Koh Santipheap Daily |
- ចង់ម៉ឹមអេង ខឹងប្រពន្ធមិនមកផ្ទះ លេបថ្នាំពុលសម្លាប់ខ្លួន
- ឃុំខ្លួនបណ្តោះអាសន្នមន្ត្រីកងរាជអាវុធហត្ថជាប់ពាក់ព័ន្ធផលិតចែកចាយគ្រឿងញៀន
- អាជ្ញាធរ និងសមត្ថកិច្ចសៀមមកពិនិត្យបង្គោលឡាក់ព្រំដែនលេខ៣៦ឯកតោភាគី
- អាជ្ញាធរបញ្ចេញសាច់ដុំក្តៅបង្ក្រាបរថយន្តខុសលក្ខណៈបច្ចេកទេស
- ដាក់បំរាមគោចរក្នុងរដ្ឋធានីបួគីណា ហ្វាសូ
- ពួកលោកខាងលិចបើកការវាយប្រហារតាមអាកាសប្រឆាំងកងទ័ពលោកកាដាហ្វីទៀត
- ជនដៃដល់ប្លន់សម្លាប់ជនជាតិអ៊ីតាលី និងលួចត្រូវសមត្ថកិច្ចចាប់ខ្លួន
- ឪពុកម្តាយខាងប្រុសយឺតយាវត្រូវខាងស្រីចោទប្រកាន់ថា ចាប់រំលោភ
- ជនជាតិអឺរ៉ុប៧នាក់ចាប់ពង្រត់នៅភាគខាងកើតលីបង់
- នាយករដ្ឋមន្ត្រីព័រទុយហ្គាល់សុំលាលែងពីតំណែង
- បើកម៉ូតូបុកចំពាក់កណ្តាលរថយន្តរបួសធ្ងន់ម្នាក់
- វាយប្រហារអត្តឃាតនៅភាគពាយ័ព្យប៉ាគីស្ថានស្លាប់5នាក់
- គ្រោះថ្នាក់រថយន្តប៊ឺសបុកជាមួយរថភ្លើងនៅភាគឦសានចិនស្លាប់10នាក់
- កាប់គាវត្នោតធ្វើអុសដុតរបូតផ្លែកាំបិតធ្លាក់បុកបែកខ្ទេចគ្រាប់ភ្នែកម្ខាង
- ការទទួលទានការ៉េមកីអាចបញ្ជាក់ពីអត្តចរិត
- អគ្គីភ័យបានឆាបឆេះផ្ទះ៣ខ្នងនៅក្រុម៥ ភូមិចំការកៅស៊ូ ឃុំជើងគោ ស្រុកព្រៃនប់ យប់មិញនេះ
- ប្រមុខមន្ទីរប៉ង់តាហ្គោនអញ្ជើញទៅកាន់អេហ្ស៊ីបជាលើកដំបូង
- វាយប្រហារភេរវកម្មនៅហ្សេរុយសាឡឹមស្លាប់ម្នាក់របួស24នាក់
- ប៉ះទង្គិចគ្នាលើកចុងក្រោយរវាងកងកម្លាំងសន្តិសុខ និងបាតុករនៅស៊ីរីស្លាប់15នាក់
- ឃាត់ខ្លួនបុរស៣នាក់សង្ស័យសម្លាប់មនុស្សនៅស្រុកកណ្តាលស្ទឹង
| ចង់ម៉ឹមអេង ខឹងប្រពន្ធមិនមកផ្ទះ លេបថ្នាំពុលសម្លាប់ខ្លួន Posted: 24 Mar 2011 01:21 AM PDT  ខេត្តស្វាយរៀង ៖ បុរសម្នាក់តូចចិត្តដ្បិតប្រពន្ធមិនឱ្យម៉ឹមអេងផឹកថ្នាំពុលសម្លាប់ខ្លួន កាលពីថ្ងៃទី២៣ មីនា ២០១១ វេលាម៉ោង៣និង៣០នាទីរសៀលនៅភូមិស្វាយតាភ្ល ឃុំបាសាក់ ស្រុកស្វាយជ្រំ ។ ជនធ្វើអត្តឃាតឈ្មោះគង់ ថាវី អាយុ២២ឆ្នាំ មានទីលំនៅភូមិ-ឃុំកើតហេតុខាងលើ ។ បើតាមស្ត្រីម្នាក់ឈ្មោះដក់ សារួន អាយុ៤៨ឆ្នាំ ត្រូវជាបងថ្លៃ បានប្រាប់កោះសន្តិភាពថា បុរសគិតខ្លីគង់ ថាវី នេះមានប្រពន្ធឈ្មោះត្រប់ អាយុ២៣ឆ្នាំ ជាកម្មការិនីរោងចក្រកាត់ដេរ ស្ថិតនៅភូមិសាមគ្គី សង្កាត់ស្វាយតឿ ក្រុងស្វាយរៀង ។ កាលពីវេលាម៉ោង៥ល្ងាច បុរសជាប្តីបានជិះម៉ូតូទៅទទួលប្រពន្ធពីរោងចក្រឌុបត្រឡប់មកផ្ទះវិញ លុះដល់ភូមិសាលារៀន ឃុំបាសាក់ ប្រពន្ធឱ្យប្តីឌុបចូលលេងផ្ទះម្តាយ ពេលនោះប្តីនិយាយថា កុំអី...ប្រញាប់ទៅផ្ទះយើងវិញ ព្រោះបងឃ្លានម៉ឹម! ពេលនោះប្រពន្ធនិយាយថា ចូលផ្ទះម្តាយតែមួយភ្លែតទេ ...ប្តីក៏យល់ព្រម ពេលអង្គុយលេងបានមួយស្របក់ ប្តីក៏និយាយតឿនប្រពន្ធទៀតថា ប៉ុណ្ណឹងបានហើយប្រញាប់ទៅផ្ទះ ផ្ទះគ្មានអ្នកណានៅទេ ។ កូនយើង បងផ្ញើបងស្រីឱ្យមើលប្រញាប់ទៅ បងឃ្លានម៉ឹម ។ ទំនងជាប្រពន្ធស្តាប់ច្រឡំ ឬក៏ប្តីនិយាយច្រឡំក៏មិនដឹង?...ប៉ុន្តែសម្រាប់ប្រពន្ធវិញឮថា ប្តីនិយាយឃ្លានម៉ឹម ទើបមិនព្រមត្រឡប់ទៅផ្ទះជាមួយប្តី ខ្លាចប្តីម៉ឹមៗ... រួចធ្វើអ្វីៗទៀត... ម្យ៉ាងនាងកំពុងអស់កម្លាំងចេញពីធ្វើការរោងចក្រផង ក៏តម្អក់មិនទៅជាមួយប្តី ។ ការពិតនាងមានកូនតូចអាយុ៥ខែ នៅឯផ្ទះ ប្រពន្ធទៅធ្វើការរោងចក្រទុកកូនតូចឱ្យប្តីមើលនៅផ្ទះ កូនតូចម៉ឹមដោះម្តាយបានតែពេលព្រឹក និងពេលល្ងាចប៉ុណ្ណោះ ទើបកូនឃ្លានម៉ឹម តែដោយសារប្រពន្ធយល់ច្រឡំ ឬក៏ប្តីចង់ម៉ឹមមែន ទែន ក៏មិនដឹង? ទើបមិនព្រមត្រឡប់ទៅផ្ទះជាមួយប្តី ។ បុរសជាប្តីបានជិះម៉ូតូត្រឡប់ទៅផ្ទះវិញម្នាក់ឯង ហើយផ្ទះម្តាយ និងផ្ទះខាងប្តីនេះនៅចម្ងាយ២គីឡូម៉ែត្រពីគ្នា ពេលបុរសជាប្តីទៅដល់ផ្ទះអង្គុយតូចចិត្តនឹងប្រពន្ធមិនព្រមត្រឡប់មកផ្ទះជាមួយខ្លួន ក៏គិតខ្លីយកថ្នាំបំពុលសត្វល្អិតបាញ់ស្រូវផឹកអស់ជិតកន្លះដប ធ្វើឱ្យប្រកាច់បែកពពុះមាត់សន្លប់ឈឹងតែម្តង...ឥឡូវកំពុងសង្គ្រោះបន្ទាន់នៅមន្ទីរពេទ្យខេត្ត ៕ |
| ឃុំខ្លួនបណ្តោះអាសន្នមន្ត្រីកងរាជអាវុធហត្ថជាប់ពាក់ព័ន្ធផលិតចែកចាយគ្រឿងញៀន Posted: 24 Mar 2011 01:11 AM PDT  ខេត្តបន្ទាយមានជ័យ ៖ មន្ត្រីកងរាជអាវុធហត្ថខេត្តបន្ទាយមានជ័យម្នាក់មានតួនាទីជាអនុប្រធានមន្ទីរ ផែនការប្រតិបត្តិការរបស់កងរាជអាវុធហត្ថខេត្ត ត្រូវកងកម្លាំងកងរាជអាវុធហត្ថដឹកនាំផ្ទាល់ដោយលោកឧត្តមសេនីយ៍ត្រីរ័ត្ន ស្រ៊ាង មេបញ្ជាការកងរាជអាវុធហត្ថខេត្តចុះបង្ក្រាបចាប់ឃាត់ខ្លួនកាលពីវេលាម៉ោង៤និង៣០នាទីរសៀលថ្ងៃទី២៣ មីនា ២០១១ នៅចំណុចអតីតទីសត្តឃាតជ្រូក ស្ថិតក្នុងភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត ពីបទជាប់ពាក់ព័ន្ធផលិតចែកចាយគ្រឿងញៀន ។ លោកឧត្តមសេនីយ៍ត្រីរ័ត្ន ស្រ៊ាង មេបញ្ជាការកងរាជអាវុធហត្ថខេត្តបន្ទាយមានជ័យ មានប្រសាសន៍ថា បន្ទាប់ពីសមត្ថកិច្ចកងរាជអាវុធហត្ថធ្វើការបង្ក្រាបទីតាំងផលិតចែកចាយគ្រឿងញៀនដ៏ធំមួយកន្លែងក្នុងភូមិបាលិលេយ្យ សង្កាត់ប៉ោយប៉ែត ក្រុងប៉ោយប៉ែត សមត្ថកិច្ចបានធ្វើការស្រាវជ្រាវ និងឈានដល់ការឃាត់ខ្លួនលោកហាម ម៉េង អាយុ៣៧ឆ្នាំ មានតួនាទីជាអនុប្រធានមន្ទីរផែនការប្រតិបត្តិការកងរាជអាវុធហត្ថខេត្ត ។ លោកឧត្តមសេនីយ៍ត្រីមេបញ្ជាការបានមានប្រសាសន៍បញ្ជាក់ទៀតថា លោកហាម ម៉េង ត្រូវបានកម្លាំងជំនាញធ្វើការសាកសួរ និងរៀបចំសំណុំរឿងបញ្ជូនទៅសាលាដំបូងខេត្តកាលពីល្ងាចម្សិលមិញនេះ បច្ចុប្បន្នត្រូវបានសាលាដំបូងខេត្តបង្គាប់ឱ្យឃុំខ្លួនបណ្តោះអាសន្នរង់ចាំថ្ងៃបើកសវនាការកាត់ទោស ៕ |
| អាជ្ញាធរ និងសមត្ថកិច្ចសៀមមកពិនិត្យបង្គោលឡាក់ព្រំដែនលេខ៣៦ឯកតោភាគី Posted: 24 Mar 2011 12:51 AM PDT ក្រុងប៉ោយប៉ែត ៖ តាមប្រភពព័ត៌មានពីច្រកតំបន់បឹងត្រកួនស្ថិតក្នុងស្រុកថ្មពួក ខេត្តបន្ទាយមានជ័យឱ្យដឹងថា អាជ្ញាធរ និងសមត្ថកិច្ចសៀមរបស់ខេត្តស្រះកែវនៅថ្ងៃទី២៣ មីនា បានចូលមកពិនិត្យបង្គោលឡាក់ព្រំដែនលេខ៣៦ចំនួន២ដងផ្ទួនៗគ្នាដោយឯកតោភាគី និងមិនផ្តល់សេចក្តីជូនដំណឹងដល់ភាគីកម្ពុជាទេ ហើយថែមទាំងមានក្រុមប្រដាប់អាវុធមួយចំនួនមកជាមួយផង។ ជុំវិញព័ត៌មាននេះបើតាមការឱ្យដឹងពីលោកប្រាក់ សាំ ប្រធានប៉ុស្តិ៍នគរបាលព្រំដែនច្រកតំបន់បឹងត្រកួនប្រាប់កោះសន្តិភាពតាមទូរស័ព្ទថា ពិតជាមានហេតុការណ៍នោះមែន។ នៅវេលាម៉ោង៨ និង៥០នាទីព្រឹក ថ្ងៃទី២៣ មីនា ក្រុមការងារសៀមមានប៉ូលិសការពារព្រំដែនសៀមវរសេនាតូចលេខ១២៤ចំនួន១៧នាក់ ភ្ជាប់មកជាមួយអាវុធM16ចំនួន២ដើម និងអាវុធខ្លីចំនួន២ដើមបានចូលមកពិនិត្យបង្គោលឡាក់លេខ៣៦។ ក្រុមការងារមកពីខេត្តស្រះកែវនេះដឹកនាំដោយលោកអភិបាលរងខេត្ត និងស្នងការប៉ូលិសខេត្ត ព្រមទាំងសហការីចំនួន១០នាក់ និងអ្នកយកព័ត៌មាន៥នាក់។ ក្រុមនោះបានពិនិត្យចំនួន២៥នាទីក៏ត្រឡប់ទៅវិញនៅម៉ោង៩ និង១៥នាទីថ្ងៃដដែល។ លោកនាយប៉ុស្តិ៍បន្តឱ្យដឹងទៀតថា លុះដល់ម៉ោង៣រសៀលមេបញ្ជាការ មេបញ្ជាការរង វរសេនាតូចលេខ១២៤ចំនួន៦នាក់ទៅពិនិត្យបង្គោលឡាក់លេខ៣៦នេះម្តងទៀត។ ខណៈមានការចុះមកពិនិត្យចំណុចបង្គោលឡាក់លេខ៣៦ពីក្រុមការងាររបស់សៀមនេះខាងលោកបានទៅជួបទំនាក់ទំនងសួរនាំ ហើយប្រាប់ពួកគេឱ្យផ្តល់ព័ត៌មានផងមុនពេលចុះមកពិនិត្យបង្គោលឡាក់ព្រំដែន។ ពេលក្រុមការងារខាងកម្ពុជាយើងសួររកហេតុផល ភាគីសៀមប្រាប់ថា គ្រាន់តែពិនិត្យបង្គោលឡាក់ព្រំដែនប៉ុណ្ណោះ។ បង្គោលឡាក់ព្រំដែនមួយនេះស្ថិតនៅភូមិបន្ទាយមានរឹទិ្ធ ឃុំគោករមៀត ស្រុកថ្មពួក ខេត្តបន្ទាយមានជ័យឈមនឹងភូមិថៃ គឺភូមិចាប់សាន់ ឃុំថាត់ថៃ ស្រុកតាប់ប្យា ខេត្តស្រះកែវ និងមានចំងាយប្រមាណ៥០ម៉ែត្រពីច្រកតំបន់បឹងត្រកួន។ តាមប្រភពព័ត៌មានឱ្យដឹងថា ក្នុងការចូលមកពិនិត្យបង្គោលឡាក់ព្រំដែនរបស់ពួកសៀមដោយគ្មានការជូនដំណឹងនេះក៏បានធ្វើឱ្យកំលាំងជួរមុខភាគីកម្ពុជាយើងមានការប្រុងជើងការខ្ពស់ដើម្បីការពារបូរណភាពទឹកដីផងដែរ ៕ |
| អាជ្ញាធរបញ្ចេញសាច់ដុំក្តៅបង្ក្រាបរថយន្តខុសលក្ខណៈបច្ចេកទេស Posted: 24 Mar 2011 12:46 AM PDT   ខេត្តក្រចេះ ៖ ក្រោយពីមានការព្រមានធ្ងន់ៗពីសម្តេចតេជោ ហ៊ុន សែន ឱ្យបិទអាជីវកម្មក្រុមហ៊ុនដឹកជញ្ជូនឯកជនទាំងឡាយណាដែលនៅតែបំពានច្បាប់នោះ គេសង្កេតឃើញថា ក្នុងរយៈពេលប៉ុន្មានថ្ងៃនេះ អាជ្ញាធរខេត្តបានធ្វើប្រតិបត្តិការដ៏ក្តៅគគុកចុះចាប់រថយន្តតទ្រុង និងដឹកលើសទម្ងន់ដើម្បីយកទៅផាកពិន័យនិងកែសំរួលបច្ចេកទេសសាជាថ្មី។ បើគេនៅចាំមិនភ្លេចទេនោះ សម្តេចតេជោនាយករដ្ឋមន្ត្រីធ្លាប់បានចេញអនុសាសន៍រួចមកហើយពីរថយន្តធុនធ្ងន់ដែលតទ្រុងវែងខុសបច្ចេកទេស និងរថយន្តដែលដឹកលើសចំណុះបំផ្លាញផ្លូវ និងស្ពាន តែកន្លងមកឃើញធ្វើតែមួយប្រាវក៏ស្ងាត់។ លុះសម្តេចមានប្រតិកម្មថ្មីទៀតក៏ឃើញមានការចាត់វិធានការឡើងវិញ។ ចំណែកសកម្មភាពនេះសាធារណមតិសង្ឃឹមថា នឹងមិនក្លាយទៅជារឿងដដែលៗទៀតទេ រាប់ទាំងកុងត្រូលជជុះផង។ នាព្រឹកថ្ងៃទី២៣ មីនា នៅក្នុងបរិវេណមន្ទីរសាធារណការ និងដឹកជញ្ជូនខេត្តគណៈកម្មការសុវត្ថិភាពចរាចរណ៍ផ្លូវគោក ដែលមានលោកអភិបាលខេត្តជាប្រធាន និងដឹកនាំបញ្ជាអនុវត្តដោយលោកឧត្តមសេនីយ៍ត្រី ជួង ស៊ាងហាក់ ស្នងការនគរបាលខេត្ត លោកស្រេង ស្រស់ នាយកមន្ទីរសាធារណការ និងដឹកជញ្ជូនខេត្ត ព្រមទាំងមន្ត្រីនគរបាលសណ្តាប់ធ្នាប់ចរាចរណ៍ខេត្ត បានចេញប្រតិបត្តិការចាប់ឃាត់រថយន្តរបស់ក្រុមហ៊ុនដឹកជញ្ជូនស្រាបៀរ និងរថយន្តខុសលក្ខណៈបច្ចេកទេសធុនធំមួយចំនួនទៀត មកធ្វើការកាត់ទ្រុងចោលឱ្យត្រូវតាមបច្ចេកទេសដឹកជញ្ជូនសាជាថ្មីទៅតាមច្បាប់ដឹកជញ្ជូន ដោយមានការចូលរួមវាយតម្លៃពីមន្ត្រីជំនាញសាធារណការផងដែរ។ លោកស្រេង ស្រស់ នាយកមន្ទីរសាធារណការ និងដឹកជញ្ជូនខេត្តបានមានប្រសាសន៍ថា ដោយអនុវត្តតាមសេចក្តីប្រកាសរបស់ក្រសួងសាធារណការ និងដឹកជញ្ជូន តបទៅតាមអនុសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២២ មីនា គណៈកម្មការសុវត្ថិភាពចរាចរណ៍ផ្លូវគោក បានធ្វើការឃាត់រថយន្តខុសលក្ខណៈបច្ចេកទេសមួយគ្រឿង ដោយរថយន្តនោះលើកកំពស់ទ្រុងប្រវែង០.៤ម៉ែត្រ ហើយសមត្ថកិច្ចបានធ្វើការកាត់ចោល ដោយមានការចូលរួមវាយតម្លៃពីមន្ត្រីជំនាញសាធារណការ និងធ្វើកិច្ចសន្យាជាមួយម្ចាស់រថយន្តឱ្យបញ្ឈប់ការកែច្នៃរថយន្តខុសលក្ខណៈបច្ចេកទេសតទៅទៀត។ លោកឧត្តមសេនីយ៍ត្រី ជួង ស៊ាងហាក់ បានមានប្រសាសន៍ដូចគ្នាដែរថា ដោយអនុវត្តទៅតាមបទបញ្ជារបស់ប្រមុខរាជរដ្ឋាភិបាលកម្ពុជា ក្នុងនាមលោកជាអ្នកដឹកនាំបញ្ជាអនុវត្តនឹងបន្តសកម្មភាពត្រួតពិនិត្យបណ្តារថយន្តខុសលក្ខណៈបច្ចេកទេសទាំងកំពស់ ទំងន់ និងរថយន្តច្នៃគ្រប់ប្រភេទឱ្យមានសកម្មភាពគ្រប់ទីកន្លែងនៅទូទាំងខេត្ត គឺធ្វើយ៉ាងណាឱ្យដូចភ្លៀងរលឹម។ លោកស្នងការបានបញ្ជាក់ទៀតថា លោកនឹងចាត់ឱ្យមន្ត្រីនគរបាលសណ្តាប់ធ្នាប់សហការជាមួយមន្ត្រីជំនាញគមនាគមន៍ខេត្ត បន្តធ្វើការទប់ស្កាត់បណ្តារថយន្តទាំងនេះគ្រប់គោលដៅ ដើម្បីបង្កើនប្រសិទ្ធភាពឱ្យខាងតែបាន ជាពិសេសនៅតាមបណ្តាផ្លូវជាតិតាមស្រុកទូទាំងខេត្ត ៕ |
| ដាក់បំរាមគោចរក្នុងរដ្ឋធានីបួគីណា ហ្វាសូ Posted: 24 Mar 2011 12:37 AM PDT  បំរាមគោចរត្រូវបានដាក់កាលពីយប់ថ្ងៃទី២២ មក២៣ មីនា នៅទីក្រុងអៅហ្គាឌូហ្គូ រដ្ឋធានីបួគីណាហ្វាសូ ដែលនៅទីនោះប្រភពយោធាមួយលើកឡើងពីចលនាតវ៉ាមួយផ្ទុះចេញពីពួកទាហានមួយក្រុម ។ |
| ពួកលោកខាងលិចបើកការវាយប្រហារតាមអាកាសប្រឆាំងកងទ័ពលោកកាដាហ្វីទៀត Posted: 24 Mar 2011 12:37 AM PDT   កងទ័ពប្រទេសសម្ព័ន្ធមិត្តកាលពីព្រឹកថ្ងៃទី២៤ មីនា បានបើកការវាយប្រហារតាមអាកាសមួយឈុតទៀត ប្រឆាំងកងកម្លាំងរបស់មេដឹកនាំផ្តាច់ការលីប៊ី លោកមូអាម៉ា កាដាហ្វី ជាថ្ងៃទី៦ នៃការវាយប្រហារតាមអាកាសរបស់ពួកលោកខាងលិច នៅលីប៊ីក្នុងកិច្ចខិតខំប្រឹងប្រែងបញ្ឈប់រដ្ឋាភិបាលប្រទេសនេះកុំឱ្យធ្វើការវាយប្រហារប្រឆាំងជនស៊ីវិលទៀត ។ ការវាយប្រហាររបស់ប្រទេសសម្ព័ន្ធមិត្តលើកចុងក្រោយនេះគឺសំដៅតំបន់ Tajura ជាយក្រុងទ្រីប៉ូលី រដ្ឋធានីលីប៊ី ក្រោយពីកងទ័ពស្ម័គ្រស្លាប់របស់លោកកាដាហ្វី វាយប្រហារប្រឆាំងមន្ទីរពេទ្យសំខាន់មួយ ។ |
| ជនដៃដល់ប្លន់សម្លាប់ជនជាតិអ៊ីតាលី និងលួចត្រូវសមត្ថកិច្ចចាប់ខ្លួន Posted: 24 Mar 2011 12:33 AM PDT  ខេត្តព្រះសីហនុ ៖ ជនសង្ស័យម្នាក់បានត្រូវសមត្ថកិច្ចការិយាល័យកណ្តាលនគរបាលព្រហ្មទណ្ឌនៃស្នងការដ្ឋានខេត្ត ឃាត់ខ្លួនកាលពីវេលាម៉ោង៧យប់ ថ្ងៃទី២១ មីនា នៅចំណុចភូមិថ្មី (ភូមិ៣) សង្កាត់លេខ៣ ក្រុងព្រះសីហនុ ពីបទចោរកម្ម និងសម្លាប់ជនជាតិអ៊ីតាលី ។ យោងតាមលោកវរសេនីយ៍ត្រី ខេង សុផល អនុប្រធានការិយាល័យកណ្តាលនគរបាលព្រហ្មទណ្ឌខេត្តបានឱ្យដឹងថា ការឃាត់ខ្លួននេះ គឺធ្វើឡើងតាមពាក្យបណ្តឹងរបស់ជនរងគ្រោះឈ្មោះកុល វណ្ណាលី ភេទស្រី អាយុ២១ឆ្នាំ មានទីលំនៅក្រុម១៧ ភូមិ២ សង្កាត់លេខ៣ ក្រុងព្រះសីហនុ ដែលបានបាត់សំភាររួមមានទូរស័ព្ទចំនួន២គ្រឿង ម៉ាកអាយហ្វូន និងទូរស័ព្ទម៉ាកណូគៀ ចំនួន២គ្រឿង កាបូបដាក់លុយចំនួន១ ក្នុងនោះមានលុយចំនួន៩០០ដុល្លារ ក្រវិលប្លាទីនចំនួន១គូ និងក្បាលខ្សែក្រវាត់ចំនួន១ កាលពីវេលាម៉ោង២រំលងអធ្រាត្រឈានចូលថ្ងៃទី២១ មីនា។ ប្រភពដដែលបានបន្តទៀតថា ជនសង្ស័យដែលឃាត់ខ្លួននេះឈ្មោះញឹម ឡាយ ភេទប្រុស អាយុ១៩ឆ្នាំ មុខរបរ និងទីលំនៅមិនពិតប្រាកដ។ អ្វីដែលគួរឱ្យកត់សំគាល់និងជាមោទនភាពនាពេលនេះ គឺកម្លាំងជំនាញយើងបំបែកសំណុំរឿងបានចំនួន២ ក្នុងពេលតែមួយ ដែលសំណុំរឿងទី១ គឺចោរកម្ម និងសំណុំរឿងទី២ គឺប្លន់សម្លាប់ជនជាតិអ៊ីតាលី លោក RICCIARINI អាយុ៥២ឆ្នាំ កាលពីថ្ងៃទី៨ កុម្ភៈ ឆ្នាំ២០១១នៅចំណុចក្រុមទី១១ ភូមិ២ សង្កាត់លេខ៣ ក្រុងព្រះសីហនុ ។ យោងតាមចម្លើយសារភាពរបស់ជនសង្ស័យបានឱ្យដឹងថា ករណីលួចសំភារ និងប្លន់សម្លាប់ជនបរទេសនោះ គឺខ្លួនជាអ្នកប្រព្រឹត្តដោយកាលនោះខ្លួនគ្មានបំណងសម្លាប់ទេគឺចូលក្នុងផ្ទះជនបរទេសនោះក្នុងបំណងលួចសំភារ តែដោយសារជនបរទេសតដៃខ្លួនក៏យកឈើជ្រុងវាយសម្លាប់តែម្តង ។ បន្ទាប់ពីសម្លាប់រួច ខ្លួនក៏ប្រមូលលុយ ទូរស័ព្ទដៃ និងកុំព្យូទ័រយួរដៃមួយគ្រឿង ។ ជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ៕ |
| ឪពុកម្តាយខាងប្រុសយឺតយាវត្រូវខាងស្រីចោទប្រកាន់ថា ចាប់រំលោភ Posted: 24 Mar 2011 12:11 AM PDT  ខេត្តកំពង់ធំ ៖ យុវជនម្នាក់ត្រូវបានភាគីខាងស្រីប្ដឹងសមត្ថកិច្ចចោទប្រកាន់ពីបទរំលោភសេពសន្ថវៈ ខណៈដែលគ្រាន់តែយុវជនខាងលើនេះ សុំពន្យារពេលរៀបចំពិធីសែនព្រេន ដោយសារឪពុកម្ដាយរបួសខ្លួននៅខេត្តឆ្ងាយមិនទាន់ធ្វើដំណើមកដល់។ ហេតុការណ៍ភាគីខាងស្រីដាក់ពាក្យប្ដឹងនេះ ត្រូវបានសមត្ថកិច្ចនគរបាលស្រុកបារាយណ៍ឱ្យដឹងថា យោងតាមពាក្យបណ្ដឹងរបស់នារីឈ្មោះ ប.គ.ស អាយុ១៨ឆ្នាំ ទីលំនៅភូមិចតុលោក ឃុំបារាយណ៍ ស្រុកបារាយណ៍ បានបញ្ជាក់ថា កាលពីវេលារំលងអធ្រាត្រឈានចូលថ្ងៃទី២១ មីនា ២០១១ ពេលដែលនារីរូបនេះត្រឡប់មកពីមើលគេរាំធុងបាស់វិញ ក៏បានអង្គុយលេងនៅលើអង្រឹងក្រោមផ្ទះរបស់បងស្រីជាមួយយុវជនឈ្មោះវុន បញ្ញា ហៅយ៉ា អាយុ២៤ឆ្នាំ មានទីលំនៅភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង បច្ចុប្បន្នស្នាក់នៅស៊ីឈ្នួលបោកស្រូវឱ្យគេនៅក្នុងភូមិចតុលោក ឃុំបារាយណ៍ ពេលនោះជនជាប់ចោទក៏ធ្វើសកម្មភាពចាប់រំលោភនៅលើអង្រឹងតែម្ដង។ ដោយឡែកស្ត្រីជាម្ចាស់ផ្ទះត្រូវជាបងស្រីរបស់នារីរងគ្រោះបានបំភ្លឺប្រាប់សមត្ថកិច្ចថា នៅយប់នោះខ្លួនបានលឺសំលេងរអ៊ូៗ ក៏មើលតាមចន្លោះប្រហោងរនាបផ្ទះ ពេលនោះក៏បានឃើញជនជាប់ចោទកំពុងធ្វើសកម្មភាពរំលោភប្អូនស្រី ហើយខ្លួនក៏ស្រែកសួរ និងផ្អើលឆោឡោឡើង។ ជាមួយការចោទប្រកាន់របស់គ្រួសារនារីរងគ្រោះខាងលើនេះ សាក្សីពីរនាក់ដែលធ្លាប់បានដឹងរឿងរវាងអ្នកទាំងពីរបាននិយាយថា កន្លងមក