VOA News: ព័ត៌មាន: “ក្រុមបះបោរស៊ីរីដកថយចេញពីតំបន់ដែលមានការការពាររឹងមាំ” plus 4 more |
- ក្រុមបះបោរស៊ីរីដកថយចេញពីតំបន់ដែលមានការការពាររឹងមាំ
- ពលរដ្ឋបារ៉ែនតវ៉ាអំពីការវាយប្រហារដោយឧស្ម័នបង្ហូរទឹកភ្នែករបស់រដ្ឋាភិបាលទៅលើសង្កាត់ជាច្រើន
- ជំនួបប្រជុំរដ្ឋមន្រ្តីការបរទេសចិននិងឥណ្ឌារំខានដោយជននិរទេសជាតិទីបេត៍
- ចៅក្រមស៊ើបអង្កេតបរទេសប្រាប់ជនសង្ស័យអ៊ឹម ចែមពីបទចោទក្នុងសំណុំរឿង០០៤
- ប៉ូលិស៖ អភិបាលក្រុងបាវិត ឈូក បណ្ឌិត គឺជាជនសង្ស័យបាញ់កម្មករ
| ក្រុមបះបោរស៊ីរីដកថយចេញពីតំបន់ដែលមានការការពាររឹងមាំ Posted: 02 Mar 2012 08:13 AM PST កម្លាំងបះបោរនៅស៊ីរីនិយាយថា ពួកគេបានដកថយចេញពីស្រុក បាបា អាមរ៍ (Baba Amr) នៃទីក្រុងហូម (Homs) ក្រោយពីមានការវាយសម្រុកមួយវគ្គដោយកងកម្លាំងសន្តិសុខរបស់លោកប្រធានាធិបតី បាស្សា អាល់ អាសាដ (Bashar al-Assad)។ ដោយហៅខ្លួនឯងថា ជាកងពលតូចបដិវត្តន៍ បាបា អាមរ៍ ក្រុមបះបោរនេះនិយាយកាលពីថ្ងៃព្រហស្បតិ៍ថា គេបានចាកចេញដើម្បីកុំឲ្យមានគ្រោះថ្នាក់ដល់ជនស៊ីវិលប្រមាណ៤ពាន់នាក់ ដែលមិនព្រមចាកចេញពីផ្ទះសម្បែងរបស់គេ។ នៅថ្ងៃព្រហស្បតិ៍នេះ ទូរទស្សន៍រដ្ឋស៊ីរីបានផ្សាយរូបភាពអំពីការបំផ្លេចបំផ្លាញនៅក្រុងហូម ។ ក្រុមបះបោរនិយាយថា ការដកទ័ពរបស់គេគឺជាកលយុទ្ធដែលបង្ហាញពីស្ថានភាពសិទ្ធិមនុស្សធ្ងន់ធ្ងរឡើងៗ ដូចជាការខ្វះចំណីអាហារ ថ្នាំពេទ្យ ទឹកប្រើប្រាស់ អគ្គិសនី និងការខ្វះបណ្តាញទំនាក់ទំនងក្នុងទីក្រុងនេះ។ ព័ត៌មានអន្តរជាតិសំខាន់ៗផ្សេងៗទៀត៖ ស.រ.អា/កូរ៉េខាងត្បូង៖ នាវារបស់ស.រ.អា.រួមមាន United States Navy's 7th Fleet និង USS Blue Ridge បានទៅដល់ក្រុង ដុងហេ (Donghae) ប្រទេសកូរ៉េខាងត្បូងនៅថ្ងៃសុក្រនេះ ដើម្បីដាក់កងទ័ពសម្រាប់ចូលរួមសមយុទ្ធដែលកំពុងដំណើរការ។ នោះជាសមយុទ្ធប្រចាំឆ្នាំរវាងស.រ.អា. និងកូរ៉េខាងត្បូង។ សមយុទ្ធនេះមានឈ្មោះថា សមយុទ្ធដំណោះស្រាយគន្លឹះ (Key Resolve)។ <!--IMAGE-RIGHT--> រុស្ស៊ី៖ លោក វ្លាឌីមៀ ពូទីន (Vladimir Putin) នាយករដ្ឋមន្ត្រីប្រទេសរុស្ស៊ីកំពុងសម្តែងក្តីសង្ឃឹមដ៏ទុកចិត្តថា លោកនឹងឈ្នះក្នុងការបោះឆ្នោតប្រធានាធិបតីនៅថ្ងៃអាទិត្យនេះ។ គុយបា៖ កាលពីថ្ងៃព្រហស្បតិ៍នេះ លោក ហ្វីដែល កាស្ត្រូ (Fidel Castro) អតីតប្រធានាធិបតីប្រទេសគុយបា បានជួបជាមួយគណៈប្រតិភូនៃសកម្មជនជប៉ុននិងអ្នករួចជីវិតពីគ្រោះថ្នាក់នៃគ្រោះថ្នាក់នុយក្លេអ៊ែរនិងការវាយប្រហារ។ ចិន៖ មន្ត្រីបរិស្ថានជាន់ខ្ពស់ម្នាក់បាននិយាយនៅថ្ងៃព្រហស្បតិ៍នេះថា គុណភាពខ្យល់អាកាសក្នុងទីក្រុងពីរនៃទីក្រុងចំនួន៣នៅប្រទេសចិន មិនមានគុណភាពតាមស្តង់ដារ ដែលអាជ្ញាធរកំណត់ក្នុងពេល៤ឆ្នាំខាងមុខនេះទេ។ ជប៉ុន៖ ប្រទេសជប៉ុនបានបញ្ចប់ការសាងសង់អគារខ្ពស់បំផុតទីពីរក្នុងពិភពលោកនៅថ្ងៃសុក្រនេះ គឺធ្វើហើយ២ខែមុនផែនការដែលគ្រោងសម្ពោធនៅថ្ងៃទី២២មិនា។ អ៊ីរ៉ង់៖ ការបោះឆ្នោតបានចាប់ផ្តើមហើយសម្រាប់ជ្រើសរើសសភាជាតិអ៊ីរ៉ង់ ជាអ្វីដែលត្រូវបានគេមើលឃើញថាជាការសាកល្បងមើលជំហរក្រុមអភិរក្សនិយមដែលគាំទ្រឬប្រឆាំងនឹងលោកប្រធានាធិបតី ម៉ាមូដ អាម៉ាឌីនេចាដ (Mahmoud Ahmadinejad)។ បាគីស្ថាន៖ មន្រ្តីបាគីស្ថាននិយាយថាក្រុមសកម្មប្រយុទ្ធបានប្រយុទ្ធគ្នានឹងកងកម្លាំងសន្តិសុខនៅ ក្នុងតំបន់ភាគពាយ័ព្យប្រទេសដែលជាតំបន់មានរឿងរ៉ាវចម្រូងចម្រាស ហើយបានបណ្តាលឱ្យស្លាប់ទាហានចំនួន១០នាក់និងពួកសកម្មប្រយុទ្ធ២៣នាក់។ អូស្ត្រាលី៖ លោកស្រី ជូលៀ ហ្គីឡាដ (Julia Gillard) នាយករដ្ឋមន្រ្តីអូស្រ្តាលីបានតែងតាំងលោក បប់ ខារ (Bob Carr) ដែលជាអតីតនាយករដ្ឋមន្ត្រីប្រចាំរដ្ឋនោះ ជារដ្ឋមន្រ្តីការបរទេសដើម្បីជំនួសលោក ខេវីន រ៉ាដ (Kevin Rudd) ដែលបានលាឈប់ពីតំណែងកាលពីសប្តាហ៍មុនហើយបានចាញ់ក្នុងការបោះឆ្នោតប្រកួតប្រជែងជាមួយនឹងលោកស្រីហ្គីឡាដកាលពីថ្ងៃច័ន្ទនេះ។ ស.រ.អា៖ លោកប្រធានាធិបតីស.រ.អា បារ៉ាក់ អូបាម៉ា បានអំពាវនាវកាលពីថ្ងៃព្រហស្បតិ៍នេះសុំឲ្យសភាអាមេរិកបញ្ចប់ប្រាក់ជំនួយសម្រាប់ឧស្សាហកម្មដែលមានទឹកប្រាក់ចំនួន៤ពាន់លានដុល្លារ។ លោកថ្លែងថាក្រុមហ៊ុនប្រេងនិងឧស្ម័នកំពុងតែចំណេញប្រាក់យ៉ាងច្រើនឥតគណនា ទោះបីជាមានអស្ថិរភាពនៅមជ្ឈឹមបូព៌ាដែលជារឿងជំរុញឲ្យសាំងឡើងថ្លៃយ៉ាងខ្លាំងក៏ដោយ។ <!--AV--> This posting includes an audio/video/photo media file: Download Now |
| Posted: 02 Mar 2012 07:54 AM PST អតីតមេប៉ូលីសសហរដ្ឋអាមេរិក ប្រកបដោយភាពចម្រូងចម្រាស់ ដែលត្រូវបានជ្រើសរើសឲ្យបម្រើការជាទីប្រឹក្សា ដើម្បីកែទម្រង់កងកម្លាំងសន្តិសុខរបស់ប្រទេសបារ៉ែន (Bahrain) បានការពារការប្រើប្រាស់ឧស្ម័នបង្ហូរទឹកភ្នែក នៅក្នុងសង្កាត់ដែលប្រជាពលរដ្ឋរស់នៅច្រើន កាលពីប៉ុន្មានថ្ងៃថ្មីៗនេះ ដើម្បីគ្រប់គ្រងភាពចលាចលដែលចេះតែកើនឡើង នៅក្នុងពិធីរំឮកខួបលើកទីមួយនៃការបះបោរគាំទ្រលទ្ធិប្រជាធិបតេយ្យរបស់ប្រទេសនេះ។ ការវាយប្រហារទៅលើភូមិរបស់អ្នកកាន់សាសនាស៊ីអ៊ីត បានកើនឡើងខ្លាំង កាលពីពេលប៉ុន្មានថ្ងៃថ្មីៗនេះ ដោយអ្នកតាំងទីលំនៅ តវ៉ាអំពីការវាយប្រហារដោយប្រើឧស្ម័នបង្ហូរទឹកភ្នែក ជារៀងរាល់យប់។ ឧស្ម័នបង្ហូរទឹកភ្នែក ត្រូវបានបន្ទោសចំពោះការស្លាប់មួយចំនួន កាលពីពេលថ្មីៗនេះ។ <!--IMAGE-RIGHT--> ក្រុមអ្នកកាន់សាសនាមូស្លីមនិកាយស៊ីអ៊ីត (Shi'ite Muslims) មានចំនួនភាគច្រើននៅក្នុងក្រុមប្រឆាំងនៅ បារ៉ែន ហើយនិយាយថា ពួកគេ ទទួលរងការធ្វើបាបពីសំណាក់ក្រុមមេដឹកនាំនិកាយសាន់នី (Sunni) របស់ប្រទេសនេះ។ ពួកគេ បានអំពាវនាវដល់រដ្ឋាភិបាល ឲ្យបញ្ឈប់ការវាយប្រហារដោយប្រើឧស្ម័នបង្ហូរទឹកភ្នែក នៅក្នុងសង្កាត់របស់ពួកគេ។ ប៉ុន្តែ លោក ចនន៍ ធីមូនី (John Timoney) ជាអតីតមេប៉ូលីសនៃរដ្ឋហ្វីឡាឌែលហ្វៀ (Philadelphia) និងមីអាមី (Miami) ហើយបច្ចុប្បន្នផ្តល់ប្រឹក្សាយោបល់ដល់អាជ្ញាធរ បារ៉េន ផ្នែកបច្ចេកទេសសន្តិសុខ។ លោក មានប្រសាសន៍ថា ការកើនឡើងយ៉ាងខ្លាំងនូវការវាយប្រហារដ៏ហិង្សា ពីសំណាក់ក្រុមសកម្មជន កំពុងបង្ខំឲ្យ ក្រុមអាជ្ញាធរ តបតវិញ។ «ក្រុមប៉ូលីស បានប្រើប្រាស់ឧស្ម័នបង្ហូរទឹកភ្នែក ដើម្បីធ្វើឲ្យមានគម្លាតគ្នារវាងក្រុមអាជ្ញាធរនិងក្រុមកុបករ ដែលបានកើនឡើងជាប្រចាំ ពីមួយថ្ងៃទៅមួយថ្ងៃ ដោយវាយប្រហារមន្ត្រីប៉ូលីស ដោយប្រើដបស្រាខកថេលមូឡូទូវ (Molotov cocktails) ដុំឥដ្ឋ ដែកគោល និងវត្ថុផ្សេងៗទៀត។» បើយោងតាមរដ្ឋាភិបាល ក្រុមសកម្មជន បានធ្វើឲ្យមន្រ្តីប៉ូលីសជាង៤០នាក់ រងរបួសមុនពេលប្រារព្ធខួបអនុស្សាវរីយ៍គាំទ្រលទ្ធិប្រជាធិបតេយ្យ នៅថ្ងៃទី១៤ខែកុម្ភៈ។ ប៉ូលីសជាច្រើននាក់ ត្រូវបញ្ជូនទៅកាន់មន្ទីរពេទ្យ។ លោក ធីមូនី មានប្រសាសន៍ថា ក្រុមប៉ូលីស បានព្យាយាមតបតតាមមធ្យោបាយ ដែលមិនបង្កគ្រោះថ្នាក់ដល់ជីវិតទេ។ «ជាអកុសល ខណៈដែលឧស្ម័នបង្ហូរទឹកភ្នែក ពិតជាមានផលប៉ះពាល់ដល់អ្នកដែលមិនបានចូលរួម វាជាអាវុធដ៏សាកសមជាងការប្រើបា្រស់កាំភ្លើងពិតដើម្បីការពារខ្លួនឯង។» លោក ធីមូនី ដែលមានឈ្មោះល្បីល្បាញខាងការបង្រ្កាបការតវ៉ានៅសហរដ្ឋអាមេរិក បានច្រានចោលការអះអាងរបស់ក្រុមសកម្មជនដែលថា អាជ្ញាធរនៅក្នុងរាជាណាចក្រឈូងសមុទ្រពៀក (Persian Gulf Kingdom)មួយនេះ បានចាប់ផ្តើមប្រើបា្រស់ឧស្ម័នពុលទៅលើប្រជាពលរដ្ឋ។ «យើងដាក់មន្ត្រីប៉ូលីសរាប់ពាន់នាក់នៅទីនោះ ជារៀងរាល់ថ្ងៃ។ ពួកគេ ធំក្លិន និងប៉ះពាល់ឧស្ម័នដោយខ្លួនឯងដែរ។ យើងមិនឲ្យនរណាម្នាក់ចូលមកដោយមានថ្នាំពុល រឺបង្កបញ្ហាផ្លូវដង្ហើមឡើយ។» ក្រុមអ្នកតវ៉ាភាគច្រើននិកាយស៊ីអ៊ីតរបស់ប្រទេស បារ៉ែន បានចេញមកតាមដងផ្លូវ កាលពីឆ្នាំមុន ដើម្បីទាមទារសិទ្ធិ និងរដ្ឋាភិបាលតំណាងឲ្យបានច្រើនជាងមុន។ ទោះជាយ៉ាងណា ការអំពាវនាវរបស់ពួកគេ ត្រូវបានបំបិទសម្លេង មួយខែបន្ទាប់ពីកងទ័ពមកពី អារ៉ាប៊ីសាអូឌីត (Saudi Arabia) និងអារ៉ាប់រួម (United Arab Emirates) ត្រូវបានដាក់ពង្រាយនៅក្នុងប្រទេស ហើយស្ថានភាពគ្រាអាសន្នរយៈពេល៣ខែ ត្រូវបានដាក់ចេញ។ លោក ចាម៉ល ហ្វាក់រ៉ូ (Jamal Fakhro) សមាជិកជាន់ខ្ពស់នៃរដ្ឋសភាបារ៉ែន ថ្លែងថា ទីប្រឹក្សាប៉ូលីសអន្តរជាតិ២រូបនេះ កំពុងជួយធ្វើកំណែទម្រង់សន្តិសុខ។ «ពួកគេ កំពុងផ្លាស់ប្តូរជាច្រើនផ្នែកវប្បធម៌នៅក្នុងក្រសួងមហាផ្ទៃ និងអង្គភាពប៉ូលីស។ ពួកគេ ពាំនាំមកនូវការអនុវត្តដ៏ល្អបំផុត ហើយពួកគេ កំពុងដាក់ចេញនូវការទទួលខុសត្រូវ។» ប៉ុន្តែ អ្នកផ្សេងទៀត មានដូចជា លោក រ៉ាត់ហ៊ី ម៉ូហសេន អាលម៉ូសាវី (Radhi Mohsen al-Mosawi) អគ្គលេខាធិការរងទទួលបន្ទុកកិច្ចការនយោបាយរបស់គណបក្សប្រឆាំង វ៉ាអាឌ (Wa'ad) មានប្រសាសន៍ថា ការតែងតាំងមន្ត្រីលោកខាងលិច ជាការទាក់ទាញផ្នែកទំនាក់ទំនងសាធារណៈ តែប៉ុណ្ណោះ។ លោក អាល