានឆាប់ចប់។ ជំនួបនេះបានធ្វើឡើងកាលពីថ្ងៃពុធខណៈពេលដែលលោកហោ ណាំហុងមកធ្វើទស្សនកិច្ចការងារជាផ្លូវការនៅរដ្ឋធានីវ៉ាស៊ីនតោន។ «យើងបានពិភាក្សាទីមួយបញ្ហាបំណុលរបស់កម្ពុជាហើយខ្ញុំស្នើតាមរយៈលោកឱ្យរដ្ឋាភិបាលអាមេរិកាំងបញ្ជូនគណៈប្រតិភូទៅចរចាជាមួយក្រសួងសេដ្ឋកិច្ចនិងហិរញ្ញវត្ថុកម្ពុជាទៀតដើម្បីធ្វើយ៉ាងណាដោះស្រាយបញ្ហាបំណុលនេះ។ ទីពីរខ្ញុំស្នើសុំឱ្យពិនិត្យមើលលទ្ធភាពនៃការពិភាក្សាដោះស្រាយបំណុលឡើងវិញពីបញ្ហាប្រាក់ដើមនិងប្រាក់ការនេះឡើងវិញឱ្យមានយុត្តិធម៌ធ្វើយ៉ាងណាឈានទៅដោះស្រាយបញ្ហាបំណុលនេះឱ្យបានដាច់ស្រេចរវាងប្រទេសយើងទាំងពីរ»។ <!--IMAGE-RIGHT--> ប្រាក់បំណុលដែលកម្ពុជាជំពាក់មានឡើងក្នុងរបបលោកសេនាប្រមុខលន់ ណុល ដែលបានខ្ចីជាបន្តបន្ទាប់សម្រាប់ការទិញនិងដឹកជញ្ជូន កប្បាស ថ្នាំជក់ ប្រេងឆា ម្សៅស្រូវសាឡី និងអង្ក។ ទាំងបំណុលដើមនិងការប្រាក់រហូតមកដល់ពេលនេះសរុបមានចំនួន៤៤៥ លានដុល្លារបើគិតត្រឹមឆ្នាំ២០០៩។ ក្នុងការពិភាក្សានោះ លោកហោ ណាំហុងក៏បានស្នើសុំឱ្យអាមេរិកពិចារណាលើកលែងការយកពន្ធលើទំនិញនាំចូលពីប្រទេសកម្ពុជាផងដែរ។ <!--AV--> <!--AV--> <!--AV--> «បញ្ហាទីពីរដែលខ្ញុំបានលើកជាមួយលោកជីម វ៉េបគឺបញ្ហាស្នើសហរដ្ឋអាមេរិកលើកលែងពន្ធដាទំនិញកម្ពុជាដែលមកស្រុកអាមេរិកលើកលែងកូតាមកសហរដ្ឋអាមេរិកដូចជាប្រទេសអភិវឌ្ឍន៍តិចតួចបំផុតនៅអាហ្រ្វិកអញ្ចឹងដែរដោយសារកម្ពុជាជាប្រទេសមួយLDCមានការអភិវឌ្ឍតិចជាងគេហើយខ្ញុំបានប្រាប់ទៅលោកថាការអភិវឌ្ឍសេដ្ឋកិច្ចដែលមានការរីកចម្រើនប៉ុន្មានឆ្នាំកន្លងមកនេះរហូតមកដល់សព្វថ្ងៃនេះគឺថាទទួលបានដោយសារការនាំទំនិញកម្ពុជាមកសហរដ្ឋអាមេរិក»។ ការផ្លាស់ប្តូរពាណិជ្ជកម្មរវាងប្រទេសកម្ពុជានិងសហរដ្ឋអាមេរិកមានទំហំជាង២.២០០លានដុល្លារក្នុងឆ្នាំ២០១១ដែលក្នុងនោះភាគច្រើនប្រទេសកម្ពុជានាំចូលសហរដ្ឋអាមេរិកដែលមានចំនួនដល់ទៅជាង២.០០០លានដុល្លារ៕ This posting includes an audio/video/photo media file: Download Now |