អ្នកទាំងពីរធ្លាប់មានទំនាក់ទំនងស្រឡាញ់គ្នា ប៉ុន្តែទំនងជាបងស្រីនាងមិនដឹងរឿងប្អូន ឬអាចនិយាយថា ទំនងជាខ្លាចខាងប្រុសក្រឡាស់សម្តីឪពុកម្ដាយ មិនព្រមមករៀបចំសែនព្រេន ទើបមានការចោទប្រកាន់ថារំលោភ។ ដោយឡែកឪពុកខាងប្រុសវិញបានប្រាប់នគរបាលថា គាត់គ្មានចេតនាបោកប្រាស់ ឬក្រឡាស់សម្តីឡើយ គឺរង់ចាំតែរួចរាល់ការងារបន្តិចតែប៉ុណ្ណោះ ហើយបើកូនប្រុសគាត់មានបំណងរត់គេចប្រហែលជាគេរត់តាំងពីយូរមកហើយ។ នៅឯអធិការនគរបាលស្រុកបារាយណ៍ ក្រោយសមត្ថកិច្ចបានឃាត់ខ្លួនជនជាប់ចោទភាគីនារីរងគ្រោះបានធ្វើការទាមទារសំណងប្រាក់ជាងមួយពាន់ដុល្លារពីខាងប្រុស ប៉ុន្តែភាគីខាងប្រុសគ្មានលទ្ធភាព ទើបរឿងរ៉ាវនេះឈានដល់ការបញ្ជូនខ្លួន៕ |
| ជនជាតិអឺរ៉ុប៧នាក់ចាប់ពង្រត់នៅភាគខាងកើតលីបង់ Posted: 24 Mar 2011 12:10 AM PDT អ្នកជិះកង់ជាជនជាតិអឺរ៉ុប៧នាក់ត្រូវបានចាប់ពង្រត់កាលពីថ្ងៃទី២៣ មីនា នៅភាគខាងកើតលីបង់។ ព័ត៌មានច្បាស់លាស់អំពីការចាប់ពង្រត់ពួកគេនៅតែជាអាថ៌កំបាំង។ |
| នាយករដ្ឋមន្ត្រីព័រទុយហ្គាល់សុំលាលែងពីតំណែង Posted: 24 Mar 2011 12:09 AM PDT  ក្រោយពាក្យចចាមអារ៉ាមជាច្រើនថ្ងៃមកទីបំផុតនាយប់ថ្ងៃទី២៣ មីនា ព័ត៌មានអំពIការសុំលាលែងរបស់នាយករដ្ឋមន្ត្រីព័រទុយហ្គាល់លោក JOSE SOCRATES ត្រូវបានអះអាងខណៈដែលពួកប្រឆាំងទាំងអស់ក្នុងសភាដែលមានសម្លេងភាគច្រើនបានបដិសេធកម្មវិធីស្តារសេដ្ឋកិច្ចរបស់នាយករដ្ឋមន្ត្រី ។ មិនដល់២ម៉ោងផង ក្រោយការបដិសេធនោះនាយករដ្ឋមន្ត្រីព័រទុយហ្គាល់រូបនេះបានប្រកាសពីការសុំលាលែងរបស់លោក ។ |
| បើកម៉ូតូបុកចំពាក់កណ្តាលរថយន្តរបួសធ្ងន់ម្នាក់ Posted: 24 Mar 2011 12:00 AM PDT  ខេត្តបន្ទាយមានជ័យ ៖ ម៉ូតូមួយគ្រឿងបានបើកទៅបុករថយន្តចំពាក់កណ្តាលរថយន្តខណៈពេលកំពុងបត់ បណ្តាលឱ្យអ្នកបើកម៉ូតូរងរបួសធ្ងន់ធ្ងរ ។ ហេតុការណ៍នេះ បានកើតឡើងនៅវេលាម៉ោង៣និង៤០នាទីរសៀលថ្ងៃទី២៣ មីនា ឆ្នាំ២០១១ លើផ្លូវជាតិលេខ៦ ចម្ងាយ១០គីឡូម៉ែត្រ ពីផ្លូវចូលស្នងការដ្ឋាននគរបាលខេត្តបន្ទាយមានជ័យ ស្ថិតនៅក្នុងភូមិតារាងបាល់ សង្កាត់ព្រះពន្លា ក្រុងសិរីសោភ័ណ ។ ចំពោះរថយន្តដែលបង្កម៉ាកហ៊ីយ៉ាន់ដាយ ពណ៌ស-បៃតង ផ្ទុកទំនិញធុនធ្ងន់ បើកបរដោយឈ្មោះជឺង ប៊ុនដារ៉ា ភេទប្រុស អាយុ២១ឆ្នាំ មានទីលំនៅភូមិបឹងខ្នារ ឃុំបឹងខ្នារ ស្រុកបាកាន ខេត្តពោធិ៍សាត់ ។ ចំណែកម៉ូតូម៉ាកហុងដា ឌ្រីម ធុន C125 ពណ៌ខ្មៅ ស៊េរី២០១០ បើកបរដោយឈ្មោះវ៉ាន់ សល ភេទប្រុស អាយុ៣២ឆ្នាំ នៅភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។ បើតាមការឱ្យដឹងពីសាក្សីនៅកន្លែងកើតហេតុនិយាយថា មុនពេលកើតហេតុ រថយន្តបង្កបានបើកបរក្នុងទិសដៅពីលិចទៅកើត ពេលមកដល់ចំណុចខាងលើបានឈប់ចត បន្ទាប់មកក៏បើកបត់ក្បាលត្រឡប់មកក្រោយវិញ ទើបបានពាក់កណ្តាលថ្នល់ ស្របពេលនោះ អ្នកបើកបរម៉ូតូមកដល់ចាប់ហ្វ្រាំងមិនទាន់ក៏ជ្រុលទៅបុកចំពាក់កណ្តាលរថយន្តបណ្តាលឱ្យមនុស្ស និងម៉ូតូដួលនៅជាប់នឹងរថយន្តរងរបួសបែកក្បាលផ្នែកខាងក្រោយ សន្លប់ធំ ហើយត្រូវបានរថយន្តសង្គ្រោះរបស់ស្នងការដ្ឋានដឹកទៅសង្គ្រោះភ្លាមៗនៅមន្ទីរពេទ្យផងដែរ ។ តាមប្រភពពីមន្ត្រីប៉ូលិសចរាចរខេត្តបានឱ្យដឹងថា មូលហេតុដែលនាំឱ្យគ្រោះថ្នាក់នេះគឺ បណ្តាលមកពីអ្នកបើកបររថយន្តមុនពេលបត់មានការធ្វេសប្រហែស ឯអ្នកបើកបរម៉ូតូក៏បើកល្បឿនលឿនមិនមើលឧបសគ្គខាងមុខ ម្យ៉ាងទៀត មានមួកសុវត្ថិភាព ហើយបែរជាមិនពាក់ដាក់ទុកនៅនឹងកន្ត្រកម៉ូតូទៅវិញ នេះជាមេរៀនដល់ប្រជាពលរដ្ឋដែលមានមួកសុវត្ថិភាពហើយមិនពាក់។ បច្ចុប្បន្នវត្ថុតាងបង្កគ្រោះថ្នាក់សមត្ថកិច្ចយកមករក្សាទុកនៅការិយាល័យចរាចរណ៍ជើងគោកខេត្តរង់ចាំការដោះស្រាយតាមនីតិវិធី ៕ |