ម៉ូសាវី បញ្ជាក់ថា ខ្សែវីដេអូយូធ្យូប (Youtube) កាលពីពេលថ្មីៗនេះ ដែលបានបង្ហាញក្រុមមន្ត្រីប៉ូលីស វាយប្រជាពលរដ្ឋ ហើយបោះវត្ថុកំពុងឆេះទៅលើផ្ទះសម្បែង ស្តែងឲ្យឃើញថា មន្ត្រីប៉ូលីស បន្តអនុវត្តអំពើខុសច្បាប់។ លោក មានប្រសាសន៍ថា យោងតាមក្រុមសិទ្ធិមនុស្ស ប្រជាពលរដ្ឋជាង៣០នាក់ ត្រូវបានសម្លាប់ បន្ទាប់ពីរបាយការណ៍ស៊ើបអង្កេតរបស់គណៈកម្មាធិការស៊ើបអង្កេតឯករាជ្យរបស់បារ៉ែន (BICI) ត្រូវបានចេញផ្សាយ។ «អ្នកជំនាញ គួរយល់ថា ប្រជាពលរដ្ឋបារ៉ែនមិនមែនល្ងង់ រហូតដល់ជឿលើអ្វីដែលពួកគេនិយាយនោះទេ។» លោក អាល ម៉ូសាវី និយាយថា មេដឹកនាំរបស់ប្រទេសបារ៉ែន គួរតែផ្តោតការយកចិត្តទុកដាក់ឲ្យបានកាន់តែខ្លាំងទៅលើអនុសាសន៍ផ្សេងៗរបស់គណៈកម្មាធិការស៊ើបអង្កេតឯករាជ្យ មានដូចជា ការបង្កើតលក្ខខណ្ឌត្រឹមត្រូវសម្រាប់កិច្ចចរចាថ្នាក់ជាតិ ជាដើម។ ប្រែសម្រួលដោយ សៀក អេង This posting includes an audio/video/photo media file: Download Now |
| ជំនួបប្រជុំរដ្ឋមន្រ្តីការបរទេសចិននិងឥណ្ឌារំខានដោយជននិរទេសជាតិទីបេត៍ Posted: 02 Mar 2012 05:40 AM PST ចិន-ឥណ្ឌា៖ កងនគរបាលឥណ្ឌាបាននាំយកជននិរទេសជាតិទីបេត៍ចេញពីកន្លែងធ្វើបាតុកម្មកាលពីថ្ងៃព្រហស្បត៍នេះនៅក្នុងក្រុងញូដែលី នៅខាងក្រៅកិច្ចប្រជុំមួយរវាងរដ្ឋមន្រ្តីការបរទេសចិននិងឥណ្ឌា នៅពេលក្រុមបាតុករបានទាមទារឲ្យចិនដកខ្លួនចេញពីទឹកដីជម្លោះ នៅក្នុងតំបន់ហេមពាន្តនិងទាមទារឲ្យសម្តេច ដាឡៃ ឡាម៉ា និមន្តត្រឡប់ទៅវិញ តាំងពីព្រះអង្គបានភៀសខ្លួនចេញពីមាតុភូមិ ក្រោយការបះបោរមិនបានជោគជ័យមួយប្រឆាំងនឹងការគ្រប់គ្រងចិនក្នុងឆ្នាំ១៩៥៩។ ចិន៖ មេដឹកនាំកំពូលរបស់ចិននៅក្នុងដែនដីទីបេត៍បានអំពាវនាវឲ្យអជ្ញាធរក្នុងតំបន់តាមដានការប្រើបណ្តាញអ៊ីនធឺណែត និងទូរសព្ទចល័តក្នុងតំបន់ នៅពេលដែលក្រុងប៉េកាំងរៀបចំបើកសមាជជាតិរបស់ប្រជារាស្រ្តប្រចាំឆ្នាំរបស់ខ្លួន និងនៅពេលដែលពលរដ្ឋទីបេត៍សម្តែងការគោរពដល់មនុស្សដែលបានបូជាជីវិតតវ៉ាប្រឆាំងនឹងការគ្រប់គ្រងរបស់ចិន។ ព័ត៌មានអន្តរជាតិសំខាន់ៗដទៃទៀត៖ ភូមា៖ លោក ធាន សៀន ប្រធានាធិបតីភូមា បានអំពាវនាវសុំសេចក្តីអត់ធ្មត់ នៅពេលដែលរដ្ឋាភិបាលលោកអនុវត្តកម្មវិធីកំណែទម្រង់ប្រជាធិបតេយ្យមួយចំនួន ដែលបានចាប់ផ្តើមធ្វើកាលពីជិតមួយឆ្នាំមុន។ លោកប្រធានាធិបតីបានថ្លែងថាភូមាប្រឈមមុខនឹងមាគ៌ាដ៏វែងនិងលំបាកមួយ ដើម្បីធ្វើការផ្លាស់ប្តូរឲ្យបានពេញលេញ កិច្ចការច្រើនទៀតដែលត្រូវធ្វើ និងត្រូវការចូលរួមពីពលរដ្ឋភូមាទាំងអស់ក្នុងអន្តរកាលនេះ។ ស៊ីរី៖ យុទ្ធជនឧទ្ទាមស៊ីរីនិយាយថាពួកគេបានដកថយចេញពីសង្កាត់បាបា អាម ដែលមានការឡោមព័ទ្ធនៃទីក្រុងហោមស៍ (Homs) នៅក្រោយការវាយលុកយោធាដ៏ខ្លាំងក្នុងរយៈពេលមួយខែរបស់កងកម្លាំងសន្តិសុខរបស់លោកប្រធានាធិបតី បាសារ អាលអាសាដ។ កួរ៉េខាងជើង៖ សេចក្តីសម្រេចរបស់កូរ៉េខាងជើងដើម្បីបញ្ឈប់ការសាកល្បងនុយក្លេអ៊ែរ និងកាំជ្រួចអន្តរទ្វីបវង់ប្រតិបត្តិការឆ្ងាយបានទទួលស្វាគមន៍ដោយប្រុងប្រយ័ត្ន នៅពេលអ្នកស្រុកជាច្រើននាក់នៅចាំប្រវត្តិនៃការមិនធ្វើតាមពាក្យសន្យា។ មន្ត្រីសហរដ្ឋអមេរិកបានថ្លែងឲ្យដឹងថា នេះជាជំហានទីមួយប៉ុណ្ណោះ សកម្មភាពធ្វើបន្តត្រូវតែមានដើម្បីបញ្ជាក់ថាកូរ៉េខាងជើងធ្វើតាមពាក្យសន្យា។ អាហ្វហ្គានីស្ថាន៖ អង្គការអូតង់និយាយថា ទាហានខ្លួនពីរនាក់បានត្រូវគ្រាប់ស្លាប់ នៅក្នុងការវាយប្រហារមួយកាលពីថ្ងៃព្រហស្បតិ៍នេះនៅភាគខាងត្បូង ដោយជនជាតិអាហ្វហ្គានីស្ថានពីរនាក់ដែលគេជឿថាម្នាក់ជាទាហាន។ អ៊ីរ៉ង់៖ នៅក្នុងការបោះឆ្នោតមួយ ដែលមានអ្នកបោះឆ្នោតជាច្រើនលាននាក់ និងបេក្ខជនជាច្រើនរយនាក់ចូលរួម ឈ្មោះមន្រ្តីសំខាន់ជាងគេពីរនាក់ គឺលោកប្រធានាធិបតី ម៉ាមោដ អាហម៉ាឌីនីជេត និងមេដឹកនាំកំពូល អាយ៉ាតូឡា អាលី ខាមេនី នៅក្នុងសន្លឹកឆ្នោតដើម្បីជ្រើសរើសសមាជិករដ្ឋសភាអ៊ីរ៉ង់នឹងមិនបានឈរឈ្មោះដើម្បីប្រជែងយកតំណែងទេ។ <!--AV--> This posting includes an audio/video/photo media file: Download Now |
| ចៅក្រមស៊ើបអង្កេតបរទេសប្រាប់ជនសង្ស័យអ៊ឹម ចែមពីបទចោទក្នុងសំណុំរឿង០០៤ Posted: 02 Mar 2012 01:33 AM PST អតីតកម្មាភិបាលខ្មែរក្រហមម្នាក់គឺអ្នកស្រី អ៊ឹម ចែមបានប្រាប់វីអូអេថាសាលាក្តី ខ្មែរក្រហមដែលចូលរួមដោយអ.ស.បបញ្ជាក់ប្រាប់អ្នកស្រីដោយផ្ទាល់មុខថា អ្នកស្រីជាជនជាប់ចោទនៃបទឧក្រិដ្ឋកម្មដ៏ឃោរឃៅក្នុងរបបខ្មែរក្រហមហើយត្រូវចោទសួរជាលើកដំបូងដោយសហចៅក្រមស៊ើបអង្កេតបរទេស។ លោកស្រីបញ្ជាក់បន្ថែមថា៖ «ហើយគេប្រាប់ដែរថាស្រេចតែសិទ្ធិរបស់អ៊ុំទេ។ បើអ៊ុំឆ្លើយក៏បានមិនឆ្លើយក៏បាន។ ខ្ញុំថាខ្ញុំឆ្លើយបានតែប៉ុណ្ណឹង។ ត្រង់ណាដែលខ្ញុំអត់ឆ្លើយពិតមែនតែមានសិទ្ធិមែនតែត្រង់ណាដែលខ្ញុំអត់ត្រូវឆ្លើយគឺខ្ញុំអត់ឆ្លើយ។ ព្រោះវាអត់ពិត។អញ្ចឹងខ្ញុំអត់ឆ្លើយ»។ អ្នកស្រីអះអាងថាអ្នកស្រីត្រូវជនបរទេសម្នាក់ដែលគេគិតថាគឺលោក Laurent Kasper Ansermet និងជនជាតិខ្មែរពីរនាក់បានមកសាកសួរព័ត៌មានកន្លះម៉ោង ដល់ផ្ទះនៅអន្លង់វែងអំពីរឿងរ៉ាវក្នុងអតីតកាលកាលពីថ្ងៃ២៨កុម្ភៈ ដោយជនជាតិខ្មែរម្នាក់បានអានឯកសារចំនួន២ទំព័រដល់អ្នកស្រី។ ឯកសារជាសេចក្តីជូនដំណឹងនោះគឺរៀបរាប់ពីឧក្រិដ្ឋកម្មនានាដែលអ្នកស្រីបានជាប់ទាក់ទងនឹង ការធ្វើមនុស្សឃាតញុះញង់ទារុណកម្ម ធ្វើទុកបុកម្នេញផ្នែកសាសនាអ៊ីស្លាមធ្វើផែនការ ប្រព្រឹត្តជាបុគ្គលនិងចូលរួមជាសហឧក្រិដ្ឋកម្មរួម។ អ្នកស្រី អ៊ឹមចែមអាយុ៦៦ឆ្នាំដែលត្រូវគេដឹងថាស្ថិតក្នុងសុំណុំរឿង០០៤ បច្ចុប្បន្ន ជាជំទប់ឃុំទី១កូតាគណបក្សប្រជាជនកម្ពុជាក្នុងស្រុកអន្លង់វែងខេត្តឧត្តមានជ័យអះអាងថាអ្នកស្រីពុំបានយល់ ព្រមនិងទទួលស្គាល់ការចោទប្រកាន់នោះទេ។ «ការចោទប្រកាន់នេះវាខុសនឹងការណ៍ពិត។ហើយចោទទទេៗខ្ញុំអត់ទទួលស្គាល់។ហើយគាត់ឲ្យខ្ញុំទៅភ្នំពេញ។ខ្ញុំថាខ្ញុំអត់ទៅ ខ្ញុំអត់ទៅទេ»។ នៅក្នុងដីកាជូនដំណឹងអំពីបទចោទមួយច្បាប់ចុះថ្ងៃទី២៤ ខែកុម្ភៈឆ្នាំ២០១២របស់ក្រុមស៊ើប អង្កេតភាគីអ.