The Phnom Penh Post - KHMER: “បក្សប្រឆាំងចេញគោលនយោបាយកសិកម្មដើម្បីស្វែងរកការគាំទ្រពីកសិករ” plus 9 more |
- បក្សប្រឆាំងចេញគោលនយោបាយកសិកម្មដើម្បីស្វែងរកការគាំទ្រពីកសិករ
- ខ្យល់ភ្លៀងកក់រដូវមួយមេ ផ្តួលផ្ទះសម្បែងពលរដ្ឋខ្មែរ១៨ខ្នងក្នុងមួយយប់
- ជប៉ុនវាយតម្លៃថា ការខូចខាតមានទំហំជិត ៣១០ពាន់លានដុល្លារ
- ហ្កាដាហ្វីនៅមានជីវិត និងប្តេជ្ញាបន្តប្រយុទ្ធប្រឆាំងកងទ័ពបស្ចឹមប្រទេស
- បង្រ្កាបក្លឹបកម្សាន្តមួយនៅសៀមរាប ចាប់ខ្លួន៨១នាក់ សង្ស័យរកស៊ីផ្លូវភេទ
- បក្សជំទាស់យេម៉ែនអំពាវនាវឲ្យមានបាតុកម្មធំនៅថ្ងៃសុក្រខាងមុខនេះ
- អាមេរិកហាមឃាត់ការនាំចូលទំនិញជប៉ុនមកពីតំបន់គ្រោះថ្នាក់ចូលប្រទេសខ្លួន
- កម្រិតវិទ្យុសកម្មក្នុងបន្លែ ទឹកដោះគោ និងទឹកសមុទ្រ បង្កក្តីបារម្ភដល់មនុស្សជាតិ
- ទាហានស៊ីរីសម្លាប់មនុស្ស៦នាក់នៅទីតាំងក្រុមបាតុករក្នុងវិហារអ៊ូម៉ារ៉ា
- លោក ម៉ៅ មុនីវណ្ណ សម្រេចចិត្តចូលរួមជាមួយបក្សសិទ្ធិមនុស្ស
| បក្សប្រឆាំងចេញគោលនយោបាយកសិកម្មដើម្បីស្វែងរកការគាំទ្រពីកសិករ Posted: 23 Mar 2011 03:16 AM PDT ភ្នំពេញ៖ សមាជិកសភាមកពីគណបក្សប្រឆាំង សម រង្ស៊ី នៅថ្ងៃពុធ ទី២៣ មីនានេះ បានផ្សព្វផ្សាយនូវគោលនយោបាយកសិកម្មរបស់គណបក្ស ដែលជាឧបករណ៍មួយសម្រាប់អូសទាញអ្នកគាំទ្របន្ថែមទៀត នៅអំឡុងពេលការបោះឆ្នោតឃុំសង្កាត់ និងការបោះឆ្នោតជាតិនៅឆ្នាំ២០១២ និង២០១៣។ |
| ខ្យល់ភ្លៀងកក់រដូវមួយមេ ផ្តួលផ្ទះសម្បែងពលរដ្ឋខ្មែរ១៨ខ្នងក្នុងមួយយប់ Posted: 23 Mar 2011 02:49 AM PDT ភ្នំពេញ៖ យ៉ាងហោចណាស់ផ្ទះសម្បែងប្រជាពលរដ្ឋចំនួន ១៨ខ្នង នៅក្នុងខេត្តចំនួន ២ បានដួលរលំបាក់ខ្ទេចខ្ទីដោយសារខ្យល់ភ្លៀងមួយមេធំកាលពីយប់ ថ្ងៃអង្គារម្សិលមិញ ប៉ុន្តែ មិនមានរបាយការណ៍គ្រោះថ្នាក់ដល់អាយុជីវិតមនុស្សឡើយ។ |