| វាយប្រហារអត្តឃាតនៅភាគពាយ័ព្យប៉ាគីស្ថានស្លាប់5នាក់ Posted: 23 Mar 2011 11:59 PM PDT មនុស្ស៥នាក់បានត្រូវស្លាប់ និង២៥នាក់ទៀតរងរបួសក្នុងការវាយប្រហារអត្តឃាតដោយការបំផ្ទុះគ្រាប់បែកបង្កប់ក្នុងរថយន្តនៅប៉ុស្តិ៍ប៉ូលិសមួយក្នុងទីក្រុង Hangu ភាគពាយ័ព្យប៉ាគីស្ថាន កាលពីព្រឹកថ្ងៃទី២៤ មីនា កន្លងមក ។ តាមរបាយការណ៍មួយថា ការវាយប្រហារនេះកើតឡើងនៅវេលាម៉ោង៧និង៣៥នាទីព្រឹកម៉ោងក្នុងស្រុកដោយរថយន្តបង្កប់គ្រាប់បែកមួយគ្រឿងចតក្បែរប៉ុស្តិ៍ប៉ូលិសនោះត្រូវបានបំផ្ទុះ ។ |
| គ្រោះថ្នាក់រថយន្តប៊ឺសបុកជាមួយរថភ្លើងនៅភាគឦសានចិនស្លាប់10នាក់ Posted: 23 Mar 2011 11:59 PM PDT មនុស្សយ៉ាងហោចណាស់១០នាក់ បានស្លាប់បាត់បង់ជីវិត និងជាង៥០នាក់ទៀតរងរបួសកាលពីព្រឹកថ្ងៃទី២៤ មីនា នៅក្នុងគ្រោះថ្នាក់ចរាចរណ៍ដ៏រន្ធត់មួយដោយរថយន្តប៊ឺសមួយគ្រឿងបុកគ្នាជាមួយរថភ្លើងមួយខ្សែនៅភាគឦសានចិន ។ |
| កាប់គាវត្នោតធ្វើអុសដុតរបូតផ្លែកាំបិតធ្លាក់បុកបែកខ្ទេចគ្រាប់ភ្នែកម្ខាង Posted: 23 Mar 2011 11:46 PM PDT  ខេត្តស្វាយរៀង ៖ គ្រោះអកុសលមួយបានធ្វើឱ្យស្ត្រីម្នាក់ឈ្មោះសំពៅ អាយុ៥០ឆ្នាំ របួសបែកគ្រាប់ភ្នែកខាងស្តាំខ្ទេចដោយសារយកកាំបិតផ្គាក់កាប់គាវត្នោតយកទៅធ្វើអុសដុត ហើយបានរបូតផ្លែកាំបិតនោះចេញពីដង ហើយខ្ទាតមកបុកចំភ្នែក ។ បើតាមបុរសឈ្មោះសួន ឃុន អាយុ៤៤ឆ្នាំ ជាប្តីស្ត្រីរងគ្រោះបានប្រាប់ឱ្យដឹងថា ហេតុការណ៍អាក្រក់នេះកើតឡើងនៅភូមិពោធិ៍រស់ ឃុំបាសាក់ ស្រុកស្វាយជ្រំ កាលពីវេលាម៉ោង១ រសៀលថ្ងៃទី២២ មីនា ។ បុរសជាប្តីបន្តថា ក្រោយពីទទួលទានអាហារថ្ងៃត្រង់រួច ប្រពន្ធគាត់បានយកកាំបិតផ្គាក់ចេញទៅរកកាប់អុសលុះដើរដល់ខាងកើតផ្ទះ ប្រមាណជា១០០ម៉ែត្រ ក៏បានឃើញដើមត្នោតមួយដើមមានគាវងាប់កំពស់ប្រហែលជាពីរម៉ែត្រក៏ឈរឈោងដៃទៅចាប់ទាញគាវត្នោត ហើយយកកាំបិតផ្កាក់កាប់ផ្តាច់ទៅលើគាវត្នោតនោះ ស្រាប់តែរបូតផ្លែកាំបិតចេញពីដងខ្ទាតធ្លាក់មក បណ្តាលឱ្យទន្សាកាំបិតបុកចំគ្រាប់ភ្នែកមុតលិចបែកខ្ទេចតែម្តង។ ពេលនេះស្ត្រីរងគ្រោះទួញថ្ងូរលាន់ឮយ៉ាងខ្លាំងផ្អើលអ្នកភូមិរត់មកមើល ក៏ឃើញប្រពន្ធគាត់ដេកដួលទៅលើដីដោយឈាមហូរចេញតាមគ្រាប់ភ្នែកក្រហមច្រាលក្បែរគល់ត្នោតសន្លប់ស្តូកស្តឹង ទើបលើកដាក់លើម៉ូតូដឹកមកកាន់មន្ទីរពេទ្យខេត្ត ។ គ្រូពេទ្យក៏បានធ្វើការវះកាត់ជាបន្ទាន់ផងដែរ ។ បុរសជាប្តីបន្តទៀតថា រូបគាត់និងប្រពន្ធមានកូន៩នាក់ ស្រី៥នាក់ មានជីវភាពក្រីក្រ មិនគួរជួបហេតុការណ៍ដ៏អាក្រក់ដូច្នេះទេ ៕ |
| ការទទួលទានការ៉េមកីអាចបញ្ជាក់ពីអត្តចរិត Posted: 23 Mar 2011 11:32 PM PDT  យល់ដឹង ៖ *ខាំការ៉េមកី ៖ នៅពេលទទួលទានការ៉េមកីខាំទទួលទានតែម្តង គឺជាមនុស្សមានអត្តចរិតរឹងទទឹង ឆេវឆាវ មិនសូវមានភាពអត់ធ្មត់ ។ ជាប្រភេទមនុស្សត្រូវធ្វើការកែប្រែអត្តចរិតយ៉ាងពិបាក ចំណុចល្អជាមនុស្សឧស្សាហព្យាយាមប្រកបរបររកស៊ី ជាទីពឹងពាក់របស់មនុស្សនៅជិតខាងបាន ។ *ទទួលទានយ៉ាងសន្សឹមៗ រហូតការ៉េមកីរលាយស្រក់ចុះ ៖ ចំពោះអ្នកទទួលទានបែបនេះ ជាមនុស្សមានមនោសញ្ចេតនា ចូលចិត្តនឹកស្រមៃទៅពេលអនាគត ឬជាមនុស្សដែលមិនគិតពីរឿងអតីតកាលដែលស្រស់ស្រាយ។ មានចរិតនិស្ស័យទន់ភ្លន់ រួញរា មិនសម្រេចឱ្យដាច់ទៅលើការងារអ្វីមួយ ប៉ុន្តែការងាររបស់ខ្លួនដែលធ្វើនោះ គឺទទួលបានផលល្អ។ *ខាំកកេរការ៉េមកីនៅជុំវិញដើម ៖ ប្រសិនបើមានអាការទទួលទានក្នុងលក្ខណៈបែបនេះ នឹងជាមនុស្សមាននិស្ស័យរារែក មិនទុកចិត្តលើអ្នកណាម្នាក់ដោយងាយទេ។ ជាប្រភេទមនុស្សប្រុងប្រយ័ត្នខ្ពស់ ប៉ុន្តែជាមនុស្សមានសម្ព័ន្ធភាពល្អ ពូកែនិយាយស្តី បណ្តាការងារមានលក្ខណៈហ្មត់ចត់មានផែនការ ឬគម្រោងទុកជាមុន អាចដោះស្រាយបញ្ហាយ៉ាងមានរបៀបរៀបរយល្អ គួរបំពេញតួនាទីលើផ្នែកគ្រប់គ្រងបាន។ *ទទួលទានតាមរបៀបលិទ្ធ ៖ អ្នកដែលចូលចិត្តបរិភោគការ៉េមកីដោយការលិទ្ធ ជាមនុស្សចូលចិត្តភាពសប្បាយរីករាយ មិនរវីរវល់ ឬប្រាកដប្រជាលើវត្ថុអ្វីមួយឱ្យបានច្បាស់លាស់។ អ្វីៗគ្រប់យ៉ាងមានលក្ខណៈល្អ ប្រសើរ ចូលចិត្តជួបមនុស្សជាច្រើន និងចូលចិត្តលើវត្ថុចំលែកថ្មីមិនធ្លាប់បានឃើញពីមុនមកហើយ ចង់ឱ្យអ្នកផ្សេងមើលឃើញថា ខ្លួនជាមនុស្សសំខាន់។ *ខាំការ៉េមកីចាប់ពីគល់មុន ៖ ការទទួលទានបែបនេះជាមនុស្សដែលមើលឃើញប្រយោជន៍របស់ខ្លួនខ្ពស់ជាងអ្នកដទៃ មិនចូលចិត្តធ្វើតាមអ្វីដែលគេប្រាប់ ឬធ្វើតាមតម្រាប់គេ។ ជាមនុស្សបំពេញការងារអ្វីៗដែលខ្លួនពេញចិត្ត ប៉ុន្តែអ្នកផ្សេងយល់ថា ជាមនុស្សមិនគួរឱ្យទុកចិត្ត ចូលចិត្តក្តីរំភើប ប្រសិនបើមានសភាពប្រថុយប្រថាននឹងគ្រោះថ្នាក់ ៕ |