ស.បដែលប្រភពព័ត៌មានរបស់វីអូអេបានអានជូននោះបានបញ្ជាក់ថាលោក Laurent Kasper Ansermet បានអានបទចោទលម្អិតដែលសហព្រះរាជអាជ្ញាបានចោទប្រកាន់អ្នកស្រីនៅពេលអ្នកស្រីជាគណៈស្រុកព្រះនេតព្រះនៅភាគពាយព្យប្រទេសនិងកន្លែងផ្សេងទៀតជូនដល់អ្នកស្រីអ៊ឹម ចែមពីបទឧក្រិដ្ឋកម្មនានា។ «ការចោទប្រកាន់ទាំងនេះគឺផ្អែកលើមូលដ្ឋានទាំងអង្គហេតុដែលត្រូវបានចោទប្រកាន់ដោយសហព្រះរាជអាជ្ញានិងអង្គហេតុដែលត្រូវបានរកឃើញនៅក្នុងអំឡុងពេលនៃកិច្ចស៊ើបសួរ។ អ្នកស្រីត្រូវបានចាត់ទុកថាគ្មានទោសនៅពេលដែលពិរុទ្ធភាពរបស់អ្នកស្រីពុំត្រូវបានរកឃើញហើយយើងនៅតែអាចនៅរង់ចាំស្តាប់ ចម្លើយ ភស្តុតាងពីអ្នកស្រី ទាក់ទងនឹងការចោទប្រកាន់ទាំងនេះប្រសិនបើអ្នកស្រីមានបំណងផ្តល់ភស្តុតាងបែបនេះ។ ដោយអនុឡោមតាមវិធានផ្ទៃក្នុងរបស់សាលាក្តីខ្មែរ ក្រហម(អវតក) វិធាន២១:១ឃ សិទ្ធិនិងការធានានៅក្នុងកិច្ចដំណើរការនីតិវិធីក្នុងឋានៈជាជន សង្ស័យរួមមានសិទ្ធិមានមេធាវីការពារខ្លួនតាមការជ្រើសរើសរបស់ខ្លួនសិទ្ធមានលទ្ធភាពទទួលបានឯកសារសំណុំរឿង»។ អ្នកស្រីអ៊ឹម ចែមបានអះអាងថាក្រុមសហចៅក្រមស៊ើបអង្កេតដែលអ្នកស្រីអះអាងថា ដឹកនាំដោយបុរសជនជាតិស្បែកសរាងចំណាស់ម្នាក់មិនមានសន្តិសុខការពារមិនមានអាជ្ញាធរចូលរួមទេដែលអ្នកស្រីអះអាងថាមិនមែនជាការចាប់ខ្លួនឬក៏ចេញដីកាឡើយ។ លោក Laurent Kasper Ansermet បានបញ្ជាក់ក្នុងសប្តាហ៍ថ្មីៗថាលោកត្រូវស៊ើប អង្កេតសំណុំរឿងបន្ថែមទោះបីជាលោកមិនត្រូវបានទទួលកិច្ចសហការពីចៅក្រមកម្ពុជាគឺលោក យូ ប៊ុនឡេងក្តី។ ចៅក្រមកម្ពុជាដែលមានជំហរដូចរដ្ឋាភិបាលកម្ពុជាដែលមិនចង់បានសំណុំរឿង០០៣ និង០០៤នោះបានចាត់ទុកថាលោកចៅក្រមបម្រុង Laurent Kasper Ansermet មិនមាននិត្យានុកូលភាព ឬភាពស្របច្បាប់គ្រប់គ្រាន់ក្នុងការស៊ើបអង្កេតនោះទេដោយសារថាឧត្តមក្រុមប្រឹក្សានៃអង្គចៅក្រមមិនបានតែងតាំងជាផ្លូវការនៅឡើយ។ ការមិនតែងតាំងនោះគឺឈរលើអធិបតេយ្យភាព។ តែមន្ត្រីអ.ស.បបានបញ្ជាក់ថាកម្ពុជាពុំបានបំពេញកាត្វកិច្ចរបស់ខ្លួន។ លោក David Scheffer អ្នកជំនាញការពិសេសរបស់អ.ស.បបានអះអាងកាលពីសប្តាហ៍ថ្មីៗថាលោកចៅក្រម Laurent Kasper Ansermet មានសិទ្ធិគ្រប់គ្រាន់ក្នុងការស៊ើបអង្កេតសំណុំរឿងបន្ថែម០០៣ និង០០៤។ លោក Lars Olsen អ្នកនាំពាក្យសាលាក្តីខ្មែរក្រហមអះអាងថាលោកមិនមាន ព័ត៌មានថ្មីអំពីសំណុំរឿង០០៣និង០០៤ទេ។ ប្រភពព័ត៌មានពីតុលាការបានអះអាងថាលោក Kasper Ansermet គ្រោងនឹងស៊ើបអង្កេតលើជនសង្ស័យទាំង៥នាក់ដោយឯកឯង។ មន្ត្រីឃ្លាំមើលសាលាក្តីខ្មែរក្រហមម្នាក់បានឱ្យដឹងថាលោក Kasper Ansermet បានជួបជាមួយជនសង្ស័យ មួយចំនួនដោយបានអះអាងថាជាការស៊ើបអង្កេតដ៏ក្លាហាន។ តែគេមានការព្រួយបារម្ភពីសន្តិសុខរបស់លោកចៅក្រមរូបនេះដែរ។ គេពុំទាន់ដឹងថាតើសហចៅក្រមកម្ពុជានិងឧត្តមក្រុមប្រឹក្សានៃអង្គចៅក្រមដែលបានតែងតាំងលោក Kasper Ansermetជាចៅក្រមបម្រុងនោះមានប្រតិកម្មយ៉ាងណា ចំពោះការបំពេញកិច្ចការដោយគ្មានការចូលរួមពីប្រទេសសាម៉ីនេះ។ ជនសង្ស័យម្នាក់ទៀតដែលគេប្រកាសថាស្ថិតក្នុងសំណុំរឿង០០៣គឺលោក មាស មុត បានអះអាង ថាលោកក៏ត្រូវក្រុមអ្នកស៊ើបអង្កេតសាលាក្តី តាមជួប ដែរតែលោកថាលោកមិននៅផ្ទះទេ។ លោកចោទសួរថា «មកជួបធ្វើអ្វី? បើគ្មានប្រយោជន៍ ដល់សង្គមជាតិ ដល់ខ្ញុំ ផងនោះ»។ សំណុំរឿងបន្ថែម០០៣និង០០៤ ដែលវីអូអេទទួលបានពី ប្រភពស្និទ្ធនឹង តុលាការបន្ទាប់ពីត្រូវផ្សព្វផ្សាយដោយព័ត៌មានបរទេសបានចោទប្រកាន់ជាបឋម ដោយសហព្រះរាជអាជ្ញាបរទេសមានលោក ស៊ូ ម៉េត មាស មុត យឹម ទិត អោម អាន និងអ្នកស្រី អ៊ឹម ចែម។ ជនសង្ស័យ៣នាក់ក្នុង ចំណោម៥នាក់គឺ លោក មាស មុត អោម អាន និងអ្នកស្រី អ៊ឹម ចែមបានសម្ភាស ជាមួយវីអូអេ ហើយបានបដិសេធពីការជាប់ទាក់ទិននឹងបទឧក្រិដ្ឋដែលសហព្រះរាជអាជ្ញាបរទេសបានចោទប្រកាន់ជាបឋមនោះ។ តែសហចៅក្រមស៊ើបអង្កេតបានបញ្ចប់ការស៊ើបអង្កេតសំណុំរឿង០០៣ កាលពីថ្ងៃទី២៩ ខែមេសាឆ្នាំ២០១១ ក្រោយពីបាន ពិនិត្យមើលភស្តុតាងជាង២ពាន់ដែលមានជាឯកសារ ៤៨.០០០ ទំព័រ។ នេះបើយោងតាមឯកសារជាសំណើថវិកា។ ក៏ប៉ុន្តែសហព្រះរាជអាជ្ញាបរទេសដែលបានបញ្ជូនដីកាបញ្ជូនរឿងឲ្យស៊ើបសួរតាំងពីឆ្នាំ២០០៨ចំពោះសំណុំរឿង០០៣ និង០០៤នោះបានតវ៉ាថាសហចៅក្រមស៊ើបអង្កេតធ្វើការស៊ើបអង្កេតមិនគ្រប់គ្រាន់ជាពិសេសលើទីតាំងសាក្សីជាដើម។ ជនសង្ស័យត្រូវគេរាយការណ៍មកថាក៏មិនត្រូវបានសួរនាំអ្វីដែរ។ នៅក្នុងឯកសារផ្ញើជូនម្ចាស់ជំនួយបានបញ្ជាក់ដែរថាការស៊ើបអង្កេតសំណុំរឿង ០០៤កំពុងធ្វើបន្ត។ហើយសំណុំរឿង០០៣អាចនឹងមានការស៊ើបអង្កេតបន្ថែមទៅលើទីតាំងនិងសាក្សី។ ដំណើរការសំណុំរឿងបន្ថែមអាចធ្វើទៅបានអាស្រ័យ លើថវិកានិងធនធានដែលគេរំពឹងថាអាចនឹងចាប់ផ្តើមពេញលេញនៅឆ្នាំ ២០១៣៕ This posting includes an audio/video/photo media file: Download Now |
| ប៉ូលិស៖ អភិបាលក្រុងបាវិត ឈូក បណ្ឌិត គឺជាជនសង្ស័យបាញ់កម្មករ Posted: 01 Mar 2012 08:42 PM PST លោក ស ខេង ឧបនាយករដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃ បានបញ្ជាក់នៅថ្ងៃព្រហស្បតិ៍នេះថាជនជាប់សង្ស័យក្នុងការបាញ់កម្មកររោងចក្រនៅក្នុងខេត្តស្វាយរៀង កាលពី១១ថ្ងៃមុន គឺជាអភិបាលក្រុងបាវិតដែលគេស្គាល់ឈ្មោះថា ឈូក បណ្ឌិត។ លោក ស ខេង បានប្រាប់ក្រុមអ្នករាយការណ៍ព័ត៌មានក្រោយពីពិធីបើកសិក្ខាសាលាស្តីពីការការពារកុមារនៅក្នុងតំបន់អាស៊ីអាគ្នេយ៍ក្នុងទីក្រុងភ្នំពេញ។ លោកបានឆ្លើយបញ្ជាក់ក្រោយពីអ្នកកាសែតសួរសង្កត់ទៅលើអត្តសញ្ញាណរបស់ជនសង្ស័យ។ «ហ្នឹងហើយ (គាត់) ជាជនសង្ស័យ»។ កាលពីថ្ងៃទី២០ ខែកុម្ភៈ មានកម្មករ-កម្មការិនីនៃរោងចក្រផលិតស្បែកនៅជើងក្នុងតំបន់សេដ្ឋកិច្ចពិសេសក្រុងបាវិតខេត្តស្វាយរៀងចំនួនប្រមាណ ១.