| រដ្ឋាភិបាលផ្តល់ដីសម្បទានដល់ក្រុមហ៊ុនឯកជនឡើងវិញ Posted: 14 Jun 2012 07:51 PM PDT លោកនាយករដ្ឋមន្ត្រីហ៊ុន សែន ទើបតែបានផ្តល់ដីជាង២ម៉ឺនហិចតាជាថ្មីទៀត ទៅដល់ក្រុមហ៊ុនឯកជនចំនួនបីសម្រាប់ធ្វើការវិនិយោគទៅលើដំណាំកៅស៊ូ។ ការផ្តល់ដីនេះធ្វើឡើងបន្ទាប់ពីលោកបានដាក់បញ្ជាឲ្យផ្អាកការផ្តល់ដីសម្បទានសេដ្ឋកិច្ចបានចំនូន១១ថ្ងៃតែប៉ុណ្ណោះ។ កាលពីថ្ងៃទី៧ ខែឧសភាលោកនាយករដ្ឋមន្ត្រីខ្មែរ បានចេញបញ្ជាជាលាយលក្ខអក្សរឲ្យផ្អាកការផ្តល់ដីសម្បទានសេដ្ឋកិច្ចទៅដល់ក្រុមហ៊ុនឯកជនទាំងអស់ ហើយត្រូវសើរើលើក្រុមហ៊ុនដីសម្បទានសេដ្ឋកិច្ចដែលមានស្រាប់ដើម្បីពិចារណាទៅលើការដកហូតមកវិញ។ នៅក្នុងឯកសារដែលវីអូអេសំឡេងសហរដ្ឋអាមេរិកទទួលបាននៅថ្ងៃព្រហស្បតិ៍នេះ លោកហ៊ុន សែន បានផ្តល់ដីសម្បទានចំនួន ២១,៦២៤ហិចតា ទៅដល់ក្រុមហ៊ុនឯកជនទាំងបីកាលពីថ្ងៃទី១៨ ខែឧសភា គឺ ១១ថ្ងៃ បន្ទាប់ពីបទបញ្ជាឲ្យផ្អាកការផ្តល់ដីសម្បទានសេដ្ឋកិច្ចរបស់លោក។ សេចក្តីសម្រេចនេះធ្វើឡើងដោយយោងទៅតាមសំណើរបស់ក្រសួងកសិកម្ម។ នៅក្នុងនោះក្រុមហ៊ុនលីយ៉េរ៉ាប់ប៊ើ ខូអិលធីឌី ទទួលបាន ៧,៧១០ហិចតា នៅក្នុងខេត្តសៀមរាប។ ក្រុមហ៊ុនអេចអឹមអេច ទទួលបាន ៥,៩១៥ហិចតា នៅក្នុងខេត្តកំពង់ធំ និងក្រុមហ៊ុន SK Plantation (Cambodia) Co, Ltd. ទទួលបានដីវិនិយោគចំនួន៨,០០០ហិចតា នៅក្នុងស្រុកកូនមុំ ខេត្តរតនគីរី។ សេចក្តីសម្រេចរបស់លោកនាយករដ្ឋមន្ត្រីមិនបានបញ្ជាក់ថា តើការផ្តល់ដីដ៏ច្រើននេះជាប្រភេទដីសម្បទានសេដ្ឋកិច្ច ឬយ៉ាងណា ហើយសម្រាប់រយៈពេលប៉ុន្មានឆ្នាំនោះទេ។ ក៏ប៉ុន្តែលោកស្រី ណាលី ពីឡច (Naly Pilorge) នាយិកាអង្គការការពារសិទ្ធិមនុស្សលីកាដូ បានហៅការប្រគល់ដីបែបនេះ ថាគឺជាប្រភេទដីសម្បទានសុទ្ធសាធ។ លោកស្រី ពីឡច មានប្រសាសន៍ថា លោកហ៊ុន សែន បានបំផ្លាញបទបញ្ជារបស់ខ្លួនកាលពីលើកមុន ហើយបទបញ្ជានេះគ្រាន់តែជាសន្យាមុនការបោះឆ្នោតក្រុមប្រឹក្សាឃុំសង្កាត់តែប៉ុណ្ណោះ នឹងដើម្បីធ្វើឲ្យសហគមអន្តរជាតិដែលខ្វល់ខ្វាយអំពីវិបត្តិដីធ្លីនៅកម្ពុជាបានស្ងប់ចិត្ត។ នេះជាប្រសាសន៍របស់អ្នកស្រី ណាលី ពីឡច។ «ទោះបីជារដ្ឋាភិបាលមិនបានប្រើពាក្យថា ជាដីសម្បទានសេដ្ឋកិច្ច។ ការប្រគល់ដីធ្លីនេះ ជាបទបញ្ជា បន្ទាប់ពីចុះហត្ថលេខារបស់លោកនាយករដ្ឋមន្ត្រី គឺជាប្រភេទការប្រគល់ដីសម្បទានសេដ្ឋកិច្ចមួយ។ សម្រាប់ខ្ញុំបទបញ្ជារបស់គាត់ គ្រាន់តែជាការសន្យាសម្រាប់ការបោះឆ្នោតប៉ុណ្ណោះ ហើយវាមិនបានចូលជាធរមានទេ»។ លោកចាន់ សារុន រដ្ឋមន្ត្រីក្រសួងកសិកម្មមិនអាចធ្វើទំនាក់ទំនងបានទេនៅថ្ងៃនេះ ដោយសារតែទូរសព្ទរបស់លោករោទិ៍ដោយគ្មានអ្នកទទួល។ រីឯលោកចាន់ ទុងអ៊ីវ រដ្ឋលេខាក្រសួងកិសកម្មមានប្រសាសន៍ថា នេះមិនមែនជាផ្នែកដែលលោកទទួលខុសត្រូវនោះទេ។ «រឿងហ្នឹងខ្ញុំឥតដឹងទេ។ នេះជាផ្នែកខាងគេនោះវិញ»។ កាលពីខែមិនា អង្គការការពារសិទ្ធិមនុស្សអាដហុក បានចេញរបាយការណ៍មួយដែលបង្ហាញថារដ្ឋាភិបាលបានបង្កើនដីសម្បទានសេដ្ឋកិច្ចរហូតទៅដល់ជិត ២លាន៣សែនហិចតា ទៅដល់ក្រុមហ៊ុនឯកជនចំនួន២២៥ រហូតមកទល់នឹងឆ្នាំ២០១១។ ហើយនេះ គឺជាការគួរឲ្យព្រួយបារម្ភសម្រាប់វិបត្តិដីធ្លីនៅកម្ពុជានៅក្នុងពេលខាងមុខ។ ក្រុមហ៊ុនទាំងនេះ ទទួលបានសិទ្ធិគ្រប់គ្រងដីធ្លីចន្លោះពី៧០ឆ្នាំ រហូតទៅដល់ ៩៩ឆ្នាំ៕ This posting includes an audio/video/photo media file: Download Now |
| ជនរងគ្រោះត្រូវបានទប់ស្កាត់មិនឲ្យដាក់ញ្ញត្តិជូននាយករដ្ឋមន្ត្រី Posted: 14 Jun 2012 07:13 PM PDT កម្លាំងសមត្ថកិច្ចចម្រុះប្រដាប់ដោយអាវុធជាច្រើនរាប់រយនាក់នៅថ្ងៃព្រហស្បតិ៍នេះ បានរាំងខ្ទប់ប្រជាពលរដ្ឋនៅតំបន់បឹងកក់ និងសហគមន៍បុរីកីឡាដែលប៉ុនប៉ងដាក់ញត្តិដោយផ្ទាល់ដៃ ជូនលោកនាយករដ្ឋមន្ត្រីហ៊ុន សែន។ ញត្តិរបស់ប្រជាពលរដ្ឋនៅតំបន់បឹងកក់ និងបុរីកីឡាដែលគ្រោងដាក់ជូនលោកនាយករដ្ឋមន្ត្រីហ៊ុន សែន មានអត្ថន័យស្រដែងគ្នា ដែលបានដាក់ជូនក្រសួងយុត្តិធម៌ រដ្ឋសភា ព្រះមហាក្សត្រ ស្ថានទូតសហរដ្ឋអាមេរិក និងសហគមន៍អ៊ឺរ៉ុបផងដែរ គឺគោលបំណងតែមួយគត់សុំអន្តរាគមន៍ដោះលែងអ្នកភូមិចំនួន១៥នាក់ ដែលកំពុងជាប់ឃុំ និងផ្តល់ចំនួន១២ហិចតា ដែលលោកនាយករដ្ឋមន្ត្រីហ៊ុន សែន បានធ្វើប្រទានកម្មដល់ប្រជាពលរដ្ឋ។ <!--AV--> តំណាងប្រជាពលរដ្ឋចំនួន១៥នាក់ ត្រូវបានតុលាការក្រុងភ្នំពេញកាលពីថ្ងៃទី២៤ ខែឧសភា បានកាត់ទោសឲ្យជាប់ពន្ធនាគារម្នាក់ៗរយៈពេលពីរឆ្នាំ ប្រាំមួយខែ បន្ទាប់ពីពួកគេហ៊ានចេញមុខតវ៉ាកាពារសិទ្ធិលំនៅដ្ឋាន។ បន្ទាប់ពីធ្វើសន្និសីទព័ត៌មានរយៈពេលខ្លីប៉ុណ្ណោះ នៅក្នុងបរិវេណតំបន់បឹងកក់ ក្រុមប្រជាពលរដ្ឋបានធ្វើដំណើរតាមម៉ូតូកង់បី ដើម្បីយកញត្តិទៅដាក់ជូនលោកនាយករដ្ឋមន្ត្រីហ៊ុន សែន។ ក៏ប៉ុន្តែពួកគេត្រូវបានកម្លាំងប្រជាពលរដ្ឋជាច្រើនរាំងខ្ទប់។ ក្រុមប្រជាពលរដ្ឋបានត្រឹមតែអង្គុយសំពះស្រែកតវ៉ាចង្ងាយប្រមាណប្រាំរយម៉ែត្រ ដើម្បីស្នើសុំលោកនាយករដ្ឋមន្ត្រីហ៊ុន សែន ដ៏មានឥទ្ធិពលជួយតែប៉ុណ្ណោះ។ «កូនចៅចង់បានសម្តេចជួយ! កូនចៅមានទុក្ខហើយ»។ លោកវីរៈសេនីយ៍ឯក ភួង ម៉ាល័យ ស្នងការប៉ូលិសក្រុងភ្នំពេញបានបដិសេធមិនបានផ្តល់បទសម្ភាសណាមួយជាមួយនឹងអ្នកយកព័ត៌មានអំពីសកម្មភាពសមត្ថកិច្ចបានរាំងខ្ទប់ប្រជាពលរដ្ឋនោះទេ។ ក្រុមអ្នកតវ៉ាហាក់បីដូចជាមានការភ័យខ្លាចការចាប់ខ្លួនបន្តទៀត នៅពេលដែលសមត្ថកិច្ចបានយករថយន្តខ្លុបបិទជិតរបស់ប៉ូលិស ដែលធ្លាប់ចាប់ពួកគេមកគំរាមគំហែងនៅកន្លែងតវ៉ា។ អ្នកស្រីប៊ូ ឆវី តំណាងប្រជាពលរដ្ឋនៅតំបន់បឹងកក់បានថ្លែងប្រាប់អ្នកយកព័ត៌មានទាំងខកចិត្ត បន្ទាប់ពីខកខានមិនបានដាក់ញត្តិជូនលោកនាយករដ្ឋមន្ត្រីហ៊ុន សែន ដោយផ្ទាល់ដៃ។ «ខ្ញុំទៅរកអ្នកជួយ ឥតមានរកដំណោះស្រាយជូនពួកខ្ញុំទេ។ មានតែដាក់កម្លាំងមកបង្រ្កាបពួកខ្ញុំទៅវិញ។ ពួកខ្ញុំទ្រាំយកបានដែរ ឬទេ។ ពួកខ្ញុំមកដាក់កន្លែងហ្នឹងឥតដែលបានដំណោះស្រាយ។ ឥឡូវពួកខ្ញុំឥតដាក់ទេ។ ខ្ញុំចង់ទៅដាក់ ទៅដល់មុខផ្ទះសម្តេច»។ មានមន្ត្រីខុទ្ធកាល័យមួយរូបរបស់លោកនាយករដ្ឋមន្ត្រីហ៊ុន សែន បានមកទទួលញត្តិដែរ។ ក៏ប៉ុន្តែប្រជាពលរដ្ឋមិនបានប្រគល់ជូនឲ្យមន្ត្រីនោះទេ ដោយសារតែខ្លាចបារម្ភមិនបានដល់ដៃលោកនាយករដ្ឋមន្ត្រីហ៊ុន សែន។ លោកគង់ ចំរើន លេខាផ្ទាល់លោកនាយករដ្ឋមន្ត្រីហ៊ុន សែន បានប្រាប់អ្នកយកព័ត៌មានថាលោកមានបំណងមកទទួលញត្តិពីប្រជាពលរដ្ឋ។ ក៏ប៉ុន្តែប្រជាពលរដ្ឋមិនបានដាក់ញត្តិតាមរយៈគាត់ទេ។ «អាហ្នឹងខ្ញុំមាននាទីមកទទួល ហើយអ្នកចាត់ការដំណោះស្រាយរបស់គាត់ហ្នឹង អ្នកផ្សេង។ គ្រាន់ខ្ញុំមកទទួលរបស់គាត់ដែលគាត់ដាក់មក។ ហើយខ្ញុំនឹងមើលតាមទម្រង់ត្រឹមត្រូវ តើខ្ញុំអាចទទួលបាន ខ្ញុំនឹងទទួល។ ទទួលយកទៅខាងក្នុងហ្នឹង មានអ្នកបច្ចេកទេសគេចាត់ចែងទៀត»។ លោកអំ សំអាត មន្ត្រីឃ្លាំមើលការរំលោភសិទ្ធិមនុស្សរបស់អង្គការលីកាដូបានបន្ទោសការរារាំងរបស់សមត្ថកិច្ចថា គួរតែមានការសម្របសម្រួលណាមួយ ដើម្បីជៀសវាងនៅអំពើហិង្សា។ «គឺធ្វើយ៉ាងណាឲ្យការដែលដាក់ញត្តិ ឬក៏ការពាំនាំនូវពាក្យរបស់ប្រជាពលរដ្ឋបានដល់សម្តេចនាយករដ្ឋមន្ត្រីគឺជាការល្អ»។ ខណៈដែលអ្នកភូមិបឹងកក់កំពុងតែស្វះស្វែងរកអន្តរាគមន៍ឲ្យដោះលែងពួកគេដែលបានកំពុងជាប់ឃុំ មន្ត្រីសិទ្ធិមនុស្ស និងអ្នកភូមិបឹងកក់បាននិយាយថាចំនួនអ្នកធ្វើកូដកម្មអត់អាហារកំពុងជាប់ឃុំ មន្ត្រីសិទ្ធិមនុស្ស និងអ្នកភូមិបឹងកក់បាននិយាយថា ចំនួនអ្នកធ្វើកូដកម្មឥតអាហារបានកើនឡើងដល់៧នាក់ហើយ នៅថ្ងៃព្រហស្បតិ៍នេះ។ បើតាមការបញ្ជាក់របស់អ្នកភូមិបឹងកក់ និងមន្ត្រីសិទ្ធិមនុស្សបាននិយាយមានចំនួនបួននាក់នៅក្នុងចំណោមប្រាំពីរនាក់ ដែលកំពុងធ្វើកូដកម្មឥតអាហារ បានប្រឈមមុខអស់កម្លាំងយ៉ាងខ្លាំង ដោយសារតែពួកគេបានអត់អាហារដ៏ច្រើនថ្ងៃ៕ This posting includes an audio/video/photo media file: Download Now |
| Posted: 14 Jun 2012 03:14 PM PDT តំណាងអ្នកភូមិបឹងកក់បានសម្តែងអំណរគុណដល់លោកស្រី ហ៊ីឡារី គ្លីនតុន(Hillary Clinton) រដ្ឋមន្ត្រីការបរទេសសហរដ្ឋអាមេរិក ចំពោះអន្តរាគមន៍ឲ្យកម្ពុជាដោះលែងអ្នកភូមិបឹងកក់១៥នាក់ ដែលត្រូវចាប់ដាក់គុកដោយសារ ការតវ៉ារឿងដីធ្លី។ នេះជាការអះអាងរបស់អ្នកស្រី បូ ឆវី និង អ្នកស្រី យ៉ោម បុប្ផា តំណាងជនរងគ្រោះអ្នកភូមិបឹងកក់ ដែលចូលរួមជាវាគ្មិនក្នុងកម្មវិធីហេឡូវីអូអេកាលពីយប់ថ្ងៃព្រហស្បតិ៍ ដែលពិភាក្សាលើប្រធានបទការតវ៉ានិងដំណោះស្រាយរឿងការបណ្តេញចេញពីលំនៅដ្ឋានដោយបង្ខំចំពោះអ្នកភូមិបឹងកក់។ លោកស្រី គ្លីនតុនលើកបញ្ហាដោះលែងពលរដ្ឋបឹងកក់នេះ ក្នុងពេលដែលលោកស្រីជួបប្រជុំជាមួយលោកឧបនាយករដ្ឋមន្ត្រី ហោ ណាំហុង ដែលបំពេញទស្សនកិច្ច១ថ្ងៃ កាលពីថ្ងៃអង្គារក្នុងស.រ.អា.ដើម្បីពិភាក្សាបញ្ហាកិច្ចសហប្រតិបត្តិការទ្វេភាគី និងបញ្ហាតំបន់មួយចំនួន។ តំណាងប្រជាពលរដ្ឋដដែល អរគុណដល់ពលរដ្ឋខ្មែរអាមេរិកាំងដែលជួយធ្វើបាតុកម្មគាំទ្រចំពោះពលរដ្ឋបឹងកក់ផងដែរក្នុងពេលទស្សនកិច្ចរបស់លោក ហោ ណាំហុង។ សូមស្តាប់សំឡេងទាំងស្រុងនៃកម្មវិធីហេឡូវីអូអេ ថ្ងៃទី ១៤ មិថុនា ២០១២៖ <!--AV--> មធ្យោបាយចូលរួមសម្រាប់ប្រិយមិត្ត៖ ទូរស័ព្ទ ០១២ ៥១ ៥១ ៩៤ ហ្វេសប៊ុក facebook.com/voakhmer អ៊ីម៉េល hellovoa@voanews.com This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