| អគ្គីភ័យបានឆាបឆេះផ្ទះ៣ខ្នងនៅក្រុម៥ ភូមិចំការកៅស៊ូ ឃុំជើងគោ ស្រុកព្រៃនប់ យប់មិញនេះ Posted: 23 Mar 2011 08:58 PM PDT   ខេត្តព្រះសីហនុ ៖ សំឡេងស្រែកទ្រហោយំទួញសោកទាំងកណ្តាលរាត្រី លាយឡំនឹងសំឡេងផ្ទុះផែះផស់ដោយសារតែព្រះអគ្គីប្រឹងលេបត្របាក់លំនៅឋាន៣ខ្នង ដែលសង់នៅក្បែរគ្នា ធ្វើឱ្យមនុស្សម្នារាប់រយនាក់នាំគ្នាផ្អើលឆោឡោទាំងកណ្តាលអធ្រាត្រងងឹតឈឹង កាលពីវេលាម៉ោង១២និង៣០នាទីឈានចូលថ្ងៃទី២៤ មីនា ២០១១ ស្របតាមបណ្តោយផ្លូវជាតិលេខ៤ ត្រង់ចំណុចក្រុមទី៥ ភូមិចំការកៅស៊ូ ឃុំជើងគោ ស្រុកព្រៃនប់ ។ លំនៅឋានប្រជាពលរដ្ឋទាំង៣ខ្នងនេះត្រូវបានព្រះអគ្គីបំផ្លាញទាំងស្រុងគ្មានសល់ សូម្បីតែសម្លៀកបំពាក់ ក៏យកមិនទាន់ដែរ ប៉ុន្តែពុំបណ្តាលឱ្យមនុស្សណាម្នាក់រងរបួសឡើយ ។ គ្រួសារជនរងគ្រោះមាន១-ឈ្មោះទន់ ប៊ុន ភេទប្រុស អាយុ៤៨ឆ្នាំ ផ្ទះខ្ពស់៣ខ្នង ជញ្ជាំងក្តារ ប្រក់ស័ង្កសី ទំហំ៧ម៉ែត្រគុណ១៣ម៉ែត្រ ឆេះទាំងស្រុង ២-ឈ្មោះទន់ កៅ ភេទប្រុស អាយុ៨១ឆ្នាំ ផ្ទះដូចគ្នាឆេះទាំងស្រុង និង៣-ឈ្មោះទី គៀត ភេទប្រុស អាយុ៥០ឆ្នាំ ផ្ទះដូចគ្នា ឆេះទាំងស្រុង...ផ្ទះរបស់ឈ្មោះទន់ កៅ និងផ្ទះរបស់ឈ្មោះទី គៀត នេះគឺមានជញ្ជាំងតែមួយមានទទឹងបណ្តោយដូចគ្នាទាំង៣គ្រួសារ ។ ព័ត៌មានជំហានដំបូងពុំមាននរណាដឹងពីមូលហេតុពិតប្រាកដនៃការឆាបឆេះនោះទេ គ្រាន់តែដឹងថា ភ្លើងឆេះចេញពីផ្ទះរបស់ឈ្មោះទី គៀត ផ្នែកខាងលើ គេសង្ស័យតៗគ្នាថា បណ្តាលមកពីទុស្សេខ្សែភ្លើង ។ ភ្លាមៗនោះ គេឃើញមានរថយន្តពន្លត់អគ្គីភ័យរបស់អធិការដ្ឋានប៉ូលិសស្រុកទៅជួយបាញ់ទឹកពន្លត់ តែពុំអាចជួយបាន ព្រោះអំណាចភ្លើងឆេះខ្លាំង ហើយម្យ៉ាងវិញទៀត លំនៅឋាននៅនឹងចំណុចឆេះនោះមានចំនួន៥ខ្នងនៅជាប់ៗគ្នា ចន្លោះតែ២ទៅ៣ម៉ែត្រកន្លះពីគ្នាប៉ុណ្ណោះ ដែលធ្វើឱ្យងាយស្រួលឆេះរាលដាល ៕ |
| ប្រមុខមន្ទីរប៉ង់តាហ្គោនអញ្ជើញទៅកាន់អេហ្ស៊ីបជាលើកដំបូង Posted: 23 Mar 2011 08:55 PM PDT  រដ្ឋមន្ត្រីការពារប្រទេសអាមេរិក លោករ៉ូប៊ែត ហ្គេត បានអញ្ជើញទៅដល់ប្រទេសអេហ្ស៊ីប កាលពីល្ងាចថ្ងៃទី២៣ មីនា កន្លងមក សម្រាប់ដំណើរទស្សនកិច្ចលើកដំបូងរបស់លោកនៅប្រទេសនេះ ចាប់តាំងពីពួកបាតុករបង្ខំឱ្យសម្ព័ន្ធមិត្តអាមេរិក លោកប្រធានាធិបតីហូស្នី មូ បារ៉ាក់ ដែលកាន់អំណាចអស់រយៈពេលយ៉ាងយូរ ចុះចេញពីតំណែងមក ។ វាក៏ជាការឈប់សំចតលើកដំបូងរបស់លោករ៉ូប៊ែត ហ្គេត នៅក្នុងតំបន់ចាប់តាំងពីសហរដ្ឋអាមេរិក និងប្រទេសជាសម្ព័ន្ធមិត្ត បើកការវាយប្រហារតាមអាកាសប្រឆាំងមេដឹកនាំផ្តាច់ការលីប៊ី លោកមូអាម៉ា កាដាហ្វី មក ។ |
| វាយប្រហារភេរវកម្មនៅហ្សេរុយសាឡឹមស្លាប់ម្នាក់របួស24នាក់ Posted: 23 Mar 2011 08:51 PM PDT  គ្រាប់បែកមួយគ្រាប់បានផ្ទុះកាលពីថ្ងៃទី២៣ មីនា នៅចំណតរថយន្តបឺសមួយ ដែលមានមនុស្សច្រើនកុះករនាកណ្តាលទីក្រុងហ្សេរុយសាឡឹម បណ្តាលឱ្យមនុស្សស្លាប់ម្នាក់ និងរបួស២៤នាក់ ។ |
| ប៉ះទង្គិចគ្នាលើកចុងក្រោយរវាងកងកម្លាំងសន្តិសុខ និងបាតុករនៅស៊ីរីស្លាប់15នាក់ Posted: 23 Mar 2011 08:51 PM PDT  អំពើហិង្សារវាងកងកម្លាំងសន្តិសុខជាមួយនឹងបាតុករប្រឆាំងរដ្ឋាភិបាលនៅប្រទេសស៊ីរីមានការកើនឡើងកាន់តែខ្លាំងកាលពីថ្ងៃទី២៣ មីនា កន្លងមក ញ៉ាំងឱ្យមានការប៉ះទង្គិចគ្នាបណ្តាលឱ្យស្លាប់មនុស្ស១៥នាក់ នៅក្រុង Daraa ។ តាមប្រភពព័ត៌មានថា ការប៉ះទង្គិចគ្នាបណ្តាលឱ្យស្លាប់មនុស្ស១៥នាក់នោះ ធ្វើឱ្យរដ្ឋាភិបាលបណ្តេញអភិបាលក្រុង Daraa ចេញពី |