០០០នាក់ មកពីរោងចក្រចំនួនបីផ្សេងៗគ្នាបានតវ៉ាទាមទារប្រាក់ឈ្នួលបន្ថែមម៉ោងនិងការគោរពលក្ខខណ្ឌការងារឲ្យបានសមរម្យ។ ហើយនៅពេលនោះមានការប៉ះទង្គិច ជាមួយនឹងសន្តិសុខក្រុមហ៊ុន និងអាជ្ញាធរមានសមត្ថកិច្ច។ នៅក្នុងពេលជាមួយគ្នានោះ មានបុរសម្នាក់បានចុះពីលើរថយន្ដ ហើយបានដកកាំភ្លើងខ្លីបាញ់ទៅលើក្រុមអ្នកតវ៉ា ហើយបានបណ្ដាលឲ្យមានជនរងគ្រោះចំនួនបីនាក់រងរបួសធ្ងន់។ ក្រោយមកទៀត ត្រូវគេជឿថា ខ្មាន់កាំភ្លើងនោះ គឺជាអភិបាលក្រុងបាវិត លោក ឈូក បណ្ឌិត។ នេះគឺជាការបង្ហាញអត្តសញ្ញាណជនជាប់សង្ស័យជាសាធារណៈ ជាលើកដំបូងរបស់មន្ដ្រីជាន់ខ្ពស់រដ្ឋាភិបាលបន្ទាប់ពីមានការទទូចនិងអំពាវនាវឲ្យមានការចាប់ខ្លួនខ្មាន់កាំភ្លើងយកមកកាត់ទោស។ លោកឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានឲ្យដឹងនៅថ្ងៃនេះដែរថា ប៉ូលិសបានបញ្ជូនរបាយការណ៍សង្ខេបស្ដីពីការជាប់ពាក់ព័ន្ធជនសង្ស័យខាងលើទៅឲ្យសាលាដំបូងខេត្តស្វាយរៀង កាលពីថ្ងៃទី២៨ ខែកុម្ភៈ។ ហើយប៉ូលិសកំពុងរង់ចាំការអនុវត្តនីតិវិធីច្បាប់យ៉ាងណាពីតុលាការជាន់ទាបនៅឡើយ។ លោកចៅក្រម ប៉ិច ឈឿត ប្រធានសាលាដំបូងខេត្តស្វាយរៀងមិនអាចធ្វើទំនាក់ទំនងបានទេដោយសារតែទូរស័ព្ទរបស់លោករោទិ៍ជាច្រើនដងដោយគ្មានការឆ្លើយតប។ ដោយឡែកលោក ហែម សាបាន ស្នងការរងទទួលបន្ទុកផ្នែកព្រហ្មទណ្ឌបញ្ជាក់ថា ជនជាប់សង្ស័យមិនទាន់ត្រូវចាប់ខ្លួនបាននៅឡើយទេ។ មិនអាចស្វែងរកទំនាក់ទំនងជាមួយលោកឈូក បណ្ឌិត បានទេនៅក្នុងពេលនេះ។ ទាំងលោកជា មុន្នី ប្រធានសហជីពសេរីកម្មករនៃព្រះរាជាណាចក្រកម្ពុជា ទាំងលោក អំ សំអាត ប្រធានគ្រប់គ្រងការិយាល័យបច្ចេកទេសស៊ើបអង្កេតនៃអង្គការការពារសិទ្ធិមនុស្ស លីកាដូ បញ្ជាក់ថា ជនរងគ្រោះទាំងបីនាក់កំពុងស្ថិតក្នុងការព្យាបាលនៅឡើយ។ លោក អំ សំអាត ស្វាគមន៍ការបង្ហាញអត្តសញ្ញាណជនសង្ស័យពីសំណាក់រដ្ឋាភិបាលនៅក្នុងករណីនេះក៏ប៉ុន្ដែលោកសោកស្ដាយថា ជនសង្ស័យរូបនោះគួរតែត្រូវចាប់ខ្លួនភ្លាមៗ នៅក្នុងបទល្មើសជាក់ស្ដែង។ «បើជាជនតូចតាចមិនពាក់ព័ន្ធក្នុងរឿងអ្វីយើងគិតថា គេនឹងចាប់ខ្លួនតាំងពីបាញ់ហើយភ្លាមជាបទល្មើសជាក់ស្ដែងម៉្លេះ។ នេះប្រហែលជាជនសង្ស័យមានឋានៈ និងមានខ្នងបានជាគេពន្យា ហើយធ្វើតាមនីតិវិធីរហូតមកទល់ឥឡូវនេះ»។ ជាមួយគ្នានេះ លោក អំ សំអាត ជឿថា ការចាប់ខ្លួនជនជាប់សង្ស័យអាចនឹងប្រព្រឹត្តលឿន ប្រសិនបើមានការដាក់បញ្ជាដោយផ្ទាល់ពីលោកនាយករដ្ឋមន្ដ្រី ហ៊ុន សែន ដូចករណីក្រុមសន្ដិសុខបាញ់រះលើប្រជាពលរដ្ឋអ្នកតវ៉ាក្នុងទំនាស់ដីធ្លីនៅក្នុងពេលថ្មីៗ កន្លងទៅនេះ៕ This posting includes an audio/video/photo media file: Download Now |
| You are subscribed to email updates from VOA News: ព័ត៌មាន To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