| ជប៉ុនវាយតម្លៃថា ការខូចខាតមានទំហំជិត ៣១០ពាន់លានដុល្លារ Posted: 23 Mar 2011 02:30 AM PDT ក្រុងតូក្យូ៖ រដ្ឋាភិបាលជប៉ុន បានវាយតម្លៃនៅថ្ងៃពុធនេះថា ការខូចខាតដោយផ្ទាល់កើតចេញពីរញ្ជួយដី និងរលកស៊ូណាមិដ៏មហន្តរាយ ដែលបានវាយប្រហារលើតំបន់ភាគឦសានរបស់ប្រទេសនេះកាលពីថ្ងៃទី១១ មីនាកន្លងមក មានតម្លៃ ១៦-២៥ពាន់ពាន់លានយ៉េន (១៨៥-៣០៨ពាន់លានដុល្លារអាមេរិក) ដែលនេះគឺជាគ្រោះមហន្តរាយធម្មជាតិដ៏ធំធេងបំផុតនៅលើពិភពលោក។ |
| ហ្កាដាហ្វីនៅមានជីវិត និងប្តេជ្ញាបន្តប្រយុទ្ធប្រឆាំងកងទ័ពបស្ចឹមប្រទេស Posted: 23 Mar 2011 02:07 AM PDT ក្រុងទ្រីប៉ូលី៖ យោងតាមគេហទំព័ររបស់ស៊ីនហួរ បានឲ្យដឹងដា មេដឹកនាំលីប៊ី មួម៉ារ ហ្កាដាហ្វី នៅមានជីវិតនៅឡើយ ដោយបានប្រកាសប្តេជ្ញាបន្តប្រយុទ្ធប្រឆាំងនឹងកងទ័ពសម្ព័ន្ធមិត្ត ដែលបានបើកការវាយប្រហារតាមផ្លូវអាកាស និងផ្លូវទឹកមកលើប្រទេសមួយនេះកាលពីថ្ងៃទី១៩ មីនាកន្លងមកនេះ។
|
| បង្រ្កាបក្លឹបកម្សាន្តមួយនៅសៀមរាប ចាប់ខ្លួន៨១នាក់ សង្ស័យរកស៊ីផ្លូវភេទ Posted: 23 Mar 2011 01:18 AM PDT សៀមរាប៖ យ៉ាងហោចណាស់នារីបម្រើការខារ៉ាអូខេចំនួន ៧២នាក់ និងមេការ ៩នាក់ ត្រូវបានសមត្ថកិច្ចនគរបាលខេត្តសៀមរាប ចាប់ខ្លួនកាលពីយប់ថ្ងៃទី២២ មីនាម្សិលមិញ បញ្ជូនទៅស្នងការនគរបាលខេត្ត ក្រោមបទសង្ស័យពាក់ព័ន្ធនឹងការកេងប្រវ័ញ្ច និងធ្វើអាជីវកម្មផ្លូវភេទ។ នេះបើយោងតាមការអះអាងរបស់មន្ត្រីនគរបាលខេត្តសៀមរាប នៅថ្ងៃនេះ។ |
| បក្សជំទាស់យេម៉ែនអំពាវនាវឲ្យមានបាតុកម្មធំនៅថ្ងៃសុក្រខាងមុខនេះ Posted: 23 Mar 2011 01:02 AM PDT ក្រុងសាណា៖ ក្រុមបក្សជំទាស់របស់យេម៉ែន បានអំពាវនាវទៅក្រុមបាតុករឲ្យចូលរួមក្នុងក្បួនប្រឆាំងមួយនៅឯ រាជវាំងក្នុងទីក្រុងសាណារបស់ប្រធានាធិបតី អាលី អាប់ឌុលឡះ សាឡេះ នៅថ្ងៃសុក្រខាងមុខនេះ ដើម្បីទាមទារឲ្យប្រធានាធិបតីរូបនេះចុះចេញពីអំណាច ដោយសង្ឃឹមថានឹងបញ្ចប់វិបត្តិមួយ ដែលសម្ព័ន្ធមិត្តលោកខាងលិចរបស់គាត់ព្រួយបារម្ភថា វានឹងផ្តល់ប្រយោជន៍ទៅដល់ក្រុមសកម្មប្រយុទ្ធអ៊ីស្លាមនិយម។ |