| ឃាត់ខ្លួនបុរស៣នាក់សង្ស័យសម្លាប់មនុស្សនៅស្រុកកណ្តាលស្ទឹង Posted: 23 Mar 2011 08:36 PM PDT  ខេត្តកណ្តាល ៖ ជនសង្ស័យបីនាក់ត្រូវសមត្ថកិច្ចប៉ូលិសស្រុកកណ្តាលស្ទឹងឃាត់ខ្លួនកាលពីល្ងាចថ្ងៃទី២១ មីនា ពីបទជាប់ពាក់ព័ន្ធរឿងសម្លាប់បុរសម្នាក់កាលពីវេលាម៉ោង៩យប់ថ្ងៃទី២០ មីនា នៅចំណុចប្រឡាយលេខ៦៣ ស្ថិតក្នុងភូមិក្រាំងទ្រា ឃុំព្រះពុទ្ធ ស្រុកកណ្តាលស្ទឹង ។ ជនសង្ស័យទាំងបីនាក់នោះ១-ឈ្មោះកែប ភារុំ អាយុ២៨ឆ្នាំ រស់នៅភូមិគងនយ សង្កាត់គងនយ ខណ្ឌដង្កោ រាជធានីភ្នំពេញ ជាកសិករ ២-ឈ្មោះអ៊ឹម ខ្លា អាយុ២៦ឆ្នាំ ជាកម្មកររោងចក្រ និងទី៣-ឈ្មោះដាំ សំរេច អាយុ៣២ឆ្នាំ ជាកសិករ អ្នកទាំងពីររស់នៅភូមិក្រាំងក្រូច សង្កាត់ទៀន ខណ្ឌដង្កោ រាជធានីភ្នំពេញ។ ចំណែកអ្នកស្លាប់ឈ្មោះសំ ចិន្តា អាយុ២៨ឆ្នាំ ជាអ្នកដើរទិញគោ មានទីលំនៅក្នុងភូមិព្រៃទទឹង ឃុំត្រពាំងវែង ស្រុកកណ្តាលស្ទឹង។ នៅព្រឹកថ្ងៃទី២០ មីនា ឈ្មោះសំ ចិន្តា បានទៅលេងផ្ទះម្តាយនៅភូមិបិនបោរ ឃុំព្រះពុទ្ធ ហើយវេលាម៉ោង៥ល្ងាចបានចូលរួមផឹកស៊ី ជាមួយប្អូនប្រុស និងមិត្តភក្តិ៥នាក់ទៀតរហូតដល់ម៉ោង៦ល្ងាច ទើបបែកគ្នា ។ នៅវេលាម៉ោង៩យប់ ឈ្មោះសំ ចិន្តាកាន់ពូថៅ និងបក្សពួកម្នាក់ទៀតកាន់កាំបិតផ្គាក់ទៅភូមិក្រាំងក្រូច សង្កាត់ទៀន ឃើញឈ្មោះជា បុរី ហៅគោ អាយុ១៩ឆ្នាំ ជាប្អូនប្រុសរបស់ឈ្មោះអ៊ឹម ខ្លា កំពុងអង្គុយផឹកស៊ីជាមួយបក្សពួកជាច្រើននាក់ទៀតក្នុងនោះមានជនសង្ស័យទាំងបីនាក់ផងដែរ នៅផ្ទះឈ្មោះតុង រី ។ ភ្លាមនោះឈ្មោះសំ ចិន្តា ដើរចូលទៅកាប់ឈ្មោះជា បុរី ហៅគោ មួយពូថៅត្រង់កញ្ចឹងក ។ ឃើញដូច្នេះឈ្មោះដាំ សំរេច ដែលអង្គុយក្នុងវង់ផឹកស៊ីបានស្ទុះជួយក៏ត្រូវបក្ខពួករបស់សំ ចិន្តា គ្រវាសត្រូវមួយកាំបិតត្រង់កែងដៃខាងឆ្វេង។ ក្នុងពេលនោះពួកអ្នកផឹកស៊ីបាននាំគ្នាស្រែកចោទទៅលើឈ្មោះសំ ចិន្តា ថាចោរៗផ្អើលប្រជា ពលរដ្ឋប្រមាណពី១០ ទៅ២០នាក់ ប្រដាប់ដោយកាំបិត ដំបងនិងដុំថ្ម ដេញវាយឈ្មោះសំ ចិន្តា និងបក្សពួកតាមខ្នងប្រឡាយ៦៣។ ទីបំផុត ក្រុមនោះបានកាប់ និងវាយឈ្មោះសំ ចិន្តា រហូតស្លាប់ក្នុងថ្លុកឈាម ។ ជនសង្ស័យទាំងបីនាក់បានសារភាពថា ពួកគេមិនបានទៅដល់កន្លែងឈ្មោះសំ ចិន្តា ស្លាប់ទេ គឺនៅយប់នោះពួកគេកំពុងអង្គុយផឹកស៊ី ស្រាប់តែឈ្មោះសំ ចិន្តា កាន់ពូថៅ និងបក្សពួកម្នាក់ទៀតកាន់កាំបិតផ្គាក់មកកាប់ឈ្មោះជា បុរី។ ពេលផ្អើលឆោឡោឡើងស្រែកថាចោរៗនោះប្រជាពលរដ្ឋដេញតាមក្រុមរបស់ឈ្មោះសំ ចិន្តា ចំណែកពួកគេ ក៏បានដេញតាមដែរ តែដេញបានប្រហែល១០០ម៉ែត្រ ក៏ត្រឡប់ក្រោយវិញ ។ ពួកគេបានយកឈ្មោះជា បុរី ហៅគោ ទៅមន្ទីរពេទ្យដើម្បីព្យាបាល ។ លុះមួយម៉ោងក្រោយមកឮថា សំ ចិន្តា ត្រូវគេវាយស្លាប់នៅប្រឡាយ៦៣ ទៅលើឈ្មោះសំ ចិន្តា ថាចោរៗផ្អើលប្រជា ពលរដ្ឋប្រមាណពី១០ ទៅ២០នាក់ ប្រដាប់ដោយកាំបិត ដំបងនិងដុំថ្ម ដេញវាយឈ្មោះសំ ចិន្តា និងបក្សពួកតាមខ្នងប្រឡាយ៦៣។ ទីបំផុត ក្រុមនោះបានកាប់ និងវាយឈ្មោះសំ ចិន្តា រហូតស្លាប់ក្នុងថ្លុកឈាម ។ ជនសង្ស័យទាំងបីនាក់បានសារភាពថា ពួកគេមិនបានទៅដល់កន្លែងឈ្មោះសំ ចិន្តា ស្លាប់ទេ គឺនៅយប់នោះពួកគេកំពុងអង្គុយផឹកស៊ី ស្រាប់តែឈ្មោះសំ ចិន្តា កាន់ពូថៅ និងបក្សពួកម្នាក់ទៀតកាន់កាំបិតផ្គាក់មកកាប់ឈ្មោះជា បុរី ពេលផ្អើលឆោឡោឡើងស្រែកថាចោរៗផ្អើលប្រជាពលរដ្ឋដេញតាមក្រុមរបស់ឈ្មោះសំ ចិន្តា ចំណែកពួកគេ ក៏បានដេញតាមដែរ តែដេញបានប្រហែល១០០ម៉ែត្រ ក៏ត្រឡប់ក្រោយវិញ ។ ពួកគេបានយកឈ្មោះជា បុរី ហៅគោ ទៅមន្ទីរពេទ្យដើម្បីព្យាបាល ។ លុះមួយម៉ោងក្រោយមកឮថា សំ ចិន្តា ត្រូវគេវាយស្លាប់នៅប្រឡាយ៦៣ ៕ |
| You are subscribed to email updates from Koh Santepheap Daily To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