| អាមេរិកហាមឃាត់ការនាំចូលទំនិញជប៉ុនមកពីតំបន់គ្រោះថ្នាក់ចូលប្រទេសខ្លួន Posted: 23 Mar 2011 12:32 AM PDT ក្រុងតូក្យូ៖ សហរដ្ឋអាមេរិក បានក្លាយជាប្រទេសដំបូងគេ ដែលបានរារាំងការនាំចូលទំនិញពីតំបន់មានសារធាតុវិទ្យុសកម្មរបស់ ប្រទេសជប៉ុន ដោយនិយាយថា ខ្លួននឹងហាមឃាត់ការនាំចូលទឹកដោះគោ បន្លែ និងផ្លែឈើ ពីតំបន់នានា នៅជិតទីតាំងរោងចក្រថាមពលនុយក្លេអ៊ែររងគ្រោះដោយសាររលកស៊ូណាមិ ដោយសារតែបារម្ភអំពីសារធាតុពុល។ |
| កម្រិតវិទ្យុសកម្មក្នុងបន្លែ ទឹកដោះគោ និងទឹកសមុទ្រ បង្កក្តីបារម្ភដល់មនុស្សជាតិ Posted: 23 Mar 2011 12:13 AM PDT ក្រុងតូក្យូ៖ បន្លែមានសារធាតុពុលកាន់តែច្រើន បានបង្កឲ្យមានក្តីបារម្ភជាសកលបន្ថែមទៀតនៅថ្ងៃពុធ ទី២៣ មីនានេះ នៅឯកន្លែងបែកធ្លាយសារធាតុវិទ្យុសកម្មនៅប្រទេសជប៉ុន ជាទីដែលក្រុមវិស្វករកំពុងតែព្យាយាមធ្វើឲ្យម៉ាស៊ីនប្រតិកម្មចុះ កម្តៅ នៅក្នុងវិបត្តិអាតូមិកដ៏អាក្រក់បំផុតរបស់ពិភពលោកនៅក្នុងរយៈពេល ២៥ឆ្នាំកន្លងមកនេះ។ |
| ទាហានស៊ីរីសម្លាប់មនុស្ស៦នាក់នៅទីតាំងក្រុមបាតុករក្នុងវិហារអ៊ូម៉ារ៉ា Posted: 22 Mar 2011 09:16 PM PDT ក្រុងដាម៉ាកូស៖ អ្នកស្រុកនិយាយថា កងទ័ពស៊ីរី បានសម្លាប់មនុស្សយ៉ាងតិច ៦នាក់នៅថ្ងៃពុធ ទី២៣ មីនានេះ នៅក្នុងការវាយប្រហារមួយទៅលើវិហារអ៊ូម៉ារី នៅទីក្រុងដេរ៉ា ភាគខាងត្បូងប្រទេស ជាទីតាំងដែលកើតមានការតវ៉ាអស់រយៈពេល ៦ថ្ងៃមកហើយ ប្រឆាំងនឹងគណបក្សបាអាដ ដែលគ្រប់គ្រងអំណាចប្រទេសមួយនេះ។ |
| លោក ម៉ៅ មុនីវណ្ណ សម្រេចចិត្តចូលរួមជាមួយបក្សសិទ្ធិមនុស្ស Posted: 22 Mar 2011 08:52 PM PDT ភ្នំពេញ៖ លោក ម៉ៅ មុនីវណ្ណ សមាជិកសភាគណបក្សប្រឆាំងដ៏ធំបំផុតរបស់កម្ពុជា បានសម្រេចចិត្តចូលរួមជាមួយគណបក្សសិទ្ធិមនុស្ស ដែលជាបក្សជំទាស់ធំទី២ នៅក្នុងប្រទេស បន្ទាប់ពីលោកត្រូវបានបណ្តេញចេញពីបក្សនៅថ្ងៃអង្គារ ទី២២ មីនានេះ ក្រោយពីលោកបានអំពាវនាវឲ្យសកម្មជនក្នុងជួរគណបក្ស រួមគ្នាដាក់សម្ពាធលើមនុស្ស ២នាក់ ដែលមានឥទ្ធិពលខ្លាំងក្លាបំផុតនៅក្នុងបក្ស។ |
| You are subscribed to email updates from ដំណឹងថ្មីបំផុត To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
